2008-06-27

بين السما والارض


منذ حوالي سنتين في فندق قاعود بالاسكندريه تعطل بنا المصعد امام احد الادوار
كان يستقل المصعد معي انا وزوجي رجل معه زوجته وابنه علي ما يبدو ، يومها استطعت ان امتنع عن الضحك بصعوبه بالغه فلقد اخذ الولد والسيده في الصراخ والعويل

هانموت يا مامي

خليهم يفتحو الباب يامامي

انا مخنوق يابابي

ثم أخذت السيده تضرب الباب بيدها وهي تصرخ بهستيريا وتتنفس بصعوبه و تمسك بحنجرتها كالمخنوقه (تقريبا عندها فوبيا الاماكن المغلقة )

اما انا وزوجي فاستطعنا منع الضحك بصعوبه شديده وانا اهمس له
" فاكر فيلم بين السما والارض بتاع صلاح ابوسيف "

لم يكن الموضوع يستدعي كل هذه الضجه لان المصعد اساسا قد تعطل امام احد الادوار بمعني انه اذا ساءت الامور الي اقصي درجه فبضربة بلطه يمكن كسر الباب واخراجنا بكل سهوله
فلن
نحتاج ان نحطم احد الحوائط ولن نحتاج الي المطافي وبوليس النجده وفرق الانقاذ الدولية :) ،وفوق كل هذا فالفتره لم تتعدي العشر دقائق بعدها عاد المصعد للعمل وكأن شيئاً لم يكن


تذكرت هذا الموقف مؤخرا وانا اشاهد فيلم بين السماء والارض علي احدي الفضائيات

الفيلم الذي يعتبر من افضل مئة فيلم عربي بالقرن العشرين ،لمخرجه الرائع رائد الواقعيه صلاح ابوسيف ، يضع المجتمع بأكمله داخل مصعد معطل ما بين السماء والارض
و يعرض لنا
الفهلوه الاستهتار واللامبالاه ، ويصور لحظات الضعف الانساني ، وردود افعال النفس البشرية عند الاحساس بالخطر والتيقن من قرب الأجل ،وكيف يعتزم الجميع التوبة الصادقة والعمل الصالح والعزم على عدم العودة ثانيا نادمين علي اخطائهم التي ارتكبوها دون وازع من الضمير،ويأملون ان ينجيهم الله من محنتهم و يجزمون انهم قد تعلموا الدرس جيدا واستخلصوا العبر من حماقاتهم وأخطائهم الماضية
تمر عليهم الثواني ببطء وهم في انتظار مهندس الصيانه الغائب ، يموت احدهم ويولد آخر


و بعد ان يُفَرِجَ الله كربهم يتضح ان امامهم الكثير ليتعلموا من اخطاء الماضي


اعتقد واننا بعد مرور حوالي نصف قرن مازلنا نعاني من نفس السلبيات والعيوب التي احتواها مصعد صلاح ابوسيف المعطل ، وارانا جميع داخل نفس المصعد المعلق ما بين السماء والارض نحتاج الي مهندس الصيانه الذي اخشي ان ياتي بعد نفاذ الاكسوجين ووفاة الركاب


59 comments:

محمد حلمي مخلوف يقول...

والله ساعة الخطر الواحد بيحس بالذنب وبيفتكر كل حاجه وحشه عملها بعد ما يزول الخطر ينسي اللي حصل وترجع ريما لعادتها القديمة وعجبي

ٍSOU يقول...

انا مع راى محمد للاسف فعلا هو دة اللى بيحصل عشان اللى ايدة فى المية ..احنا لما بنكون ايدنا فى المية الساخنه بنفتكر كل حاجة و بنلاقى ان عندنا ذاكرة فولاذية ولما المية تبرد الذاكرة بتبرد معاها و تتحول لذاكرة السمكة الذهبية مدتها 30 ثانية...

