TvQuran

٢٠٠٧-١١-٢١

دخل الشتا




دخل الشتا وقفل البيبان ع البـــيوت
وجعل شعاع الشمس خيط عنكبــــــــوت

وحاجات كتيـر بتـموت في ليل الشــتـا
لكن حاجات أكتـر بتـرفض تـمــــــوت
عجبي !!

يوم شديد البروده لم تتوقف فيه الأمطار منذ الصباح ، الشتاء يعلن عن مجيئه قبل موعده بقوه

جمع الصيف كل ماتبقي له ورحل علي وعد بعوده قريبه ، لا املك الا ان انتظره ليالي الشتاء القاسيه وكلي أمل ان يأتي سريعا

احب المطر واعشق تأمله من شرفتي وهو يغسل عن الدنيا همومها

احب ان افتح كفي لتستقبل ذراته المتناثره،
واتمتم بدعواتي لعلها تكون ساعة اجابه

احب رائحة الهواء المنعشه بعد المطر

احب مذاق القرفه باللبن في فراشي الدافئ

ولكني

اكره وحل الشتاء وأيامه الخاليه من الشمس والبشر علي حد سواء

اكره لياليه الطويله البارده ،
اكره ظلمته وسواده

اكره خروجي اليومي في البرد القارس مرتديه كل ما استطيع ارتدائه

اكره تقوقعي في فراشي ملتحفه بهذا الكم الهائل من الأغطيه


عندما يحل الشتاء اشعر كأني دودة كسولة داخل شرنقه ضيقه ، تخرجني منها شمس الصيف فراشة نشيطه احلق حيث اشاء في الدنيا الواسعه

-------------------------

اسفه عن عدم ردي علي تعليقاتكم في البوست السابق ، معلش اعذروني ماكانش عندي نت في البيت من حوالي اسبوعين
ان شاء الله ارد عليها بكره

55 comments:

عصفور المدينة يقول...

لسة داخل من ساعة كنت باتمشى تحت المطر الله يسامحك ما تقوليش على الشتاء كدة عشان بازعل أنا باحب الشوارع في الشتا مش السرير والقرفة والسحلب والحاجات دي

خمسة فضفضة يقول...

السلام عليكم ورحمة الله وبركاته

باشمهندس عصفور
اول مالاقيت فيه تعليق توقعت انه يكون حضرتك ، اهلا بيك

انا بقي مش بحب الشتا وبموت في الصيف

معلش بقي للناس فيما يعشقون مذاهب
ولولا اختلاف الآراء لبارت فصول السنه
:-D

منورني

http://kasperb4.blogspot.com/ يقول...

برغم ان الشتا احيانا بيكون قاسي فعلا إلا اني بحبه اكتر من الصيف بكتير
الصيف بحس فيه بالزهق لأن جسمي بيتفاعل مع الحرارة بشكل غريب وببقى مدايق اوي حتى من نفسي
مع اني والله بستحمى كل يوم واحيانا ف اليوم مرتين هههههههههه
وخصوصا بقى لما اركب المترو ف يوم حر جدااا ويكون المترو زحمة
يااااااااه
بحس ان انا لوحدي ف البلد اللي بستحما
:D

http://kasperb4.blogspot.com/ يقول...

الشتا جميل اوي يا دكتورة
:)

islam yusuf يقول...

النهاردة بالذات أول شتا عندنا
كنت الصبح فى مدينه ساحلية و هبا دمياط الجديدة الدنيا مطرت و كنت سعيد أوى و انا ماشى وسط المطرة
بحس بالدفا
اوقات الشتا بيرسم على الوجوه كآبه
و أوقات نفوس تانية بتستريحله
كل فصل من فصول السنه و له المود بتاعه اللى بيرسم بيه وجوه الناس
المهم روحت المنصورة فى نفس اليوم برضه
لقيت مطرة
قلت اللهم اجعله خير
مدونه جميلة

تحياتى

دكتور حر يقول...

