TvQuran

٢٠٠٨-٠٨-٠١

آآآآآآآآآه يا وطن


الاولة آه


والثانية آآآآآآه



والثالثة آآآآآآآآآآآآآآآآآه


والرابعة والخامسة والمليون كمان آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه





الأوله آه


والغدر لمان حكم

صبح الأمان بقشيش



والتانية آه

والندل لما احتكم

يقدر ولا يعفيش



والتالته آه

والحر مهما انحكم

للندل ما يوطيش


الأوله آه

على القلب اللى ما اتهناش


والتانيه آه

على اللى صابر

بس بخته ما جاش


والتالته آه

على اللى فى دنيا

لا مات ولا عاش





ولا حول ولا قوة الا بالله العلي العظيم وانا لله وانا اليه راجعون



48 comments:

خمسة فضفضة يقول...

السلام عليكم ورحمة الله وبركاته

اعذروني ان كنت مقصره كتير في الرد علي التعليقات
بس بامر اليومين دول بزنقة شغل مش عاديه وان شاء الله افضي قريب

ملحوظة :
الموال الجميل ده بتاع نجم والشيخ امام
والحته الاخيره منه كانت اغنيه لهدي سلطان


اهلا بيكم جميعا ودايما منورني

دعاء مواجهات يقول...

وآآآآآآآآآآآآآآة

زيادة على الآااهات دى كلها

بجد اختيار موفق وصور معبرة

احييكى عليها

وبردوو آآآآآة

مفيش غيرها

بس مين يسمعها

سلام

سـردية يقول...

بوست مليان أنين

ا بـن عــمــر يقول...

انا لله وانا اليه راجعون
اللهم أجرنا فى مصيبتنا واخلفنا خيرا منها

محمد عبد الرحمن يقول...

و ألف آه على وجع الوطن متكفيش

غير معرف يقول...

ربنا يصبرهم
و يصبرنا

وميض ابتسامة يقول...

الله ينور عليك

آهاتك .. وصلت

بالصور .. بالكلام .. وصلت

وأدينا بنصبر نفسنا ..والله غالب

أتمنى ان زنقة الشغل عندك تنتهى ..

وترجعى بألف سلامة لمدونتك الجميلة

والسلام عليك

Mahmoud البطراوى يقول...

والتانية آه

والندل لما احتكم

يقدر ولا يعفيش


اهو فى دى غلطانه
الندل لما احتكم

اقدر على حقى وضعيه

كبر الجى وروق الدى يقول...

كلمات وصور قليله بس عبرت عن المعنى احسن تعبير فعلا احييكي على اختيارك الموفق بس لو قعد الشعب كله يقول اه سنيين و سنيين تفتكري حد هيسمع

يا مراكبي يقول...

اللي حصل ده وقاحة ما بعدها وقاحة وعيني عينك كده .. للدرجة دي مستخفين بالملايين دي كلها؟ حسبي الله ونعم الوكيل

محمد عبد الغفار يقول...

احزان الأهالى على العين وعلى الرأس ، أنما احنا اللى وحشين فى قلب بعض

الطائر الحزين يقول...

وبعد الأه اهات
وبعد كل هذا!!!!!!!!

مصــــري يقول...

دكتورة فضفضة.

نفسي أخش مدونة فيها خبر يفرح.

الأهات جوانا كتير.
والصور زادت الألم جوانا.

ربنا يستر علينا.

أسامة

... يقول...

اختيارك للصور مع الكلام صح جدا
وموجع جدا

son's egypt يقول...

السلام عليكم
الام الشعب وعاناته ياما عبر عنها نجم بطريقة المعهوده
بطريقة الجميلة السلسه
تحياتي

شــــمـس الديـن يقول...

لا اتعجب
المصري لا قيمة له في دولته

اصبحتالقيمة لمن يملك مال فقط

دا سمت الحكومة
هنرجع لعص رالغاب تاني

و انا بقول لاي حد ياخد حقة ناشف من صاحب العبارة لا يتواني !

البقاء لله في مصر و قيمة المصري

عين فى الجنة يقول...

اللهم ارحم موتانا وموتى المسلمين

صيدلانيه طالعه نازله يقول...

و الله الاهات اللى انتى قلتيها فى اكتر منها بكتير و يعبى زكايب
اللى حصل فى العباره و قضيتها ده اكتر من مجرد مصيبه و فضيحه
احنا كده قدمنا للقتله احسن جواب شكر و تقدير على مجهوداتهم العظيمه فى القضاء على الزياده السكانيه فى مصر و شكرناهم على حسن تعاونهم مع هيئه القطارات المولعه و الطيارات الواقعه
و الله الواحد مش ملاحق على الاهات اللى طالعه و اللى لسه هتطلع

فاتيما يقول...

