TvQuran

٢٠٠٩-٠٢-١٧

حتما آت



بين ضياء الشمس
ابحث وافتش
عن احلامي
عن كلماتي
عن ايام باتت منسية
عن انسان

عند مغيب الشمس
اسال اتقصي
عن ضحكاتي
عن حكاياتي
عن سنوات كانت وردية
عن دفء وحنان

ليل صباح ابحث
في اوراقي في جنباتي
بين حطامي
لا يوجد الا احزان

ابحث عن وجه يشبهني
عن شخص يعرفني
عن فارس ينقذني
ولكن شح الفرسان

انفضوا جميعا من حولي
انشغلوا بمال وبلهوِ
تركوني اصارعه وحدي
صياداً لا يعرف رحمه

يقتل
يذبح
يحرق
يسلخ

مثخنة بجراحي
اصرخ
وانادي لا اسمع ردا


تركوني اعاني آلامي
وانفضوا جميعا من حولي

ولكني ابدا لم ايأس

ظل الامل يراودني ان اجده
و سيأتي يوما
فارس بحصانٍ ابيض
ساقص عليه حكاياتي
وسيمحي عني احزاني
وسترجع معه ضحكاتي
ويزول الخوف والقهر

هو حتما آت

22 comments:

mohamed ibrahim يقول...

اسلوبك حلو اوي يا دكتورة بس المشكلة في حاجة
امتي هييجي الفارس ده الي هيخلصنا من الألم ؟
مش عارفين
و أول تعليق

تحياتي
محمد

مصــــري يقول...

دكتورتنا

الأسلوب رائع
أما عن الموضوع
غهو حلم كل انسان
ان كان حبيب يبغي حبيبه
أو مقيد يبغي حريته
أو مظلوم يبغي انصافه

كل مننا يبحث عن فارسه
وأتمني ان نجعل من أنفسنا فرساناً

تحياتي
أسامة

الفقيرة إلى الله أم البنات يقول...

حلوة قوى يا دكتورتى الحبيبه
اخبارك ايه مع الاعتصام..قفلتى الصيدليه؟؟

ايه الكلمات الجميله والقويه
زادك الله من خيره

خمسة فضفضة يقول...

السلام عليكم ورحمة الله وبركاته

محمد ابراهيم

ربنا يخليك متشكره اوي
انت كمان مدونتك حلوه اوي رحت خدت لفه هناك ماشاء الله

--------------------
مصري

ياريت كل واحد يلاقي الفارس اللي هو عاوزه واللي فايده خلاصه

نورتني

-------------
حبيبتي ام البنات

اهلا يا قمر

الحمد لله الاضراب عدي علي خير وخدنا نص حقوقنا ولسه الباقي بيتفاوضوا عليه يا يعملوا اللي احنا عاوزينه يا هانضرب تاني ربنا يسهل يارب

وايوه طبعا قفلت الصيدليه في يومين الاضراب ماكانش اي حد فاتح هو واحد بس في اول يوم تاني يوم كله قافل

متشكره اوي علي كلامك الغالي اوي عندي وفرحانه ان المحاوله البسيطه دي عجبتك

نورتيني

سلام

3abasya wa7ed يقول...

ظل الامل يراودني ان اجده
و سيأتي يوما
فارس بحصانٍ ابيض
ساقص عليه حكاياتي
وسيمحي عني احزاني
وسترجع معه ضحكاتي
ويزول الخوف والقهر

هو حتما آت


عجبنى جدا الجزء الأخير

روووووووووعة

والله هوا حلمك الخاص

أسلوبك رائع

كلماتك معبرة

وصف دقيق لفرسان هذى الأيام

البعض إنشغل باللهو أو بجمع المال

على فكرة الإضراب كان تمام وميه ميه
وربنا يوصلكم لأهدافكم
ولكن

انا عن نفسى فضلت أبحث نص ساعة عن صيدلية فاتحة بحيث الحاجة والدتى تقدر تأخد حقنه الدواء لحد ما لقيت صيدلى غلبان هوا اللى مراعى الظروف وفاتح

شكرا على المقال يا دكترة

عباسية :D

3abasya wa7ed يقول...

آسف شغلتنى فكرة الإضراب عن تكملة تعليقى على البوست


عند مغيب الشمس
اسال اتقصي
عن ضحكاتي
عن حكاياتي
عن سنوات كانت وردية
عن دفء وحنان


الجزء دا عجبنى برده

لإحساسى بأن الحياة والحب والضحكات والفرح لن تأتى إلا مع الحبيب وكأنها انتهت كلها والحبيب هوا اللى هيرجع كل دا من تانى للحياة

حاسس أوى بالبوست دا

شكرا ليكى

عباسية :D

صاحب المضيفة يقول...