الشتا هو فعلا بيكون مشكله أحيانا

لكن الأصعب انه يجي وانتي في امتحانات
بتبقى قتل

لكن برضه له ميزات حلوه يعني مثلا قيل في الأثر:
الشتاء ربيع المؤمن
يقصر نهاره فيصومه
ويطول ليله فيقومه
***********
كل عام وأنت بخير

عصفور المدينة يقول...

مسيت صحيح أبارك على الدي إس إل اللي بركاته بانت على طول

:)

محمد عبد الغفار يقول...

مبحبوش على خلاف عامه الناس

انما بحب المطر ، بفكر اروح بلد استوائى

... يقول...

فضفضة..كل ما ذكرتيه فى البداية عن المطر والغسيل الدنيا ..ولو انها مش ممكن تنضف.. لا يعادل قسوته وضراوته..الحمد لله للاحتباس الحرارى اللى جعل شتائنا شهرين فقط ..مش باحبه

بسمه عبدالباسط يقول...

بحب الشتا جدا بكل تفاصيلة وبكل حاجة فيه بحب البرد والشتا بحب جو البرد جدا بطريقة مش طبيعية

mohand يقول...

السلام عليكم

مكنتش بحبه في الدراسة
ايام بقي كنت بصحي بدري والبطانية بتكون لازقه فيا مش عايزه تسبني
ولا انا بكون عايز اسيبها

لكن في العموم انا بحب المطر جدا
وبعشق الخروج في الشارع قوي

يعني الشوارع مش خاليه من البشر
هتلاقيني موجود

تحياتي

ومبروك رجوع النت

ان شاء الله تكوني بخير

غير معرف يقول...

انا بحب الشتاء جدا لان الشتا فى مصر مش قارص قوى كده .
لكن الصيف حر و خنقه و حبسه فى البيت طول النهار و خصوصا هنا فى دبى حيث اقيم من 8 شهور لم نرى الهواء الطبيعى بدون مكيفات الا منذ شهر تقريبا .
وده خلانى احب الشتا اكثر .
لكن انت رأيك مثل رأى زوجى فهو لم يكن يحب كأبه الشتاء على حد تعبيره.
ولك تحياتى على نظافه مدونتك.
nona

البنت الشلبية يقول...

ازيك يا دكتورة
كل شتا وحضرتك بخير
انا كمان من محبى الشتا اوى

سها السباعي يقول...

الشتائيون
انا منهم
احب الشتاء وبرده ومطره
واكره الصيف وحره وعرقه
بالبس كل هدومي فوق بعضها في الشتا بس باقدر اتحرك
اما الصيف بيدوخني حره ويخليني عاملة زي الفرخة الدايخة
باحب هدء الشتا وشوارعةالفاضية
وباكره صخب الصيف وشوارعه الزحمة المخنوقة
بكره وحل الشوارع في الشتا بس ده مش ذنب الشتا وبتوجعني دراعاتي من تطبيق الالحفة والبطاطين والغسيل اللي ما بينشفش بسرعة
باحب شمس الشتا الدافية ونسمة الهواء البارده
وباحب الصيف بس عشان باقدر اروح البحر

سها السباعي يقول...

الشتائيون
انا منهم
احب الشتاء وبرده ومطره
واكره الصيف وحره وعرقه
بالبس كل هدومي فوق بعضها في الشتا بس باقدر اتحرك
اما الصيف بيدوخني حره ويخليني عاملة زي الفرخة الدايخة
باحب هدء الشتا وشوارعةالفاضية
وباكره صخب الصيف وشوارعه الزحمة المخنوقة
بكره وحل الشوارع في الشتا بس ده مش ذنب الشتا وبتوجعني دراعاتي من تطبيق الالحفة والبطاطين والغسيل اللي ما بينشفش بسرعة
باحب شمس الشتا الدافية ونسمة الهواء البارده
وباحب الصيف بس عشان باقدر اروح البحر

Desert cat يقول...

