TvQuran

٢٠٠٧-١٠-٢٢

يتربي في عزو

تحديث

لمعلومات كامله عن مأساة اهالي كفر العلو بحلوان مع صور وفيديو لحال الناس هناك ممكن تراجعوا الرابط ده والروابط ذات الصله بيه .....حاجه تِحَزِِن

http://www.abna2masr.com/index.php/archives/663
---------------------------
هانلاقي فين بلد زي البلد دي ، بقالها 7000 سنة بتتسرق ، ولسه اهلها لاقيين اللي ياكلوه



جمله قالها نور الشريف في احد افلامه ، لقيتها بترن في وداني وانا بقرأ جريدة الاسبوع وعلي صدر صفحاتها الاولي مقال مطول عن احمد عز وارباحه السنوية التي تتجاوز ال 2 مليار و179 مليون جنيه واحتكاره صناعة الحديد ، وغيرها من الحاجات اللي تحرق الدم
وفي نفس العدد مقالا اخر عن 50 اسره بحلوان هدمت منازلهم البسيطه ليتشردوا في الشوارع ويسكنوا الارصفه والطرقات بعد ما صدر قرار حكومي بهدم كل اللي يملكوه من حطام الدنيا علشان يوسعوا محطة مياه الشرب ، بس بصراحه الحكومه كانت رحيمه بيهم وقررت صرف تعويض لكل متضرر 2000 جنيه عن كل قيراط من الارض

وعماااااار يا مصر


58 comments:

عصفور المدينة يقول...

حضرتك طبعا عارفة إن الحي أبقى من الميت
فهما دول عايشين والناس التانية ميتين

وبعدين إحنا مش أقل من أي دولة تانية دلوقت في مركزية في الثروة عشان لما حد يعوز يعرف الفلوس بتروح فين مش يقعد يدور عليها شلن وبريزة تبقى بلوكات كدة متجمعة

safa7_karmooz يقول...

انتى بتحقدى عالناس ليه

الراجل شقيان وكل يوم واقف فى بتاع الحديد يشتغل وبيكسب بعرق جبين العمال الغلابة

ليه بس مستكتره عليه كام مليار....ده حتى الدهب غلى يا شيخة

وعايزة بتوع حلوان يسكنوا فىة شقق كمان

ده تسيب

Unknown يقول...

صحيح دول عاملين فيلم مش اعلان فى رمضان .. اعلان طويل اوىىىىىىى
وجايبين ناس بتبرق وعنيهم مليانة نجاح وأمل وانا موظفة فى حديد عز ..وانا معرفش ايه فى حديد عز

لاقيت نفسى بقول يارب اشتغل انا كمان فى حديد عز

يخلص الإعلان قصدى الفيلم من هنا يدخل الإعلان التانى بقا بتاع مستشفى السرطان
لا حول ولا قوة الا بالله

اخويا هايص وانا لايص

محمد عبد الغفار يقول...

طب لما هى كده من 7000 سنه جايين تصعب علينا دلوقتى

http://kasperb4.blogspot.com/ يقول...

ربنا يرحمنا بقى ويعوض علينا في نفسنا
معلش ماهو احنا السبب بردو في كل ده
مفيش شعب في الدنيا كلها بيحصل فيه اللي بيحصل فينا ده ويفضل سااكت كده

فعلا احنا شعب عشري جداااا
وسلامي بقى للقطر والبلد اللي بتتحرك
!

http://kasperb4.blogspot.com/ يقول...

صحيح

مبروك النيو لوك
بس مش عارف ليه حاسس ان الأول كان احسن

يمكن عشان لسة مخدتش على الجديد

mohand يقول...

السلام عليكم

هو المعلومة دي جديده ولا حاجه يا دكتوره؟

بصي البلد دي هتتنهب طوال عمرها وبرضه سبحان الله خيرها موجود


متبقيش تقري جرايد كتير علشان اعصابك بس

اصل بيقولوا انها من اسباب ارتفاع الضغط والسكر وبتجيب اللوز اوقات

تحياتي

أنسانة-شوية وشوية يقول...

