2008-08-29

رمضان جانا ..اهلا رمضان




كل سنة وكلكم جميعا بخير وسعاده ، تمنيت ان احضر حفل توقيع العدد الثاني من مدونات مصريه للجيب ولكن الظروف حالت دون ذلك ، الف مبروك للجميع وعقبال العدد المليون

مر الاسبوع الاخير من شعبان سريعا شعرت ان رمضان يشتاق الينا كما نشتاق اليه
،سيكون رمضاني هذا العام- ان شاء الله - اكثر تميزا ، فباذن الله نوينا عمرة رمضان اللهم يسرها لنا وتقبلها منا يارب العالمين ، اخيرا سيكون رمضان بلا اية مسئوليات ولن يضيع الوقت بين الصيدليه والمطبخ ومسؤوليات المنزل ، بالرغم من اني لا اغير اي من عادات الاكل في رمضان اللهم الا كوب الخشاف الا ان الدقيقه في رمضان تعادل يوما فيما سواه

بالنسبه لي ستكون المره الاولي ، سمعت كثيرا عن عمرة رمضان وعن الايمانيات والجو الروحاني الذي يملؤها ، حتي ان بعض الناس وأولهم زوجي يقولون ان المتعه فيها اكثر من الحج ،

لا اطيق الصبرخاصة عندما اري الصلاة في الحرم وتزايد المعتمرين يوم بعد يوم ،اتمني ان اطير الي هناك لأصلي معهم واطوف حول الكعبة واقبل الحجر الاسود

ميعاد السفر لم يتحدد بدقه الي الآن ولكن العوده ان شاء الله ستكون ثالث ايام عيد الفطر المبارك ، أراكم جميعا علي خير

مع اقتراب كل رمضان كثير من الاشياء تؤرقني ،

اولها هذا الكم الرهيب من المسلسلات والبرامج التافهه التي تصيب المشاهد بتخمه ودوخه ، ويكون هدفها الوحيد هو اضاعة السويعات الثمينه بين القنوات الفضائية منها والارضية ، وكأن هذا هو الهدف الاساسي من رمضان ،
بالصدفه البحته وجدت حمله لمقاطعة التليفيزيون في رمضان دعت لها deja vu

وايضا لها جروب علي الفيس بوك هنا ( البنارات باللينكات موجوده علي جانب المدونه الايمن )


اتمني من الله ان نغتنم الفرصة في هذا الشهر الكريم لنجمع اكبر قدر من الحسنات ونكون من عتقاء النار ، ولن اتحدث في هذا كثيرا فقد سبقني كثيرون والجميع يعرف اكثر مني ما يجب فعله


ثاني هذه الاشياء هو موضوع حساس الي حد ما والكلام فيه يعتبر عند بعض الناس من المحظورات او المحرمات وهي صلاة التراويح في الجوامع واتحدث هنا عن صلاة النساء ، أكيد انا اعرف الحديث الذي ينهي عن منع اماء الله مساجد الله

قال النبي صلى الله عليه وسلم ( لا تمنعوا إماء الله مساجد الله )رواه البخاري

ولكني اعرف ايضا الحديث الذي يرفع درجة صلاة المرأة في بيتها عن المسجد

عن عبد الله بن مسعود ، عن النبي صلى الله عليه وسلم قال : " صلاة المرأة في بيتها أفضل من صلاتها في حجرتها وصلاتها في مخدعها أفضل من صلاتها في بيتها " . رواه أبو داود ( 570 ) والترمذي ( 1173) .

