2008-01-24

إن جالك الغصب ..خده بالرضا





لا ياسيدي الرئيس لم يكن قرارك ،و لم تكن مبادرتك ، الحصار الجائر طوال هذه الايام السابقه ، لم يحرك فيك ساكنا ، لم يدفعك لتأمر بفتح معبر رفح ولو حتي لادخال احتياجات الحياة الاساسية من اغذية وادوية ووقود
انت فقط طبقت سياسة ان جالك الغصب خده بالرضا
فقط لتحفظ ماء وجهك ووجهنا امام العالم

قسوة الحصار يا سيدي هي التي ولد ت الانفجار

اهل غزة اخرجو انفسهم لا يوجد فضل لاحد في هذا الفك الجزئ للحصار
لم يساعدهم احد ، لم يبالي بهم احد
وقف العالم ليتفرج علي نزيف غزه ولم يحرك احدهم ساكنا ، الجميع وفي مقدمتهم كل الزعماء العرب يغطون في نوم وسبات عميق

واني لاتعجب من هؤلاء ..كيف لهم ان يناموا ملء جفونهم والدمار والقهر والاذلال يفتك بغزه ليل نهار


فكان قرار التفجير وإقتحام الحدود ، ليخرج اهل غزه الي العالم بعد اغلاق للمعبر دام اكثر من سبع شهور وبعد ان استفحلت الأزمة الإنسانية و فشلت الحياة بشكل تام وتعطلت جميع المرافق الحيوية وخدمات المستشفيات ، بعد ان توقف ضخ المياه النظيفه للمنازل وانقطعت الكهرباء وغرقت الطرقات في مياه المجاري

من يري مشاهد تدفق الناس الي رفح والعريش له ان يتخيل حجم المعاناه ففي اقل من نصف يوم تدفق اكثر من مائة الف فلسطيني وبعض الروايات تقول انهم نصف مليون

لا اجد الكلمات التي اصف بها بعض التجار الذين استغلوا الموقف وضاعفوا اسعار البضائع وعلي رأسها لبن الاطفال ، بعض السلع تضاعف سعرها الي 200 % خصوصا الوقود

فقط اقول لهم ولكل الحكام العرب اتقوا الله في هؤلاء الجوعي المحاصرين



--------------------------------

تحديث

اتعجب بشده من موقف كل الدول العربيه التي مازالت تغط في نوم عميق

لليوم الثالث علي التوالي مازال المعبر مفتوح وانباء تقول بقرب اغلاقه علي منتصف اليوم ، وللاسف لم تتحرك اية دولة عربيه خاصة الدول الثريه في الخليج ، لم يتحرك احد منهم لارسال بعض المساعدات لهؤلاء الجوعي الذين اتوا علي الاخضر واليابس في مدن شمال سيناء ومدن القناه ايضا

اتعجب واتساءل اين هي الاموال العربيه اين دعم الامراء والملوك العرب لماذا لم تصل مساعدات الي الآن لاستغلال الفرصه قبل اغلاق المعبر
؟




57 comments:

الطائر الحزين يقول...

اول تعلييييييييق

ان جالك الغصب خليه بالجوده

فعلا كما تفضلت هذا ليس قرار أحد

وان كان قرار من أحد فهو عودة للشىء الطبيعى والمفترض ان يكون

وليس هو انجاز أو شىء يستحق حتى الشكر


بارك الله فيك على الفهم الصحيح
تحياتى

لحظة يقول...

كنت لسه باسال
اللي في ايده فتح وغلق المعابر
ماعندوش دم للدرجة دي

طب بيقتلوهم واهو اللي بيموت بيروح عند ربنا وهو اعدل وارحم

لكن اللي عايشين دول
يعيشوا ازاي في الظروف دي

بيتهيالي هما سايبينهم كده عشان يورونا النعمة اللي هما معيشينا فيها

حسبي الله ونعم الوكيل

Gid-Do - جدو يقول...

السيدة الفاضلة
ما ساكتبة الان ليس دفاعا عن الرئيس ـ السيد الرئيس قادر على ذلك بوسائل ليس لها اول ولا اخر ـ

انا ضد العقاب الجماعى المفروض على غزة ـ ومع مقاومة الاحتلال ـ وضد سياسة الولايات المتحدة واسرائيل فى المنطقة ـ ولكن اليس لمصر الحق فى الحفاظ على امنها القومى؟ الا يمثل تفجير الحاجز الحدودى اعتداء على سيادة مصر على اراضيها؟
اليس ما حدث فوضى؟ وفى الفوضى يندس من هو على استعداد للتخريب ـ حتى عملاء من اسرائيل قد يكون لهم وجود بين هذة الكتل البشرية ـ هل نسينا تفجيرات طابا ودهب والازهر؟ ـ الم يكن التعنت والخلاف والاقتتال بين فتح وحماس احد اسباب المشكلة؟ - الم تقف مصر دائما مع الفليسطينين ورغم هذا تسب مصر والمصريين علاننا فى الاذاعات والصحف؟ الوقوف الى جانب الحق الفلسطينى واجب ولكن اليس امن مصر وسلامتها فرض؟
واترك لك الرد على اسئلتى

عصفور المدينة يقول...

