2014-02-19

كارثة سانت كاترين


كارثة سانت كاترين






كارثة كلنا عشناها علي اعصابنا طول اليومين  اللي عرفنا فيهم اخبار المفقودين في وادي جبال بسانت كاترين

كلنا كنا بندعي من قلبنا ان ربنا ينجي ناس مانعرفهاش من محنة وقعوا فيها ويردهم لاهلهم سالمين


كعادة تويتر الناس كلها بدأت تدلي بدلوها ويقولوا رأيهم  فاللي بيحصل وفي طرق الانقاذ ومخاطر تسلق الجبال واهمال الشباب وتقاعس الدولة .....الخ ..وده مايطلق
عليه بلغة اهل تويتر "هري" 

من يومين وانا بتابع في صمت ماقلتش ولا كلمة ولا اي تعليق عن الموضوع لان6  سنين علي تويتر وخصوصا آخر سنتين علموني ان معظم الهري بينزل علي فاشوش وان نسبة الكلام الصحيح فيه بتبقي قليلة 
خصوصا لو فيه طرف متحامل علي طرف

خلال اليومين دول تمت المتاجرة بالحكاية والتهويل والافورة الغير معقولة 
الكل بيوظف الحكاية لمصلحته 

سواء نشطاء لقوا فرصتهم في شتيمة الحكومة والجيش وظروف البلد ...الخ





 او اخوان لقوا ضالتهم في  لوم الجيش واعتباره مقصر ومابيعملش حاجة غير مطاردتهم وحبسهم

علي شوية شماتة في الانقلابيين اللي اتبطروا علي الرئيس الصالح مرسي العياط


لاحظوا كمية الرتويت والفيفوريت

وطبعا مانسيوش يحاولوا ينسبوا الضحايا ليهم باي شكل كعادتهم 




مع شوية صعبانيات  عشان الصورة تبقي حلوة 


او صحف وبرامج توك شو ماصدقوا يلاقوا حاجة يولولواعليها ويمارسوا هوايتهم في التسخين 



الموضوع مافيش حد يختلف انه كارثة ومأساة بكل المقاييس وانه فيه تقصير واستهتار من النظام

وعلي الجانب الآخر

استهتار وتقصير من منظمي الرحلة اللي سمحوا للشباب بالهايكينج فالمنطقة دي فالوقت ده من السنة


ده احد منظمي الرحلة من اماكن تريب ,لاحظوا التاريخ يوم الاتنين بليل

واستهتار واهمال من الضحايا في عدم اتخاذ الاحتياطات اللازمة لرحلة زي دي 

دا غير اهمال زمايلهم في التبليغ عن فقدهم لاكتر من يوم( فقدوا السبت وتم الابلاغ عصر الاحد)



الدليل بلغ متأخر وبالتالي الخبر علي ما وصل محافظة جنوب سيناء ومنها للجيش كان خد يوم ونص

وافورتهم في المبالغة في تقصير الدولة والولولة علي تويتر والفيسبوك ان الجيش رافض يطلع طيارات انقاذ لان الضحايا مصريين
وانه اتقالهم التصريح كمان 10 ايام











وبعد ما اتضح كذب الرواية دي كانت انتشرت بسرعة البرق واتعمل عليها بنارات ومعلقات شجب واستنكار وولوله


ايوة فيه اهمال واهمال جسيم من الدولة فكل ما يتعلق بحياة المواطن المصري اللي تعتبر ارخص حاجة في البلد دي وايوه اما بيتعرف ان الضحايا مصريين بيبقي فيه تكاسل وبطء في الاستجابة 
المنظومة بايظة ولا انتوا ناسيين اننا ثورنا عليها مرتين في 3 سنين 
بس الامانة تقتضي ان اللي بينقل كلام يقول الحقيقة  لاننا اما بنكتشف كذبه بنفقد تعاطفنا معاه ومرة في مرة مش هانصدقه بالمرة
















الامانة تقتضي انك تقول ان المعلومات اول ما وصلت للجيش اتحرك بكل الامكانيات المتاحة ليه واللي يقدر يستخدمها