لا اقول قاطعوا صلاة المساجد ولكن بالله عليكم هل راي احدكم ماذا يحدث في مصلي النساء من فوضي و ضوضاء وهرج ومرج واطفال يبكون ويجرون فوق الرؤوس، ونساء يتغامزن ويتلمزن ومعظمهن ياتين وكأنهن ذاهبات الي نزهة ، ما يفقد الجميع تركيزهم وخشوعهم ،
لقد قاطعت صلاة التراويح في المساجد منذ امد بعيد ،وبالنسبة لي فصلاتي في بيتي افضل مائة مره من المسجد ،ولقد جهزت حجره في بيتي لهذا الغرض واشتريت حامل ومصحف خاص بالتهجد و بالتالي استطيع ان اختم القرآن اكثر من مره في التراويح والتهجد مع تركيز وخشوع اكثر ، اللهم تقبل

من الاشياء الاخري التي اتمني الا اراها في رمضان هو ذلك السباق المحموم بين الجوامع كل منهم يريد ان يكون له العدد الاكبر من الميكروفونات والاعلي صوتا ،

يحدث بث مباشر لجميع الصلوات عبر الميكروفون حتي لو كانت صلوات سريه مثل الظهر والعصر ، ايظنون انه كلما كان الصوت اعلي كلما تزايد عدد المصلين ؟؟وعند صلاة العشاء والتراويح خاصة نجد كم من الضوضاء لا يمكن وصفه فالكل يصلي علي الهواء مباشرة

الصلاه في الميكروفون علي ما اعلم ليست من السنه في شئ ، ممكن ان يكون هناك مرضي اومن يحتاجون لبعض التركيز في اعمالهم او غيرهم

بالنسبه لي مثلا انام بعد صلاة المغرب من الثامنه للعاشره ثم استيقظ لاصلي العشاء والتراويح ثم اقراء قرآن حتي صلاة التهجد ، ومع كل هذه الضوضاء لا استطيع ان انام ،وحتي عندما احاول الصلاه افقد كل تركيزي ولا استطيع المواصله ويضيع الوقت في لا شئ ولا استطيع الاستمرار بنفس النشاط الي صلاة الفجر

ادعو الله ان تختفي هذه العاده المذمومه وان يكون الهم الاكبر للمساجد هو اختيار افضل الائمه والحرص علي اقامة الشعائر علي اكمل وجه وترتيب بعض المحاضرات النافعة واحياء صلاة التهجد طوال الشهر وليس العشر الاواخر وفقط

اللهم بلغنا رمضان وبلغ رمضان لنا
واعنا علي قيامه وصيامه وتقبل من صالح الاعمال


----------------------

احتمال يكون ده آخر بوست الي ما بعد العيد ان شاء الله

كل سنة وانتم طيبين استودعكم الله الذي لا تضيع ودائعه

61 comments:

مهيج الجماهير يقول...

كل سنة و حضرتك طيبة
و ان شاء الله ربنا يكرمنا فى رمضان
و فعلاً فى عادات كتير نتمنى انها تختفى
و ألف ألف مبروك على العمرة
و ربنا يكتبها لكل المسلمين
و تروحى و ترجعى بالسلامة
و ابقى افتكرينا بحاجة من هناك
يعنى لو موبايل N95 م هقو لأ
ههههههههههههههههههههه
تحياتى

لماضة يقول...

كل سنه وانتي طيبه يا دكتورة فضفضه
يارب يتقبل منك الصيام والقيام وصالح الاعمال
وعمرة مقبوله باذن الله
متنسيش تدعيلنا بقى
مش هوصيكي طبعا ولا اكتب الليسته وابعتهالك
عندك حق انا فعلا من السنه اللي فاتت وانا قللت الصلاه في المسجد من اللي بشوفه
للاسف
يلا ما علينا
انا كمان حاسه بشوق لرمضان السنه دي قوي
كل عام وانتي الي الله اقرب
:)

الطائر الحزين يقول...

كل عام انت بخير
والى الله قرب
تقبل الله منك
لا تنسينا بالدعاء

هوندا يقول...

كل عام وانتى بخير ربنا يتقبل منك يارب

انا معاكى فى كل السلبيات دى بس هتقولى لمين

المشكله فى التراويح بس ان الواحد ساعات بيكسل فبيتظر يربط نفسه بالجامع عشان يتشجع شوية

محمد عبد الغفار يقول...

فاتنى التعرف عليكى يا خساره
الف مبروك على عمره رمضان وادعيلى ربنا ييسرهالى فى يوم من الأيام

السلوكيات المنفره فى رمضان كثيره اوى يتكتب فيها مجلدات الحقيقة ربنا يهدى الجميع

قلب مصرى يقول...