بصراحة مش لاقية تعليق ممكن يعبر ع اللي يا من الناحية دى بس الاكيد ان كل ليل وبعده نهار وكل ظلمة وراها نور ان شاء الله النور والخير والنهار جايين

أحمد سلامــة يقول...

يتربى ويتمنجه ويعيش حياتو اخر عز وحلاوة
ده كده مية مية طبعا
الله يكون في عون الغلابة
2000 جنية للقيراط
يعني 500 جنية للمواطن
يدوب
يسكن بيهم اسبوعين
وبعد كد هيموت
حسبنا الله ونعم الوكيل

الخيط الرفيع يقول...

عمار عمار عمار
الشعراوي قال كمان جمله بنفس المعني دا
نفي اعرف امتي هيبطلوا سرقه واشمعني البلدي بالذات اللي الحرامي فيها فوق والشريف جعان

Yasser Hussein يقول...

مع الاسف إحنا شعب مسالم للغاية بالنسبة للمطالبة بحقوقه
وثائر جداً بالنسبة للمطالبة لحقوق الآخرين
نرى مظاهرات من أجل فلسطين ولبنان يقوم بها المصريين داخل مصر وربما يتعرضون للعقاب من جهات الأمن
بينما لا تقوم مظاهرة واحدة ضد ارتفاع الاسعار او الفساد أو المطالبة بحقوق معدومي الدخل الذين كانوا يطلق عليهم قديما محدودي الدخل

الشكل الجديد للمدونة أجمل من السابق ومريح للعين

خالص تحياتي

خمسة فضفضة يقول...

السلام عليكم ورحمة الله وبركاته

باشمهندس عصفور

حد قال ان مصر اقل من اي حد ، لازم طبعا نواكب احدث الصيحات في كل حاجه

بس تقريبا كده يا باشمهندس 99،999% من الشعب ميتين والباقي بس هما اللي عايشين


تحياتي

خمسة فضفضة يقول...

السلام عليكم ورحمة الله وبركاته

سفاح كرموز

عندك حق ، دا انا وحشه اوي المفروض كنت اجيبله علبة مناديل ينشف بيها عرق العمال الغلابه

(:(:(:

تحياتي

خمسة فضفضة يقول...

السلام عليكم ورحمة الله وبركاته

انسانه

بالله عليك ماتفكرنيش بالاعلان اياه ، انا اصلا مش بتفرج علي التليفيزيون المصري بس يوم كده بالصدفه فتحت القناه التانيه ، قلت يانهار ابيييييييييييييض ، احمد عز احتل التليفزيون ..ههههههه

واللي يحزن ان بعده علي طول زي ما قلتي يجي اعلان الاورام

حسبنا الله ونعم الوكيل

تحياتي

خمسة فضفضة يقول...

السلام عليكم ورحمة الله وبركاته

أ / استاذ محمد عبد الغفار

اصل اليومين دول السرقه بقت علي عينك ياتاجر

خمسة فضفضة يقول...

السلام عليكم ورحمة الله وبركاته

آلام وأمال

اه فعلا نستاهل..... وادي جزاة اللي مايسمعش كلام بابا
(:

والف سلام للعبور و للمستقبل


------------------

اكيد لما تاخد علي الشكل الجديد هاتحس انها احسن


تحياتي

خمسة فضفضة يقول...

السلام عليكم ورحمة الله وبركاته

مهند

ولا جديده ولا حاجه مش بقولها بقالها 7000 سنة

علي رايك الجرايد اياها من نوعية الدستور والاسبوع والفجر مش تجيب ضغط وسكر ولوز دي تجيب زهايمر وشلل اطفال

لما بقراها بحس ان خلاص القيامه هاتقوم

هاحاول ابطل


نورتني وحمد لله علي السلامه
تحياتي

خمسة فضفضة يقول...

