TvQuran

٢٠٠٧-٠٨-١٣

القطار



إنتظرته كثيرا حتي مللت الانتظار ، هممت بالمغادره ،
عندها لاح في الأفق صدي صافرته ، ها هو يظهر من بعيد يطوي القضبان ليصل اخيرا في غير موعده .

كان يسير دون توقف بسرعة الريح يجري .
صوت انين عجلاته المرهقه من كثرة التنقل والترحال كاد يصم الآذان،
شدني في لحظة غفوة عن كل ما يتحرك حولي .

قفز قلبي من مكانه و نظرت اليه تملأني الرهبه ،
هذا العملاق الاسطوري الغامض القادم من بعيد ،

تمنيت ان احظي يوما بركوبه والتنقل معه بسرعة البرق بين البلدان الواسعه ،
كثيرا ما حسدت ركابه وحلمت ان اكون منهم

وها انا ذا علي وشك ان احقق هذا الامل
حلمت بما سيأخذني اليه من مدن جميله و حدائق غناء ،
تمنيت ان يأخذني الي شاطئ البحر ،
أن يحملني الي قلب النيل ،
الي واحه خضراء تمتلئ بالخضرة وتفوح منها رائحة الزهور

صعدت اليه محملة بالأحمال ، امني نفسي برحله الي الفردوس

علي غير ما تخيلته دائما ، كان يسير بخطوات سلحفاة في صحراء موحشه ،

مئات الاميال من الرمال القاسيه ، لا يوجد اثر للحياه علي جانبي الطريق .

أستمر في زحفه حتي توقف نهائيا عن الحركه في وسط صحراء قافله ،
انتظرت ان يتحرك وتنطلق عجلاته دون جدوي ،

آمالي تتضائل في الوصول الي الفردوس الذي طالما حلمت به .

يتحرك الركاب المتقوقعين داخله يمينا ويسارا بحثا عن وسيله لتحريكه
محاولات تخدع البصر فتشعرنا انه يسير ولكنه في الحقيقه فقط يهتز

تمر به سريعا كل القطارات لكنه ينتظر دائما من يأتي ليجره بضعة امتار ثم سرعان
ما يتركه ليتوقف ثانيا
،
يطلق صافرته والتي بالكاد تسمع ليؤكد انه مازال على قيد الحياة ،

يتناوب بعض العاملين المساكين جره حتى تتقطع انفاسهم
ثم يأتي غيرهم من الاقوياء والذين ما تلبس قواهم ان تخور
يعتريهم اليأس فيتركوه هكذا بلا حراك
لتتراكم الاتربه والغبار علي القضبان ويعلوها الصدأ

هل هذه هي نهاية الرحله ، كنت اظن اني لامست سماء الافراح ،
و ان آمالي قد آن لها الاوان ان تتحقق

آمالي خابت ، واحلامي سحقت علي ارض الواقع

24 comments:

محمد عبد الغفار يقول...

ليست نهايه الرحلة وانما تتابع الحياه

يا مراكبي يقول...

القطار ده رمز للشيء اللي ناس مننا كتير بتكون مستنياه وبتحلم بيه وبعد كده ما يطلعش زي ما إحنا تصورناه

ممكن يكون الجواز .. ممكن يكون الشغل .. ممكن يكون الحب .. ممكن يكون السفر .. ممكن يكون حاجات كتيرة جدا

أتمنى إن الموضوع ما يكونش عنك إنتي شخصيا . .أصل أنا في واقع حياتي ركبت قطار من دول فعلا .. وخابت آمالي في النهاية زي نهاية البوست ده كده

نانو يقول...

ياااه القطار ده أستنيته كتير فى أوقات كنت محتاجالوا فيها قوى بس كان بيتأخر قوى واحيانا عندما يأتى أجده قد وصل الى نهاية محطاته وفى طريقه الى الوقوف وعدم الحركة نهائيا بس بعافر واحاول من جديد أستنى قطار غيره
أستمرى فعجلة الحياة لا تتوقف وإذا وقف قطار سنجد غيره يجرى بنا
تحياتى ليكى

... يقول...

