2008-04-02

رحلة البحث عن بوست


منذ ثلاثة ايام لا اعرف عن ماذا اكتب ؟؟ راسي تمتلا بالموضوعات ولكن لا اعرف وماهو الموضوع الاهم لاتحدث عنه اولا؟؟ ، وايها لا يجب تأجيله لفتره قادمه ؟؟ وهل اكتب هنا ام اذهب لـــ علي طول الحياة " مدونتي الاخري " لاكتب بوست جديد ؟؟؟

افتح صفحه لكتابة بوست جديد اكتب فيها عدة كلمات ثم امحيها واغلق الصفحه دون كتابة اي جديد

هل اتحدث عن هذا الطبيب عديم الضمير الذي لا يكف عن النصب علي مرضاه واكل بعقلهم حلاوه ؟؟؟ انه يتعامل معهم علي انهم مجرد زبائن ، هو يعتبر مرضي من لحم ودم مجرد زبائن لا يرجو من ورائهم الا مجرد المكسب ؟؟ هل نسي انه اقسم بان يقصد في جميع التدابير بقدر طاقته ومنفعة المرضي وان يمنع عنهم الاشياء التي تضر بهم وتدني منهم بالجور عليهم " قسم بقراط " ،
و بالرغم من انه يعرف يقينا ان دواء ما يضر بشده هذه الحاله يصمم علي ان يستمر المريض يتعاطاه ؟؟؟ فقد لكي لا يعترف بخطأه ، او ان دواء ما لا يفيد او زي قلته ولكن شركة الدواء تقوم معه باكثر من الواجب ومندوب الدعايه شايف شغله كويس ...!!!!!!!!!!!


تتملكني رغبه شديده في التغيير والتجديد لعلي اهتدي بعدها لبداية الكلمات وربنا يهديني واكتب حاجه جديده كويسه ،

اقرر ان اغير ال template لعل وعسي ؟؟؟؟ فيزيدني توتر عندما لا يتناسب ما اخترته مع متصفح ال IEهذا المتصفح العقيم والخنيق الذي لا اتخيل انه مازال يستخدم الي الآن ؟؟؟ اضطر للتغير مره اخري ...

آه لو كان تغيير كل شئ بنفس سهولة تغيير التمبلت ، اكيد الدنيا كانت هاتبقي بمبي


افكر ان اكتب عن اضراب يوم 6 ابريل ، اتأمل الكلمة .....اضراب ....اضراب .....اضراب ، ياتري ما اصل الكلمه ؟؟؟؟

اضراب من أضرب ..يضرب ..اضرابا او ضرب ..يضرب ..ضرباََ ؟؟

ضرب من علي وجه التحديد ؟؟؟
ضرب الاسعار وتحطيمها تحطيما ام ضرب الشعب وتحطيمه تحطيما ؟؟؟؟


ساكتب أذن عن ازمة الجبز ، وخبزالقوات المسلحه الذي يقولون فيه قصائد
من الغزل العفيف ، انتبه الآن اننا نسميه عيش ، فهو يرتبط ارتباط وثيق بحياتنا ومعيشتنا ، اما لفظة خبز في المعجم فلها معاني عدة اصدم عندما اجد من ضمنها : ضرب

فخَبزه .... يخبزه ..... خَبزاً : أى ضربه... يضربه ..... ضرباً !!!!!!

وايضا : (خبز أحدهما وجه الآخر) ! و (خبزه برجله) !!!!

اي ان ما يحدث في طوابير الخبز ليس بجديد ولا غريب علي اللغه !!! سبحان الله


ادخل الصيدليه صباحا لاجد نشره غير دوريه يطبعها احد الاحزاب المعارضه، هذه المره بمناسبة الانتخابات المحليه ، اتأمل اسماء مرشحي الحزب عن مدينتي اجدهم مجرد مجموعه من العواطليه و العمال وطبيب ومحامي ،تقريبا اعرفهم جميعا
كنت اضع امل كبير علي هذا الحزب ، ولكن الآن كيف لي ان انتخب شخص رايته مره
علي مرأي ومسمع من الجميع في عرض الشارع يسب امه بالفاظ يعاقب عليها القانون وكان ناقص يضربها ؟؟؟؟

من الوطني للمعارضه ياقلبي لا تحزن

اقرر مقاطعة الانتخابات ، ولكني اتذكر اني لا املك بطاقه انتخابيه من اصله وكل سنه اكسل عن استخراج واحده

افتح النت واحاول ان اكتب شئ ما ولكني لا ا
ستقر علي فكره محدده ، واغلق الصفحه كما فتحتها

انهي فترتي بالصيدليه و اركب توكتك ليحملني الي السوق والحمد لله اجده بسهوله بعد اختفاؤهم لعدة ايام بسبب حمله شرسه من مجلس المدينه علي كل التكاتك لتحصيل ما اعتبره اتاوه بحجة استخراج رقم تابع للمجلس المحلي لا يعتد به في المرور ،

اسأل السائق عن تطورات الامر يخبرني بانهم الآن في فترة هدنه مع المجلس المحلي بسبب انشغالهم في انتخابات المحليات ورغبتهم في اصلاح الجو وتخفيض ولو جزء من الاسعاربالقوه ليقطعوا لسان اللي يتكلم نص كلمه من الاخوان او غيرهم ، حتي انهم رخصوا ثمن الارز من اربعة جنيهات الي 2.5 فقط ،
اسأله والطماطم حضرتك رخصت ولا لسه باربعه جنيه ؟؟؟ يجاوبني بالنفي اعطيه الاجره وانزل ليفتح الكاسيت الذي يشدو باعلي صوتة
الدنيا خربااااانه ...ياعم خربااانه


مازلت حائره عن ماذا اكتب ولازالت رحلة البحث عن بوست مستمره

71 comments:

د/اجدع بنوته يقول...

الدنيا فعلا خرباااااااانه

ربنا يوفقك ف رحلة البحث

بس فعلا الواحد م كتير الافكار اللى ف دماغه

وم كتر اللخبطه اللى عايشينها

مش عارف يكتب عن ايه ولا ايه ولا ايه

فرنسا هانم يقول...

