انهارده قررت اغير المحطه
قررت ابعد عن اي حاجه تعكنن وادي النكد اجازه مفتوحه
هاحاول اترفع عن المشاكل ، وارمي الإحباطات وري ضهري
مش هاتفرج علي قناة الجزيره ولا اشوف الاخبار اللي تعلي الضغط ، اقولكم مش هاشوف تليفيزيون خالص
هافتح الراديو علي اذاعة الشرق الاوسط وهامشي بخفه ودلع ، بس اكيد الدنيا مش هاتكون هي الشابه ولا انا الجدع
هادخل المطبخ و اعمل كيكة فواكة وعصير فراوله باللبن
هاقري مجلة ميكي جيب واضحك من قلبي علي بطوط وعم دهب وارجع للايام الجميله
هادور علي حد قريب او بعيد احاول ادخل علي قلبه الفرحه
هابص انهارده للدنيا بنظره ورديه وهاشوف النص المليان من الكبايه ومش هافكر في بكره
اكيد يعني يوم في الشهر هايكون افيد للصحه ومش هايضر
وانتو كمان حاولوا تغيروا المحطة ولو يوم في الشهر
قررت ابعد عن اي حاجه تعكنن وادي النكد اجازه مفتوحه
هاحاول اترفع عن المشاكل ، وارمي الإحباطات وري ضهري
مش هاتفرج علي قناة الجزيره ولا اشوف الاخبار اللي تعلي الضغط ، اقولكم مش هاشوف تليفيزيون خالص
هافتح الراديو علي اذاعة الشرق الاوسط وهامشي بخفه ودلع ، بس اكيد الدنيا مش هاتكون هي الشابه ولا انا الجدع
هادخل المطبخ و اعمل كيكة فواكة وعصير فراوله باللبن
هاقري مجلة ميكي جيب واضحك من قلبي علي بطوط وعم دهب وارجع للايام الجميله
هادور علي حد قريب او بعيد احاول ادخل علي قلبه الفرحه
هابص انهارده للدنيا بنظره ورديه وهاشوف النص المليان من الكبايه ومش هافكر في بكره
اكيد يعني يوم في الشهر هايكون افيد للصحه ومش هايضر
وانتو كمان حاولوا تغيروا المحطة ولو يوم في الشهر
39 comments:
انا كمان موافقه جدا
وهغير المحطه ويمكن ادشدش التليفزيون
جميله الفكره يا دكتورة
وشكرا انك عرفتينا عليها
وانا كمان موافقة جدا
واتمنى اني اقدر اغير المحطة
اتمنى
تحياتي
هى الفكره مش فى المحطه الفكره فى جهاز الأستقبال من نوع لطيف هيستقبل كل حاجه بشكل متغير
هههههههههه
انا مغيراها من زمان و بقرأ ميكي و بشرب عصير
و بلعب جيم على النت
ههههههههههههههههههههههه
و برضه النكد بيجي يا اوختشي اعمل ايه؟؟؟
ههههههههههه
للحقيقة ياشكيكه ولأن النكد ملحوق عليه وكتير قوي قوي ومش ها يخلص قريب
فأنا اوافقك من معاميكي وربنا يخليها ليكي اجازة سعيدة وفله
وشيلي لي حتة كيكة
بحبك قوي
و الله يا دكتورتنا اؤيد الفكرة او الحملة ديه بشدة يمكن يكون اليوم اللي هتتغير فيه المحطة ده سبب رئيسي في تغييرنا احنا و نظرتنا لحياتنا عموما و لصحتنا كمان
تحياتي بجد لصاحب الفكرة العبقرية ديه
و لحضرتك كمان
:)
برافووووووووووو
انا غيرتها بردو :)
ياااااااااريت يافضفضه
انا ساعات باعمل كده بس بافشل للخط اول ما يهجموا عليا ربع دستة الاشرار بتوعي
غيرت المحطة يادكتورة
بس الأحداث مخلية الواحد متلخبط.
المهم ادينا بنحاول
تحياتي
أسامة
فكره جميل بس ياريت نقدر
بحاول ومش عارفه لابسه فى شجره
هى فكرةبس يا ترى الهم هيخف
خلاص الواحد بقى حاسس إن حال العكننة مش مرتبط بالأخبار نفسها أنا متهيألى الغكننة كمان بتيجى لوحدها ساعات من توقع الأسوأ
توم وجيري يا عالم بقى بيخلينى أسرح إزاى بقينا زي القط الضخم الغشيم فى مواجهة الفار السفروت المتصهين
أنا نفسى أرجع طفل أحسن
لأ لأ لأ بلاش دى أحسن أنا كنت من طفولتى باسأل ممكن يوم نصلى فى نفس المكان اللى النبى زاره فى رحلة الإسراء والمعراج ولما والدى حكالى ليه مش بنقدر إتنكدت قوى عشان كنت فاكر الموضوع تسويف من بابا عشان مصاريف وكدة وإلا إيع يعنى دا بس يسيبوا على اليهود دول مدرستنا ولا مدرسة الثانوى اللى قدامنا يكسروهم - معلش كنت فاكر المليون دة لون مش عدد طلع العدد فى اللمون
ده الحل الوحيد
هدنة
تحياتي
انا بقى سبقتك بس قفلت التلفزيون خالص وكفاية عليا الراديون
بس بقولك ايه اللى ياكل لوحدة.. (سيبيلى حتة كاتوه وبق عصير)
ربنا يوفقك ويبعد الاكتئاب عنك.