إن جالك الغصب خليه ببطولة

محمود الدوح يقول...

زى اللى بينضرب على قفاة ويقول بمزاجى

فرنسا هانم يقول...

الغضب بيولد الانفجار
ويمكن ان يتحول الى بركان
ولكن
انا لن ادافع عن الرئيس او غيره
ولكنى اتساءل
هل امن مصر غير قادر على وجود تعزيزات امنيه كبيره تمنع فتح الحاجز عنوه ؟؟؟؟
على العموم
ايا كان الوضع
ندعو من الله ان يحفظ غزه وينصر اهلها
وما حدث هو امر طبيعى
والغير طبيعى هو ترك الفلسطينيين يموتون جوعا ومرضا

رفقة عمر يقول...

عارفه لما تحسى انك مش عندك كلام لما تحسى بالعجز للدرجه دى بقينا عايشين فى غابه خلاص انعدمت الانسانيه والرحمه علشان شويه دولارات حسبى الله ونعم الوكيل

مهندس مصري يقول...

المهم انهم خدوا احتياجاتهم و فكوا الحصار مؤقتاً
هو اعتداء على السيادة المصرية صحيح بس احنا اللي إضطرناهم لكده و لا كنا عايزينهم يموتوا من الجوع و هما ساكتين
على الأقل إشتروا اللي عايزينه و محصلش أي سلب أو نهب أو اعتداء
و المفروض حكومتنا المصونة ملهاش في فتح المعبر غير ختم الجوازات و تحصيل الجمارك على البضايع
انما مستنية اذن اسرائيل علشان تفتح لهم أهو ده من عجايب الدنيا
و الأعجب إن الإسرائيلي يستطيع المرور في أي وقت من ايلات لطابا و حتى شرم الشيخ بدون جواز سفر و بكارت صغير و ختم من معبر طابا طبقاً لإتفاقية السلام
بينما يمنع الفلسطيني من دخول رفح
لأن السادة الصهاينة مش راضيين

غصب أو رضا المهم ان أزمتهم بدأت تتفك
ربنا يحلها كلها على خير

mohand يقول...

السلام عليكم

عارفة يا دكتوره

لما شوفتهم وهما متدافعين علي المعبر واحنا قافلينه

حسيت بالاهانه قوي

تخيلي لو جالك ضيف وتقفلي الباب في وشه

تخيلي واحد مجروح يخبط علي بابك ويقولك عايزك تدويني

ترفضي عشان خايفه من اللي ضربه

علي اساس ان اللي ضربه ممكن يضربك

حسبنا الله ونعم الوكيل

ا بـن عــمــر يقول...

لانملك الا أن نقول لك الله ياغزة
وحسبنا الله ونعم الوكيل فى حكامنا

خمسة فضفضة يقول...

السلام عليكم ورحمة الله وبركاته

الطائر الحزين

ليس انجاز ولا قرار تاريخي من القياده الحكيمه ، بس المشكله ان القياده الحكيمه دي دايما بتكدب الكدبه وتصدقها وعاوزانا احنا كمان نصدقها معاها


تحياتي

خمسة فضفضة يقول...

السلام عليكم ورحمة الله وبركاته

لحظة

ايوه عاوزين يقولولنا احمدوا ربنا جنة قيادتنا الحكيمة ولا نار اسرائيل

حسبنا الله ونعم الوكيل


تحياتي

خمسة فضفضة يقول...

