2007-03-30

كل عام وانتم بخير



46 comments:

مبرمج حر يقول...

كل عام وأنتى يخير
كل عام والمسلمين و المسلمات والمؤمنين و المؤمنات بخير
:)

خمسة فضفضة يقول...

السلام عليكم ورحمةالله وبركاته

مبرمج حر ، نورتني
كل سنة وحضرتك طيب

شكرا علي مرورك

محمد فوزي آل ربيع يقول...

كوووول سننننننة و انتو طيبين يا جماعة

حلاوة المولد عليا

لا خلاص و الله ما هي راجعة

كل واحد له اتنين كيلو حلاوة و عروسة مجانا

عروسة مولد لحسن حد يفتكر حاجة تانية

عموما الكوبونات هتلاقوها في بلوجي تطلعوا على طول على عبد الفتاح مرزوق بتاع طنطا تلاقوه مجهزلكم حلاوة المولد و كل حاجة

كلوا و ادعولي

تحياتي

mohandat يقول...

السلام عليكم ورحمة الله وبركاته

اني ارجو شفاعتك يا رسول الله
اللهم نولني اياها

اللهم ادم ايامنا سعادة يا كريم


-------
دكتوره اشكرك بس انتي كده سبقتيني
يالا مش مهم
السلام عليكم
مهند المصري
الباحث عن الحقيقة

الراقص مع الذئاب يقول...

السلام عليكم ورحمة الله وبركاته
اولا هل بالفعل صح عن الرسول صلي الله عليه وسلم ان يوم ميلاده هو يوم 12 ربيع الاول؟؟؟
اللي ثبت انه اتولد يوم الاثنين بس غير كدا لم يثبت
وهل صح عنه صلي الله عليه وسلم انه احتفل به؟؟

لم يحتفل الرسول صلي الله عليه وسلم بيوم ميلاده ولم يفعل صحابته الكرم هذا وهم اولي به منا ان كان ذلك صحيح

بل ((((لا ))))يحتفل بأي يوم ميلاد لأي شخص علي وجه الارض

وجزاكي الله خيرا يا دكتورة وياريت برضو تبحثي في الامر اكثر

اللهم صلي علي سيدنا محمد صلي الله عليه وسلم وانزله المقعد المقرب عندك

mohandat يقول...

السلام عليكم
ردا علي الباحث عن الذئاب

انا كمان مش مع بقول بصحة اليوم ولا صحة الاحتفال بيه وعلشان كده مقولتش كل عام وانتم بخير ولا غيرو
كان ممكن تكتفي بكده وتعمل زي
بس انت طبعا مش زي لانك بتحاول تصحيح الخطأ احييك
بس انا عندي رأي اننا نعترض علي الحلاوة والمولد والحاجات ديه الاول وبعدها نبدأ نعترض علي الاقل ضرر وهو الاحتفال بالذكري نفسها
هتقولي لا ابدأ بالراس حتي يصح الجسد بمعني اني اقطع الذكري وساعتها هيبقي مفيش حلاوة ولا مولد
هقولك اي حاجه في الدنيا لازم تبدأ بالتدريج حتي الرسول بعث برسالته بالتدريج يعني لما حرم الخمر حرمو بالتدريج لما فرض الصلاة فرضت بالتدريج
هذا وبالله التوفيق
مهند المصري
الباحث عن الحقيقة

mohandat يقول...

تصحيح
الراقص مع الذئاب







معلش اصل الباحث دي بتاعتي خلت راسي هنجت وبقيت اعملها للناس كلها
اسف

khaled يقول...

الاخ الراقص مع الذئاب
و الاخ مهندت
اشكركما جدا على حرصكما الطيب فى تحرى الحقيقة و خصوصا كل ما ارتبط بالدين
بس يا مهندت انا شايف انك سيبت الموضوع الاساسى و مسكت فى حاجة تانية خالص و هى الحلاوة
يعنى الراجل بيتكلم عن صحة اليوم و عدم ثبوته و عدم صحة الاحتفال بيه و انت بتتكلم عن الحلاوة
يا شيخ سيب الناس تنبسط
:)
شكرا لكما

mohandat يقول...

السلام عليكم

اشكرك يا خالد

بس يا استاذي انا بقول ان في عادات غلط ميه في الميه نبدأ بيها وبعدين نوصل للموضوع الاساسي
يعني لو تعرف ان السنه اللي فاتت كام واحد اتسمم من الحلاوة ديه مش هتستهون بيها ( علي فكرة انا مش باكلها )

وبالنسبه للموالد فدي بقي مصيبة اكبر انا نفسي يهدوها علي البلاوي اللي بتحصل فيها باسم الدين
مقصدي نبدأ بدول

وجزاك الله خير

خمسة فضفضة يقول...

السلام عليكم ورحمة الله وبركاته

وانت طيب يا محمد

خلاص يا سيدي مستنين الحلاوه ،والعروسه
انا هاروح اهه اقف في الطابور علشان آخد كوبون

خمسة فضفضة يقول...

وعليكم السلام ورحمة الله وبركاته

اللهم آمين يا مهند ، اللهم شفعه فينا يارب اللهم اسقنا من يده الشريفه شربة ماء لا نظمأ بعدها ابدا

خمسة فضفضة يقول...

