TvQuran

٢٠٠٨-٠٣-١٣

كل سنة وأنتِ حبيبتي

مدونتي حبيبتي انهارده بتطفي اول شمعه ليها


كل سنة وانتِ طيبه يا مدونتي يا حبيبتي

كل سنة وأنتِ لقلبي مصدر النور

كل سنة وأنتِ لروحي مصدر الفرح

كل سنة وانتِ ماليه عليّ الدنيا

عدت سنه بحالها واحنا مع بعض بقيت خلاص ماقدرش استغني عنها ابدا ، من خلالها اتعرف علي احلي ناس ، واحلي صحبه ، اتعرفت علي افكارهم ، معتقداتهم ، قراءاتهم ، قناعتهم ، اثروا فيا كتير ويمكن اكون اثرت فيهم شويه وماعدتش اقدر استغني عن حد فيهم

رجعت قريت كل اللي كتبته في السنه اللي فاتت ، يمكن ماتكونش حاجات حلوه اوي يمكن يكون فيها موضوعات خلت ناس تاخد موقف ضد المدونه عموما وترفض الدخول هنا مره تانيه ، يمكن فيها موضوعات ضحكت ناس وموضوعات ابكت ناس ، يمكن كان فيها حاجات ساذجه ومش علي المستوي المطلوب ،

بس في الاول والآخر مدونتي يعني انا ، وبتعبر عني انا مش حد تاني

قبل ما اعمل مدونة كانت ليا متابعات مستمره لعدد كبير جدا من المدونات ، و قبل خمسة فضفضة بفتره طويله كانت ليا مدونة علي مكتوب مش عارفه ليه مانسجمتش معاها ولا مع مدونات مكتوب عموما ،و حتي لما بتبقي المدونه لواحد مصري ماحسيتش فيها بالنكهه المصريه اللي بلاقيها علي بلوجر

المنتديات اللي كانت اماكني الاولي علي النت خلاص ماعدش ليها مكان علي خريطتي وحتي من قبل ما افتح المدونه ، الا بعض الزيارات المتفرقه لمنتديات صيدلانيه كنت مشتركه فيها بقوه من فتره ، بس مش عارفه ليه فقدت احساس الألفه اللي كنت بحسه معاها ، يمكن لانها اتشعبت لاقسام عده ، يمكن عشان الوجوه اتغيرت ...؟؟؟؟

بس اقدر اقول اني لقيت اللي بادور عليه في المدونات ، اللي بقت بالنسبه لي متنفس جيد جدا ونافذه واسعه تطل علي فضاء كبير اقدر من خلاله اني استمر في الكتابه بالشكل اللي انا عاوزاه وفي المواضيع اللي انا عاوزاها بدون قيود ولا شروط انتساب ،
وحتي لو كانت الكتابه دي مجرد عبث ورغي مافيش منه فايده و ماتهمش حد الا اللي كاتبها ، ابوح بالكلام اللي يجي علي بالي واتكلم براحتي
في المدونات لقيت حاله من الألفه الغريبه وكتير من الحريه
واجمل مافيها هو رحله الاستكشاف اليوميه لمدونات ناس جديده ، عوالمهم وافكارهم ، روحهم اللي بيخطوها جوا تدويناتهم
ناس من كل صنف ونوع ليها اتجاهات وافكار وقناعات مختلفه بيستقبلوني يوميا في بيوتهم الافتراضيه ،
وبستقبلهم عندي علي الرحب والسعه ، وانا حاسه انهم عاوزين يتابعوني فعلا مش داخلين يسيبو تعليق يزود عدد مشاركاتهم وخلاص

عاوزه اشكر ناس كتير اوي كانوا جنبي طول عمري التدويني القصير ده

البنت الشلبيه الزملكاوية الجميله اللي كانت اول حد يعلق عندي

مهند المصري الباحث عن الحقيقة والراقص مع الذئاب كابتن محمد اللي كانت بدايتنا في التدوين سوا تقريبا

