TvQuran

٢٠٠٨-١١-٠٩

قهوة سادة وشيكولاته غامقة



ابحث عنك في كل مكان ، في عيون البشر من حولي اسأل عنك فلا اجد رد

اركض خلف طيفك انادي حتي يبح صوتي فلا اسمع الا الصدي

يفوق الشوق حدود صبري ، يكبلني ، يدميني ، ويمزقني الي اشلاء

كلما حاولت الفرار تعيدني الذكري .


كيف لي ان انساك وانت حولي في كل مكان ؟؟؟؟؟


قلبي يابي الاستمرار وانت عنه بعيد ، لقد كنت الدنيا وآخر المدي

برحيلك سكن الحزن روحي وبدونك اشعر بالغربه و احلامي تابي الا ان تأخذني اليك


ايامي صارت انتظارا لقدومك.... فلما طال البعاد ؟؟


أتذكر روحك الاخاذه ،اتذكر ضحكاتك ، اتذكر جلساتنا الصباحيه

صوت فيروز وفنجان القهوة


اتذكر كلماتك " القهوة الساده ماتنفعش الا بحتة شيكولاته غامقة " ،

تهديني علبه فأدمنها مع القهوة الساده و صوت فيروز

احن اليك ، الي صوتك ابتسامتك ولون عينيك

حاجة بي تدفعتني الى ان احادثك ... اشعر بأنك ستسمعني ... وتفهم ما اقولة لانك دائما هكذا

وكالعاده تعيدك الاحلام اليّ ، اشكو اليك قسوة الايام بدونك

تتعهد انك ستبقي الي الابد و
لن تغادر يوما


في الصباح وحيده أنا ، أسمع فيروز ، أصنع القهوة الساده ، وأأكل الشيكولاته الغامقة

علي سطح الفنجان اري وجهك مبتسما ، اشتم رائحتك في قطعة الشيكولاته،


تختصر المسافات وتعود اليّ






فأخبرك أني









فعلا اشتاق اليك


-----------



بعدك على بالي ياقمر الحلوين يازهر بتشرين ياذهب الغالي

بعدك على بالي ياحلوا يامغرور ياحبق ومنتور على سطح العالي

مرق الصيف بمواعيدو و الهوى لملم عناقيدو

و ما عرفنا خبر عنك يا قمر و لا حدا لوحلنا بإيدو

بتطل الليالي و بتروح الليالي
و بعدك على بالي


36 comments:

غير معرف يقول...

احساسك عالى اوى

صبرني يارب يقول...

ايه ده يا فضفضه

ما كنتش اعرف المواهب دي انا

بجد حلو معاني صادقه اوي

غير معرف يقول...

الى الآن .. لم اجد على وجه الأرض أحلى من ولد وبنت بيحبوا بعض

ربنا يسعدك ويكتب الخير فى كل خطوة ..

momken يقول...

ياسلام ...جميله بشكل يعقد

ماشاء الله تسلم ايدك

احساسك عالى اوى

ومركز اوى

وجميل جداً

الفضفضه المره دى سخنه جداً

تحياتى

محاولات مخنوقة يقول...

جميلة جدا
احساس رائع وكلمات منتقاة بشكل جيد
واحلى حاجة القهوة السادة مع شيكولاتة
تحياتى
ريم

عمرو يقول...

أيوه كده
خللينا نستمتع بعيد شويه عن صخب الحياه و سخافاتها
بس ليه دايما القهوه و صوت فيروز مرتبطين عندنا بالرومانسيه و توابعها ؟
القهوه مش الشاى ..
بس بجد حلوه

محمد أبو الفتوح يقول...

ربنا يرد الغايب
و يرجَّع الحبيب لحبيبه

ليه يا حبيبتى مابينا دايما سفر
ده البعد ذنب كبير لا يُغتفر
ليه يا حبيبتى مابينا دايما بحور
أعدى بحر .. ألاقى غيره اتحفر
عجبى
صلاح جاهين

Empress appy يقول...