اللهم تقبل منكم العمرة ورقكم الحج

مهندس مصري يقول...

انا كمان رايح عمرة رمضان ان شاء الله
و المفروض تكون الصلاة بالميكروفون الداخلي فقط و لا يستعمل الخارجي إلا في الأذان و الإقامة
ربنا يهدي
و فعلاً ساعات و انا باصلي في المسجد بابقى سامع وش كتير من دور النساء اللي فوق
ربنا يهدي برضه
و كل سنة و حضرتك طيبة

مدحت محمد يقول...

الف مبروك عمرة رمضان

يابختك

مـحـمـد مـفـيـد يقول...

كل عام وانتي بخير

ورمضان كريم

bastokka طهقانة يقول...

اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك

صاحب المضيفة يقول...

تذكرينا بالخير هناك بدعوة بظهر الغيب بين جنبات الحرم

عل الله يغفر لصاحب الدعوة ولمن دعي له


زودك الله التقوى وأخلف عليك بخير ما يخلف به على عباده الصالحين

مصــــري يقول...

كل سنة وانتي طيبة يادكتورة.

وألف مليون مبروك علي العمرة.
ياريت تدعي لكل مظلوم.
أعتقد واتمني ان اكون علي حق ان الدعوة ستشملني.

تحياتي
أسامة

appy يقول...

كل سنه وانتى طيبه يا دكتورة
ححلو اللوك الجديد انا باين مجتش من زمان سورى بجد

مع اصرارى يقول...

إن شاء الله هايكون أحلى رمضان ليكى.
وكل سنة وإنت طيبة.
توصلى وترجعى بألف سلام.
وما تنسيش دعوة عامة للمدونين كلهم.
وبالذات أنا"مع إلحاحى".

مع أعظم تحية
السلام عليكم ورحمة الله

mostafa rayan يقول...

ألف مبروك العمرة بس ابقي ادعيلنا هناك
وطبعا انا متفق معاكي فيما تقوليه
ربنا يكرمك يا دكتورة
كل سنة وانتي طيبة

mostafa rayan يقول...
أزال المؤلف هذا التعليق.
رفقة عمر يقول...

كل سنه واانتم بالف خير
اعاد علينا وعليكم وعلى الاسلام رمضان بالخير واليمن والبركات
وجعلنا من الفائزين بليله القدر اللهم امين
لاتنسنا من الدعاء

بثينــــــة يقول...

فضفضة
تقبل الله منك وتروحي وترجعي بالسلامة
ربنا يكرمك علشان كل ملحوظة قلتيها
بجد كلامك في محله
الصلاة اللي بتتحول للنساء كنزهة
والميكروفونات
والكارثة الكبري: التليفزيون
ربنا يعيننا جميعا

هتوحشيني بجد
ودعواتك

Ahmed Al-Sabbagh يقول...

ربنا يكرمك يااااااارب

ويتقبل منك

كل سنة وانتى طيبة يا دكتورة

ورمضان كريم

تقديرى ومحبتى

احمد

صيدلانيه طالعه نازله يقول...

كل سنه و انتى طيبه و تروحى و ترجعى لنا بالف خير و سلامه و متسيناش فى صالح الدعاء و انى اكون مكانك رمضان الجااااى
ياااااااااااااارب

قوس قزح يقول...

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

ـ-ـ- أحمد عبد العدل-ـ-ـ يقول...

كل سنة وحضرتك طيبة
ورمضان كريم وربنا يتقبل عمرتكم ان شاء الله
تقبل الله أعمالكم وبارك لكم فيها وأعاد عليكم الأيام بكل الخير

يا مراكبي يقول...

طيب إبقوا عدوا علينا بقى .. هنبقى قريبين منكم

ربنا يتقبل منكم إن شاء الله .. وكل عام وأنتم بخير

Jana يقول...

كل عام وانتِ بخير والى الله أقرب
تقبل الله منكِ ومنا صالح العمل
ورزقنا فضل ليلة القدر وعتقه الكريم

مجهول يقول...

