2010-04-30

راجعين -- بإذن الله



الحمله دي دعت ليها داليا صاحبة مدونة " في مملكة جيرالدين"
هدفها ان الناس اللي انقطعت عن التدوين لاي سبب كان تحاول ترجع تدريجي وتستعيد قدرتها علي الكتابه والتواصل مع الناس من خلال مدوناتهم
30 يوم مستمر من التدوين وبدون انقطاع
ممكن اقدر ؟؟؟

ان شاء الله اقدر

وحشاني المدونه وواحشني كل الناس اللي كانوا بيجوا هنا

مقصره فحقها وحقكوا اكيد بس يمكن يكون 30 يوم تدوين اعتذار كافي عن التقصير ده

هاتستحملوني 30 يوم ورا بعض او انا هاستحمل اني اكتب تدوينه كل يوم ربنا يسهل :))


موعدنا اول مايو ان شاء الله


Bookmark and Share



19 comments:

راجى يقول...

ايوه حنستحمل

خمسة فضفضة يقول...

طيب رنا يسهل وانا اللي استحمل

:))

منور يا راجي بيه

سبهللة يقول...

حلوة اوى الفكرة دى يا فضفض
انا ان شاء الله ناوية أرجع تانى
ربنا يسهل

عاشقه الرومانسيه يقول...

انا كمان منقطعه عن التدوين نوعا ما
بمعنى انى ممكن انزل بوست بس مش باشوف احبابى ولا بازورهم فى مدوناتهم وده شئ مضايقنى والله
انا هارجع وهابدأ معاكم فى الحمله دى
بس مش بانى انزل بوست كل يوم
بس رجوعى هيكون بمتابعتى لكل الناس اللى بحبها
بس يارب اقدر والاقى وقت لده
تحياتى للفكره الجميله

مهندس مصري يقول...

وحشتنا تدويناتك يا دكتور :)

يا مراكبي يقول...

التعليق ده مكرر ولسه قايله في مدونة تانية

:-)

طبعا اولا حمد الله عالسلامة بعد ما المدونة كانت قربت تنشف

:-)

لكن طبعا تدوينة كل يوم ده أمر صعب جدا جدا

صعب من الناحيتين: من ناحية صاحب المدونة .. ومن ناحية المتابعين كمان

زي ما المدون بيكون صعب عليه إنه يكتب موضوع قيم يوميا .. بيكون على المتابعين صعوبة شديدة في ملاحقة كل ده .. وخصوصا ان عدد المدونين بسم الله ما شاء الله بقى كبير جدا

عموما .. المهم انك تكوني متواجدة باستمرار بأي طريقة تشوفيها .. حتى لو تدوينة كل يوم

:-)

MR.PRESIDENT يقول...

الحملة هدفها حلو ..
بس رغم ذلك انا بعتذر عن الإشتراك فيها
لان احاول بقدر استطاعتي تقديم افضل محتوي عندي وبذلك لو اشتركت في الحملة احتمال الا ارضي عن ما اكتب ,,
ربنا يوفقك والتدوين ده عالم رائع رائع رائع .......
دمتي بالايمان والمحبة دمت بكل ود

Jana يقول...

حمدا لله على السلامة يا فضفض
ربنا يقدّرك بقى :)
بالنسبة لى دى حاجة صعبة جدا ...ده انا فى ايام عزّى وايام ما كانت الدنيا لسه بخير :) كنت باكتب تدوينة كل شهر

فى طريقة حلوة اوى ممكن تتحايلى بيها على الحكاية دى
اكتبى قصة طويلة ونزليها على حلقات ..كل يوم حلقة .."زى رمضان كده" :-))
عايزين اثارة ومتعة وتشويق
:-)
.الفكرة بجد انك تقدرى ترجعى بانتظام زى زمان ...فربنا يوفقك ..وادعيلى
:-)

الطائر الحزين يقول...

حمدا لله على سلامتك

إنـســـانـة يقول...

حمد الله ع السلامة يا فضفض ، وإن شاء الله أكون معاكوا فى الحملة وأصدعكم يومياً لمدة شهر .. وأهو زي ما كنا بنلعب سوا فارم فيلا ندون سوا لمدة شهر برضه مايضرش هههههههههههه

ستيتة حسب الله الحمش يقول...

نستحملك؟
طب لما نشوف مين ها يسلم الأول

حمد الله على السلامة

AHMED SAMIR يقول...

يااااااااااااااااااه
حمدا لله على السلامة
العود احمد
هنستحمل طبعا
و منتظرين تعليقاتك القيمة في مدوناتنا مرة اخرى
تحياتي

Me7'o يقول...

يا مسهل

وإرجع شد القلاع يا مراكبى

مع تقديرى للمهندس أحمد

تحياتى

مع اصرارى يقول...

حمد الله ع السلامة
وأنا كمان راجع بس شوية شوية

نورتى مدونتك
تحياتى

رجل تحت الصفر يقول...

جميلة الفكرة خالص
و أنا معاكم

صيدلانيه طالعه نازله يقول...

اخيييييييييرا يا جميل
وحشتينى جدا و الله
استمرى و متعيطيش من تعليقاتنا اللى حنهريكى بيها

حمد الله على السلامه يا جميل

محمد عبد الغفار يقول...

انا انقطعت سنه ، وادينى رجعت
انما 30 يوم ده بالنسبه لى مستحيل

خمسة فضفضة يقول...

السلام عليكم جميعا

ربنا يخليكوا ليا رفعتوا روحي المعونويه وادتوني امل اني ارجع تاني

منورين المدونه ويارب دايما

عبده الرايق يقول...

يبدو واللة اعلم ان انفلوانزا الانقطاع عن التدوين اصابت الكثيرين والعبد لله عبده باشا الرايق منهم
لذلك اعلن موافقتى على هذه الاتفاقيه الدوليه
وساحاول المتابعه ان شاء الله
تحيه منى لكى يا دكتوره ولكل زوارك
كان معكم محدثكم مستر رايق من اذاعه المنقطعين عن التدوين

القرآن الكريم