ما انا قولت لكى يا بخته
بس مشاعرك حلوة ورايقه يا دكتورة يا رب دايما

عين فى الجنة يقول...

ربنا يجمع الاحبة دائما انه سميع قريب

مصــــري يقول...

دكتورة فضفضة

تسلم يمينك وشمالك بما انه كيبورد يعني.

احساس عالي وجميلة جدا حكاية القهوة والشيكولاته الغامقة.

طعم الحب اذا كان هناك شئ بالاسم ده.

تحياتي
أسامة

Mafrousa يقول...

حلو اوي يا بنوته
الكلام جميل
و المشاعر اللى فيه جميله و احساسه حلو
الله
انا نفسي فى فنجان قوة و معاه قطعة شيكولاته
من غير ما اشتاق لحد
برافو عليكي

علا من غزة يقول...

ما بحبش القهوة

بس كل كلمة سوى ذلك .. عنجد كأنها بتعبر عن الي جوايا في هذه الفترة

وما اصعبه من شعور ..

تحياتي

Gannah يقول...

علي سطح الفنجان اري وجهك مبتسما ، اشتم رائحتك في قطعة الشيكولاته

جميلة قوى
ربنا يجمعكم على خير
ساعات فيه ناس بتفضل متواجدة فى كل حاجة حوالينا حتى لو بينا وبينهم الاف الاميال
تحياتى

Go2LIghtGO يقول...

اقدر احساسك :)

المستنصر بالله يقول...

جميله فعلا ومعبره قوى

تحياتى لحضرتك

Unknown يقول...

ايه ده كله
سيدي يا سيدي

ربنا يارب يردلك الغايب ويجمعكم على خير

بس ايه الدلع ده كله
انا هبدأ اغير كده
جميله كلماتك بجد اكتبي من ده كتير طالع منك باحساس صادق وعالي قوي
وبشكل اللي بحبه

م/ الحسيني لزومي يقول...

شارك في الحملة الشعبية للقي بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

انا حره يقول...

تعرفى انى اكتشفت ان بعد السنسن دى كلها معنديش حد اشوف وشف فى فنجان القهوه ولا اشم ريحته فالشكولاته ولما اغمض عنيا اشوفه

الا ليه كدا؟

ليه عملت فنفسى كدا؟

او ليه هما عملو فيا كدا؟؟؟؟

فاتيما يقول...

يا لهوتينى يا فضفوضتى على الرقة
أنا أصلاً أصلا بشاور قلبى الأيام دى
ياااه على الحنين لما يكبر و ينتشر و يتفرش على كل مساحات العالم من حواليكى و تلاقى الحنين بيطاردك فى ادق ادق التفاصيل
القصة تحفة يا فضفوضة
و اللى كتبتها أنفس و أغلى

kafrawy يقول...

سلميلى عليه

قوله انى بسلم عليه بوسلى عينيه
قله انى بوس عينيه

زمان الوصل يقول...

أجمل حاجه فى التدوينه دى إن كل واحد ممكن يفهمها بشكل مختلف .. يعنى مش لازم يكون الغائب حبيب بمعنى الحبيب المعتاد .. ممكن يكون أب .. أو أخ .. أو صديق(ه) عزيز(ه) ..

وميض ابتسامة يقول...

مش عارف اقولك ايه ؟
اللى انا قرأته من اجمل ما قرأت من احاسيس ونضوج فكرى ..
مشاعر فياضة ورقيقة ومحبة .. تعيش فى انتظار ..وتحيط بها احلى الذكريات

أحسنت ..ولن ازيد

والسلام عليك

Unknown يقول...

سلام عليكم يادكتورة

عارفة انى تقريباً شربت القهوة والشيكولاتة الغامقة اللى فى الموضوع
احساسها عالى أوى
أكتر حاجة بنحس بجمالها الذكرى أو الأمل ..
يمكن مبنحسش ده أوى فى الواقع لأننا عايشين صعوباته

************************

بالسبة لموضوع أوباما .. أنا مقتنع ان الأسباب المتشابهة بتؤدى دايماً لنتائج متشابهة
علشان كده مش منتظر تغيير .. لا احنا اتغيرنا ولا أمريكا ومصالحها اتغيرت

التغيير هيبدأ من عندنا يادكتورة



تحياتى

Jana يقول...