بموت فى الشتاء واعشق رائحة المطر
واذوب مع قطراته وانا امشى تحته
واشعر بسعادة العالم مع نسمات الهواء
يا حبيبتى انا اتمنى لو كل الفصول شتاء
محبتى ليكى

منى يقول...

يمكن فى الصيف الواحد ممكن يخرج براحته
لكن الشتا يا روحى على الشتا ويا سلام لو مفيش هذه الوحله الملعونه
فى الشتا احب ابقى بره ولابسه برضه تقيل لكن المطره مغرقه وشى او الهوا يطيرنى ويتوهنى زى الريشه اقول ايه ولا ايه
انتى هتخلينى اعمل بوست عن الشتاء عشان اصالحه
وابقى تعالى شوفيه يمكن اصالحكم على بعض
تحيااااااااااتى

koukawy يقول...

نا الشتا بالنسبه لي بيمثل الراحه و السعاده

AHMED SAMIR يقول...

كل شتاء وانتي طيبة وفي احسن صحة وسعادة
الصيف له بهجته وجماله وكمان الشتاء
تحياتي واحتراماتي

غير معرف يقول...

زي ما تفضل الدكتور حر .. إذا ما جاء الشتاء هلل الصالحون و ابتهجوا .. فنهاره قصير في الصيام ، و ليله طويل في القيام.

اللهم إنا نسألك حسن الخاتمة.

غير معرف يقول...

لالالالالالالالالا
أحلي حاجه في الدنيا
الشتا والمطر
والجري تحت المطر
سيبك إنتي من الكلام ده
مدونتك راااااااااااااائعه
تسلم ايدك يا قمر

غير معرف يقول...

لالالالالالالالالا
أحلي حاجه في الدنيا
الشتا والمطر
والجري تحت المطر
سيبك إنتي من الكلام ده
مدونتك راااااااااااااائعه
تسلم ايدك يا قمر

فرنسا هانم يقول...

انا زيك مش بحب الشتاء
علشان كده
انا وكتير من زملائى بنقعد نحسب ايامه
من كيهك وانتى طالعه

Unknown يقول...

يعني ايه اللي انت عملتيه ده يا دكتورة
بتكتبي وبعدين نعرف من برة برة
يعني لولا عندي اجازة وسهران ولا كنت عرفت
وبعدين دي مكتوبة من يوم الاربع
يعني انت جيتي علقتي عندي وانت منزلة التدوينة
الله يسامحك
دكتورة حاولي تصالحي الشتا
الشتا زمان عندي كان حسب الحالة
إما كآبة
او مطر وطين، يعني الحرية
وأنا باموت في الحرية
وعلى فكرة بس بحب الصيف عشان الحرية برضه
والله العظيم خلتيني عاوز اشرب قرفة بحليب
عن اذنك يا دكتورة

Unknown يقول...

علي فكره انابحب الشتاجدا وبحب ليل الشتا يمكن علشان هادي وممكن ععلشان بنام كتير وممكن علشان مبحسش ان الوقت جري علي العموم انا بفرح بقدوم الشتا وبزعل جدا وهو ماشي وبوست جميل جزاكم الله خير

محمد جمعه يقول...

تحياتى لصاحبة المدونة وتحيتى هى تحية الاسلام وهى السلام فالسلام عليك ايتها الاخت ورحمة الله وبركاته

فالشتاء والصيف لا يستطيع الانسان ان يعيش بدونهما لا يستطيع ان يعيش فى صيف طوال العام ولا يستطيع ان يعيش فى شتاء
فكانت حكمة الله ان جعل الصيف والشتاء
فانها احبهم اذا كانوا فى طاعة واكرههم سواء اذا عملت فيهم معصية

---------
مدونه رائعة
جزيت الجنة يا دكتورة
يشرفنى زيارتك مدونتى
لتشاهدوا فضيحة للاثار فى منطقه جديدة
فى رشيدhttp://dreamoffreedom2.blogspot.com/تحياااااااااااتى

Unknown يقول...