دكتورة فضفضة

كل عام وأنت بخير وكل أحبائك بكل خير وسلامه وربنا يتقبل منا جميعا صالح الأعمال ,, اللهم أدم علينا طاعتك ونعمك

رمضان كريم

قلب مصرى يقول...

كل رمضان وحضرتك بخير
اللهم بلغنا ليلة القدر واجعلنا من عتقاء هذا الشهر

محمود الدوح يقول...

دكتور
كل سنة وانت طيبة
والسنة الجاية يبقى حجة كبيرة مش عمرة
متنسيناش فى دعوتين عند الكعبة

اه على فكرة انا حجيت بس وانا صغير
يعنى انا اسمى الحج محمود الدوح

تروحى وترجعى بالسلامة
رمضان كريم

نهر الحب يقول...

كل سنة وانتى طيبة
ورمضان كريم
وربنا يتقبل منا ومنكم صالح الاعمال
ربنا يقدرنا ونحاول نغير عاداتنا الخاطئة
رمضان كريم

انا مش معاهم يقول...

كل سنه وانتم الي الله اقرب
رمضان كريم
اخوكم سيف الاسلام

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

inksarat يقول...

كل سنة وحضرتك طيبه
ــ
ربنا ييسر لكى سبل العبادة ويتقبل ان شاء الله

أمــانــى يقول...

كل عام وانتى بخير ربنا يتقبل منكِ صالح الاعمال يااااااااارب آمــــــــين

حسن ارابيسك يقول...

نرجو من الله أن يتقبل منكي كل ماهو طيب في شهر رمضان
والعمرة فعلاً على حد قول الأخرين لكي بأن لها طعم أخر ولكن أنا أخص بالذكر عمرة العشر الأواخر من رمضان فالحمد لله اعتمرتها وفعلا جو ايماني وروحانية عالية جداً هناك تنسين كل هموم الحياة تتذكرين شيئاً واحداً وهو أنكي في حضرة الله الأحد الصمد لم يلد ولم يولد تتمنين وقتها ألا تغادري هذا المكان أبداً وعندما تصلين إليه بسلام تشعرين أن الله راضي عنكي وأن إسمك كان ضمن قائمة بأسماء من أحبهم الله ورضي أن يلتقوا به من قبل أن تخلق السموات والأرض ربنا يتقبل منكي

موضوع مسلسلات رمضان
وتلك الهجمة الإعلامية هي بالتأكيد وجه من وجوه الشيطان وعمل من أعماله وذراع من أذرع كثيرة له للنيل من المسلمين ألم يتوعدهم يوم أن طرد من الجنة أن يقعد لهم في كل صراط مستقيم

وبالنسبة لموضوع المايكرفونات فلن أزيد عليكي فيه فكل الحق معك
أما صلاة العشاء في حوالي العاشرة مساءً أقول لكي ان الصلاة كانت على المؤمنين.....
بالطبع تعرفين بقية الآية
فالصلاة تقام في أوقاتها
ولا تخبريني مثلما يقول البعض أن العشاء ممتدة للفجر.. هذا غير صحيح
كل عام وانتم بخير
وان شاء الله تعتمري أنتي وزوجك بسلام ويبارك الله فيكما ولكما
رمضان كريم
تحياتي
حسن أرابيسك

šσяšαяαα يقول...

السلااااااام علييييكم

كل سنة وفضفوضتى بألف خير وسلام

لو لسا مارحتيش العمرة بوصيكى تدعيلى اوى جدااااا خااااالص

وبقترح تعملى قائمة بالاسماء اللى عاوزاكى تدعليها عشان ماتنسيش:)

وربنا يكرمنا بزيارة البيت الحرام ونتجمع كلنا هناك
اللهم اميييييين

ومبروك على الكتاب.. متأخرة اوى اعذرينى
كان نفسى اشوفك فى الحفلة

ياللا تتعوض ان شاء الله

السلام عليكم وربنا يتقبل منا ومنكم

عاشقة القمر يقول...

