2009-02-28

عودة الشتاء الضال



اكره الشتاء-اكتئاب ،برودة ،حبس إجباري - ولكن اعشق المطر ويملأني بهجه وسعاده


"الدنيا بتشتي ... وأروح لستي....تعمل لي فطيرة ...تحت الحصيرة....اخدها واجري ....اكُلها و انام تحت الحَمَام "

اغنية طواها النسيان -كما فعل باشياء عديده- كانا دوما نتغني بها ونحن نلهو تحت الامطار ، سمعتها اليوم من بعض الاولاد ، اخذني الحنين ، سرحت في الماضي البعيد عندما كنا مجموعه من البنات والاولاد نلعب ونجري ونغني باعلي صوت بلا قيود ولا حدود ، راودتني نفسي ان اقف معهم تحت المطر واغني كما اعتدت ان افعل ولكني اكتفيت بالمشاهده و الاستمتاع عن بعد


فلاااااااااااش باك


المشهد الاول

نهار خارجي - شمس مشرقه وجو جميل

هو : الحمد لله الشتا السنه دي عدي بسرعه ، وأهو قرب يخلص علي خير

هي : شتا ؟؟!! شتا إيه؟؟!! هو السنه كان فيه شتا !!!
السنه دي الشتا كان واخد اجازة عارضه

المشهد الثاني
ظهر خارجي - رياح مثيرة للاتربه وجو خانق

هو : لازم امشير يعملها زي عوايده ماينفعش ابدا يعدي كده من غير زعابيبه

هي: اوحش حاجه التراب ده يارب شوية شتا يصفوا الجو


المشهد الثالث

امطار غزيره بلا انقطاع - رعد - برق


المشهد الرابع

ليل داخلي - نشرة 9

مذيع النشرة الجوية

تستمر درجات الحرارة أقل من معدلاتها بقيم ملحوظة ليسود طقس بارد نهاراً شديد البرودة ليلاً هذا وتتكاثر السحب الممطرة على شمال وشرق البلاد حتى شمال الصعيد تكون رعدية أحياناً والرياح شمالية غربية نشطة مما يزيد الإحساس ببرودة الطقس ، وتستمر الامطار لليوم الثالث علي التوالي
واليكم درجات الحرارة بالتفصيل :.......................



هو : نقيتي فيها اهو الشتا قطع الاجازة وجه يمضي حضور وانصراف مع بعض




26 comments:

سمكه واحده يقول...

هههههههه الاغنيه دي فاكرها
معرفش ازاي كانت الفطيره هتتعمل تحت الحصيره
اما احنا كنا اطفال رخمه بشكل
والجو انهارده شتي من اللي قلبك يحبه
شتي شتي يعني
بس فكرنا بأيام زمان جو جميل وتكتكه وكله يجري تحت البطنيه ويدفي وطول الشتا محدش يعمل حاجه غير النوووووووم
تحياتي

رئيس جمهوريه نفسى يقول...

احنا كنا بنقول بقاء يا مطرة رخى رخى على قرعة بنت اختى

احنا فى الصعيد شوية سقعه وبس لا فى سحب ولا امطار للاسف

يــوم جــديد يقول...

سبحان الله لسه كنت بقول نفس الكلام
السنة دي مفيش شتا
الجو ما بردش
ما لبستش تقيل ولا تكتكت زي السنة اللي فاتت
لكن الدنيا ما تنفعش من غير شتا
فصل يقع منا في النص كده مش معقول
لاااااااااااازم شتا
أغنيتك أول مرة أسمع عنها
بس هبقى أغنيها :)

مدونة الاحرار يقول...

يعطيك العافية على مجهودك ارجوا لك الاستمرارية

ستيته حسب الله الحمش يقول...

حلو الشتا
جميلة المطرة جلابة الخيرات
ساعة اجابة دعاء

حلو الدفا في حضن الأحبا في ليالي الشتا

حلوة فطيرة جدتي الله يرحمها واسمها دماسي ومكلتهاش من 15 سنه وفكرتيني بيها .. كده تقلبي عليا البطاطس؟

الفقيرة إلى الله أم البنات يقول...

فضفضه
بنوت فى الشتا ..الشتا فى أى بلد فى الدنيا يعنى نظافه ومنظر بهيج ومفيش تلوث والجو صافى
معلهش عندنا فى مصر مناطق مناطق
ربنا يفرج كرب المكروبين
الشتا بقى انا بعشقه كنت هاتجنن انه مجاش السنه دى
والخطيب فى المسجد -زوجى بيقول -قال لهم ادعو الله ان تنزل المطر فهى حجبت بذنوبنا وعدم نزولها شر شديد
فالحمد لله ان الله من علينا بالمطرة

هو القاهره ذنوبها كبيرة قوى كده علشان كده مفيهاش مطرة زى باقى المحافظات
حتى فى الذنوب مركزيه


وحشتينا واتأخرتى ليه كل ده؟

الطائر الحزين يقول...

