TvQuran

٢٠٠٨-٠٥-١٦

فائض فقر


لم يكن الدكتور يوسف ادريس يتخيل ان تظل مقولته الشهيره " فقر الفكر وفكر الفقر " سارية المفعول الي يومنا هذا وبعد مرور ما يقرب من ربع قرن من تحدثه عنها باحدي مقالاته بالاهرام
لم يعتقد اننا وبعد كل هذا الوقت ما زلنا نعاني من فقر في الفكر ونتعامل مع حياتنا بفكر الفقر


فنحن والي الآن مازلنا نتعامل مع كثير من الامور من منطلق فكر الفقر وتسيطر علينا ثقافة البؤس والعوز
ومجتمعنا سيظل مصاباً على ما يبدو بعقدة الحرمان و الندره ، و نفاذ ماهو معروض قبل سد الحاجه وهى العقدة التى حفرتها بعقول المجتمع طوابير الجمعيّه قديما ثم عادت للظهور مجددا في طوابير الخبز

و لننظر الي التكالب والانانيه للنجاه من الجوع الي حد ان يصل بنا الحال ان يقتل احدنا الآخر للحصول علي عدة ارغفه لا تسمن ولا تغني من جوع

يسيطر فكر الفقر ايضا علي معظم منتجي السلع الغذائية والاستهلاكيه فنجدهم يحاولون انتاج عبوات باقل سعر ممكن حتي لو كان ذلك علي حساب جودة المنتج ، فهم يعلمون ان المستهلك هنا لن يقف كثيرا امام الجوده وان مايهمه فقط هو ما سيدفعه في النهايه لاطعام اسرته وحل المعادله المستحيله بين دخله والاسعار التي لا تجد من يكبح لجامها
ايضا نشاهد تفننهم في انتج عبوات اقل حجما تكفي استخدام مره واحده لتناسب دخول الفقراء


ويضطرني مثلا فكر الفقر الي بيع الدواء
بالقرص والكبسوله - بحرعات اقل كثيرا من الجرعات المؤثره - والحفاضات بالواحده والشامبو بالكيس وغيرها الكثير من الاشياء التي لم تكن- ولا تصلح ان - تباع فرط (مش ناقص الا بيع الدوا الشرب بالمعلقه )


ولا يتوقف الامر علي المواطن البسيط وحسب ولكنه يتجاوزه بمراحل ليصل الي صانعي القرار والذين يعانون من فقر الفكر حتي انهم يعجزون عن ادارة الموارد في هذا البلد العظيم واهمها الموارد البشريه ،
فلو نظرنا لمصر بمواردها الطبيعيه والصناعيه والبشرية سنجد انها ليست بالفقيره و مع ذلك حوالي 50% من المصريين يعيشون تحت خط الفقر ، واعتقد ان هذا العدد سيتضاعف في ظل وجود حكومتنا الميمونه والتي تتعامل معنا ايضا من منطلق فكر الفقر ،

هذا الفكر الذي يدفعهم مثلا لتخفيض ميزانية البحث العلمي لتوفير ما يسد جوع الشعب ويسد افواههم عن الكلام ايضا ، والعمل علي شغل الناس بالاسعار والهم اليومي لتقليل توجهم نحو السياسه او حتي مجرد التفكير في اي شئ خارج نطاق البحث عن لقمة العيش


ونراهم عندما يريدون سد العجرفي ميزانية الدوله ، لا يفكرون بالمره في تنمية الموارد او البحث عن افكار تساعد في زيادة الانتاج ، وانما يفكرون في طرق جديده لسرقة المواطن الغلبان عن طريق زيادة الضرائب او زيادة اسعار بعض الخدمات وبعض السلع الاساسيه بحجة ان سعرها العالمي قد زاد ، وكأنهم يطبقون المثل القائل " من دقنه وافتله "


إن الفقر الفكري و العقلي من وجهة نظري أشد أنواع الفقر وطأه ، ولقد وقع المصريون ضحايا لتعاقب حكومات غبية ، نجحت فقط في زيادة انتاجنا المحلي من الفقراء ومعدومي الدخل واصبح عندنا فائض من الفقر يكفينا لعقود قادمه ،

و فشلت في ان تقضي علي الجوع بل علي العكس رسخت في الاذهان ثقافة البؤس ، وربت مواطنين يعانون حالة من اللامبالاه الوجدانية والمعرفيه ولا يهتمون الا بانفسهم وفقط وترسخت لديهم سياسة انا ومن بعدي الطوفان



وظهرت في الافق طبقة جديده من الاغنياء الجدد "Nouveau riche " الذين يتحكمون في مقدرات ومصير الشعب ويتعاملون معه من منطلق سلوكيات الفقر التي ترسخت في اذهانهم ، فيحاولون ان يزدادوا ثراء علي حساب هذا الوطن البائس وتراهم امام شهواتهم عامه لا يعرفون معروفا ولا ينكرون منكرا فلا يتورعون عن فعل اي شئ من اجل المال


حتي اصبحنا محاصرين بعدد من اللصوص يحاولون سرقة كل ما تصل اليه ايديهم غير عابئين باحد ، واصبحت محاولة احدنا الحياه بطريقه كريمه وشريفه مجرد مغامره غير محسوبة العواقب.......فلنا الله


75 comments:

عصفور المدينة يقول...

هههه

يا دكتورة مش تقولي كدة ده الناس دول أنا باحسدهم على تفكيرهم الإبداعي في حل مشاكل البلد بطرق ابتكارية

:)

Mai_Jeneen يقول...