دي شهادة يقال انها لاحد المسعفين



احتمال كبير افراده كانوا غير مدربين بالشكل الكافي علي النوع ده من الازمات  ولكنهم اتحركوا وفي جو زي ده ومكان زي ده بافراد وطيارة وبمعاونة البدو اللي كان ليهم الدور الاكبر بحكم معرفتهم بطبيعة المكان 

نيجي لردود افعال مجموعة تانية كانت بتوضح موقف انساني من احط المواقف مشابه تماما "لايه اللي وداها هناك"
الناس دي ماعنديش اي كلام اوصفهم بيه الصراحة 







واخيرا انهاردة بعد ماتم انقاذ 4 شباب احياء والعثور علي ال4 جثث الخاصة بالضحايا منهم محمد رمضان الله يرحمه اللي كلنا كان عندنا امل انهم يلاقوه حي ولكن قدر الله وماشاء فعل 





ده بيان القوات المسلحة التفصيلي لكل اللي حصل







 

وهو متطابق في اجزاء كتير منه مع الشهادات الموجودة فوق وبالتالي انا مصدقاه

وأخيرا 

الموضوع كله زي ماقلت تم استغلاله من جانب كل الاطراف اسوأ استغلال
وفي الاخر هاتفضل مرارة الفراق وفقد الاحبة لاهل واصحاب المتوفين  وبس 
وبالباقي هاينسوهم كالعادة ويدوروا علي قضايا جديدة يتاجر بيها
الله يرحمهم ويتجاوز عن سيئاتهم ويغفر لهم ويصبر اهلهم وحبايبهم وكل اصدقائهم
































19 comments:

moataz farouk يقول...

الموضوع نفسه هاعلق عليه بعد ما اقرأه

دلوقت لازم اقول حمدا لله على السلامه

moataz farouk يقول...

اقولك على حاجه . . .
الانسان المصري ليس له ثمن مش عند الدوله لكن عند الناس اللي كتبت الكلام ده، والسبب ان كل اللي اتكتب او معظمه له دافع سياسي ليس اكثر
والدليل على انهم لا يهمهم الانسان بقدر ما يهمهم الحدث نفسه والمتاجره به. . . عندنا تقريبا كل 48 ساعه حادثه على احد الطرق يكون فيها ميكروباص والميكروباص يتفعص ويموت داخله 12 او 14 واحد، من اسبوعين بس في حادثه بكوم امبو مات 19 واحد ومن كام يوم فيه 12 واحد ماتوا داخل ميكروباص، ، ، وقتها انتظرت اي حد من الناس دي ياخد باله بس من الحدث او يقول الدم المصري رخيص زي ما بيقولوا وقالوا هنا لكن لاحظت صمت القبور، الحادثه دي كان الطرف المشترك فيها الجيش وللسبب ده حدثت ااضجه، لكن حوادث السير والتي يذهب ضحيتها العشرات لا احد يهتم بها لان اصلا مفيش اهتمام بالانسان ولكن فيه اهتمام بالحزب والجماعه والمرشح الرئاسي !

محمد عبد الغفار يقول...

فى بلدنا صعب تقدرى تعرفى الحقيقه فين بشكل قطعى
وبالتالى انا متفق مع كل ما جاء بالتدوينه الا
- تصديق روايه المتحدث العسكرى "ولا اكذبها كذلك"
- اعتبار ان المنقذين عملوا اقصى ما لديهم فى حدود المتاح "ولا ادفع بعكس ذلك ايضا"
ببساطه الحقيقه تايهه وهتفضل تايهه

اما المؤكد الوحيد فهو لا انسانيه بعض من تناول الموضوع من عينه شباب سيس والجيش ماله ومحمد رمضان كان فى 30 يونيو البس يا عم

سفاله وانحطاط منقطع النظير

خمسة فضفضة يقول...

