خمسة فضفضة

مواجهة

2012-01-20T15:15:00.001+02:00

أحس بسخونة الدم في يده ، لم يدري كم من الوقت مر عليه وهو فاقد للوعي

ولكنه يتذكر جيدا ما حدث ،مجموعة رجال بوجوه ممسوخه مطموسة الملامح لا تشبه بشر ،

هجموا علي مزرعته الصغيره ،إختطفوا زوجته وأولاده

لا يعلم من أين أتوا ولا الي أين ذهبوا

تذكر صورة زوجته وأولاده وهم أسري والمسوخ يحملونهم بعيدا ، يصرخون مستنجدين به ، ولكن قواه كانت خائرة واهنة ولا يستطيع الحركة

تذكر صرخات أطفاله المستنجده وكيف هرع إليهم حاملا عصاه وسكينه وعندما خطا خطوة واحده ناحيتهم نال ضربة قاسية فوق رأسه

خطا خطوة ثانيه متجاهلا جرحه ،لكن أحد المهاجمين دفعه دفعه جديده في قسوه ليسقط علي ركبتيه وتسقط سكينه وعصاه

ثم ضربة أخري علي رأسه فتنفجر بالدم ويسقط علي الارض فاقد الوعي

مرت اللحظات طويله يحاول أن يستعيد بعضا من قوته ، وأن يفهم ماذا حدث ولماذا؟

سنوات يحيا مع أسرته في مزرعته الصغيرة او جنته الخاصة كما يحب أن يسميها ،بناها جر حجر وخضر أرضها بيديه

حرص أن يؤمن حدودها بنظام إلكتروني عالي الجوده وأن يطمئن بنفسه يوميا علي فاعليته

أولاده وزوجته كانوا دائمي التجول في الخلاء المحيط بالبيت دون خوف، ولِما الخوف وهو حارسهم الأمين والكل يعلم أنها ملكه وانه لا يمكن إختراقها ، والكل أيضا يعرف قوته وبطشه

أخذوا العبره مما حدث لمن فكروا قبل ذلك في التعدي عليها فنالهم ما نالهم وطردوا شر طردة بعد أن اخذوا نصيبهم من الضرب واللكم

في يوم الحادث لم يعرف من أين أتوا ولا من هم ولكنه سمع صرخات أسرته المستغيثة فهرول إليهم ليجدهم محاطين بمسوخ لا تشبه البشر يزمجرون كذئاب تلتف حول فريستها

الصوره الوحيده التي لا تفارقه هي تلك النظرة في عيون أسرته قبل أن يختفوا
نظرة تقول مئات الكلمات كل كلمة تقول أغثنا
نظرة كحد الخنجر يطعن مئات الطعنات
كلما حاول أن يتخيل مصير أسرته أصابه رعب وسرت في جسده قشعريرة
عليه ألا يتراجه وان يهب غاضبا باحثا عن سكينه وعصاه
شجاعته لابد أن تعود الآن
لا يعنيه أن يعرف من هؤلاء المعتدين بل فقط كل ماعليه أن يجتاز سور المزرعة ويخرج ليهاجمهم ويستعيد اسرته
كان كلما أغمض عينيه رأي كابوسا مزعج
جسد زوجته تنهشه ايدي المسوخ ويستحلون حرمات
اولاده اسري يناولون من صنوف العذاب

أصبح يداهمه الكابوس حتي وهو مفتوح العينين ، نفس النظرات الأخيره لأولاده وزوجته تطعنه مرات ومرات
جري في غضب هائل ومعه عصاه وسكينه ليخلصهم
تجاوز السور ليجدهم هناك ينظرون إليه في شماته وتحد
ونظراتهم تقول لن تستطيع
أسرتك اصبحت ملكا لنا وعما قليل ستصبح المزرعة أيضا
لن تستطيع ان تفعل شيئا

هَمّ ليهجم عليهم ولكن أحدهم باغته بضربة قاسية علي رأسه ، سال الدم من جديد ولكنه تجاهله
إنهالت علي جسده الضربات من كل مكان حتي فقد الوعي تماما وعندما فتح عينيه كان الظلام قد لف السماء
تمني أن يظهرون الآن جميعا ليهاجمهم مره واحده ، كان لا يعرف عددهم ، الحقيقة الوحيدة التي يعلمها أن زوجته وأولاده أسري يتظرونه ليخلصهم

كان يعلم أنهم أقوي وأشرس منه مئات المرات عليه الآن ان يستخدم المكر والحيلة
أيقن أنه لو واجههم بنفس الطريقه فسيقضون عليه هذه المرة لا محالة ستصبح أسرته ملكا لهم للأبد وسيطردونه من المزرعة كما هددوه

لم تعد لديه إختيارات لو تراجع الآن فكأنما يقتل نفسه وأسرته ... لابد أن يفعل أي شئ ... لابد ...

تحسس عصاه وسكينه .. وتقدم لمواجهتهم

تمالك كل قوته وشجاعته وقرر أن يقتل خوفه وألا يتراجع مهما كان الثمن

تمت

نقول ثور يقول احلبوه

2012-01-05T14:22:00.000+02:00

أتي وعلي وجهه حماسه و فرحه عارمه وكأنه اكتشف سر من الاسرار الرهيبه ،أخذ يتحدث عن اكتشافه الرهيب عن 6 ابريل وعلاء عبد الفتاح و اسماء محفوظ والبرادعي ومخططاتهم الرهيبه لحرق البلد واسقاط الدوله

وكيف انهم مجموعه ليبراليين داعريين

وانه راي بام عينيه الدليل علي ذلك من صور وفيديوهات ووثائق تثبت انحلالهم وخيانتهم وتلقيهم تدريبات و تمويل من عدة دول علي رأسها امريكا

ثم اخذ يسرد التفاصيل محاولا اقناعي ان الثوره ماهي الا مخطط خارجي لتقسيم مصر ..وما الي ذلك من هراء يتبوله الاعلام في آذان وعقول الناس ليل نهار ...(الله يلعن قناة الفراعين وكل الافاقين امثالها)

لم اقاطعه بكلمة واحدة ... استمعت الي كلامه حتي النهاية ... تركته ليقول كل ما يتمناه وكل الاسرار الكونيه التي عرفها مؤخرا

ثم قلت له:

بفرض ان كلامك صحيح وانهم مجموعه من الخونه اولاد التيييييييييييييييت داعرين وتلقوا تمويل اجنبي
ماعلاقة هذا بثورة شعبيه خرج فيها ملايين الي الشوارع ؟؟

هل ينفي هذا ان مبارك كان لص باع مصر بالجمله والقطاعي واثري من دم هذا الشعب المسكين
وانه سلب المصريين حريتهم و عذبهم في سجونه ومعتقلاته علي يد جلاديه من ضباط الداخليه وعلي رأسهم ضباط امن الدوله

وأنه نَصَّب نفسه إله "حاشا لله" واستعبد الجميع علي ارض مصر من اصغر طفل لاكبر رجل

وأنه مسؤول عن ما حدث للمصريين طوال 3 عقود من جهل ومرض وفقر
وانه اتخذ من مصر تكيه له ولاعوانه واراد ان يتوج ذلك بتوريث تلك التكيه لابنه مهما كلف ذلك من ثمن

هل ينفي ذلك ان السيل كان قد بلغ الزبي وانا الغضب كان مكتوما في الصدور والنار كانت مشتعله تحت الرماد وان الصبر كان قد نفذ

وهل ينفي ان المجلس العسكري هو ذراع مبارك اليمني ومشارك فيما كان يحدث من فساد وكل اعضائه هو من اختارهم بعد ثقته وتاكده من ولائهم التام له ولعائلته

وهل ينفي ان ما حدث طوال 11 شهر هي عمر الثوره يؤكد ذلك، ويرسم صوره واضحه عن خطتهم الانتقاميه من الشعب والثوار لتجرأهم علي خلع ربهم الأعلي

وان محاكماتهم سواء لقاتلي الثوار او مبارك وعصابته ماهي الا تمثيليه سخيفه ولن تاتي باي احكام رادعه وكما خرج قاتلي ثوار السيده زينب براءة الدلائل تشير الي خروج مبارك واعوانه ان لم يكن في المحكمة الابتدائيه سيكون في الاستئناف او النقض

هل ينفي اعتقال اكثر من 15 الف شاب وقتل المئات واصابة الالاف "منهم مئات بعاهات مستديمه" لا ذنب لهم الا انهم خرجوا للمطالبه بحقهم في العيش بكرامه وحرية وعدالة اجتماعيه

وهل ينفي ان المجلس يسير علي خطي مبارك في كل افعاله وخيانته لهذا الوطن وتحالفه مع اعدائه، واصراره علي دعم العدو وتمويله من ثرواتنا "بالرغم من تفجير خط الغاز 10 مرات بمعدل مره في الشهر يصر علي تصديره للعدو وبنفس الاسعار"

وهل ينفي ان المجلس ومن اول يوم قرر ان يشق صف الشعب بكل الطرق الممكنه من اول الاستفتاء الي الفتنه الطائفيه الي مسرحية ثوار العباسيه ، ما يبغي من وراء ذلك الا مصلحته وبقائه في السلطه حتي لو كان ذلك بمزيد من الجثث وباراقة المزيد ن الدماء

وان هجمتهم الشرسه علي وسائل الاعلام-بل كل من يحمل كاميرا ليوثق مايفعلوه من انتهاكات- ومداهماتهم القذره لمنظمات حقوق الانسان كان لرغبتهم في القتل والسحل وتعرية البنات في هدوء وبدون ازعاج

وهل ينفي ان كل ما يحدث وكل مايخرج من تصريحات سواء علي لسان اعضاء المجلس العسكري او تابعيهم من اعضاء المجلس الاستشاري تدل علي رغبتهم في تحجيم معظم صلاحيات اي سلطة منتخبه من الشعب"سواء مجلس الشعب او رئيس الجمهوريه" وانهم تلاعبوا اكثر من مره بالاعلان الدستوري ملتفين علي ارادة الشعب

وانهم يحاولون بكل قوة ان يوضع دستور يجعلهم يفلتون من اي حساب او عقاب

وهل ينفي ايضا ان المجلس يحكمنا بصوره غير شرعيه بإنتهاء فترة ال6 اشهر التي حددها الاعلان الدستوري في 31 سبتمبر 2011

وانه يجب عليهم ترك السلطه فورا اليوم قبل غدا ؟؟

رد قائلا لقد وعدوا بترك السلطه بعد انتخابات الرئاسه في نهاية يونيو القادم انها ستة اشهر لننتظر هل خير من تدمير البلد واسقاط الدوله

قلت له : وعدوا قبل ذلك ولم يوفوا بوعودهم ، وكل مايفعلوه يدل علي انهم لا ينون علي ترك السلطه ابدا او انهم يرتبون للدفع بمرشح رئاسي يكون رجلهم الوفي وحائط الصد المنيع الذي يحميهم من اي حساب ، وبهذا يحققوا ما يتمنوه بحكم مصر من وراء حجاب

فهل سمعت او رأيت عسكريين سلموا السلطه هكذا طواعيه في اي مكان بالعالم عبر التاريخ ؟؟

واذا كنا نريد ان نصبر ونعطي فرص كنا اعطيناها لمبارك الذي كانت تنتهي ولايته في سبتمبر ... واهو كان زمانه مشي

صمت لبرهه ثم قال ولكن 6 ابريل والبرادعي خونه وداعريين بالصور والفيديوهات لقد رائيتهم بعيني

عندها اخذت نفس عميق و مسكت نفسي عشان مارقعش بالصوت الحياني .. وإنا لله وإنا اليه راجعون

ملحوظة/ للأسف الحوار ده والله حدث بالفعل

2011 عام الشهد والدموع

2011-12-31T21:43:00.000+02:00

ساعات ونودع 2011 ... ياااااااه اخيرا هاتخلص ..مش مصدقه نفسي

اطول سنه في تاريخ مصر ..لأ لأ اعتقد انها اطول سنة في تاريخ البشرية جمعااااااء

بصراحه 2011 ماحرمتناش من حاجه نفسنا فيها ..

