TvQuran

٢٠٠٨-٠٢-١٨

شتات افكار



يقتلني الملل و اشعر بعقارب الساعه متثاقله تأبي ان تتحرك
اسبح في متاهات لا متناهية من الافكار ، اضع رأسي بين يدي وآخذ في تأمل حياتي ، احداث عده أخذت من عمري ..ومشاعري …و أحاسيسي.....اخذت الكثير

مشاهد حياتي السابقة تمر امامي و اشعر بفوضي الافكار تنفجر في رأسي ،

هل عشت أقاتل لتحقيق هدفي الذي اصبح بوصلتي علي الطريق و حماني من الضياع في خضم الحياه ؟؟؟

ام كنت مجرد سفينه تائهه في بحر الحياة ؟؟؟ و عشت اطارد سراب الاماني الجميلة ؟؟؟ هل احلامي لم تكن ولن تكون ؟؟

هل كما يراني الناس صلبه متحديه لا تحركني العواصف ، ام كما اري نفسي هشه ضعيفه اتحطم مع اول ضغطه ؟؟؟

لا اعرف علي وجه التحديد ........


طوال حياتي أبحث عن من يحتويني ، عشت بين الرغبة في تحقيق احلامي والرهبة التي تقتل كل رغبة في الحلم ،
مررت بلحظات من الالم والامل ، رافقتني الدمعه والبسمه ، تجاذبني الفرح والحزن ،
و كثيرا ما تغلب الحزن بينما كان الفرح يظهرعلي استحياء ،
عجزت عن لملمة شتات افكاري ، عن تحديد وجهتي ، ولكني
احيانا ما كنت انجح في ايجاد الطريق

ورغم صراعات اليأس وشتات الضياع الذي يتمني ان يحيلني الي الفناء ، مازلت اتسلح بالعزيمه والرغبه في الحياة ،
الأمل في البقاء وخوض معارك هذه الحياة ،
مواجهة الايام و الرضا بماقسمه الله تعالي ،
تقبل القدر مهما كان و الايمان بان الواقع بروتينه اليومي وعبثيته افضل من الغيب آلاف المرات

اعرف اني لو علمت الغيب لاخترت الواقع

عندما تأملت حياتي قررت ان لا اتوقف كثيرا امام خيبات الأمل ، فلقد تعلمت أن أدير ظهري و امضي ..

اغير افكاري واعيد ترتيب اوراقي

حتي لا أقع في نفس الحفرة ولا الدغ من الجحر مرتين


54 comments:

AHMED SAMIR يقول...

ايه يا دكتورة لونك حزايني كدة ليه؟
فيه ايه؟
انا عارف ان الدنيا برد وان البرد عامل مساعد للاكتئاب بس مش كدة يعني
عموما خواطر جميلة
تحياتي واحتراماتي

عصفور المدينة يقول...

مش شايف إن التدوينة دي حزينة أنا شايفها عملية جدا وفي اتجاه
تحديد الموقع

غير معرف يقول...

بسم الله

سمعتها يوما تطربني كلماتها ، تقول :
" للوهم لا لا ، للحزن لالا ، للهم لالا ، للجاي تعالى ليه استحتالة ده الفرح بيك اولى ........... "
مهما بلغت درجة شعورك بالقسوة فلن تبلغ معشار ما انا فيه ، لكن دائما أقول لنفسي ده المولى رايدها خليها على الله ،
خليها على الله يا دكتوره

اول مرة ادخل لك لكن حاسس انها مش هتكون الاخيرة ، من مدون ليس بجديد للصيدلانيه القلقة ، تحياااااااتي

خمسة فضفضة يقول...

السلام عليكم ورحمة الله وبركاته

د/ احمد سمير

هي تبان كده صحيح

بس اقراها كمان مره هاتلاقيها مش حزايني ولا حاجه

خمسة فضفضة يقول...

السلام عليكم ورحمة الله وبركاته

باشمهندس عصفور

ايوه ، محتاجه احدد اتجاهي وموقعي في الحياه

خمسة فضفضة يقول...