كل عام انتي بخير ربنا يتقيل منا منكم داعواتك معاكي لاتنسنا من دعوات يارب توعدنا يارب

أنا إنسان يقول...

تغطية شاملة لمسار القوافل الإغاثية المتجهة لغزة

أحمد سعيد بسيوني يقول...

بسم الله الرحمن الرحيم

معذرة على الخروج عن الموضوع

ولكن
نكسة مصرية جديدة
في العاشر من رمضان 1429هـ
10/9/2008
على مدونة البحر
www.ana-elbahr.blogspot.com

نشرف بزيارتكم

تحياتي

زرزور يقول...

كل عام وانتي الى الله أقرب يا دكتورة



ويارب تكوني جبتيلي حاجة معاكي

زرابيح أبو الليل يقول...

دكتورة ...حمدلله على السلامة "حتقوليلي منين عرفت ...أقولك غنك اول ما تيجي حتفتحي المدونة عشان إحنا وحشناكي....صح





عيد سعيد وأخوه حسن كومان

رغده رشاد يقول...

تصدقى بايه؟

انتى عسل

لانى تعبت نفسيا و عصبيا و جسديا و ضميريا

بس مصلى السيدات و اللى بيحصل فيه

و مش لاقيه و لا جامع الدنيا تكون فيه افضل لدرجة انى بقت حاسة لو رحت صلاة معاهم انى بأدى واجب و مش حاسة بحاجة

انا بجد اقتنعت بكلامك جدا..لان الاولوية للاستمتاع بالصلاة مش ادائها فى المسجد

انا احاول اعمل الحاجات دى من بعد كده..بجد بجد شكراااا...و ترجعى بالسلامة ان شاء الله

kafrawy يقول...

كل سنه و انتى طيبه يا دوك

عالمى ازرق يقول...

كل سنه وانتى طيبه
واحشانى كتيييييييييير
يارب يتقبل منك العمره وكل عملك الصالح برمضان يارب
واما تيجى لازم تحكى بالتفصيل الممل عملتى وعن احساسك بالعمره كان ازاى
ربنا يكتبهالنا جميعا بأذن الله

ahmEd_H يقول...

كل رمضان و انتى طيبه و ربنا يتقبل منا صالح الاعمال يا رب العالميين

appy يقول...

انا جايه اطمن عليكي بس

صبرني يارب يقول...

كل سنه وانتى طيبه يا جميل

بصي انا مره طلبت الشرطه للمسجد الى قدامنا كنا اول يوم فى العشره الاوائل

عارفه ليه ؟؟
المسجد ده مسجد صغير تحت عماره قدامنا

والقائم على المسجد واحد مخه ... يلا مش مهم
المهم انه مركب للمسجد حوالي 3 ميكروفنات وموجهم على اتجاهات مختلفه
مع ان على بعد عمارتين من كل ناحيه من الجامع ده فى مساجد تانيه زيه وبمكرفونات بررررضه

المهم طبعا زي ما انتى بتقولي كده بيزيعوا الصلوات حتى التراويح فى المسجد وبالصوت ده

لكن اول يوم في العشره الاواخر بقى
الصلاه فضل متواصل من العشاء لحد الساعه 3 بالليل كان فاضل على الفجر حاجه بسيطه
وكله فى المايك
حتى الامام تعب تقريبا عشان صوته اتغير في النص .

خلاص كان هايجليى انهيار عصبي من الصوت انا واختي بقى كلمنالهم الشرطه
جم خلوهم قفلوا الميكريفونات
لكن مشغلين السماعات الداخليه للمسجد

طب والله كنا سامعين السماعات بس
ما بالك بقى الميكروفنات كانت عامله ايه فى ودانا ؟؟؟؟


على حد علمي الرسول صلى التراويح مره واحده فى جماعه
وحقيقى انا بنبالغ فى كل حاجه بشكل مقرف
وبقيت احس نص الستات ا لى رايحين المسجد عاملها لعبه تقليعه اي حاجه يعنى

على فكره عااااااادي دلوقتي ان عند مسجد كده يكون فى مكان شيك تشوفي عرض رائع للعربيات والعبايات
وبيروحوا يصلوا كمان فى شلل بنات وولاد
ويا حلولي يا حلولي

اتحاد المدونين المصريين يقول...