ده مؤشر مش كويس يا دكتوره
ممكن يكون اضراب سلبى عن الكتابه
واضراب
من
ضرب يضرب اضرابا
ربنا يرشدك الى الطريق القويم

أحمد منتصر يقول...

شوفي أي مقالة أو حاجة هنا ولا هنا وانقليها :)

عاشقه الفردوس يقول...

ايه ده الحاله دي بتجيلي كتير

بس لا مكنتش عايزة انها تنتقل لدكتورتنا فضفضه

ربنا يتولانا برحمته

سلامي ليكي فضفوض

بطوط حبوب يقول...

مبروك النيو لووووووك
وعلى فكره البوست ده جااامد مش تقولى انك مش لاقيه وكلام زى ده !!!!!!!
كنتى هتقولى ايه اكتر من الى قولتيه
ربنا يسد نفس الى سد نفسنا
ورحم الله من يقول امين

طال الليل يقول...

أكثر من بوست

إنه تدافع الأفكار أختى الكريمة
وبحكم التخصص أحب أن أشاركك التألم لما آل إليه الحال فى القطاع الصحى إجمالا من أطباء يتنازلون عن أخلاقياتهم من أج نفع مادى من شركات الدواء صيادلة يقبلون أى أدوية أيا كانت ثقتهم فى مصدرها سعيا إلى تضخيم أرباحهم إضافة للمضاربة بينهم تحايلا على الرزق
وكم عانيت هذا وغيره كصيدلى
وعن ه بل هو أعزمن الخل الوفى وأندر من العنقاء

بثينــــــة يقول...

ساعات بتفضي الدماغ من كتر ماهي مليانة
وتحسي انه
خلص الكلام
بس ماتقلقيش بييجي تاني غالبا أحلي
البوست دة نفسه حلو أوي

لسة الطماطم باربعة جنيه

الطائر الحزين يقول...

ومين سمعك


بس انتى كتبتى انك مش عارفة تكتبى فى ايه وده فى حد ذاته كويس

فما بالك اللى مش عارف يكتب انه مش عارف يكتب فى حاجة

فاهمة حاجة


انا كمان معنديش بطاقة لا لا لا مش اللى فى دماغك

اقصد انتخابية


تحياتى

allfollowsome يقول...

شد انتباهى جزء مهم جدا من كلامك

هل اتحدث عن هذا الطبيب عديم الضمير الذي لا يكف عن النصب علي مرضاه واكل بعقلهم حلاوه ؟؟؟ انه يتعامل معهم علي انهم مجرد زبائن ، هو يعتبر مرضي من لحم ودم مجرد زبائن لا يرجو من ورائهم الا مجرد المكسب ؟؟ هل نسي انه اقسم بان يقصد في جميع التدابير بقدر طاقته ومنفعة المرضي وان يمنع عنهم الاشياء التي تضر بهم وتدني منهم بالجور عليهم " قسم بقراط " ،

سيدتى الفاضلة انتى صيدلانية واكتر العارفين انهم بياكلو سبوبة حلوة من ورا المواضيع دى مثلا لما يكتب لراجل مش لاقى ياكل انسولين مستورد وميكتبلوش المدعم.

كلها مصالح شخصية لا قسم بقراط بقى ولا قسم بفدان

بالمناسبة انتى كاتبة بوستى كويس ماتدوخيش نفسك.

(:

nonoymm يقول...

السلام عليكم
دكتورتنا الحبيبة
اولا الف مبروك النيو لوك الجديد للمدونة
ثانيا انتي بتشتغلينا ولا ايه هو فيه تميز اكتر من كدة ما شاء الله
البوست حالة رائعة وجميلة وملم بكل الاوضاع اللي احنا فيها كلنا تقريبا وببساطة
اوعي تغيبي الله يكرمك لحسن انا بحب اقرا لحضرتك
اطمنك جدا ان الريس امبارح وقع على خفض الجمارك على الرز والزيت والزبدة وهينخفضوا عشرة في المية
والطماطم بقت ب3جنيه ونص
تفائلي بقى علشان انا متفائلة
عااااااااااااااااااااا عاااا عاا
تحياتي

Ma 3lina يقول...

نفس القصة هنا

و برده لسه مغيرة التمبليت يمكن

محمد فوزي يقول...

نيو لوك جميل
وبوست جميل وحاله من الاحساس بالرغبه في تغيير السىءفي كل شىء التي تدفع الى عدم فعل اي شىء وهي حاله منتشره على فكره.
بمناسبة الدكتور والمندوب , ولأني اشتغلت قبل كده مندوب وفي شركه عالميه فأنا عارف كويس ان المساله عند كتير من الدكاتره مسألة بزنس ولأني مبعرفش أرشى وماليش في البزنس قررت أسيب الشغلانه دي واروح الصيدليه وفي الصيدليه عشان تنجح لو انت صاحبها او عشان يرضى عنك صاحبها لازم الأمور يكون فيها كثير من البزنس فحاليا انا بفكر اسيب الصيدليه وافتح كشك جرايد !!!!!!

محمد عبد الغفار يقول...

وها انت قد كتبتيه

اعتقد انك فى طور الحرص على الموضوع المميز والأسلوب المميز والفكر المميز (وجميعهم فى الأساس مميزين بطبيعتهم عندك) رجاء الخروج منه سريعاً والكتابه دون حرص

اما الطماطم فبقت بأربعة ونص سعادتك

MerMaid يقول...

هههههههههههههههههههه

والله ده احلي بوست طلعتي بيه من الفوضي دي كلها

تحياتي ووحشتيني جدا جدا

A.SAMIR يقول...

هو دة كله كنتي لسة بتدوري على بوست تكتبيه؟
واديكي كتبتي بوست 10 في 1
على فكرة
بما ان كل يغني على ليلاه اسمحي لي اوضح لك ان مندوب الدعاية من حقه يشوف شغله بس الطبيب هو اللي مش من حقه يبيع مرضاه
مفيش تعارض ابدا بين الدعاية ومصلحة المريض انما الوسيط الا وهو الطبيب هو اللي قد يشوه العلاقة دي
تحياتي واحتراماتي

خمسة فضفضة يقول...

