TvQuran

٢٠٠٧-٠٧-٢٠

مذبحه علي ضفاف النيل


في هذه الساعه قبل الشروق غصن نحيل من الضوء يداعب جفوني يقطف منها العتمه ، ثم ها هي الشمس كلؤلؤه جميله تطل من بعيد لتصبغ الافق بنورها الأخاذ و تبعث الحياه من جديد ، تخترقني اشعتها البرتقاليه لتوقظ كل خليه من خلايا جسدي ، هذا الجسد الملئ بتجاعيد حفرتها الايام

في ذلك المكان علي شاطئ النيل الخالد الذي
جمعني وعائلتي نتشابك ونتداخل ولا نفترق ابدا إنه بيتي الذي اعتده ولا اعرف غيره ولم افارقه منذ جئت الي دنياكم قبل عشرات السنين

راينا كثيرا ومر علينا الكثير، مر علينا من العشاق منهم من كان يتألم و منهم من كان يتمايل في نشوي وهيام
راينا امهات يحملن اطفالهن ، طالبات يحتضن كتبهن وينظرن بأمل الي مستقبل قادم يحلمن ان يكون اكثر اشراقا ،

من مكاننا هنا علي ضفاف النيل عشنا مع هذا البلد احلامه وآماله ، اسعدتنا انتصاراته واوجعتنا كبواته ، عشنا معه افراحه وآلامه ، حلمنا مع ناسه بغد افضل ومستقبل واعد

كل صباح ننظر الي الافق البعيد ونرفع ايدينا للسماء آملين ان يفتح الفجر القادم من بعيد نوافذ الامل للمتعبين ، هؤلاء البسطاء اصحاب الاحلام البسيطه الذين ينثرون علي امتداد الافق امانيهم ، وعيونهم شاخصه نحو ذلك الطريق المتموج كافعي اسطوريه

رأينا الأمل يحف الناس ويفتح امامهم ابواب الحياه ، وراينا البلاد يهرب منها الصباح ويلفها السواد ، ثم تعود الشمس لتشرق من جديد ، وهكذا كانت حياتنا في هذا المكان مذبذبه عشنا حالات من الفرحه والالم ، كلها مشاعر لم تدم طويلا ، فسبحان مغيرالاحوال من حال الي حال

اصبحت السنوات تمرعلينا مُتعَبَه ،
ملأ الغبار الطريق امامنا، و لم تعد الدنيا كما الماضي آمنه ، اصبحت قاسيه عنيفه شرسه كعاصفه هوجاء ، اصبح الناس يعيشون في لا مبلاه ، فقدوا مشاعرهم الجميله ، لم يعد هناك حزن ولافرح ، يأس ولا امل ، اصبحنا نعيش حاله من التبلد ، حياة بارده لا حس فيها ولا مذاق لها ، هشه كورقة الخريف الجافه

وعندما تفقد مشاعرك تفقد حياتك كلها، تتصدع من داخلك ، تختفي الالوان من حولك ويتبقي لك لون واحد قاتم السواد
ويتسلل الموت اليك بطيئا ليغتال روحك ويسلبك اياها ، يُبقي فقد علي جسدك المتهالك، وبفقدان الامل في الخلاص تتشابه
الايام كنسخه كربونيه

بالنسبه لي كان دائما يتبقي القليل من الامل مع كل اشراقه للشمس و مع كل يوم جديد اتمني ان يحمل لنا البشري بالخلاص ، يعيد لنا مشاعرنا وارواحنا المسلوبه ويرسم البسمه علي شفاهنا

يراودني احساس بأن هذا اليوم مختلف ، تمنيت ان يحمل معه الامل و يعيدنا الي ذلك الزمن الجميل

نظرت الي تلك الحافله التي تخترق الطريق مسرعه في هذا الوقت المبكر ، لا اعرف لماذا شعرت ان قلبي يرتجف هلعا بين الضلوع وان مشاعر الخوف والرهبه
تغتالني

هاهي تتهادي امام بيتنا ...تتوقف .... يهبطون منها شاهرين السلاح ، لم استوعب ما يجري من حولي ، يقتربون من ابي ثم .... ثم ....لا استطيع ان اتخيل ما حدث تعجز الكلمات عن وصفه ، انهم يرفعون سلاحهم ويهون به علي قلبه ، يسحلونه علي الطريق والدماء تسيل منه ، يتناثر لآلاف القطع

تتعالي الصيحات لطلب النجده ، ولكن ما من مجيب ، يعيدون الكره مع امي ، ثم اختي الكبري واخي ....يا الهي ...
لا اصدق ما يدور امامي ، هل فعلا هي الحقيقه الخاليه من كل لبس وخيال..؟؟؟؟؟

