2008-04-15

هل ستعود يوما ؟؟


الثروة .... الشهره ....السلطه ...السعاده ..... الحب و الحياه في هدوء
تصبح في متناول الجميع

في جزيرة الاحلام الوردية

كل ما عليك ان تغمض جفنيك وتسلم نفسك لهذا الساحر الجميل حيث كل ما تتمناه ممكنا


اتذكر عندما كنت طفله كنت احلم واحلم ..... احلاما ورديه اغزلها في دنيا الخيال




حلمت ان انفض غبار الزمان عن رفوف الحب واعيش بمشاعري البسيطه
في دنيتي انا بلا الم ولا مشكلات



حلمت ككل البنات بفارس مغوار
اكون له وحده
يخطفني علي حصانه الابيض الي دنيا جديده ارضها مرمر وسقفها فسيفساء


حلمت بشمس دافئه تخلع الظلام عن جسد الليل وتملأ الدنيا بخيوط ذهبية


حلمت بصباح جديد اعانق فيه الدنيا وارقص علي انغام تغريد ذلك العصفور


حلمت بالقمر والنجوم قريبه سهلة المنال


ثم اختفي كل شئ بلا مقدمات لتبقي احلامي بلا شمس ولا نجوم ولا قمر ..... ليل داكن


فقط ظلام ، لا شئ الا مساحات شاسعه من العتمه اللا متناهية


و اكتشفت أني فقدت القدره علي الحلم !!!!
لا اعرف منذ متي علي وجه التحديد ؟؟؟

ولكني ضللت الطريق الي جزيرة احلامي الوردية

و غادرتني الاحلام دون وداع



ياتُري هل ستعود يوما ؟؟؟

46 comments:

مهندس مصري يقول...

أكيد ستعود
:)
قطعة أدبية رائعة

محمد عبد الغفار يقول...

احلمى زى منت عاوزه لكن لا تنسى قول الله

لقد خلقنا الأنسان فى كبد

هترتاحى

محمد فوزي يقول...

الله يكون في عون كل انسان مثالي النزعه , ده بيخليه يحلم كتير ويرسم صوره لنفسه وعالمه أقرب للكمال ثم مع مرور الوقي يكتشف ان الصور دي مش موجوده الا في احلام اليقظه فقط وان الحياه ابخل من ما هو كان متصور.
انا كمان كنت من محترفي أحلام اليقظه بس لما اكتشفت الحقيقه بقيت أحاول احلم زي زمان عشان حتى استدعي المشاعر الحلوه الاقي نفسي خلاص مش عارف احلم!
تحياتي وشكرا على هذه الحاله الشعوريه الرقيقه

صاحب المضيفة يقول...

ربما ستعود

لكن حتما ستعود


يوما ما ..........


تحياتي

بثينــــــة يقول...

هي حالة
لكن من اعتاد الحلم لا يمكنه فقدانه بهذه السهولة
هو كمون مؤقت
صدقيني
وستعودين للحلم مجددا

الحقيقة
لو لم تكوني تحلمين حتي هذه اللحظة ما تحملت الحياة بمرارتها

الشنكوتي الكبير يقول...

انتي يا بنت ليه التشائوم ده
انا البوست في اوله والصوره جمال خالص واحلام لذيذه
تقومي تخبطينا كده في النهايه

اولا الأحلام مينفعش تروح ابدا
علشان اصلا من غير حلم يبقى مفيش مستقبل
الواقع مبيتحققش اصلا الا بألحلام اللي بنسعى ليها
يعني علشان اغير بكره واحسن النهارده الصعب لازم احلم ببكره يكون اجمل
ستعود الأحلام دوما

سلااااااااااااااااااااااام

فاتيما يقول...