وطبعا صرصاره الشهيره بساره

وقبل اي حد ابو يحيي باشمهندس عصفور المدينه اللي باعتبره اب روحي لمعظمنا (معلش هانكبرك شويه يا ابو يحيي ) اللي عمره ما اتأخر عن اي سؤال او مشوره وكان نعم العون في مواقف كثيره جزاه الله خير عننا جميعا

دا غير الناس الجميله اللي عرفتهم بعد كده وحسيت انهم عيلتي الكبيره

ابو فداء "يوميات عيل مصري "

فرنسا هانم

باشمهندس ماعلينا

د/ ماعلينا

بثبوثه او حلم سابقا

الاستاذ محمد عبدالغفار

رينا

عالمي الازرق

جهينه اللي بقالي كتير مقصره معاها

العائشه في الاحلام

خيخه

بنت القمر

سمراء النيل

طعمه

ضاكتور خالد

كلبوزه اللي وحشانا بقالها فتره

طهقان وطهقانه

استاذ جعان

حدوته

حفصه

الطائر الحزين

محمد فوزي ال ربيع

د/ لمااضه

دكتور حر

خالو احمد

شاهي

دوبا

د/ احمد فؤاد مع نفسه

رامي برويد

غاده عاوزه تتجوز

ام البنات

المراكبي

كوكو الكميل

فاطيما
.
.
.
.
.

وكل الناس الحلوه اللي مدوناتهم عندي علي الريدر و بتابعهم واعلق عندهم وحتي اللي بقرأ بس مش
باسيب تعليق ( ماحدش يزعل لو نسيت اسمه )
اشكركم جميعا علي انكم خلقتولي العالم الافتراضي الجميل ده ، و اللي انا عايشه فيه ايام من اجمل ايام حياتي ، و بتواجد فيه اكتر من اي حته تانيه

ربنا يخليكم ليا جميعا


كل واحد ياخد حته من التورته اللي فوق دي بس ماتحفوش




65 comments:

غير معرف يقول...

كل عام و حضرتك و زوجك بخير و صحة و عافية ،و شكرا على حبك لبورسعيد و ناسها..
أبو خالد

مهندس مصري بيحب مصر يقول...

كل سنة و حضرتك طيبة يا دكتورة
و انا مش زعلان :)
لأنك فعلاً من الشخصيات اللي بأعتز بمعرفتها على النت

د/اجدع بنوته يقول...

هابى بيرث داى يامدونة احلى فضفضه ف الدنيا

ربنا يديك العمر ويقويكى وتفضلى معانا دايما

انتى م الناس المميزه اللى دخلت قلبى وبلا استئذان

تحياتى وهابى مليون بيرث داى

آخر العنقود يقول...

كل سنة وانتى ومدونتك بخييييييييييير يارب

طبببببببببعا انا مش هقدر اتكلم لانى لسه جديدة
بس فعلا مدونتك بتاعبها على طوووووول وردودك كمان

تحياتى ليكى ولمدونتك ولكل العالم الجميل اللى بنتعلم منه كتير بجد

التورتة جميييلة اوى
شكلها مش طعمها
:)

http://kasperb4.blogspot.com/ يقول...
أزال المؤلف هذا التعليق.
http://kasperb4.blogspot.com/ يقول...

كال عام تدويني وحضرتك بخير يا دكتورة
انا من اول مرة دخلت مدونتك قررت اني اتبعها لأني حسيت ان صاحبتها دماغها عالية

وعايز اقولك ان انا كمان جالي نفس الشعور من ناحية المنتديات بعد ما اتعرفت على التدوين
نفس الكلام اللي حضرتك قلتيه ده بالظبط

حتى لما كنت بزور مدونات مكتوب او وورد بريس بردو مكنتش بحس بألفة مش عارف ليه


المهم كل سنة وانتي بخير وتمتعينا بموضوعاتك

Unknown يقول...