السلام عليكم ورحمة الله وبركاته

جدو

ايوه معاك يا جدو ومقتنعه بكلام حضرتك جدا وفعلا اللي حصل ده خطر جدا وممكن يندس بينهم ارهابيين ومخربين وممكن الامن مايقدرش يسيطر علي الموقف

بس عاوزين نحط نفسنا مكانهم ،مكان اب ابنه بيموت قدام عنيه علشان مش لاقيله علبة دوا ، ولا ام عيالها بيموتوا من الجوع ، ولا ولا ولا ...اكيد حضرتك قريت زينا عن كل المهازل اللي حاصله هناك
بالله عليك لو حد فينا مكانهم مش كان هايعمل زيهم
وارجع اقول الغلط في الاول والاخر علي مصر كان ممكن يتقوا ر كل ده ويفتحوا المعبر والناس تدخل تشوف احتياجاتها بالطريقه الامنيه السليمه بس تقول لمين ؟؟؟؟
الحمد لله انهارده تاني يوم ومافيش اي اخبار عن اعمال شغب ولا سرقه ولانهب

وارجع واقول ربنا ان شاء الله هايستر

تحياتي لحضرتك

خمسة فضفضة يقول...

السلام عليكمورحمة الله وبركاته

باشمهندس عصفور

واحنا ماشاء الله علينا قيادتنا الحيكمه دايما بتعرف تتقن ادوار البطوله

نورتني

خمسة فضفضة يقول...

السلام عليكم ورحمة الله وبركاته

محمود الدوح

هههههههههه
والله فعلا شرالبلية ما يضحك

خمسة فضفضة يقول...

السلام عليكم ورحمة الله وبركاته

فرنستي الجميله

ربنا يستر ان شاء الله ، وزي ماقلت في ردي علي جدو خلينا نحط نفسنا مكانهم ، اكيد كنا هانعمل زي ماعملوا ويمكن اكتر

ياريت تقري ردي علي جدو

منوراني

خمسة فضفضة يقول...

السلام عليكمورحمة الله وبركاته

رفقة عمر

حسبنا الله ونعم الوكيل الف مره علي اللي بيفضل مصلحته الشخصيه علي حياة الآلاف من البشر
الناس دي خلاص قلوبها ماتت من زمان قوي


فيه اية في سورة التوبة الآية دي كل ما اقراها عني تدمع ، اعتقد انها تنطبق علي الموقف ده

بسم الله الرحمن الرحيم
(قل إن كان آباؤكم أبناؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره).صدق الله العظيم

خمسة فضفضة يقول...

السلام عليكم ورحمة الله وبركاته

مهندس مصري

ماحنا في زمن العجايب ، واللي يعيش يما يشوف

وفعلا المهم انهم خدوا احتياجاتهم من المؤن الغذائية والادوية وحاجات تكفيهم مؤقتا لحد ماربنا يسهل

خمسة فضفضة يقول...

السلام عليكم ورحمة الله وبركاته

مهند

انت وانا والشعب المصري كله ممكن نفكر زيك كده يا مهند لاننا لسه عندنا شوية دم بيجروا في عروقنا ، اما قيادتنا الحكيمه الموقف عندها عادي جدا جدا

وكل اللي حصل ده مش بيحركلها رمش ، بل علي العكس اعتبرته انجاز من انجازاتها وان هي اللي فتحت المعبر واغاثت اهل غزه

ناس ماعنداش دم تعمل ايه بقي

حسبنا الله ونعم الوكيل

خمسة فضفضة يقول...

السلام عليكم ورحمة الله وبركاته

ابن عمر

حسبنا الله ونعم الوكيل
ربنا علي الظالم والمفتري

آلام وآمال يقول...

حسبنا الله نعم الوكيل

والله يا دكتورة انا اللي تعبني دلوقت اكتر واكتر هما التجار والبياعين اللي استغلو الفرصة واستغلو احتياج النازحين للأكل والمؤونة هذا الاستغلال السيء
الواحد يقول ايه بس
ايه الافترى والظلم وعدم الاحساس ده
مش ممكن الناس دي يكون عندها ضمير ابدا

الواحد مش عارف يقول ايه والله
خلاص كل القيم ضاعت

حسبنا الله ونعم الوكيل

محمد فوزي آل ربيع يقول...

يعني التجار اللي زادوا تمن البضائع دول، بجد ما بيستحوش على دمهم؟

محمد فوزي آل ربيع يقول...

بالنسبة لجدو: فأنا عايز أقولك يا جدو العزيز إن الناس دي عايزين يشتروا احتياجاتهم، طب ليه ما بنوصلهمش الحاجات دي عندهم و هما أكيد مش هيعتدوا على سيادة الدولة

تانياً: الناس دي نزلت اشترت أغراضها و ر لفت و رجعت القطاع و احتمال وجود جاسوس اسرائيلي غير مستبعد ماشي لكن ما قدامك السفارة الإسرائيلية ف مصر مش ممكن يكونوا زارعين جواسيس كدة كدة؟ جت على اللي هيدخل من معبر رفح الحدودي؟

يا مراكبي يقول...