السلام عليكمورحمة الله وبركاته

متمو

ايوه المولي رايدها خليها علي الله

الحمد لله علي كل شئ ، افضل مائة مره ان نرضا باقدارنا وان تطيب نفوسنا لما كتبه الله علينا من ان نسخط ونقضي العمر في البكاء علي اللبن المسكوب

فبماذا يفيد السخط إذا كان امر الله نافذ لا محاله

الحمد لله علي كل حال

نورتني ويارب ماتكونش مره عابره
حضرتك بتقول انك مدون مش جديد ، طيب فين لينك المدونة بتاعك علشان نرد الزيارة :-)

خمسة فضفضة يقول...

متمو هل انت صاحب مدونة كلام والسلام علي وورد برس ؟؟

http://tamermtmo.wordpress.com/

فرنسا هانم يقول...

ازيك يا دكتوره
ايه اخبارك وحشااااااااانى جدا
احب اقولك حاجه
لو شفتى نفسك ضعيفه ولكن الناس شايفينك قويه
تبقى اكيد قويه
لكن لو شفتى نفسك قويه والناس شايفينك ضعيفه تبقى ضعيفه

انا شايفاكى قويه جدا جدا
الى الامام يا دكتوره

Unknown يقول...

صح كده
ارمي ورا ضهرك واعيدى ترتيب افكارك الله ينور عليكى يا دكتوره
مش لازم نفكر كتير فى شىء ممكن يوقفنا

Bella يقول...

لو فكرت اكتب عن نفسي وعن احاسيس كثيرا ماتنتابني لن أجد أفضل مما عبرت عنه

... يقول...

ساعات
نكون في أشد الحاجة لخمسة فضفضة لنعيد قراءة أنفسنا
أتمني لك كل الخير
ولك دعوة مخصوص أدعوها لكل من أحب

رفقة عمر يقول...

سبحان الله كلنا عندنا احلام ضائعه واحلام منتظرين تحقيقها كلنا عايشين على امل الجديد
ومقوله لو علمتم الغيب لاخترتم الواقع حقيقيه فعلا لانى مريت بامر تمنيت انى ارجع للماضى ولا اتمنى انتظر هذا المستقبل الذى لم يكن سعيد بالمره
الحمد لله على كل حال

غير معرف يقول...

خير يا دكتورة؟ انا فهمت اللى فيها اكيد مبيعات الصيدليى كانت اى كلام اليومين اللى فاتو فزعلتى حبتين او تلاقيكى فتحتى ف الخصومات شويتين عسان كدةهتعيدى ترتيب اوراقك هههههههههه المهم ان اللى جواكى دة مياثرش على الكيان الجميل اللى بحبة جدا وهو حضرتك وان لم تلتقى الوجوة فالارواح متلاقية ومتحابة فى اللة

koukawy يقول...

مش عارفه بحس اني حت لما بدي ضهري لكل اللي انتي قلتيه مش بنسي اللي كسر حاجات جوايا و اثر في نفسيتي
بس بحوال اتناسي بس اللي يعرفني كويس هيعرف اني لابسه ماسك

مهندس مصري بيحب مصر يقول...

هيه فعلاً وقفة تأمل مع النفس لإلتقاط الأنفاس استعداداً لإستكمال المضي في الحياة

بس بجد الله على الكلام و الإسلوب و الأحاسيس اللي فيهم
:)
ربنا يكرمك يا دكتورة

الفقيرة إلى الله أم البنات يقول...

حبيبتى خمسه فضفضه
عندما نريد تغيير الاتجاه لابد من الوقف
لا نستطيع تغيير الاتجاه ونحن سائرون
رزقك الله سبل الرشاد

آفاق الحرية يقول...

احسن حاجة ان الواحد ميندمش علي الماضي وانه فعلا زي ماحضرتك تفضلتي يدير ظهره ويتقدم الي الامام
ربنا يكرمك ويعزك ان شاء الله

الربان يقول...

تحياتي

ببساطة شديدة انت انسانه سوية تعيش الحياه.......الحياة ليست كلها سعادة و سرور ...و ليست كلها الام و شرور...