هذا إذا افترضنا أن العشوائية و النفعية و عدم الاهتمام بمستقبل البلد ممكن أن نسميه فكراً بشكل ما D :

... يقول...

هي فعلا أفكار فقر
:D
النهاردة شفت فاروق حسني في البيت بيتك
مفروض انه وزير
لما سأله محمود سعد مشاكل مصر ممكن تتحل
رد عليه لو انه فكر'فعل مبني للمجهول' في كذا وكذا ممكن
ودة وزير بقاله عشرين سنة وبيقول لو قعدت مائة سنة مش هابقي راضي عن اللي عملته
هي دي الحكومة يا عبلة
أدينا مستنيين
ورانا إية
ورانا إية
قلبك أبيض

صاحب المضيفة يقول...

وده أكتر من الاحتلال العسكري لأي بلد مهما كان


وده اللي همه نجحوا فيه بامتياز


يارب فك كريتنا وأزل همنا يارب


تحياتي

بنت القمر يقول...

دوا الشرب بالمعلقه
فكرة يا دكتورة
وانهارده كنت بسمع أن الميسد كول اختراع مصري خالص!!
والجرعات الصغيره دي طبعا للمستهلك الغلبان اصبحت اكثر سوؤا يعني ممكن تشتري باكو شامبو بربع جنيه عشان المصيف ويكون شيئ طبيعي.... لكن لما تشتريه ب25 جنيه عشان ممعاكيش تجيبي ب 15 يبقا ها ترضي بأي كواليتي
تحياتي

فاتيما يقول...

فضفوضة
لسه قارية فى المصرى اليوم بقم بيبيعوا الزيت فى أكياس بلاستيك الكيس بجنيه على قد طبخة واحدة و لا طبق الفول ...
شفتى وصلنا لإيه ؟؟
و كلامك تمام فعلا ....
الأنامالية هى المسيطرة على فكر المواطن البسيط
و شهوة النفوذ مسيطرة على فكر المواطن من طبقة محددة و معروفة
كان نفسى يكون يوسف ادريس عايش بينا دلوقتى ... يا ترى كان هيقول إيه؟؟
متهيألى كان هيجيله إكتئاب و يتوقف عن الكتابة ...

مصــــري يقول...

تحياتي يا دكتورة

طب الناس تعمل ايه مادام مرتبتهم 200 جنيه مثلا أو اقل.

الحكومة صارت عائلات احتكارية.
رجال أعمال لصوص ويدعون فهم للسياسة فصاروا هم الحزب الحاكم.
هذا لان معهم المال والسلطان.

وهذا ليس بحقد طبقي وانما كراهية لوجود الفساد بصورة استفزازية.

تحياتي
أسامة

اهو ده عيبه يقول...

والله انا سعات بحس ان المساله مدروسه ومقصودة

طول ما فى فقر وحوجه هيفضل الانسان مشغول بلقمه العيش وتصبح هى همه الوحيد اللى قاطم ظهره ومش مديه الفرصة يفكر فى اى حقوق تانية ليه

واكيد مش من مصلحتهم ان المواطن يشد ظهره ويقف على رجله وياكل كويس علشان يقدر يفكر كويس

كفايه عليه قوى يلاقى العيش الحاف ده لو لاقاه ومعاه اى حاجه تتوه عقله وتغيبه علشان يضمنوا انه يعيش العمر كله ياما مخروس او مسطول

تحياتى ليكى

Fahd يقول...

بصي هو انا مش معترض ان التدوين ده يكون وسلية ان كل واحد يعبر زي ما هو عايز

يحكي عن اي حاجه في اي كلام حتي لو صباع رجليه الصغير وجعه ممكن يكتب عنه تدوينة

لكن في نفس الوقت محتاجين اضافة لعالم التدوين

عايزين الطاحونه تطحن قمح مش شوية قش

عايزين ناس تكون قرأت ليوسف ادريس

عايزين ناس ترتقي بالناس اللي بس مهتهم يحكوا عن مشاكل حياتهم

حلو قوي تعبير فائض الفقر وفكر الفقر تعابير عبقرية فعلا

خير ولكن عندي امل وامل كبير ان شاء الله

غير معرف يقول...

فكر الفقر ممكن يستخدم في حل مشاكل كتير
اللي عندنا دة ماحصلش فكر فقر
اللي عندنا هو اللي وصفه يوسف ادريس

فقر الفكر

مـحـمـد مـفـيـد يقول...

لنا الله فعلا
اذا كان دول المسئولين

mostafa rayan يقول...

السلام عليكم ورحمة الله وبركاته
طبعا انا معاكي فى كل كلمة كاتبتيها
واحب ان اضيف ان تعريف الفقر من منظور علم الأجتماع والأقتصاد هو عدم القدرة علي الأدخار يعني لومرتبك 1000جنيه تاكل وتشرب وتتفسح وتلبس حلو وشيك وتدفع الأيجار والمياه والنور وتعيش اخر رفاهية لو بعد دة كله ماتبقاش معاك فلوس تحوش تبقي انت كدة فقير محتاج المساعدةوهناك تعريف اخر في علم الأجتماع - تخصصي بقي - ان الأنسان الفقير هو الذي يدفع اكتر من ثلث دخله علي مصاريف الطعام والشراب اظن انك موافقاني ان 95% من الشعب مش بس 50% حسب التعريفات دي مش بس فقير دة تحت خط الفقر بكتير
تحياتي ليكي يادكتورة

أم أحمد المصرية يقول...