وصلتنا لقمة الامل.. ووصلتنا لقمة الاحباط

مافيش كارثه الا وحصلت فيها ...مافيش يوم عدي من غير احداث مؤثره

كنا بنلهث ورا الاحداث يوم بعد يوم

توسينامي

حرووب....ثورات

ناس استشهدت.... ناس ماتت ...ناس اتقتلت

..وناس بتنافس علي نهائي كاس العالم للعب في المناخير

سنه كان فيها قلب عربية خضار السبب في قلب موازين العالم العربي والعالم كله ..
وكانت بداية للربيع العربي اللي خرج من سيدي بوزيد في تونس لباقي الوطن العربي والعالم

خرج المارد العربي في كل مكان بيطالب بالحرية
ميدان التحرير في مصر
دواراللؤلؤة في البحرين
ميدان التغيير في اليمن
بني غازي في ليبيا ومنها لباقي ليبيا
درعا في سوريا ومنها لباقي سوريا

بدأ الربيع العربي ونتمني انه ينتهي علي خير لكل الشعوب وعلي مشانق لكل الطغاة

سنه كان فيها الثائر العربي هو شخصية العام

وكانت الثورات العربيه ملهمه لكل شعوب العالم اللي حاولت تقلدنا سواء في امريكا او
في اليونان او اسبانيا او ايطاليا او انجلترا

سنه حسينا فيها بالامل وحسينا اننا الاقوي وان لينا الحق في العيش بكرامه وحريه وعدالة اجتماعية

سنة قدر فيها شباب مصري أعزل علي طرد سفير اسرائيل وانزال علمها

في الوقت اللي مافيش حاكم عربي واحد يقدر يعمل كده

سنه ثورنا فيها علي الظلم والفساد ،ولما آمنا بنفسنا وغلبنا خوفنا وطلعنا المارد اللي
ساكن جوانا نجحنا نشيل راس اكبر نظام فاسد في المنطقه العربيه والشرق الاوسط

سنة قدمنا فيها آلاف الشهداء والمصابين والمفقودين وآلاف المحكومين عسكريا

اضرب علينا قنابل الغاز سواء المسيله للدموع او غاز الاعصاب او الغازات المسرطنه

خرطوش ومطاطي ورصاص حي

سحلونا وضربونا وعرونا واتبولوا علينا وسجنونا ولفقوا قضايا للشرفاء مننا

حاربونا باعلامهم القذر وقنوات دعارتهم الفضائيه

وبرضو ماقدروش يهزمونا لانهم نسيوا ان طول ما ربنا معانا
ماحدش هايقدر يهزمنا

لسه مكملين وربنا معانا وها نسقط باقي النظام باذن الله

سنة عرفنا فيها ان اللي حمي مصر وثورتها هو شعبها مش حد تاني

سنه شعارها اروح ادور اروح ادور اروح ادور

بدأناها بندور علي اللي قتل ضحايا كنيسة القديسين وسيد بلال

بعدها علي القله المندسه واجنداتها الخارجيه

وبعدين الاصابع الخفيه اللي بتلعب في الضلمه

ثم اخيرا بندور بلا انقطاع عن الطرف الثالث اللي مدوخ العالم وبقي عامل زي مستر اكس

سنة 2011 اسقطت كل الاقنعه عن كل الوجوه
وحطت كل واحد قدام نفسه

بان اللي بيحب البلد دي بجد واللي مايتأخرش عليها حتي لو طلبت منه حياته نفسها

واللي بيدورعلي نصيبه من التورته ومايهمهوش غير هايكسب اد ايه

السنه دي غيرت مفاهيم وثوابت كتييييره اوي كانت راسخه فعقولنا
رفعت ناس ونزلت بناس لسابع ارض

وعرفنا فيها ان حياة البشر عند بعضهم مش اهم من احتفاظهم بكراسيهم ومناصبهم واستمرارهم في النهب والسرقه والفساد

او ان حياة البشر مش اهم من كام كتاب اتحرقوا عمد عشان يشوهوا صورة الثوره

واخيرا

اكتشفنا فيها المخططات "الماثونيه" لهدم العالم واخطرهم علي الاطلاق مخطط 13/13/2013

سنة2011 خلااااااص بتحتضر ويارب ماترجع تاني ويارب 2012 تكون اسعد واهدي ونحقق فيها كل اللي كنا عاوزين نحققه في 2011 بس مالحقناش

سنة جديدة سعيده علي الجميع يارب

وَأَذِّنْ فِي النَّاسِ بِالْحَجِّ

2011-11-05T22:07:00.000+02:00

لبيك اللهم لبيك لبيك لا شريك لك لبيك

ان الحمد والنعمة لك والملك

لا شريك لك لبيك

لبيك حجا حقا تعبدنا ورقا

لبيك مرغوبا ومرهوبا اليك

لبيك ذا النعماء والفضل الحسن

لبيك وسعديك والخير بيديك والرهباء اليك والعمل

لبيك ذا المعارج

لبيك ذا الفواضل

لبيك إله الحق لبيك

ليست مسبحتي

2011-10-18T06:24:00.002+02:00

جائتني هدية من جوار رسول الله صلي الله عليه وسلم

سبعة أعوام تلازمني

بين يدي أتحسس حباتها

أحفظهم كأصدقائي

مسبحتي البيضاء اللامعة

ثمان وتسعون حبة ونصف من الصدف
الحبة السابعة مكسورة

شراشيبها ليست مرتبة كباقي المسابح

احبها كطفلتي الصغيرة

أغسلها أعطرها وأرتب الشراشيب

أُسبح وأُكبر وأَحمد الله مائة مرة

ثم أخبئها في درج مكتبي

لم تفارقني في حجي وعمراتي

هذا العام ضاعت مسبحتي جوار رسول الله صلي الله عليه وسلم

فتشت عنها في كل مكان

في حقيبتي

في صناديق المفقودات

بجوار المصاحف

في أيدي المعتمرات

لم أجدها

أشتريت أخري تشبهها بشراشيب مرتبة

وتسعٌ وتسعون حبة من الصدف الأبيض اللامع

أُسبح وأُكبر وأَحمد الله مائة مرة

أُفتش عن الحبة المكسورة .. وعن الشراشيب المشعثة

لا أجدها

أشعر بالاغتراب

ليست مسبحتي

الرحله 658

2011-09-07T05:24:00.000+02:00

كنت في العمر ....ايوة عمرة رمضان اللي فاتت دي .. اللي المعتمرين فيها اتبهدلوا

في مطار جده سواء الملك عبد العزيز او مدينة الحجاج

بالنسبه للعمره فالحمد لله كانت رائعه طبعا بغض النظر عن الزحام الرهيب اللي فاق كل سنه وكان حتي اكتر من موسم الحج نفسه

وصلنا علي مطار المدينه وكانت الاجراءات سهله وسريعه وخلصنا بسرعه الحمد لله

ايام الاقامه في المدينه كانت اكثر من رائعه وفيها سلام وسكينه روحيه كعادة المدينه

وصلنا مكة ليلة 21 رمضان عملنا مناسك العمره والحمد لله تمت علي خير رغم الزحام الغير عادي ،وكملنا باقي رمضان الحمد لله علي خير

المشاكل كلها كانت في مطار جده

ميعاد رجوعي المفروض كان ظهر تاني يوم العيد

معروف انه من ليلة 29 معظم الناس بتختم القرآن وجري علي المطار عشان يعيدوا فمصر

وفيه ناس بتدفع فرق عشان تقدم ميعاد رجوعها لليلة 29 ..المفروض ان اسمها الرحلات المميزه

وهي فعلا السنه دي كانت رحلات مميزه ...تختلف كليا عن اي سنه فاتت او سنه جاية :)

من يوم 29 وكل الاخبار بتتكلم عن المعتمرين المصريين العالقين في مطار جده وعن الطيران السعودي وتأخير الرحلات والناس اللي بايته في المطار بقالها يوم واتنين

وعن الخناقات اللي حصلت وتكسير مكاتب الطيران السعودي

كل ده وانا اقول لا لا لا .....رحلتنا غير .....احنا علي مصر للطيران .... وكمان تاني يوم العيد .....ومش معقول تفضل الازمه لتاني يوم العيد دا يبقي تهريج <<<<<< متفائله دايما :))

المهم اول بشري جت ان الطياره مش علي مطار الملك عبد العزيز لا علي مطار مدينة الحجاج .. وما ادراك ما مطار مدينة الحجاج .. مطار زباله وخدماته محدوده للغايه واماكن الانتظار فيه خارجيه وغير مكيفه مجرد مظلات ومش علي كل الاماكن

وانا ابدا لسه متفائله ... ما احنا سافرنا عليه قبل كده وقبل ما يتجدد بالشكل ده وكان السفر سهل وسريع

نتصل بقرايبنا واصحابننا اللي سافروا يوم 29 نلاقيهم لسه في المطار مرميين علي الارض ولا حد معبرهم وكمان فيه منهم خدوهم في الاتوبيسات ورموهم علي ممرات الطيارات في الصحراء والشمس الحارقه .... وانا لسه متفائله برضو :))

جه يوم السفر ومندوب الشركة قعد يأقلمنا نفسيا ان الرحله هاتتأخر علي الاقل 6 ساعات واننا لازم نبقي جاهزين لتقبل ده وبلاش تنشنه ولا نرفزه وان شاء الله نوصل علي خير

وصلنا مطار مدينة الحجاج الاتوبيس نزلنا في منطقة خارجيه بعيد عن مكان القاعه اللي فيها السير والوزن

وبعدها وصل اتوبيس الشنط ووقف فمكان تاني بعييييييد قالك دي الاوامر المهم ندور علي عربيه نشيل عليها الشنط مافيش .. اكنها اتبخرت ..بعدها اتضح ان الباكستانيين والهنود مستوليين عليها وبيدوها للي يدفع .. قلنا مش مشكله هين قرشك ولا تهين نفسك ..وجبنا واحده ب 50 ريال (لاحظوا المفروض هي ببلاش اصلا )

حطينا الشنط (والحمد لله احنا شنطنا كانت لا تذكر كل واحد فينا انا وزوجي معاه شنطتين حجم صغير غيرنا كان جايب بلااااوي )

وبدأت رحلة البحث عن باب الدخول ،مشينا مسافه طويييييييييييييله لحد ما لقينا طابور طوييييييييييييييييييييييييييييييييييييييييل اكتر من نصه واقف في الشمس والمفروض اننا نقف في اخره

فابما اني كنت واقعه علي رجلي ومش هاقدر اقف كل ده استأذنت من واحد نيجيري وقفني قدامه فابقيت في نص الطابور تقريبا ، نستني ان الطابور يتحرك لا ممكن ابدا

يا عمي الطابور ده ماله واقف ليه ..... اتضح ان السير عطلان وانهم قافلين القاعه علي ما يخلصوا اللي جوه او يصلحوا السير لان الشنط بتتشال يدوي والعمال طالع عينهم فيها طبعا

الناس اللي واقفه دي كان فيه منهم بقاله يوم واتنين بايتين في المطار ومنهم اللي كان دافع فرق فلوس عشان يرجع يوم 29 وطبعا كلهم علي اخرهم ومش مستحملين الهوا

المهم نص ساعه او اكتر علي ما بدأ الطابور يتحرك ودخلونا اخيرا القاعه المكيفه اللي المفروض نوزن وناخد البوردينج منها

وقفنا تاني طوابير لحد مانوصل الميزان ، بس الموظفين مش موجودين علي كل المنافذ برضو بسبب تكدس الشنط اللي بتتشال يدوي

شويه والطابور اللي انا فيه بدأ يتحرك ببطء والناس جايبه السعوديه كلها معاها دا غير مية زمزم

الموظف رفض يحط الميه في الطياره وقال كفاية العفش وبقت جراكن الميه مرميه في كل حته وبما ان الناس عاوزه تروّح وخلاص ماحدش كان بيتناقش ارمي يبقي ارمي ...وابص للميه وافتكر الصومال اللي الناس بتموت فيها ومش لاقيين نقطة الميه اللي احنا بنرميها بمنتهي البساطه دي

واخيرا وصلنا للموظف .. طبعا لا وزن ولا ديالوا بيلزق ليبول علي الشنط ويديك الكارت اللي عليه رقم وميعاد الرحله وارقام الشنط وخلاص

بعدها المفروض لو الطياره جاهزه ناخد الجواز والورقة دي ويتختموا وندخل عي الطياره بس طبعا ده ماحصلش ،جمعونا في منطقة جانبيه مافيهاش كراسي ولا فيها اي خدمات مجرد كافيتريا صغيره كده زي قلتها

طبعا الناس قعدت علي الارض واللي كان معاه الكراسي الصغيره بتاع الصلاه فتحها وقعد عليها ، واحنا قعدنا علي السير العطلان ... اهو يبقي له لازمه

نستني انهم يندهوا علي رحلتنا ...ابدا .....كل الارقام اللي قبلنا واللي بعدنا يندهوا عليها واحنا لا

افارقه ..جزائرين ...جنوب شرق اسياويين .....كل الجنسيات واحنا قاعدين

لحد ما واحد قام يصور وهددهم انه هايبعت الشريط للجزيره ...وشد معاهم والناس اتلمت وقعدت تزعق راحوا نادهين علي الرحله المنكوبه 658

ختمولنا الجوازات ودخلونا علي المكان اللي هانتفتش فيه تفتيش ذاتي وبعده علي الطياره

طوابير ..طوابير ..طوابير ... مابتنتهيش

واخيرا ركبنا الاتوبيس اللي هايودينا علي الطياره ، ميشينا بيه مسافه طوييييييييييييله جدا (اتضح بعدها ان الطياره موجوده في مطار الملك عبد العزيز مش مدينة الحجاج زي ما هانعرف بعد كده )

وشفت اكتر من 7 او 8 طيارات مصر للطيران موجوده علي الممرات ...دد كافي انه يحل الازمه بس مش عارفه هما واقفين من غير ركاب ليه ؟؟؟

ركبنا الطياره متأخرين عن ميعاد البوردينج ساعتين بالظبط زي ماقالولنا قبل كده ان الرحلات كلها بتطلع متأخره ساعتين عن الميعاد بسب الدربكه اللي حاصله ، حمدت ربنا انهم مجرد ساعتين مش مشكله واحنا نيجي ايه في القاعدين بقالهم 48 ساعه .. الله يكون فعونهم

