TvQuran

٢٠٠٨-٠٣-٠٣

لسة الأماني ممكنة



اتمني ان اتجاوز حدود عالمي
احلق عاليا في سماء الدنيا
افتح بابا علي الحياة و شباكا يطل علي البحر
أشرع نافذة الأحلام الموصدة دائما
ازرع شجرة ياسمين في شارع احلامي
وعليها ارسم وردة حمراء وقلبا يخترقه سهم
اطارد الفراشات ارقص بين الازهار
اقطف نجمات المساء ، واسرق ضوء القمر
يملؤني عبق الياسمين بالنشوة ،
يجعلني اسمو واترفع عن حزن وهموم لا تحصي
تلمس يدي سماء الحريه
و اصل لاركان الدنيا الاربع .



35 comments:

دكتور حر يقول...

بدل ما اقولك
في المشمش

هقولك

في الجنه ان شاء الله

:)

امنيات جميله
ربنا يحققهالك

محمد عبد الغفار يقول...

طب هو ايه اللى حايشك!!؟

عايز أتعلم يقول...

ربنا يكرمك وتحققي كل ماتتمنيه
وفي الجنة ان شاء الله زي ما قال أخي

غير معرف يقول...

حلو الأمل معك أنا بكرة سيكون أفضل بمشيئة الله..أبو خالد

عصفور المدينة يقول...

ساعتها حتلاقي برضه الدنيا زحمة عشان فيه ناس كثير نفسهم برضه

آخر العنقود يقول...

الله الله الله
ربنا يحقق لك كل اللى بتحلم بيه ياقمر
ايوه كده ربنا يزيدنا تفاؤل
:)
تحياتى ليكى

بحبك يامصر يقول...

كنت هعلق واقولك ربنا يحقق ليكى ما تتمنيه
ولكن تعليق عصفور المدينه عجبنى بجد ساعتها هتلاقى الدنيا زحمه ناس كتير نفسها زى ما انتى نفسك

Ma 3lina يقول...

ارجو من الله ان يتحقق امانيكى :))

بوست متفاءل فى جو كئيب ربنا يكرمك خليكى متفاءلة كدا على طوول

د/اجدع بنوته يقول...

الله عليكىىىىى

وتطيرى مع الفراش بقى

انا كمان بحلم ببيت ازاز

ع شط بحر

واقعد جواه وابص لابعد نقطه

بيتلاقى فيها البحر والسما

....

وطلع انتى كمان عندك حلم

انا بسميه the dreamy master scene

بتاع كل واحد فينا

كل متخنق م اى حاجه

اغمض واشوف السيين قدامى واعيشه

احلى رفرشمنت الصراحه

تحياتى يادكتورتنا الحالمه

رفقة عمر يقول...

صورة جميله قوى
وكلمات اجمل ربنا يحقق ليكى كل امانيك اللهم امين

ahmed mefrh يقول...

السلام عليكم
جعل الله حلمك حقيقه
و لكن اعتقد بان احلامك هذه لن تتحقق الا فى الجنه ان شاء الله
تحياتى ابو مفراح

almasry يقول...

انا بجد مش عارف أقول ايه الكلام زى مايكون طالع من قلبى انا كمان ويلا يابخت الأدويه بيكى انا عاوزك تظبطيها كلام جميل زى ده لكن بجد صعب ان الواحد يحقق الحاجات دى لكن ممكن ومفيش حجاه مستحيله وكما قال الشاعر (نسيت) المهم زى ماقلت انا لا يأس مع الحياه ولا حياه بدون نبض القلب

بجد كلام جميل واتمنى ربنا يوفقك وتكونى دايما فرحانه

أسعدينا بزيارتك
تحيــــــــاتى
المصـــــــــــــرى

عبده الرايق يقول...

هو ده الكلام
هى دى الحياه
الله يا دكتوره
بس يجى الكادر والواحد يحقق احلااااااااامه بقى
ويوصل لاركان الدنيا كلها

بنت القمر يقول...

حلوة اوي اوي اوي
حلوة اوي يا فضفضه
وتمس القلب من جوه
سوبر بوست
تحياتي

Desert cat يقول...

الحرية كلمة وما اجملها من معنى
ربنا ينولها لنا جميعا

mnoon يقول...

الله على التفاؤل
والأحساس الجميل
خدتنى بجد فى عالم تانى
تشكرى ياستى
دا أول مره أزور المكان الجميل دا
ومش حتكون الإخيره بإذن الله
سلااااام

Ahmed Al-Sabbagh يقول...

يارب تحققى امنياتك فى الدنيا .. وفى الجنة بردو

كلمات جميلة وامانى رائعة

تسلم ايديكى يا شاعرة

تحياتى

خالو أحمد

الطائر الحزين يقول...

وتغزلى من خيوط الشمس رداءا للدفء

تحياتى

فرنسا هانم يقول...

الله
يارب يحقق لك كل امنياتك
امين يارب
حلو التفاؤل ده يا دكتوره
يارب نلمس كلنا سماء الحريه ونعيش فيها
امين يارب
تحياتى الغاليه لدكتورتنا الغاليه

محمد عبد الرحمن يقول...