و لو برضه حنغامر هو احنا امامنا طريق اخر لازم الاولاد ياكلوا و يتعلموا و لازم من حلال ان شاء الله
تحياتي علي مدونتك اللذيذة واسيبك بقي و اروح الفرع التاني لمدونتك :)

غير معرف يقول...

فقر الفكر وفكر الفقر
عنوان مميّز
ربّما سأستعيره من بعد إذنك لكتابة مقال .
تحياتي لك
و مقالتك فائض فقر جديرة بالتقدير .

الربان يقول...

تحياتي

لقد تجاوزنا عصر الفقر...و وصلنا عصر الندرة...كل شيء نادر مثل رغيف الخبز
كما ادمي قلبي فقرة من برنامج الحقيقة مع وائل الابراشي ان اري اقارب شهداء رغيف الخبز...الذين سقطوا في الطوابير..

في عصر الندرة كل انسان يقول نفسي نفسي...

مصر بخير...و مواردها كثيرة...الا ان قله
تحصد كل الخير و لا تترك للشعب كله الا الفتات...

تحياتي و تقديري

عاشــــــ النقاب ـقــــة"نونو" يقول...

السلام عليكم دكتورتنا فضفوضة
انتي مخصماني ولا ايه بقالك كتير ما نورتيش مدونتي ليييييييييه؟هستناكي
ياترى يا هل ترى سياسة من دقنه وافتله دي هتفضل ماشية كدة على طول؟؟؟
بجد فكري في موضوع دوا الشرب اللي بالمعلقة دة مربح جدااااااااااااا
ارحمني يارب
تحياتي

Lobna Ahmed Nour يقول...

فعلا فكر الفقر مسيطر علينا

امبارح مثلا واحد اتصل على 90دقيقة

من السعودية وبيشتكي من ضيق المعيشة

وكان رد فعل معتز انه يردد انت في

السعودية وتعبان ؟!

وده بيعكس مدى سطحيتنا وان كل واحد

بيعتبر نفسه الافقر على الاطلاق ومستحيل

واحد مسافر الخليج ويكون تعبان في

حياته .. بالظبط زي ما قولتي هي عقدة

نقص بالضافة انها كمان حقد على

الاخرين .. اللي مش لاقي ياكل بيحقد

على اللي بياكل واللي ماشي على رجليه

بيحقد على الراكب

dodda يقول...

يااه
احنا حنتكلم بقى عن فكر الفقر؟؟!!
نقول ايه بقى والا ايه
نقول ايه اللى اتمنع من دخول البيوت بسبب هذا الفكر؟؟
نقول ايه اللى اتفرض على الناس من منطلق فكر الفقر
انه حكم مؤبد بالفقر الفكرى
والفكر الفقرى بدليل ان كل يوم بنصحى على نكت >.>>الاسعار تولع نكت
والستات فى مصر يتفات لهم بلاد فى الموضوع ده
اى غلاء بتبقى مجهزه قائمه باللى حتمسحه من احتياجات البيت !!!
وتقصر قائمه الاحتياجات
وتطول قائمه السلع الترفيهيه!!
لا حول ولا قوة الا بالله

يا مراكبي يقول...

فقر الفكر هو الأهم في الموضوع ده .. أنا أعرف ناس كتير (للأسف أغلبهم برة مصر) متخصصين في التخطيط الإستراتيجي وعندهم أفكار وبدائل وحلول كتيرة لمشاكلنا لكن طبعا عمرهم ما هيختاروهم علشان يكونوا صناع قرار في بلادنا .. أما صناع القرار فبيتميزوا بفقر شديد في الفكر وعن جدارة وإمتياز وأصابهم العجز عبر السنين .. وولا كأن فيه حاجة ولا حاسين بتقصير خالص

أبو خالد يقول...

أبنتى الفاضلة
السلام عليكم و رحمة الله وبركاته
أنا معك فى تحليلك من أوله لأخره
وعندى استعداد لنكون أشد فقرا
و لكن شرط أن يكون لنا كرامة
وعزة و أن تكون مصر كما كانت
رأيها من دماغها
نفسى الا نكون توابع و كم مهمل
نفسى يوم نكون واقفين مع الحق
حتى لو جوعى
دمتى إنسانة راقية التفكير
وأتمنى الا يباع الدواء السائب بالمعلقة
جزاك الله خير أن أكون على الرغم من تواضع مدونتى تكون من المدونات اللى عجباك

شـمو نشـادر يقول...

المشكله ان كل واحد بيفكر فى مصلحته هو الشخصيه ..
وطظ فى مصلحة البلد ..
وطظ فى الناس الغلابه اللى مش لاقيين العيش الحاف ..
انا وبعدى الطوفان ..
مدونه جميله يا دكتوره وانا صديق جديد هنا ..
وعازمك على فنجان قهوة ..
تحياتى ..
أسامة أمين

هشام علاء يقول...

السلام عليكم

اول مرة اجى عندك المدونة رغم انى كنت ناويها من زمان

الموضوع اللى بتتكلمى فيه للاسف صح و مية فى المية

نجح النظام و الحكومات المتعاقبة فى ترسيخ فكر الفقر لدى الشعب المصرى و اصبح تعبيرات مثل "احسن من مافيش" و "احنا كنا فين و بقينا فين" من التعبيرات الى تعمل بمثابة كبسولات مخدر لشعب معصوب العينين ياخذ ما تلقى له به الحكومة شاكرا و حامدا ان الحكومة عبرته باى حاجة اساسا حتى و لو كانت فتافيت دون ان ندرى ان االثروات و الموارد الموجودة فى البلد المفروض تعيشتا فى مستويات افضل من كده بكتير و لكن للاسف حاميها حراميها و لا نستطيع ان نلوم الا انفسنا فقد فرطنا فى حقوقنا و لذلك فهى تسلب منا يوميا للاسف الشديد

تحياتى
هش

بنوته مصرية يقول...