يا ستى الرحلة لسه طوييييلة
اوعى تفتكرى انه قطار واحد
ممكن تركبى مائة قطار
وممكن تدخلى الف محطة
وممكن يتحقق لك مليون حلم

ان شاء الله

مؤمنه يقول...

السلام عليكم ورحمة الله وبركاته
عزيزتى
ما الحياه الا قطار سائر ونحن ركابه فاذا تعطل عن السير أو توقف لاى سبب من الاباب فلا يجب علينا اليأس لانه لا محاله من سيرانه مره أخرى
حتى تستمر الحياه فان لم يسير بدافع ما مادى فليسير بأملنا فى الحياه
وفقك الله والسلام عليكم ورحمة الله وبركاته

عصفور المدينة يقول...

ربما خلف كثبان الرمال واد أخضر ومياه عذبة

ربما خلف كثبان الرمال روضة من رياض الجنة ورضوان من الله

احساس لسه حى يقول...

عزيزتى
ننتظر اشياء كثيرة ونظن انها بها حلول اشياء اكثر
لاكن للاسف ما نتظره ليس الذى كنا نحلم بيه فالاحلام بها خيال أكثر ممكا يحتمله الواقع
اجعلى حلمك اكثر واقعيه لكى يتحق
بوست جميل بيه معانى كثيره
سلام

نسرين - أمة الله يقول...

السلام عليكم
مش مهم ان اللى حلمنا بيه مش هو اللى لقيناه الاهم ان اللى جاى احسن بأذن الله

sakayar يقول...

فعلا كلنا بنستنى نفس القطر ... بس فيه أمل فيما وراء الأحداث .. ممكن يتشال التراب ويبقى القطر احسن مما كان .. ممكن يكون القطر عايزيشوفنا هنعمل ازاي كده؟؟
تحياتي

mohand يقول...

السلام عليكم

ليه ميكونش الامل في الصحراء نفسها
وليه الركاب لا يصنعون الفردوس بايديهم

لماذا يصرون علي الذهاب لمكان اخر

يمكنهم المحاولة والتعايش مع الواقع وتحقيق الحلم علي تلك الارض

شعرت انك تتحدثين عن مصرنا الحبيبه
نحاول دفعها في طريق النماء والتقدم
ونفشل
ولكن اذا كان هذا مقصدك فهو لسببين

لاننا نحاول ان نتقدم في شريط لا يمثل جزء من مائة من مصر


ولاننا ونحن ندفعها ياتي من خلفنا خائنين يضعون الرمال علي القضبان بايديهم ويظهرون انهم يجرون من الامام

تحياتي

ايه اخبار الصيدليه والشقاء والتعب

وبعدين بقي هتفضلي علي الحال ده
زمانك خسيتي النص
مينفعش كده يا شيخه
منور
عارف

اديني ماشي
:P:p

أمــانــى يقول...

اختى الحبيبة
لا تيأسى كل شئ حولنا لا يحسسك بالامل نحن نعرف كذلك ولكن يبقى كلمات المولى عز وجل
بسم الله الرحمن الرحيم : "قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم"
صدق الله العظيم
احلمى يا اختى كما تشائى ولا تحزنى على ما فاتك من احلام لا احدآ منا يعرف اين الخير
ليس كل الصحارى مخيف قد يوجد بها خــير ولكن نحتاج الى وقت
ابتسمى بقى زى الصورة علشان انا مقتعنة انها انتى
:D
ربنا معاكى ويوفقك ويكرمك ياااااااااااارب آمـــــــــين وييسرلك امورك ياااااااااارب آمــــــــــين

Hadota ... حدوتة يقول...

السلام عليكم ورحمة الله وبركاته

ازيك يا فضفضة يا جمبلة


هوا دايما كده القطر او اى حاجة ننتظرها تيجى فى غير المعاد
لاتاتى الرياح بما تشتهى السفن


وساعات لمابيجى الامل بنديه اكتر من حقه فى الاحلام
ونعلق عليه احلام كتير
بس فى الغالب مش كلها بتتحقق


وعيا دى الحياة ناس شقيانة وتعبانة
بينتهى دورها
عشان تبتدى ادوار ناس تانية


احلمى تانى
ومتيأسيش
وادعى ربنا هوااحن من الكل


تحياتى


متغبيش كده عشان وحشتينا

ومالك انا حسيت البوست حزين

ربنا يكرمك ويبقى معاكى باستمرار

غير معرف يقول...