السلام عليكم ورحمة الله وبركاته

د/ اجدع بنوته
ايوه بالله عليكِ ادعيلي احسن الحاله متأزمه اوي ....ههههههه

--------------

فرنسا هانم الجميله

يانهار ابيض مش كويس ازاي ، تفتكري هاحتاج دكتور نفساني ؟؟؟

-------------------

احمد منتصر

لا لسه ما وصلتش للدرجه دي الحمد لله

------------------

عاشقة الفردوس

ربنا يخليكي يا قمر

دا وباء وماشي في البلد بقي ربنا يسترها معانا اجمعين

------------------

بطوط حبوب

الله يبارك فيك
آمين يسمع من بقك ربنا
كل سنة وانت طيب



منورني جميعا ربنا ما يحرمنيش منكوا

خمسة فضفضة يقول...

السلام عليكم ورحمة الله وبركاته

طال الليل

للاسف لاننا فعلا جوه الوسط عارفين كل المصايب اللي بتحصل
اللي انت بتقوله ده مظبوط جدا وماخفي كان اعظم
ربنا يعديها علي خير

---------

بثبوثه

الدماغ ساعتها بتبقي عامله زي درج ماليان حاجات اشكال والوان مكركبه فوق بعض لدرجة انك ما تقدريش تطلعي منه اللي انتِ عاوزاه

بيقولوا الطماطم بقت باربعه ونص
ربنا يستر

---------------

الطائر الحزين

تاني حد عنده نفس الحاله ، اطالب وزير الصحه باستيراد المصل اللازم للقضاء عليها
بس ياريت مايكونش مضروب
:-)

وكمان مافيش بطاقه ...إنتخابية
هو كلنا مضربين ولا ايه

---------------------

allfollowsome

للاسف عارفه كويس ان ده بيحصل واكتر منه كمان ونسبه كبيره جدا من الصيادله بتبزنس علي العيان بس ساعات بتحصل حاجات من دكتور معين تخليك خلاص مش طايقه
تخيل لما واحد يروحله بيشكي من صداع يعمله سونار علي بطنه بس علشان يلم تمن الجهاز
لما يكون في دوا شركته نفسها تقول لو سبب كحه كعرض جانبي يتوقف فورا وهو مصمم ان العيان يستخدمه بالرغم من الكحه المستمره من 6 شهور
لما يبيع العينات اللي اصلا فيها نص كمية الدوا للعيانين في عيادته بسعر الادويه الكامله وغيرها وغيرها حاجات خلتني عاوزه اروحله اديه بالبوكس وامشي

بصراحه الواحد بقاله فوق ال11 سنه في المهنه شاف العجب
ربنا يعافينا

---------------

عاشقة النقاب

وعليكم السلام ورحمةالله وبركاته

الله يبارك فيكِ

الله يكرمك لا تميز ولا حاجه انا بس كتبت اللي بقالي 3 ايام مش عارفه اكتب عنه وانه بقي اختاروا اللي يعجبكم

ايوه قريت الاخبار دي بس ربنا يسهل وتتحقق ونحس بتأثيرها علي الاسعار

وخالينا متفائلين للنهايه


منورني جميعا

خمسة فضفضة يقول...

السلام عليكم ورحمة الله وبركاته

د/ مرام

برضو ، بقينا اربعه لا ما ينفعش كده

مبروك النيو لوك

------------------

محمد فوزي

شكرا علي ذوقك
عندك حق الواحد بيقعد يوقل هاعمل كذا واغير كذا وفي الآخر مش بيعمل اي حاجه ، ربنا يعديها علي خير

بالنسبة للصيدليه لا ممكن جدا تبقي صيدلي بتحترم نفسك ومهنتك بس علي شرط بدل ما تكسب 200 % بالادويه المحروقه وادوية تجار الشنطه والمتهربه من التامين وغيره
ممكن تكسب بس 20 % وهاتبقي برضو الحمد لله العيشه تمام التمام ومن غير بزنسه
اعتقد ان اللي بيعملوا كده نسبه بسيطه جدا لا تتجاوز واحد علي الالف من الصيادله

ربنا يهدينا ويهدي الجميع

---------------------

محمد عبد الغفار

ايوه فعلا انا في الطور ده ، ادعيله اخرج منه بقي

بالنسبه للطماطم هل تعتقد انها هاتعدي الخمسه جنيه ؟؟؟

----------------

عروس البحر الجميله

ربنا يخليكِ يا قمر وانتِ كمان وحشتيني اوي

منورني جميعا

Bongo يقول...

ربنا يوفقك في رحلة البحث عن البوست :D

و صحيح
مبروك الtemplate الجديد , لذيذ جداا

خمسة فضفضة يقول...

السلام عليم ورحمة الله وبركاته

د/ احمد سمير

ايوه كلامك ده يبقي صحيح لو ان مندوب الدعايه مش بيبزنس علي الادويه بتاعته بطريقه شبيهه بالرشوه ، يعني لما يقولوا لدكتور ليك دولار علي كل علبة دوا تتصرف من الصيدليه الفلانيه ، او بعد عدد معين ليك جنيه دهب
ولا يطلعوه رحله باريس هوه والعيله او حتي الغردقه
ولما تبقي الهدايه مش مجرد بلوك نوت او عينات ادويه وتتعدي كده بكتير لتلاجه او تليفيزيون او كمبيوتر
كل ده بيغري الدكاته عديمي الضمير ويخليهم يكتبوا ادويه مالهاش لازمه لا وكمان يوجهوا المريض لصيدليات معينه

عارفه كويس اوي ان فيه لسه شركات محترمه مش بتمارس اسلوب الرشوه ده مع الدكاتره لان زوجي مدير منطقه في شركه محترمه مش بتتبع الاسلوب ده واي دكتور بيحاول يطلب منهم حاجه اكتر من عينات ادويه مش بيجيبوهاله ، وده لانهم واثقين في الادويه بتاعتهم وعارفين انهامش محتاجه رشوه عشان تمشي
مش زي اللي بيعملوا العلب تحت السلم ومش بتكلفهم حاجه وبعدين يبيعوها ب30 واربعين جنيه

بس للاسف النوع ده من الشركات قليل جدا ونادر انك تلاقي شركه محترمه الا من رحم ربي

منورني يارب دايما

خمسة فضفضة يقول...