اتسأل ماذا فعلوا ليتم ذبحهم بهذه القسوه علي قارعة الطريق ولا يجدون من يدافع عنهم ، فقط ترتسم اللا مبالاه علي وجوه الماره كما اعتدناهم في السنوات الاخيره ..لا توجد ثمة بارقة امل في الافق ،
لا الصبر ولا الصلاة ولا الصوم يستطيعون الوقوف ضد هذه الهجمة الشيطانيه

يا رب يا مغيث ساعدني ، لا اعرف ما يجب ان افعله ، فدوري قادم لا محاله ، القاتل يدنو مني ببطء ، يقف ليتأملني قبل ان يقدم علي قتلي انا الاخري ، عله يجد فيّ ما يثنيه عن إتمام فعلته الشنعاء ، ولكن كيف هذا فهو لن يراني من الجميلات الاتي يعجبنه ، فلست الا عجوز شمطاء بدينه تكسوني التجاعيد ، لا اضاهي فتياته ذوات البشره الناعمه والقد المياس
ظل في مكانه يتبادل معيّ النظرات لا يذهب ولا يقترب ....وانا اتأرجح في الانتظار ريثما يقرر ...هل اموت ام احيا ..؟؟؟

لماذا لا يقتلني انا ايضا ... او لماذا لا يرحل وحسب

واخيرا جاء قراره بخلاصي ، قرر ان يضع حدا للآلام وان يلحقني بأحبتي

باشاره من يده رفعوا سلاحهم ليهوا علي جسدي المرتجف ، شعرت بضرباتهم تزلزل كياني ، وتنزعني من جذوري ولكني صمدت ، فاعادوا الكره ..مره ...مرتان ...ثلاثه ...ثم اتهاوي واسقط بجواري عائلتي التي لم يفرقني عنها حتي الموت نفسه

----------------------------

اهداء للدكتور فتحي سعد محافظ الجيزة و صاحب قرار مذبحة اشجار الكافور

48 comments:

Hadota ... حدوتة يقول...

فضفضة
بصراحة يعنى الموضوع غريب
وانا مش فاهمة اوى
بس اللى اقدر اقولهولك ان جو النيل والضفاف والمذبحة عامل شغل جامد جدا عيشنى احساس حلو

ساعات الواحد لما يموت كل حبيابه يتمنى يموت هوا كمان
انا شخصيا بتمنى اموت قبل ماما واخواتتتتى
تحياااااااتى

صاحب البوابــة يقول...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

ma 3lina يقول...

ما شاء الله .. جميلة جدا يا دكتورة
اتلخبطت في الأول ودماغي راحت لحاجة تانية .. لكن بعد كده لما شفت الإهداء قريته من الأول تاني .. ففهمت الموضوع ..

كالعادة تبهرينا بالمستوى العالي

جزاكي الله خيرا

رفقة عمر يقول...

كلمااتك جميله قوى كالعادة
الاشجار دى من نعم ربنا علينا النظر ايها يريح النفس
بس احنا بقينا فى زمن بتر اى شئ جميل والقبيح هو السائد فقط

Hadota ... حدوتة يقول...

فضفضة
انا قريت البوست تانى وفهمت
مذبحة بجد
قلبى اتكسر عليهم
حاجة مؤلمة فعلا
:((

الراقـــص مع الذئـــــاب يقول...

السلام عليكم ورحمة الله وبركاته
وكأني اسمع صراخها هي واقرانها
بجد شئ مؤلم ومحزن جدا
اتمني ان يعيد المسؤلين النظر في مسالة قطع الاشجار
فاللون الاخضر اصبح صعب الحصول عليه مرة اخري


موضوع جميل واسلوب جديد في التقديم يا دكتورة

دمتي في خير إن شاء الله

.:.-=- ELGaZaLy-=-.:. يقول...

جميلة يا دكتورة بس تفتكرى ان

البلد فيها قلوب لسة؟

عصفور المدينة يقول...

جميل تصوير إحساس الشجرة
ويبدو أنك اضفت الإهداء بعد تعليق أ حدوتة

ولكن القوم لا يشعرون

همسات دافئه يقول...

:))))))
بصى ياستى لسه كنت كاتبه بوست والراقص مع الذئاب عدى يعلق عندى وقالى أجيلك عشان موضوعنا متشابه بصراحه أسلوبك رائع انتى أستاذه بجد وهاجى كتير عشان أتعلم منك
أحييكى بشده شديده:))
شيماء

الطائر الحزين يقول...