وأنا كمانة عندى نفس الأمنيات لكن عندى أمنية تانى
نفسى أقوم ألاقى عدونا الصهيونى راح فى ...

الـسـيـدة نـون يقول...

ولو فى يوم راح تنكسر
لازم تقوم واقف
كالنخل باصص للسما للسماااا
على صوتك بالغنا يا فضفضة
لسة الامانى ممكنة بجد


تحياتى على تفاؤلك
سلام
اختك خيخة

الشموع البيضاء يقول...

اول مره ازورك بس كلامك رقيق ورائع..لو بطلنا نحلم نموت ..ربنا خلق فينا الاحلام والاحساس والامانى وعشان كده تركنا نتخيل الراحه والسعاده فالجنه ان شاء الله..ربنا يوفقك ويحققلك كل احلامك وللامام..اhttp://www.black-roses-candles.blogspot.com/نتظر زيارتك

Tamer Nabil Moussa يقول...

الحزن رغم الوجود لية

الا انة مش دايم

ومحتاج ايمان قوى وصبر علية


كلمات جميلة

ربنا يوفقك

تحياتى

آفاق الحرية يقول...

السلام عليكم
امنيات حلوة فعلا
لكن احب اسألك سؤال ومتعتبريهاش غلاسة مني وبما انك قلتي انك عاوزة تتجاوزي حدود عالمك
احب اعرف هي ايه حدود عالمك؟

سهر الليالى يقول...

الله الله الله
وأنا كمان بتمنى
وعلى قد ما عندى من تفائل إلا أن الكمال دة كلو نبقى أحنا فى الجنة

يارب أرزقنا الجنة
تحياتى ليكى

فاتيما يقول...

نفسى أنا
أصرخ بحس عالى
على شمسنا
و أقولها تعالى
خدى همنا وخدى يأسنا
و دوبى الليالى
و هاتي لنا بكرة
أحن من أمسنا
فضفضة
يا أحلى صيدلانية فى المحروسة
و مين سمعك
يا عالم بكرة مخبيلنا إيه ؟؟ على رأى الست أليسا
موش يمكن يحصل حاجة تفرح قلبك و تخليه يرفرف جوا ضلوعك و لأ أجدع فراشة تقدر تحصلك
ساعات الكون بيطبق على صدرنا و من كل الاتجاها تبقى مقفلة
أرجو الأ يكون هذا حالك يا حبيبتى
تحياتى و حب

يا مراكبي يقول...

سؤال في الأول

ياترى فيع علاقة بين البوست ده والبوست اللي قبل اللي فات وألا أنا اللي فهمت غلط؟

الـسـيـدة نـون يقول...

فضفضة
انتى فين يا جميلة

غير معرف يقول...

لسة الامانى ممكنة اللة يا دكتورة مااحلى التفاؤل والايمان بان الافضل موجود دايما ولامكان للانكسار ربنا يحققلك كل امالك ويجعلك من الزين يبشروا ولا ينفروا اعمالا بسنة المصطفى صلى اللة علية وسلم

بنت الصالحين يقول...

ياسلام ياست فضفوض
ايه الرقه دي يافضفض


بس كلماتك وامانيكي حلوة اوي

sakayar يقول...

كلنا نتمنى ولكن من يحصل على من يتمناه؟؟؟
انا عن نفسي بحاول والحمد لله بوصل كتير للي بتمناه بس طبعا دي من عند ربنا مش مني
هههههههههه
ربنا يسعدكم

قبلة الحياة يقول...

انا مش عارفه ليه اغلب التعليقات كدا مكسره مجاديفك

يا بنتي احلمي واحلمي هي الاحلام عليها فلوس ولا ضرايب راخره

ربنا يحقق لك كل امنياتك يارب
ويسعد ايامك ويبعد عن جبينك اي هم او حزن

وصلى اللهم وبارك على محمد النبي الامي وعلى آله وصحبه وسلم

تقبلي احترامي لاحلامك الجميله وامنياتك الرقيقه

ayar يقول...

وانا كمان نفسى فى اللى نفسك فيه ياريت تشرفى مدونتى بالزيارة ...

Sumaya Rabie يقول...

كلام معبر وصادق ده الواحد قعد طول عمره يحقد على العصافير عشان بتطير ولما اكتشف ان مافيش أمل انه يطير زيها حبها بقي وأمره إلى الله وحب زقزقتها والبحر والسماء والنجوم والنيل هو اه ما ينفعشي نعيش عمرنا نعمل ده وإلا مش هتبقي حياة بس الواحد بيبقي نفسه في يوم راحة كل سنة فيه تواضع أكتر من كده؟؟ يوم واحد بس وسط الجمال إنما الحياة ساعات بتضن علينا حتي باليوم ده بس برده ساعات لأ بس رغم كل الظروف لازم الواحد مننا كإنسان يحتفظ بأبسط حقوقه وهي "إنه يعمل ده من حين لحين"
جميلة أوي ما شاء الله

المهــا ~ يقول...

جميل ماكتب .!

القرآن الكريم