ياااه
يا فضفوضة
دانتى جيتى على الجرح
زمان برضو كنت زى سعادتك كدا
أحلم على كيفى و أقول بس يجيلى النفس و أحققها ....
يوم ورا يوم
سنة ورا سنة
صدمة ورا صدمة
معوقات بالهبل
لقيت أبسط أقل اتفه احلامى موش قادرة حتى أصرح بيه لحد يقولى ياااه دانتى خايبة موش عارفة حتى تعملى دا ؟
من الآخر بطلت أحلم
عشان الإحباط بقى بيعملى كرشة نفس
بعيد عنك
و بعيد عنك ليه ؟
مانتى كمان زى حالاتى
بقولك ...ماتيجى نعمل رابطة
نسميها
رابطة الأحلام المجهضة
دمتى بألف خير يا حبيبتى

الطائر الحزين يقول...

عاوز اشم رائحة مطر
فى هذه اللحظة

عاوز امشى تحته


اما الاحلام بتضيع او بتتنسى

mostafarayan يقول...

انا حاسس اني بقرأ شعر جميل
بصي احنا اللي بنصنع الأحلام واحنا اللي نقدر نحققها اما موضوع المشاكل فدي موجودة دايما حوالينا وان اختلفت درجتها
تحياتي لهذا الأسلوب الشعري الراقي

monaliza يقول...

طبعا هتعود وهتكون الاحلام اجمل من كدة بكتير

الفاتح الجعفري يقول...

الاحلام والامال هي مانحيا به ونأمله في هذه الدنيا ,وان شاء الله تعود ولكن انتي من ستعيديها لن ترجع وحدها
ربنا يبارك في حضرتك
جزاكم الله خير

Tamer Nabil يقول...

الاحلام طريق لاينتهى قد نغيب فترة لكنها تعود


ربنا يوفقك ويكرمك


تحياتى

بطوط حبوب يقول...

هل اصبحنا نحلم ان تعود الاحلام؟؟!!
لا اظن
فكما قال معرفش مين
لو بطلنا نحلم نموت
ولو لم نجد حلم سنحلم ان نجد حلم
بوست رائع تحياتى

mohand يقول...

الحلم مش مستحيل مادام تحقيقة مباح


ان شاء الله هتعود

اتمني انا ايضا

بنت القمر يقول...

في الجنه وعليكي خير
بعدعمر طويل
((((:

la3lahakhier يقول...

اذا فيها خير تعود ان شاء الله

HelSiNg يقول...

هتعود باذن الله

بس الاهم من الحلم السعي وراءه بجدية

nonoymm يقول...

ستعود طالما لا يزال قلبي ينبض
===================================
دي تكملته ايه رايك
بلاش تشاؤم ارجوكي
دة انتي شايفة الناس والحايات اللي حواليكي عاملة ازاي
الحمد لله على اللي احنا فيه
الله يريح قلبك وبالك يارب
تحية من قلبي

آلام وآمال يقول...

ايوة يا دكتورة
طول ما ايماننا بالله موجود
يبقى نقدر نصحي كل أحلامنا من جديد
-----

مبسوط جدااا ان حضرتك شيلتي ال سناب من المدونة
:))))))))))))

رينـــــــــــا يقول...

والله كلنا هذا الرجل
كلنا نتمنى وننتظر

دكتور حر يقول...

هو صحيح كأنك بتتكلمي عني

لكن برضه أنا هستهبل
وأقول مش أنا

زي ما اخوكي عبد الغفار فكرنا بالآية

وكمان افتكرت جمله بنتسلى بها مع بعضنا

هكذا الدنيا
كلما حلت أوحلت
وكلما كست أوكست
وكم من ملك وضعت له علامات
فلما علا مات

وحدووووه

وصلوا على النبي الكريم
جزيتي خيرا على التحفة الحسية والفنية

بت خيخة وأى كلام يقول...