سنه سعيده
وعقبال اللي جاي

mohand يقول...

كل سنه وانتي طيبه يا مدونتي وبعوده الايام
تكبري وتتهني وبعيدك نغني ونضربلك سلام

كل سنه وانتي طيبه

مبروووووووووووووووووووكككككككككككك

والله كان امبارح كان اول مره اددخل مدونتك وتدخلي مدونتي

سبحان الله

ايام بتعدي تمر
بتعدي بحلو ومر
ناكل فول وناكل تمر
بس في دمنا دايما مصر

تحياتي

بنت الصالحين يقول...

كل سنه ومدونتك طيبه

وكل سنه وانتي طيبه يافضفوض ياقمر

يارب يكرمك ويرزقك الاخلاص
وتكون مدونتك حجه ليكي لا عليكي اللهم امين

فاتيما يقول...

لست أنساه إذا وفدت عليه
و هو بين خاطرى
و ظنونى
فأذا روحه تصافح روحى
قبل حضن يمينه
بيمينى
و اذا الوجه ليس يغرب عنى
أنا شاهدته بعين
يقينى
و إذا نحن قبل أن نبدأ القول
حبيبان من طوال
السنين
خمسة فضفضة أحلى صيدلانية فى مصر
كل سنة و انتى و مدونتك بألف خير
و يا رب يديم المحبة بيينا كلنا فى هذا الفضاء الرحب الوديع الذى يجمعنا ...
أشكرك على ذكر إسمى دا ليه معنى كبير قوى عندى و ربنا يزيد الود كمان و كمان
تحياتى الخالصة لكى و لكل احبائك

عصفور المدينة يقول...

كل عام وأنت بخير يا دكتورة وربنا يحفظك وأسرتك ونيلك آمالك ويبارك في عمرك وينفع بك

مسألة الكبر دي بالمناسبة العداد بتاع الأربعين قلب
:)

عالمى ازرق يقول...

كل سنه وانتى طيبه وبخير ودايما بيننا منوره مدونتك

بس هى التورته اللى فوق مش واحده لكل مواطن برضو ؟؟؟

Unknown يقول...

كل سنة وانتى ومدونتك بخير يا فضفضه يارب
وبعدين انا اخدت حته صغيره من التورته
فين بقى الحاجه الساقعه
ولا هتدينا بدالها فوار
:D

غير معرف يقول...

أنا اسمى مش مكتوب .. لأ انا زعلان
:))

كل سنة وانتِ طيبة ويارب عقبال سنين عديدة مديدة لتدوين جميل وراقى

تحياتى
:)

koukawy يقول...

التورته تقيله اوي بوظتي للكوكو الكميل الرجيم....كل سنه و انتي طيبه يا حبيبتي
انتي من المدونين حقيقي اللي انا بحبهم اوي بجد و بتبسط لما بقرا تعليق ليكي عندي في العشه
ربنا يخليكي لينا و تفضفضي كمان و كمان معانا كلنا
و انا كده مدونتي اكبر من مدونتك في السن
بتلت شهور....و ميرسي انك افتكرتيني و كتبتي اسمي في الليسته

غير معرف يقول...

لا بقى

انا زعلان
ماهو ماينفعش
شوفي
مش صح ابدا

عموما

كل سنة وانتي طيبة

مدونة الغلبـان يقول...

كل سنة وأنت طيبة
وعقبال 100 سنة

رفقة عمر يقول...

كل سنه وحضرتك بالف خير ومدونتك دايما متالقه
حضرتك بجد الاخت الروحيه للمدونين حاساكى كدة قوى
كمان صوت العقل والضمير ليهم
ربنا يبارك فى حضرتك ويزيدك من فضله اللهم امين يارب العالمين

الراقـــص مع الذئـــــاب يقول...

