2008-03-07

التاج ده جاني ...ورب العرش نجاني


التاج ده بتاع احمد الصباغ طبعا امة لا اله الا الله خلاص جاوبته ، والمفروض اني اكون جاوبته من زماااان اوي بس نعمل ايه في الكسل
برضو التاج ده مررهولي ناس كتير اوي من اللي جاوبوه قبل كده ومش هاذكر اسامي عشان مانساش حد ويزعل مني

نبدأ بسم الله الرحمن الرحيم


هل توافق على حذف خانة الديانة من البطاقة الشخصية ؟

لا طبعا ، وانا احذفها ليه يعني خايفه حد يعرف اني مسلمه
وبعدين الناس اللي خايفيين لا يتم اضطهادهم بناء علي الديانه ، عاوزه اقولهم انه لما مواطن بيكون واقف في طابورالعيش وبيتهزأ ولا بينضرب او حتي بيتقتل مش بيطلبوا منه بطاقته علشان يعاملوه علي اساس دينه
واما بيروح يشتري حاجه يلاقيها اغلي الطاق اربعه مش بيعملولوا خصم لما يطلع بطاقته ويكون مكتوب فيها مسلم
ومافيش حاجه اسمها اضطهاد بناء علي خانة الديانه اللي في البطاقه معموله عشان حاجات تانيه زي مثلا عقود الزواج مش عشان يضطهدوا الناس بيها

عموما ماتقلقوش احنا كلنا مضطهدين حتي العيال اللي لسه في اللفه ولسه ماطلعوش بطاقة رقم قومي وفيها خانة الديانه



ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟

احيانا باحس انهم مرضي واحيانا باحس انهم معقدين نفسيا يمكن يكون فيه جزء منهم محتاج فعلا لعلاج نفسي وكتير منهم الكبر واخده والشيطان عامل احلي شغل معاه ومش مخليه حاسس بعظم المعصية اللي هوه بيرتكبها

بس انهم يتمادوا في الخطأ وهما عارفين مليون في الميه انه خطأ وكمان يجهروا بيه ويحاولوا انهم يظهروا بمظهر البرئ اللي مش عامل اي حاجه خالص وان دي حياتهم وهي كده ومش هايغيروها يبقي لا طبعا مافيش هنا حاجه اسمها حرية شخصية
لانهم باعترافهم بجهرهم بالمعصيه بيعرضوا المجتمع ككل للعقاب الرباني لاننا واقفين عاجزين عن انزال العقاب اللي نصت عليه الشرائع السماويه في الحالات اللي زي دي

هل توافق على الاعتراف بالمثليين
لا طبعا لان كده ابقي موافقه ضمنيا علي اللي بيعملوه
وماليش اي اصدقاء منهم

هل تعتقد بوجود إضطهاد للمسيحين فى مصر ؟

يا اخوانا احنا كلنا مضطهدين بل علي العكس لما واحد مسيحي بيجراله حاجه بيلاقي اللي يقف وراه اما المسلمين مالهومش ديه


من هو الشخص الذى تختارة لرئاسة مصر ؟
هو مش حد بعينه
عاوزه واحد يكون ليه كاريزما يلم الناس حوليه ويحلم لهم احلام صعبه ويحققها ، يحبهم ويخاف عليهم ، عنده حكمه ودهاء ، عنده هدوء وعقلانيه يقدر يتغلب بيهم علي اي مشكله تقابله
واسع الصدر وعنده طولة بال ، حازم مع الاعداء يقدر يجيبلنا الحق من بق الاسد نفسه ، قوي في الحق يقدر يقول للغوله في وشها انتِ عينك حمرا
حنين علي الشعب وكفاية الاسية اللي بنشوفها بقالنا 56 سنة

إذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم ؟
ناس كتير اوي علماء وحكماء وادباء وشباب
بس هاطلب من كل واحد يقدم اقرار بكل الفلوس اللي بيمتلكها وهو داخل الحكومه هوه وقرايبه لحد الدرجه الثانيه ، و طبعا مراته وعياله
وقبل ما يمشي برضو نفس الاقرار ولو كسب مليم واحد هو او عيلته مالهومش حق فيه هايتصادر فورا
وكمان هايكون فيه وزن شهري لكل وزير واي واحد هايزيد وزنه عن حد معين هايترفد فورا

لو فزت في الانتخابات ان شاء الله يعني مش هامنع حد انه يشارك المهم يكون بيستحق المشاركه دي وعنده اللي ممكن يقدمه للشعب


فى رأيك الشخصى .. ما هى أفضل مدونة على بلوجر قمت بزيارتها ؟

كتير اوي ماشاء الله البلوجر مليان بالفطاحل

للذكور فقط : أيهما تفضل كزوجة .. امرأة عاملة ، أم ربة منزل ؟

الحمد لله انا انثي او كده بتقول البطاقه :-) يبقي كده السؤال ده ملغي

للإناث فقط : هل توافقين على الزواج من رجل مطلق ؟

انا الحمد لله متزوجه يبقي السؤال ده كمان ملغي :-)


اذا تزوجت وأنجبت ولدين وبنتين .. أى الأسماء تحب أن تسمى ؟

اريج ، سهيلة ، محمود ، عبد الله

هل تعتقد أن توريث الحكم فى مصر . . سيتم فعلا أم لا ؟

توريث مش توريث اونكل جمال هايجي يعني هايجي ، سموها بقي توريث ، سموها حاجه تانيه مش مهم

فى رأيك الشخصى : ماهو أفضل إنجاز للحكومة ؟ وما هو أسوأ عمل قامت به ؟

افضل ........مش لاقيه حاجه

اسوأ ...طيب انت فاضي ولا وراك حاجه ؟؟؟اصل الموضوع كبير




ثم لمن تمرر هذا التاج ؟

اعتقد اني آخر حد يجاوب التاج ده وبكده مافيش حد ممكن امررهوله


37 comments:

فرنسا هانم يقول...

حجز ولا كشف

الشخص الذي سيأتي بالتأكيد يقول...

اجمل ما في مدونتك بإستثناء انها مدونتك هو انها تذكرني بايام الدراسة
و كانني عدت طفلا اقرأ كلاما مكتوبا في كراسة الحصة بالاحمر و الازرق
..
إجاباتك تلقائية و منطقية
شعرت انها تشبهني

احييكِ

فاضل

فرنسا هانم يقول...

جميل يا دكتوره
وردك فى منتهى العقل والاتزان
لكن
حطيطى شروط لرئيس الجمهوريه
صعبه قوى
ميحققهاش الا عمر ابن الخطاب رضى الله عنه
حكم وعدل فأمن على نفسه ونام تحت الشجره
تحياتى لكى دكتورتنا

fatima يقول...

خمسة فضفضة
يا أحلى صيدلانية فى المحروسة
الإجابات لطيفة قوى و موش مكلكعة
و عجبنى رأيك فى موضوع المثليين لحس أنا قريت إجابات تانية حسستنى إن الموضوع دا بقى أمر واقع لازم نقبله و نرحب بيه كمان بدعوى الحرية الشخصية و أن دا مرض و كأنه غير قابل للعلاج و هم كد و خلاص
تحياتى الخالصة

المفقوعة مرارتها يقول...

انا بقي عجبتني ردودك كلها لكن علي الاخص ردك علي سؤال الإضتهاد لانه فعلاً المسيحي لما بيقابل مشكلة في حياته الكنيسة بتقف جنبه لكن احنا ياحرة لا كنيسة ولا جامع بيقف لنا

تحياتي

وطني يقول...

اسوأ ...طيب انت فاضي ولا وراك حاجه ؟؟؟اصل الموضوع كبير
واضح إن إنجازات النظام كثيرة جدا عندك
إجابات ناضجة يا دكتورة
إجابة سؤال الإضطهاد أجمل إجابة قرأتها على هذا التاج
خالص تحياتي

د/اجدع بنوته يقول...

