2007-03-21

تحبها بريحة ايه


قريت خبر غريب - مع ان معدتش حاجه غريبه اليومين دول - بيقول ان الانترنت هايبقي له ريحه


تفاصيل الخبر بتقول :

" توقع تقرير لوزارة المعلومات والاتصالات في كوريا الجنوبية أن يشهد العالم بعد حوالي عقد من الزمان ثورة تكنولوجية من مظاهرها إنترنت يطلق روائح ، وطبقا للتقرير الذي استند إلى مجموعة من المقابلات مع خبراء التكنولوجيا في كوريا الجنوبية، فان مستخدمي الإنترنت سيستطيعون نقل الروائح إلى الإنترنت واستنشاقها بحلول عام 2015. وسيتم التعرف على كل رائحة بتحويلها إلى بيانات رقمية بناء على مركباتها الآروماتية وطريقة خلطها معا. وستنتقل تلك البيانات عبر الإنترنت وسيتم على أساسها تشغيل علبة صغيرة في الكمبيوتر تحتوي على مركبات تلك العطور "

تخيلت واحد رايح شركه من اللي بتركب خدمة الانترنت يستقيبله موظف خدمة العملاء و يسأله حضرتك تبحها بريحة ايه ....؟؟؟؟؟


ولا واحد لسه داخل علي الشات روم اول ما يشم ريحتها يعرف ان فلان وفلان موجودين
كمان ممكن يطلع مزيل عرق الكتروني لازالة الروايحه الغير مرغوب فيها واللي ممكن تنبعث من الناس اللي بتعد 24 ساعه علي النت



وبعد كده ممكن يطوروا الموضوع اكثر ويخلوها انترنت بالنكهه اللي يحبها العميل ، ويبقي في حنفيه خارجه من السي بي يو تنزل المشروب اللي تحبه بعد ادخال الكود المناسب



ولسه يا ما ها نشوف



6 comments:

mohandat يقول...

مقاله حلوه بس تخيلي بقي انهم عملو بصمة الروائح عبر الانترنت والدراسات بتقول ان لكا انسان ريحه مميزه ساعتها كل صاحب بلوج ولا شات روم ولا موقع يطلع لنفسو ريحه مميزه وبالتالي ميبقاش فيه خصوصية

خمسة فضفضة يقول...

السلام عليكم

يبقي بعد كده هانلاقي واحد بيقول ...انا مش هادخل علي موقع فلان ده تاني ....ده رحته وحشه ...ههههه

منور يا استاذ مهند

shreef يقول...

انا كنت قريت الموضوع ده من فترة حاجة كده لذيذة هتكون عبارة عن جهاز في مجموعة من الروائح و بعدين الجهاز ده بيتوصل بجهاز الكمبيوتر فا اي حد يبعتلك ريحة معينة يقوم الجهاز ده يعمل تركيبة من الروائح اللي عنده علشان يوصل للريحة ديه بمقادير محددة من قبل الشخص اللي بعتهالك..بس والله فكرة حلوة هتضيف للنت جانب كده ريحته حلوه..بس المهم ميستخدمش استخدام سيء على رايك ممكن متعجبنيش ريحة موقع ما فمدخلش عليه تاني..بوست لذيذ و ريحته حلوه..سلام

mohandat يقول...

دا المدونه هي اللي منوره بالموضوعات بتاعتك
علي فكره انا متحمسلك علشان انا كمان صاحب مدونه جديد يعني بصمجي في المهنه بمعني اصح
ارجو انك تشرفيني بالزياره وبتعليقاتك الجاده اللي بكون سعيد بيها قوي

توتة توتة يقول...

جميلة اوي فكرة الروايح دي
و النكهات
ممكن كده في يوم حر يطلع لنا طبق بطيخ معتبر واو
فكرة هايلة

خمسة فضفضة يقول...

السلام عليكم ورحمة اله وبركاته

اهلا توته
تخيلي بقي وفي يوم من الايام ممكن يبقي فيه نت دليفري زي الهوم دليفيري كده
تطلبي الحاجه تيجيلك لحد البلوج بتاعك

نورتيني

القرآن الكريم