لسه وزير الصحه بيمارس سياسة الكيل بمكيالين
اكيد فيه كتير منكم عارفين ان وزير الصحه احد اكبر المساهمين في مستشفي دار الفؤاد اللي مش بيحلي للرئيس وكبار رجال الدوله والفنانين العلاج الا فيها
واللي يا ما اتعملها دعايه اعتقد انها مجانيه في العديد من الافلام السنيمائيه ( مش هاننسي التجربة الدنيماركيه )
المستشفي دي يا ساده بتبيع لمرضاها ادوية غير مرخصة بوزارة الصحه
مع ان الوزير لسه مطلع القرار ايها بتاع الادوية والمستحضرات الغير مرخصه واللي ناوي يحبس بيه الصيادله ويغرمهم 50 الف جنيه لو واحد فيهم اتجرأ وباع سرنجة غير مرخصة
بس نقابتنا ماسكتتش وقدمت بلاغ للنائب العام ، اقروا التفاصيل
هنا في المصري اليوم
56 comments:
ايوة فعلا
حرام على بلابلة الدوح حلال للطير من كل جنس
تحياتى
بعد طووووووووووووول غياب
الحمد لله عودة للتدوين عبر دينامو الإخوان
أتمني التواصل بلا إنقطاع
هو ده الكلام
والله عيب بجد اللى بيعملوه ده
انا متغاظه عاوزه اعض حد
إديلوا على دماغه
خليه يفوق
تصدقى لسه قاريه الموضوع ده من ساعه وافتكرتك على طول والله
يلى اللهم اضرب الظالمين بالظالمين واخرجنا منهم سالمين
ربنا بجد ينتقم منهم عشان ظلمهم وفسادهم فاق الحد
تحياتى ليكى
انا من ساعة ما قريت الخبر وانا مستمخ اوي م الصيادله ومبسوووووط
سعيييييييييييييد
دماغ جامده اللي عمل الحكايه دي
تمام يا افندم
حد يمسكني مسدس ف ايدي بس و أنا أروح أقتله و اللي يحصل يحصل، العالم دي ما ينفعش معاها غير انك تقتلهم
مالك ومال الدوح يا طائر
فعلا حلال للطير من كل جنس
ازيك يا دكتورة بقالى كتير مجتش
بس غصب عنى
حسبي الله ونعم الوكيل معلش
مفيش الا الاعتصامات هي اللي نافععة اليومين دول
حتى بفكر الم ستات البيوت واعمل اعتصام انا كمان في الشارع
ايه رايكم يا ستات
ربنا يعينا كلنا
الطب أكتر المهن إنسانية في العالم
عشان كدة الاتجار بيها أكتر الجرايم حقارة
عموما دة مش جديد
نصيحة
إشتري أسهم في شركة دار الفؤاد وخليكي من المساهمين
ازي حضرتك يادكتوره
والله اللي بيزعل الواحد ان اهم وزارتين هما الاسوء في مصر
الصحة والتعليم
ولاعزاء للاعداء والمفسدين
وجزاكم الله كل خير
عادى يعنى
بتحصل فى احسن المستشفيات
حنشوف بقى سيادة الوزير حيعمل ايه
وحنشوف النائب العام حيعمل ايه
شكرا على المشاركة
لا بقى ماحدش يجى جنب مستشفى دار الفؤاد
المستشفى دى
واخدة عيلتى مقاولة
خالى اتعالج فيها
وامى اتعالجت فيها
واخويا اتعالج فيها
لما بقينا معروفين فى المستشفى
باسم انها حقا عائلة دار فؤاداية
وانا ناوية اصيف فيها السنة الجاية باعتبار انها اقرب مكان ليا فى اكتوبر
اما بالنسبة للموضوع اللى انت كاتباه
احب اقولك
ان ربنا على الظالم والمفترى وابن الحراااااااااام
تحياتى ليكى يا فضفضة
اختك خيخة
