الاولة آه
والثانية آآآآآآه
والثالثة آآآآآآآآآآآآآآآآآه
والرابعة والخامسة والمليون كمان آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه
الأوله آه
والغدر لمان حكم
صبح الأمان بقشيش
والتانية آه
والندل لما احتكم
يقدر ولا يعفيش
والتالته آه
والحر مهما انحكم
للندل ما يوطيش
الأوله آه
على القلب اللى ما اتهناش
والتانيه آه
على اللى صابر
بس بخته ما جاش
والتالته آه
على اللى فى دنيا
لا مات ولا عاش
ولا حول ولا قوة الا بالله العلي العظيم وانا لله وانا اليه راجعون
48 comments:
السلام عليكم ورحمة الله وبركاته
اعذروني ان كنت مقصره كتير في الرد علي التعليقات
بس بامر اليومين دول بزنقة شغل مش عاديه وان شاء الله افضي قريب
ملحوظة :
الموال الجميل ده بتاع نجم والشيخ امام
والحته الاخيره منه كانت اغنيه لهدي سلطان
اهلا بيكم جميعا ودايما منورني
وآآآآآآآآآآآآآآة
زيادة على الآااهات دى كلها
بجد اختيار موفق وصور معبرة
احييكى عليها
وبردوو آآآآآة
مفيش غيرها
بس مين يسمعها
سلام
بوست مليان أنين
انا لله وانا اليه راجعون
اللهم أجرنا فى مصيبتنا واخلفنا خيرا منها
و ألف آه على وجع الوطن متكفيش
ربنا يصبرهم
و يصبرنا
الله ينور عليك
آهاتك .. وصلت
بالصور .. بالكلام .. وصلت
وأدينا بنصبر نفسنا ..والله غالب
أتمنى ان زنقة الشغل عندك تنتهى ..
وترجعى بألف سلامة لمدونتك الجميلة
والسلام عليك
والتانية آه
والندل لما احتكم
يقدر ولا يعفيش
اهو فى دى غلطانه
الندل لما احتكم
اقدر على حقى وضعيه
كلمات وصور قليله بس عبرت عن المعنى احسن تعبير فعلا احييكي على اختيارك الموفق بس لو قعد الشعب كله يقول اه سنيين و سنيين تفتكري حد هيسمع
اللي حصل ده وقاحة ما بعدها وقاحة وعيني عينك كده .. للدرجة دي مستخفين بالملايين دي كلها؟ حسبي الله ونعم الوكيل
احزان الأهالى على العين وعلى الرأس ، أنما احنا اللى وحشين فى قلب بعض
وبعد الأه اهات
وبعد كل هذا!!!!!!!!
دكتورة فضفضة.
نفسي أخش مدونة فيها خبر يفرح.
الأهات جوانا كتير.
والصور زادت الألم جوانا.
ربنا يستر علينا.
أسامة
اختيارك للصور مع الكلام صح جدا
وموجع جدا
السلام عليكم
الام الشعب وعاناته ياما عبر عنها نجم بطريقة المعهوده
بطريقة الجميلة السلسه
تحياتي
لا اتعجب
المصري لا قيمة له في دولته
اصبحتالقيمة لمن يملك مال فقط
دا سمت الحكومة
هنرجع لعص رالغاب تاني
و انا بقول لاي حد ياخد حقة ناشف من صاحب العبارة لا يتواني !
البقاء لله في مصر و قيمة المصري
اللهم ارحم موتانا وموتى المسلمين
و الله الاهات اللى انتى قلتيها فى اكتر منها بكتير و يعبى زكايب
اللى حصل فى العباره و قضيتها ده اكتر من مجرد مصيبه و فضيحه
احنا كده قدمنا للقتله احسن جواب شكر و تقدير على مجهوداتهم العظيمه فى القضاء على الزياده السكانيه فى مصر و شكرناهم على حسن تعاونهم مع هيئه القطارات المولعه و الطيارات الواقعه
و الله الواحد مش ملاحق على الاهات اللى طالعه و اللى لسه هتطلع
يا فضفوضة
لا فض فوك
الله عليك يا عم نجم
والله عليكى يا شيماء إنك جبتى الشعر ده
أما بالنسبة للآهااااااااااااااات فما تعديش إحنا عندنا فى مصر مليون حاجة تستاهل مليار آه.
