TvQuran

٢٠١٠-١٠-١٣

خايفة




زمااااااااان كان يتردد في الحكايا مثل شهير

" مافيش حد بيبات من غير عشا "


وهل مازال الجميع ينامون قريري الاعين ممتلئ البطون لا يشغل بالهم شاغل ولا يؤرقهم شئ

اشك في ذلك


 مؤخرا لاحظت زيادة عدد المتسولين بطريقه غير طبيعيه ، اناس من كل شكل ولون 
ولم يعد التسول قاصرا علي من احترفوه كمهنه

ولكنها اشكال جديده مختلفه  ،الملابس ، الهيئة ، وحتي طريقة طلب المساعدة طريقة مختلفه تماما فيها الكثير من الحياء وبدون ادني الحاح علي عكس من احترفوا التسول كمهنه
اعرف جيدا معظم طرقهم في النصب والاستجداء فبحكم تواجدي اليومي  في مكان مفتوح يرد علي عشرات منهم لحوحين متصنعين  معدومي الادب اذا نهرتهم او رفضت ان تعطيهم شئ

هؤلاء يعطوك احساس انك فعلا امام عزيز قوم ذل 


سيدة اربعينية مظهرها جيد ، جاءت تطلب اي مساعده وجهها احمر من الخجل وتنظر في الارض ( زي ماتكون بتقول يا ارض انشقي وابلعيني)


عندما انصرفت راودني شعور غريب بالخوف


منظر هذه السيدة لم يفارق خيالي لايام بعدها ، تخيلت نفسي مكانها اتسول  ما يسد جوعي 

وايقنت ان لا احد منا اصبح في امان

ارتفاع جنوني في اسعار كل شئ ، خراب ذمم وانهيار في الاخلاق ، فساد في كل مكان


وتخيلت سيناريو يوتوبيا احمد خالد توفيق وقد اصبح اقرب مما نتخيل  
  



21 comments:

موناليزا يقول...

اللهم ارفع غضبك ومقتك عنا

ولد تحت الصفر يقول...

" إن الله لا يغير مابقوم حتى يغيروا ما بأنفسهم"

التغيير بيبدأ من عندنا ... يعني مثلا علشان نواجه ارتفاع أسعار المنتجات الغذائية لازم نقوم بخطوة حاسمة ... نبطل أكل و بكده هيضطر الشعب انه ياكل في بعضه ... بكده نكون ضربنا عصفورين بحجر واحد ... اللحمة متوافرة و الخضار رخيص

Unknown يقول...

اقسم لكى بالله
انى رأيت من هم اسوء من تلك الصور ولا اعرف ان كان هذا هو الحال الدائم ام انهاكبوة

sony2000 يقول...

والله مابقينا عرفين ايه اللي جاي
ربنا يستر

كلمات من نور يقول...

اللهم ارحمنا رحمة تغننا بها عن رحمة من سواك

غير معرف يقول...

تصدقوا يا جماعة، وحتى أنا تجيني رسائل على الإيميل بتاعي من أشخاص مجهولين الهوية!!!!!! ويعرضوا مبالغ مالية ضخمة بحيث يكون لك نسبة منها.
أنا مش عارف عاوزين إيه بالضبط!!! بس أتوقع مجازاً إنهم ناس محتالين.
وآخرتها وحدة بتعمل نفسها روسية وأن زوجها بليونير صاحب شركة ضخمة خاصة.
من جد دولي جماعة يفقعوا المرارة، وما يستحوش على وشهم!!!
ولا وكمان في بعضهم عاوزين يعملوا علاقات، إيه الثقة الزايدة دي. هههه
أنا معرفش ليه دول البني آدمين بيتعاملوا مع الناس على إنهم مغفلين وما يحسوش!!!

فيه ناس لازم ينضجوا! وعندي أمل كبير إنهم ينضجوا.

جنّي يقول...

السلام عليكم

معك حق تخافين ..

خاصة وحكومة الحزب الواطي بلا آذان لا من طين ولا من عجين ..

اميرة بهي الدين يقول...

للاسف ...
انا كمان خايفه
مش لان الناس حتبات من غير عشا
لا لان الظروف فعلا يوم عن يوم بتصعب الحياه في وش فئات من الناس مفروض زمان انها كانت مستورة ، مابقيتش مستورة ، السيده الاربيعينه اللي قابلتها والرجل الخمسيني الاشيب اللي انا قابلته والسيدة الهرمه التي تتارجح علي الارض خجلا ، كل هؤلاء وغيرهم ، لايتسولون علشان العشا ، لكن الحياه تحاصرهم بما هو اقوي ، ثمن اشعه ، قسط ماكينه الخياطه ، كفاله الواد في قضيه زور ، ثمن كيس دم ، ايجار البيت ، يخرجوا يتسولوا تتلعثم الكلمات في فمهم ووجوهم تقطر دما وخجلا .. العشا سهل ، لكن ان الحياه تفرم الناس لان مافيش هيئات اجتماعيه بجد ولا اصحاب نفوس رحيمه بجد ولا حد بيساعد حد بدرجه تحافظ علي كرامته .. ده اللي يخوف !!!! يخوف جدا !!!! لان الحياه بقت اعقد من اي حد يتحملها لوحده !!!