السلام عليكم ورحمة الله وبركاته
ياااااااااه يا دكتورة
انتي اكبر مني ب 4 ايام في التدوين
انا تاريخ ميلاد مدونتي 17 /3/2007
ومهند طلع 15 /3
سبحان الله
بدأنا في اسبوع واحد وبقينا زي اسرة ديما مع بعض
بجد انا حاسس فعلا انكم اخواتي ويكفي انكم كلكم كنتم معايا في لحظات وايام صعبة كتيرة
وكنتم معايا برضو في فرحتي

كل سنة وانتي طيبة يا دكتورة

وانا بمناسبة اعياد ميلاد مدوناتنا هعمل مدونة جديدة هدية ليكم كلكم (هدية بالاكراه يعني)
استنوها يوم 17 بقي
سلام يا دكتورة

... يقول...

كل سنة وانت طيبة يا فضفضة
بس انا بجد مصدومة
معقولة بقالك سنة تدوينية واحدة
حاسة اننا صحاب من زمان أوي
واضح ان التدوين والمدونات بيأثروا فينا لدرجة اننا بنفقد الاحساس بالزمن
انا بجد فخورة بمعرفتك
وسعيدة برأيك فيا
ودعواتي ليكي بعشرات السنين الحياتية والتدوينية السعيدة

ღϠ₡ღأمير الهدوءღϠ₡ღ يقول...

لا لا لا لا لا

انا زعلاااااااااااااان جداا جداا

طيب
كل سنه ومدونتك حلوه وجميله

وهديتي تقبليها
http://www.rosaflora-flowers.com/images/bouquet-pp.jpg

:)

الطائر الحزين يقول...

كل عام انت بخير
وفقك الله

تحياتى

ayar يقول...

الف مبروك يا فضفضة وفعلا عالم التدوين دا عالم ممتع ومفيد وياريت تشرفينى دايما فى مدونتى .. وعقبال مانسمع عن كتاب لمدونتك .. انتى تستاهليها بجد ...
بوسة ليكى .

غير معرف يقول...

كل سنة وحضرتك طيبة وعقبال 100سنة عمر وتدوين وسعادة وكل خير

فرنسا هانم يقول...

كل سنه وانتى طيبه يا دكتوره
وعبقال 100 سنه تدوين
وانتى عزيزه على قلوبنا كلنا
وربنا يعلم
مكنتش اعرف انه عيد ميلاد المدونه
كنت جبت ورايا على العجله صندوقين ساقع

صبرني يارب يقول...

كل سنه وانتى طيبه وبخير يا فضفضه وربنا يكرمك ودايما تكوني منوره مدوناتك ومدونات حبايبك .
وعلى فكره انا يمكن كلامك النهارده زي ما اكون انا الى باقوله عن وصفك لرحلتك مع المنتديات والى انا يمكن بذلت فيها فعلا وقت وجهد احتسبهم عند ربنا فعلا .
لكن ما كنت بابقى مرتاحه فعلا هناك انا يمكن لسه مدونتى جديده بالنسبه لاغلب الناس هنا انما من يوم ما بدأت اكتب مدونه هنا وانا مرتاحه جدااااااا كوني بارغي كده واقول الى انا عايزاه
ولتاني مره يا فضفضه كل سنه وانتى بالف خير والى الامام دايما يا حبيبتى
أختك ام مريم

صحفية روشة يقول...

كل سنة ومدونتك طيبه

محمد عبد الغفار يقول...

ايه ده انا فى اللسته وقبلى لقب استاذ ، بجد فرحت

مدونتك هذه والأخرى من مدوناتى المفضلة حقاً

كل عام وانت الى الله اقرب

رئـــــيسـة حزب الأحلام يقول...

السلام عليكم كل عام وانتى بالف خير وانتى فعلا واحدة لذيذةودة باين فى كتاباتك وتعليقاتك اللذيذة

ma 3lina يقول...