علي الطياره احلي معامله من طقم المضيفين وكمان كان معانا عقيد من الداخليه خلصلنا الاجراءات وختم الجوازات وكل الاجراءات التانيه بحيث ننزل مطار القاهره ناخد الشنط ونروّح

الناس كلها ركبت ونستني انهم يطيروا مابيحصلش ، كنت جمب الشباك وجمبي المحرك الشمال شايفه ناس رايحه جايه عليه وشويه وفتحوه من الناحيتين وبعدها الطياره مشيت شويه لحد ماوصلت جمب حته زي الورش والمهندسين يروحوا ويجوا ومافيش فايده

عشان الوقت يعدي طقم الضيافه نزلنا الاكل والشاي ونستني انهم يخلصوا مفيش فايده

وبعد ركوبنا الطياره بساعتين قرروا ينزلونا منها لان المحرك عطلان ومحتاج قطعة غيار هايجيبوها من مصر علي الرحله اللي جايه

طبعا حصلت مصيبه الناسماصدقوا يركبوا في طياره بعد كل الانتظار ده ، و مش راضيين ينزلوا الا اما يجيبولهم طياره غيرها واللي قررر ينزل سمع ما لا يرضي من اللي مش عاوزين ينزلوا والناس مسكت في بعضها ، وطبعا لازم يشتموا الثوره ماهي دي الشماعه اللي اي حد بيعلق عليها اي حاجه بتحصل

واللي يقولك احنا شعب تييييييييييييت واللي يقولك اهو احنا كده عملنا زي بتوع التحرير اللي شالوا الريس وماعرفوش يجيبوا حد بداله وسابوا البلد تغرق طب كانوا يسيبوه يكمل مدته

واللي يقولك ماهو اصلنا مابنعرفش نخطط لللي جاي قبل ما نشيل رجلنا من حته نشوف هانحطها فين ... كل ده وانا باسمع من هنا وطلع من هنا مش عاوزه العمره تبوظ وانا لسه حتي مارجعتش مصر

المهم في الموضوع كله ان وضعنا بقي غريب جدا واخدين ختم مغادره من السعوديه وختم دخول مصر يعني احنا المفروض دلوقتي فمصر طب هانرجع مطار جدة تاني ازاي ؟؟ الله اعلم ؟؟

نزلنا ركبونا اتوبيسات خدتنا علي مطارالملك عبد العزيز (الطياره كانت موجوده فيه من الاول ) في صالة ترانزيت نظيفه ومكيفه وفيها كراسي كتير وادونا كرت صعود طياره جديد وشويه وجابولنا وجبات ساخنه وميه ( سخنه برضو هههههههههه)

طبعا الناس زعقت واتشاكلت وليهم حق بقالهم يومين مرميين في المطار

انا بقي كنت في قمة الاثاره .. حتة مغامره عمرها ما عدت عليا قبل كده

اللي زود النرفزه عند الناس هما مسؤلي مصر للطيران في الاول قالوا اننا جاهزين للاقلاع مستنيين الاذن من السلطات السعوديه وهما مش راضيين يدوهولنا وده اللي خلا الناس ماتصدقش ان الطياره فيها عطل وانهم مش عارفين يصلحوها وخلي الناس تثور وماترداش تنزل منها

بعدما كل الركاب جم قالولنا ان الطياره هاتستني قطعة الغيار واننا هانركبها علي الساعه 4 الفجر ان شاء الله ، الناس ثارت وهاجت بس ماكنش قدامهم الا الرضوخ للامر الواقع فاللي قعد قعد واللي نام علي الارض نام واللي فضل واقف فضل

اه نسيت اقولكوا كان معانا توانسه ونيجيريين نازلين ترانزيت لمطار القاهرة

علي الساعه اربعه الا ربع الناس صبرها نفذ خصوصا اما شافوا مسؤول مصر للطيران قاموا عليه شتيمه وتهزيق وحسوا انه بيضحك عليهم وتدخل الامن السعودي لتهدأت الوضع واما اتهموهم ان التعطيل ده قرار سياسي سعودي رئيس الحرس اتنرفز وحلف ايمانات انه ده مش صحيح وانه الطياره كانت فعلا فيها عطل

الغريب انهم كانوا بيرفضوا ان اي حد يصور اللي بيحصل او يسجل فيديو واي حد بيشوفوه بيمنعوه وبيمسحوا اللي معاه ... اي حد ماسك كاميرا او موبايل وبيصور كان بيعملهم ارتيكاريا .. طب خايفين من ايه دي كانت خناقه بين مصريين ومسؤول شركة مصريه .. مطاره جده ماله دا لو هو فعلا مالوش دعوه

حاجه تانيه اترددت والله اعلم صح ولا اتهامات باطله ... قالوا ان قطعة الغيار دي كانت موجوده في جده بس هما رفضوا يدوها لمصر للطيران وده اللي عطلنا كل الوقت ده علي ما القطعه دي جت من القاهرة

بعض الناس اتصلت بالقنصليه المصرية في جدة وسمعوهم درر وعرفوهم ان فيه ناس بتموت فوسط الركاب

وناس تانيه كلمت مكتب شركة مصر للطيران في القاهره وهددوهم انهم هايعملولهم مشاكل اما ينزلوا القاهرة

ومافيش فايده

كل ده ولا اكننا مصريين اصلا ولا اكن اللي بنكلمهم دول مسؤولين مصريين مافيش اي استجابه من اي حد كلهم حطين اديهم في الميه البارده ولا اكن المشكله تخصهم ولا تخص مواطنيين مصريين اصلا

ده جزء بسيط اللي عرفت اصوره في الخباثه قبل ما يمنعوني لتاني مره

وبعد ضغط الناس علي الساعه 4 ونص

قرروا ينقلونا للطياره خصوصا ان كان فيه معانا اطفال وعواجيز منهم اللي دخل في كوما وهبوط حاد والدكتور جه اكتر من مره يشوف اكتر من حالة

وقفنا طابور اخير ونقلونا علي الطياره اللي الحمد لله اتحركت حوالي الساعه6 الفجر ووصنا القاهره سالمين ومعانا شنطنا بالكامل

الحمد لله

وعقبال كل عمره واحنا طيبين

لؤي #freeloai

2011-07-04T01:15:00.000+02:00

لؤي نجاتي مش بلطجي يا مجلس العسكر

الحرية للؤي و لكل المعتقلين

افرجوا عن ...مصر

هو فيه إيه؟

2011-06-30T13:34:00.003+02:00

اعتصامات واضرابات ..عمال بتطالب بحقوقها المهدره من عقود ...ويقولوا عليهم بلطجيه

ناس غلابه حظهم ان بيوتهم اتهدت ..يوعدوهم بشقق جديده ويرجعوا فكلامهم ..يخرجوا يطالبوا بحقوقهم ...ويقولوا عليهم بلطجيه

اللي قتلوا الشهداء يتكرموا .. ويترقوا .. ومرتباتهم تزيد ... ويتقال عليهم ابطال كانوا بيدافعوا عن اقسامهم ..والي ماتوا دول بلطجيه

محاكمات القتله تتأجل ...وتتأجل ...وتتأجل...يفرجوا عن القتله بضمان ويفضلوا في شغلهم ..ماهم ابطال ..قتلوا البلطجية

اهالي الشهداء يتهانوا ويتبهدلوا ... واولادهم اللي فاضلينلهم من الدنيا يعتقلوا قدام عنيهم ... ويقولوا عليهم بلطجيه

ناس مش عاجبها اللي بيحصل ..سرقه للثوره ..واهدار دم الشهداء ...واكل حق الفقراء..يتظاهروا ويعترضوا ..ينضرب عليهم غاز ومطاطي ..ويتقال عليهم بلطجيه

الثوار في الميدان بيتهم الاول والاخير ...يتضربوا ويتهانوا ...يعتقلوهم من الشوارع ...ويتقال عليهم بلطجيه

يخفضوا ميزانية الصحه والتعليم ..يعملوا خطة تقشف عام .. ووزارة الداخليه تطالب بزيادة ميزانيتها ..يشتروا قنابل مسيله للدموع انتاج مايو 2011 ...عشان يضربوها علي البلطجيه

البلد بتغلي .....و الاشاعات ماليه الدنيا

الاخوان عاوزين الانتخابات الاول

والسلفيين عاوزين مرشحهم يبقي رئيس الجمهوريه

والليبراليين عاوزين الدستور الاول

والنخبه بايته في ستوديوهات التوك شو

والثوار تايهين ومش ملاحقين علي الضربات اللي جيالهم من كل حته

ورئيس الوزراء سايب الدنيا تضرب تقلب ورايح غينيا يحضر قمة الاتحاد الأفريقى

ووزير الداخليه بيتفرج علي ماتش مالوش 30 لازمة

والنائب العام راح يعمل عمره ويحضر غسيل الكعبة وسايب تل القضايا اللي علي دماغه

والمجلس العسكري واقف ورا الستاره بيضحك وعامل نفسه مش هنا

والشعب لسه يريد اسقاط النظام

الفرسان

2011-06-24T01:19:00.000+02:00

ضباط 8 ابريل

اكيد سمعت الكلمة دي قبل كده كتير

طب تعرف مين الظباط دول ؟وهما فين دلوقتي ؟

دول مجموعه من اشرف رجال مصر دول ظباط 2011 الاحرار

شافوا الغلط قدام عنيهم وماسكتوش عليه زي كتير غيرهم خافوا علي نفسهم

ضحوا بكل حاجه في الدنيا عشان يوصلوا كلمة الحق ويسمع صوتهم كل الناس

نزلوا يعترفوا بالثوره وبمطالبها المشروعه ويطالبوا بكل اللي الناس طالبت بيه من محاكمة لرموز الفساد ومحاكمة قتله الثوار واسترداد الاموال المنهوبه ومجلس رئاسي مدني والافراج عن كل المعتقلين قبل وبعد 25 يناير

نزلوا رافعين شعار الجيش والشعب ايد واحده ومش ممكن اي حد يفرقهم،ماكنش ليهم مطالب خاصه ولاعاوزين يعملوا انقلاب علي الجيش زي ما اشيع عنهم ظلما وعدوانا

نزلوا من غير سلاح فقط باللبس الميري رافعين كارنيهاتهم العسكريه عشان يأكدوا للجميع انهم من داخل الجيش ومازالوا في الخدمه مش زي ما اتقال انهم مفصولين

تفتكروا اللي عاوز يعمل انقلاب يعمل كده؟؟؟

كلنا شفناهم بعينيا اللي نزل الميدان يوم 8 ابريل واللي كان قاعد يتابع قدام شاشات التليفيزيون

قرروا وقرر شرفاء الميدان انهم يعتصموا لحد ماتتنفذ مطالب الثورة واللي وقتها حتي تحويل رموز الفساد للنيابه ماكنش تم

ايه اللي حصل ياساده؟؟

بعد اول دقيقه في حظر التجول حصل هجوم كاسح من الجيش وقواته الخاصه والامن الرمكزي لفض الميدان بالقوه مع اطلاق نار كثيف جدا ولا اكنها حرب

كلنا تابعناه علي الجزيره مباشر

وتم القبض عليهم من وسط المعتصمين بالقوه

وتم محاكمتهم ومنهم اللي اتحكم عليه ب 10 سنين في السجن الحربي
في الوقت اللي قتلة الثوار من ظباط الشرطه رجعوا اماكنهم ومرتباتهم تضاعفت ومنهم اللي اترقي
في السجن 10 سنين و مبارك في شرم في مستشفي عشر نجوم وعصابته في بورتو طره معززين مكرمين-زي مابنسمع يعني ماهو احنا ماشوفناش بعنينا

الظباط دول يستحقوا مننا كل الدعم والتاييد والمطالبه بالافراج عنهم وعدم معاملتهم كانهم خونه
دول واللي زيهم هما املنا في الخروج من الحفره اللي وقعنا فيها من يوم 11 فبراير ومش عارفين نخرج منها

وزي ما الظباط والعساكر وقفوا جمب الشعب ال 18 يوم ورفضوا تنفيذ الاوامر بضرب الميدان
وكان ليهم فضل كبير في خلع مبارك من الحكم برفضهم ضرب اخواتهم
دلوقتي جه وقت رد الجميل ليهم والوقوف جمبهم في محنتهم والمطالبه بالافراج عنهم وعدم معاملتهم كخونه
واكيد هايجي اليوم اللي تتكسر فيه اسوار السجون ويخرج منها كل الشرفاء المسجونين ظلما وعدوانا
ولحد ما اليوم ده يجي ان شاء الله عاوزاهم يقبلوا اسفي لان كل اللي فايدي دلوقتي هي مدونتي ان اكتب فيها واطالب بده