السلام عليكم ورحمة الله وبركاته

Bongo

آمين يارب العالمين

ربنا يخليك و شكرا علي ذوقك

فراشة يقول...

السلام عليكم
سورى يا خمسة بس كنت واخدة اجازة امبارح ولسه فاتحه المدونة بتاعتك حالا فوجئت بالتغيير طب مش تقوليلي انك عاوزه تغيري كنت هقولك على اشكال حلوة يالا بس ده برضه تامبلت حلو اوى رقيق زيك
اما بقي عن الافكار الكتيير اللي ماليه دماغ الواحد فده مالوش حل غير انك ياما تستنى شويه لحد ما الدماغ تتظبط والافكار تهدى يا اما تعملي زيي وتكتبي عن اى حاجه دلوقتى لحد ما الالهام يجي .
اقدحي زناد فكرك شويه ده ايه ده يا اخواتى اقدحي؟؟؟

مهندس مصري يقول...

مش عارف بس أنا مستغرب النيو لوك

حأحتاج فترة علشان أتعود عليه

بس بوست كويس والله و معبر عن حاجات كتير كلنا حاسينها

و بعد اذن حضرتك بصي على الفيديو في آخر بوست عندي
:)
سلام عليكم

آفاق الحرية يقول...

,السلام عليكم
والله اكتبي في اي حاجة المهم اننا نقرأ لحضرتك اي حاجة
اي حاجة من حضرتك ان شاء الله هنستفيد منها
تحياتي

السـيد شبـل يقول...

اعتقد انك كتبتى تدوينه جميله للغايه

هذ الكلمه جيده جدا
من الوطني للمعارضه ياقلبي لا تحزن

هذه هى الحقيقه

تمنياتى بالتوفيق

monaliza يقول...

انتى قلتى كل حاجة خلاص ماتدوريش

عصفور المدينة يقول...

على فكرة أنت متمكنة في فن القصة القصيرة

راااائع أجمل بوست قرأته منذ فترة طويلة

mohand يقول...

كللللللللللل ده ومش عارفه تكتبي عن ايه


لاء كفايه اللي كتبتيه يا ستي

دا كفيل انه يرفع ضغطك

خدي هدنه

3abratalsabeel يقول...

ضرب
عجن
خبز

-------------
فى الاخر بنطلع قفانا يعمر عيش

ربنا يسترها علينا

صاحب المضيفة يقول...

وانا منذ فترة

انتظر الفينة تلو الفينة لأكتب ما تحمله نفسي فلا أستطيع


كلنا هذا الرجل


ربنا يكرمك على يومياتك البسيطة والسريعة


تحياتي

مصر تاني يقول...

مش خربانة اووي ولا حاجة بس ده نص الكباية الفاضي عايز دليل ان لسه في امل كبير لفي في المدونات وشوفي اعداد الشباب والبنات المحترمين الي بيحاولوا قد ايه
هتلاقي العملية فيها كتير بس الشر دايما صوته احلا واسف في التعبير
منظر الزبالة بيظهر اكتر من منظر الورد

الراقص مع الذئاب يقول...

السلام عليكم
ازيك يا دكتورة
كل دا ومش عارفة تكتبي

قبل ما اتخرج من كلية ضباط الاحتياط الشهر اللي قبل اللي فات كنت برجع مش لاقي حاجة اكتبها
كنت بتضايق اوي
هو انا خلاص بطلت افكر ....ولما كنت بفتح المواضيع القديمة كنت بلاقي نفسي كاتب حجات كتيرة اوي ورغي كتير
كنت مستغرب
وقلت ان الجيش والشمس اللي كانت بتضرب في دماغي طول اليوم بوظوني ومعدتش نافع خلاص

دلوقتي بقيت بفتح الصفحة الاقي الف فكرة وفكرة والف موضوع يتكتب فيهم
لدرجة اني فتحت مدونة تانية


وقلت يارتني معرفت اكتب تاني
اهو الجهل بالمصايب والازمات احسن بكتير من العيشة فيها
وحبسة الكلية والانقطاع عن العالم الخارجي احسن بكتير من معايشة الهموم

ربنا يسترها معانا

HelSiNg يقول...

السلام عليكم

مش عارف اقول ايه

كل اما اجى اقول حاجة

الاقيها موجودة فى تعليقات اللى قبلى

عل العموم انا اول مرة فى مدونتك

عجبتنى جدا ما شاء الله

الجملة دى جامدة جداااااا

"آه لو كان تغيير كل شئ بنفس سهولة تغيير التمبلت ، اكيد الدنيا كانت هاتبقي بمبي"

•√أريـ السمر ـج√• يقول...

بوست جميل جدا ..

واضح ان رحلة البحث كانت مثمرة جدا

دمتي بكل خير

Jana يقول...

انا شايفة ان رحلتك من الصيدلية للتوك توك لبحثك فى المعجم كان احلى بوست ..
انا كنت عامة صلصة كتير قبل الطماطم ما تغلى ...لو حابة ابعتلك بالدى اتش ال
:)
وصفك لليوم كان رائع
والتيمبليت الجديد لونه يوحى بالتفاؤل
واللى احنا محتاجينه بشدة

صبرني يارب يقول...

انتى من بلدنا ولا ايه ؟؟؟

اصل النشره دي جاتنى برضه وكان ناقص يحطوا فيهاصوره واسم رجب البلطجي ( المشرف )بتاع الموقف الى فى شارعنا .
حاجه تقرف وتحسي انها مقصوده من قيادتهم الى انا شاكه فيهم وفى صدق نواياهم اصلا او على الاقل فى الوسيله الى بيحاولوا يحقووا بها غايتهم .

والطماطم عندنا باربعه جنيه برضه على فكره بس الرز يا اختي ب 3ونص مش 2 ونص .

وبالمناسبه فى حكاية الدكاتره انتى عارفه انا شايله منهم اد ايه .
مش تفتحينى بقى اصل مش هاتقفل .
خربانه خربانه

آلام وآمال يقول...