امال تتحق...و امال تؤجل...و امال نفشل في تحقيقها و قد يكون من رحمة الله تعالي علينا انها لم تتحقق...

الدنيا حلوة...بمرها و حلوها...عيشيها
و استمتعي بها بما لا يخالف شرع الله و سنة رسوله.

تحياتي و تقديري.

MerMaid يقول...

انا مش لاقية تعليق ع التدوينة الجديدة دي يا دكتورتي العزيزة الا اني اقولك

لا تعليق وربنا يارب يوفقك ويحققلك اللي نفسك فيه

تحياتي لحضرتك ومنوراني دايما
:))

Unknown يقول...

السلام عليكم يا دكتورة
هو أنا ساعات مش باعرف أقول كلمات الشكر، لكن ربنا يبارك في حضرتك، وفي أوقاتك على السؤال، ومعلش رحلة القاهرة كانت ثلاث ايام فقط ، والحمد لله
أطمئننت عليكم جميعا من أخي أحمد الصباغ

يا دكتورة البوست ده جامد جدا، يمكن من أجمل الحاجات اللي قرأتها، مشاعره صادقة جدا، سيبك من حكاية التحليل العميق للموضوع، بس بجد هو بوست مكتوب من قلب قلب النفس، إن شاء الله نفوء يومين كده، ونرجع تاني بس يعدي مارس على خير
تحياتي لحضرتك ولكل الأسرة الكريمة
أحمد

آخر العنقود يقول...

اول تعليق ليا فى مدونتك
بس مش اول زيارة
بجد بوست كلامه اكثر من رائع
ولمس فيا حاجات كتير
اعتقد يادكتورة اننا كلنا محتاجين وقفة زى دى لبدء انطلاقة جديدة
تقبلى مرورى
بوست رااااائع
تحياتى ليكى

عاشــــــ النقاب ـقــــة"نونو" يقول...

lدكتورة ايه اخبار الصيدلية يارب تكوني بخير
انا شايفة ان من عوامل نجاح اي حد انه كل فترة يعمل وقفة مع نفسه يعيد فيها ترتيب اوراقه ويقيم فيها نفسه
بيتهيالي دة يساعده على النجاح اكتر
ربنا يوفقك يا دكتورة
طلتك عندي وحشتني

خمسة فضفضة يقول...

السلام عليكم ورحمة الله وبركاته

فرنسا هانم

ازيك يا خالتو اخبارك ايه
انت كمان بتوحشيني اوي اوي ، اخبارك ايه بعد ما نزلتي الشغل من تاني ؟؟

ربنا يخليكي يا خالتو ، بس مش عارف ليه شايفه نفسي ضعيفه وهشه وعلي راي نوران ...خيخه

نورتيني

خمسة فضفضة يقول...

السلام عليكم ورحمة الله وبركاته

لماضة

الله يخليكي يا مرمر ، ولو الواحد فضل يفكر في اللي حصله مش هايتقدم وهايفضل محلك سر

نورتيني

خمسة فضفضة يقول...

السلام عليكم ورحمة الله وبركاته
بيلا
شكرا علي ذوقك يا قمر

منوراني يارب دايما

خمسة فضفضة يقول...

السلام عليكم ورحمة الله وبركاته
بثينه
من القلب للقلب رسول يا بثبوثه

بس احنا نيجي ايه جمبك يا فندم

منوراني

خمسة فضفضة يقول...

السلام عليكم ورحمة الله وبركاته

رفقة عمر

لولا الحلم والامل في تحقيقه كانت هاتبقي الحياه من غير هدف ؟، فاضيه وبارده وملهاش لازمه

طبعا لو علمت الغيب لاخترتم الواقع صحيحه ميه في الميه ...رسول الله صلي الله عليه وسلم لا ينطق عن الهوي

منوراني

خمسة فضفضة يقول...

السلام عليكم ورحمة الله وبركاته
شيكابلا

ههههههههههه
لا والله ابدا ، بس دي مجرد وقفه مع النفس علي الماشي كده

نورتيني

خمسة فضفضة يقول...