افرجوا عن شرفاء الجيش

الاضراب مشروع مشروع .....ضد الفقر ضد الجوع

2011-06-16T23:04:00.002+02:00

لن تستطيع ان تحبس الآآآآآآآه في صدور المرضي

لن تستطيع أن تجرم البكاء علي الموتي

لن تستطيع أن تمنع الهواء وتحرم الكلام

فأسهل لك انت تقتلنا لترغمنا علي الصمت التام

ستستمر الاعتصامات والمظاهرات والاحتجاجات المطالبه بالحقوق ،التي تسميها ظلما بالفئوية

ومهما سُنت القوانين والتشريعات لن يتوقف احدنا عن الهتاف مطالبا بحقه الذي اهدر علي مدار السنوات ....ومازال

حتي بعد ان قامت ثوره ضد القهر والظلم واهدار الحقوق ...مازالت تهدر الحقوق

الثوره التي كان عمودها الفقري المظاهرات الاعتصامات والاضرابات هي من جاءت بكم لمقاعدكم ...ثم يكون اول القرارات قانون يجرمها !!!!؟؟؟

قانون مشبوه سن في الظلام وبدون اعلان ، بعد ان احتج الجميع علي مرسومة وطالبوا بالغاؤه ، اذا بنا نفاجأ ذات ليلة انه قد تمت الموافقة عليه ونشر بالجريدة الرسمية في سرية تامة

قانون لا يتماشي مع حق الانسان في التظاهر السلمي والتعبير عن رأيه بحرية تامه دون تعرضه للتخويف او التهديد او العنف

كان من اهم مطالب ثورة 25 يناير العداله الاجتماعيه ومرعاة الفقراء وتحقيق توازن بين الاسعار والرواتب

هؤلاء الفقراء من جاءوا بكم لمقاعدكم ..اصبحت مطالبهم فئويه انتهازيه لا تراعي ظروف البلد ... اصبحوا ملاحقين امنيا

ومهددين بالسجن والغرامه لانهم يطالبون بما خرجوا ليطالبوا به في الخامس والعشرين من يناير

عندما تنحي الطاغية اعتقد الجميع ان الحقوق ستعود لاصحابها ولن يكون هناك ظلم بعد اليوم ولكنها لم تعد فخرجوا يطالبون بها

يخرجون للمطالبة بحقوقهم فيعاملون كبلطجيه قطاع طرق مغضوب عليهم من الجميع

وهل لو كان احدهم يمتلك 50 الف جنيه (قيمة الغرامه المفترضه) هل كان سيخرج يوما من بيته ليطالب بشئ

كيف تريد من الناس ان يكفوا عن المطالبه بحقوقهم التي تسوف وتؤجل ، بالرغم من وعودك الورديه بجعلها علي قمة اولوياتك

كيف تطالب احدهم ان ينتظر علي حقه- الذي لا تتحمله ميزانية الدوله المنهكه بسبب تردي الاوضاع الاقتصاديه علي حد قولك - وهو يراك تقدم التسهيلات والتنازلات تلو الأخري لمن استولي علي خيرات هذا البد لسنوات وسنوات ولن يضره التنازل عن بعض ارباحه الخيالية - التي تتجاوز الحد الاقصي للارباح في اكبر دول العالم - ولو لحين

تقترح فرض ضريبه علي الارباح الرأسمالية يتم الاحتجاج عليها فتستجيب الدوله

فورا..اليست مطالب فئويه انانيه لا تهتم الا بمصلحة الاغنياء

وحين تقترح حد ادني للأجور 700 -وهو اقل مما اقره حكم المحكمة الستوريه- فيعترض رجال الاعمال بحجج واهيه...ويهددون ان هذا القرار سيزيد نسبة البطاله ل 25%

يخرج الفلاحون للمطالبة بتحسين ظروفهم وتمليكهم أراضيهم التي يزرعونها منذ عشرات السنين وتخفيض اسعار الاسمده الزراعيه ورد الغرامات المحصله منهم بدون وجه حق ، فيتم القبض عليهم وتوجيه اتهامات لهم بالاعتداء على أمين شرطة وتكدير الأمن العام وحيازة أسلحة خشبية والتظاهر والتجمهر وتعطيل المرور

ويعتدي عليهم الامن المركزي بوقاحه وهمجية

ثم يأمر النائب العام بالافراج عنهم بكفاله 10 الاف جنيه(وهل يملك فلاح بسيط ربع هذا المبلع) قبل ان يسقط الكفاله ويقرر اخلاء سبيلهم بضمان محل الاقامه بعد تضامن عدد كبير من زملائهم ومن النشطاء معهم

تعتقد الحكومه ان هؤلاء مجموعه من المنتفعين الانتهازيين بالرغم من ان احتجاجاتهم في معظم الاحيان ماهي الا ثورات صغيره تكشف فساد زرعه النظام السابق في مفاصل الدوله - مصنع غزل شبين علي سبيل المثال

واذا كانت الاعتصامات والمطالب تقض مضاجعكم فبدلا من تجريمها انظروا فيها وقوموا بتنفذها حتي يعود الناس لاعمالهم ويتم الدفع بعجلة الانتاج المزعومه التي لا يستهويها الا ان تسير علي اعناق ملايين العمال

فإننا وللمرة المليون لن نكف عن الصراخ والهتاف والمطالبه بحقوقنا المنهوبه مهما سُنت القوانين وفُرضت الغرامات

لا للمحاكمات العسكرية

2011-06-01T13:22:00.000+02:00

يومان واكثر استعد لكتابة هذه التدوينة عن المحاكمات العسكريه وانتهاكات النيابة والشرطة العسكرية

شاهدت عشرات الفيديوهات من شهادات اهالي المحكومين باحكام عسكرية،او المفرج عنهم من قبل الشرطة العسكرية

حكايات تدمي القلب

قرأت تقارير المنظمات الحقوقية التي توثق ماحدث منذ الثامن والعشرين من يناير يوم نزول الجيش الي القاهرة وحتي الآن ،
بعض التقارير تشير لاعداد كارثية -تتخطي ال5000 مدني -احيلوا لمحاكمات عسكرية

وصفت منظمة هيومن رايتس ووتش المحاكمات العسكرية بأنها تخطف نظام العداله وطالبت المؤسسة العسكرية أن تفرج عن جميع المتظاهرين المحتجزين دون وجه حق وإعادة محاكمة الآخرين الذين توجد ضدهم أدلة أمام المحاكم العادية.

اما منظمة العفو الدوليه فتحث الجيش المصري علي وقف العنف ضد المدنيين

وبعد كل ما قرأت وشاهدت لم اجد ابلغ من كلمات الضحايا اوكلمات أهلهم تصف ماحدث ومازال يحدث في السجون العسكرية

اولا لتوضيخ الفرق بين المحاكمات العسكرية والمحاكمات المدنية شاهدوا هذا الفيديو

وهذه بعض الشهادات التي تم توثيقها لبعض اهالي المحتجزين

لا للمحاكمات العسكرية

ام احمد ومحمود نور الدين

والدة المعتقل محمد سعيد احداث السفارة الاسرائيلية 15 مايو

اما اكبر الجرائم في حق المتظاهرين السلميين فكانت الانتهاكات التي حدثت في فض اعتصام 9 مارس بالقوه والتي اعتقل علي إثره حوالي 170 متظاهر من بينهم 17 فتاه اجبرن علي اجراء كشف للعذرية في الهايكستب
ومنذ ذلك الحين والمؤسسة العسكرية تنفي حدوث مثل هذا الفعل المشين حتي الأمس عندما نشرت السي ان ان بنسختيها الانجليزية والعربية تحقيق يكشف اعتراف مسؤول عسكري بارز (لم يتم تحديد اسمه) أنه تم بالفعل اجبار الناشطات علي اجراء اختبارات العذرية

وتم إرفاق فيديو لإحدي ضحايا هذه الانتهاكات تحكي ما حدث معها

وهذه نفس الفتاه سلوي حسيني تحكي ماحدث في مؤتمر لا للمحاكمات العسكريه بنقابة الصحفيين اواخر مارس الماضي

لمزيد من الشهادات المروعة يمكنكم الدخول علي يوتيوب

هنا

و

هنا

كل مطالبنا هو تحقيق العدالة والمحاكمات المنصفة امام قاضي مدني وليس عسكري
والافراج الفوري عن كافة معتقلي الرأي قبل وبعد 25 يناير
وإعادة محاكمة كل المحكوم عليهم بواسطة القضاء العسكري امام قاضي مدني يحدد ما اذا كانت التهم الموجهه اليهم صحيحه ام لا مع توفير محامين لهم

وذلك تطبيقا لنصوص الاعلان الدستوري الصادر في30 مارس 2011

المادة 8:

الحرية الشخصية حق طبيعى وهى مصونة لا تمس , وفيما عدا حالة التلبس لا يجوز القبض على أحد أو تفتيشه أو حبسه أو تقييد حريته بأى قيد أو منعه من التنقل إلا بأمر تستلزمه ضرورة التحقيق وصيانة أمن المجتمع , ويصدر هذا الأمر من القاضى المختص أو النيابة العامة , وذلك وفقا لأحكام القانون ، ويحدد القانون مدة الحبس الاحتياطى .

المادة 9:

كل مواطن يقبض عليه أو يحبس أو تقيد حريته بأى قيد تجب معاملته بما يحفظ عليه كرامة الإنسان , ولا يجوز إيذاؤه بدنيا أو معنويا , كما لا يجوز حجزه أو حبسه فى غير الأماكن الخاضعة للقوانين الصادرة بتنظيم السجون ، وكل قول يثبت أنه صدر من مواطن تحت وطأة شئ مما تقدم أو التهديد بشئ منه يهدر ولا يعول عليه.

المادة 20:

المتهم برئ حتى تثبت إدانته فى محاكمة قانونيه تكفل له فيها ضمانات الدفاع عن نفسه , وكل متهم فى جناية يجب أن يكون له محام يدافع عنه .

المادة 21:

التقاضى حق مصون ومكفول للناس كافة , ولكل مواطن حق الالتجاء إلى قاضيه الطبيعى

المادة 22:

حق الدفاع أصالة أو بالوكالة مكفول ، ويكفل القانون لغير القادرين مالياً وسائل الالتجاء إلى القضاء والدفاع عن حقوقهم .

والله الموفق والمستعان

تغيير ..حرية ...عداله اجتماعيه

2011-05-23T05:40:00.001+02:00

تغيير .... حرية ...عدالة اجتماعية

دي كانت المطالب الاساسية لثورة 25 يناير واللي الشعب نزل يطالب بيها في كل ميادين وشوارع مصر

تغيير

كتير اعتبروا انه بسقوط مبارك يوم 11 فبراير اتحقق حلم التغيير اللي طالبنا بيه لكن الحقيقه ده كان مجرد سقوط لقمة جبل الجليد اللي باينه فوق المايه وباقي الجبل راسخ ومتشعب وثابت مكانه زي ماهو

او تغيير علي طريقة الفكهانيه ، شالوا الوش المعطوب وسابلونا العفن والعطن موجود في بقية القفص

الفساد لسه فكل حته ماتغيرش قواعده سليمه ماتلمستش

محافظين من قيادات الحزب الوطني او لواءات سابقين في الجيش والشرطه

المجالس المحلية المزوره لسه موجوده

عمداء ورؤساء الجامعه اللي متعينين باوامر امن الدوله لسه موجودين

قيادات الاعلام اللي اتعينت بمباركة امن الدوله وعاشت طول عمرها تطبل لمبارك وعصابته لسه موجوده

قيادات فاسده في كل الوزرات

في كل حته ناس ولائها كان ومازال للنظام الفاسد السابق

حتي في وزارة الداخليه اللي الناس فيها متهمين باخطر تهمه في الوجود قتل النفس اللي حرم الله قتلها الا بالحق

لسه القيادات هي هي موجوده في اماكنها وان ماكنش كمان اترقت لمناصب واماكن احسن ومرتباتها زادت وفوق كل ده مش عاوزين ينزلوا يشوفوا شغلهم اللي بياخدوا عليه مرتبات من فلوس الشعب

جهاز امن الدوله اللي ياما عذب وقتل وروع آمنين واللي الشعب اسقطه باديه يوم 4 ويوم 5 مارس

رجعلنا باسم جديد <<<<<الامن الوطني ونسبه كبيره من ظباطه كانوا في امن الدوله

تعديل الدستور اللي كان من ضمن مطالب الثورة واللي عملنا استفتاء علي تعديل ست مواد منه ، وطلعت النتيجه بنعم بعدها فوجئنا باعلان دستوري من 62 ماده

ماسمعناش عنهم ولا قلنا راينا فيهم

ومش كده كمان دا علي حد كلام المجلس العسكري ان نعم كانت علي شرعية المجلس العسكري مش علي ال6 مواد

كل اللي اتغير في مصر من يوم 25 يناير لدلوقتي اننا شلنا مبارك وجبنا مكانه مجلس عسكري عينه مبارك بنفسه

مبارك وعصابته اللي قتلوا الناس وسمموا الاكل والميه وذلونا طول 30 سنه بيتحاكموا محاكمات هزليه عن تهم اكبر عقوبه ليها ماتتعداش 15 سنه اما التهم الاساسيه اللي بتتمثل في الفساد السياسي وقتل المتظاهرين وخيانه عظمي وارهاب للشعب وشق الصف وترويج للفتنه الطائفيه وفتح السجون وغيرها من التهم اللي اقل عقوبه ليها الاعدام فا دي مش في الحسبان واكنها ماحصلتش