أنا و الله يا دكتورة لسة مخلص دلوقتي فيلم روائي قصير ياباني من أفلام الإنمي(كرتون يعني) اسمه خمس سنتيمترات لكل ثانية بيتكلم عن الإنتظار لأن زي ما حضرتك عارفة إن القطار في ثقافتنا بيرتبط دايما بالترقب و الإنتظار أو التلهف لرؤية الجديد

و تقريبا الفيلم تلاتأرباعه ف القطر

بجد بقى:النثر بتاعك رائع فعلا و كلماتك قوية بطريقة لم يسبق لي أني قرأتلك أسلوب زي دة

ياسر سليم يقول...

العريان وراء القضبان

شاركنا فى حملة التضامن مع الدكتور عصام العريان

على مدونتى

Ma 3lina يقول...

ان شاء الله مش نهاية الرحلة فه قطارات كتر لسه قادمة و ان شاء الله تحققى كل امانيكى

وحشتنا بوستاتك يا دكتورة :))

غير معرف يقول...

الفكرة حلوة
إنما المعالجه للأسف ضعيفه جدا

أحمد سلامــة يقول...

استنيت الاسقاط المطلوب فملقيتوش
وبعد ما خلصت عرفت ان الاسقاط يمكن يكومن على الحياه كلها
وبصفة اخص
على السعادة
لو الراكب يقدر ينزل المحطة الجاية ويغير القطار
لو لسة في فرصة يعني
-----------------
فينك

تــــ(حـنة)ــــر يقول...

فكرة القطر دى صعب الواحد يفكر فيها كدة . اصلها ارتبكت معانا بحاجات كتير قوى من زمان!!!!! بس ياريت يروح قطر يجى المقابل بتاعة على طول احسن ما نمل الأنتظار

S H A H يقول...

بقالك كتييييييييييييير مطنشاني و لا بتزوريني يا فضفضة

بس رجعت عندك لقيت تصميم جديد و رائع و الدنيا كلها اتهدت و اتجددت و بقت اجمل

حبيت اسلم و اشوف اخبارك

هاني جابر يقول...

شارك معنا وانضم الينا في لجنة الدفاع عن سجناء الرأي وحقوق الإنسان
شارك معنا بارسال حدث وتفاصيله لكي نفضح الظالمين ونفضح مهازلهم
انضم إلينا في يالا نفضحهم
www.dahayaa.com

الراقـــص مع الذئـــــاب يقول...

السلام عليكم
ازيك يا دكتورة
ديما بخلي مدونتك اخر مدونة قبل ما امشي...يعني مسك الختام بقي
واليوم اللي بمشي فيه بكون مكتئب اوي وبحب ديما أقرأ حاجة جميلة ويمكن دا سبب تأجيل استعراض مدونتك لأخر الاجازة
والله لا نفاق ولا مجاملة يا دكتورة

الخاطرة جميلة وحزينة... انا حسيت بيها اوي....او يمكن عشان انا عندي استعداد ومهيئ نفسياً...عشان كدا اثرت فيا اوي

هي طبعاً رمزية وبالنسبالي جت في مقتل زي ما بيقولوا


مرة تانية اقولك خاطرة جميلة..تسلم ايدك يا دوك

سلام

غير معرف يقول...

انزلي من القطر وهتلاقي قطر تاني جاي اكيد بس اختاري القطر اللي هتركبيه لان كل قطر ليه اتجاه مختلف عن التاني

تــــ(حـنة)ــــر يقول...

جميل قوى البوست دة
تخيلى انا كل مرة بدخل علشان اقراة تانى
بجد جميل قوى
و مدونة جميلة وربنا يزيدك فيها
على فكرة انا نزلت بوست جديد
اكيد حتشرف لو اولتيلى رايك فية
تحياتى
تمر حنة

عالمى ازرق يقول...

يمكنك استكمال رحلتك بقطار اخر
فليس هذا هو اخر القطارات

القرآن الكريم