فعلا كلامك صح ميه في المية

انا بحس انهم قصدين يعملو فينا كدا علشان يشغلونا عن قضايا تانية

الناس تدور علي هتاكل ايه وهتعيش ازاي وهما بيخططو لي اتجاهات سياسية مش عاوزين فيها وش

بوست جميل يا فضفضة كالعاده

تحياتي لكي
رودي

إخوانى مخربش يقول...

صحيح حكاية بيع الدواء فرط دى طالعه من نفوخى
مش يس علشان الجرعات كده قليله رغم ان دى المصيبة الكبرى
لكن كمان علشان هيبة وصورة الصيدلى بقت فى الحضيض
وعلى رايك يادكتور ناقص نبع الشرب بالمعلقة

اما حكاية فقر الفكر دى فالحكومة بصراحة ماتعدمهاش جيبنلنا شوية ...... يجربوا فينا
كل 5 سنين بسياسه ورؤية شكل
على سبيل المثال وزير الصحة السابق كان امر ببناء مستشفيات جديدة ولما اتبنت كان هو خلع وجه الحج الجبلى المهم الراجل جزاه الله خيرا قالك انا مش هستلم المبانى دى لانها ماتنفعش تتعمل مستشفيات

وبعدين يادكتور الحكومة اساسا معندهاش عقل تفكر بيه من اساسه

reri يقول...

انا اول مره أدخل عندك
رغم اني عارفاكي كويس
أدخل في الفقر ده
بعيد عنك غاوياه
:)))
لا وطلعتي زميله كمان
عايزين نشوف موضوع بيع الدوا بالقطاره
نيجي بقي للجد
نظام في حالة فقر الفكر وفكر الفقر حكومه أفلست في حل كل المشاكل
بتتعامل معانا باليوميه
يعني علشان يوفروا الزياده هيعملوا ايه مفيش غير جيوب الناس والبحث العلمي كلها حلول تجيب الفقر

سلامي ليكي

Unknown يقول...

طبعا تفكير عظيم فى حل مشاكل الاقتصاد ودورانها على حل شعرها مش عارفين ده والله خمس نجوم اللى بيعملوه فينا ده
وربنا يسترها علينا
بوست جميل جدا
تحياتى

شاب نفسة يحقق حلمة يقول...

السلام عليكم
والله بجد ضحكتيني
ايه ده فعلا والله افكار فقر

نبض اسكندرية يقول...

ومن يعرض عن ذكرى فأ لة معيشة ضنكا


والحكومة دى جزاء لان الرسول صلى الله علية وسلم قال: مثلما تكونوا يولى عليكم

وحتى يغيروا ما بأنفسهم

دكتورتى العزيزة مافيش شك أن الحال يسوء

ولكن دعونا نطلق أمالنا الى أقصى عنان السماء ولندعو الله أن يفرج همنا وحزننا.. لنعمل جاهدين حتى يفرج الله عنا ما نحن بية

وان مع العسر يسرا

بوست رائع قمة فى التوازن الفكرى

احييكى ...خالص تحياتى

Zika يقول...

جديد المصطلح ده
بوست رائع
ومش محتاج مني تحليل لانه بيتكلم عن واقع موجود قدامنا كل يوم بنشوفه بعيننا من ناس مش لاقيه تاكل وناس مش لاقيه تشرب وناس مش لاقيه اي حاجه
وطبعا طالما مش قادر ياكل ويحقق حاجاته الاوليه يبقي مش من حقنا نطالبه بانه ينتج ويفكر ويحقق حاجات تانيه متتاليه
تحياتي

خالتى بمبة يقول...

عندك حق المنطق اللى ماشي دلوقت هو ان جالك الطوفان حط ابنك تحت رجليك وما ادراك بطوفان الجوع بيقفل العقول

أمــانــى يقول...

صدقتى يا دكتورة
لوصفك حالة شعبنا الفقير فى كل شئ حتى الفقر وصل اللى التفكير واى شئ فى الحياه
ماذا نقول وماذا نعمل وسط هذا التخبط من قرارت تقود الوطن من سئ الى اسوء
لنــا الله

Mafrousa يقول...

فضفضه البوست حلو قوى و الكلام جميل

بس ما تنسيش ان الجشع نخور فى عظام الناس كلها
كله مسروع على الفلوس عاوز يعمل اى حاجه علشانها
حتى الزمم خربت
من هنا جه الفقر
ولسه انا حاسه ان السنوات العجاف لسه ماجاتشى و ربك يستر علينا

ElBa7r يقول...
أزال المؤلف هذا التعليق.
Unknown يقول...