أنا مندهش من سؤالك اللي في آخر البوست: أين الزعماء العرب

إنتي مش عارفه عناوينهم فين وألا إيه؟

شر البلية ما يضحك

محمد عبد الغفار يقول...

ان جالك الغصب اعمله جوده مثل فلاحى اصيل يقال ان منبعه ربوع المنوفية ، ولكن لا يمكن اغفال انه كان فى قدرته منع هذا الغصب ان اراد ولكنه جعله يبدو غصباً حتى يفلت من عقاب اصدقائه

تجار القرنص عمرهم موجودين والفدائيين بردو

الدول العربيه بتتفرج على كاس الأمم

ادم المصري يقول...

اولا انا ضدد فتح المعبر
.
.
ثانيا
اتفهم من الحكاية دي ان الريس مع حقوق الانسان وان تقرير مجلس النواب الاوربي فشنك
.
.
ثالثا
ابقي يوريني حلمة ودنه لو عرف يخرجهم تاني
.
.
رابعا
سعر المواد الغذائية ارتفعت اضعافا علي اهل البلد نفسهم .. والعيشة اصبحت صعبة علي الفسطينين والمصرين كمان
.
.
سادسا
الشعارات والمقالات والانتخات عمرها ما كانت بتاكل عيش
.
.
سابعا وثامنا وتاسعا
مش فاكرهم
.
.
عاشرا
تحياتي و سلام

خمسة فضفضة يقول...

السلام عليكم ورحمة الله وبركاته

محمد فوزي
ناس ماعندهاش دم نعملهم ايه بقي
هايبقوا هما والصهاينه عليهم
حسبنا الله ونعم الوكيل

خمسة فضفضة يقول...

السلام عليكم ورحمة الله وبركاته

يا مراكبي

معلش اصل نوتة العناوين ضاعت مني
فقلت انده عليهم هنا يمكن حد ابن حلال يدلني عليهم

خمسة فضفضة يقول...

السلام عليكم ورحمة الله وبركاته

محمد عبد الغفار
المثل في الاصل منوفي .....ياااااامحاسن الصدف

ربنا يخلصنا من القرنص وتجاره ويكتر من الفدائيين ..آمين

طيب اللي بيتفرجوا علي كأس الامم بتوع افريقيا ...فين بقي بتوع اسيا؟؟؟؟؟

خمسة فضفضة يقول...

السلام عليكم ورحمة الله وبركاته

آدم المصري

اولا ، لو حضرتك تقصد فتحه بالطريقه دي انا معاك ، بس عدم فتحه خالص لأ ، انا مع فتح المعبر بالطريقه الشرعيه السليمه اللي فيها الناس تعدي تحت اشراف مصر وبنظام بدل الفوضي الغير منظمه دي ، اما اننا نسيبه مقفول كده ونسيبهم يموتوا من الجوع لأ والف لأ


ثانيا : هو مع حقوق اي انسان غير الانسان حامل الجنسية المصريه اصل عنده حساسية من المصريين

ثالثا : ربنا يستر وان شاء الله هايخرجوا بس المشكله الكبيره بقي ان اسرائيل تتلكك وترمي في وشنا غزه وتشيلنا حملها علشان تخلص من الصداع اللي مسبباهولها من زمان

رابعا : الغلط هنا علي التجار الجشعيين اللي مش بيخافوا ربنا وبيستغلوا الموقف ...وهي دي عادتهم ولا هايشتروها

سادسا : ومين قال انها بتأكل عيش ولا حتي جاتوه



منورني ويارب دايما

Ahmed Al-Sabbagh يقول...

والله العظيم مش عارف أقولك ايه

ولا أرد على كلامك بإية

كلامك ما يتردش عليه بكومنت

كفاية انى دمعت

وقلبى وجعنى

الله يسامحك

انا بدعى ربنا يقف جنب اهلنا المتبهدلين فى غزة وكل مكان

اللهم امين

أحمد

Ahmed Al-Sabbagh يقول...

ليكى تاج عندى يا دكتورة

ياريت تردى عليه لما وقتك يسمح

اوراق الاجابة هتتلم فى مارس

أحمد

ana ga3an يقول...

ربما يفاجيء البعض
اعتراضي علي فتح المعبر
فالمشكلة ليست في المعبر صدقوني
فالفلسطنيين يعبرون عن طريقة منذ امد بعيد ويحصلون علي كل لوازمهم عن طريق العبور و العودة
وكل حاجة ماشيىة تمام
حتي اسألو اهل سينا و الظباط علي نقاط الحدود
هو المعبر اتقفل لما العين بقت علية اليومين دول

Dr-Online يقول...