@معتز

الله يسلمك نورت المدونة

مانا قلت فالتدوينة ان ارخص حاجة هي حياة البني آدم وطالما مافيش من وراها منفعة محدش هايتكلم وﻻ يهمل ضجة ،وحوادث الطرق بقت مجرد رقم في نشرات الاخبار
مع ان مصر من اعلي معدلات العالم في الحوادث دي
عندي امل قبل ما موت ان شاء الله اننا نصلح كل حاجة فالبلد دي واولها منظومة النقل والطرق :)

خمسة فضفضة يقول...

@محمد
انت بس عشان ليك موقف من الجيش مش عاوز تصدق ان هو الطرف الوحيد من بين كل الاطراف اللي فعلا اتحرك بسرعة وعمل كل اللي عليه واكتر شوية
ومش فاهمة تقصد ايه مش مصدق ان المنقذين عملوا اللي عليهم وﻻ تدفع بالعكس ؟
وعموما بيان المتحدث العسكري متطابق في اكتر من موضع مع شهادات الناس اللي اتقالت طول اليومين وعندك بعض السكرين شوت ليها،وهو فعلا اتحرك فور ما وصلته الاشارة بوجود مفقودين بشهادة الناس برصو
فامنجيش عالجهة الوحيدة اللي تحملت المسؤليه ونبقي متحاملين بسبب اختلاف سياسي
وعموما دي شهادة تانية مفصلة من قلب الاحداث بتتطابق في اجزاء كتير منها مع بيان الجيش

https://www.facebook.com/photo.php?fbid=10151860607572371&set=a.10150806200802371.388524.665807370&type=1https://www.facebook.com/photo.php?fbid=10151860607572371&set=a.1015080

وي كير جيرمان يقول...



مشكوور

مدير موقع وي كير جيرماني

moataz farouk يقول...

تهانينا بحلول شهر رمضان المبارك وكل عام وانتم بخير

Mysurprise يقول...


مشكوور
مدير موقع Mysurprise

مؤسسة تنظيف يقول...

thank you

مدير موقع مؤسسة التنظيف الدوليه

مؤسسة تنظيف يقول...

vthank you

مدير موقع مؤسسة التنظيف الدوليه

Uouo Uo يقول...

thx

شركه تنظيف

Uouo Uo يقول...


thx

شركه تنظيف

Uouo Uo يقول...



thx

شركه تنظيف

Uouo Uo يقول...


thank you

سعودي اوتو

قمة الدقة يقول...

قمة الدقة
شركة تنظيف منازل بالرياض
شركة تنظيف بالقطيف
شركة تنظيف خزانات بالقطيف

المثالية للتنظيف يقول...


شركة المثالية للتنظيف تسعد بتقديم خدماتها لعملائها بالمنطقة الشرقية خدمات تنظيف خدمات مكافحة حشرات خدمات تسليك مجاري المياه للمطابخ والحمامات جميع الخدمات المنزلية تجدونها مع شركة المثالية للتنظيف بافضل جودة وارخص الاسعار بالاعتماد علي كافة الادوات الحديثة والعمالة الماهرة

شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر

المثالية للتنظيف يقول...


شركة تنظيف بيوت بالقطيف
شركة تنظيف بالقطيف

شركة تنظيف مسابح بالقطيف
شركة صيانة مسابح بالقطيف

المثالية للتنظيف يقول...


شركة تنظيف منازل بالخبر
شركة تنظيف فلل بالخبر

شركة تنظيف مسابح بالخبر
شركة صيانة مسابح بالخبر
شركة تنظيف كنب بالخبر

mahmoud elsayed يقول...



شركة تسليك مجارى بالدمام
شركة تسليك مجارى بالخبر
شركة تسليك مجارى بالقطيف
شركة تسليك مجارى بالجبيل
شركة تسليك مجارى بالاحساء
شركة تسليك مجارى بصفوى وسيهات وراس تنورة
شركة تسليك مجارى بالرياض
شركة تنظيف وشفط بيارات بالدمام والخبر
شركة رش دفان بالدمام
شركة رش مبيدات بالدمام

القرآن الكريم