اتغيرت الاسامي والوشوش هي هيا

عدالة اجتماعية

وده كان من اهم مطالب عدد كبير من اللي شاركوا في الثوره

حد ادني يحقق عيشه كريمه ويبعد الناس عن ذل الحاجه

واللي بيطالبوا بيه دلوقتي ( العمال) بيتوصفوا بانهم مخربين وعاوزين يوقفوا عجلة الانتاج ويخربوا الاقتصاد

واللي زاد وغطي ان مطالبهم بتتوصف انها مطالب فئويه ومش وقتها ، امال وقتها امتي

وفوق كل ده بيتم تحريض الناس ضدهم ويطالبوهم بالتصدي ليهم

وبيرهبوهم بقانون منع التظاهر وبالشرطه العسكريه اللي اكتر من مره هددت العمال بالاعتقال والسجن

ازاي تطالب واحد بياخد 150 جنيه يصبر وهو شايف رئيسه في نفس المؤسسه بياخد مليون جنيه

لا ومش يصبر وبس دا كمان يشتغل ويتنج ويدخل فلوس لصاحب المصنع اللي مابيديهوش حقه

طب اشمعني ميزانية الدوله تسمح انها تدي واحد مليون وماتسمحش انها تدي زميله 1200 جنيه ( حد ادني حكم بيه حكم محكمة في اواخر حكم مبارك بيلزم الحكومه بحد ادني للاجور)

مش هانحمل ميزانية الدوله حاجه زياده اعملوا حد ادني واقصي للاجور اللي بياخد مليون جنيه ده مرتبه يحل ازمة 500 واحد بياخد 150 جنيه

الوزارات ماليانه مستشارين كل وظيفتهم في الحياه انهم يقبضوا آلاف مؤلفه من فلوس الشعب اخر كل شهر من غير لازمه،

منصب مستشار في العاده اخترعوه عشان يريحوا فيه الحبايب والمحاسيب بعد مايطلعوا علي المعاش مش اكتر

غربلوا الوزارات منهم ووفروا فلوسهم لباقي الشعب

الحل سهل بس مافيش نيه صادقة لتنفيذه في الوقت الحالي

حرية

كانت اهم مطالب ثورتنا هي الحريه بس للاسف بعد 25 يناير اتغير الوضع للاسوأ اعتقالات وقمع تظاهرات ومحاكمات وسجون عسكريه

واهانات للثوار المقبوض عليهم وتعذيبهم ووصفهم بالبلطجيه

فض الاعتصامات بالقوه المفرطه زي ماحصل في فض اعتصامات التحرير في 26 فبراير و9 مارس و9 ابريل ، و15 مايو قدام السفاره الاسرائيليه

ووصل الامر لاستخدام الرصاص الحي واصابة بعض المتظاهرين منهم عاطف يحيي اللي حالته خطيره وبين الحياة والموت

دا غير قانون تجريم التظاهرات والاعتصامات اللي بيمنع حق من حقوق الانسان اللي كفالها له الاعلان العالمي لحقوق الانسان واللي بيمنح للناس حق التظاهر السلمي والتعبير عن رأيهم بحريه كامله

من اهم المطالب كانت حرية الاعلام وتطهيره من كل الفاسدين بعد الثوره رجع الرقيب بابشع ثوره

قانون الطوارئ اللي كان علي رأس مطالب الثوار هو الغاؤه فورا، لسه ساري وبعد ما وعدونا بالغاؤه قبل الانتخابات قرروا يمدوه لبعد انتخابات الرئاسه متحججين بالحاله الامنيه

ايام مبارك كنا عايشين في دولة بوليسيه من الطراز الاول

دلوقتي بقينا عايشين في دوله عسكريه بجداره

ايه اللي اتغير وفين الحريه المنشوده

نيابة امن الدوله اتحولت ل س 28

ومحاكم امن الدوله العليا اتغيرت للمحاكم العسكريه

عفوا مجلسنا العسكري مش دي الحريه اللي الشعب خرج يطالب بيها يوم 25 يناير

مش دي الحريه اللي مات عشان 840 واحد واتصاب اكتر من 6000 واحد من خيرة شباب مصر

مش حاسين بالتغيير ..وراجعين التحرير ...27 مايو 2011

حكاية حلم

2011-04-05T08:01:00.001+02:00

يوم السبت الماضي حلمت حلم غريب

بعد جمعه مشحونه بمشاهد التحرير "جمعة انقاذ الثوره " ،تلاها يوم اخر من عمل مرهق في المنزل قررت ان اغفو قليلا بعد المغرب

فحلمت هذا الحلم :

إحدي صديقاتي دعتني لزيارتها في مدينة ساحليه (لا أتذكر إسكندرية كانت أم بورسعيد)

كانت أُمي معي ولنقابل تلك الصديقة كان لزاما علينا أن نعبر كوبري فوق البحر حيث كانت صديقتي تنتظرنا علي الجهة الأخري منه

كانت صورة هذا الكوبري مطابقة لصورة كوبري قصر النيل بنفس المشهد الذي يظهر في الفيديو الشهير لضرب المتظاهرين بخراطيم المياه اثناء الصلاة، نفس الجو الضبابي، بالرغم من أنني كنت داخل المشهد إلا أنني كنت أري الصوره كما في كادر الفيديو -من نفس المستوي المرتفع

الفرق ان الكوبري كان علي البحر وليس النيل

أراني انا وأُمي نسير في المنتصف وفجأة تأتي رياح عاتيه تتقاذفنا يمين ويسار ،

الرياح كانت قويه جدا ومؤلمة ايضا كأنها لكمات تأتينا من كل مكان ،أشعر أننا لن نستطيع العبور للضفه الأخري وسنقع حتما في البحر

لا أتذكر هل كان هناك مطر أم لا

أقبض علي يد أُمي بكل ما امتلكه من قوه وهي أيضا تتمسك بي بكل قوتها

أُحدث نفسي: مش كنا فضلنا في بيتنا أحسن بدل البهدله دي

توحي أُمي اليٌ أن لا أخاف ، واأسمعها وكأنها تقول : ماتخافيش هانعدي إن شاء الله ومش هانقع إمسكي فأيدي قوي

أما صديقتي فتقف علي الضفه الأخري تشجعنا حتي نسمتر في طريقنا ولا نعود للخلف

فجأة ووسط كل هذا الإحباط يتغير المشهد تماما وكأننا نمنا ثم إستيقظنا

نجد أنفسنا نجلس في حديقه غايه في الروعه تحيطنا الخضره من كل مكان- الجو صحو والشمس ساطعه

كنا نجلس تحت مظله - أنا وأُمي وصديقتي - نتناول الإفطار والمشروبات البارده ونضحك ويملأنا الأمل

وصديقتي تنظر لنا وتبتسم وكأنها تقول : مش قلتلكوا الجو هايبقي كويس والشمس هاتطلع دي بلدي وانا عارفه جوها كويس

إستيقظت بعدها علي جرس تليفون وأنا أشعر أن جسدي يؤلمني بشده وكأن لكمات الرياح كانت حقيقيه

لأ لأ لأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأا

2011-03-17T20:05:00.001+02:00

إقرا الحادثة

2011-02-25T07:24:00.001+02:00

ضابط شرطة يطلق النار علي سائق ميكروباص بالمعادي ، والسبب في منتهي التفاهه ، الاتنين بيتسابقوا علي اولوية المرور واحد زنق علي التاني نزل من عربيته وضربه بالنار ، كده بمنتهي البساطه ولا اكننا في فيلم من افلام رعاة البقر

في الاخر يتضخ ان الجاني ظابط شرطه ، وطبعا الناس ماسكتتلوش

ده كلام والد سواق الميكروباص المجني عليه

وده جزء من اللي الناس عملته في الظابط اللي المفروض الجاني

اللي الظابط عمله طبعا جريمه بشعه بمعني الكلمه تعبر عن همجيه وتعالي واعتبارهم - هو وكل الظباط - ان الناس دي عبيد وهما اسياد بنص الكلمه اللي قالها مدير امن دمنهور في الفيديو ده

رد فعل الناس مش معقول ، تقريبا ماصدقوا يلاقوا واحد من الشرطه يطلعوا فيه غل وكبت وقهر ال 30 سنه اللي فاتت

واكيد انهم من خلال خبراتهم السابقه مع الشرطه عارفين كويس اوي انهم لو حاولوا ياخدوا حقهم بالقانون مش هايعرفوا يخدوه ويمكن كمان تتلفق قضيه للمجني عليه ويتحول بقدرة قادر لجاني عشان كده قرروا ياخدوا حقهم باديهم

خصوصا انهم مش شايفين اي تغير ملحوظ في تعامل الشرطه معاهم الي جانب رفض رئيسهم المباشر المتمثل في وزير الداخليه انه يعترف باخطاء الشرطه والجرايم اللي ارتكبتها في حق الشعب من يوم 25 ولحد دلوقتي

واكيد لو استمر الحال علي ماهو عليه ، البلد فعليا هاتتحول لغابه مالهاش لاظابط ولا رابط واللي عاوز يعمل حاجه هايعملها

هاتقولولي ايه الحل

الحل هو في تطهير جهاز الشرطه والاعتراف منهم بالاخطاء ومحاسبة المتسبب فيها وتغيير وزير الداخليه وردع اي واحد منهم يخرج عن حدوده او يحاول يذل ويهين الناس تاني بغير وجه حق مهما كان منصبه

ويكون فيه جهاز رقابي فاعل ، من خارج الداخليه وليكن من وزارة العدل مثلا ، يقبل اي شكاوي من الشعب في حق الشرطه ، ماهو مش معقول نشتكي الشرطه للشرطه ، مش هايبقوا هما الخصم والحكم في نفس الوقت

واخيرا اتمني انه تتم عملية علاج نفسي جماعي لكل الظباط اللي بقالهم 30 سنه بيغرسوا فيهم الهنجهية والصلف وانهم من جنس ارقي من الشعب وانهم عايشين في وسية ابوهم لحد ما كلهم تقريبا بقوا بيعانوا من جنون العظمه

ايوه فعلا مش هزار عملية علاج نفسي و يبقي لكل ظابط كارت متابعه عند واحد من الاطباء النفسيين واي ظابط يتعين لازم يعدي الاول علي دكتور نفسي

مش عاوزين تاني اي مريض يتحكم في مقدرات الناس ولا يطلع امراضه عليهم

زي ما حصل و لسه بيحصل

ولاتحسبن الله غافلاً عما يعمل الظالمون

2011-02-21T20:15:00.001+02:00

حسبنا الله ونعم الوكيل

قاتل ، مجنون ، ومريض نفسي

اللهم عليك به وبمن والاه

اللهم رد كيده الي نحره اللهم اجعل تدبيره في تدميره اللهم خذه اخذ عزيز مقتدر

اللهم اغث ليبيا واهلها والهمهم الصبر والنصر

آمين

سيناريو الثورة المضادة !

2011-02-17T04:59:00.000+02:00

الموضوع التالي منقول من احد المواقع لاهمية الكلام وحقيقته بصوره كبيره ، ارجوكم اقرأوه باهتمام واحذروا كل الحذر من ان يتم الالتفاف علي مكاسب ثورة 25 يناير واجهاضها في مهدها

فى كل الثورات المنتصرة .. هناك ما يسمى بالثورة المضادة .. و يقوم و يخطط لها

عدد من اتباع الحاكم المستبد المخلوع و المستفيدين منه و أعوانه

و أحيانا قد تنتهز الفرصة و تنجح مثلما حدث فى حالة الثورة الفرنسية فى احدى مراحلها .. و مثلما حدث فى الثورة المضادة على ثورة مصدق فى ايران عام 1951 و التى نجحت الى حد اعادة شاه ايران مرة أخرى وقتها بالشكل الذي جعل الشاه وقتها يقول ل" كيرميت روزفلت " ( ممثل المخابرات الامريكية ) :" إنني مدين بعرشي الى الله ثم الى شعبي ثم اليك " و كان صائبا فى الجزء الأخير فقط !