حرام علينا حلال عليهم زى ما أنتى قولتى
فكرتينى بفيلم الجزيره لما محمود ياسين قال للسقا
احنا لما نبيع الأفيون نبقى تجار مخدرات
و لما الحكومه تبيعه فى الصيدليات يبقى دواء
و احنا لما نبيع حته سلاح نبقى تجار سلاح
و ألى يبيع الف حته سلاح يبقى وزير
هههههههههههه
موضوع جامد و انا قرأت موضوع المصرى اليوم
شكراً ليكى
تحياتى
الفساد خلاص بقه سمه من سمات نظامنا
السلام عليكم مبروك الشكل الجديد للمدونه
lionking
السلام عليكم
حسبنا الله ونعم الوكيل
علي فكرة انا اساساً مش مستريح لوزير الصحة دا من الاول خالص
الانسان بيبان من اول لقطة كدا
دا شخص مش مريح
بس انتي متشغليش دماغك يا دكتورة
كل التصريحات ديه والقوانين كلام في كلام
هو انتي مش من مصر برضو ؟؟؟
حرام والله اللى بيحصل ده حرام
ولا دار الفؤاد بنت البطه البيضه
وباقى الصيدليات ولاد البطه السودا
ربنا معاكم
ولو سعادته نفذ القرار ده
هنلاقى الادويه فى سوق الخضار
السلاام عليكم ورحمة الله
الحركة دي مع انها حلوة بس مفرووض كانت تبقى في حااجة تانية غير القراار لانه كده اعتبروا موافقين على القرار
وده اللي عمله الوزيير انه رحب بالقرار ولأنه مش هيقدر يرجع فييه
كانت مفروض تبقى في حاجة تانية غيير القرار ده
ومع اان الصيادلة جدعان وعاجبني بس لازم يحسبوا الاول خطواتهم رايحة فيين
انتى عارفة..
جوز أختى والدته تعبت فنقلوها دار الزفت دى...بعد ماكانت داخلة على رجليها ركبوها أمراض الدنيا و معاملة من أقذر مايمكن رغم انهم لهفوا من ولادها فوق ال 100 ألف جنيه..وفى الأخر..الله يرحمها بقى
.......
دى بوتيكات يا دكتورة مش مستشفيات
معلش يا دكتورة تفتكرى وقف تنفيز القرار وقتى ولا هيتطبق ف السر؟ ولا اية النظام عجبنى تناولك جدا للموضوع وخصوصاالقرار542 انة مش من ضمن قرارات مجلس الامن
السلام عليكم ورحمة الله وبركاته
الطائر الحزين
يا استاذي مش حرام علي بلالبله بس دا حرام علي اي حد وكل حد واي حاجه علي ارض البلد دي انها تفتح بقها بنص كلمة
السلام عليكم ورحمة الله وبركاته
ياسر مدني
حمد الله علي السلامه
السلام عليكم ورحمة الله وبركاته
لماضه
طبعا عيب وناس ماعندهاش دم
عندك وزير الصحه اهه عضي براحتك :-)
السلام عليكم ورحمة الله وبركاته
جمعاوي روش طحن
يارب يفوق
بس شكله كده مش ناوي
السلام عليكم ورحمة الله وبركاته
only spot
اللهم آمين
يارب خلصنا من كل الظلمه المفتريين
نورتيني
السلام عليكم ورحمة الله وبركاته
انونيمس
ربنا يبسطك كمان وكمان
السلام عليكم ورحمة الله وبركاته
محمد فوزي
لا الموضوع ما وصلش للدرجة دي
هدي نفسك مايستهلوش تروح فيهم في داهية
زي كل حاجه في الحياه مكيالين
الظلم بقا شيمه انسانيه اصيله يا عزيزتي