السلام عليكم

مبروك التامبلت الجديدة - مش كل شوية تامبلت جديدة بقا .. الله - وثانيا احييكى على التحليل الجميل للوضع ده

تحسى انه فعلا كانوا حاطين هدف قدامهم وعرفوا يحققوه بنجااااح سااااحق ماااااحق .. الهدف ده انهم يخلوا البلد دى تحت خط الفقر بحاجة بتاعة 10 متر كدة .. ومع المثابرة والإجتهاد والدأب وسهر الليالى - فى الكاباريهات طبعا - قدروا يحققوا الهدف السامى ده لدرجة انه الشعب بعد عن خط الفقر بأكتر من 100 متر كدة


ثالثا: سلميلى ع الصيدلية اوى خصوصا دوا الفيتامين الحديد عشان باخده كل يوم بعد الغدا ونسيت اخد بتاع امبارح ولو ماما عرفت حتبهدلنىىىىىىىىى
:D

بوووووووووسة كبييييييييييييييرة ليكىىىىىىى

سلااااااااام

أم أحمد المصرية يقول...

صديقتي الجديدة خمسة فضفضة مررت لك تاج ارجو تقبليه بس ابقي بلغني لما تجاوبيه
و شكرا مقدما

هوندا يقول...

السلاام عليكم
بجد الموضوع تحفه خصوصا الجمله بتاعه يوسف إدريس اعتقد انها بتلخص الموضوع وتحس انهم فعلا مرتبطين ببعض وكل واحد منهم كسبب بيوصل للنتيجه فقر يوصل لفقر فكر

امبارح كنت بتفجر ع التلفزيون للاسف وانا بتغدى وشوفت برنامج الحقيقه لوائل الإبراشى كان عامل تقرير عن طوابير الخبز
وفيه ان واحدة ست ماتت محروقه والتانيه ماتت دهسا بالأقدام وواحد صوابع اتقطعت وهو بيجي العيش حاجة هممممممممممم قعدت اعيط واندم ع المرة الحزينه الى فتحت فيها التلفزيون

snohe يقول...

صديقتى
عندك كل الحق فى ارائك

جنّي يقول...

لقد أصّلوا الفقر في حياة الناس .. جعلوه جزء من حياتهم كأنه جلدهم الذي يحوطهم .. حتى إذا جاء المال تركوه من كثرة زهدهم في الحياة ..
وأرى الحكومة تفعل ذلك لأنها ترى مالا نراه وهو أن المال سيفسد الشعب لذا تتركه في فقره المدقع خشية إفساده ..
قال علي بن ابي طالب : لو كان الفقر رجلا لقتلته .. وياليته قال لقتلت من تسبب في الفقر !!
تحياتي
said

دنيتى الجميله يقول...

(مش ناقص الا بيع الدوا الشرب بالمعلقه )
ههههههههههههه
هو ده فعلا اللى ناقصنا
ربنا يعفو عنا
ويصلح حالنا

صيدلانيه طالعه نازله يقول...

فعلا احنا وصلنا لمرحله مؤسفه من تدنى الاحوال
و فعلا بالاحظها فى الصيدليه زى ما بتقولى
يبقى اهم حاجه فى الروشته المصاد الحيوى
و يسيبوه و يجيبوا المسكن و خافص الحراره و خلاص
و موضوع قص الدوا ده بينرفزنى و احاول اقنعهم ا ده غلط مفيش فايده لانهم معتقدين انى عايزه ابيع و بس
طبعا ساعتها باسكت لانى باكون عملت اللى عليا و خلاص
وبالنسبه لطابور العيش ده موضوع تاااااااانى
تخيلى عندنا فى اسيوط كل طابور عيش جنبه عربيه بوليس
شوفتى وصلنا لايه؟
ربنا يرحم

رئيس جمهوريه نفسى يقول...

السلام عليكم ورحمه الله
المشكله يا دكتوره انى الحكومه المصريه بتتعامل مع الحلول بطريقة المضادت الحيويه كعلاج موقت للازمه دون البحث عن حلول جذريه للقضاء على المسببات وعلاجها

rtrcbh يقول...

السلام عليكم ورحمه الله وبركاته
والله بعد ما قرات الموضوع لا ادرى بما اعقب عليه باكثر مما قاله السابقون
لايسعنى الان اقول
حسبى الله ونعم الوكيل
ولنعمل جميعا ان شاء الله بكافه السبل على كشف الفساد والظلم والتصدى له فى نفوسنا وفى غيرنا بكل ما اوتينا من قوه ان شاء الله
وجزاكم الله خيرا والسلام عليكم ورحمه الله وبركاته
اخوك
د/احمد جمال

بيتنا القديم يقول...

"إن الفقر الفكري و العقلي من وجهة نظري أشد أنواع الفقر وطأه ، ولقد وقع المصريون ضحايا لتعاقب حكومات غبية ، نجحت فقط في زيادة انتاجنا المحلي من الفقراء ومعدومي الدخل واصبح عندنا فائض من الفقر يكفينا لعقود قادمه"
.
.
.
دي لخصت الموضوع..!!

ba7re يقول...

اتفق مع مداخلة بيتنا القديم
و للعلم الفقر ده احساس انسانى
مش مرتبط بالحالة الاقتصادية للشخص
بحكم التعامل مع معدمين خلال العمل الاجتماعى
تجلس مع اسرة دخلها فى الشهر مثلا 50 جنيه
و لا يشعروا باحساس الفقر
و هناك اغنياء يشعروا انهم فقرا بالنسبة لغيرهم
اذا الفقر احساس و مادام احساس يبقى نتجية فكر وصل لكده
الحكومة فقرة جدا علشان رغم مواردنا هما بيخططوا ان عندنا عجز فى الموازنة و فقرا و بيعشوا على الاساس ده
و التاجر اللى بيغلى سلعته بيحس انه لو فضل فى متناول الناس هيخسر و فى نظر الفقر فبيغلى
المهم انى متفائل بحكومة نظيف نظفت البلد
و شكلها هتنضف المنطقة كلها
و ربنا يستر

Ahmed Kamal يقول...