يالا حالا بالا حالا هنوا الدكتورة فضفضة
إحنا يا دكتورة اللي نهني أنفسنا والبلوج سبوت هو اللي المفروض يحتفل بانضمام حضرتك ليه

:)

بجد مدونة حضرتك سابت أثر في كل المدونات .. وبنر مدونتي نظيفة يشهد بكده .. وإن شاء الله للأمام دائما وربنا يوفق حضرتك في عالم التدوين وفي الدنيا ويرزقك الفردوس الأعلى في الآخرة

يالا وعقبال مليون سنة

كراكيب عادل يقول...

كل سنة وانتي طيبة وبخير ...

زحل الفلكي يقول...

كل سنه ومدونتك طيبة
كل سنه وانتي طيبة
ومبرووووووووووك للاهلي يا دكتورة :)

إبـراهيم ... يقول...

كل سنة وإنتي ومدونتك حلوين يا
دكتورة فضفضة

Ma 3lina يقول...

كل سنة و حضرتك طيبة و مدونتك مستمرة و متطورة ان شاء الله

اسعدنى وجود اسمى جدا اكتر محضرتك تتخيلى

و يا رب على طول متجمعين فى الخير دايما

غربة وطن يقول...

كل سنه وانتي وهي طيبين

أنت
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

البنت الشلبية يقول...

كل سنة وحضرتك والمدونة بتاعتك بالف خير دايما يارب
يا احلى دكتورة فى الدنيا
على فكرة انا طول عمرى كنت فاكرة ان اى دكتورة يبقى دمها تقيل وكشرة كده وواخدها جد على طول لكن عايزة اقولك انك غيرتى الفكرة دى نهائى واثبتى ان فى دكاترة ستات زى القمر وروحهم حلوة اوى
ربنا يبارك فيكى وفى عيلتك ويحميكم كلكم يارب

Unknown يقول...

السلام عليكم يا دكتورة
كل سنة وانت طيبة، وانت لامة الناس حواليكي، كل سنة والمدونات النظيفة بتزيد بفضل فكرة حلوة عملتوها
كل سنة وانت بتحكلنا على الناس بأمالهم وآلامهم
كل سنة ولسانك بينقط كلام طيب، وأخلاقياتك بتجبر الجميع على احترامك ومعزتك
كل سنة وانت طيبة يا دكتورة، وكل سنة وكل اللي حواليكي يتعلموا منك ومن كلامك
ربنا يزيدك ويبارك فيكي ، ويحفظ عائلتك الطيبة،
بالمناسبة شهر مارس ده شهر الاحتفالات
انا مواليد 17/3
وزوجتي 4/3
وتزوجنا في 25/3
ويوم الأم 21/3
ومدونتك في مارس
ومدنة الصباغ في مارس
ده ايه الاحتفالات الجامدة دي
كل سنة وانت طيبة، انت وكل المدونين
أحمد

نبض اسكندرية يقول...

فى اول زيارة

كل سنة وانتى الامام وانتى فى صحة وسعادة وسرور

تحياتى

صاحب المضيفة يقول...

كل سنة وانتي طيبة


ويارب دايما في طاعة وهنا

لكن انا زعلت علشان اسمي في قايمةالشرف


على العموم ملحوقة وممنوعة من دخول المضيفة لمدة بوست جاي



تحياتي

Hosam Yahia حسام يحيى يقول...

كل سنه وحضرتك طيبه

فضفضة يقول...

كل سنة وانت بخير

ومدونتك بخير

وعقبال يارب

سنين كتير تعدى عليك

وتشوف مدونتك كل سعادة من سعادة صاحبتها ياااارب

تحياااااااتى

Jana يقول...

كل سنة وانتى بخير وصحة وسعادة..
مدونتك عندى فى الفيفورتس من زمان
سعدت بيكى وبيها فعلا
ودمتى متميزة

انا اسمى مش مكتوب
:(
طب عايزة بقا قطعة تورتة زيادة ...كنوع من التعويض
:)

غير معرف يقول...