هذه الثورة المضادة كان لها محاولات ايضا فى تاريخ مصر , و كلنا نعرف ما حدث ايام العدوان الثلاثي على مصر ( 1956 ) عندما اجتمع عدد من الباشوات ( من أتباع النظام الملكي البائد ) ليحاولوا الاتصال بالسفارة البريطانية - اثناء الحرب و يعرضوا أنفسهم للحكم كبديل عن عهد عبد الناصر و ووصلت الاتصالات الى حد بدء الباشوات فى تشكيل حكومة من شدة ثقتهم فى انتصار بريطانيا و فرنسا و اسرائيل و سحقهم للقوات المصرية و المقاومة الشعبية فى بورسعيد , لكن ذلك لم يحدث و انقلب السحر على الساحر

و حتى فى حالة ثورة تونس .. شاهدنا كلنا اتباع نظام بن على و هم يشيعون الفوضى بعد هروبه فى الايام التى تلت السقوط لمدة شهر قبل ان تتكشف الحقيقة و يتضح ان بعض قيادات الحرس الرئاسي هم المسئولون عن هذا

و فى حالة ثورتنا هنا ... من يخطط لهذه الثورة المضادة .. ليس بالضرورة لعودة مبارك .. بل فقط لإستمرار نظام مبارك بشكل آخر اكثر تطورا او عودة بشكل جديد او ومختلف

و بالطبع لا حاجة للقول هنا السيناريو القادم ليس من قبيل التخيل المطلق ( و ستجدون بانفسكم ان الأمر اكثر تعقيدا من خيال اي شخص او قدرته على الاختلاق , مهما كان عبقريا )

بل هو اجزاء و شواهد وردت الينا مؤكدة من عدة مصادر حتى تكشفت لدينا الصورة كاملة بعد بحث مضني فى المؤشرات لنتأكد مما ورد الينا

و لا استطيع الجزم بوجوده 100 % .. و لكنني شخصيا متيقن انه حقيقي .. و لكن وجدت ان افضل ما نفعله للتأكد هو أن نقوم بعرضه عليكم

نعم .. سأعرض السيناريو تفصيليا و بعدها يكون الحكم لكم :

اذا كان هذا ممكن ؟ أو هذا صحيح ؟

هل هذا متوقع ؟

* الصورة الكاملة :

بعد نجاح الثورة و بدء حصارها لعدد من رموز و قيادات النظام و بقاء جزء منهم ينتظر المحاسبة قرر عدد منهم أن يبادر بالهجوم اتباعا لمبدأ " الهجوم خير وسيلة للدفاع "

و اجتمعت الضباع الجريحة على عدة طوائف متفرقة يجمعهم انهم من رجال النظام المطلوب انهاؤه :

* ضباط فى جهاز امن دولة تحركهم روح الانتقام و الخوف من المحاسبة على عهود تعذيب

* رجال مخابرات يدينون بالولاء لعمر سليمان

* رجال اعمال فاسدين معرضون للمطاردة و المحاسبة و المحاكمة

* قيادات كبرى و صغرى فى الحزب الوطني وجدوا أنه يصعب عليهم التلون فى ظل النظام الجديد و فى ظل جيل من الثوار لديه انترنت يوثق كل ما جرى و كل كلمة قالوها سابقا

* و قيادات اعلامية ( بعضها ما زال موجودا ) ينتظر اقالة بين ليلة و اخرى

* بعض المسئولين الحاليين فى الحكومة و فى مواقع حيوية ( منهم وزراء ما زالوا فى مواقعهم فى الحكومة الحالية و ينتظرون اقالتهم )

و بعد اجتماعهم , تقررت الخطة لتحقيق عدة أهداف متفاوتة المدى :

- الدفاع عن صورتهم بشكل عام و ازالة اتهاماتهم اعلاميا

- شغل الرأي العام و الثوار و الجيش عن محاسبتهم عن جرائمهم طوال سنوات فى حق الشعب المصري

- الايقاع بين قيادات القوات المسلحة و بين الثوار و افساد الروح الايجابية بينهم

- اشاعة الفوضى بشكل عام بهدف اظهار الحالة

- و ربما اذا نجح المخطط الى نهايته قد ينتهى بعودة النظام الحالى و ليس بالضرورة مبارك

.. بل قد يكون عمر سليمان أو حتى اي وجه جديد يضمن حماية اتباع النظام من المسائلة مستقبلا

و لتحقيق هذه الأهداف

بدأوا التحرك على سبعة محاور محددة و بعناية و خبرة تجمع بين خبرات سابقة كبيرة فى مجال الحشد و خبرات أخرى أمنية و استخباراتية فى مجال الحرب النفسية و فى فنون الدعاية السوداء و غيرها

هذه المحاور هي :

|| 1 || المحور الأول : عفا الله عما سلف !

ستجد كثيرا جدا من الدعوات تملأ عدد من الصحف و الفيس بوك تحمل هذا المفهوم

بحجة .. عفا الله عما سلف .. لا داعي للمحاسبة .. دعونا نبدأ صفحة جديدة .. فلننس الاحقاد

.. لتكن ثورة بيضاء للنهاية .. لنلتفت للمستقبل و لا نشغل انفسنا بالماضي

و هذه اول خطوة فى توجيه الرأي العام بعيدا عن فكرة محاسبتهم

و فى الأصل : لا تناقض ابدا بين الاعداد للمستقبل و المرحلة الانتقالية و الديمقراطية ,

و بين محاسبة رؤوس الفساد و الاجرام بشكل عادل و كامل !

.. و هو ما يوضح لك هذه الفكرة من ينشرونها و لمصلحة من ؟

و بالطبع ليس كل من يتحدث عن هذه الفكرة هو يعمل فى اطار هذا المخطط و انما قد يكون مقتنع بها أو تأثر بها اعلاميا بحسن نية و شعبنا شعب طيب و متسامح

|| 2 || المحور الثاني : زيادة عدد الاعتصامات الفئوية مع شيء من الفوضى

و يحدث هذا بالطبع مع توصيل الصورة إلى قيادات القوات المسلحة عن هذه الاعتصامات انها ( كلها ) بتحريك من الثوار ! و ليست احتجاجا على فساد او طلب لازاحتهم مثلا من مواقعهم !

و هو ما سيجعل - طبعا - القوات المسلحة تتصل تلقائيا بالثوار لتطلب منهم تهدئة وتيرة الاعتصامات .. و طبعا لن تصدق اصلا ان الثوار غير مسئولين عنها نهائيا او أنها بأى إيعاز منهم على الاطلاق .. و هو ما يجعل القيادة العسكرية تبدأ فى الضيق و نفاذ الصبر مما يفعله الثوار

و نستطيع هنا أن اؤكد بشكل جازم هنا ان اكثر من 60 % من الاعتصامات هي بإيعاز من هذا المخطط و ليس احتجاجات طبيعية و بعضها حتى مستفز جدا

و حتى نكون محددين , ستجد لها عدة سمات :

* تتسم ببعض الهمجية و الفوضى و بشكل غير سلمى التى تتناقض مع اخلاقيات الثورة فى ميدان التحرير الحضارية التى شهدناها جميعا و العالم كله

* ستكون اعتصامات سقف مطالبها مرتفع جدا جدا بشكل تعجيزي فى بعض الاحيان , و فى الاغلب تكون مالية فقط و لا تحوى اي طلبات تغيير فاسدين

* تعطل مصالح المواطنين بشكل متعمد و مضر جدا و أناني جدا بما يثير الرأي العام ضدها و ضد الثورة عموما

* و احيانا تتسم ببعض العنف بخلاف كونها سلمية من حيث تكسير مكان او رمي بعض الحجارة بشكل غريب و عجيب !

و الهدف هنا بالطبع ان تصبح الصورة فى النهاية ان الثورة دمرت الاقتصاد و دمرت مصر

و انها اشاعت الفوضى

و ان نظام مبارك كان اكثر استقرار من هذا !

و من يدرى قد تجد فى هذا المجال من يظهر و يترحم بشكل مصطنع على مبارك و ايامه هنا !

|| 3 || المحور الثالث : اثارة التعاطف حول مبارك

ويظهر ذلك فى عدد من الاخبار الغريبة التى يقوم ببثها فى بعض وسائل الاعلام مصادر "تدعى " قربها من الصورة فى منفى مبارك فى شرم الشيخ , من أخبار متتابعة

فتجد .. خبرا يتحدث عن غيبوبة لمبارك

.. و خبر يتحدث عن انه رفض مغادرة شرم الشيخ الى غيرها من البلاد " لأن هذه بلده و سيموت فيها "

و خبر آخير تجده عن انه سيؤدي العمرة و انه يوصى بدفنه فى قرب حفيده !

و حتى اخبار عن مشاجرات بين جمال و علاء ابني مبارك و ان حالته النفسية سيئة

و خبر آخر عن مجموعة تعلن تعاطفها مع مبارك تحت شعار " إحنا اسفين يا ريس "

مجموعة اخبار تلو اخبار

.. لا تعلم مصدرها و تظهر أخبار اخرى تؤكد كذبها بعدها !

فخبر الغيبوبة ياضح أنه فى اليوم الثاني المصادر الموثوقة اعلاميا تؤكد انه غير صحيح !

و خبر الحالة النفسية السيئة او الصحة المتدهورة جدا تنفيه اخبار وسائل اعلام و صحف عالمية تؤكد انه فى شرم الشيخ و يتناول الكافيار الروسي و الشيكولاتة السويسري بل و يتابع التقارير التى ما زال يرسلها له يوميا عمر سليمان و زكريا عزمي الذين ما زالا فى موقعيهما بروتوكوليا و صلاحيات عمل حتى هذه اللحظة !

و الأهم ما أكدته صحف موثوق فيها من انه يمارس حياته كأنه ( رئيس ) فى بعض الجوانب من حيث اطلاعه على تقارير سياسية عما يدور !!!!

|| 4 || المحور الرابع : تشويه صورة الثوار

و كمثال يظهر ذلك فى حملات التشويه التى ستجدونها تشوه الناشط السياسي وائل غنيم

فتارة ستجد فيديو يصفه بالماسونية و العمالة للخارج ! .. و تارة ستجد فيديو يصفه بالعمالة لأمن الدولة !

و المضحك انك ستلاحظ هنا سمات مميزة تشم فيها رائحة الوطني بإمتياز :

* السمة الأولى : انهما تهمتان متناقضتان من ذات المصدر

.. يعنى الا يذكرك هذا بمن كان يتهم الثوار بتبعيتهم لحماس و ايران و امريكا و اسرائيل ايضا !!!

.. تهمتان متناقضتان طبعا لأن الهدف واضح : تشويه فقط و ليس حوار منطقي !

* السمة الثانية : انها غبية بفجاجة !

يعنى عندما تجد واحد يقرر ان هذا ماسوني بناءا على تشابه فى حظاظة ( قد تكون موضة ) او بادج تي شيرت عادي .. فهذا تخلف و غباء يذكرنا ايضا بما رأيناه من التهمة اياها " بأنهم يأكلون وجبات كنتاكي " ايام الثورة , بينما كانت محلات الكنتاكي فى كل مصر مغلقة منذ يوم 26 يناير حفاظا على نفسها من التكسير اصلا !!!

الغباء واحد للأسف ايها السادة

|| 5 || المحور الخامس : ازالة اتهاماتهم اعلاميا

يظهر هذا فى ظهور عدد من رموز النظام و العاملين فيه مثل أحمد عز عبر قناة اخبارية ( العربية ) يعلم انها ستكون حنونة عليه فى الاسئلة بدون تعمق و انما بنظام سؤال و جواب و يظهر هذا فى مظاهرات الباشوات للشرطة تطالب بزيادة الرواتب .. و الظهور فى مظهر المطحونين و المظلومين !!!!

و الكل يعلم ان الرشاوي كانت عادة لديهم كنزوا من ورائها الكثير

( و المفارقة ان بعضهم كان يتظاهر مرتديا نظارات شمسية فاخرة او يضع سماعة بلوتوث تليفونه المحمول فى أذنه ) !!!!

و الأنكى و الاعجب هو اصرارهم على اعتبار " كل من سقطوا منهم " شهداء بقرار رسمي ضغطوا لصدوره !!!

و اذا كنت اعتبر كل العزل الذين سقطوا ضربا بالرصاص من الداخلية هم شهداء

فكيف اساوى بينهم و بين من قد يكون ربما سقط انتقاما من قتله لعشرات الشهداء او دهسهم مثلا ؟ دون تحقيق يوضح و يبين الحقيقة ؟

لكن هدف التظاهر هو ازالة اتهاماتهم اعلاميا و منع محاسبتهم

يضاف الى هذا انك لم تسمع من الوزير الحالى عن اي اخبار عن حل جهاز أمن الدولة ( اذا كانت النوايا حسنة )

او حتى اخبار عن اننا بدانا فى عزل او فرز الضباط ممن لديهم سجل اجرامي واضح و جرائم و شكاوى سابقة فى حقهم فى التعذيب و غيره ؟؟؟

|| 6 || المحور السادس : افساد العلاقة بين القوات المسلحة و بين الثوار

و ذلك عن طريق خلق استفزازات متبادلة بين القوات المسلحة و بين الثوار ,

هذا المحور قد تجده فى تشويه صورة القوات المسلحة و خلق استفزاز عن طريق تأخير الافراج عن المعتقلين السياسيين

( بواسطة رجال النظام الذين ما زالوا باقين فى امن الدولة مثلا ) و عن طريق الايقاع من الحكومة و رجالها عندما يقوموا مثلا بإلقاء مسئولية اعباء المعتصمين - بشكل متعمد - منها على اكتاف الجيش المثقلة بالاعباء اصلا

هذا المحور قد تجده في نقطة الاعتصامات المتزايدة بشكل زائد عن الحد بشكل واضح جدا و غريب

و هذا المحور قد تجده مثلا فى صفحة فيس بوك كتبنا عنها .. صفحة ( الراجل اللي ورا عمر سليمان ) و التى يتضح فى النهاية انها اساءة لرجل مقدم اركان حرب من رجال الجيش المصري !