ربنا خلقنا كددة و عارفا ننا كدة عشان كدة من وقت للتانى بيبعتلنا راسيل تفكرنا (اعتقد كدة).. وذكر فان الذكرى تنفع المؤمنين

بطوط حبوب يقول...

فى عز المواقف دى بتنتابنى هستريه من الضحك حتى لو كنت بمفردى
لماذا لا اعلم

بثينــــــة يقول...

غالبا شفته معاكي ساعتها وحسيت وفكرت في نفس كلامك
ورغم الحيز الضيق اللي كانوا محشورين فيه لكن الإخراج كان رائع
تعالي بأة للفكرة .. الأسانسير دة كأنه الدنيا .. تحفة
عجبني عبد المنعم مدبولي-النشال في آخر مشهد .. بعد ما تاب ونشل لا إراديا .. وفكر لحظة .. وحط الحاجة في جيبه ومشي
كلنا هذا الرجل .. مش في النشل .. طبعا

جمعاوى روش طحن يقول...

و خلق الإنسان ضعيفا

Ma 3lina يقول...

وحشتنا بوستاتك يا دكتور

احنا كلنا بقينا عايشين لا دنيا كويسة و لا الاخرة ضامنينها

ربنا يرحمنا برحمته

الطائر الحزين يقول...

شفتى عظمة أهل الكهف

عاشقه الفردوس يقول...

انا كمان بخاف من الاماكن المغلقه بجد

واحدة مفروسة يقول...

تصدقى فعلا كلامك مظبوط

نهر الحب يقول...

كويس انك كنتي بتضحكي
حتي لو لا قدر الله حصل حاجه

فكرتيني برضه بفيلم

speed

وميض ابتسامة يقول...

الخوف
شىء فظيع..قد يقود الانسان الى حالة هيسترية كالتى اصابت هذا الطفل المسكين وكنت أتمنى ان أرى الام وقد تحفزت لضم هذاالخائف بشجاعةوالتسرية عنه حتى وان كان الخوف ملء قلبها ولكن للاسف فقد اطاح الخوف والموقف برباط جأشها واظهرها وطفلهافى موقف قد اثار الضحك حولهما... قد تكون فوبيا الاماكن المغلقة ولكن اليس هناك فى هذا الموقف فوبيا من نوع آخر!!! والسلام

shreef يقول...

الفيلم ده فعلا من اجمل الافلام بجد و جماله يكمن في ان هوا زي ما حضرتك وصفتي بالظبط نقل دنيا بكل ما فيها داخل الاسانسير ده و بالفعل بعد كل اللي مروا بيه و كل اللي شافوه و اللي اتغير بعد مرورهم بالموقف الصعب ده الا انهم بعد ما خرجوا منه كل شخص رجع للي كان عليه تاني و ديه فيها واقعية حقيقية لحالنا مش عارف هل ديه طبيعيتنا كبني ادمين ولا ايه بالظبط ؟

تحياتي لحضرتك

ام البنات يقول...

اخيرا هاعرف اعلق عندك..كان عندى مشكله كل ما افتح الصفحه عندك يحصل حاجه
مش فى الجهاز...ولا النت
يحصل استدعاء انسانى من اهل الدار
حبيبتى اظن ان فى هذه المواقف الاتجاه لذكر الله يقلل من الرهبه
وبخصوص مراجعة النفس
رب ارجعون
الانسان وقت الضيق يفتكر ذنوبه..وانه ضيع كتير
ووقت الرخاء ..دماغك زى ما بيقولوا
بس الحق اننا كل يوم كما قلت بين السماء والأرض..ولكن لا يشعرون
جزيت خير على التذكرة,,,,لعلها تنفعنى..ولكن خوفى انها حجه على..
اسأل الله لك الفردوس الأعلى

نونو يقول...

