TvQuran

٢٠٠٨-١٢-١٧

اغني خمسين عربي


اصدرت مجلة ال arabian business الصادره في دبي قائمة 2008 لاغني خمسين شخصية عربيه



واللافت للنظر هذا العام هو الخسارة الهائله لكثير من الاثرياء العرب ( خصوصا اول عشره في القائمة) بسبب الازمه الاقتصادية العالميه
وكان السؤال الاهم هذه المره فلان خسر اديه مش كسب اد ايه، وطبعا كان اكثر من تأثر هو الوليد ابن طلال اللي فقد من ثروته اكتر من 4 مليار دولار بس برضو لسه بيحتل قمة القائمه كاكثر شخصيه عربيه ثراء بثروة تقدر ب 17.08 مليار دولار


كمان اللافت للنظر خروج بعض الاسماء اللي اتعودنا علي وجودها في راس القائمه زي عائلة الراجحي السعوديه اللي كانت بتحتل المركز الثاني في تصنيف 2007 و اللي ادي تفكك افرادها وانفراد كل واحد منهم بنصيبه من الثروه الي خروجهم من القايمه ويادوب لحق
محمد الراجحي المركز الخمسين باستحواذه علي 1.1 مليار دولار بس من ثروة العائله وده هو الحد الادني لدخول التصنيف

وعائلة الحريري اللبنانيه بعد انفصال افرادها و
انخفاض اسعار الاسهم وقيمة الاراضي في لبنان احتلت مراكز متأخره بعد ماكانوا بيحتلوا المركز الثالث في ترتيب السنه اللي فاتت ،

فاحتل
سعد الحريري المركز ال 31 ب 2.6 مليار دولار

بينما احتل
بهاء الحريري المركز ال 33 ب 2.3 مليار دولار

أيمن الحريري المركز 36 ب 2.1 مليار دولار

وكانت السيده الوحيده في القائمة الكويتيه
سعاد الحميضي واللي بتحتل المركز ال 26 بثروه تقدر ب 3 مليار دولار


اغني عشر شخصيات عربيه :


الوليد بن طلال 17.08مليار دولار( السعودية )


ناصر الخرافي9.6 مليار دولار( الكويت )


معن الصانع 9.3 مليار دولار (السعودية )


محمد بن عيسى الجابر 8.8 مليار دولار ( السعودية )


محمد العمودي 8.8 مليار دولار (السعودية )


عبد العزيز الغرير 7.8 مليار دولار( الامارات)


عائلة بن لادن 7.2 مليار دولار ( السعودية )


عائلة العليان 7.2 مليار دولار ( السعودية )


عائلة كانو 6.1 مليار دولار ( البحرين)


سعيد خوري 6 مليار دولار ( فلسطين)



اما المصريين فمبدأش ظهورهم في القايمه الا في المركز ال 23 واحتلته عائلة ساويرس ب 3.2 مليار دولار بأول ظهور ليهم في قايمة الاغنياء العرب

ويليه في المركز ال 34 محمد شفيق جبر ب 2.2 مليار دولار( كان السنه اللي فاتت في المركز 30)

ثم يليله أحمد عز في المركز ال 46 بثروه تقدرب 1.5 مليار دولار( تقدم مركز عن تصنيف العام الماضي )

وبعده يأتي
طلعت مصطفى في المركز ال 48 متقدم عن العام الماضي بمركز واحد وثروته تقدر ب 1.5 مليار دولار

واخيرا يأتي فايز صاروفيم يحتل المركز 49 بثروه قدرها 1.4 مليار دولار ( السنه اللي فاتت كان في المركز 42)



قائمة 2008

قائمة 2007

عقبالكم جميعا

34 comments:

smraa alnil يقول...

انا ممكن اصدق الارقام اخرافية اللي العشر اغنياء يملكوها

لان بطبيعه العرب المنظرة

وان كل واحد يبقي معاه اكتر من التاني

بس لا يمكن ابدا اصدق الارقام اللي يملكها رجال الاعمال المصريين

اصل بعيد عنك بيخافوا من الحسد والعين الوحشة

ناس مش فارقة معاه ترتيب مراكز اد ما ان هما يخبوا فلوسهم


من اين لك هذا

عمرو يقول...

