TvQuran

٢٠٠٩-٠٣-١٣

فضفضة في Kg2





باكتب البوست ده انهارده وانا في منتهي السعاده ،زي انهارده من سنتين بدأت اكتب اول كلمه هنا و انهارده خمسة فضفضة بتتم سنتين بحالهم ، تخيلوا سنتين وانا هنا بينكم ، عمري ما كنت اتخيل اني ممكن افضل مواظبه علي الكتابه كل الوقت ده خصوصا اني ملوله جدا وبازهق بسرعه بادين ليكم وللمدونه انكم خليتوني اقضي امتع واحلي اوقات بازوركم وتزوروني فيها،

وبأكد لكم اني انهارده بعد سنتين مختلفه تماما عني قبل ما افتح مدونه ، اسلوبي اتغير ونظرتي للدنيا اتغيرت وعرفت حاجات كتير جديده ، وارتبطت بناس حلوين ورسمتلهم صوره جميله في خيالي وزي ما السنه اللي فاتت اتعرفت علي ناس جميله السنه دي كمان اتعرفت علي ناس اجمل واجمل (من غير ذكر اسامي عشان محدش يزعل:) )



ومن الحاجات الحلوه اللي حصلتلي خلال السنه دي انه نزلي بوست في العدد التاني من كتاب مدونات مصريه للجيب ، البوست كان من مدونتي التانيه علي طول الحياه اللي بقيت مقصره جدا في حقها وبقالي كتيييييييييييييييير ما كتبتش فيها مع ان في حكايات كتير اوي عاوزه اقولها بس المشكله ان الكتابه هناك بتبقي عاوزه وقت فاضي كبير وبال رايق جدا عشان اقدر افتكر كل الاحداث لاني باكتب من الذاكره لحكايات سمعتها خلال عشر سنين ربنا يعني وارجع اكتب هناك تاني اوعدكم بس انتوا ادعولي



انهارده وانا بابدأ اول يوم في السنه التالته من عمري التدويني اتمني السنه دي اني اكون عند حسن ظنكم جميعا ويارب مايحرمنيش منكم كلكم وتفضلوا دايما انتو وخمسة فضفضة منورين عليا حياتي

39 comments:

Unknown يقول...

كل سنه وانتي طيبه ومدونتك طيبه دكتورة فضفضه
وعقبال 100 سنه تدوين كمان وكمان
كفايه ان حضرتك اول من بدا اجمل حمله في التدوين
وهي مدونة نظيفه
ربنا يسعدك دايما
ويقدرك تقدميلنا كل جميل

ومازلتُ أتعلم يقول...

كل سنة وحضرتك طيبة
يعنى ده عيد ميلاد ليا كمان ولمدونتى
فى تفوق مستمر بإذن الله تعالى
وفقكى الله الى مايحب ويرضى

ستيتة يقول...

كل سنة وانت حبيبي
كل سنة وانت معايا

انا اتشرفت وسعدت وانبهرت وانشكحت لما عرفتك

والسر انك تاني مدونة ادخلها من عند اسامة "مصري وافتخر" اللي كان اول مدونة افتحها

ثم تلاكي السيد الله .. الوطن .. ام الخلول

انتم الثلاثة السبب في تطفلي على عالم التدوين وحبي له

بارك الله في كلماتك وتقبل اعمالك خالصة لوجهه الكريم

MǿиY El-Shreef يقول...

كل سنه وانتي طيبة يادكتووورة

انا ماعرفكيش بس نفسي بجد اتعرف عليكي اكتر

اهلاويه زيي :D

ومعجبه جدا بمبادئك وكتاباتك

اتشرف بمعرفتك والله ..

وعقبال 100 سنه تدوين

وبعد اذنك انا ضفت البلوج عندي ..

فاتيما يقول...