السلام عليكم يا حبيبتي الغالية
امال ايه وما الدنيا الا مصعد كبييييير
ربنا يرحمنا
بس انا بحب الفيلم دة على فكرة
تحياتي وتقديري

mohra يقول...

هكذا الانسان و الله ادرى بعباده من انفسهم
"وإذا أنعمنا على الإنسان أعرض ونأى بجانبه وإذا مسه الشر فذو دعاء عريض "
صدق الله العظيم

انا حصل معى نفس الموقف و برده كان معايا واحده هيستيريا بس سيطرنا عليها و قعدنا ساعه كامله نحكى و نقول نكت بس من جوانا الكل كان بيقول يا رب سترك

شــــمـس الديـن يقول...

احنا شعب ظاهرة صوتية انفعالية

لكن عمل بجد و تغيير بجد
انسي

اذا كان الموت مش بيوعظة انه يتغير

متوقعة منه ايه

معلش

كله بيطلع في الغسيل

صباح الخير يا مصر يقول...

خمسه فضفضه
***********
بسم الله الرحمن الرحيم
وَإِذَا مَسَّ الْإِنْسَانَ الضُّرُّ دَعَانَا لِجَنْبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَنْ لَمْ يَدْعُنَا إِلَى ضُرٍّ مَسَّهُ كَذَلِكَ زُيِّنَ لِلْمُسْرِفِينَ مَا كَانُوا يَعْمَلُونَ
صدق الله العظيم

البت قباحة يقول...

هالووووووووو

على الفكرة الفيلم دة مشفتوش كامل ابدا لكن اللى شفته منه اقدر اقول عليهمعبر بطريقة عصريه و واقعية عن الموضوع زى مسرحية سكة السلامة

لكن السؤال الذى يطرح نفسة و ما الذى جد فى مجتمعنا لاصلاح هذة السلبيات؟؟؟؟؟؟؟؟؟؟؟؟؟؟

سلامى

اهو ده عيبه يقول...

الفيلم اصلا تحفه وصلاح ابو سيف محدش يقدر يتكلم عنه
الانسان اوقات لما يحس بالخطر او المرض والضعف يحاول يقرب من ربنا ويرجع عن اخطاؤه
لكن للاسف قليلين اللى بيقدروا يثبتوا على موقفهم والدنيا متلعبش تانى بيهم

الحمد لله ان حبستكم فى الاسانسير مطولتش كتير والا كنا هنجيب منين صلاح ابو سيف يخرج الفيلم تانى

انا و صاحبى ( احمد ) يقول...

والله يا دكتوره انا حدث معى موقف مماثل

للموقف الذى ذكرتيه وكنت وحدى فى المصعد

وجلست فيه ما يقرب من نصف ساعه

فى اول ربع ساعه لم اكن خائف ولكن عندما بدات انادى ولم يرد على احد

تسلل الخوف الى واصبحت اتخيل المصعد وهو يهو من الدور التاسع

بسرعه كبيره ثم وهم يجمعون اشلائى واشياء مثل هذه

وفى النهايه كانت المشكله انى ضغت على زر يوقف المصعد وانا مش واخد بالى

يلا خير

سلام

زفته وقطران يقول...

ازيك
انا اول مره ادخل المدونه معلش اصلي لسه جديده
المهم
المشكله يافضفضه يااختي
انهم بعد ميخرجو من الاسانسير
حيرجعو للي كانو بيعملوه

مصــــري..!! يقول...

كيف حال الدكتورة؟

والله عندك حق ساعة الزنقة الواحد يفتكر حاجات عملها كتيييييييير.

وتيجي بقي تسألي أي حد إيه عيوبك؟
تسمعي اجابات من طراز
بتوتر بسرعة...متردد...سمين شوية.

وتتعجبي اللصوص والقتلة والإرهابيين بييجوا منين.

دمتِ بكل ود

أسامة

جنّي يقول...

حب الحياة وخشية الموت ما يدفع البعض لهذا الوجل ..