صباح الخير يا دكتوره
و الله مادام فلوسهم جايه بالحلال و نضيفه و فيها حق معلوم للسائل و المحروم يبقى يا أهلا بيهم و سهلا و ربنا يبارك لهم و يزيدهم ..
أما لو كان عكس كده فاٍن شاء الله باٍذنك يا رب يفتقروا و يشحتوا اللقمه ما يلاقوها و كبيرهم يسرح بأكياس غزل البنات و فى أيده زماره ويلف على مدارس العيال لما يتطفلح ..
بس لو سؤال كده يعنى و النبى عاوز اٍجابته : هى الست سعاد الحميضى دى مرتبطه ؟؟

Empress appy يقول...

ثم يليله أحمد عز في المركز ال 46 بثروه تقدرب 1.5 مليار دولار( تقدم مركز عن تصنيف العام الماضي )

انتى بتغيظينى يعنى ربنا يسامحك
عموما ربنا يبارك لهم لو بالحلال يا ستى ويزيدهم ويدينا فعلا
ولو بالحرام ربنا يولع فيهم بقى علشان ده مش حقهم
اما عن الوليد برغم اختلاف كل الدنيا عليه بجد الراجل ده كاقتصادى بحترم عقليته جدا وهو من الناس القلائل اللى عندهم عقليات جبارة
بس لاحظت حاجه ان بتفكك عائلات سقطوا من القايمه بجد او تراجعوا يعنى فى الاتحاد قوة
بقولك ايه بمناسبه دى تحبى نعمل جمعيه ونبقى فى الاتحاد قوة ههههههههههه

خمسة فضفضة يقول...

السلام عليكم ورحمة الله وبركاته

انوج

والله عندك حق يمكن صحيح تلاقي الارقام بتاعهم دي مضروبه في 3 او اربعه بس خايفن من الحسد ..هههههه مشيها الحسد مش ممشكله

منوراني يا انوج ما تغيبيش تاني يا قمر

سلام

خمسة فضفضة يقول...

السلام عليكم ورحمة الله وبركاته

صباح النور يا استاذ عمرو

ايوه اهم حاجه تكون جايه بالحلال وفيها حق مغلوم للسائل والمحروم واتكلي اوي علي حتة بالحلال دي

بالنسبه لسعاد الحميضي مش عارفه بس ممكن اتوسطلك في الموضوع وربنا يقدم اللي فيه الخير ، بس ساعتها بقي لازم ينوبني من الحب جانب مش اطلع من المولد بلا حمص
هههههههههه


سلام

خمسة فضفضة يقول...

السلام عليكم ورحمة الله وبركاته

ابي

ماعاش اللي يغيظك يا قمر

ويلا يا ستي نعمل جمعيه احنا وكل حبايبنا ونغيظ الوليد بن طلال واحمد عز ونحتل راس القايمه
وزياده في الغيظه لعز وزمايله ليكي عليا ادخل بنفرين ،و ادي اول 100 جنيه ، هااااااااااااانت
:))))))

سلام

نعكشة يقول...

ربنا يزيدهم يا رب و يرزقنا احنا كمان

انا راضي بعربية بورش و فيلا او شالية عشان انا قنوعة في مكان بعيد هادي عالساحل و تكون امكانيات القرية معقولة عشان يبقى فيه خدمات
عزبة صغنونة محندقة و فيها حصان
مستشفيات في عدة دول تعامل الفقران زي الغني

بس

ههههههههههههههههه

يلا خير خير

ربنا يرزقنا الرضا يا رب

آمين

سلام عليكِ

صاحب المضيفة يقول...

اللهم ارزقنا غنى النفس والدنيا والاخرة


غنى يرضيك عنا ويرضي نبيك صلى الله عليه وسلم


غني نستعمله بالخير وفي الخير وللخير يارب


كل التحية

صاحب المضيفة يقول...

اللهم ارزقنا غنى النفس والدنيا والاخرة


غنى يرضيك عنا ويرضي نبيك صلى الله عليه وسلم


غني نستعمله بالخير وفي الخير وللخير يارب


كل التحية

Ahmed Mubarak يقول...

احمد عز ..تقدم
حرام عليكي الاستفزاز ده .. انا نش طايق اسمع اسمه

عمرو يقول...

ساعتها يبقى مصنع أدويه و الله :))

DR.HAMAS يقول...

أنا لو خيرونى أن أكون فى موقعهم لرفضت

أنا أتمنى الغنى ... لنصرة دينى بمالى

لا لأكون فى هذا التصنيف

فهم أطول الناس حسابا يوم القيامة

ربنا يغنينا بالحلال و يرضينا بالرزق

و لتعلموا

أن هذا الغنى الفاحش ... يقابله نقص شديد فى السعادة

إلا أننا كمسلمون مطلوب منا أن نسعى لطلب الرزق

لكن كى ننفقه فيما يرضى الله رب العالمين

ربنا يكرمك يا أختنا الدكتورة على المعلومات القيمة





د.حماس

AHMED SAMIR يقول...