آه .. هو فقر التفكير ده اللي جايبنا ورا ، هو ده العيب الأساسي اللي موجود - و ماحدش يزعل مني - عند كتير مننا - بلاش كلنا .

ربنا يرحمنا و ينور لنا طريقنا .

غير معرف يقول...

لا تننسوا الخميس 22/5
الساعة السادسة والنصف مساء
حفل توقيع العدد الاول من سلسلة مدونات مصرية للجيب
بمكتبة عمرو بوك ستورز
شارع طلعت حرب
فوق مطعم فلفلة
--------------
اماكن توزيع العدد :
1- عمر بوك ستور شارع طلعت حرب
2- مكتبة البلد امام الجامعة الامريكيه
3- سندباد وسط البد خلف مكتبة مدبولى
4- سنابل شارع شريف
5- الهيئة العامه للكتاب فرع الزمالك
6- مكتبة ديوان الزمالك
7- مكتبة ديوان مصر الجديده
8- مكتبة أفاق شارع القصر العينى
9- المكتبة الدوليه مدينة نصر ش الطيران
10- كشك جرايد كوفى الامريكين - الاسعاف
11- كشك جرايد الجامعه الامريكيه
روابط الفيس بووك والمدونة :
http://www.facebook.com/group.php?gid=13820826455
http://sneen.blogspot.com

دعاء مواجهات يقول...

والله ياقمر

انتى قولتى الكلمة الوحيدة اللى تجدى فى مثل هذة الظرووف المقندلة التى لايعلم بها الا الله

انا عمرى ما شوفت بلد كل موظفينها وحكامها وناسها كماان ان جااز التعبير بيشتغلوا شغلانة واحدة لكن بالعديد من المسمياات

الشغلانة هى السرقة طبعا

والمسميات متعديش اكرامية -الشاى - الضرايب - مصلحة البلد - مصلحة ولادك - ........

لنا الله فعلا

منتظرااكى بمدونتى

bastokka طهقانة يقول...

ياااه معقولة الدوا بيتباع بالكبسولة للدرجة دي الناس مساكين مش لاقيين يصرفوا على العلاج
يا ربي
و تفتكري دي مشكلة الناس و لا مشكلة الحكومة اللي مودية الناس لسف التراب
بوست مؤثر جدا
ربنا يستر
اوروفوار

bastokka طهقانة يقول...

ياااه معقولة الدوا بيتباع بالكبسولة للدرجة دي الناس مساكين مش لاقيين يصرفوا على العلاج
يا ربي
و تفتكري دي مشكلة الناس و لا مشكلة الحكومة اللي مودية الناس لسف التراب
بوست مؤثر جدا
ربنا يستر
اوروفوار

david santos يقول...

Very good, my friend, very good.

كلام على بلاطة يقول...

مبروك اخيرا اصبح عندنا فائض
حتى لو كان من الفقر
مع اننا اغنى دول العالم
زراعة وصناعة وبترول وعلم ولكن تنقصنا الادارة
ولا عزاء

la3lahakhier يقول...

السلام عليكم
ازيك يا خمسة وستة وعشرة دكاترة كمان
على فكرة انا متبعاكى جدا لكن التعليق عندى ازمة كبيرة

موضوعاتك بمس حياتنا بشكل خطير ربنا يكرمك يارب
الحقيقة اصحبت لااعرف ماذا اقول فى ظل مانحن فيه الا
اللهم ازل غضبك ومقتك عنا امين ولاتؤاخذنا بما فعل السفهاء منا
كل التحية اختى الفاضلة

المخبر العام يقول...

آسف
لقد أبلغت عن كلمة لصوص هذه في تقريري
اليومي

كلبوزة لكن سمباتيك يقول...

و لسة بكرة المية تبقى بالنقطة

لك الله يا مصر

تحياتي

HeLsiNG يقول...

رؤية وتحليل ووجهة نظر متميزة

تحياتى

صبرني يارب يقول...

ِشوفي يا فضفضه

احنا دلوقتي بقينا ما بنفكرش اصلاااااا للاسف الشديد

وزي ما انتى بتقولي فكر الفقر

لسه بقى الى لسه هايجى فكر الجوع .

عارفه ايه هايحصل ؟؟؟

لما الانسان يجوع صدقنى تسعين فى الميه من الجعانين دول هايفقدوا آدميتهم .
ويبقى الى موجود قانون الغابه فقط

وانتى زعلانه عشان يمكن يقلصوا ميزانية البحث العلمى ؟؟؟؟؟؟؟

طب ماهم فرضوا ضرائب على المؤسسات التعليميه.

حنان شلبي يقول...

هههههههههههه

سدقيني لو يوسف ادريس كان عارف انو فكرتو حتطبق بايامنا هاي كان اخدلها براءة اختراع

وعفكرة لا تستبعدي يبيعو دوا الشرب بالمعلقة

السؤال هو هل المعلقة من عندهم ولا كل واحد يجيب معلقتو معاه ؟؟؟

وتحياتي الك

الدرعمي يقول...

ويش نجول غيرهادي الحكمة ياللي بتذكرها

عن بيي كان يقول لي

مصر هتبقى بلد الأغنياء الأولى

قلت له شو هالحكي ؟

كيف ؟

قال لي رح يموتونا كلنا وتبقى بلدهم وحدهم



تحياتي

أعشق يوسف إدريس


آدم

HANY YASSIN يقول...