ازيك يا دكتور اعتقد انهم رجعوا في كلامهم بالنسبة للقرار ده تقريبا لسه قاري الخبر ده امبارح تقريبا يبدو ان القابة بتاعتكوا شايفة شغلها او يمكن تلاقيهم اكتشفوا ان الحوار ده هيضرهم اكتر ما يفيدهم علشان كدا رجعوا في كلامهم..اكيد انتي هتقوليلنا على الاسباب الحقيقية بصفتك في المجال ده مش كدا ؟
كل يبكي علي ليلاة
الصيادلة
و الدكاترة
و المهندسين
والصحفيين
و السباكين
و المنجدين
وانا و انت
ربنا يعين الجميع
حرام علينا
حرام على اهالينا
حلال ليهم حلال لكل الى عايز يكسب وخلاص
ياعم الحاج وزير الصحه افتكر انى بحط جل مكتوب عليه مرخص من وزاره الصحه
م شعرف اشمعنا الدوا بالذات اللي فيه كمية المشاكل دي في مصر
يعني كل حاجة يها مشاكل
بس الدوا بالذات بحس انه اسوا ما يمكن تقديمة من خدمات للمصريين
حاجة غريبة جدا
السلام عليكم ورحمة الله وبركاته
محمود الدوح
ولا يهمك كلنا ، انت تنور في اي وقت
السلام عليكم ورحمة الله وبركاته
nonoymm
ههههههه
علي رايك نلم الستات ونعمل اعتصام ، مش كفاية ان ازازة الزيت عدت العشره جنيه
حسبنا الله ونعم الوكيل
السلام عليكم ورحمة الله وبركاته
مصطفى السيد سمير
عندك حق واحنا عندنا ناس محترفين تجارة في آلام وحياة البشر
منهم لله
السلام عليكم ورحمة الله وبركاته
يا مراكبي
طيب ماتعرفش بيتباعوا فين والسهم بكام ؟؟
:-)
السلام عليكم ورحمة الله وبركاته
الفاتح الجعفري
الله يسلمك ، جزانا واياكم ان شاءالله
هي الصحه والتعليم بس اللي فاسدين ؟؟؟
هوه فيه وزارة فيكي يا مصر مش فاسده
ربنا يصلح الحال و يطلعنا منها علي خير
السلام عليكم ورحمة الله وبكاته
ahmEd_H
عادي الموضوع ها يتكوس زي كل مره
وعادي يعني ماحنا اكيد في مصر
ربنا يستر
السلام عليكم ورحمة الله وبركاته
بت خيخه
ههههههه
العيله كلها زباين هناك
دا انتوا من عِلية القوم بقي واحنا مش عارفين
منوراني يا خوخه
السلام عليكم ورحمة الله وبركاته
شريف طلال
العفو
بس علي فكره احنا مش بنبيع افيون في الصيدليات دا مورفين
:-)
بس طبعا بيبقي في اضيق الحدود وكمان ليه اجراءات خاصه جدا لصرفه
وانا شخصيا ماباجيبهوش في صيدليتي علشان وجع الدماغ
السلام عليكم ورحمة الله وبركاته
بحبك يا مصر
كل الفاسدين منهم لله
السلام عليكم ورحمة الله وبركاته
الفنان احمد عبد العزيز
ايه فينك من زمان
متشكرين دي شهاده اعتز بيها
منورني
وعليكم السلام ورحمة الله وبركاته
الراقص مع الذئاب
ولا انا وحياتك، منه لله وحسبنا الله ونعم الوكيل فيه
ايوه صح هي مش هاتطبق بحذافيرها انا فاهمه بس هاتبقي ورقه في ايد الفاسدين للضغط بيها علينا عند اللزوم ، وهايبقي باب للمرتشين يزودوا بيه دخلهم علي حسبنا
ربنا يستر ، اهو الوزير قرر تاجيل العمل بالقرار لحد مايو 2009
نورتني ياباشمهندس
السلام عليكم ورحمة الله وبركاته
فرنسا هانم
ربنا يستر يا خالتو
دعواتك معانا
و عليكم السلام ورحمة الله وبركاته