( و ربما كانت هذه الصفحة فعلا دعابة بحسن نية فيمن كانوا وراء الصفحة و لكنها مثال على ما قد يمكن عمله مستقبلا فى هذا المحور )

|| 7 || المحور السابع : العودة للحكم عبر عباءة جديدة !

و هذا المحور طبعا قد ينجح فعلا و بدأوا يمهدوا له من خلال دعوة د. حسام بدراوي لتشكيل حزب جديد بإسم " حزب 25 يناير " !!!

و دعونا نتخيل هنا لو لم يكن قيادي فى الوطني وراء هذا الحزب و انما ينشئه عدد من المجهولين و يكون فى خلف الستار مجموعة اتباع النظام المخلوع يمولونه و يدعمونه بهدف الدفع من هذا الحزب الى سباق الانتخابات بوجه جديد قد يصعد الى الحكم و يحميهم من المحاسبة على الأقل

و بصفة عامة لا تثق هنا فى تلك الفترة - مهما كانت النوايا حسنة - فى اي حركة او ايا من يحمل لافتة 25 يناير

او الثورة الا ان يكون ينطوي على ثلاث سمات :

* السمة الأولى ان يكون به احدى القوى الاساسية التى قدحت شرارة الثورة ( شباب 6 ابريل - أدمين خالد سعيد - شباب حملة البرادعي )

* السمة الثانية ان يكون يأتى اما باختيار شعبي او باختيار اعضاء بناءا على اسس واضحة

و ستلاحظ فى هذا الاطار تعليقات موجهة من اشخاص ( مجهولين ) لاتعرفهم يتحدثون عن ان الثورة ليست حكرا على ( من نزلوا الميدان أو من ثاروا او من دعموا الثورة )

و ان النظام القادم ( يجب ) ان يشمل الكفاءات ايضا !!!!!

و ستلاحظ ايضا انقلابا ناعما فى تعليقات من كانوا ينشرون شتائم ضد الثوار و الآن يعلنون انهم " ايدوها من اول يوم " !

هذه المحاور و كلها ستجدها بدأ التنفيذ فيها فى الفعل و البعض ينفذ هذه المحاور بحسن نية دون ان يدرى

* سواء اعلاميا

( أمس كانت هناك حلقة من برنامج العاشرة مساءا عن الشرطة و اهمية تبرئة ساحتها و عفا الله عما سلف !

والغريب ان الضيوف من الشرطة كانوا ثلاثة ( اثنان من ضباط الشرطة و الثالث نائب مدير امن دولة سابق ! )

فى حين ان الضيف الذي يطالب بالمحاسبة بقوة و المحاكمة كان محامي فقط )

او على الانترنت .. فى فيديوهات لها اسماء على غرار ( الحقيقة وراء فلان ) ( كشف المخطط المستخدم من فلان او صفحة كذا )

او فى عدد من التعليقات لا تعرف مصدرها

اذن هذه هي محاور الخطة

|| 1 || المحور الأول : اسقاط الحساب عفا الله عما سلف !

|| 2 || المحور الثاني : زيادة عدد الاعتصامات الفئوية مع شيء من الفوضى

|| 3 || المحور الثالث : اثارة التعاطف حول مبارك

|| 4 || المحور الرابع : تشويه صورة الثوار

|| 5 || المحور الخامس : ازالة اتهاماتهم اعلاميا

||6|| المحور السادس : افساد العلاقة بين القوات المسلحة و بين الثوار

|| 7 || المحور السابع : العودة للحكم عبر عباءة جديدة !

ضع هذه المحاور فقط فى بالك فى الايام القادمة و تابع التعليقات على الانترنت او الاعلام و قل لي كم محور وجدته منفذا بالفعل ؟

اذا وجدتها السبعة .. فمعنى هذا ان المخطط صحيح بالفعل

لأنه تأكد من هذه القاعدة : لا يوجد ما يسمى بالصدفة أبدا فى عالم السياسة

كما قلت و أكرر

سأعرض عليكم تفصيليا و بعدها يكون الحكم لكم :

اذا كان هذا ممكن ؟ أو هذا صحيح ؟ هل هذا متوقع ؟

و الأهم هل سينجح ؟

هناك حديث شريف يؤكد ما معناه انه سيأتى زمان قد يكذب فيه الناس احيانا .. من هو صادق

و يصدق فيه الناس .. من هو كاذب

و البرت اينشتين قال :

الشيء الوحيد الضروري لانتصار الشر فى العالم ,

هو فقط : ألا يفعل الأخيار اي شيء !

لهذا اذا اقتنعت و تأكدت - مثلى - بصدقية المخطط القذر هذا فتحرك للقيام بدورك , ليس فقط بنشر المقال فقط , بل أيضا الوقوف ضد من تشعر انهم ينفذون هذا المخطط فى كل مكان , بالفكرة و بالحجة و بالنقاش

نعم , أتمنى أن تكون أنت من سيحدد هنا عزيزي القاريء

.. لأنه انت من سيحمى الثورة

.. و لا تنتظر أحدا غيرك يفعل هذا لأنك انت الثورة و انت من قمت بها , و انت من سيحميها و يدعمها

منقول من :

http://www.sulta4.com/index.php?page=Articles.php&EditorID=66&ID=1199

مبرووووووووووووووووووووك يا مصر

2011-02-11T19:57:00.000+02:00

ياللي من البحيرة وياللي من أخر الصعيد

ياللي من العريش الحرة أو من بور سعيد

هنوا بعضيكم وشاركوا جمعنا السعيد

مصررجعت كامله لينا

واحنا اليوم في عيد

كلمة السر تونس

2011-01-22T01:04:00.000+02:00

إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر

وَلا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر

وَمَنْ لَمْ يُعَانِقْهُ شَوْقُ الْحَيَـاةِ تَبَخَّـرَ في جَوِّهَـا وَانْدَثَـر

فَوَيْلٌ لِمَنْ لَمْ تَشُقْـهُ الْحَيَاةُ مِنْ صَفْعَـةِ العَـدَم المُنْتَصِر

مبروك لتونس وعقبال كل الشعوب المقهوره في كل انحاء العالم

ويا ايها الطاغه حول الارض تذكروا كلمات اخري قالها ابو القاسم الشابي

ألا أيها الظالم المستبد حبيب الفناء عدو الحياة

سخرت بأنات شعب ضعيف و كفك مخضوبة من دماه

و سرت تشوه سحر الوجود وتبذر شوك الأسى في رباه

رويدك لا يخدعنك الربيع وصحو الفضاء وضوءالصباح

ففي الافق الرحب هول الظلام و قصف الرعود وعصف الرياح

حذار فتحت الرماد اللهيب و من يبذر الشوك يجن الجراح

تأمل هنالك أنّي حصدت رؤوس الورى وزهور الأمل

و رويت بالدم قلب التراب وأشربته الدمع حتى ثمل

ســيجرفك الســيل سيل الدماء و يأكلك العاصف المشتعل

خايفة

2010-10-13T00:57:00.000+02:00

زمااااااااان كان يتردد في الحكايا مثل شهير

" مافيش حد بيبات من غير عشا "

وهل مازال الجميع ينامون قريري الاعين ممتلئ البطون لا يشغل بالهم شاغل ولا يؤرقهم شئ

اشك في ذلك

مؤخرا لاحظت زيادة عدد المتسولين بطريقه غير طبيعيه ، اناس من كل شكل ولون
ولم يعد التسول قاصرا علي من احترفوه كمهنه

ولكنها اشكال جديده مختلفه ،الملابس ، الهيئة ، وحتي طريقة طلب المساعدة طريقة مختلفه تماما فيها الكثير من الحياء وبدون ادني الحاح علي عكس من احترفوا التسول كمهنه

اعرف جيدا معظم طرقهم في النصب والاستجداء فبحكم تواجدي اليومي في مكان مفتوح يرد علي عشرات منهم لحوحين متصنعين معدومي الادب اذا نهرتهم او رفضت ان تعطيهم شئ

هؤلاء يعطوك احساس انك فعلا امام عزيز قوم ذل

سيدة اربعينية مظهرها جيد ، جاءت تطلب اي مساعده وجهها احمر من الخجل وتنظر في الارض ( زي ماتكون بتقول يا ارض انشقي وابلعيني)

عندما انصرفت راودني شعور غريب بالخوف

منظر هذه السيدة لم يفارق خيالي لايام بعدها ، تخيلت نفسي مكانها اتسول ما يسد جوعي

وايقنت ان لا احد منا اصبح في امان

ارتفاع جنوني في اسعار كل شئ ، خراب ذمم وانهيار في الاخلاق ، فساد في كل مكان

وتخيلت سيناريو يوتوبيا احمد خالد توفيق وقد اصبح اقرب مما نتخيل

اللهم تقبل منا رمضان

2010-08-11T00:38:00.001+02:00

الفنون جنون

2010-06-14T10:51:00.019+02:00

زمان ايام المدرسه - ايام التخته الخشب - اكيد مافيش حد مننا ماسابش عليها ذكري ليه

كتير اوي كانوا بيشخبطوا عليها او يكتبوا اساميهم او اول حرف منها

والناس الهيمانه اوي كانت بترسم قلب وسهم وحرفين وساعت يرسموا ورود

وايام الامتحانات كنا بنلاقي لوحات سيرياليه منقوله من كتاب المدرسة عشان الغش واللذي منه :))

حاجات كتير اوي بس اكيد عمرنا ماشفنا حد رسم مسدسات وقنابل

دا اكيد حد كان مخنوق اوي من المدرسين والمدارس وعاوز يخلص بدري بدري :)

او حد من طلبة الثانوية اللي اليومين دول مزنوقين في الامتحانات وقال افجر المدرسه والوزارة والوزير وانتهي

و اما لقي ان المسدسات حاجه بسيطه ، قال نستخدم القنابل ونجيب من الآخر :)

school-desk-art by Ben Turnbull

وفاكرين بواقي الاقلام الرصاص في الإبتدائي

اما القلم يبقي قد عقلة الصباع وماعدش ينفع يتمسك ، كنا بنرميه صح

طيب ايه رايكوا في اللي عمله فنان اسمه Dalton Ghetti ببواقي الاقلام الرصاص دي

اضغط هنا الصوره بحجم اكبر موضح الابجديه الانجليزيه علي اطراف الاقلام

صدق اللي قال الفنون جنون

شهر من المتعة

2010-06-10T12:44:00.011+02:00

غدا يبدأ كأس العالم لكرة القدم في نسخته التاسعة عشر ، وكالعاده يتكرر المشهد ل 20 عام و نظل في مقاعد المتفرجين

تأتي النهائيات هذه المره وفي الحلق غصه ،حزن علي غضب علي حسره

عندما أشاهد البرامج التي تتحدث عن استعدادات جنوب افريقيا للمونديال والكرنفالات في الشوارع وتدفق الناس من كل الجنسيات علي جوهانسبيرج اشعر بالألم خصوصا عندما يذكرنا المذيع انها اول نهائيات تقام علي ارض افريقيا :(

نعم كان ينبغي ان تقام هذه النهائيات هنا علي ارض مصر ولكنهم اضاعوها ، باللامبالاه الاستهتار والاعتماد علي التاريخ وحضارة 7000 سنة
لم يكن ينقصنا شئ لنفوز بشرف تنظيم تلك النهائيات ولكنه سوء التنظيم والتخطط كالعاده ،
نسوا او تناسوا ان هناك قواعد للعبه ينبغي اتباعها ، وكانت النتيجه صفر كبير وضياع الفرصه التي لن تتكرر قريبا
:(

سوء التنظيم لم يتسبب فقط في ضياع فرصة تنظيم النهائيات ولكن ايضا في ضياع فرصة المشاركة فيها ( اعتقد انني لا احتاج لاعادة الحكاية الممله فالكل يحفظها ظهرا عن قلب )

فلاش بااااااااااااك

نهائيات كأس العالم بالمكسيك
1986

كانت اول مره اتابع فيها النهائيات بشغف وفهم ، قبلها كنت اشاهد المباريات افرح بالاهداف والعن مضيعي الفرص بلا وعي فقط اقلد ما يفعله الكبار
اما في نهائيات المكسيك فكان الوضع مختلف تماما ، بدأت افهم القواعد واشاهد المباريات بشغف ، كنا نتجمع في بيت جدي مع الاخوال والخالات ، نسهر لنتابع المباريات ونتسحر فلقد صادف اقامة البطولة شهر رمضان
فلكم ان تتخيلوا مدي المتعه التي كنا فيها ، رمضان وكأس العالم وإجازة اخر العام :)

في المكسيك بدأ بزوغ نجم مارادونا الذي اصبح اشهر واغلي لاعب في العالم ، كنا ننتظر مباريات الارجنتين لنشاهد المعجزة الجديده مارادونا الذي قدم الكأس للأرجنتين علي طبق من فضة

ومن ينسي هدفه الشهير الذي احرزه بيده في مرمي انجلترا في الدور ربع النهائي

اما اكثر ما حيرني في هذه البطولة فكان الظل المعكوس علي ارض الملعب لشئ ما يشبه الشمس؟؟؟

والي الان لم اعرف ماهو تحديدا
ولكن الجميع فسروه علي انها مروحه ضخمه معلقه اعلي الملعب لتلطيف الجو فدرجات الحرارة المرتفعه هذه لم تعتدها المنتخبات الاوروبية.... ربما !!!