اللي شد انتباهي في البوست المركب ده بقى يا دكتورة انك بتشتكي من الانترنت اكسبلورر
طب انا عندي فكرة انك بتستخدمي الفايرفوكس
او ربما التامبلبت بتتعامل مع الاكسبلورر على انه الافتراضي

عموما يعني انا عامل موضوع عن متصفح رائع في مدونة عالم الكمبيوتر
اتمنى تشرفيه كده وتجربيه

----
حضرتك عندك اضافة غريبة على المدونة وكلمتك عليها من زماااان اوي لأنها غايظاني بصراحة
البتاعة اللي بتطلع اول ما احط الماوس على اي لينك دي
اسمها سناب تقريبا

ممكن حضرتك تقوليلي ايه مميزاتها
يمكن تايهة عني ولا حاجة؟ D:

انا اسف اني بتدخل في شئون المدونة الخاصة D:
بس بجد بتعصبني اوي البتاعة دي :(

koukawy يقول...

الظاهرانها حاله عامه من التشتيت الداخلي اللي بتخلي الواحد يحس انه في غيبوبه .....انا الأيام بتعدي عليه زي متكون حلم مش عارفه انا نايم و لا صاحيه بجد احساسي عجيب و ده اختلاط لكل انواعالمشاكل الشخصيه و العامه و كله علي بعضه
اهه الواحد هيقوا ايه غير
الحمدلله

شاب نفسة يحقق حلمة يقول...

هي الدنيا كده
بس علي فكرة الاضراب ملوش لازمة من وجهة نظري المتواضعة وعيش القوات المسلحة ميختلفش كتير عن العيش العادي
والدنيا خربانة
ده بقي العادي بتاع مصر

مطرح ما ترسى....دقلها يقول...

اكتبى عن مجدى علام اللى تفاخر انه غير دينه

او عن الاضراب بكرة

او عنى
:P

على فكرة انا موضوع جامد قوى للكتاب انهم يكتبوا عنى

تحياتى

صيدلانيه طالعه نازله يقول...

اهلا يا زميله احب اقولك ان نفس الاحساس كان عندى النهاردهومن 3 ايام فاتت لدرجه انى كنت حكتب عن محمد منير
لانه احسن واحد يعبر عن الحاله اللى جوانا كلنا حاليا و هى حاله غضب مكتوم من حاجات كتيره اولها الطماطم اللى بقت بخمسه جنيه

Ahmed Al-Sabbagh يقول...



اولا مبروك على الاستايل الجديد

وده على فكرة الذ جدا

وبوست جامد ومدونتك ماشاء الله فى تقدم ملحوظ

وكل سنة وانتى ومدونتك طيبة

ولو انها جت متأخرة

وعلى فكرة انتى ايضا من اعز اصدقائى التدوينين اللى بعتز بمعرفتهم جدا

واخيرا بقى بمناسبة الاضراب اهديكى البؤين دول


أنا ليه هعمل الاضراب ؟؟


لما الفســـاد وقــّـفوه حـارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما البشر والحجر
ووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبير
قالوا كفاية مش عايزينــة
كفاية علينا حكم سنين
تخرج الواحـــــد من دينـه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم

تحياتى
أحمد الصباغ


أنسانة-شوية وشوية يقول...

شكل التمبليت جميل مبروك التغير وعقبال باقي التغير ان شاء الله.
حالك ميفرقش كتير عن كلنا لان المواضيع كتيرة وتلاقي الواحد طول اليوم يفتح بقه ويقفله اصله هيقول ايه ولا ايه واهو بردة ميصحش نجيب في سيرة الناس ولاد الايه
خلتينى اجيب مختار الصحاح من المكتبة علشان ادور علي الخبر مفكرتش فيه قبل كده

Doba يقول...

يااااااااااااه
كل ده ومش لاقيه موضوع للبوست

عارفة انا كتير قوى بالليل اقول اول مروح الشغل الصبح هكتب عن كذا وارجع واقول انا هكتب ليه ملهوش لزوم بلا وجع دماغ

بتبقى حاجات كتير ملخبطة جوايا وبيبقى نفسى اكتبها وتانى يوم اجى ادخل بين كلماتكم واعيش

دورى على حاجة تفرحك فى وسك كل القرف ده لان هو ده الاهم - احنا محتاجيين دفعة لقدام

السلام ختام
هبة

عبدٌ من عباد الله يقول...

مش مهم انك تكتبى
المهم انك عندما تكتبين
تكتبين ما يفيدك و من حولك

بنت القمر يقول...

شفي يا دكتور احيانا اكون لسه منزله بوست وفجأه تنط فكرة في دماغي اقوم اكتبها في كراسه بسيلك كده عشان حاله القحط اللي بتحصل خاطرة اة قصه اوموقف
لما البوست ياخد وقته اختار من الكراسه
يعني غالبا برضه ممكن اغير رأيي في اخر وقت متشغليش بالك
بكرة الطاسه تعمر تاني بس جربي حكايه الكراسه
****************
خبز في المعجم فلها معاني عدة اصدم عندما اجد من ضمنها : ضرب

فخَبزه .... يخبزه ..... خَبزاً : أى ضربه... يضربه ..... ضرباً !!!!!!
*********************
الحته دي مت من الضحك عليها
((:
اشكرك علي منحي ابتسامه
سلمي علي بثينه وقوليلها
الطماطم ب تلاته ونص
لكن الفاصوليا باربعه الاربع و الكوسه باتنين ونص
افرحوا بقا بالخضار شوفوا ها تطبخوه بطماطم ازاي؟؟
)))):
تحياتي

محمد فوزي آل ربيع يقول...

أقترح كباية قرفة لتهدأ أعصابك و من ثم تشيلي الإكس بي و الإكسبلورر العقيم لتستبدليهما بلينكس أوبونتو و متصفحه العظيم فايرفوكس و هكذا نكون قد حللنا نصف المشكلة و يتبقى مشكلة بسيطة و هي غلاء الأسعار و دي حكومتنا الرشيدة و الحمد لله بتحاول تحلها بكل ما أوتيت من قوة و عزم))=لا يا شيخ؟

و يقال ف الأثر: سكتنالو دخل بحصانو

deja vu يقول...