السلام عليكم ورحمة الله وبركاته

انسانه

ان شاء الله ، ويارب يكون قريب

تحياتي

خمسة فضفضة يقول...

السلام عليكم ورحمة الله وبركاته

د/ احمد سلامه

تفتكر 500 جنيه هايكفوا اسبوع ؟؟؟، دا هما يادوب تلات ايام دا لو كفوا

وحسبنا الله ونعم الوكيل

نورتني

خمسة فضفضة يقول...

السلام عليكم ورحمة الله وبركاته

الخيط الرفيع


مش هايبطلوا ، وزي مابيقولوا :
اذا كان رب البيت بالدف ضاربنا فشيمة اهل البيت كلهم الرقص


----------------------
نوريني وياريت تبقي زيارات دايمه

تحياتي

خمسة فضفضة يقول...

السلام عليكم ورحمة الله وبركاته

الفنان ياسر حسين

وهي دي المصيبه ، دايما شايلين هم غيرنا ومش بصينا لاي حاجه من مشاكلنا

ويوم ما قامت مظاهرات ضد الغلاء ايام السادات سموها انتفاضة حرامية
علشان بيطالبوا بحقهم يبقوا حراميه....وانا لله وانا اليه راجعون


-----------


فرحت اوي ان الشكل الجديد عجبك ،ودي شهاده من فنان اعتز بيها اوي

تحياتي

klmat يقول...

احييكى على اختيارك الموضوع
ده ملخص لحال البلد
ناس فوق وناس تحت
واللى فوق
مالهمش دعوه
بلى تحت بل هم السبب
فى وجودهم تحت
اختارتى مثالين يبينوا
الفجوه
وحسبى نعم الوكيل
تحياتى وسلامى

YHYيــوســف الـمصـرى يقول...

السلام عليكم
احمد عز صاحب الكرفات والبدلة الشيك :)
رجل الاعمال(الشاب) النجاح الفالح الطالح الشامخ السياسى المحنك المبلك المشنج المهنج ايه الى بقولو ده :)
الله مالا حسد (طبعا بكدب) انا بحسده :)
الراجل ده مثال للشاب المكافح الى بنى نفسه بنفسه طلع السلم تاتا تاتا خط العتبة وكون الملايين دى فى وقت قياسى يدخل بيه موسوعة جينس للأرقام الفولازية ...بدأ من الصفر لحد ما ما بقى عنده سوبعميت صفر ..بس يا رب اعرف الصفر الى بدأ منه ده كان شكله ايه ؟! علشان نفسى فى كام صفر اجيب بهم حق شقة اوضتين وصالة ايجار جديد
بجد انا فخور بهذا العز الصغير ربنا يديله كمان وكمان لحد ما يبقى عز كبير كده وولده العززين الصوغنانين يتربو فى عزو .....الله يخرب بيت يا جحا
والناس بتوع حلوان دى مش حسين بالنعمة الى أدتهلم الحكومة 2000 جنيه زى الفل ...انا لو منهم اشترى بيهم كام سيخ حديد من عند عم عز .....(تخيل بقى انتى الباقى )
اللهم ما بارك لنا فى صحة عزو وكتر من اصفاره وزود من حديده واسياخه :))
اسف للأطاله بس انا اصلى بحب الراجل ده اوى لدرجة شنيعة ..
واحب اهدى اغنيه لأهالى حلوان لسيدة الغناء الهندى شرين ..مشربتش من نيلها جربت تغنيلها .....

تحياتى

انسااااااااانة....غريبة يقول...

لما تلاقى واحد معاه ملايين وبينهب فى ملايين تانية لان الملايين الاولى مش مكفياه وتلاقى حد تانى برده زى الحد الاول يعنى برده بنى ادم وتلاقيه مش عارف يجيب لعياله عشا عبارة عن رغيفين عيش وقرصين طعمية يبقى انتى اكيد اكييييد فى مصر


عليه العوض ومنه العوض

زحل الفلكي يقول...