ممتاز يا أخ
أنا سعيد بكلماتك و الله لاسيما هذا الموضوع
أدعوك فى نفس الوقت لزيارة مدونتى المتواضعتين و التكرم بالتعليق على الجيد منها إن كان هناك جيد
مسكين شمس الدين
http://maskeen-shamseldeen.blogspot.com/
http://maskeen.maktoobblog.com/

يا مراكبي يقول...

إيه ده .. أنا إسمي مكتوب؟ أنا كده دخلت عصر الفضاء

كل سنة وإنتي والمدونة طيبين .. إنتي تستاهلي كل خير .. ودايما كده تمتعينا بكتاباتك الجميلة الهادفة

مي بهاء الدين يقول...

أنا أول مرة أجيلك ولقيت مناسبة حلوة
كل سنة وانتي طيبة
عقبال مليون تدوينة
:)
تحياتي

شاب نفسة يحقق حلمة يقول...

كل سنة وهي طيبة عقبال مليون سنة

آفاق الحرية يقول...

السلام عليكم
كل سنة ومدونتك طيبة
تحياتي

بنت القمر يقول...

كل سنه وانتي بصحه وسعاده ومنورة سماء جوجل لفته لطيفه اوي منك انك تفتكريني
اشكرك يا دكتورة
بجد اشكرك من قلبي

إخوانى حتى النخاع يقول...

كل سنة ومدونتك بخيييييييييييير



أخوكم إخوانى حتى النخاع

http://ikhwangeeee.blogspot.com

غير معرف يقول...

بسم الله

أغبطك بشدة على زوارك وأحبابك .. ورغم أني وعدت بعودةالزيارة سريعا لكن حدث لي ما منعني عن الدنيا كلها لكن أعود للؤكد على شعوري بالصفاء في مدونة شعارها الفضفضة التي دخلت التدوين من أجلها ....

نعم يا أختي انا صاحب مدونة tamermtmo.wordpress.com
وستشرفني زيارتك وفقط أنوه أن مدونتي متواضعة لا تقارن بما أراه عندك ...
زادك الله حبا على حب .

تحياتي

خمسة فضفضة يقول...

السلام عليكم ورحمة الله وبركاته

غير معرف
مهندس مصري
د/ اجدع بنوته
آخر العنقود
آلام وآمال
انونيمس
مهند
عاشقة الفردوس
فاطيما
باشمهندس عصفور المدينه
عالمي الازرق
لماااضه
احمد مبرمج حر
كوكو الكميل
مصطفي السيد سمير
الغلبان
رفقةعمر
ابو صابر الراقص مع الذئاب
بثينه
اميرالهدوء
الطائر الحزين
ayar
شيكابلا
فرنستي الحلوه
صبرني يارب
صحفية روشة
استاذ محمد عبد الغفار
رئيسة حزب الاحلام
باشمهندس ماعلينا
الفنان عادل عبد الفتاح
زحل الفلكي
ابراهيم معايا
queen eraser
د/ مرام
غربة وطن
البنت الشلبية
ابوفداء
نبض اسكندرية
صاحب المضيفة
حسام يحي
فضفضة
jana
مسكين شمس الدين
يا مراكبي
maii bahaa
شاب نفسه يحقق حلمة
آفاق الحريه
بنت القمر
ikhwangeeee


ربنا يخليكو ليا جميعا ومايحرمنيش منكم ابدا يا احلي صحبه واحلي ناس
ماتعرفوش تعليقاتكم الجميله دي عملت فيا ايه ، ربنا يديم المعروف والكلمة الطيبه بينا و تفضل حبال الود موصوله دايما

انا آسفه للي مالقاش اسمه بين الاسامي بس كل واحد فيكم له معزه خاصه في قلبي ، وكان نفسي اكتب الاسامي كلها بس كنت تعبت من اللينكات عموما ياجماعه ما حدش يزعل مني ،
وكفاية ان ماحدش جاب معاه هدية وكلكم جيتوا تعلقوا ارديحي
هههههههههههههههههههههههههههه

ويارب افضل دايما عند حسن ظنكم وتفضل موضوعاتي تعجبكم


نورتوني كلكم

سلام للجميع

خمسة فضفضة يقول...