عذراً على اقتحام المدونة هكذا لكن كما يقال "للضرورة أحكام"

في حملة فردية أقوم بالمساهمة على نشر وتوزيع فيلم "المُفتِنون" الذي يرد على الفيلم الهولندي "فتنة" ، بإرسال الرابط التالي لكل الداتا لدي من مواقع ومدونات وبريد

أرجو منكم – بعد المشاهدة - المساهمة معي في نشره من خلال قائمتكم أيضاً

شكرا لكم

Sorry for this sudden entrance in here but as said "necessity has its laws"

In a "singular" campaign I am making now to defend against the anti-islam Dutch short movie "Fitna", siting to every possible link and address

I wish that you be part of it by watching and forwarding the link below to all yours as possible, too

Thank you every one

http://dejavupress.blogspot.com/2008/03/blog-post_31.html

mostafarayan يقول...

اكيد يعني حوالينا حاجات كتير تحتاج للكتابة عنها حكي انتي بس المصباح والخادم هيطلع وهتكتبي علي طول

الفاتح الجعفري يقول...

السلام عليكم
ربنا يبارك في حضرتك ,بوست رائع فعلا وطالع من القلب ,واجمل شيء الكلام التلقائي ,بس بشكل عام الاضراب شيء كويس جدا وبدايه للتغير وعدم الخنوع والسكوت
يقول الله عزوجل (لايغير الله مابقوم حتي يغيروا مابأنفسهم)
وده نوع من بداية التغير ربنا ييسر
جزاكم الله كل خير

خبيب يقول...

لطالما أُعجبت بفكرة كتابة موضوع عن أنني لا أملك موضوعا ..

وهذه التدوينة - اللي تحوي في الواقع عشرات المواضيع في لمجات سريعة للتذكرة دون حاجة إلى كثرة الكلام ( فكلنا نعرف ما يحصل أصلا !! ) - نموذج رائع لذلك

أحييك عليها

---

دمت بخير

Soooo يقول...

احترتي
وفكرتي بصوت عالي
وكتبتي حاجات كتير
وكلها في الصميم
وفعلا
الدنيا خربانه




سلامووووووووووووز

zordeak يقول...

الظاهر ان الدنيا خربانة فعلا

فى مصر بالذات

:(

خمسة فضفضة يقول...

السلام عليكم ورحمة الله وبركاته

فراشة
احنا فيها يا ست الكل قوليلي انت بس ومايهمكيش مافيش اسهل من تغيير التمبلت

واديني عماله اقدح في الزناد لحد ماخلاص قرب يبقي فحمه
:-)

منوراني

-----------

مهندس مصري

والله وانا كمان وشكلي كده هاغيره تاني قريب
ههههه
شفت الفيديو وسبتلك تعليقي

سلام

--------------

آفاق الحريه

ربنا يخليك دا من ذوقك
منورني
--------------

السيد شبل
شكرا ربنا يخليك ، فعلا انا شايفه كده انه مافيش فايده سواء وطني ولا معارضه ولا اخوان مافيش فرق كلهم زي بعض ولو اختلفت المسميات
شكرا علي ذوقك منورني
-------------
موناليزا

خلاص طالما انتِ شايفه كده
سلام يا قمر

----------------
باشمهندس عصفور

ربنا يخليك يا فندم ، مش للدرجه دي ممكن تقول باعرف احكي كويس بس مش اكتر

منورني ويارب دايما

-----------------

مهند

ومن شر حاسد اذا حسد
هههههههههههههه

اديني واخده هدنه اهه لما نشوف اخرتها

سلام

Sherif يقول...

ربما كانت هذه أول مرة أدخل مدونتك

جريئة جميلة .. لاتحتارى كثيرا .. واكتبى عن أى موقف يطرأ ببالك .. فقط اختارى بدقة ماذا تريدى ان تقولى عنه ..

حكاية .. وهنا ستعتمدى على قوة اسلوبك وجاذبيته فى القصص والسيناريو

الحكمة من موقف ما .. وهذا يحتاج لرؤية ما هو خلف الكواليس .. ماهو ابعد من الحكى

الاستمتاع وامتاع الأخير بنسيج حلو فيه مهارة الصور التعبيرية ..

الاختيار سهل .. أما الهدف من ورائه فهذا هو الصعب قليلا

nigro يقول...

السلام عليكم
اسمحيلي أولاً أن أحييكي على التناغم التام و الإنسجام بين الفصحى عندك و العامية
فأنا أحياناً ما ابتعد عنها لإعتقادي في ثقلها على الآذان..إلا أنك قد أثبتِ لي عكس اعتقادي تماماً
بجد يا دكتورة أنا حسيت إن البوست بيتسرسب مني بسرعة جداً لسلاسة الأسلوب
توقفت كثيراً عند هذا الغير آدمي الملقب زيفاً بين الناس بالدكتور..لا أدري ماهيته فهو لا يملك قلب أو عقل أو ضمير
لله الأمر من قبل و من بعد
بالنسبة لباقي البوست
هذه هي مصر
لنا الله و لكِ يا مصر
وفقكِ الله في رحتلكِ و هداكِ إلى بُغيتكِ

سلام مؤقت

son's egypt يقول...

اللسام عليكم
احيانا فعلا الواحد بيكون عاوز يكتب
لس لما يجي يسمسك الورقة والقلم يفاجي انه مش عارف يكتب ايه بالضبط
علي الرغم من الافكار كتيرة في دماغة
ولكن ممكن تكون حالة منؤقته بتيجي للواحد وبعدين بتروح

ayman badr يقول...

آمين يا د/ بطوط وعند حق مفيش كلام يتقال بعد كده البوست جميل ورائع

ayman badr يقول...

بس ليه تحفظ على الإعلان المثير اللى بيظهر فى جانب الصفحة الأيسر يا ريت تحاولى تشيليه

Mohamed Hamdy يقول...

بجد تحفه
لخصتى حال البلد فى كام كلمه

انتى عندك عقل صيدلانيه وقلم زى مشرط الجراح

تحياتى

المستنصر بالله يقول...

بس ااعتقد ان حضرتك كتبتى عن كل حاجه تقريبا فى البوست دة
وعبرتى عنما بداخلك بطريقه غير مباشرة
هكذا عندما تتزاحم الافكار يقف المخ عن التفكير
مدونه حضرتك جميله

وماله يقول...