الطائر الحزين يقول...

اللهم احسن خاتمتنا

بس عارفة يا دكتورة لو كان الجوع هو السبيل للثورة فاهلا به

محمد عبد الغفار يقول...

اى حاجه الا الشغل

خمسة فضفضة يقول...

السلام عليكم :

موناليزا :

آمين

ولد تحت الصفر :
هههه ونعم التغيير هههههههه



نهر الحياة

ربنا اكيد رحيم بينا وباذن الله كبوه وتعدي
مع اني مستنيه الاسوأ

سوني :
يارب

كلمات من نور :
آمين

غير معرف :
الرسايل دي كلها نصب واحتيال


جني :

ربنا ياخدهم ويريحنا

مرمر :

ماهو كل ده كان موجود من زمان الجديد ان الناس كمان بقت مش لاقيه اللقمه
فمصر اللي المفروض الناس فيها عمرها ماكانت بتبات من غير عشا
متهيألي ان مافيش اسوأ من كده ربنا يرحمنا برحمته


الطائر الحزين :
آمين
الجوع سبب للثورة في كل مكان عقبال مانشوف ده عندنا قريب


محمد :

ماعدش حاجه مضمونه انهارده ربنا يستر


نورتوني

الفقيرة إلى الله أم البنات يقول...

مرعبه بجد فكرت لو حصل كده
ربنا يسترها معنا يارب ولا يذلنا ولا يفضحنا ولا يكسر بخاطر أولادنا يارب

شمس النهار يقول...

الفكرة مرعبه فعلا

ربنا يهدي اولي الامر

الحياة بقت غريبه فعلا

:(

Unknown يقول...

السلام عليكم أختي الكريمة..

هذه هي زيارتي الأولى لمدونتك.. ما شاء الله، أرهقتني في تصفحهاوقراءة الكثير من المواضيع القديمة التي جذبتني..

مدونة مميزة في المواضيع وفي أسلوب التعبير...

معذرة هذا رأي سريع..
إن شاء الله أكون من المتابعين، لأن بجد قليلا ما أجد مدونة مميزة تستحق المتابعة...

تحياتي.

غير معرف يقول...

اولاً معتيش عارفة تفرقى بين اللى يستحقها والى بيحترفها
من فترة كان فيه طالب بييجى يخبط على الباب ويقول لوالدتى انه محتاج وطالب وكذا وعايز لبس الى اخرة وتكرر مجيئة كذا مرة واخيرا والدتى سمعت من زميلاتها عنه وعرفت انه بيحترفها كمهنة وليس محتاج وغيره كتير طب دول مش عندهم صحة وشباب طب ما يشتغلوا اى حاجة اكرم لهم من ده

ثانيا ان كان محتاج فعلاً وده تقريبا بقى حال كتير بس تاهوا فى الزحمة معدناش عارفين هما فين من اللى بيمثلوا بس صدقينى البلد دى باللى فيها ليسى بخير وليسى بيساعدوا بعض
كانت منى الشاذلى من فترة جايبة احصائية عن مصر انها اكتر دولة فى الشرق الاوسط بتطلع اموال ومساعدات منها فيها وده انجاز بالنسبة لحال البلد واننا بننفق اكتر عن دول الخليج يعنى الحمدلله الخير مستمر بس لو نعرف نعمل مشاريع للى مش قادر هيبقى احسن له ولنا من الفلوس

واهم حاجة تذكرى ما ضاقت غير لما فرجت وربنا بيرسل ناس لناس وربنا المستعان على اللى بيحصل فى البلد فينا
على رأى احد المتصلات بمنى الشاذلى مادمنا كده واحنا اللى بنعمل حتى البنية الاساسية لللى مش قادر ما يشيلوا بقى عننا الضرائب واحنى نتكفل بنفسنا

غير معرف يقول...

ربنا يسترها معانا
يارب العالمين
تقبلى مرورى

بنت الصالحين يقول...

اللهم إنا نسألك السلامة

°90 يقول...

صادقه في كل كلمة

غير معرف يقول...

ثقافة الهزيمة .. أسكندرية ليه؟



متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى

www.ouregypt.us

مدونةاكسجين مصر يقول...

السلام عيكم ممكنم ان توضع مدونتى عندك الرجار الرد فى مدونتى مدونة اكسجين مصر

الرشاقة والرجيم يقول...

ربنا يستر

القرآن الكريم