ايتها الشجرة
السلام عليكم ورحمة الله
انت كما تظللين علينا وتحمينا من التراب فانت تحوين البوم
فلما يغتالوكى ستذهب البوم الى مكان بعيد

لكن اذا مشت البوم جاءت الفئران
ايهم اخف ضررا

تحياتى

simply me يقول...

السلام عليكم عندى موضوع مهم ...لازم تشاركونى فيه

BinO يقول...

موضوع الأشجار ده دائماً ما يبعث في عقلي لخبطة
بمعني لما بأنظر لطيق الزقازيق الزاعي أو أي طريق زراعي في مصر وأجد تلك الأشجا التي تحفه منها الزيزفون والكافور وانواع أخري عتيقة ونادرة
وأجد الدماء ايضاً تسيل علي جنبات هذه الطرق نتيجة لضيقها الشديد وعجز الدولة عن التوسعة بسبب سوء التخطيط الأولي لمن وضع الأشجار علي حافة الطريق
من أهون
قطع تلك الأشجار
أم أستمرار مسلسل النزيف


في مدينة الأسماعيلية
عند توسعة أحد الطرق
وجدت شجرتان تعوقان التوسعة
فما كان من البلدية الا ان جعلت الطيق حول الشجتان بمعني ان السيارات تم من علي يمينها ويسارها في نفس الأتجاه
يعني لو واحد مخدش باله حيرشق فيهم

طبعاً كلامي مش تأييد للقطع الجائر للأشجار من أجل مصالح شخصية
ولكن أن بس بوضح نقطة المصلحة العامة

أما عن وصفك للموضوع فهو رائع كالعادة

غير معرف يقول...

أييييييييي
اتقتلت مع كل غصن انضرب بالفاس
صورتيها بطريقه توجع القلب بجد

mohand يقول...

السلام عليكم
انا شوفت البوست اول ما اتكتب بس معلقتش عليه
طبع اسلوبك في سرد الموضوع بشكل قصصي جميل قوي
واحساسك بألم الشجره واحساسها فعلا مؤلم
-----
بس اوقات بيكون فيه ضرورة لقطع الاشجار
والا مثلا هنعمل ازاي الصناعات الخشبيه
انا اقصد في العادي يعني طبيعي في قطع للاشجار بس اللي عملة المحافظ كان لسبب ايه معرفش

تحياتي
ويا رب تكوني كويسه دلوقتي والضغط خف شوية كمان
علي فكره انا عايز اعرف ازاي اعمل عندي لينك لموقع افحت مع كل تدوينة
يا ريت تبعتيلي حته تعليمية كده
انتي عارفه ايميلي الجي ميل في مدونة الاهلي
السلام عليكم وتحياتي

عمر عاشق القرآن يقول...

جمييييييييييييييييييلة اوى

انا الاول عمال افكر انتى كاتباه عن ايه وبعدين قلت اقرى اخر حاجة ففهمت وقريت من الاول

اسلوب عالى عالى عالى يعنى
وكمان القضية اللى انتى كاتبة عنها قضية سامية جدا

مبن سامية دى ؟؟
مش مهم مش مهم

gohayna يقول...

والله الاسقاط رائع يا دكتوره

بجد انا اتغظت جدا لما سمعته بيقول

ان حيات الناس عنده اهم مليون مره من الاشجار

صحيح ممكن يبكون عنده حق لكن هو شايف من وجه نظر واحده بس

ربنايرحمنا يارب جميعا

تسلم ايدك يا قمر والله

تحياتي

أحمد سلامــة يقول...

لا يسعنى سوى الابتسامة الحزينة يا دكتورة
مشهد قتل الاشجار هذا لا يفارقنى اساه ما حييت
منذ بدا بقتل حديقة مدرستي الابتداءية لضمها الي المباني جديدة
ومرورا بشجر البرتقال في مزرعتنا القديمة
انتهاء بهذا الجمال الذي تشوه لينضم الى معالم البشاعة المعتادة في جمهوريتنا الكريمة
تحياتي لكي
اسلوبك في الحكي راـءع

Ma 3lina يقول...

ما اكثر الم1ابح فى عصرنا الان

موضوع رائع و الكلمات معبرة

و حمد الله على سلامة حضرتك

مشروع انسان يقول...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

غير معرف يقول...

حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station

سكتم بكتم يقول...

ماشاء الله الظاهر أنا وأنتي ماشيين اليومين دول في سكة القصص الكئيبة

خلي بالك دي سكة اللي يروح ميرجعش

علي العموم جئت أسجل أعجابي برشاقة الكلمة وجودة الفكرة

تحياتي

خمسة فضفضة يقول...