والسلام عليكم
السلام عليكم
بأمانه اللى حصل ده أستهتار بأرواح الناس.يعنى فى الاول أستهتروا بأجراءات الامن و الناس غرقت. وكمان يستهتروا بيهم و هما أموات .و يستهتروا بأرواح أهاليهم.ربنا يصبر الناس دى والله على اللى حصل و ربنا ما بيضيعش حق حد .و ندعى للشهداء بالجنة أن شاءالله.
أنا محمد السروجى صاحب مدونة يا سلام؟!!! يا ريت تدخلى و تقرى البوست الجديد و تقولى ليا أيه رأيك و كمان مستنى التعليق بتاعك.سلام
فليقضى الله امرا كان مفعولا
السلام عليكم
وااااااااااااه ومن هنا للسنة الجاية
وبعد الاهات دي هنعمل ايه بقى هنفضل كدة
انا لله وانا اليه راجعون
حسبنا الله ونعم الوكيل
اختيار في الصميم يا دكتورتنا وربنا يكرمك يارب
اه ...مقالة قوية
و حسبي الله و نعم الوكيل
.
السلام عليكم
الاولة اه على بلد بتتباع
التانية اه على كرامة بتتهان
التالتة اه واه على بنى آدم كان كل حلمه يعيش انسان
واه وآآآخ ومليون آآآآآآآآه عليكى با يلد
سلاموز.
عاشقة القمر من السودان مدوانتك جميل ربنا يصبر كم علي مصبيتكم وخلف خيرا منهابجد كلام موجع جدا انا مش مصريه لكن كلام بجد وجعني جدا انا كده يارب اهالهم كيف
اللى يقراها وميدمعش
يبقى اكيد
مش عايش فى الوطن
... الله عليكى
.... دمعت عينى
.... تسلم ايديكى.........
وان لله وان اليه رجعوان
تحياااااااااتى
فى انتظار المزيد
حنين
أول زيارة
وبمناسبة البوست الجامد ده
وعد مش هتكون اخر زيارة ابدا
ابسلوتلى يعني
اه ياوطن اه يابلد اه واه واه
صور وكلام بيقول اللي مايقولوش مليون مقال
تحياتي
بوست مليء بالمرارة
بس حقك فعلا
معين الدمع لم يبقي معين
فمن اي المصائب تدمعين
فديت و حكم الانذال فينا
........................
و كمان آه
كلمات معبره عن مصيبتنا
تحياتي
مهي المشكلة انها اه من ايه ولا ايه
ده الواحد زهق من كلمة اه
ولا حول ولا قوة الا بالله
انا كمان منظرهم قطع قلبى :(
تسلم ايدك بجد
صدقينى انا فكرت كتير اكتب موضوع عن ضحايا العباره
لكن مقدرتش من كمية الالم اللى جوايا
ده اعتراف منى
نفسى اكتب عن الموضوع ده يوم ما الناس تاخد حقها
من اللى ظلموهم
واستهانوا بيهم
من اجل عيون ممدوح او مذموم
ربنا على كل ظالم
عذاب الدنيا أحيانا قد يخفف من عذاب الآخرة
والبعض لا يستحق هذه الرحمة
فليأخذهم ربك أخذ عزيز مقتدر
حسبى الله ونعم الوكيل :(
ربنا يصبرهم كمان بعد الحكم
ياريتهم اتنصفوا كان خفف عنهم شوية
نقول ايه بس
:(
الصور مؤلمه والبوست مؤلم والحقيقه وموت الابرياء دول بالشكل ده ائلم واوجع واصعب ربنا يرحمهم ويصبر احيائم اهاليهم اليى ميعلمش بيهم دلوقت الا ربنا اسالينى انا ..دى اول زياره ليا لمدونتك جميله قوى ربنا يوفقك.فى رعاية الله وامنه..