عزيزتي كلماتك بها من الصراحة الشديدة مقدرا كبير وبها من الخوف علي المحاصرين مقدرا اكبر
اتمني ان لا تزول هذة الصراحة
كلنا معك في كل كلمة كتبتيها

وباذن الله اكيد بعد ظلام الفتن الدامي
اكيد سيشرق صبح جديد تعود فيه العزة الاسلامية ويعود فيه النصر والتمكين
بايدي كل الشرفاء
ولكن صبر قليل

والله يقول واصبر وما صبرك الا بالله

اللهم يا رب العرش الكريم يا مالك الملك يا حي يا قيوم نسالك بكل صفاتك
ان تكشف الغمة عن الامة الاسلامية وان تفك كرب المكروبين منها
وان تولي عليها من عبادك الصالحين من يتقيك فينا
ولا تولي علينا من لايخافك فينا ولا يرحمنا انك علي كل شيء قدير وبالاجابة جدير

اختي الكريمة مدونتك من اجمل المدونات التي زرتها واتمني ان تستمري بهذا المجهود
استمتعت بوقتي في مدونتك الجميلة واتمني ان تتشرف مدونتي بزيارتك الجميلة

اسف علي التطويل

الصيدلي المطحون

عاشقه الفردوس يقول...

فضفضه يافضفضه
مش عارفه اتكلم
زهقت من الكلام
تعبببببببببببببببببببت
فين الافعال بقي
ياربييييييييييييييييييي صبرنا

كرانيش يقول...

حسبنا الله ونعم الوكيل


وكفى بالله وكيلا

بنوته مصرية يقول...

حسبنا الله ونعم الوكيل

مش عارفة اقول ايه جوايا غضب ووقلبي وجعني

عاوزة اساعدهم ومش عارفة ازاي

بجد جاحة محزنه اوي لما تكوني قادرة وعندك قدره علي الحركة ومش قادره شئ منعك

عوزين يا جماعه نعمل حاجه ليهم
نساعدهم باكل بلبس باي شئ حرام بجد

معلشي انا قلبي وجعني اووي تخيلت بنتي هي اللي هناك

تخيلي لما تحسي اني بنتك جعانه شوفي هتعملي ايه

تحياتي يا دكتورة
رودي

•«ρяoιd»•™ يقول...

حصار غزة... الى متى؟ .. للمشاركه في الحملة

http://mr-proid.blogspot.com

شيكابلا يقول...

دكتورتنا الجميلةيمكن صرختك القوية دخلت وقريتها وتاثرت جدا بيها الى جانب الصحف التى تعلن ان غزة على شفا حفرة من النار دة كلة كان قبل ماتش مصر والشقيقة السودان يمكن اللى طمنى شوية الموقف الشجاع للاعب الموهوب ابو تريكة اللى قال للعالم كلة ان لم تكن غزة ف قلوب حكام العرب فهى فى قلوب شعوبهم ولهم اللة ينصرهم

محمد فوزي آل ربيع يقول...

بصي يا دكتورة أنا دلوقتي فعلاً بقيت مشوش و عقلي هيطير

يعني إية باكيت السجاير مالربورو ف العريش بقى ب 25 جنيه؟

دا شيء من تلاتة
1- الغزاويين فلوسهم كتير و مش محتاجين الخليجيين
2- الغزاويين بيفضلوا السجاير على الأكل و الشرب و الغاز لمحرك الكهرباء حيث إنه بينما البضائع العادية زادت 200% فالسجاير زادت 500%
3- الغزاويين مبيعرفوش يفاصلوا زيينا

أنا بجد خلاص هشك ف نفسي بعد شوية

EmY يقول...

فعلا معاكي حق الي حصل ده الريس مالوش اي فضل بيه بس حافظ علي كرامته
ياريت التجار مايستغلوش الظروف

تحياتي

safa7_karmooz يقول...

ممممممممممممممممممممم

ده مش قاراه...

بس لو اراد لاغلقه مجددا..:)

هاتى الادوية بقى :D

سيكو يقول...

بجد الحكام دول وجزم وكلاب

انا ما حد فكر مجرد تفكير ويودى اى معونه للناس دى

فى منطقتنا لموا من بعض ووادو عربيتن نقل محمله بالغذاء والبطاطين ليهم

لكن الحكام ولاد الكلب لما جه بوش وموظفينوا صرفوا المليارات عليهم

حبه كلاب

A.SAMIR يقول...