الاخوة والاخوات الاعزاء
يدعوكم اتحاد المدونين المصريين الى مساندة ودعم زميلنا العزيز

الاستاذ

خالد الصاوى

صاحب مدونة

منارة العرب

فى محنته المرضية التى يمر بها ..

لمزيد من التفاصيل برجاء زيارة مدونة الاتحاد

جنّي يقول...

السلام عليكم


تقبل الله منا ومنكم الصيام والقيام ايمانا واحتسابا لوجه الله الكريم

وعفا الله عنا وعنكم في ليلة القدر

david santos يقول...

Excellent posting.
Good inspiration!!!
Nice weekend.

اتحاد المدونين المصريين يقول...

اخى الفاضل - اختى الفاضلة

كل عام وانتم بخير .... وتهنئة قلبية بقدوم عيد الفطر المبارك

وندعوكم لمشاركتنا حملتنا

********* ( من اجل منع المواقع الاباحية ) ************

فى انتظاركم لمشاركتنا هذا العمل الذى نعتقد اننا جميعا بحاجه الى

محاربته من اجل مستقبل امتنا ومن اجل النهى عن المنكر ..

كل عام وانتم بخير مرة ثانية وفى انتظار تواصلكم معنا

جنّي يقول...

السلام عليكم ورحمة الله وبركاته

عيدكم مبارك

تقبل الله منا ومنكم
وكل عام وأنتم بخير
كل عام وأنتم من الفائزين
كل عام وقد حصدتم الجائزة
كل عام وأنتم ترفلون في ثوب الفرحة
كل عام وانتم مقبولون الصيام والقيام
كل عام وقد عفا الله عنكم في ليلة القدر

كل عام وأنتي منصورة يا أمتي

أخوكم
سعيد

الراقص مع الذئاب يقول...

السلام عليكم
كل عام وأنت بخير وصحة وسلامة
وفي طاعة لله عز وجل

الـفـرعـون الـمـصـرى يقول...

كل سنه وانتى طيبه

وجميع الامه الاسلاميه بخير


أسال الله أن يعطيكى أطيب ما فى الدنيا من خير

د/اجدع بنوته يقول...

كل سنه وحضرتك طيبه

قوس قزح يقول...

رضي الله عنكى وأرضاكى
وهداكى وأغناكى
وعافاكى وشفاكى
ووفقك لخير الدعاء
وأجاب لكى الرجاء
وأحبك بلا ابتلاء
وجعلك ساعية للخير
مؤثرة في الغير
وكل عام وانتى بخير

shabfa2re يقول...

beeeeep beeeeeeeep
happy eiiiiiiiiiid

حنان شلبي يقول...

امممممممممممممممممم

خمسة فضفضة ليش مو عاملة بوست للعيد وما لقيت شات بوكس
فاتطريت ادخل اهنيكي بعيد الفطر هون
كل سنة وانتي طيبة حبيبتي وعيد سعيد

تحياتي

آلام وآمال يقول...

احم احم
السلام عليكم
ايه يا دكتورة فينك قلقتينا كده عليكي
يارب المانع يكون خير
وحشتنا مواضيعك وبقالي فترة كبيرة مش بشوف تعليقاتك المميزة عند المدونين

طمنيني عليكي اول ما تدخلي ان شاء الله
وكل سنة وانتي طيبة
:)

آلام وآمال يقول...

ااااه
ما شاء الله
ده الموضوع فيه عمرة هههههههه
معلش اصلي دخلت ع التعليقات على طول من قبل ما اقرا
ربنا يتقبل منك يارب ويرزقك الحج واحنا كمان
وزمانك رجعتي بئا
مستنيينك تطمنينا

:)

حسين نور الدين يقول...

صياماً مقبولاً و عيداً مباركاً ميموناً بإذن الله .

ibn_abdel_aziz يقول...

تقبل الله منا ومنكي
كل عام وانتم بخير

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

القرآن الكريم