مش عاجباني الفكرة
اللي قضى العمر هزار
واللي قضى العمر في جد
شد لحاف الشتا من البرد
حط الدبلة وحط الساعة
حط سجايره والولاعة
علق حلمه على الشماعة
تحياتي
وليد
جميلة جداً الفكرة
جاية في الوقت المناسب، جزاك الله خيرا
ياريت نعمل كده بجد
الدنيا كلها حوالينا بقت ضرب وقهر وظلم وقتل وكل حاجه وحشه
أحي فيكي الدعوة دي ويارب يسعدك كمان وكمان
كل التحية
كلها قرارات حلوة ومشروعة
ولكن بعضنا قد لا يستطيع أن ينسى ما تذيعه المحطات الاخرى جتى لو غيرنا نحن المحطة
ان شاء الله تكون ايامك كلها محطات مفرحة
موافقة وهعمل بكرة وبعده كمان
السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية
هههههههههههههههه
هو أنا كل ما أدخل ألاقى حد مغير المحطة
أدخل عند مرات خالى فى شوية و شوية الاقيها مغيراها و أدخل هنا ألاقيك مغيرها و فى أول زيارة ليا
على العموم أنا رديت على شوية و شوية رد نكد حبه بس مش حينفع اقوله بما إن دى أول زيارة و عايزاها تكون خفيفة :)
ربنا يقلل من أحزانا و يكتر من أفراحنا و أحسن حاجة الواحد يعملها أنه يبعد نفسه شوية عن وجع الدماغ بس يا رب وجع الدماغ هو اللى ميجلوش لحد عنده :)
اسلام عليكم
اكيد الواحد مطلوب انه يجدد حياته ويغير من نمطها
هانروح فين من النكد .. ورانا ورانا .."لقد خلقنا الانسان في كبد "
كده هاندشدش كل حاجه
تلفزيون ونت وجرايد
يبقي فاضل ايه تاني :D
انا بقا مغيره المحطه من زمان وماشي الحال ومش من هواة التليفزيون اصلا
بتفرج بس لو في حاجه مهمه تستاهل
ومالييش في المسلسلات الممله البايخه
وكمان لما المحطه مابتعجبنيش بقلب علي محطه تانيه
يعني كده بالعربي برمي ورا ضهري
خليكي مع الله ودي احلا محطه
الحجاب حقيقة ثابتة أم مجال للتفكير
من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية
هجرب الفكرة دي
و هغير المحطة
تغيير جماعي
انا و اخواتي
و هقولك ايه الاخبار
السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية
ربنا يبعد النكد عنك النهاردة وكل يوم
تحياتى
أنا دايما مغير المحطة
أصلا مدونتى اسمها هل تبحث عن السعادة
دمتى بكل الود
تصدقي بقي بجد
انتي البوست بتاعك ده فعلااااااااا جاه في وقتو
انا محتاجه اعمل كل اللي انتي بتقولي عليه ده
بس كل ما ابدأ اعمل كده الاقي نفسي اتعكننت ورجعت لنقطه الصفر :((
طيب والله فكرة لذيذة جدا اننا نغيرها ولو ساعة كل يوم حتى نعيش حياة التجديد والتغيير شكرا على الفكرة وجارى التغيير
انا بطمن عليكي
وحشتيني وبقى لي فترة مسمعتش منك
ارجو ان تكوني بكل صحة وعافية يا شقيقة
ولو بتستجمي وماله ميضرش .. بس طمنيني يا قمر الزمان
بحبك في الله
ممكن تكلميهم في البيت وتخليهم يحنو عليا ويغيروا المحطة وبلاش إم بي سي ثري اللي شغلة ليل نهار؟
أكيد هيعملولك خاطر وكده
----
ياريت كان هو ده الحل .. الإكتئاب بييجي من مليون حاجة يومية من غير تليفزيون ولا راديو
عن نفسي مش هقدر اغير المحطة علي طول
لاني اتعودت علي المحطة خلاص
و حتي لو غيرتها لفترة
هرجعها تاني لان من غيرها الحياة بلا طعم
تحياتي
محمد
كلماتك معبرة أكثر من اللازم..
بالرغم من أن تلك السنوات واللحظات التي نشتاق إليها لم يمر عليه كثير ولكن نذوب شوقًا للحظة براءة كانت تجمعنا بقصة طفولية بسيطة وسذاجة بطوط وثراء عم دهب وتلك الابتسامات البرئية التي كانت تملأ وجوهنا وقلوبنا ولا نحمل سواها
وفقك الله وأيانا
جميلة مدونتك أسمحي لي بالمرور عليها
: )
إرسال تعليق