السلام عليكم ورحمة الله وبركاته

كوكو الكميل

يا اهلا يا هلا ، ايه النور اللي ملي الدنيا ده

والله وحشتينا

عارفه النسيان ده من اكبر نعم ربنا علينا ، لو الانسان ماكانش بينسي حاجه كان زمانه اتجنن من زمان

حاولي تنسي وتغفري للي غلط فيكي هاتحسي براحه وصفاء نفسي مافيش زيه


نورتيني

خمسة فضفضة يقول...

السلام عليكم ورحمة الله وبركاته

مهندس مصري

كل فتره بحتاج لوقفه زي دي

شكرا علي ذوقك وكلامك الجميل
ربنا يعزك ويكرمك


منورني يارب دايما

الـسـيـدة نـون يقول...
أزال المؤلف هذا التعليق.
صوت من مصر يقول...

مش عارف اقول ايه بجد
انتى خلصتى الكلام

semsema يقول...

انا اول مره ازور المدونه
بجد انت اسلوبك جميل
وعاوزة اقول لك ان مفيش حد سوى فى الدنيا كلنا بنحس بلغبطة وعدم اتزان
بس الانسان القوى هو اللى يعمل زى ماانت قلتى لازم يكمل الطريق اللى ابتداه لغاية ميلاقى نفسه واحمدى ربنا انك عارفه ايه هو هدفك فى الحياة بجد فى ناس بتعيش وبتموت وهى مش لاقيه الهدف اللى تعيش علشانه

صاحب المضيفة يقول...

من الطبيعي ان كل واحد يحصله كده في مرحلة ما من حياته

والواحد بقاله فترة عنده نفس الشعور

لكن العزا الوحيد انها مرحلة وبتعدي

عليكي بذكر الله فهو الدواء لكل مرض


تحياتي

Desert cat يقول...

ربنا يهديكى الى ما تريدين
ويحققك لك ما تتمنى
احترامى وتقديرى

مدحت محمد يقول...

يقتلك الملل حيث وقت الفراغ
تسبحين فى متاهات لامتناهية من الافكار
فلا يوجد فكرة تصلح للتنفيذ
الحل الاخير
اغير افكاري واعيد ترتيب اوراقي

حتي لا أقع في نفس الحفرة ولا الدغ من الجحر مرتين
وانا اشجعك على ذلك
تحياتى ليكى

بحبك يامصر يقول...

ربنا يحفظك يادكتوره ويهديكى للطريق الصحيح

لحظه من فضلك يقول...

ارجو الاهتمام بذلك الموضوع الموجود بالمدونه وارجو التضامن معى وشكرا

صحفية روشة يقول...

مع انك حزينة لكن كلامك تحفة
كتبت فابدعت
فتحياتى للاصابع التى نقشت هذا الكلام
وتحياتى لكى
سلام

Jana يقول...

تدوينة جميلة
أحلى ما فيها آخر 3 سطور
لما رديتى على نفسك باحلى كلام من النفس للنفس
ربنا يقويكى على ما عزمتى..وييسره لكى

على فكرة انا علقت عندك مرتين قبل كده ومردتيش عليا...المرة دى لو مردتيش ..حاكتب بوست شبه اللى انتى كاتباه كده بس من غير آخر 3 سطور
وذنبى حيبقى فى رقبتك.ههههههه

ربنا يبارك فيكى وفيمن تحبين
تحياتى

a Dreamer with feet on the Floor يقول...

I have read many of Ur Posts before...but now as I read this one ..I did not know if U talk about U ..or U know me a,,and talk about me...
it seems...there is a major depression that ivades all our generation..
but I thank U that U still have the power 2 go on..

SomeOne يقول...

ثبات الحال من المحال
وثباتة دليل على الموت
:)

بنت الصالحين يقول...

عندما تأملت حياتي قررت ان لا اتوقف كثيرا امام خيبات الأمل ، فلقد تعلمت أن أدير ظهري و امضي ..

اغير افكاري واعيد ترتيب اوراقي

حتي لا أقع في نفس الحفرة ولا الدغ من الجحر مرتين


بنا يكرمك يافضفضه

بس فضفض اما بتكون بردانه بتبقي حزينه ليه؟!!!!!