اقولك لما بقرا شيء من هذا النوع ببقي عاوزه اقول ايه ؟
حسبي الله و نعم الوكيل
ياسمين
نوته و قلم
السلام عليكم ورحمة الله وبركاته دكتورة الفضفضة
أولا جزاكي الله خير على السنة الحسنة بتاعة السلام دي
ثانياً على الموضوع نفسه.. والصور اللي بتعبر عن سبب الموضوع ... بجد الخبر كان صدمة بكل المقاييس ... يعني حتى لو كان فيه ذرة أمل ف حق لحد هياخده .. انتهى الأمل ده .... بس أنا بنظرتي المتفائلة بقول ممكن ربنا حابب يأخر العقاب للآخرة علشان يكون أشد ... الجدع ده محدش هيعاقبه غيري علشان محدش هيقدر يعطيله العقاب اللي يستحقه غيري ... وعن الناس بقى وصدمتهم وأولادهم اللي راحوا زي *** ومات فربنا يصبرهم ويجزيهم خير ف الاخرة
شعر نجم بس شعر قاسي جداً
تحياتي
السلام عليكم
7sbna allah wa n3m al wakeel
انا لله وانا اليه راجعون
حسبنا الله ونعم الوكيل
اهلا اهلا
انا اتخضيت في الاول انا افتكرت في حد اتوفي ولا حاجه معلش انا خشيم حبيتين في مسائل الشعر و الكلام ده ما علينا هو الموال جامد انا بحسبه من تاليفك و تلحينك ;) اشطه اشوفيك البوست الجاي
عايز تساعد نفسك و غيرك و بلدك
وعايز فعلا تبقى مشاركتك مش بس كلام
تعالى شارك معنا
التفاصيل هنا
http://kouskoza7.blogspot.com/2008/08/blog-post_12.html
او هنا
http://bekyaforsale.blogspot.com/2008/08/blog-post.html
والتانية آه
والندل لما احتكم
يقدر ولا يعفيش
والتالته آه
والحر مهما انحكم
للندل ما يوطيش
حكايتنا كلها بين الآه التانية
والتالتة .. أدام الله علينا نعمة الحرية ..
والتالته آه
على اللى فى دنيا
لا مات ولا عاش .. نسأل الله لهم الرحمة ولأهلهم الصبر
واسمحوا لى بالإطالة فى رحاب الفاجومى أيضاً
***********************************
يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنى
عن الارض سمرا و قمرا
و ضفه و نهر و مراكب
و رفاق مسيرة عسيرة
و صورة حشد
و مواكب
ف عيون صبية بهية
عليها الكلمة و المعنى
***
مصر يا امّة يا بهية
يام طرحة و جلابية
الزمن شاب و انتي شابة
هو رايح و انتي جاية
جايه فوق الصعب ماشية
فات عليكي ليل و مية (100)
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي
معجبانية و صبية
يا بهية***
الليل جزاير جزاير
يمد البحر يفنيها
و الفجر شعلة ح تعلا
و عمر الموج ما يطويها
و الشط باين مداين
عليها الشمس طوافة
ايدك في ايدنا
ساعدنا
دي مهما الموجة تتعافى
بالعزم ساعة جماعة
و بالأنصاف نخطيها
***
مصر يا امّة يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
و اللي ع المجداف زناتي
و اللي فوق الصاري كاشف
كل ماضي و كل آتي
عقدتين و التالته تابتة
تركبي الموجة العفية
توصلي بر السلامة
معجبانية و صبية.. يا بهية
***
و يعود كلامنا في سلامنا يطوف ع الصحبة حلواني
عصفور محني يغني
على الأفراح ومن تاني
يرمي الغناوي تقاوي
تبوس الأرض
تتحنى
تفرح
و تطرح
و تسرح
و ترجع تاني تتغنى
اللي بنى مصر كان في الأصل حلوانى
سامحونى على الإطالة
فينك يا جميلة؟
ربنا يعينك على زحمة الشغل بس عايزين نشوفك
تحياتي
بجد فعلا بوست جميل ومحزن في نفس الوقت
وطبعا نجم والشيخ امام مش محتاجين مدح
تحياتي ليكي
إرسال تعليق