ازيك يا دكتورة
مبروك النيولوك
ومعلش باجي متأخر كالعاده

نيجي لموضوع البوست
مهم اصل الناس دي لازم تتشرد
مش محطة ميه علشان يشربوا
مهم يناموا في الشارع احسن ال يزعلوا من هدم منازللهم ال
ملهمش حق بصراحة

حاجه فعلا تحرق الدم
المفروض يخلوا بقا الناس اصحاب الارباح الرهيبة دي يعملوا عمارات من فلوسهم للمساهمه في القضاء على الازمة
وحتى لو في الصحراء
بس الناس دي تلاقي مكان يناموا تحت سقفة
حسبي الله ونعم الوكيل

Tamer Nabil Moussa يقول...

الظلم صعب جداا

لو فية وعى وفهم كانت الحكومة قدت الناس دى حقها مش المبلغ اهايف دة

لكن الحكومة عايزة تخد كل حاجة من الناس ببلاش

نظام بلطجة


ربنا على الظالم والمفترى

ربنا يصلح الحال

تحياتى

جمعاوى يقول...

مفيش تعليقات بعد اللى مكتوب

بس ليا إضافة

المفروض

عمار يا مصر

يا أرض اللواء

BaTresYa يقول...

يااه ..ده كرم محدش قده ... الدنيا دي كلها متناقضات ...ناس بتموت من الجوع وناس بتموت من التخمه !!؟

غير معرف يقول...

ده اقل واجب يابنتى انت لو حسبتى اللى مصر بتطلعه كل سنة من قناة السويس والبترول والدهب اللى صدرته لكندا بنص التمن هتلاقى البلد اغنى من امريكا طب ازاى بقى واحنا من اكتر الدول ديونا لو فضلتى تفكرى كده يبقى يا هتتجننى يا هتتجننى

تــــ(حـنة)ــــر يقول...

السلام عليكم ورحمة الله و بركاته
كل سنة و انتى طيبة يا دكتور
بس حرمانه ليه من زياراتك
اما بقى عن البوست بتاعك
فانا شايفه ان دا خلاص بقى وضع الدنيا
و المكان بقى خلاص للى بيفكر صح و بيحسب خطواته و عامل حساب اي غلطه فيها
و الباقى بقى ..... ربنا المستعان

تحياتى

تمر حنة

ody911 يقول...

أهو دة إللى بسميه

هم يضحك
وهم يبكى
وهمبرجر
وهم يا جمل


آآآآآآآآآآه يا بلد عاوزة ولد بس أنا مش فاضى

ولو فضيت

عادى بقة
أودى

الدفاع يقول...

احمد عز
اسم قد يبدو للوهله الاوله انه على مسمى لكنه فى الواقع ليس كذلك فليس هذا هو احمد عز فلا هو احمد ولا هو عز بل ان مافيه هو اذم الاشياء وقد عبر الكثير عن ذمهم لما فيه عز من عز على صفحات الجرائد وغيرها بل ان عزه ليس عزا فهو ذل ورق وعبوديه للمال لذلك فهو اولى ان يطلق عليه اذمم ذل وليس احمد عز

MiraMar يقول...

السلام عليكم
عيني على الغلابه المطحونين المهروسين
كدب اللي قال مصر لكل المصريين
لنا الله
له من العباد كثيرون
وليس لنا رب سواه
:)
مدونتك ريحها حلو:)

AHMED SAMIR يقول...

هي دي مصر
ولو ماكنتش كدة الواحد ساعتها ممكن يحس ان في حاجة غلط
تحياتي واحتراماتي

صاحب البوابــة يقول...

ومازال النيل يجري

ومال زالت مصر عماراً

بلا شعب

!!!

mohamed يقول...

مقولة فى الجون فعلاً احنا من زمان ايام الفراعنة وكان فيه حراميه ولسه عايشين
بصراحة عاجبنى قوى شكل المدونة

Dr Emad يقول...