خلينا نتفق على ثوابت
من حق اهل غزة يبحثوا عن الغذاء والكساء والدواء حتى لو كان في سيناء
ومن حقهك يكسروا الحصار المفروض عليهم بأي وسيلة كانت
انما مش من حقهم يهددوا ويتوعدوا ويتحرشوا بقوات حرس الحدود المصرية ويدخلوا مصر وما يطلعوش
بلاش نيجي على نفسنا قوي كدة

كلام لوجيك يقول...

السلام عليكم ورحمة الله وبركاته

لا أدري ماذا أقول فى هذه المحنة والمهزلة التى تتم الان على مرأي وسمع الجميع

اولا أقول لأخوتى المتباكين على السيادة المصرية ... ماذا فعلت حكومتنا المعظمة تجاه هذا الشعب الأسير؟؟ ولماذا لم تقدم له المساعدات ولم تدخلها بنفسها الى القطاع حتى تتلافى ذلك؟؟؟؟

لماذا تعنتت الحكومة أمام المبادرات الشعبية ومبادرة أحد نواب الاخوان بمجلس الشعب وقامت بمنع دخول قافلة الإعانات الغذائية وغيرها من دخول قطاع غزة؟؟؟

لماذا قامت الحكومة بمنع التجار والشركات من ارسال امداداتهم الى المحلات والمراكز التجارية فى مدن شمال سيناء وخاصة العريش؟؟ وبهذا فقد عمدت الحكومة الى تجويع الفلسطينيين واخوتهم المواطنين المصريين على السواء
وهذا ما أدى الى ارتفاع أسعار المواد الغذائية بشكل جنونى (بدون أن ننسى جشع بعض التجار) ونفاذها من الأسواق وتوقف الحياة بمدينة العريش

وأيضا قامت الشرطة بإخطار جميع محلات العريش بإغلاق أبوابها حتى يجبروا الفلسطينيين على مغادرة العريش
وقاموا أيضا بالتنبيه على الفنادق وأماكن المبيت بعدم السماح بالتأجير للغزاويين !!!! هل هذه كلام معقول ؟؟

أختم تعليقى بنقطة أخيرة
غزة كانت تحت الوصاية المصرية قبل نكسة 68 ولذلك فمسؤلية مصر تجاه غزة أكبر بكثير مما تتوقعون
وأريد أن أرد على الأخت فرنسا هانم بخصوص التعزيزات المصرية التى كان يمكن لها أن تمنع هذا التدفق
يا أختى الكريمة اتفاقية كامب ديفيد اللعينة لا تسمح لمصر بإبقاء أعداد وفيرة وكافية على طول حدودها فى الشريط الحدودي وكامل تراب سيناء
كما تمنع هؤلاء الأفراد (أمن الحدود والعساكر) من حمل أي اسلحة ثقيله أو استراتيجية
لذلك فموضوع ضبط الحدد فى ظل مثل وجود مثل هذه الأعداد الغفيرة والظروف الاستثنائية هو أمر مستحيل

أعتقد أنه قد حان الوقت لإلغاء اتفاقية كامب ديفيد والتى فصلت مصر عن محيطها الجغرافى وعن سيادتها التامة على كامل ترابها

دمتم جميعا بخير

mo'men mohamed يقول...

ولا نملك الا ان نقول حسبى الله ونعم الوكيل
واخشى ان يتخذ الأعداء مما حدث وسيلة لتبرير ارتفاع الأسعار و الغلاء الذى طرء مرة واحدة
وتصبح فتنة
جزاكم الله كل خير
السلام عليكم

صوت من مصر يقول...

مع انى مع قضيه غزه لكنى ارفض كل الرفض لفتح معبر رفح وذلك لانهم من الممكن ان يحتلوا بلدى ودى بلدى اهم عندى من اى قضيه فى الدنيا ؟
اسف لكلامى لكن مصر اهم من فلسطين ؟

بحبك يامصر يقول...

بوست اكثر من رائع

انتى عارفه انا بشبه اهل غزه فى حصارهم بإيه؟
كأننا حبسنا شخصا فى غرفه مع وحش جائع وكلما تمكن من ان يخرج لينجو بنفسه اعدناه للغرفه من جديد واغلقنا عليه الباب
رحمتك يارب
وكمان نلاقى ناس تقول ازاى الفلسطينيين يقتحموا المعبر .ياجماعه دول ناس بتموت..

كلام لوجيك يقول...