هاقول لحضرتك احنا مش ضد القرار جمله وتفصيلا ، ولا احنا كل همنا نبيع ونكسب وخلاص مهما كان مصدر الادويه والحاجات اللي بنبيعها
لا مش كده خالص
ماشي عاوزين يطبقوا قرار زي ده ، اولا يبقي علي الكل
ثانيا ينزلولنا قوايم بالادوية اللي نتعامل فيها والادوية الغير مرخصه واحنا نتجنبها
وبعد كده اللي يخالف يبقي ياخد علي دماغه
مش يطلعوا قرارات عشوائية كده وخلاص
زي بالظبط ما ياخدوا واحد مابيعرفش يعوم ويرموه في البحر ويقلولوه اتفضل وارينا هاتوصل الشط ازاي
السلام عليكم ورحمة الله وبركاته
محمد m5m
ولا حصلت البوتيكات و حياتك
السلام عليكم ورحمة الله وبركاته
شيكابالا
شوفي يا قمر هو السيد وزير الصحه اجل التنفيذ الي مايو 2009
وبيقولوا انه بيع حاليا قوائم بالادوية غير المرخصه ( مش عارفه هايعرفها ازاي ) مع ان المفروض انه يعمل قوايم بالمرخص
المهم ، العالمين ببواطن الامور بيقولوا ان ده مجرد مسكن وقتي علشان الازمه ماتنفجرش في وش الحكومه اللي اصلا مش ناقصه اعتصامات واضرابات
وان الوزير هايطبق القرار بالتدريج وعلي مراحل من غير ما الصيادله تحس ( بس علي مين احنا صاحيين وفايقينله )
ناس تانيه بقي بتقول ان القرار ده هايفضل ورقة ضغط تحت ايد الحكومه ( يعغني لا هو متطبق ولا هو ملغي ) تستخدمه ضد الصيدله لو اي حد فيهم حب يلعب بديله ( مع ان والله ماحدش فينا عنده ديل ولا حاجه )
انا بقي بادعي ربنا ان الحكومه كلها تتغير قبل مايو 2009 وتيجي ناس تانيه عاقله كده وفاهمه وتطبق قرارات معقوله
ادعي معايا
نورتيني
السلام عليكم ورحمة الله وبركاته
بنت القمر
اصل الحكومه عندنا ماشيه علي مبدا ان المساواه في الظلم عدل
وبالتالي مش سايبه حد ما بتظلموش
نورتيني
السلام عليكم ورحمة الله وبركاته
شريف
لا لسه مالغهوش ، بس اجلوا العمل بيه لحد مايو 2009
ياريت تقرأ ردي علي شيكابالا في الحكاية بالتفصيل
ربنا يسترها معانا
نورتني
السلام عليكم ورحمة الله وبركاته
استاذ جعان
يارب ربنا يعينا علي الظالم والمفتري وابن الحرام
السلام عليكم ورحمة الله وبركاته
صوت من مصر
مافيش حاجه حلال للشعب في البلد دي
بالنسبة للجل
ايوه الحاجات مكتوب عليها مرخص بس اوقات كتير اوي مش بيبقي الترخيص صحيح وبيبقي مجرد رقم وخلاص
هما بقي عاوزين كل الحاجات تترخص علشان يلموا من وراها فلوس
السلام عليكم ورحمة الله وبركاته
د/ احمد سلامة
مافيش حاجه عدله لو دققنا في كل حاجه هانلاقي بلاوي
بس علشان احنا قريبين من مجال الادوية حاسين بكده
نورتني
تفتكري مش واخد باله
او عملوا كده في غفله من امره
هههههههههه
مش بس الأدوية يا دكتورة
اللي يدور ياما يلاقي
اسألوا عن العمليات الكبيرة و الكثيرة جدا اللي اتعملت في دار الفؤاد على نفقة الدولة , و كأن دار الفؤاد هي المستشفى الرسمي للدولة
شوفوا فلوس الغلابة بتروح فين
إرسال تعليق