كل سنة و إنتى و مدونتك بالف خير يا فضفوضتى
أنا من الموعودين اللى أسعدهم زمانهم بالدخول لمدونتك
و السكنى بقربك فى العالم السحرى ...
كل سنة و إنتى متألقة و ناجحة و منشورلك تدوينات فى كل حتة محترمة تليق بيكى و تفضلى مالية علينا الدنيا برقتك و طيبة قلبك و دعواتك الحلوة
و على جنب كدا ...
علبة الشكولاتة دى محدش يمد إيه عليها عشان هاخدها فى إيدى و انا خارجة
هاه

عمرو يقول...

كل سنه و أنتى طيبه يا دكتوره
بجد أنتى من أفضل المدونين و من أحسن المعلقين كمان علما و خلقا و فكرا و حقيقى تشرفت بمعرفتك من خلال مدونتك و تعليقاتك عندى و عند الآخرين
بارك الله فيكى و أتمنى وجودك بيننا دائما لتثرى عالم المدونات بكل ما يفيد العقل و الروح
تقبلى تهنئتى و تقديرى

مهندس مصري بيحب مصر يقول...

كل سنة وحضرتك طيبة و بخير إنتي و مدونتك

أنا سعدت فعلاً بالتعرف على مدوناتك و إستمتعت دايماً بقرايتهم
شكراً يا دكتورة خمسة فضفضة

هوندا يقول...

كل سنة ومدونتك بخير ربنا يجعلها فى ميزان حسناتك :)

رئيس التحرير يقول...

بسم الله الرحمن الرحيم
السلام عليكم ورحمه الله وبركاته ...
النهار ده ...أول مره ادخل المدونه الجميله دي ...
الكتابه من امتع الهوايات ...كي تكتب لابد ان تقرأ وحين تقرأ تتعلم جديدا ...ومن لا يتعلم يتألم من الجهل .
كل سنه وحضرتك بخير ...وتكتبي اكتر واكتر و اكتر ...

Ahmed يقول...

كل سنه وانتي طيبه
كل سنه وانتي مدونه

ويارب دايما في أحسن حال

أنسانة-شوية وشوية يقول...

كل سنة وانت طيبة وعقبال الف سنة تدوين وحب وسعادة ويتنشر لك تدوينات كتيرة في حتت كتيرة محترمة

ربنا يقدر لك الخير حيث كان وتعيش وتمتعينا بفضفضتك

وميض ابتسامة يقول...

لايسعنى فى هذه المناسبة سوى مشاركتك فرحتك الصادقة وتهنئتك بالعيد الثانى فى مجال التدوين وعالم الاصدقاء ..
ومن خلال متابعتى لمدونتك الجميلة خمسة فضفضة فأنت تستحقين كل احترام وتقدير

عيد سعيد وكل عام وانت بخير

نعكشة يقول...

كل سنة وانتي دايماً بخير و بصحة و سلامة
كل سنة وانتي بتكتبي احسن و احسن
كل سنة وتزيد حسناتك يا رب

هوه انا اتنقلي احساس الانبساط بس انا مش عارفة اقول اية

ربنا يديكي اللي فيه الخير يا رب

سلام عليكِ

Ahmed Mubarak يقول...

كل سنه وانتي طيبه

صبرني يارب يقول...

كل سنه وانتى طيبه يا جميل

ويارب عقبال ميت سنه سعاده وهنا ومنوره بنا يارب


ربنا يسعدك يارب

يا مراكبي يقول...

كل سنة وإنتي طيبة وعقبال كي جي ثري وكي جي فور وكي جي فايف ....

الفقيرة إلى الله أم البنات يقول...

دكتورة يا حبيبتى
كل سنه وانت طيبه
انت من اجمل الناس اللى اتعرفت عليهم فى النت
مواضيعك مميزة وردودك جميله..
وانسان مهذبه فعلا..ومدجنتك التانيه رائعه

بس عندك عيب خطير




بتغيبى عنا كتيير
ربنا يبارك فى عمرك ويرزقك الخير
ان شاء الله

شمس النهار يقول...