أستئذنكى يا دكتورة فى أن أرد على تعليق كتبه
صوت من مصر

عن أي شيء تتحدث يا أخى الفاضل؟؟ أحتلال ماذا وقضية ماذا؟؟ هل تريد أن تقول أن بضع مئات من الفلسطينيين بأسلحة خفيفة قد يتمكنون من احتلال مصر؟؟!!! عجيب ما تقول

أما ان كنت تقصد موضوع توطين الفلسطينيين فى سيناء (وخانك التعبير فى ايصال المعلومة) فهذا شيء آخر

بلاش الكلام الكبير ده عشان ماندخلش فى مهاترات جانبية لا تسمن ولا تغنى من جوع

تحياتى لك

only spot يقول...

تعرفى مازلنا نتمتع بتلك الطيبه التى طالما استطاعت حكوماتنا منذامد بعيد استخدامها للسيطره علينا بها وهى انهم اذا ارادو تبرير شئ يزقو الاعلام على الناس ويقعد يحشى دماغهم بالى هيعملوه وده ظاهر اوى فى حاجات كتير فى حياتنا ومنها قضية غزه هتسألينى ازاى هقولك هم بررو ان ما حدث من قبل الفلسطنين كان تعدى على سيادة مصر اوك بس هى كانت فين مصر والناس بيموتو دى حاجه والناس قعدو يقولو افتحو المعبر ومحدش معبرهم ولما الناس فجرو المعبر ودخلم ليه حكومتنا المحترمه منظمتش الموضوع بشكل حضارى مادامت مصر ام الدنيا بس شكلها عجزت المهم حصل ضرب من عندنا وعندهم وعشان نبرر موقفنا قلنا ان فيه مخطط يهودى بتوطين الفلسطنين فى سيناء ومصر تشرب بقى وده الى كتير من الناس بيرددوه دلوقتى والى اكثر اسفا بقى استغلال التجار للموضوع ورفع اسعار البضائع اضعاف الاضعاف طب ليه الحكومه منظمتش الموضوع لا طبعا عشان فى امة الفوضى لا تسود الا الفوضى وادى القضيه ماتت والناس انشغلم فى بطولة الامم الافريقيه والمديا كمان
تصدقى انا حاسه بجد اننا عاملين زى العرائس المتحركه بيحركونا بمزاجهم وللاسف الموضوع ده من قديم الازل بس يا ترى هنفوق احنا كمان كشعوب ولا هنفضل زيهم لا نملك غير الكلام
بجد تحياتى ليكى واسفه للاطاله

Ellithy يقول...

انت مدعو للكتابة في مدونة كل العرب
مشروع الجريدة العربية
تكمن فكرة هذه المدونة في جمع اكبر قدر من المدونين العرب واقدرهم وافصلهم لكي يكتبو في مكان واحد
ذلك للحصول في النهاية على مدونة اشبه بالجريدة العربية تناقش القضا ياالعربية
مزايا الكتابة هنا :
للكاتب :
1- عدد اكبر من القراء
2- تحسين نتايج البحث لعناوين المقالات
3- انت كاتب وفي نفس الوقت قارئ تقرأ ما يكتبه كبار المدونين العرب
4- شهرة اكبر .. ودائما اقول ان في الاتحاد قوة وهذا هو اتحاد المدونين العرب

للقارئ :
1- القراءة للمدونين الكبار تحت صفحة واحدة
2- تجميع المدونات وجعلها مث ل جريدة الكترونية
3- سهولة الوصول للمقالات المرادة

شروط الكتابة (لن يتم التعديل لو مسح اي مقال ):
1- عدم الاساءة للاديان السماوية
2- عدم نشر مقال من اجل ربح المال او التنفع المادي ولكن الشروحات مقبولة ومرحب بها
3- عدم كتابة كلام خارج او الفاظ اباحية
4- الكتابة باللغة العربية

الفكرة تتلخص في ان كل مدون له حق الكتابة فقط بارسال ايميله في تعليق على هذه المدونة
اذا كانت لك مدونتك الخاصة فلا مانع من نسخ مقالاتك الهامة والتي تراها ترقى كي تكون في الجريدة العربية الالكترونية او مدونة كل العرب

كما ان تجمع المدونين سيجيئ بقراء اكثر وهكذا

برجاء ارسل لنا بريدك الالكتروني كي تستطيع الكتابة في هذه المدونة
ادعو الله ان تكون هذه المدونة ملفتة لنظر القراء ومحط انظار الراي العام العربي
ادخل لمعرفة كيفية المشاركة والتفاصيل على
مشروع الجريدة العربية الموحدة

كما يمكنكم اضافة مدونتكم في
دليل المدونات العربية
والله ولي التوفيق

Ellithy يقول...