بقالك 3سنين مش عارفة تكتبي وماله يابنتي بكرة تفرج ربنا يوفقك في بوست قادر ياكريم

أنونيمس يقول...

كلنا نبحث عن فكره

المهم ان تجدنا هذه الفكره

قلبتي علينا المواجع
:)

هبههههووب يقول...

كل الموضوعات الى اتكلمتى فيها حيويه ومهمة
اكتبى كل يوم موضوع من الموضوعات دى وخرجى كل الى جواكى
انا بعتبر المدونه دى مكان مفتوح يسمح بالكتير من الحريه والفضفضة وف النهاية الارتياح
المهم نقول كل الى جوانا ...هى دا مساحتنا من الحريه الى بينتجول فيها
من خنقه الحياة
ربنا يلطف بينا
الحمد لله

صالح سعيد يقول...

بقى بعد ده كله يا دكتوره تقولى اكتب ايه
منتى قلتى كل حاجه اهو
ومعاكى حق فى الاغنيه الشعبيه السياسيه اللى سمعتيها
الدنيا خربانه
والناس زعلانه
والحكومه مش دريانه
هههههههههههههه
مش هى دى الاغنيه ولا ده العقل الباطن؟؟؟؟؟؟؟؟

ياقوت يقول...

الله
البلوج مش بطال
وأقول لك لاتترددى فى الكتابة
اسلوبك سهل ومريج للقارء


محتاجة شوية تركيز
وترتيب خطوات


وأنصحك بأن تقراى أكتر متكتبى
وتهتمى بشكل البلوج


سعيد جدا
بدخولى


والسلام

خمسة فضفضة يقول...

السلام عليكم ورحمة الله وبركاته

عابرة سبيل

ايوه يارب يستورها علينا اصل خلاص احنا ماعدناش مستحملين ضرب اكتر من كده

---------------

صاحب المضيفة

الله يكرمك ، من الواضح انها حاله عامه
ربنا يفرجها علينا اجمعين

-------------
مصر تاني

مش خربانه اوي ، بس علي وشك انها تبقي كده
والامل الوحيد الباقي هما الشباب والبنات دول اللي زي الفل

---------------

ابو صابر الراقص مع الذئاب

عقبالنا يارب لما نلاقي الف فكره زيك كده

اللهم لا قر ولا حسد :-)
عندك حق التواصل مع الدنيا والخروج والدخول ده لوحده بيقي ليه دور كبير اوي في تنمية الافكار
بالنسبة لي يومي منحصر في الصيدليه وبس ومش اخرج براها الا عشان اروح السوق وارجع جري علي البيت
يمكن يكون ده السبب

---------------------

اريج السمر

شكرا علي ذوقك

منوراني

------------------

jana

ربنا يخليكِ يا قمر
انا كمان بعمل الطماطم في الموسم بتاعها بس برضو مش بتغني عن الطماطم الطازه للسلطه والمكرونه اللي بيبقي طعمها مش حلو بطماطم الفريزر

كويس ان التمبلت عاجبك بس مش عارفه ليه لسه مش مستسيغاه اوي وممكن اغيره

نورتيني
--------------


صبرني يا رب
لا من بلد قريبه اوي منكم ، بس يا ستتي لو لفيتي مصر كلها هاتلاقي الحال زي بعضه واكنه نسخه بكربون

بالنسبه للرز هو كان باربعه جنيه بس بتوع الامن نزلوا علي السوق واجبروا التجار انهم يبيعوا ب2.5 وطول ماهما موجودين كل حاجه تمام وبعدين لما مشيوا رجعت ريما لعادتها القديمه

ربنا يصبرك ويصبرني علي الدكاتره واللي بيعملوه في العيانين ، و يجازي كل حد ماعندوش ضمير


منورني جميعا

خمسة فضفضة يقول...

السلام عليكم ورحمة الله وبركاته

آلام وآمال
ربنا يخليك يا محمود
مش باستخدم الاكسبلورر من فتره طويله جدا ومعتمده تماما علي الفاير فوكس ، بس لما باختار تمبلت جديد براعي انه يتناسب مع الاتنين علي اساس ان في ناس لسه مش بتستخدم الا ال ie
وعلي فكره في تمبلتات كتير اوي مش بتتناسب معاه مع انها بتبقي تحفه

وبالنسبه لل Avant استخدمته فعلا لفتره وكان ممتاز بس استريحت اكتر مع الفاير فوكس
----
الساناب شوت لسه عملالك قلق عشان خاطرك هافكر في اني اشيلها

------------------------

كوكو الكميل

الحمد لله طبعا علي كل حال

يمكن حاله التشتت العامه الموجوده حوالينا هي السبب
ربنا يعينا علي التركيز
نورتيني ايه آخر اخبار كوكو مش هانسمع عنه قريب ؟؟؟

---------------

شاب نفسه يحقق حلمه

دا كان رايي برضو في الاضراب ، اما عيش القوات المسلحه سمعت عنه بس ماشفتوش الا في التليفيزيون

والدنيا خلاص قريت تخرب بجد

منورني

------------------

مطرح ماترسي دقلها

طبعا يا فندم بس هو احنا نيجي ايه جمب حضرتك وازاي نجروأ اننا نكتب عن حضرتك
هههههههههههههه

منورني

--------------------------

صيدلانيه طالعه نازله

يا اهلا بزمايل الكفاح
هي الطماطم عندكم وصلت لخمسه ،ربنا يستر
منوراني

--------------------------

احمد الصباغ

ازيك يا خال
اهلا بيك في اول زياره ليا ويارب دايما تنورنتي كده

انا كمان باعتز بمعرفه شخصيه محترمه زيك يا خال ، متشكرين علي الكلام الجامد اوي ده بجد انت موهوب

سلامي للمخاليل واحد واحد

--------------------

انسانة شوية شوية

متشكرين يا قمر
فعلا هي دي المشكله من كتر اللي بيحصل مش بتبقي عارفه تقولي ايه ولا ايه

منوراني

---------------

دوبا
هبه الجيمله
بتحصلي الحاله دي كتير ، اقرر اكتب عن حاجه وساعات ابدا فيها فعلا ، وبعدين اقول بلاش هيافه وارجع في كلامي وماكتبش حاجه

هادور علي اي حاجه تفرح عشان فعلا محتاجين حلجه ترفعلنا الروح المعنويه شويه

منوراني يا قمر

-----------------

عبد من عباد الله

صح هو ده المهم

منورني

خمسة فضفضة يقول...