Bongo يقول...

تدوينة جميلة
و المدونة كلها لذيذة

تحياتي

kafrawy يقول...

واهو

قطر وماشى

ناسة
منيماشى

صالح سعيد يقول...

ازيك يا دكتوره
عامله ايه
انا عملت بنصيحتك وقريته اكتر من مره
وفعلا هو مش حزاينى
البوست واقعى جدا
لازم نحدد احنا عايزين ايه بالضبط
تسلم ايدك

YHYيــوســف الـمصـرى يقول...

السلام عليكم ورحمة الله وبركاته
...........................
دكتورة تدوينة صعب التعليق عليها ..
والله كانت وحشانى مدونتك والحمد الله انى قرأت التدوينة دى النهاردة !
دعواتى وتحياتى
:)

خمسة فضفضة يقول...

السلام عليكم ورحمة الله وبركاته

مهندس نصري

ايوه مجرد وقفه مع النفس

الله يكرمك ويعزك
نورتني

خمسة فضفضة يقول...

السلام عليكم ورحمة الله وبركاته

ام البنات

ايه النور ده يا ست الستات

اللهم آمين يارب ارزقنا ثبات علي طريقك

---------------

آفاق الحرية

لو وقفنا كتير قدام الماضي عمرنا ما هانتقدم

الله يكرمك
شكرا علي ذوقك

نورتيني

-----------
الربان

صدقت الدنيا حلوه ، نستمتع بها ولكن بما لا يغضب الله تعالي

تحياتي

--------

mermaid

ربنا يخليكي يا عروسة البحر ويارب ,و يحققلنا جميعا كل اللي نتمناه

نورتيني

خمسة فضفضة يقول...

السلام عليكم ورحمة الله وبركاته

ابو فداء "يوميات عيل مصري "

مافيش حاجه استاهل عليها الشكر يا ابو فداء ، انا فعلا وحشني جو المدونة الجميل وحكاياتها الجميله والتعليقات الروعه اللي كانت بتحسسني اننا كلنا عيله كبيره وبيتنا هو يوميات عيل مصري

مصر نورت في الشوية الصغيرين دول
ربنا يوفقك والامتحانات تيجي سهله و يعدي مارس علي خير ان شاء الله


متشكرين علي الكلمتين الحلوين دول ، ماستاهلش كل ده


ترجع بالسلامه ان شاءالله

خمسة فضفضة يقول...

السلام عليكم ورحمة الله وبركاته

آخر العنقود

نورتيني ويارب تبقي زياراتك دايمه
شكرا علي ذوقك

تحياتي
-----------------

nonoymm

الحمد لله وشكراعلي السؤال

طبعا وقفاتنا مع نفسنا بتدينا حافز للتقدم وعدم الوقوع في نفس الاخطاء اكثر من مره


نورتيني

الفارس الملثم يقول...

بداية سعدت بمروري الاول في مدونتك المتميزة ..

بالنسبة لحياتنا بالتاكيد كل واحد فينا بيقابل في حياته كثير من المصاعب وكثير من الالم , وساعتها الانسان رغم انه قد يتظاهر بالقوة والقدرة علي اجتياز هذه العقبات بمفرده الا انه في اعماقه يستشعر ضعفه ويتمني ان يجد يد انسان اخر تشد من ازره وان يجد قلب يشاركه مشاعره واحاسيسه

تقبلي مروري

ayar يقول...

كلنا بنتحط فى لحظات الم وامل وخوف ورغبة .. ودى مشاعر انسانية عادية .. وهى دى اللى بتدى الحياة معناها .. تفائلى ياعزيزتى فالحياة تحبك فاحبيها ...

علي محمود الكاتب يقول...

ما أرق ما قرأته بهذه الخاطرة الرائعه ،، لقد سعدت جداً بزيارة مدونتك ووجدت فيها الكثير الذي يستحق قراءته
تقبلي مني ارق الاماني بمناسبة العام الجديد

القرآن الكريم