وصلت لى رائحة القهوة فظننتها قهوتى ..ولكنى وجدت الشيكولاتة تصحبها .. أحببت ان اتخيلها قطعتى ..ولكنى خشيت افساد الدايت وخطتى
ههههههههههه

حقا يا فضفضة ..تظل القهوة بالأخص رمزا لكل جميل ...غائب تتذكريه ..او زمنا تحاولى استعادته فى مخيلتك ..او مكانا يحمل لك ذكريات سعيدة
وأتذكر جملة قالها باشمهندس عصفور المدينة وأعجبتنى بشدة
"ان القهوة اصبحت متلازمة الذكريات"

فلترشفى يا عزيزتى قهوتك مستمتعة بمذاق قطعتك من الشيكولاتة
متذكرة للحاضر الغائب ..ولتتعلّمى ان تستمتعى معها بشوقك اليه

تدوينة جميلة فهما وطعما ورائحةّ
:))))))

mostafa rayan يقول...

حلوةالتدوينة دي قوي
انا حاسس انك بتكلمي والدك
تحياتي لك ودمت بخير

جنّي يقول...

كلماتك بارعة التصوير جميلة ..

واجمل ما فيها الصدق الذي هو اساس الابداع ..

وابدع ما فيها امتزاج المشاعر المتدفقة والأمل في اللقاء والبقاء على العهد ..

شكرا وتحيتي

سلام

صاحب المضيفة يقول...

احساس عالي جدا

وكلمات اكثر رقة ونظما وايقاعا

ربما لاول مرة اقرا مثل ذلك الكلام هنا في المدونة

ربما كانت ايضا فكرية لبعض الوقت لكني بدأت الحظ هنا تغيرا واضحا في الاسلوب


كل الود

خواطر ليست عابرة يقول...

جميلة جدا الخواطر دي
عشت معاها أحاسيس كتيرة
واعتصر قلبي توليفة من المشاعر الهائجة
وأحسست بمتعة القراءة لمن يملكون موهبة التعبير الصادق

الدفاع يقول...

تدوينه رائعه

الـسـيـدة نـون يقول...

مش عارفة ليه حاستها
كلمات موجهة من بنت لباباها اكتر منها لحبيبها

من بنت هى وباباها اصدقاء جدا


حلو يا فضفضة
سلام
اختك خيخة

غير معرف يقول...

احساسك جميل وتعبيرك اجمل

Dr. Ibrahim يقول...

احساس رائع وتداخل فى الأخيلة فى قمة الإبداع

بين القهوة السادةوالشيكولاته وفيروز


د/هيما

bastokka طهقانة يقول...

قهوة و شيكولاتة و كماان فيروز

لاااه
انت عايزة تجيبي داغي

راقية جدا
اوروفوار

klmat يقول...

سمعت فيروز وهى بتشدو بالأغنيه الجميله من تعبيراتك . وفكرتينى بام كلثوم وهى بتقول كل شىء حواليا بيفكرنى بك
اسلوبك جميل
ربنايقرب البعيد ويسعدك يارب

خمسة فضفضة يقول...

السلام عليكم ورحمة الله وبركاته


ربنا يخليكوا ليا جميعا

كلامكوا الحلو ملاني تفائل ،

فرحت اوي ان الخاطره البسيطه دي عجيتكم

يارب دايما منورني


سلام يا احلي مدونين

كلمات من نور يقول...

قهوة سادة وشوكولاته غامقة :

علي سطح الفنجان اري وجهك مبتسما ، اشتم رائحتك في قطعة الشيكولاته،


تختصر المسافات وتعود اليّ


الله عليكي الله

القرآن الكريم