دكتورة بتنزلي الصور دي ازاي
اصل احنا على ايامنا كان التلفزيون ابيض واسود

خمسة فضفضة يقول...

السلام عليكم ورحمة الله وبركاته

محمود " آلام وآمال "

برضو الحر اهون كتير اوي من البرد
انت ماجربتش اكيد في الشتاء لما اديك ورجليك تتجمد من كتر البرد وشفايفك تزرق وماتبقاش عارف تعمل حاجه الا انك تفضل قاعد تحت البطانيه واللحاف " ده مرض اسمه ظاهرة رينود "


وبعدين الصيف كله حريه وانطلاق

نورتني

خمسة فضفضة يقول...

السلام عليكم ورحمة الله وبركاته

اسلام يوسف

برضو كان اول شتا عندنا احنا كمان
صحيح اني بحب المطر وعارفه انه خير وابواب السما بتبقي مفتوحه والدعاء ممكن يكون مستجاب
بس باكره بقي الوحله اللي بتبقي بعده
والسقعه والحبسه في البيت
وزي ما انت قلت كل فصل وله جماله

ومن وجهة نظري الصيف اجمل بكتير


تحياتي

خمسة فضفضة يقول...

السلام عليكم ورحمة الله وبركاته

دكتور حر

مش كده مش الشتا برضو بيبقي مشكله
:D

ومعاك انه فعلا ربيع المؤمن بس انا مش باتكلم عليه من النقطه دي

انا اقصد المناخ العام والحبسه في البيت

خمسة فضفضة يقول...

السلام عليكم ورحمة الله وبركاته

باشمهندس عصفور

الله يبارك فيك ، حاسه بفرق شاسع بين الدي اس ال والوصله
ياااااه دا الواحد كان لازم يدخله من زمان

خمسة فضفضة يقول...

السلام عليكم ورحمة الله وبركاته

ا/ محمد عبد الغفار
اهلا بك في حزب عدم محبي الشتا

الحمد لله اخيرا لقيت حد

انا كمان نفسياروح بلد استوائي

ابقي اقطعلي معاك تذكره
:D

خمسة فضفضة يقول...

السلام عليكم ورحمة الله وبركاته

حلم

مش كده ، مزاياه بالنسبه لعيوبه ماتتقارنش

الحمد لله انه شهرين بس

نورتيني

خمسة فضفضة يقول...

السلام عليكم ورحمة الله وبركاته

bos bos

ايه بس اللي بيعجبك في السقعه والبرد ده

خمسة فضفضة يقول...

السلام عليكم ورحمة الله وبركاته

مهند

الحمد لله انا بخير ، الله يبارك فيك

انا عكسك تماما ، كنت بحبه ايام الدراسه علشان كنت باخرج كل يوم وباشوف اصحابي ، وباشوف كل يوم ناس جديده
بس برضو كان دايما حبي للصيف اكتر من الشتا بكتييييييييييييير

خمسة فضفضة يقول...

السلام عليكم ورحمة الله وبركاته

نونا

الصيف في مصر لا يقارن باي بلد من بلاد الخليج ابدا ، دا صيفنا بالنسبه لهم جنه

وزي ما زوجك بيقول فعلا الشتا ممكن يدخل بعض الناس في حالة اكتآب ، وعلي فكره دي حاجه معروفه عند الدكاتره النفسيين

خمسة فضفضة يقول...

السلام عليكم ورحمة الله وبركاته

البنت الشلبيه
ازك انتي عامله ايه ان شاء الله خير

وانت كمان من حزب محبي الشتا
عاااااااااااااا
انتو كلكوا عليا ولا ايه
عااااااااااااا

خمسة فضفضة يقول...