نقول ايه
خلاص انا وانت مفيش حاجه نقولها
واصلين لدرجة فساد محدش فى الدنيا وصلها

خمسة فضفضة يقول...

السلام عليكم ورحمة الله وبركته

كلمات
الله اكبر علي كل من افتري وتجبر

و حسبنا الله ونعم الوكيل علي كل ظالم ومفتري لا يراعي الله

شكرا علي ذوقك واهلا بكِ هنا دائما

تحياتي

خمسة فضفضة يقول...

السلام عليكم ورحمة الله وبركاته

يوسف المصري

يا ناس بطلوا حقد بقي دا راجل غلبان ، صحيح شعب مفتري

:)

تحياتي

خمسة فضفضة يقول...

السلام عليكم ورحمة الله وبركاته

انسانه

طبعا في مصر امال يعني في السعوديه

منهم لله ، حسبنا الله ونعم الوكيل


تحياتي

خمسة فضفضة يقول...

السلام عليكم ورحمة الله وبركاته
زحل الفلكي
الله يبارك فيك
ومايهمكش لا متاخر ولاحاجه انت تنور في اي وقت

انت عاوز واحد زي عز ده يطلع حتي 100 جنيه علشان يساعد ناس زي دي
لا اكيد انت بتحلم

عارف دايما بقول ان لوكل واحد من الاغنيا طلع زكاة ماله علي اكمل وجه مش هايبقي فيه فقرا في البلد
بس نعمل ايه بقي دي ناس نسيت ربنا

منهم لله


تحياتي

خمسة فضفضة يقول...

السلام عليكم ورحمة الله وبركاته

تامر نبيل

لو بقي

وعلي رايك دا نظام بلطجه بالجامد اوي

ربنا يصلح الحال

تحياتي

خمسة فضفضة يقول...

السلام عليكم ورحمة الله وبركاته

جمعاوي روش طحن

اهلا بيك

صحيح هي عمار يا مصر يا ارض اللوا ، وباب اللوق وشبرا كمان


:):)


تحياتي

خمسة فضفضة يقول...

السلام عليكم ورحمة الله وبركاته

BaTresYa

وناس بتموت من الضرب وناس بتموت في العبارات وناس بتتحرق بيها القطارات

تحياتي

خمسة فضفضة يقول...

السلام عليكم ورحمة الله وبركاته

هند ...هنادي

لا ما تقلقيش انا اتجننت خلاص من زمان

نورتيني

تحياتي

خمسة فضفضة يقول...

السلام عليكم ورحمة الله وبركاته

تمر حنه

وانت طيبه يا قمر
لا والله بروح عندك كتير وبيبقي نفسي اعلق ولان معظم دخولي النت بيبقي من الصيدليه حاجه تشغلني وخرج من غير ما اعلق ،

-----------

مشكلتهم بقي انهم مش عاملين حساب للآخره

حسبنا الله ونعم الوكيل فيهم كلهم


تحياتي

خمسة فضفضة يقول...

السلام عليكم ورحمة الله وبركاته

اودي

اهلا اهلا اهلا ...ايه الغيبه الطويله دي

ما تقلقش مش ضروري تفضي نفسك ، بيقولك الست خديجه مرات ولي العهد حامل وان شاء الله تجيب الولد اللي البلد نفسها فيه


وعادي برضو

تحياتي

خمسة فضفضة يقول...

السلام عليكم ورحمة الله وبركاته

الاستاذ اسامه

احسن راي قريته فيه لحد دلوقت
تصدق ، اذمم ذل دي لايقه عليه اكتر

يلا منه لله


تحياتي

خمسة فضفضة يقول...

السلام عليكم ورحمة الله وبركاته

ميرامار

عيني علينا كلنا

ربنا يرحمنا بقي ويخلصنا من الهم اللي راكب فوق انفاسنا بقاله 26 سنه

شكرا علي ذوقك ، نورتي المدونه


تحياتي

خمسة فضفضة يقول...