معاكى ف كل الاجابات

كل تاج وانتى طيبه

أريد عريساً يقول...

تاج جميل وأسئلته ظريفة

zordeak يقول...

هههههههههههههه

حلوة حكاية توزنيهم دى واللى يزيد يترفد


ههههههههههههههه

لا حلوة فعلااا

:D

عصفور المدينة يقول...

:)
لحقت قبل قفل باب الإجابات

مهندس مصري يقول...

اجاباتنا واحدة تقريباً

بس انتي متأخرة قوي يا دكتورة
:)

و عجبتني مواصفات الرئيس و وزن الوزراء
و الفطاحل
:)

عاشقه الفردوس يقول...

اجاباتك روعه اوييييييي

ماشاء الله عليكي
وعجبني ردك علي سؤال المثليين جدا


انا كمان الصباغ كان باعتلي التاج ولسه ماجاوبتوش

هههههههههههههههههههه


سلام يادكتور ربنا يباركلك يارب

لماضة يقول...

ايه الكسل ده يا دوك
والله فكرته تاج جديد وقلت ربنا يستر
بس اجابات حلوه ما شاء الله
لما نشوف الصباغ هيعمل فيها ايه

ibn_abdel_aziz يقول...

إذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم ؟
ناس كتير اوي علماء وحكماء وادباء وشباب
بس هاطلب من كل واحد يقدم اقرار بكل الفلوس اللي بيمتلكها وهو داخل الحكومه هوه وقرايبه لحد الدرجه الثانيه ، و طبعا مراته وعياله
وقبل ما يمشي برضو نفس الاقرار ولو كسب مليم واحد هو او عيلته مالهومش حق فيه هايتصادر فورا
وكمان هايكون فيه وزن شهري لكل وزير واي واحد هايزيد وزنه عن حد معين هايترفد فورا

لو فزت في الانتخابات ان شاء الله يعني مش هامنع حد انه يشارك المهم يكون بيستحق المشاركه دي وعنده اللي ممكن يقدمه للشعب

..........
كدة انتي قفلتي الباب علي الجميع :))

آفاق الحرية يقول...

السلام عليكم
لو انت وزنتي كل وزير يبقي كده كل الوزراء هيترفدوا ان شاء الله
لان ماشاء الله كلهم من عينة عمو كمال الشاذلي

صاحب المضيفة يقول...

ياسلام على العفوية الموجودة في الاجابات


ربنا يكرمك ويسعدك


تحياتي

ayar يقول...

هو حضرتك دكتورة ولا مدرسة .. ولا انتى تلميذة وبتعملى الواجب .. على العموم اديكى عشرة من عشرة ونجمة على اورتك ومع الشكر كمان (وش بيضحك)

صبرني يارب يقول...

تحياتي اختي الفاضله

جاوبتي بلسااااااااني عن التاج كله

وشكرا لك

همس الاحباب يقول...

جميل التاج عليكى يا دكتورة
واجاباتك حلوة وعاقلة
وربنا يوفقك
تحياتى

nonoymm يقول...

جميلة اجاباتك يا دكتورة
بوركتي انا جاوبت التاج دة خلاص
منتظرة الحكاية بقى يلا

آلام وآمال يقول...

مبدأيا كده احب اطمن حضرتك انك مش اخر واحدة تجاوبيه
انا بردو التاج متمررلي بس لسة ف الفرن وشكله مش هيستوي

المهم
اجابات حضرتك حلوة ورزينة

nirfana يقول...

عقلانية اجاباتك وموزونه

تحياتى

رينـــــــــــا يقول...