أن يتقرب الناس إلى الله ليخرجهم من محنتهم بعملهم الصالح ( مثل الثلاثة الذين حبسوا في الغار ) فهذا شئ مشروع ... أما من لا يعرف الله إلا في وقت الشدة فهؤلاء ينطبق عليهم قول الله تعالى :
{وَإِذَا مَسَّكُمُ الْضُّرُّ فِي الْبَحْرِ ضَلَّ مَن تَدْعُونَ إِلاَّ إِيَّاهُ فَلَمَّا نَجَّاكُمْ إِلَى الْبَرِّ أَعْرَضْتُمْ وَكَانَ الإِنْسَانُ كَفُوراً }الإسراء67

----------------------------------

حبا فى رسول الله

نجتمع دائما معا لنطبق منهجه صلى الله عليه وسلم فى كافة أمور الدين والدنيا فنكن بإذن الله خير أمة أخرجت للناس كما وصف الله أمة خير الأنام فهل نكون خير أمة ؟؟
هل نلبى الدعوة لنجمع جهودنا ونصطف معا كالبنيان المرصوص و نشد بعضنا بعضا كلٌ فى مجاله بفكرة أو نصيحة أو مساهمة فعلية

هل نثبت حبنا لرسول الله فعلا لا قولا ؟؟

فالحب أفعال لا أقوال

هلموا معا نجتمع ونتفاعل ونصلح من شأننا كله

حباُ فى رسول الله

http://www.7obnferasolallah.blogspot.com

http://www.facebook.com/group.php?gid=18625528460


http://la3lahakhier-2.blogspot.com/


ساهم معنا ولو بوضع إعلان الحملة فى مدونتك

kochia يقول...

الفيلم حلو طبعا وفيه توع جامد للشخصيات
وفعلا اظهر اشكال كتير من ضعف النفوس البشرية

اما بالنسبة لينا احنا .. فعلا فيه ناس كتير عندها فوبيا الاماكن المغلقة والاماكن المرتفعة
ربنا يشفي الجميع

تحياتي

blue-wave يقول...

فعلا متى نتعلم؟

فاتيما يقول...

فضفوضة
إيه دا
حقك عليا
جيت متاخرة
البتاعة بتاعة البوستات الأحدث دى بتخطرف و تضيع عليا بوستات
عشان كدا رجعت الريدر التقليدى تانى
سامحينى على التأخير
الموقف دا بيحصل معايا كتير فى عمارتنا عشان قديمة و متأصلة
و كالعادة بيوقف بين دور و دور و ييجوا البوابين يفتحوا الباب و يعدونا أنا و اللى معايا من نص الباب
كل مرة أقولهم الأسانسير هيشتغل و أتفرم فى النص
يقولولى متخافيش يا مدام طالما الباب اتفتح مش هيمشى أبداً
طبعاً مبصدقهموش بس بضطر أخرج من النص باب
عشان العمر واحد و الرب واحد
و بعدين الحمدلله الواحد بقى بارد من تكرار الحوادث و مبقتش تفرق
تحياتى يا حبيبتى
يا فضفوضتى

WhatEver?!!! يقول...

والله عندك حق

مش عارفه دة طبع فينا اننا مش نفتكر غلطاننا ونندم غير لما نكون حاسين اننا خلاص هنقابل وجه كريم ولا دة لامبلاه ولا اية بالظبط........

يعنى دى طبيعة بشرية ولا احنا اللى بنعمل كدة فى روحنا

ربنا يستر علينا

appy يقول...

طيب منقدرش نعمل حاجه احنا ولا هما اللى هيمنعوا عننا برضه الاكسجين
والله يا دكتورة ما بقيت عارفه بجد لغايه فين هنروح ودايما بنتفزع زى الست دى مع ان ممكن تكون الحلول سهله وبسيطه

نبض اسكندرية يقول...