كل سنه وانت ومدونتك بخير
ويديم المحبه بينا

Asmaa mahaba يقول...

طيب نقول مبروك
كل سنه وانتى سكر
ومبدعه اكتر واكتر

مـحـمـد مـفـيـد يقول...

كل سنه ومدونتك وتدويناتك وانتي بخير
ومن تقدم الي تقدم بأذن الله

حاجــ عيال ــات يقول...

السلام عليكم
كل سنة وانت طيبة ياجميلة
ومدونتك اجمل وأرقى كل سنة
وربنا يسعدك يارب ويحقق لك كل امانيكِ

تحياتي
جهاد مشالي

مصــــري يقول...

كل سنة وانتي طيبة يادكتورة
ويارب نشوف خمسة فضفضة كتاب مستقل

تجارب الناس مفيدة برضه

تحياتي
أسامة

جنّي يقول...

السلام عليكم

كل سنة وانتي طيبة ومزيد من التوفيق وسنة ثالثة سعيدة ان شاء الله

تحيتي

مدحت محمد يقول...

كل سنة وانتى طيبة

صيدلانيه طالعه نازله يقول...

كل سنه و انت طيبه و معانا ووسطنا و ممتعانا بكتاباتك الجميله اللى بتمس القلب على طول
انتى كنت و مازلت من الشخصيات اللاتى سعدت بمعرفتهم و عقبال ما نقابل بعض لايف

Ma 3lina يقول...

Kol sana we enty tayba ya doc we 3o2bal 100 years blogging isa

حنين القلب يقول...

كل سنه وانتى ومدونتك طيبين

وعقبال مليون سنه من التدوين

مدونتك بجد جميله

تقبلى مرورى

arsenalwy يقول...

كل سنة وانتى طيبة

وياريت لو عندك الاعداد بتاعة مدونات مصرية تبعتهالى او تقوليلى اجيبها منين

TIMMY !! يقول...

ألف مبروك على مرور العامين ,

و ربنا يجعلهم في ميزان حسناتك ,

و يفيد الجميع بيهم ,

و ربنا يوفقنا و إياكم ,

و إلى الأمام دائما .. :)

غير معرف يقول...

كل سنة وانت طيبة وانت لسى فى البداية وان اء الله تستمرى ودائما للاحسن وبالتوفيق الاهم انك تفيدى وتستفيدى

بنت القمر يقول...

كل سنة وانتي بخير وصحه ومنورة معانا دايما يا دكتورة

mostafa rayan يقول...

كل سنةوحضرتك طيبة ويارب من نجاح للتاني يكون اكبر منه

غير معرف يقول...

يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

غير معرف يقول...

يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

دكتور حر يقول...

لا والله فعلا

كلنا اتعلمنا منك كتير يا دكتوره

ربنا يارب يجعل كلماتك يوم القيامه لك لا عليك

قولي آمين

الطائر الحزين يقول...

كل عام انت بخير
عقبال اليوبيل الذهبى

♥نبع الغرام♥♪≈ يقول...

السلام عليكم
كل سنه وانتى طيبه ومزيد من التوفق فى مدوانتك وانا سعيده بجد لمرورى مدونتك
تقبلى تحياتى

خمسة فضفضة يقول...

السلام عليكم ورحمة الله وبركاته

متشكره ليكم جميعا

وسعيده اوي بمشاعركم الجميله دي ربنا ما يحرمنيش منم ابدا
ويارب دايما منورني

سلام

رفقة عمر يقول...

اسفه على التاخير بجد انا مش بتابع مدونات
كل سنه وانت ومدونتك بالف خير وسعاده
بس برضه نشاطك التدوينى قل كتير اتمنى تعودى لنشاطك التدوينى مرة اخرى
ودايما متألقه

القرآن الكريم