السلام عليكم
ازيك يا جميل
طيب على خيرة الله ادخلى انتى بس الانتخابات وكلنا وراااااااااااكى ان شاء الله
بالنسبه للمواصفات اللى ذكرتيها فى اللى يمسك الحكم انا حاسه انها صعب جدا انها تتجمع فى شخص واحد
هى اجتمعت فعلا مرة واحدة بس من وجهه نظرى فى سيدنا محمد كان اعظم سياسى فى العالم
اجابتك جميله يا فضفوضه

بت خيخة وأى كلام يقول...

عجبتنى اوى ردودك على سؤال المثلين وسؤال رئيس الجمهورية

تحياتى ليكى
اختك خيخة

esraa يقول...

قال ايه المسحين مضطهدين في مصر

أمال احنا نبقي ايه؟

الشعب المصري كله مضطهد وده دليل علي ان الحكومه مش بتفرق بين أولادها الشعب بسبب حاجه زي الديانه

كتر خيرهم والله

حسن توفيق يقول...

العزيزة الغالية

خمسه فضفضة

مرحبا بك فى مدونة اتحاد المدونيين المصريين.. وشكرا لك اهتمامك بتلبية الدعوة

املين ان تجدى ما يستحق

فى انتظار اراؤك فيما هو معروض ..ثم عضويتك

مروة الزارع يقول...

اجابتك جامدة

وربنا يكفيكى شر تاجات حخالو الصباغ
أسألينى أنا

هههههههههههههههههههه

david santos يقول...

Excellent posting.
Thank you

سارة علي يقول...

دى اول مرةادخل مدونتك وبجد عجبتنى اوى لان قضاياها بجد صحيحة بس المشكلة اننا فى خضام حياتنا السريعة بننساها او يمكن مشقة الحياة وصعوبة احداثها بتخلينا فى صمت متناهى مبيقطعوش غير الموت فى نهاية الرحلة الحياتية فى تقدم علطول وفى انتظار جديدك

أنا إنسان يقول...

ناس كتير اوي علماء وحكماء وادباء وشباب
بس هاطلب من كل واحد يقدم اقرار بكل الفلوس اللي بيمتلكها وهو داخل الحكومه هوه وقرايبه لحد الدرجه الثانيه ، و طبعا مراته وعياله
وقبل ما يمشي برضو نفس الاقرار ولو كسب مليم واحد هو او عيلته مالهومش حق فيه هايتصادر فورا
وكمان هايكون فيه وزن شهري لكل وزير واي واحد هايزيد وزنه عن حد معين هايترفد فورا

>>>>>>>>>>>>>>>>>>>>>>>
رائعه الاجابه دي
عجبتني جدا

امين سر يقول...

أنت
يا سارقة ياء النداء من حروفي
لماذا أنتِ مرتبك ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

بحبك يامصر يقول...

اجابات جميله ويارب يجى ريس بالمواصفات اللى انتى قلتيها

صالح سعيد يقول...

بصراحه رغم انى مقريتش التاج الاصلى بس حاسس انك عملتى كل حاجه فى التاج ده
بجد تسلم ايدك
وربنا يزيدك يا دكتوره
ارق تحية

خمسة فضفضة يقول...

السلام عليكم ورحمة الله وبركاته

شكرا لكم جميعا علي مروركم الكريم اللي بينور مدونتي المتواضعه ويارب دايما كده مالين عليا الدنيا ومحلينها باحلي تعليقات يا احلي بلوجاريه

ويارب ما يحرمني منكم جميعا

اختكم خمسة فضفضة

رئـــــيسـة حزب الأحلام يقول...

السلام عليكم
فعلا كلنا مضطهدين ويمكن الاكثرية هى المضطهدة اكتر وشكرا

mostafarayan يقول...

بصي يا خمسة فضفضة انا معاكي في كل اللي بتقوليه لكن كون ان جمال يجي يحكم بعد ابوه واحنا كشعب نسكت نبقي بجد نستاهل كل اللي بيحصلنا مش بس كدة دة احنا ساعتها نبقي نستاهل الحرق كمان

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

القرآن الكريم