اظن انها مش فوبيا الاماكن المغلقة ولكن الشيطان وقتها كان قايم بشغلة تمام

قاعد عمال يصورلها اشياء ويوسوس ليها بحاجات ممكن تكون خيالية لكنها اكيد كانت مصدقها

متهيالى لو كانت دعت ربنا كان رد فعلها اختلف

بنت القمر يقول...

انتظرك الزيارة الجايه لاسكندريه
وسيبك من قاعود
اما المصعد فكل ازمه نمر بها هي مصعد بحد ذاته وهي رساله خفيه من الله
المهم ان نلاحظها ونعيها
تحياتي

ayman badr يقول...

جميل قوى اللمحة الرائعة دى عن فيلم بين السما والأرض وهو فعلا المصعد حد فاصل هنا بين حياتين مختلفتين اشد الاختلاف او زى ما بنقول
بين السما والأرض
تحياتى

الراقص مع الذئاب يقول...

السلام عليكم
ازيك يا دكتورة
انا مش بحب المصاعد من الاساس
بتخنق منها اوي
السلالالم احسن في كل حاجة...وخاصة إنها وسيلة رياضية جميلة جداً

اما بخصوص الفيلم فهو فعلا فيلم عجيب ومخرجه عرف يجمع مجتمع كامل داخل الاسانسير ويصوره بكل مزاياه وعيوبه وإيجابياته وسلبياته
الحمد لله إن ربنا سترها معاكي يا دوك

نونو يقول...

على فكرة انا لو مكانك مش هبطل ضحك
وبعدين بعد الفوبيا ما تشتغل هعيط طبعا

دكتور حر يقول...

انا كمان اول ما قريت الموقف جه في دماغي نفس خاطر الفيلم


معلش معظم العباقرة بيتلاقوا في التفكير

:))))


ربنا يكرمك على اسلوبك وكلامك

جزيت كل الخير

أمل فتحى عزت يقول...

حملة لرد الاعتبار
........................
حيوا معى العين الساهرة للحفاظ على المقدسات وعودة الحق لأصحابه عندما أعاد الدكتور/أسامة السعداوى صياغة التاريخ المصرى القديم لقد نصر العالم الجليل تراث الاجداد وقدمه للآحفاد لينهلوا العلم من أوسع أبوابه تعالوا يا أبناء مصر

نطرق باب النابغةالدكتور /أسامة السعداوى لنعرف منه الحقيقة


قودوا معى حملة الشرف والكرامة فى رفع الظلم عن أجدادكم وانتم أصحاب كلمة فلتكن فى موضعها فلا استقامة للمستقبل الا بتصحيح مسار تاريخنا واحياء علومنا وحضارتنا


ادخلوا الموقع الخاص بالعالم من على صفحة مدونتى الرئيسية
ولكم منى جزيل الشكر

سبهللة عالاخر يقول...

عجبنى انك تاخدينا من المصعد بتاعك للمصعد بتاع صلاح ابو سيف بمنتهى السلالة
تحياتى على الاسلوب الراقى الجذاب دة
للأسف انا زى الست دى عندى فوبيا

=====
على فكرة عندى موضوع يهمنى رأيك فيه
اتفضلى عندى

يا مراكبي يقول...

الموضوع ده مالوش علاقة بالخمسين سنة اللي فاتوا وألا اللي جايين .. الموضوع ده ليه علاقة بالطبيعة البشرية اللي ما بتفتكرش ربنا غير وقت الشدة .. وبتوعد إنها ما ترجعش للآثام إذا ربنا نجاها .. وبعد كده إذا زال الخطر بترجع ريما لعادتها القديمة .. زي مسرحية سكة السلامة كده بالظبط

ذو النون المصري يقول...

الفيلم فعلا كان له فكره ظريفه جدا حاول مخرج اخر لا اعرفه تكرارها في فيلم اشارة مرور لكنها لم تكن ناجحه لانها كانت تقليد سخيف و ممل

Bongo يقول...