السلام عليكم ورحمة الله وبركاته

سها

برضو انت كمان من محبي الشتا
هو مافيش حد بيحب الصيف الا انا ولا ايه

دا كفايه علي رايك البطاطين وغسيلها وتطبقها كل يوم
والهدوم اللي بتقعد علي الحبل طول النهار

والعصافير اللي بتيجي في الشتا وتوسخلي الهدوم اللي علي الحبل ، والطين اللي في الارض ...و...و ..و

لو فضلت اقول مش هاخلص

خمسة فضفضة يقول...

السلام عليكم ورحمة الله وبركاته

قطة الصحراء

ياااااه ، دا انت كمان بتتغزلي في الشتا والمطر
عموما انا برضو مش بحبه
:D

نورتيني

خمسة فضفضة يقول...

السلام عليكم ورحمة الله وبركاته

مني

خلاص هاستني اشوف البوست ، يمكن ..لعل وعسي ..تقدري تصالحينا
:D
نورتيني

خمسة فضفضة يقول...

السلام عليكم ورحمة الله وبركاته

koukawy

انا بقي الشتا بالنسبه لي هو البرد والتكتكه ، والحبسه في البيت

منوراني ، ازيك وازي كوكو الكميل ، شدي حيلك كده عاوزين نشوف حلقات جديده قريب

خمسة فضفضة يقول...

السلام عليكم ورحمة الله وبركاته

د/ احمد سمير

وانت طيب
ايوه صح كل فصل فيه حاجات حلوه وحاجات وحشه ، بس مش عارفه عيوب الشتا اكتر بكتير من مميزاته

منورني

خمسة فضفضة يقول...

السلام عليكم ورحمة الله وبكاته

باب البحر

ايوه الشتا ربيع المؤمن
بس انا باتكلم عليه من جهة البرد الشديد والحبسه في البيت ، والوحل في الشوارع ، والامراض اللي بتكتر وكده يعني

نورتني

خمسة فضفضة يقول...

السلام عليكم ورحمة الله وبركاته

سندريلا

اللعب في الطينه والجري تحت الشتا ، كبرنا عليه خلاص
يمكن كنت زمان بحب الشتا علشان باخرج والعب واشوف اصحابي
بس دلوقتي ... مافتكرش

مرسي اوي علي المجامله الرقيقه دي

واهلا بك دايما ودايما منوراني

خمسة فضفضة يقول...

السلام عليكم رحمة الله وبركاته


خالتي فرنسا

ازيك يا قمر عامله ايه
الحمد لله كده بقينا اربعه مش بيحبوا الشتا ، عقبال مانوصل لاربعة آلاف
:D

منوراني

خمسة فضفضة يقول...

السلام عليكم ورحمة الله وبركاته
دكتور احمد " عيل مصري "

لا والله ولا من بره بره ولا حاجه
بس انا باتحرج اعمل اعلان في اي حته ،
حتي علي الفيس بوك كلهم بيعملوا اعلان وانا لا ،
بس خلاص المره الجايه هابقي اقولك اول ما انزل بوست جديد

الشتا زمان ماكانش زي دلوقتي ،ماكناش بنشوف البرد و المطره الشديده دي

وافتكر اني عمري ما كنت بالبس هدوم زياده ، ولا اغطيه كتير زي دلوقتي ، هو يادوب اللحاف وخلاص
وزمان علي فكره كنت بحبه بس دلوقتي خلاص بقي ، خصوصا بعد ما بدات تجيلي ظاهرة رينودز اللي هي ازرقاق الاطراف والشفايف وبرودتهم الشديده تقريبا كده بيتجمدوا

برضو باموت في الحريه وعلشان كده باعشق الصيف

---------
ماتتعبش نفسك في عمايل القرفه باللبن قلي بس العنوان وانا ابعتهالك
ولا اقلك انا هابعتها علي المدونه وخلاص

-----------------

هو حضرتك بتقصد اي صور
الفريم اللي ظاهر اعلي واسفل الصفحه ده ؟؟
دا جه لوحده ومش عارفه اشيله ومضايقه منه جدا
ولا بتقصد صور تانيه ؟؟


دايما منورني

خمسة فضفضة يقول...