اسلوبك جميل ورقيق

وعلى قدر رقته ان شاء الله يرزقك فارسا يدخل السرور على قلبك الرقيق


كل التحية والاحترام

ستيتة يقول...

بتدوري على صلاح الدين ياشقيقة؟
لو أتى في زماننا
لقتلناه
وانكرناه
وقلنا ما انت الذي طلبناه

انك مدعي ولست صلاح لديننا ولا دنيانا
هذه حقائق واقعة

لا يأتي الفارس لأننا لن نقبل به في زمن المصغرة

بـسـمـــة صـــــلاح يقول...

ظل الامل يراودني ان اجده
و سيأتي يوما
فارس بحصانٍ ابيض
ساقص عليه حكاياتي
وسيمحي عني احزاني
وسترجع معه ضحكاتي
ويزول الخوف والقهر

هو حتما آت

~~~~~~~~~~~~~
منتهى الحمال
بجد يعني ابداع
حضرتك رقيقه اوي
ربنا يرزقك بالفارس دا يارب ويسعدك
ويرزق الكل
امين
اول مرة ومش الأخيرة ان شاء الله
دمت بكل ود
تحيـــــــــاتي(:

mostafa rayan يقول...

احلى ما فيها الامل اللي في اخرها
دمت مبدعة جميلة

شمس النهار يقول...

برغم كل الاحزان
عندك امل وده اجمل ختام
الكلمات جميله وقويه جواها ايمان قوي بالأتي

وميض ابتسامة يقول...

عجبتنى لمسة التفاؤل فى نهاية بحور الشعر وهذا ما يبعث الامل دائما فى نفوسنا من اجل حياة افضل ..

عمرو يقول...

أيوه حلو جدا التعلق بالأمل و عدم اليأس من طول الاٍنتظار
الحياه و الأمل أراهما كمقلة العين و الننى لا اٍنفصام بينهما فاٍن غابت واحده غابت الأخرى حتما
أسلوبك رقيق و هادىء و واضح و فى نفس الوقت حاد كنصل السيف
بارك الله فيكى و لك تحياتى

رئيس جمهوريه نفسى يقول...

السلام عليكم ورحمة الله وبركاته

حلوة قوي يا دكتورة فكرتها تسلسلها والموسيقي اللى فيها والختام بتاعها والتمسك بالامل بسم الله ما شاء الله مبدعة

صيدلانيه طالعه نازله يقول...

ازيك يا فضفوضه الكلام حلو قوى و ياريت ربنا يوفقنا جميعا و نلاقى اللى يخلصنا من احزاننا و يمسع الدموع

اخبارك ايه مع الاضراب اعتقد اننا الحمد لله نجحنا اننا نوصل فكرتنا و ربنا يوفق فى الباقى و يهدى الاندال اللى فتحوا صيدلياتهم فى الخباثه

ذو النون المصري يقول...

مرات قليله جدا حالت افضفض فيها علي هيئة شعر
و كتبت اربع محاولات انشرها قريبا
الشعر احيانا فعلا بيخف عن الانسان بعض المه

اسلام الشربينى يقول...

جامد جدااا


ربنا مع حضرتك

نعكشة يقول...

ان شاء الله هيطلع مننا امتى مش عارفة بس انا حاسة إه هيجي يوم و لو جه ربنا يعيني و اطلع معاه
و لو جه بعد ما اموت هكون ميتة و نيتي اني اطلع معاه و ربيت ولادي يمكن يكون واحد منهم

هيجي

امتى مشعارفة بس ان شاء الله جاي

سلام عليكِ

تخاريف خاصه! يقول...

حلو اوى ماشاء الله...
سلمت يداك...

غير معرف يقول...

ما شاء الله .. كتاباتك متميزة .. ولكن بالنسبة لموضوع آخر الفرسان ده : فعندنا مثل بيقول : الرجاله راحوا في الحرب

r يقول...

الامل فى وجود منقذ او فارس
او حتى حل شئ جميل بس لما يكون ليه حدود
ولا نربط مصير حزننا واقبالنا على الحياه به
نصك جميل فكرنى بحكايات الشاطر حسن
دمتى طيبه

غير معرف يقول...

في زمن الثرثره يعيب الكلام . وفي زمن الحب قلاالكلام .

القرآن الكريم