يا فضفوضة
لا فض فوك

محمد فاروق الشاذلى يقول...

الله عليك يا عم نجم
والله عليكى يا شيماء إنك جبتى الشعر ده

أما بالنسبة للآهااااااااااااااات فما تعديش إحنا عندنا فى مصر مليون حاجة تستاهل مليار آه.

والسلام عليكم

mamato2010 يقول...

السلام عليكم
بأمانه اللى حصل ده أستهتار بأرواح الناس.يعنى فى الاول أستهتروا بأجراءات الامن و الناس غرقت. وكمان يستهتروا بيهم و هما أموات .و يستهتروا بأرواح أهاليهم.ربنا يصبر الناس دى والله على اللى حصل و ربنا ما بيضيعش حق حد .و ندعى للشهداء بالجنة أن شاءالله.
أنا محمد السروجى صاحب مدونة يا سلام؟!!! يا ريت تدخلى و تقرى البوست الجديد و تقولى ليا أيه رأيك و كمان مستنى التعليق بتاعك.سلام

kafrawy يقول...

فليقضى الله امرا كان مفعولا

عاشــــــ النقاب ـقــــة"نونو" يقول...

السلام عليكم
وااااااااااااه ومن هنا للسنة الجاية
وبعد الاهات دي هنعمل ايه بقى هنفضل كدة
انا لله وانا اليه راجعون
حسبنا الله ونعم الوكيل
اختيار في الصميم يا دكتورتنا وربنا يكرمك يارب

bastokka طهقانة يقول...

اه ...مقالة قوية

و حسبي الله و نعم الوكيل


.

بث تجريبي يقول...

السلام عليكم
الاولة اه على بلد بتتباع
التانية اه على كرامة بتتهان
التالتة اه واه على بنى آدم كان كل حلمه يعيش انسان
واه وآآآخ ومليون آآآآآآآآه عليكى با يلد


سلاموز.

عاشقة القمر يقول...

عاشقة القمر من السودان مدوانتك جميل ربنا يصبر كم علي مصبيتكم وخلف خيرا منهابجد كلام موجع جدا انا مش مصريه لكن كلام بجد وجعني جدا انا كده يارب اهالهم كيف

مدحت محمد يقول...

اللى يقراها وميدمعش

يبقى اكيد

مش عايش فى الوطن

حنين.. يقول...

... الله عليكى
.... دمعت عينى
.... تسلم ايديكى.........
وان لله وان اليه رجعوان
تحياااااااااتى
فى انتظار المزيد
حنين

Che_wildwing يقول...

أول زيارة
وبمناسبة البوست الجامد ده
وعد مش هتكون اخر زيارة ابدا
ابسلوتلى يعني

Mina يقول...

اه ياوطن اه يابلد اه واه واه
صور وكلام بيقول اللي مايقولوش مليون مقال
تحياتي

AHMED SAMIR يقول...

بوست مليء بالمرارة
بس حقك فعلا

اربعين سنة ستيوتند يقول...

معين الدمع لم يبقي معين
فمن اي المصائب تدمعين
فديت و حكم الانذال فينا
........................
و كمان آه

د. إيمان مكاوي يقول...

كلمات معبره عن مصيبتنا
تحياتي

آفاق الحرية يقول...

مهي المشكلة انها اه من ايه ولا ايه
ده الواحد زهق من كلمة اه
ولا حول ولا قوة الا بالله

رينـــــــــــا يقول...

انا كمان منظرهم قطع قلبى :(

صالح سعيد يقول...

تسلم ايدك بجد
صدقينى انا فكرت كتير اكتب موضوع عن ضحايا العباره
لكن مقدرتش من كمية الالم اللى جوايا
ده اعتراف منى
نفسى اكتب عن الموضوع ده يوم ما الناس تاخد حقها
من اللى ظلموهم
واستهانوا بيهم
من اجل عيون ممدوح او مذموم
ربنا على كل ظالم

Jana يقول...

عذاب الدنيا أحيانا قد يخفف من عذاب الآخرة
والبعض لا يستحق هذه الرحمة

فليأخذهم ربك أخذ عزيز مقتدر

حمامة يقول...

حسبى الله ونعم الوكيل :(
ربنا يصبرهم كمان بعد الحكم
ياريتهم اتنصفوا كان خفف عنهم شوية
نقول ايه بس

:(

غير معرف يقول...

الصور مؤلمه والبوست مؤلم والحقيقه وموت الابرياء دول بالشكل ده ائلم واوجع واصعب ربنا يرحمهم ويصبر احيائم اهاليهم اليى ميعلمش بيهم دلوقت الا ربنا اسالينى انا ..دى اول زياره ليا لمدونتك جميله قوى ربنا يوفقك.فى رعاية الله وامنه..