اما البطولة التاليه مباشرة ايطاليا 1990

فكانت من اسعد البطولات علي كل المصريين ، فاخيرا وبعد اكثر من 50 عام تعود مصر الي النهائيات
اعتقد ان هذه البطوله محفوره في الاذهان ولا يمكن ان ينساها من تابعها ابدا

الجوهري ، شوبير ، طاهر ابو زيد، هاني رمزي ، مجدي عبد الغني ، ربيع يس ،

وبزوغ نجم حسام حسن بهدفه الشهير في مرمي الجزائر

الرحلات البحريه من امام شواطئ الاسكندرية لايطاليا

وعدالة السماء التي هبطت علي استاد باليرمو بهدف مصر الوحيد في النهائيات حتي الأن

ثم الخروج الدراماتيكي للمنتخب من الدور الاول بعد الفوز غير المستحق لانجلترا وتحيز الحكم الواضح جدا والذي شهد به الجميع
وبعد التمثيل المشرف للمنتخبات الافريقيه مصر والكاميرون تقرر الفيفا زيادة عدد المنتخبات الافريقية الي 3 منتخبات بدلا من 2
ثم الي 5 منتخبات وبالرغم من ذلك لم تتمكن مصر من بلوغ النهائيات طيلة 20 عام :((

غدا تبدأ المتعة وكرة القدم الحقيقية ، كرة قدم مختلفه تماما عما نراه في البطولات المحلية او حتي القارية ، فالنستعد جميعا لشهر من المتعه

يمكنكم يتحميل جدول المباريات من هذا الرابط

http://rapidshare.com/files/334191170/WC2010.rar

وهو عباره عن برنامج اكسل يساعدكم في تسجيل نتائج المباريات و يقوم بحساب عدد النقاط و الاهداف و بالتالي الفرق المتأهلة للدور التالي الى ان يفوز احدى الفرق بالكاس.

انصحكم بمتابعة مايكل محسن علي موقع راديو حريتنا حيث يقدم تحليل مفصل وفوري عن كل مباريات البطولة

مش مجرد نقط صفراء

2010-06-08T14:52:00.006+02:00

النقط الصفراء الموجوده في الفيديو ده مش مجرد نقط صفراء ، ده عباره عن رصد بالرادار لحركة الطيران حول العالم في 24 ساعه

كل نقطة صفراء من دول ماهي الا طياره خارجه من مكان ما رايحه لمكان اخر حول العالم

لاحظوا ان معظم حركة الطيران مركزه فوق اوروبا وامريكا الشماليه وانه علي نهاية اليوم بيكون تقريبا 90 % من طيران العالم بيعمل لاندينج في مطار ما من اوروبا او امريكا الشماليه

اما النص الجنوبي الفقير فكل الناس بتخرج منه الي الشمال ، اكيد كتير اوي من الناس دي وهي بتحط رجلها علي اول درجة من سلم الطياره كانت بتحلم احلام كبيره طبعا علي قمتها الثراء والرفاهيه واحترام حقوق الانسان

الشرق الاقصي هناك عند الصين ودول جنوب شرق اسيا كمان بيجذب عدد كبير اوي من المسافرين ، نسبه بدأت تتضاعف في السنوات الاخيره

تحليل دقيق ونظره فاحصه علي حركة الطيران ممكن يدينا تصور مبدأي مش بس عن الاقتصاد وتمركز رؤوس الأموال انما عن حاجات تانية كتير

اما النقط الصفراء اللي في الفلاش الجاي ، فا معموله بحرفيه عاليه جدا لو حاولتوا تحركوا الفاره عليها هاتلاحظوا ان اتجاه ونظام حركتها اتغير وبدأت تتمركز عند مكان سهم الفاره

انا شيفاه ممتع اوي حاولوا تجربوه وقولوا رايكوا :))

انتهي الشهر ولن ينتهي التدوين

2010-05-31T23:21:00.000+02:00

اليوم نهاية حملة ال 30 يوم تدوين

سعيده بنفسي جدا ولم اكن اتخيل ان اواصل بهذا الحماس ، لدرجة اني كنت احلم بالتدوينات والمدونه وما يجب علي كتابته يوميا

لم اتوقع مني هذا الاداء - كتبت في شهر ما لم اكتبه في عام كامل

اخذتني اشياء كثيره من التدوين تويتر .. فيس بوك ... منتديات ... فارم فيل .... وطبعا الكسل، واعادتني داليا يونس بحملتها الرائعة 30 يوم تدوين الي هنا حيث بيتي علي الانترنت - صحيح ليس الاول ولكنه المميز والاحب الي قلبي - حيث الفضفضة بلا انقطاع

لم اتم ال 30 تدوينة واكتفيت ب 27 بسبب بعض الظروف وايضا لعدم رغبتي في كتابة اي كلام والسلام

فضلت ان يكون ما اكتبه نابع من القلب اشعر به واراه بروحي قبل ان تنقره اصابعي علي لوحة المفاتيح

الحملة كانت لي بمثابة كورس علاجي ضد الكسل والفيس بوك والتويتر والفارم فيل ، او كما يتم عزل المريض في مصحة للاستشفاء ، خرجت منها وقد استعدت كامل لياقتي التدوينية وبأذن الله سأحاول الاستمرار بنفس القوة ونفس الاداء

تابعت مجموعة من اجمل المدونين منهم من كنت اتابعه من قبل الحملة ومنهم من تعرفت عليه لاول مرة وتعجبت لكونها المرة الاول التي اتعرف فيها علي مدونات بهذه الروعة

لن اذكر تدوينات بعينها وذلك بسبب الزهايمر الذي اعاني منه :))- يوما ما ساكتب تدوينة مفصلة عن هذا الامر - فاخاف ان انسي بعض الروائع التي مرت علي طيلة الشهر الذي تمنيت ان يكون الف شهر

لم استطع كالعاده ان التزم بالتعليق عند الجميع بسبب ضيق الوقت واللهاث المستمر بغية اللحاق بالركب السائر للامام بقوة منقطعة النظير

اتمني ان تكون حملة 30 يوم تدوين حملة سنوية ، في شهر مايو من كل عام يكون هناك 30 يوم تدوين او نسميه مثلا شهر التدوين المصري فربما قلدنا العالم واصبح هناك شهر التدوين العالمي :))) ويكون لنا السبق وحق الملكية الفكرية :))

هنيئا لنا جميعا نجاح الحملة ، نشكر لكم حسن تعاونكم معنا ونراكم ان شاء الله دوما

الصندوق

2010-05-31T07:00:00.005+02:00

لم يمنعه شئ عن التوقف او تغيير وجهته ، لا حرارة الشمس ولا سيل السيارات التي تسد الطريق ،لم يبال بنظرات الفضول التي رمقته باستغراب وهو يحتضن الصندوق الكرتون الذي يحمل شعار ذلك المطعم الشهير للوجبات السريعه

شق طريقه نحو بيت قديم مهجور ، دلف من الباب وفوق سور متهدم وضع الصندوق وفتحه ثم اخذ ينظر بابتهاج لوجبة الدجاج المقلي التي اشتراها لتوه ، علي وجهه ظهرت علامات الغبطة ، احتقنت اذناه واتسع فمه بابتسامة رضا

اخيرا تحقق الحلم

تمني دوما ان يتذوق طعم وجبات هذا المطعم الشهير الذي يقف امامه بالساعات ليبيع المناديل الورقية ، بعض الورود ، واحيانا كتيبات الادعية الدينية

كان يري الاطفال مع آبائهم يدخلون ويخرجون والسعاده تعلو وجوههم ، تمني ان يكون مثلهم ان يشعره احدهم بالاهتمام ويتذكر انه طفل لا فرق بينه وبينهم ،

ان يدخل من هذا الباب الكبير الذي يقف امامه يوميا وان يحمل صندوق طعام كاللذي يحملونه في ايديهم

ولكن ينتهي به الحال دائما كمشاهد ويظل الحلم بعيدا جدا في مخيلته

قرر ان يدخر كل قرش يستطيع الحصول عليه ، وان يضاعف ساعات عمله حتي يستطيع ان يوفر ثمن وجبة

ايام طويله من الحرمان يمني نفسه بأن يومه الموعود قد اقترب ، كان يحصي مامعه من نقود عشرات المرات يوميا ، اليوم لم يصدق نفسه عندما وجدها قد اكتملت اخيرا

في إباء اقترب من باب المحل ولكن رجل الامن نهره وحاول ابعاده حتي لا يؤذي الزبائن بالداخل

تحسس جيب بنطاله حيث يخبئ ثروته الصغيرة واخبره بكبرياء انه اليوم زبون مثلهم ويجب عليه احترامه كما يحترم الباقيين ، نظر له بتوجس لم يكن منظره يوحي بذلك - ثيابه رثة ووجهة ملطخ بالأوساخ - لم يسمح له بالدخول حتي راي النقود بعينيه

سرح في كل هذه التفاصيل وهو ينظر بفرحة الي قطع الدجاج ولم ينتبه لمن يرقبه عن كثب

كلب اسود كبير من سكان البيت المهجور جذبته الرائحة وقف يتحين الفرصة ، وفي لحظة شرود انقض كالسهم ليخطف الصندوق ويجري باقصي سرعة

وجم ...زعق بكل ذرة في كيانه :

حراااااامي ...حرااااااااامي ...امسكوا الحرامي !!!

نظرات حائرة وذاهلة تقطع الشارع ، زاغ بصره تلفت يمينا ويسارا ، لمح ذيله الاسود فاندفع كالقذيفة

تعثر وانكفأ ونهض

هناك في نهاية الشارع الرئيسي الذيل الاسود يعرج إلي شارع جانبي ، لم يبال بالدم النازف من ركبته وركض باقصي سرعة

هاهو امامه والصندوق مازال في فمه ،

بكل قواه جري ، ضاقت المسافه بينهما وكبر الامل في استعادت حلمه الضائع

اقتربا من الميدان ، سيل جارف من السيارات يكاد لا ينقطع

ضاع الذيل الاسود وسط الزحام ، لم يعد يراه ، حاول ان يتبين مكانه ولكنه لم يستطع

وفجأة صم اذناه صوت احتكاك عجلات سيارة بالاسفلت ، في نفس اللحظة لاح له جسد الكلب الاسود ملتصق بمقدمة احدي السيارات وحوله موجة كبيرة من البشر

دارت عيناه بحثا عن صندوقه المفقود ولكن لم يجده

-----------------------------------------

كان ياما كان

كان فيه عصفور

قلبه صغير

ريشه قصير

حلمه يرفرف بره السور

كان إنسان من طين ، من نور

كان بيدور ع اللى يخضر

قلب الناس القاسى البور

جواز جديد

2010-05-29T23:14:00.002+02:00

الحمد لله اخيرا وبعد طول انتظار الاسبوع اللي فات جددت جواز السفر بتاعي واستخرجت الجواز الجديد اللي كل حاجه فيه معموله بالكمبيوتر :))

جواز سفري القديم لسه مانتهاش بس انتظرت لحد ما تم تطبيق المرحله التانيه من جوازات السفر الجديده عندنا ( ف 10اكتوبر اللي فات) كمان عشان ما بقاش مضطره اني اعمل كل الاجراءات من اول وجديد

كان كل المطلوب مجرد : الجواز القديم و2 صورة بخلفية بيضاء و صورة البطاقه الشخصيه مع ملأ استماره بيانات ( للرجاله مطلوب الموقف من التجنيد )

يتكلف حوالي 110 جنيه و تاني يوم تروح تستلم الجواز ( مع ان موقع وزارة الداخليه بيقول ان رسوم استخراج جواز 68.50 جنيه للمستعجل و65.50 جنيه للعادي )

جواز السفر الجديد بيتبع المواصفات القياسية العالمية وبيقولوا انه مستحيل يتزور او يتقلد لانه تم عمل علامات لتأمين الجواز ضد التزوير علي 3 مستويات الاول بيري بالعين المجرده والتاني بالاشعه فوق البنفسجية والمستوي الثالث غاية في الدقه و اجهزة كشف التزوير بس هي اللي تقدر تقراه

والجواز معمول بحيث انه يتقرأ في اي حته فالعالم باجهزة قراءة باركود معينه ، مجرد تمرير الجهاز علي الباركود بتظهر كل البيانات المتعلقه بصاحب الجواز اسمه سنه تاريخ ميلاده وظيفته ...الخ وبالتالي بتوفر الوقت غير زمان اما كانت البيانات بتتكتب بالايد

صفحاته كلها مرقمة وعليها صورة توت عنخ آمون ، واعلي الصفحة مكتوبة جمهورية مصر العربية ورقم الجواز مدقوق بالارقام المثقوبة ( اللي هي زي ال IBM cards )

اهم حاجه ان حجمه اقل كتير اوي عن الجواز القديم وبقي شيك اوي :)

فرحانه اوي بالجواز الجديد و عقبال يارب ما العقليات كمان تتغير وتبقي جديده وليها مواصفات قياسية عالميه :))