مهما كان بحب الشتا

حمدا لله على سلامتك يا دكتورة

أطياف مصر يقول...

الشتا دائما يرتبط في الأدب و الشعر بدفئ المعاني و المشاعر .. حقيقة لا أعلم الحكمة من ذلك .. كان الأولى أن يرتبط بالكوارع و العدس ..

راجى يقول...

لا وايه الشتا بوجهه الخشبى

صبرني يارب يقول...

ايييييييه ده

انا هاقوم ادور على كاميرات المراقبه يا اختي

هههههههههههههههههه

الحديث ده دار بينى وبين رضا

والاغنيه دي البت بنتى امبارح كانت بتغنيها وانا باقولها ياااااه انتى جبتى الاغنيه دي منين يا بنتى الواحد ما سمعهاش من زمان ههههههههههههه

وطبعا نفس الحبسه ونفس الخنقه ونفس التكتيفه

وانا امبارح طلعت البلكونه وقفت تحت المطره وولادي نايمين بقى فررررصه
ورضا قالي ادخلي بقى بلاش جنااان الجو برد

وقمت الصبح مزكمه قالي تستاهلي

يظهر العضمه كبرت بقى يا اختي ما عدتش استحمل البرد ههههههههههههه


تحياتي ليكى يا جميل

حسام غانم يقول...

هو الشتا حلو في حد ذاته

بس المشكلة في البررررررررررد وبرك المياة في الشوارع

عمرو يقول...

الكلام الغير مقروء بين هو و هى كلام كبير أوى أوى :)
مش كده برضو و لا أيه ؟؟

انا حره يقول...

هههههههه

جامد البوست دا كأنى انا اللى كاتباه

انا فعلا بكره الشتا موووووت ببقى كئيبه وحزينه زيه بالظبط

لون السما الرمادى بيخلينى بنى ادمه تانيه

بس بعشق المطر وريحته

كيــــــــــــارا يقول...

هههههههههههههههههههههه

دا الشتا جميييييييييل

فكرة من الزمن ده يقول...

والله بتوع الارصاد الجوية دول كلامهم مية مية
شكرا ليكي تحياتي

Monzer يقول...

هما الستات دايما كده

يعني مش بتحب الشتا .. لكن عاوزة الدنيا تمطر

نقول ايه بس

تحياتي :))

mohra يقول...

يعنى "هى " اللى جابت المطر
الرجاله دول عليهم حاجات

نعكشة يقول...

قشعريرة
...

بحب الشتا أنا :D

سلام عليكِ

رفقة عمر يقول...

انا كمان وقفت اتفرج على المطر واشم رائحه وكنت سعيده بلسعه البرد اللى كنت حاساه وكنت عاوزة اكتب عن اللحظه دى لانها فكرتنى بايام المدرسه اكون مش عاوزة اروح المدرسه من البرد انا بصراحه من محبى الشتاء جدا باحب السكون والهدؤ اللى فيه

شمس النهار يقول...

لعلمك انا بحب جو الشتاء ده جدا وبحب امشي في المطر وبحب اسكندريه في الشتاء وياسلام لو مطرت وانا في اسكندريه هي دي المطره والا بلاش

زهرة الأمل يقول...

الشتا حلو جدا خير ورزف ورخاء

بس المشكله فعلاً فى الحبسه فى البيت دى اللى يتبقى وحشه

وعموما يارب مش تشتى تانى بقى :)

hend...hanady يقول...

ياه انا زمان كنت اقول لماما وانا صغيرة الشتا ليه كتير كده ده وحش يا ماما تقولى لا ده رزق للناس بس انت اللى مش حاسة به دلوقت
الان ادركت ما كانت تقوله وكمان عرفت ان امطار الشتاء ولا حر الصيف

أخـــ مسلمة ـــت يقول...

أنا بقي بموت في البررررررررد والمطر

بيدي احساس بالانتعاش خاصة من الكابتشينو
راااااااااااااااااائع

أحببت مدونتك جدا
دمتي بخير

الراقـــص مع الذئـــــاب يقول...

السلام عليكم
من جانب اخر وهو الاهم يا دكتورة كان إنقطاع المطر هو غضب من الله عز وجل
لدرجة ان المشايخ فطنوا الامر دا وصلوا صلاة الاستسقاء والحمد لله بعدها المطر بدأ في النزول
اما بقي زعابيب امشير وشقاوته فدا المتوقع منه
تشوفي الاربع فصول في يوم واحد
كل سنة وانتي طيبة

علي فرة
عيد ميلاد مدوناتنا التاني قرب
كل سنة وانتي طيبة

Maha يقول...

هههههههههههههههههههههههههههههههههه

غير معرف يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

القرآن الكريم