الف شكر يا دكتورة ع البوست المحبط قوي دة
بس انا فين في القائمة
هم ازاي يتجاهلوني بالشكل دة على الرغم من ثروتي
ثروتي المتمثلة في العلم والاخلاق والقناعة طبعا باعتبارها كنز لا يفنى
تحياااتي

Mafrousa يقول...

ياشيخة زعلتيني و الله
:(((( و ش زعلان جداا
همه دايما المصريين كده فى الديل
مش كنا نبقى فى المراكز الاولى من العشرة الاوائل حتى
ده احنا خيبة اوييييييييييي
حتى الاهلى اتغلب
و ازمالك مش موجود
ايه ده
و الله ياشيخة
ديه عين و صابت المصريين
احنا لازم نبخر



عارفه يا فضفوضة
خليهم يلموا زي مايلموا
زكايب زكايب
زكايب
و يرصوهم فى الفسحة
و يقعدوا يتفرجوا عليهم
برضه مش حيقدروا ياكلوا اكتر من طاقتهم و لا يشربوا اكتر من طاقتهم و لا يعملو مجهود اكبر من طاقتهم
و فى الآخر الكفن مالوش جيوب

كل قرش ربنا بيرزق الانسان بيه بيسأله عمل بيه ايه؟؟؟؟
:) فكل ما زادت
كل ما اتلخفنتى فى الرد و تقديم كشف الحساب
و كل لما كانت الفوس قليله
كل ما كانت اجابتك مظبوطة ان شاء الله
:))))))
الحمد لله على نعمة الستر ربنا يباركلنا فى ما عندنا
و يحفظها من الزوال

يا مراكبي يقول...

أنا مندهش إنك طلعتي بره التصنيف ده يا دكتورة السنة دي

معلش .. تتعوض السنة الجاية

:-D

خمسة فضفضة يقول...

السلام عليكم ورحمة الله وبركاته

نعكشه
اللهم آمين يارب
بس ايه يا بنتي القناعه الفظيعه دي


سلام
--------------

صاحب المضيفة

اللهم آمين

-------------

احمد مبارك

ها نعمل ايه يا باشمهندس اهو ورانا ورانا في كل حته

حسبنا الله ونعم الوكيل


-----------

د/ حماس

تقول لمين ومين يفهم يا دكتور الناس دي عايشه في الدنيا فاكرين هايخلدوا فيها ومش عاملين حساب لآخرتهم

بس ارجع واقول زي ما استاذ عمرو قال لو كان مصدر المال حلال وفيه حق معلوم للسائل والمحروم يبقي مالناش عندهم حاجه

سلام

خمسة فضفضة يقول...

السلام عليكم ورحمة الله وبركاته

احمد سمير

محبط ايه بس يا دكتور دا بس عشان يحفز الناس تشتغل بجد شويه يمكن لعل وعسي يقدروا يدخلوا قايمة السنة الجايه

ومعلش بقي جلت معاك السنه دي علي شوية فكه شد حيلك السنه الجايه

---------------

واحده مفروسه

شفتي حتي في دي مقصرين رقابينا
ههههههه

الحمد لله علي الستر والصحه

دا في ناس كشف حسابها هايبقي من هنا لاسوان ومش هاتعرف ترد
وهيبقي منظرهم بااااااااااااااييييييييخ ربنا يسترها معنا يا رب

-------------

يا مراكبي

شفت ياهندسه كووووووووووووووسه ، احمد عز اتآمر عليا هو والوليد بن طلال وقسموها مع بعض

بس اوعدك السنه الجايه مش هايقدروا هاشن حمله علي المدونات واعمل حشد شعبي وابقي خليهم يكحوا معايا لو جدعان
هههههه

خمسة فضفضة يقول...

السلام عليكم ورحمة الله وبركاته

عمرو

خلاص وعد الحر دين عليه وخد بالك الكلام موثق اهه والناس شاهدين عليه ، كده بقي اسعي في الموضوع بقلب جامد

ويابخت من وفق راسين في الحلال

ههههه

مهرة سالم يقول...

السلام عليكم...
بالنسبه لي الله لا يبلني بالمال...
بجد الثروه دي مصيبه ...
إمتى حلحق أخرج الزكاه و الصدقه..
مت حلحق أعيش ...
إذا كنت دافنه نفسي بالشغل ...
الحمدلله أنا كده مرتاحه..
إصرف ما بالجيب يأتيك ما بالغيب..
وكمان نخلي شوية قروش بيضا ليامنا السودا..
وحنكون بألف خير..
..........
دمتي بخير..