اوقات المواقف اللي زي دي بتقلب معايا بضحك بردو

فعلا الفيلم رائعه من روائع صلاح ابو سيف
فكرته و اخراجه حلوييين جداا

المهم ان الموقف بتاعك عدي علي خير الحمد لله

صحييييح
كل سنة و انتي طيبة يا فضفضة و عقبال مليوووووووووووووووون سنه يارب في طاعة اللة :)

مصــــري..!! يقول...

دكتورة فضفضة

كل سنة وانتي طيبة

أسامة

عاشقة الحب يقول...

انها حقا
مشكلة

تحياتي

david santos يقول...

Wonderful!!!
Have a nice week.

فاتيما يقول...

أنا جاية أسلم بس
و عارفة إنك اكيد مادام غايبة كدا تبقى مشغولة
المهم الأنشغال فى العمل و البيت و التغيير للأحسن ميبقاش حاجة تانية
تحياتى يا فضفوضة

sasatifa يقول...

ربنا خلق الانسان بيذنب لكن مخلقوهش كافر يعنى مش غلط انك تذنب لكن الغلط انك تستمر فى الذنب لحد ما قلبك ما يموت وتكمل لحد ما تنسى ان ليك رب
ربنا يجزيك خير يا اختى الكريمه مدونه جميله بجد

محمد فكري يقول...

مش عارف ليه وانا باقرأ البوست ده حسيت برهبة الموقف..
بصراحة باقلق لو حاجة زي كده حصلت
....................
أول صعود ليا هنا...قصدي أول مرور ليا :)
سلام

محمد فوزي يقول...

الفيلم ده فعلا هايل , والعبره من التذكره تتحقق إذا حاولنا إقناع أنفسنا بخطأ فكرتنا السخيفه أننا دائما لسنا معنيين لا بالموت ولا بغيره من نوائب تصيب بقيةالعباد

تحياتي

جنّي يقول...

لسه داخل الأسانسير ..

حرام عليكي ها يفطسوا ..

اخرجيهم بتدوينة جديدة ..

mostafa rayan يقول...

ربنا يستر علينا

صيدلانيه طالعه نازله يقول...

انا بقى كل ما اركب اسانسير بافتكر الفيلم ده على طول و حسب الموود يعنى ساعات اقلق و ساعات افتكر و اضحك
ياريت كل انسان يراجع نفسه و اخطائه قبل ما يتزنق و ساعتها مش حيعرف يعمل ايه لان اللى حصل حصل و خلاص

كلبوشستان يقول...

كل واحد بعد كدا يركب الاسانسير وفي ايديه انبوبه اوكسجين احتياطي وربك يسترها وما تنفجرشي منه من كتر الضغط

صحيح جوز الست دي وابو الواد كان دورة ايه بيضحك راخر ولا كان ليه دور اجابي في الصويت " التصويت " ؟؟

•«ρяoιd»•™ يقول...

انا كل اللي بعمله بقرأ الشهاده

و اللي ربنا مقدره اكيد هيكون

تحياتي

محمد عبد الغفار يقول...

بِسْمِ اللّهِ الرَّحْمنِ الرَّحِيمِ

وَإِذَا مَسَّكُمُ الْضُّرُّ فِي الْبَحْرِ ضَلَّ مَن تَدْعُونَ إِلاَّ إِيَّاهُ فَلَمَّا نَجَّاكُمْ إِلَى الْبَرِّ أَعْرَضْتُمْ وَكَانَ الإِنْسَانُ كَفُورًا * أَفَأَمِنتُمْ أَن يَخْسِفَ بِكُمْ جَانِبَ الْبَرِّ أَوْ يُرْسِلَ عَلَيْكُمْ حَاصِبًا ثُمَّ لاَ تَجِدُواْ لَكُمْ وَكِيلاً * أَمْ أَمِنتُمْ أَن يُعِيدَكُمْ فِيهِ تَارَةً أُخْرَى فَيُرْسِلَ عَلَيْكُمْ قَاصِفا مِّنَ الرِّيحِ فَيُغْرِقَكُم بِمَا كَفَرْتُمْ ثُمَّ لاَ تَجِدُواْ لَكُمْ عَلَيْنَا بِهِ تَبِيعًا