السلام عليكم
طرحك للمشاكل جميل
وحلولك المبدعة اجمل وياريت لو نقدر نحلها بجد والناس تبطل استغلال
دمتم بكل ود
هانى يس

غير معرف يقول...

شيئان لاأرى حكمة للتهاون فيهما

العلم والفن

فالعلم هو العقل الذى سيوصلنا للبدائل والمناسب على اساس حقيقى يدفعنا للامام .. وتقليص ميزانيات البحث العلى ستزيد الموقف سوءا
تذكرى أن اليابان ضربت بالقنبلة الذرية .. والمانيا بعد الحرب لم تجد سوى البطاطس لتأكله .. فأين هما الآن ؟
استطيع القول مرتاحا أن القواعد العلمية هناك محترمة ونهائية غير قابلة للجدل
باقى أننا فى مصر بمكننا ألا نأكل .. ولكننا من المهم أن نتعلم .. كلنا يفعل ذلك .. المشكلة الحقيقية ليست فى ادراكنا ووعينا بأهمية العلم .. المشكلة فيما نتعلم فعلا وطريقة تعليمه البالية

تذكرى أن يوسف شاهين جمعت له العائلة كل مالديها ليسافر ويتعلم .. وزويل أيضا هرب .. ليتعلم

كما وأن التنازل عن الفن ( بمعنى الشئ الجميل الذى يهذب أذواقنا وليس الفج الردئ )هو تنازل عن إحساسنا بالحياة والذى يؤدى فى النهاية الى كراهيتنا للحياة نفسها لأنها بلا طعم ..

كنا فى أول الصف إفريقيا وعربيا واسلاميا حين كان عندنا مسرح حقيقى .. وفرقة رضا للفنون الشعبية .. ورقص شرقى وعبد الهادى الجزار احد رواد الفن الحديث عالميا والى الآن بعد وفاته بنحو اربعين سنة .. وعبد الوهاب وام كلثوم ..

هذان فى تقديرى شريانان الحياة .. والتنازل عنهم هو نوع من انتحار الأمم

آسف للإطالة .. فالموضوع مثير للحوار

Abo 7anf يقول...

السلام عليكم
انتى كلامك صح
المشكله فى فقى الفكر
لان مفيش فكر
اكتر شئ بكره انوا يكون حرامى غبى
مش معنى كدا انى بحب الزكى
بس لما يكون حرامى وغبى يبقى فى ايه بعد كدا
اما فكر الفقر فدا للاسف لانهم مش لاقين ياكلوا
وهما غلطانين لانهم راضيين
مبيحولوش يطوروا حتى
او يقولوا رايهم

.:.-=- ELGaZaLy-=-.:. يقول...

ههههههههههههههههههه

عجبنى اوى الجزء دة يا دكتورة
------------------------

ويضطرني مثلا فكر الفقر الي بيع الدواء بالقرص والكبسوله - بحرعات اقل كثيرا من الجرعات المؤثره - والحفاضات بالواحده والشامبو بالكيس وغيرها الكثير من الاشياء التي لم تكن- ولا تصلح ان - تباع فرط (مش ناقص الا بيع الدوا الشرب بالمعلقه
--------------------
المشكلة انهم مش 50 فى المية هما اكتر بكتير ومفيش اى احساس باى مسئولية الناس دى ..[بس انا مش معاكى فى كلامك

هما بيستغلو الموارد حلوجدا لحسابهم الخاص ..عادى ولى يعوزة بيت الريس واعوان الريس واشباة اعوان الريس واعوان ابنة ...الخ يحرم على الشعب

وقمة الغباء اهمال البحث العلمى واهمال العقول وجعل كلية مثل العلوم فى مؤخرة الكليات بجد حاجة تقرف ...تعرفى مقيياس تحضر الامم بيقاس بتتحضر علمائها والاطباء النفسيين..

بها وتقدم الطب والشباب هاتيلى حاجة احنا فيها عدلين اصلا


وبالنسبة لطبقة المحتالين الجدد او المحتكرون الجدد فدول احقر من ان تتكلمى عنهم هم فقط مجرد طفيليات ستاخذ وقتها لتقتلها اشعة الشمس...

المقال جميل بجد امتعنى جدااا وخصوصا ختامة

-------------------------
حتي اصبحنا محاصرين بعدد من اللصوص يحاولون سرقة كل ما تصل اليه ايديهم غير عابئين باحد ، واصبحت محاولة احدنا الحياه بطريقه كريمه وشريفه مجرد مغامره غير محسوبة العواقب.......فلنا الله

rovy يقول...

السلام عليكم
ارجوا ان تتقبلى مرورى فى مدونتك الغنيه .
فكر الفقر وفقر الفكر يظهر كده حيفضلوا يونسوا المصرى الغلبان لاخر عمره ..
وحسبنا الله ونعم الوكيل
تسلم ايديك .. ودمت بخير
تحياتى

rovy

نسر الشرق يقول...

السلام عليكم

دى اول زيارة لية

هذة المدونة جميلة ودماها شربات

سلااااام

smraa alnil يقول...

بعيدا عن الموضوع

ياريت تشاركوني في موضوع علي مدونتي
وتنشره معانا
تحياتي

funckydoctor يقول...

وعندنا فائض غباء وتخلف
اااااه على حالنا
انتظروا يوتوبيا بتاعت أحمد خالد توفيق
تحياتى

كوارث يقول...