لازم تدورى عليها يا فضفضة
ماتسبهاش تضيع منك
والطريق اللى بينك وبينها يبعد ويطول
دورى عليها تانى علشان تقدرى تعيشى فى الواقع
من غير جزيرتنا دى احنا كلنا هنضيع
متستسلميسش لضياعها يا فضفضة
صدقينى هتلاقيها
بس انت دورى عليها كويس
تحياتى ليكى
اختك خيخة

آفاق الحرية يقول...

صعب
لانه حتي مش خيال
ده ابعد من الخيال
مش عايز احبطك والله
بس هو ده الواقع
نصيحة خليكي في الواقع احسن
هههههههه
تحياتي

ojg يقول...

حلم
يااااااه
عارفه لما تتوجدي في مكان مش من حقك فيه الحلم
بصراحة،، الدنيا علمتني أكون واقعية وأخبي عن نفسي أحلامي عشان لو عرفتها بجد هزعل قوي وهتشعلق قوي وبرضو مش هحقق حاجه قوي وهتصدم قووووي
دلوقت بقيت لما اقرب خلاص احقق الحاجه او قولي تقريبا اتحققت ،، بصارح نفسي انها كانت حلم
تخيلي
ملحوظة،، بالرغم من ده عجبتني احلامك وحسيت كده والله أعلم انها فيها شبه من واحده اعرفها،، اكيد مش انا ..هه؟؟ أنا مابحلمش ياختي :)

Mohamed Hamdy يقول...

كان فى اغنيه بتعجبنى أوى لهشام عباس اسمها زمان وانا صغير . وكانت بتقول زمان وانا صغير كنت بحلم ابقى كبير .. كبر الحلم واتغير من الدنيا ومن المشاوير

ده ان دل على شىء دل على ان الانسان مينفعش يتوقف عن الحلم . هو بس احلامه بتتغير تبعا لتغير سنه وظروفه .. انا زمان كنت بحلم احلام ورديه .. النهرده احلامى بقت اكتر ماديه .. لحد ما هعجز وهيبا حلمى انى اموت باقل قدر من الألم

احنا مبنبطلش نحلم .. احنا بس بنغير احلامنا

تحياتى

مجداوية يقول...
أزال المؤلف هذا التعليق.
مجداوية يقول...

وبعد الليل يجينا النور وبعد الغيم ربيع وزهور ,,ده كلام بيرم التونسى
وكلام ربنا بيقول ان مع العسر يسرا فالعباد أدركوا من رب العباد ومما يحدث حولهم ومما حدث لمن قبلهم أن دوام الحال من المحال

أبشرى عزيزتى ستعود الاحلام وتتحقق ان شاء الله

17/04/2008 12:48:00 ص

مفقوعة مرارتي من حماتــــــــــــي يقول...

الواحدة قبل الجواز بتبقي احلامها كتيرة
لكن بعد مابتحقق الأحلام الأحلام بتيبدأ تحلم لجوزها وولادها وبتنسي نفسها

shahy يقول...

والله يادكتورة مفيش حاجة بعيدة على ربنا وعلى رأي الشاعر لأ قصدي محمد منير :لو بطلنا نحلم نموت

ان شاء الله ستعود

تحياتي

الربان يقول...

تحياتي

لو بطلنا نحلم نموت....هذه حقيقة..بمعني
ان الاحلام تدفعنا الي الانجازات و الطموحات... لكن التخلي عن اننا نحلم
يبقي سنظل جامدين من التجمد....

الفشل او الاخفاق هو ما يزيد من حلاوة النجاح...كيف نتذوق النجاح الا اذا تذوقنا مرارة الفشل...كيف سنحافظ
علي نجاحاتنا ان لم نمر باخفاقات...


أذكر حضرتك....ان رسول الله صلي الله عليه و سلم مر بظروف قاسية جدا و هو من هو عند ربه...

اصبح يتيما...و ترمل بعد وفاة السيدة خديجة و هو في اشد الحاجة اليها
وكذلك عمه ابوطالب....عمه ابو لهب وزوجته كانا اشد الناس عداوة له...

هاجمته قريش و اخرجوه من أحب بلاد الله الي نفسه...