صدق الله العظيم

الجزء 15 - سورة الإسراء - آيات 67 : 69 - صفحه 289 مصحف المدينة

.»--•ًٍ[Mًٍ®ًٍ.ًٍ¢ًٍâًٍٍَlٍMًٍ]•--«. يقول...

=)

اربعين سنة ستيوتند يقول...

حلوة جدا فكرة المصعد ده
انا مشفتش الفيلم ده
بس الفكرة عبقرية

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

المثالي جروب يقول...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالقطيف
شركة المثالية للتنظيف بالجبيل
شركة المثالية للتنظيف بالاحساء

المثالية للتنظيف سيهات
المثالية للتنظيف الاحساء
شركة مكافحة حشرات بالجبيل
شركة رش مبيدات بالجبيل

المثالي جروب يقول...


شركة تنظيف منازل بالخبر تعد افضل شركة تنظيف بالخبر والمنطقة الشرقية حيث تستطيع تقديم افضل خدمات التنظيف الشاملة ومكافحة الحشرات بالضمان بمحافظة الخبر باعلي جودة ممكنة وبارخص الاسعار المثالية التي لا تتوفر الا مع شركة تنظيف بالخبر فأذا اردتم الحصول علي خدما تنظيف المنازل والشقق والفلل والقصور والبيوت والمجالس والكنب والموكيت والمفروشات بجميع انواعها فتستطيعون الحصول علي جميع خدمات التنظيف بالجودة والدقة المثالية وبكفاءة عالية وبدقة ليس لها مثيل وهناك اهم خدمات التنظيف وهي خدمات تنظيف المجالس والكنب والمفروشات والتي تقدمها شركة تنظيف مجالس بالخبر بالاعتماد علي كافة الاساليب الحديثة وماكينات التنظيف بالبخار المتخصصة في التنظيف والتجفيف وازالة البقع كما ان شركة المثالي جروب لديها فروع بالمنطقة الشرقية فيتوفر لديها الخدمات الاتية

شركة تنظيف فلل بالخبر
شركة تنظيف شقق بالخبر
شركة تنظيف منازل بالدمام

شركة تنظيف منازل بالقطيف
شركة تنظيف بالقطيف
شركة تنظيف مجالس بالقطيف
شركة تنظيف فلل بالقطيف

شركة تنظيف خزانات بالجبيل
شركة تنظيف مسابح بالجبيل
شركة صيانة مسابح بالجبيل

المثالي جروب يقول...



شركة تنظيف منازل بالجبيل
شركة تنظيف بالجبيل
شركة تنظيف مجالس بالجبيل
شركة تنظيف شقق بالجبيل
شركة تنظيف فلل بالجبيل

شركة كشف تسربات المياه بالجبيل
شركة تسليك مجاري بالجبيل
شركة شفط بيارات بالجبيل

شركة نقل عفش بالجبيل
شركة نقل اثاث بالجبيل

المثالي جروب يقول...



شركة تنظيف منازل بالاحساء
شركة تنظيف بالاحساء
شركة تنظيف شقق بالاحساء
شركة تنظيف مجالس بالاحساء
شركة تنظيف خزانات بالاحساء
شركة تنظيف مسابح بالاحساء
شركة صيانة مسابح بالاحساء

شركة كشف تسربات المياه بالاحساء
شركة تسليك مجاري بالاحساء
شركة شفط بيارات بالاحساء

شركة نقل عفش بالاحساء
شركة نقل اثاث بالاحساء

القرآن الكريم