جميل قوي البوست وانا متفق في كل اللى اتقال
احنا فعلا البلد مش مديانا فرصة لاي حاجه تانيه
طلبة الجامعة حتى مالهمش فرصة في اتحاد الطلاب عشان وقت المحاضرات !
انا معجب فعلاً بالنظام الحالي
الدكتاتورية الكاملة !

صباح الخير يا مصر يقول...

خمسة فضفضة
**********
المشكله يا دكتوره ان مافيش فى وسط الفساد الحكومى الحالى مكان لناس مخلصه ممكن تفكر لمصلحة البلد ومن هنا جاء فقر الفكر و لان الناس تصارع من اجل تلبيه القاعده الاساسيه الاولى من هرم الاحتياجات الانسانيه وهي الاكل و الشرب و السكن والملبس...و دى المنطقه اللى بيدور فيها 90% من الشعب ومش قادر يحققها فمثلا هناك الكثيريين ممن يمرضوا و بيضطروا يطنشوا حتى لا يدخلوا فى دائرة الذهاب للطبيب ثم شراء الروشته من الصيدليه و ممكن يشخص لنفسه مضاد حيوي او مسكن قد يضره و اعتقد ان ده بيفسر فكر الفقر
و...لكى الله يامصر

الطائر الحزين يقول...

الفقر
والفكر
والفأر

احنا اللى منحوسين

فار السبتية ورانا ورانا

رئـــــيسـة حزب الأحلام يقول...

فقر فى فقر
وربنا مايجيب فقر احنا خلاص اتعودنا على الفقر
تحياتى لكى

حزيــــــــــــــــــن يقول...

فى كل الاحوال مادمنا نسلم بأن الحكومات لا تسعى الى حل
فعلينا ان ننظر فى امرنا
---
عمر بن العاص عندما جاء لفتح مصر كان اقباط مصر يتصدوا له فعجز عن دخولها عدة مرات ثم قال للجيش هناك مشكله فينا
فأكتشفوا انهم لا يستخدمون السواك قبل الصلاة ففعلوا جميعا فرأتهم عيون المصريين فرجعوا وقالوا المسلمون فاض بهم ويسنون اسنانهم ليأكلونا فدخلوها بدون قتال
----
هناك شئ خطأ فينا
ربما هى سلبية مفرطه

خمسة فضفضة يقول...

السلام عليكم ورحمة الله وبركاته

شكرا للجميع ولكل من قرا وترك تعليق او لو يترك
ويارب دايما اكون عند حسن ظنكم

اعذروني بسبب الانشغال الشديد مش عارفه ارد علي كل واحد فيكم وكمان مش عارفه اتابعكم بانتظام

سلام

اتحادالمدونين المصريين يقول...

اخى الفاضل

اختى الفاضلة

عضو اتحاد المدونين المصريين

انصحك بالتواصل مع موضوع لحمايتك مما

قد يوقعك تحت طائلة القانون ونحن نعمل

لمصلحتك وحمايتك ..

فى انتظارك بمدونة الاتحاد ولك كل الشكر

نعمل من اجلك ولوجه الله
--------------
اختنا الفاضلة
اين شعار الاتحاد ؟

شهرزاد يقول...

زمان كانوا بيتكلموا عن خط الفقر
المفروض دلوقتي بقى جرف
الخط تخن قوي
والناس تحتيه اتخنقت
ياترى هنوصل لحد فين
كما قلتي
لنا الله

mohamed ibrahim يقول...

و الله يا اخت خمسة فضفضة
مش عارف اقول ايه
موضوعك فوق الرائع بجد
ينم عن ثقافة حقيقية
هو البلد فعلا اصبحت اشبه بملجا حرامية
الكل يسرق من الكل
بدئا من الموظف الصغير جدا
و حتي المراكز الي مش ممكن نتكلم عليها
الموظف الصغير يزوع من الشغل
و الموظف الي المفروض يكون رقيب عليه نايم في مكتبه لا اما داير في الدنيا
لا اما ماسك تليفون المصلحة نازل رغي فيه
و الي المفروض يكون رقيب عليهم كلهم مش بينزل يبص بصه الا كل مدة كبيرة
و لما بييجي معاد المرة دي
بيكون منبه قبلها ب شهر
عشان الي نايم يلحق يصحي
و الي غايب يحضر و الحيطان المرسوم عليها لوحات سيريالية تتبيض
و الكراسي المخلعة تتغير
و ............... انا هقول ايه و لا ايه
الكلية الجربانة بتاعتنا
قبل ما تيجي لجنة الجودة بمدة
بدأت تبيض الكلية
و قلنا الكلية هتتغير يا ولاد
بعد ما كان فرع الخلفاوي مش عارف اقول كلمة مؤدبة علي منظره
و ما كملوش الشغل كمان
يادوب الاماكن الي هيعدي منها الناس و شكرا علي كدة
و ياريت في ايام اجازة الطلاب
لأ
في ايام الدراسة عادي جدا
و مش بعيد طالب يحط ايدة علي الحيطة ياخدله لحسة بوية
او ممكن طالبة محترمة تعدي و تلاقي مرة واحدة رشة جريئة من فوق نزلت عليها
و كل ما علي العمال مش يقولوا احنا اسفين
لأ
قولوا ما انتوا شايفيننا شغالين
ما تمشوا بعيد
يااااااااااه
هو انا هقول ايه و لا ايه
ربنا يستر علي البلد دي

القرآن الكريم