ثقي بالله...و اتركي امرك اليه و اسندي
ظهرك اليه و استعيني به...و سترين الفرق.

تحياتي و تمنياتي بموفور السعادة لحضرتك
وللاخوة جميعا.

shahed 7ak يقول...

ده صحيح

احنا فقنا القدرة ع الحلم

جزاك الله كل خير

shaimaa samir يقول...

هى موجودة بالفعل
فقط
اتركى العنان لقلبك وعقلك
سيحلمان....

الباحث عن الحقيقة يقول...

عندى احساس ان الاحلام دي هتتحقق
لانها احلام مشروعة
مش احلام هند وكامليا
هههه
كلنا بنحلم
فيه احلام وقتها بيعدي
بس فيه كمان احلام جديده
وان شاء الله ربنا يوفقك تحققي ما تتمنيه
تحياتي

Sherif يقول...

يقول المولى سبحانه وتعالى

"كل يوم هو فى شأن "

معنى ذلك أن صفة الوجود التغيير ..

معنى ذلك أن لنا فى كل يوم .. وكل طلعة شمس .. أمل

تحياتى للكلام الجميل .. مع ألمه

اعترافات انثى جامحة يقول...

انتى متشائمة اوى

Ma 3lina يقول...

احلى حاجة فى الاحلام انها لا تتوقف ابدا

احلمى ما شئت و سوف ياتى يوم تتحقق كل احلامك باذنه

رااائعة يا فضفضة تسلم ايدك

nody_1987 يقول...

يااااااااااه
احلامك رومانسيه اوى
ساعات كتير بحلمها
بس بصحى على ارض الواقع مفزوعه

د/اجدع بنوته يقول...

لما تعود ابقى قوليلها انها سابتنى انا كمان م زمان

وابقى خدينى معاكى ع الجزيرة الورديه دى

بوست رائع

يا مراكبي يقول...

عجبني السؤال اللي في آخر البوست .. وأحب أجاوب عليه ولو لنفسي

الحلم .. هو القاطرة اللي بتجر قطار حياتنا كلها وبتخليه مستحمل كل الحاجات اللي بنعان منها وتحديدا اللي إكتشفنا إنها على عكس ما كنا نتمنى

Dream is the driving force of our life

من الآخر .. إحنا عايشين بالأمل .. لحد آخر نفس

Whispers just for a Night يقول...

السيدة الكريمة

تابعي على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html

وجزاكم الله عن نبيكم خيراً

Abo 7anf يقول...

السلام عليكم
جميل انك تحلمى واحلام بسيطه
بس مش عارف ازاى واحد يعرف يعيش من غير ميحلم
انتى موضوعك رائع
وان شاء الله احلامك ترجع
مش كدا بس
وتبقى واقع كمان
تقبلى مرورى

نسيان يقول...

ستكون هناك عودة حتما ستكون
و ان لم نعد ربما تعود احلامنا لستبقنا نحو المجهول حيث لا احد.......
لا بد من عودة اي سيئ الى مكان ولادته

خفاقات قلب لكل البشر يقول...

أسلوبك جميل أوى علفكرة انتى عبرتى عننا كلننا ، لأننا أوقات كتير لما بتيجى علينا فترة مبنقدرش نحقق فيها أحلمنا بنقول معدناش بنحلم لكن صدقينى جوانا بنكون فى عز الأحلام ده أحنا فى الوقت ده أبسط أحلامنا بتكون أننا عايزين نحلم ونحقق يبقى لسه فى أمل ومتقلقيش أحلامك هترجعلك المهم تقدرى ونقدر أحنا كمان نحقق كل أحلامنا.

Jana يقول...

ما أضيق العيش لولا فسحة الأمل

CrY2DaY يقول...

ياتُري هل ستعود يوما ؟؟؟


ستعود ... ستعود ... ستعود

تحياتى

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

القرآن الكريم