السلام عليكم ورحمة الله وبركاته

حدوته

فعلا ساعات لما بيموت الناس اللي بنحبهم بنبقي عاوزين نبقي معاهم ، لو قريتي قصة " معا للابد " هاتلاقي اكبر مثل علي ده

كويس انك لما قريتها تاني عارفتي المغزي من ورا الكلام


نورتيني .....

سلام

خمسة فضفضة يقول...

السلام عليكم ورحمة الله وبركاته

صاحب البوابه

اهلا بك دائما

واحييك علي شجاعتك الادبيه

تحياتي

خمسة فضفضة يقول...

السلام عليكم ورحمة الله وبركاته

باشمهندس ماعلينا

شكرا علي ذوقك
والحمد لله ان الفكره وصلتلك لما قريتها تاني

تحياتي

خمسة فضفضة يقول...

السلام عليكم ورحمة الله وبركاته

رفقة عمر

عندك حق بقي فيه ناس مش مقدرين نعم ربنا علينا

وبيحاولوا دايما انهم يشوههوا اي شئ جميل حوالينا مهما كانت قيمته


نورتيني

تحياتي يا قمر

خمسة فضفضة يقول...

و عليكم السلام ورحمة الله وبركاته

باشمهندس محمد الراقص مع الذئاب

للاسف المسؤلين في بلدنا مش بيعبيدوا النظر في اي قرار خدوه مهما كان غلط

شكرا علي ذوقك ، تروح وترجع بالف سلامه

ودمت انت لنا بخير

خمسة فضفضة يقول...

السلام عليكم ورحمة الله وبركاته

الغزالي

لا مافتركرش دي ناس قلوبها ماتت من زمان

تحياتي

خمسة فضفضة يقول...

السلام عليكم ورحمة الله وبركاته

باشمهندس عصفور المدينة
لو كل واحد يشعر باحساس الشجره اللي بيدي اوامر انه يجتثها من جذورها ، اكيد كان راجع قراره ده ميت مره قبل التنفيذ

لا الاهداء كان موجود من الاول بس اعتقد حدوته ما خدتش بالها منه


تحياتي لحضرتك

خمسة فضفضة يقول...

السلام عليكم ورحمة الله وبركاته

واحده من الناس

قريت البوست بتاعك جميل جدا و احساسك بالشجره فيه عالي اوي

متشكره اوي علي المدح الجامد اوي ده ، انا لسه علي ادي ودي مجرد محاولاتي

وعموما ياستي انت تنوريني وقت ما تحبي

تحياتي

خمسة فضفضة يقول...

وعليكم السلام ورحمه الله وبركاته

الطائر الحزين

اعتقد ان البوم اخف ضررا بكثير من الفئران اللي بتخرب اي مكان تتواجد فيه

تحياتي

خمسة فضفضة يقول...

السلام عليكم ورحة الله وبركاته

بندقه
جزاكي الله خير علي التنويه

معاكم وهابعت الايميلات ان شاء الله

تحياتي

خمسة فضفضة يقول...

السلام عليكم ورحمة الله وبركاته
باشمهندس بينو

انا لا اقول ان نبقي علي الاشجار التي تهدد الارواح وتضيق الطرق

ولكني ايضا لا اقول بقطعها ، فهناك طرق اخري مثلا ان ننقلها لمكان آخر وليس قطعها وحسب ، وخصوصا لو كان عمرها 130 سنه او اكثر يعني ثروه قوميه

اما ال 17 شجره التي اتحدث عنها فهي لم تكن تضيق طريق ولا تسد آخر او تتسبب في حوادث ، فهي علي الكورنيش بالجيزه وبالتحديد امام فيلا النائب محمد ابو العنين
ال 17 دول وبس لا قبلهم ولا بعدهم
كما ان اسباب القطع غير مقنعه بالمره


تحياتي

خمسة فضفضة يقول...

السلام عليكم ورحمة الله وبركاته

وينكي

الف سلامه علي قلبك من الوجه يا جميله

نورتيني

خمسة فضفضة يقول...

وعليكم السلام ورحمة الله وبركاته

مهند

ليه بس كنت زعلان مني ولا اي ..؟؟؟

الصناعات الخشبيه دي ليها الاشجار الخاصه بيها واللي بتتزرع مخصوص علشان خشبها
مش اشجار عمرها 130 سنه

الحمد لله كويسه بس الضغط ما خفش ولا حاجه خصوصا انا الموجه الحاره رجعت اشد من الاول

بعت لك الايميل يا تري وصل ..؟؟؟

تحياتي

خمسة فضفضة يقول...