السلام عليكم روحمة الله وبركاته

متمو

اهلا وسهلا تشرفت بزيارتك ، معلش كنت باعلق معاك في نفس الوقت

ان شاء الله ازورك في مدونتك ويسعدني ان تكون احد الاصدقاء عبر هذه الشبكه مترامية الاطراف

نورتني

دكتور حر يقول...

ربنا يتقبل
ويجعله في ميزان حسناتك

Empress appy يقول...

كل سنه والبوج وانتى طيبين مع انها اول مرة ادخلك وكمان متأخرة سامحينى بس انا عارفاكى من زمان من عند الناس التانيه الحلوة اللى بتتكلم عنك ومن كومنتاتك

Soooo يقول...

كل سنه وانتي ومدونتك طيبين وعقبال ديشيليار بوست وديشيليار سنه

وفعلا عندك حق والله
الواحد قبل ما يتجه للتدوين وقبل مايتعرف على ناس مختلفين ومتنوعين في الافكار وفي اساليب الكتابه .. كان زي مايكون عايش لوحده
ولو على المنتديات والاشتراك فيها .. انا يادوبك دلوقتي مشترك في كام منتدى اهبل عشان انزل منهم صور ديكور لشغلي او انزل ترجمة افلام معينه .. وردي لا يتعدى ولا يزيد عن كلمتين
مشكور
تمام
غير كده ولا الهوا


معلش رغيت كتير وفضفضت خمسه .. في خمسه فضفضة



سلاموووووووووووووووز

عاشــــــ النقاب ـقــــة"نونو" يقول...

كل عام وانتي بخير وسعادة وبتكتبي وزي الورد
اسفة جدا على التاخير بس النت كان عيان
تحياتي لحضرتك يا احلى دكتورة

حاسوباتيه يقول...

كل سنه ومدونتك طيبه يارب وعقبال 100 سنه كده يارب وبالتوفيق دايما

la3lahakhier يقول...

كل سنة وانتى ومدونتك بكل الخير
تقبلى تحياتى وتقديرى
لعلها خير

روابط يقول...

happy new year for your blog

غير معرف يقول...

أختى الفاضلة
كل عام وأنت بخير
ومدونتك فى تألق ونجاح

أخوك
محمد

خمسة فضفضة يقول...

السلام عليكم ورحمة الله وبركاته

دكتور حر
appy
sooo
عاشقة النقاب
حاسوباتيه
لعله خير
حازم سويلم
استاذ محمد الجرايحي

وانتم جميعا طيبين وبصحه وسعاده
ربنا يخليكوا ليا ومايحرمنيش منكم ابدا

بلوجاتي يقول...

ألف مبروووك
وعقبال المئوية

و أحب أنضم للمدونات النظيفة

mostafa rayan يقول...

انا كل ماادخل عند حد ألاقي خمسة فضفضة خمسة فضفضةواخير قولت لازم اشوف بقي مين خمسة فضفضة دي
بجد انت حد كويس قوي مبروك علي السنة الأولي للمدونة و وعقبال السنة 100

الـسـيـدة نـون يقول...

كل سنة وانتى طيبة يا فضفضة
ولو انى كنت عايزة تورتة شكولاتة
بس مش مشكلة هاخد حتة من التورتة برضه
تحياتى ليكى
اختك خيخة

Bongo يقول...

كل سنة و مدونتك طيبة

و عقبال العيد المليووووووووووووووون
:D

القرآن الكريم