TvQuran

٢٠٠٩-٠١-٢٥

حيرة



اعتادت ان تقرأ كتيب التعليمات بعنايه فائقه

كانت تهتم بأدق التفاصيل ، تضع كل شئ في الحسبان وتطبق الخطوات بدقة لتحصل علي افضل نتائج

و دائما ما كانت تحصل عليها ، و لم تخفق أبدا

هذه المره وقعت في حيره شديده ، قرأت كتيب التعليمات مرارا وتكرارا ، حاولت كثيرا أن تغير في الطريقة وتعدل من الاسلوب

ولكن النتائج لم تكن بالضرورة كما توقعت لها ان تكون

وأخيرا تقر أنها وإلي الآن لم تعرف الطريقه المثلي للتعامل معه ، وتحتاج لأضعاف أضعاف ما مضي لتتمكن من ذلك ، وتخشي أن لا تصل أبدا إلي نتائج مُرضيه



26 comments:

Mr.Anonymous يقول...

cool blog

Mr.Anonymous يقول...

cool blog

ستيتة يقول...

بقالي اكتر من شهر حطاكي ع الفيفوريت ومستنية بوست جديد ليكي

بدون اي كتب تعليمات سوف يعلمها الصبر والتجارب أن تتعامل وتفهم وتجد طريقة لتشغيل العلاقة الصعبة
تحياتي

Che يقول...

بوست حلو
مش عارف اقولك ايه على كتيب التعليمات ده
جايز يكون مالوش كتيب تعليمات و الكتيب اللى معاها ده يكون مضروب او مش بتاعه مثلا و جايز مايكونش ليه كتيب تعليمات اصلا
مش عارف

الفقيرة إلى الله أم البنات يقول...

اولا"
وحشتينى جدا" جدا" واتأخرتى علينا
ثانيا يا ست الكل الكتالوجات بتاعة الاشياء بتيجى معاها
أما كتالوجات البشر والتعليمات الخاصه بيها موجوده فى كتاب الله
قى القرآن يا حبيبتى
ستجد كيف تستطيع ان تتعامل معه اذا اتبعت كتاب الله
لا سبيل إلا هو

صيدلانيه طالعه نازله يقول...

فى الظروف دى مش بينفع كتب تعليمات
اللى بينفع هو حسنا الداخلى و تفكيرنا و فهمنا لظروف الموقف و ظروفنا احنا شخصيا ساعتها حتلاقى نفسك رميتى كتيب التعليمات اللى معاكى و بدأت تكتبى واحد خاص بيكى متوافق مع قناعاتك

أنسانة-شوية وشوية يقول...

بجد اتاخرتى علينا جداً

سبحان الله العلاقات البشرية مش بتحتاج كتالوجات ولكنها الخبرة والتجربة والصبر هو ما يجعلنا نصنع نحن كتالوج لكل شخص فلكل شخص مدخل وطريقة خاصة به، فليوفقك الله لما فيه الخير واصبري حتى تقطفى الثمار بإذن الله تعالي

Layla يقول...

التجربة هي افضل معلم.. او زي ما بيسموها في الانجليزي
trial and error
:)

مـحـمـد مـفـيـد يقول...

ليس هناك قواعد ثابته
فتتغير بنغير السلوك
فتأكدي انها ليس نتيجه واحده

رفقة عمر يقول...

بجد وحشتينى كتير وفرحت قوى لما لاقيت بوست جديد
اعتقد فى الوقت دة بنحتاج الدعاء واللجؤ الى الله لان هو عالم بخبايا النفوس وهو القادر على التاليف بين القلوب

(صندوق الدنيا) يقول...

جميلة
وأعجبتني فكرتها والمعاني التي خلفها
تسلم إيدك وأفكارك
الكيبورد كمان

حروف يقول...

بوست جمبل واول زيارة بس مفيش ققواعد وكتيب للحياة اختي العزيزة وفقك الله
دمتي بالف خير

عصفور المدينة يقول...

هي مش طريقة واحدة تمشي في كل الأحوال العملية موقف بموقف وإن كانت الأحوال المتشابهة تتشابه

mohra يقول...

ليس للبشر كتيب تعليمات
للاسف
هى الايام تعلمنا

قوس قزح يقول...