السلام عليكم ورحمة الله وبركاته

دكتور احمد سمير

علي رايك ، اتعودنا علي كل ده لحد ما بقي النهب والسرقه هما القاعده والشرف والامانه هي الاستثناء

تحياتي

خمسة فضفضة يقول...

السلام عليكم ورحمة الله وبركاته

صاحب البوابة

ومازال النيل يجري

تحياتي

خمسة فضفضة يقول...

السلام عليكم ورحمة الله وبركاته

محمد

شكرا علي ذوقك ، فرحت اوي ان المدونه شكلها عجبك

نورتني

تحياتي

خمسة فضفضة يقول...

السلام عليكم ورحمة الله وبركاته

د.عماد

مافيش حاجه نقولها ، ادينا ساكتين اهه ، ومافيش حد قادر ينطق حتي

نورتني

تحياتي

لو بطلنا نحلم نموت يقول...

هيه العمليه ناقصه حرقه دم
والله الناااس ديه مش عارف هايروحوا مننين من ربنا
انا حاسس انهم غلبوا ابو لهب
ده ابو لهب هايخش الجنه قبليهم
ولا فلوووووف الضرايب (مصلحتك اولا ) بتروح فين برضه ما تعرفيش ولا فلوس قناه السويس
فعلا عمااااااار يا مصر
لسه فيها فلوس
علشان كده لسه برضه هاتتسرق كمان وكمان

مهندس مصري بيحب مصر يقول...

طب شفتي جوازته الرابعة من نائبة البرلمان عن دايرة مصر القديمة و المنيل
شاهيناز النجار
دبلة الخطوبة خاتم ألماس بمليون جنيه
و المهر 25 مليون جنيه
و المؤخر 100 مليون جنيه
يا بخت المأذون اللي حيكتب الكتاب ده مش حيحتاج يشتغل تاني بعد كده
لا و دي الجوازة الخامسة للعروسة النائبة سيدة الأعمال
ما هو الفلوس الكتير اللي جاية من الهوا بدون تعب تخليهم يعملوا أكتر من كده
مدونتك جميلة أول مرة أدخلها و لسه حأقلب فيها
بس كفاية إنها واخدة ختم الجودة من عند البشمهندس عصفور المدينة

خمسة فضفضة يقول...

السلام عليكم ورحمة الله وبركاته

حواديت وحكاوي

ناس مغيبه عن حقيقة انهم مهما عملوا وكنزوا من فلوس في في الآخره حساب عسير مستنيهم علي كل قرش جمعوه من الحرام وعلي حساب الناس الغلابه
يلا منهم لله هو المنتقم الجبار

وماتفكرنيش باعلانات الضرايب الله يكرمك كل ماشوفها دمي بيتحرق

وبرضو ارجع واقول عمااااار يا مصر

تحياتي

خمسة فضفضة يقول...

السلام عليكم ورحمة الله وبركاته

مهندس مصري

اه شفت
ربنا يهني سِعِيد بسِعِيده

تخيل بقي مؤخر 100 مليون في خمس جوازات

يااااه دي ليها حق يبقي عندها كل الثروه دي

------------
متشكره اوي علي ذوقك ، وشهادة باشمهندس عصفور دي شهاده اعتز بيها جدا جدا



تحياتي

غير معرف يقول...

ربنا مبارك متعرفيش من فين يادكتوره هههههه مبارك وممسكها لمبارك .. بكسر الميم ويعقبها ضم الميم .. ثم يعقبها فتح دماغى ربنا يستر .. بس اصلك مش اخده بالك كلام ف سرك يعنى .. قربى بقى ودانك علشان محدش يسمع اصل هنروح ف الداهيه .. البلد دى فيها فلوس تصرف ع خمس ست دول مش 80 مليون .. و انا م البلدى انا م البلدى .. بلدى ابويا وست ستى .. هععع

تحياتى

القرآن الكريم