السلام عليكم ورحمة الله وبركاته

بنت القمر

احيانا بيحصلي كده ،اقوم اكتب عن الفكره دي في الدرافت ، بس ارجع اقول ايه الهيافه دي او الاقي حاجه اهم وماكتبش عنها حاجه ، او مثلا الاقي الاسلوب مش هاعرف اطلعه حلو فامكتبش خالص

*****
ربنا يفرحك كمان وكمان يارب بجد فرحت اوي اني كنت سبب في انك تضحكي حتي ولو للحظات قليله

بالنسبة للطبيخ ممكن تعملي سبانخ باتنين الا ربع او بطاطس بجنيه وربع
او حتي قلقاس من ابو تلاته جنيه بس مش محتاج طماطم
:-)
هانعمل ايه بس يا قمر يعني هي جت علي الطماطم ما كل حاجه بقت مولعه
ربنا يعديها علي خير

-------------------------

محمد فوزي

عندي لينيكس بس مش باستخدجمها كتير لسه مش متعوده اوي عليها
بس باستخدم الفاير فوكس
المشكله مش فيا ، انا اقصد الناس اللي لسه بيستخدموه
ياريت تقرا ردي علي آلام ,آمال

انت كمان يا محمد هاتحرف في الاثر ماكانش حصان دا كان حمار ولا مواخذه
هههههههههههه

منورني

-----------------------
dja vu

جزاك الله خير وان شاء الله اساعد في نشره علي اد ماقدر


-----------------

مصطفي ريان
المشكله ان الخادم اليومين دول واخد اجازته السنويه ومبلغ فرار ومش نالوي يرجع دلوقت ، قلي بقي اعمل ايه
:-)

منورني

--------------------

الفاتح الجعفري

ربنا يخليك دا من ذوقك
بس رايي ان اللي حصل في الاضراب ده مش هايغير اي حاجه
وزي ما ربنا بيقول التغيير لازم يجي من جوانا احنا الاول بمعني اللي بيسرق ويرتشي يبطل يعمل كده اللي بيكسر اشارة مرور يبطل واللي بيزوغ من شغله يبطل واللي زيي كده ماعندوش بطاقهانتخابيه ومش بيشارك بصوته في اي حاجه يحاول يتغير
وغيرها من الحاجات اللي لو اتصلحت فينا اكيد ربنا هايدلنا علي اول طريق الاصلاح اللي بعد هاتبقي بلدنا جنه ان شاء الله

-----------------

خبيب

شكرا علي ذوقك واهلا بيك اول مره هنا ويارب دايما علي طول

وزي مافلت قبل كده يمكن من كتر الموضوعات مش بنبقي عارفين نكتب عن ايه بالظبط

ربنا يوفقك في الامتحانات

سلام

------------
سوووووووووو
اخيرا هنا
ايه الخطوه العزيزه دي مش كنت تقول نفرشلك الارض رمل


منور

-------------------

زورداك
د/ احمد فؤاد
مش في مصر بس هي قربت تخرب في بلاد العرب جميعا

ربنا يستر

منورني

خمسة فضفضة يقول...

السلام عليكم ورحمة الله وبركاته

شريف

ربنا يكرمك ايه كل الكلام الجميل ده ، اخجلتم تواضعنا
يمكن اكون باعرف احكي كويس بس زي ما قلت الحكي واحدهمش كفايه
كمان ساعات باحس ان الموضوعات متداخله مع بعض ومحتاره اكتب عن ايه ويكون كتابتي عنه هاتزود حاجه للي هايقرا
ومش مجرد اني هازود عدد اللي اتكلموا عن نفس الموضوع واحد

منورني ويارب دايما

-----------

نيجرو

اخباركم ايه في المحله ، اعتقد ان الامور بدات تهدأ شوية
متشكرين يا فندم علي الكلام الجامد ده اللي ماستاهلوش

بالنسبة للدكاتره فالعينه دي موجود منها كتير منهم لله

-------------
son's egypt

يارب تكون حاله مؤقته

منورني

خمسة فضفضة يقول...

السلام عليكم ورحمة الله وبركاته

ايمن بدر

شكرا علي ذوقك
بالنسبه للاعلان ده مش بيبقي من عندي والله ، انا اصلا مش حاطه اعلانات علي المدونه دا بيبقي اعلان متطفل بيجي لما تفتح المدونات ومش بيقي عندي بس لا دا في معظهما
تقريبا بيبقي SPAM
وفيه برامج بتساعد علي منع وجوده
----------------

محمد حمدي

ربنا يخليك ، ايه كل الكلام الجميل ده اخجلتم تواضعنا ، وانا اجي جمب كتاباتك الجميله ايه بس

منورني ويارب دايما

----------

المستنصر بالله

لسه في حاجات كتير اوي ممكن ينكتب عنها بس للاسف الكلمات مش بتسعف الواحد

شكرا علي ذوقك

------------------
وماله

يارب ادعيلي

---------------

انونيمس

آسفه علي تقليب المواجع

بس دي بلدنا هانعمل فيها ايه ربنا يعينا علي تحويلها للاجمل

------------

هبههههووب

ايوه المهم نقول اللي جوانا بحريه من غير ضغوط

وربنا يلطف يارب

منوراني

---------------

صالح السعيد

ايوه طبعا هي دي هو حد يقدر يقول اسعادتك حاجه انت تقول اللي تحبه وقت ما انت عاوز
:-)

منورني
---------------

ياقوت


متشكرين علي نصائحك الجميله اوي دي واللي هاكون حطاها ان شاء الله دايما قدام عنيا وانا باكتب اي حاجه جديده

وبالنسبه لشكل البلوج فعلا محتاجه اهتم بيه شويه ومش عارفه ليه التمبلت الجديد ده مش عاجبني ولا حاسه اني مشتريحه معاه
عموما بادور علي واحد يكون احسن وهاغيره علي طول اول ما يعجبني حاجه

منورني

القرآن الكريم