انت مدعو للكتابة في مدونة كل العرب
مشروع الجريدة العربية
تكمن فكرة هذه المدونة في جمع اكبر قدر من المدونين العرب واقدرهم وافصلهم لكي يكتبو في مكان واحد
ذلك للحصول في النهاية على مدونة اشبه بالجريدة العربية تناقش القضا ياالعربية
مزايا الكتابة هنا :
للكاتب :
1- عدد اكبر من القراء
2- تحسين نتايج البحث لعناوين المقالات
3- انت كاتب وفي نفس الوقت قارئ تقرأ ما يكتبه كبار المدونين العرب
4- شهرة اكبر .. ودائما اقول ان في الاتحاد قوة وهذا هو اتحاد المدونين العرب

للقارئ :
1- القراءة للمدونين الكبار تحت صفحة واحدة
2- تجميع المدونات وجعلها مث ل جريدة الكترونية
3- سهولة الوصول للمقالات المرادة

شروط الكتابة (لن يتم التعديل لو مسح اي مقال ):
1- عدم الاساءة للاديان السماوية
2- عدم نشر مقال من اجل ربح المال او التنفع المادي ولكن الشروحات مقبولة ومرحب بها
3- عدم كتابة كلام خارج او الفاظ اباحية
4- الكتابة باللغة العربية

الفكرة تتلخص في ان كل مدون له حق الكتابة فقط بارسال ايميله في تعليق على هذه المدونة
اذا كانت لك مدونتك الخاصة فلا مانع من نسخ مقالاتك الهامة والتي تراها ترقى كي تكون في الجريدة العربية الالكترونية او مدونة كل العرب

كما ان تجمع المدونين سيجيئ بقراء اكثر وهكذا

برجاء ارسل لنا بريدك الالكتروني كي تستطيع الكتابة في هذه المدونة
ادعو الله ان تكون هذه المدونة ملفتة لنظر القراء ومحط انظار الراي العام العربي
ادخل لمعرفة كيفية المشاركة والتفاصيل على
مشروع الجريدة العربية الموحدة

كما يمكنكم اضافة مدونتكم في
دليل المدونات العربية
والله ولي التوفيق

أحمد سلامــة يقول...

الا لعنة الله على الظالمين

لا شك تماما في موقف الحكام العرب
متوقع ومعتاد منذ رات اعيننا النور
الموقف متازم بصورة صعبة
كان الله في عونهم اشعرني هذا الموقف باحساس العجز والشلل التام
وغد لا يعلمه الا الله

nonoymm يقول...

تعرفي اني فضلت افكر شوية وقلت ما همة لولا اقتحامهم للمعبر ما كانش حد هيدخلهم اصلا ولما اقتحموه قالولك ماهو كدة كدة اتفتح فنقول اننا احنا اللي فتحناه بس بكدب نفسي والله وفرحت وقلت لنفسي اكتب موضوع حقوق الانسان اللي في مصراوي عندي في المدونة مكتوب اللي الريس بيقول فيه لبتوع حقوق الانسان اسكتوا انتوا مش هتعرفونا ايه حقوق الانسان
بس الملفت فعلا ان دول الخليج الثرية ما ارسلتش لحد الان حاجة واضحة ليهم ليه بس
وبعدين النصيبة بقى اننا احنا حصلنا ازمة في البلد خصوصا في العيش وساعتها قالولك معلش اصل كل الانتاج بيروح دلوقتي لغزة واللي موجودين في العريش ورفح قلنا ماشي والله بالف هنا وشفا لكن يتضح بعد كدة ان الفهلويين يروحوا يبيعوا للمنكوبين بتوع غزة ابو جنيه بعشرة دة بقى اللي يفرس بجد
بوست رائع فعلا

ayar يقول...

ياحبيبتى مبارك كفاية عليه الحضرى خرج الحضرى رجع ويدادى فيه ويديه جوايز بلا غزة بلا قرف .. هو اصلا موالث مع اسرائيل وامريكا متطلبوش منه اى موقف وطنى .. لانه واطى مش وطنى .. وبايع البلد وواكلها والعه .. وقاعد على قلبها .. وكفاية كدا بلا فقع مرارة ....

غير معرف يقول...

شركة تنظيف بجازان
شركة تنظيف فلل بجازان
شركة تنظيف شقق بجازان
شركة تنظيف مجالس بجازان
شركة تنظيف واجهات بجازان
شركة كشف تسربات المياه بجازان
شركة كشف تسربات بجازان
شركة عزل خزانات بجازان
شركة مكافحة حشرات بجازان
شركة رش مبيدات بجازان
شركة نقل اثاث بجازان
شركة تسليك مجارى بجازان

عبده العمراوى يقول...

شركة المثالية للتنظيف بالاحساء

القرآن الكريم