اصل فى حاجات كده زى الانفلوانز ..ملهاش حالات محددة .. لا كل حالة منفردة بذاتها .. بس فى اساسيات للتعامل معها

منها انه طفل كبير يحتاج الى ام
و مراهق حالم يحتاج الى عشيقة
و رجل ناضج يحتاج الى امراة ذكية
و انسان يحتاج الى كتالوج :)

جسر الى الحياة يقول...

مش دايما لازم نتبع كتاب الارشادات احيانا احساسنا بيبقى افضل مليون مرة من الطرق التقليدية المتبعة
كونى على طبيعتك تاتين بنتائج افضل

دمتى بحب ومودة

Mafrousa يقول...

يا بنتى الكتيبات ديه كلها مضروبة
انتاج صيني بعيد عنك
و على فكرة مش حتلاقي الطريقة المثلى ابدااا
لانه اكيد مش على حال واحد

تحياتي ليكي يا قمرة

محمد عبد الغفار يقول...

ان كنت تتحدثين عن البشر فكتيب التعليمات الوحيد هو شرع الله

وان كنت تتحدثين عن الرجل فأدق التفاصيل تخنقه وتبعده ، وتفكير الأنثى يجعله يهرب

لازم راجل يفهمك مش اى حد تانى

فتــافيت (رحاب الخضري) يقول...

ممكن يكون فريد عصره
فمخترعه احتفظ بسر التعامل معاه له لوحده
انصحك غيري المنتج .. وهاتي منتج سهل التعامل معاه .. او ليه كتيب تعليمات واضح من غير اي غموض

وخافي على نفسك من التقليد .. اصل فيه منتجات كتير دلوقتي نازلة شكلها جامدة .. بس مع اول استعمال حقيقي تلاقيها اكبر مقلب في حياتنا

تقبلي مروري اللي يمكن يكون اطول من البوست نفسه

سلام يل جميل

فاتيما يقول...

فضفوضتى
ازيك يا حبيبتى
وحشتينى قوى و وحشنى فضفضاتك الحلوة
نصيحة اخوية لصديقتك
متتعبش روحها فى القراية و إتباع التعليمات
عشان فيه حاجات كدا بتبقى فيها عيوب فى الصناعة
موديلها خارج من المصنع معيوب
و مهما عملت عشان يمشى عدل
مبيحصلش
لو تقدر تخلص منه و تريح روحها يبقى كويس قوى
لو متقدرش يبقى خلاص تتكيف مع عيوبه بقى و إهى تدبيسة و السلام
و العشرة بتخلى الواحد يستحمل و يتعود
تحياتى و حبى يا حبيبتى

إيمان يقول...

قلمك جميل وناعم وكمان ذكى ... بس موضوع كتيب التعليمات ده ملوش حل خالص .. تحيه منى ليكى ولإحساسك الجميل

عاشقه الرومانسيه يقول...

تسلم ايدك بوست جميييييل

تقبلى مرورى

تحيـــــاتـى

عاشــــــ النقاب ـقــــة"نونو" يقول...

حبيبتي ايه بس مالك؟
دة شيء طبيعي يمكن النهاردة غلطتي في كتيب التعليمات ودوستي في حاجة قبل التانية او اتبعتي خطوة قبل التانية او يمكن الصنعة بقالها كتير ماشية كويس فقال في نفسه عاوز صيانة وحبة دلع بشوية حنكة وصبر وشوية تنازل مصحوب بنية انه لوجه الله تعالى
هتمشي باذن الله تعالى
وفقك الله لما يحبه ويرضاه

صاحب المضيفة يقول...

سهل الله أمرك وبلغك ما تريدين

المرة القادمة ان شاء الله تقراي الدليل كاملا وتفهمي ما فيه


:):):):):)

كل التحية

Shimaa Esmail يقول...

الأستاذة صاحبة مدونة / خمسة فضفضة
اعتذر عن الخروج من موضوع التدوينة لقد أرسلت لك الجزء الثالث من الاستمارة (7صفحات)، أرجو منك إرسال رسالة توضح أن الجزء قد وصلك وأنه ليس هناك مشكلة في إرساله أحالت وصله لسيادتك .
تحياتي وتقديري
شيماء إسماعيل
باحث ماجستير- كلية الآداب جامعة القاهرة.

mohamed ibrahim يقول...

طب ايه النظام
هي عاوزة تشغل موبايل و لا كمبيوتر و لا ايه ؟
عرفينا طيب

القرآن الكريم