Unknown يقول...

اقولك لما بقرا شيء من هذا النوع ببقي عاوزه اقول ايه ؟

حسبي الله و نعم الوكيل

ياسمين

نوته و قلم

غير معرف يقول...

السلام عليكم ورحمة الله وبركاته دكتورة الفضفضة
أولا جزاكي الله خير على السنة الحسنة بتاعة السلام دي
ثانياً على الموضوع نفسه.. والصور اللي بتعبر عن سبب الموضوع ... بجد الخبر كان صدمة بكل المقاييس ... يعني حتى لو كان فيه ذرة أمل ف حق لحد هياخده .. انتهى الأمل ده .... بس أنا بنظرتي المتفائلة بقول ممكن ربنا حابب يأخر العقاب للآخرة علشان يكون أشد ... الجدع ده محدش هيعاقبه غيري علشان محدش هيقدر يعطيله العقاب اللي يستحقه غيري ... وعن الناس بقى وصدمتهم وأولادهم اللي راحوا زي *** ومات فربنا يصبرهم ويجزيهم خير ف الاخرة
شعر نجم بس شعر قاسي جداً
تحياتي
السلام عليكم

حزيــــــــــــــــــن يقول...

7sbna allah wa n3m al wakeel

بنت الصالحين يقول...

انا لله وانا اليه راجعون

حسبنا الله ونعم الوكيل

Hello, Hollywood! يقول...

اهلا اهلا

انا اتخضيت في الاول انا افتكرت في حد اتوفي ولا حاجه معلش انا خشيم حبيتين في مسائل الشعر و الكلام ده ما علينا هو الموال جامد انا بحسبه من تاليفك و تلحينك ;) اشطه اشوفيك البوست الجاي

قوس قزح يقول...

عايز تساعد نفسك و غيرك و بلدك
وعايز فعلا تبقى مشاركتك مش بس كلام
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

Unknown يقول...

والتانية آه

والندل لما احتكم

يقدر ولا يعفيش



والتالته آه

والحر مهما انحكم

للندل ما يوطيش

حكايتنا كلها بين الآه التانية

والتالتة .. أدام الله علينا نعمة الحرية ..

والتالته آه

على اللى فى دنيا

لا مات ولا عاش .. نسأل الله لهم الرحمة ولأهلهم الصبر

واسمحوا لى بالإطالة فى رحاب الفاجومى أيضاً
***********************************
يسبق كلامنا سلامنا يطوف ع السامعين معنا

عصفور محندق يزقزق كلام موزون و له معنى


عن الارض سمرا و قمرا

و ضفه و نهر و مراكب


و رفاق مسيرة عسيرة

و صورة حشد

و مواكب

ف عيون صبية بهية

عليها الكلمة و المعنى
***
مصر يا امّة يا بهية

يام طرحة و جلابية

الزمن شاب و انتي شابة

هو رايح و انتي جاية

جايه فوق الصعب ماشية

فات عليكي ليل و مية (100)

و احتمالك هو هو

و ابتسامتك هي هي

تضحكي للصبح يصبح

بعد ليلة و مغربية

تطلع الشمس تلاقيكي

معجبانية و صبية

يا بهية***

الليل جزاير جزاير

يمد البحر يفنيها

و الفجر شعلة ح تعلا

و عمر الموج ما يطويها

و الشط باين مداين

عليها الشمس طوافة

ايدك في ايدنا

ساعدنا

دي مهما الموجة تتعافى

بالعزم ساعة جماعة

و بالأنصاف نخطيها
***
مصر يا امّة يا سفينة

مهما كان البحر عاتي

فلاحينيك ملاحينيك

يزعقوا للريح يواتي

اللي ع الدفة صنايعي

و اللي ع المجداف زناتي

و اللي فوق الصاري كاشف

كل ماضي و كل آتي

عقدتين و التالته تابتة

تركبي الموجة العفية

توصلي بر السلامة

معجبانية و صبية.. يا بهية

***
و يعود كلامنا في سلامنا يطوف ع الصحبة حلواني

عصفور محني يغني

على الأفراح ومن تاني

يرمي الغناوي تقاوي

تبوس الأرض

تتحنى

تفرح

و تطرح

و تسرح

و ترجع تاني تتغنى

اللي بنى مصر كان في الأصل حلوانى
سامحونى على الإطالة

كلبوزة لكن سمباتيك يقول...

فينك يا جميلة؟
ربنا يعينك على زحمة الشغل بس عايزين نشوفك

تحياتي

تامر حسين يقول...

بجد فعلا بوست جميل ومحزن في نفس الوقت
وطبعا نجم والشيخ امام مش محتاجين مدح
تحياتي ليكي

القرآن الكريم