السلام عليكم ورحمة الله وبركاته

الفاتح الجعفري

باحس ان الساعه وقفت لما الشتا يجي ، الليل طويييييييييييييييييييل جدا والساعه مش بتتحرك ، والدنيا تلج والواحد محبوس في البيت

يمكن الحسنه الوحيده اننا بنام ساعه زياده

جزانا الله واياكم

نورتني

خمسة فضفضة يقول...

وعليكم السلام ورحمة الله وبركاته

محمد جمعة

عندك حق اليوم اللي بيعدي علي الواحد وهو في طاعه ، ده احسن يوم في حياته

اللهم اجعل كل ايامنا طاعات

--------
شكرا علي ذوقك ، جزانا الله واياكم الجنه

ان شاء الله اجي عند حضرتك قريب

نورتني

Unknown يقول...

لأ اقصد الصور اللي على كل تعليق
ساعات يظهروا عندي وساعات لأ

خمسة فضفضة يقول...

السلام عليكم ورحمة اله وبركاته

دكتور احمد
شوف حضرتك : علشان تظهر الصور
روح علي ال :
Dashboard
وبعدين
Settings
وبعدين منها اختار :
Comments
فيها هاتلاقي :
Show profile images on comments?
اختار
Yes
بس كده الصور هاتظهر

واي خدمه

šσяšαяαα يقول...

السلاااااااام عليكممم
فضفوضة نورتى عندى والله
ياترى اخبار الجو ايه عندك
انا عن نفسى مش بطيق الشتا
بحب فيه اللمة واحنا بنشرب حاجة سخنة تدفينا
وبس كدا كويس اوى
لانه المطر هنا اه هو مش وحش
بس لما بتمطر بتبقى حوسة
بعدين انا بقعد اتكتك مالبرد طول الشتا حتى لو لابسة الدولاب كله
ايدى ورجلى على طول باردين
حاسة انى من ذوات الدم البارد
انا كوووولد على طووووول:))
ياللا ايام ربنا كلها كويسه
احلى حاجة ان ابواب السما بتكون مفتوحة والدنيا بتمطر
ياللا كله يحضر كام دعوة حلوة كدا
وماتنسونيش معاكو:))
سلاااااااام

الفقيرة إلى الله أم البنات يقول...

خمسة فضفضه
انا بحب الشتاء وبحس بالنظافه والراحه فيه
وبحسن انه بيخلينى اكثر نشاط
واعشق المشى تحجت المطر
واحب لفحة الهواء الساقع
وبموت فى اسكندريه فى الشتاء
كل ده كان زمااااااان
دلوقتى بحب ذكرياتى عن الشتاء
معدش فى وقت استمتع بالشتاء زى زمااان
بس بحب الشتاء والخريف قوى
وبكتئب لما الصيف يجى
اصلى مخلوق شتوىىىىىىىىى
الزوجة المطحونه نزلت من زمااان وقربنا ننزل الجزء الجديد
تحياتى لك

رفقة عمر يقول...

لغايه السنه اللى فاتت كنت باحب الشتا
ولكن شتاء هذا العام جاء معه احزان فتبدل حالى واصبحت اخاف قدوم الشتاء
ربنا يستر ويلطف اللهم امين

كرم مسلم يقول...

السلام عليكم

مع كل ما فى الشتا من صعوبات فأنه أفضل بالنسبة لى من الصيف لأن الشتاء بتلبس كويس عشان البرد انما الصيف حتى لو مشيت برضه الدنيا حر

Unknown يقول...

تعالا نسافر روسيا

القرآن الكريم