السلام عليكم ورحمة الله وبركاته

مشروع بطل

شكرا علي ذوقك اخجلتم تواضعنا

تحياتي

خمسة فضفضة يقول...

السلام عليكم ورحمة الله وبركاته

د/ جيهان

شفتي كل الكلام اللي قاله ده ، و لا اقتنعت باي كلمه
هما من امتي بيهتموا بحياة الناس ، كانوا نوروا الطرق وصلحوها ، فامتهيالي ان الناس اللي بتموت في الحوادث اكتر بكتير اوي من اللي بيموتوا من الشجر

اصلا حسيت ان الموضوع ده جايه بيه اوامر عليا علشان مصلحة شخص معين

تسلميلي يا قمر

تحياتي

خمسة فضفضة يقول...

السلام عليكم ورحمة الله وبركاته

د/ احمد سلامه

اسمحلي اشاركك الابتسامه الحزينه ، للاسف العقول هي هي في كل مكان وزمان

ادعي معايا ربنا انها تتغير بقي ويجي ناس ليها افكار وعقول انضف من كده

تحياتي

خمسة فضفضة يقول...

السلام عليكم ورحمة الله وبركاته

د/ مرام

ايوه ما اكثرها

شكرا علي ذوقك يا مرمر

تورتيني

خمسة فضفضة يقول...

السلام عليكم ورحمة الله وبركاته

امام الجيل

للاسف مش هاقدر اكون معاكم لاني لست بالقاهره

تحياتي

خمسة فضفضة يقول...

السلام عليكم ورحمة الله وبركاته
وينكي

حلوه اوي المبادره دي
يا بختكم مش هاقدر اكون معاكم ، لاني خارج القاهره

خمسة فضفضة يقول...

السلام عليكم ورحمة الله وبركاته

منزر

بارك الله فيكم ، فكره جميله جدا رحت وقريت الموضوع وان شاء الله احط البانر

جزاك الله خير

خمسة فضفضة يقول...

السلام عليكم ورحمة الله وبركاته

د/ سكتم بكتم

لا يا دكتور ان شاء الله ما تكنش كلها كئيبه احسن الناس تزهق وبعدين العالم مش ناقصين كئابه

شكرا علي الاطراء اخجلتم تواضعنا

تحياتي

mohand يقول...

السلام عليكم

لا كنت فاكرك انتي اللي زعلانه
حصل خير

الايميل وصلني وجربت معرفتش اعملها برضه يا دكتوره
مش فاهم فيه ايه

ربنا يسهل وموجة الحر تختفي ان شاء الله


تحياتي

بنت القمر يقول...

اختى الفاضله فضفضه... بعد التحيهالفوضى حاكمه حيلتنا الان من كل ناحيه ليه لان مفيش محاسبه مفيش رقابه كل اللى عاوز يعمل نفسه متطور وصاحب خط جديد يطلع بقرار مفتكس تعالى شوفى اسكندريه نزعوا الارصفه الرخاميه الجميله وحطوا ارصفه تانيه اسمنتيه كئيبه وشالوا الاسفلت وحطوا جديد اتصرف عليه ملايين بدون فايده متعرفيش القديم مالو بس عشان الناس تقول البيه المحافظ عمل!!! عشوائيهعلى فكرة انا مش بعلق غير المدونات اللى بتعجبنى تحياتى لشخصك المحترم

خمسة فضفضة يقول...

وعليكم السلام ورحمة الله وبركاته
مهند

طيب الحمد لله ، ربنا ما يجيب زعل
ويارب الحر يخلص بقي ، ولا وني هازعل اوي لما الصيف يخلص
مش عارفه ماعرفتش تعمله ازاي ، حاول بنفس الخطوات المذكوره وان شاء الله تظبط معاك

تحياتي

خمسة فضفضة يقول...

السلام عليكم ورحمة الله وبركاته

بنت القمر
للاسف عندك حق ، والحكايه دي من ايام الفراعنه لما كان كل فرعون جديد يجي يقوم مكسر وماحي كل حاجه سبها اللي قبلها علشان ما يفضلش الا هوه وبس

ربنا يهدي

شكرا علي ذوقك وشكرا انك نورتيني

تحياتي يا قمر

BinO يقول...

أستاذة فضفضة
أنا قلت كده لو قرأت تعليقي
:)
أعرف أنه هناك أسباب شخصية طبعاً
وأنا قصدت أن أوضح وجهة النظر وليس الأعتراض

•√أريـ السمر ـج√• يقول...

موضوع رائع و تصويرك للأحساس اكثر من رائع
اسعدنى المرور عندك و اذا سمحتى لى استعرت شعار مدونة نظيفة جعلها الله بميزان حسناتك

القرآن الكريم