مصــــري يقول...

الله يسامحك يادكتورة

ده الواحد بيكمل الشهر ببركة دعاء الوالدين.

ده ممكن كده تتسببي في فتنة اجتماعية.
هههههههه.

واقتلي 2 ولا 3 من الأغنياء دول.

يلا ربنا يسهل ويرضي عنا أحسن من ده كله.

أسامة

عين فى الجنة يقول...

يا ترى المثل اللى بيقول رزق الهبل على المجانين ، معناه ان الناس اللى على اللستة دى هبل واحنا مجانين ؟
وجهة نظر بردو!!!

مهندس مصري بيحب مصر يقول...

و خسايرهم الرهيبة دي ليه
مش بسبب انهم شايلين فلوسهم في بنوك بره و بيستثمروا بره
خليهم يشربوا بقى

vamo يقول...

لو تعرفي حد فيهم خليه يسلفني 3 جنية
ناس هايصة وناس لايصة
وبرضه الحياة ماشية

أحمد سعيد بسيوني يقول...

اللهم لا عيش إلا عيش الأخرة

جنّي يقول...

وعقبالك معانا بس يكون من الحلال يارب ..

الهم اجعلها في ايدينا ولا تجعلها في قلوبنا ..

تحيتي

يقول أنى امرأة يقول...

غريبة اوى و مبارك مش بينهم
دا طلع غلبان و انا الى ظلمينو بقى

šσяšαяαα يقول...

هع هع هع

انا معايا كام جنيه وشوية فكة

ياترى كدا يافضفوضة اطلع الترتيب الكام فى رأيك
:)

koukawy يقول...

بسم الله ما شاء الله و لا حول و لا قوة الا بالله
هي الفلوس دي يطلع شكلها ازاي يعني

بنت القمر يقول...

بمناسبه الجمعيه اللي ها تعملوها انتي وابي
هههههههههههههه
والله لو انتي وانا وابي والبلوج سبوت كله مش ها نوصل لمليون مش مليار بجد نفسي اعرف الناس دس بتحس بأيه عايشه ليه؟؟
احلامها ايه لبكرة اذا كان كل شيئ في ايدها
اللهم لا حسد
لكن بجد ده دليل وحش اوي علي ان ميزان العدل مايل جدا في جهة قله كل يوم بتقل علي حساب شعب بحاله
كل يوم بيزاداد فقر
حتي لو الثروة دي من حلال او حرام في في الاخر حاجه غلط
متشكرين يا دكتورة
تعيشي وتغيظينا

عمرو يقول...

بس أتعاب المأذون على مين ؟؟ لازم نتفق الأول :))

TIMMY !! يقول...

ربنا يديهم على قد نيتهم :)

بس العالم دي هتتحاسب حساب !!

بقى سايبين المسلمين يشحتوا من جمعيات التنصير الخفية و غيرها ,,

و رايحين يتفشخروا ..

ربنا يهديهم ..

و يدينا شوية من اللي معاهم :) ميت ألف بس :)

arsenalwy يقول...

اول زيارة ليا

واحب انا المدونات اللى تديك الخبر ببساطة وسهولة

احسنتى

د. إيمان مكاوي يقول...

شكرا يادكتوره على الإحصائيات دي
أهوالواحد عرف فاضله قد إيه عقبال ما يوصل لوضع اسمه في التصنيف
وعقبالكم كلكم
تحياتي

Gannah يقول...

ازيك يا دكتورة
المدهش ان فيه اسماء مصرية الواحد عمره ما سمع عنها
المفروض نسمع عن اللى قدموه لمصر من اعمال تنفع الناس
لكن الظاهر ان الموضوع ده مش بيجى على بالهم الا من رحم ربى
ازاى دى بس ثروة احمد عز اذا كان مصانع الحديد لوحدها ربحها فى السنة اللى فاتت مليار جنية
هو تلاقية خايف من الضرايب مع انهم بيعاملوه زى اللى عنده الافات مش ملايين يعنى 20% برضه
يعنى ربنا يبارك فى المال الحلال اما المال الحرام فلو نفع فى الدنيا مش هينفع فى الاخرة
اسعدتنى زيارتك لمدونتى
وانا كمان متضامنه مع مدونين تونس وكل مدون فى اى مكان تم حجب مدونته
تحياتى

القرآن الكريم