وعليكم السلام ورحمة الله وبركاته
الراقص مع الذئاب
منورني يا باشمهندس ، والله انا عارفه برضو زي ما كلنا عارفين ان موضوع المولد النبوي ده بدعه وان الاحتفال بيه لم يثبت عن الرسول صلي الله عليه وسلم
بس نعمل ايه بقي جرت العاده علي كده
والحاجه اللي اترسخت في سنين مش ها نقدر نغيرها بين يوم وليله ، وبعدين سيدنا محمد صلوات ربي وسلامه عليه مش محتاج يوم في السنه علشان نفتكر انه جوا قلوبنا هو جواها علي طول


وطبعا انا مش مع الخرافات والخزعبلات اللي بتتعمل يوم المولد دي ولا راضيه عنها ولا اقول بصحتها

وعموما بقي كلمة كل سنة وانتم طيبين مش محتاجه مناسبه علشان الواحد يقولها للناس التانيه
يارب كده كل سنه تعدي علينا واحنا طيبين وبخير وسلام

خمسة فضفضة يقول...

السلام عليكم ورحمة الله وبركاته

اهلا بحضرتك يا باشمهندس خالد نورتني

علي رايك يا باشمهندس ....ايه مهند سيب الناس تتبسط
ولعلمك بيقي انا بموت في الحلاوه ، وبعدين ما بتبقاش موجوده الا ايام المولد لما انت تقول امنعوها اعمل ايه انا

وبعدين فين الناس اللي اتسممت دي ، ما سمعتش عنهم يمكن كانت حلاوه اكسبير

khaled يقول...

اشكر العزيزة خمسة فضفضة
و اشكر الصديق مهند على الرد
و عايز اقلك ان انا باكل الحلاوة لانها زى ما قالت صديقتنا ما بتجيش غير الايام دى
بس باكلها بنية الاكل مش بنية الاحتفال بالمولد
بس الحمد لله لغاية دلوقت ما حصليش حاجة و لا شفت
ربنا يعافينا
و بالهنا و الشفا
:)))

الراقص مع الذئاب يقول...

اولا بعد إذن الدكتورة (خمسة ففضفة) هنكمل الحوار والرد علي الناس اللي كان رد فعلهم جميل جدا ...وبصراحة انا كنت متوقع هجوم منكم عليا

اولا نبدأ بترتيب الردود ونقول للأخ مهند جزاك الله خيرا علي ردك بس ليا
راقص باحث اهو كله واحد...

ملاحظة صغيرة علي كلام
الحلاوة واكلها بنية ان واحد بيحبها دي مش مشكلة...يعني انا ممكن اروح اشتري الحلاوة عشان انا بحبها ومش عشان خاطر الاحتفال بالمولد
يعني امرها مفهوش مشكلة بس المهم طبعا إستحضار النية
المهم كله الاحتفال باليوم دا بالذات ونقول (المولد النبوي الشريف)....هو ايوة طبعا المولد النبوي شريف وكل حاجة بس مفهوش احتفال...احنا بنتبع السنة ولا نبتدع سنن
وطبعا ردك صح جدا وهو دا اللي لازم يتعمل بس في حالة تانية
في حالة العوام من الناس اللي متعرفش تقولهم دي بدعة ودي مش بدعة
ودا بقي ردي علي خمسة فضفضة:

ازاي يا دكتور نقول جرت العادة علي كدا؟؟
المفروض اننا عارفين يبقي منعملش الكلام دا....
التعامل مع شخص متعلم مثقف عند خلفية بيكون سهل جدا....انا مش هروح لراجل طيب معلوماته علي اده وهقوله دي بدعة وديه مش بدعة...كدا هتحصل مفسدة عظيمة...ودرء المفسدة مقدم علي جلب المنفعة...هو مش هيعرف وممكن يتهمني بالكفر كمان...هو راجل طيب وتفكيره محدود
يبقي التعامل معاه هيكون زي ما اخوانا الجميل مهند قال
اما بقي ناس عارفين وربنا كرمهم بسعة الافق والواحد بجد يفخر انه بيشترك معاهم في اي حوار امثالكم - مش نفاق والله- بس هي ديه فعلا الحقيقة
يبقي لازم الوضع يتغير والنقاش هيبقي اسهل بكتير عشان في رجاحة وإتزان
ربنا يثبتنا ويظهر لنا الحق ويعصمنا من الفتن

يبقي نبدأ بأنفسنا فعلا زي ما حضرتكم قلتوا وعلي الاقل نرسخ حب النبي صلي الله عليه وسلم في قلوبنا بإتباع سنته ونحتفل بيه كل لحظة بالصلاة والسلام عليه صلي الله عليه وسلم
واللي ينسي يدخل مدونتي هيفتكر اول ما الصفة تحمل (حتة جامدة من الشيخ محمد حسين يعقوب)
...زالاخ خالد ربنا يكرمه احنا فعلا عاوزين الناس تنبسط وكل حاجة ويا سيدي سيبهم يكلوا حلاوة ويكلوا جاتوه ويكلوا كل اللي يحبوه...من غير ما يبتدعوا شئ

عارف ان الدكتورة بتدور علي مأشة عشان تنزل علي دماغي ضرب عشان رغيت كتير واتكلمت كتير ورديت علي الناس ولا كاني في مدونتي....معلش بقي انا بعتبر نفسي في بيتي الا لو انتي عندك رأي تاني

جزاكم الله خيرا جميعا وادام الله اجتماعنا علي الخير دوما ورزقنا حسن البيان

shreef يقول...

ما اظنش ان كتير هيختلف على الموقف ده و ان كل بيحصل ده من البدع بس المهم منحملش الحلاوة الذنب في الاخر و نقول المشكلة في الحلاوة المهم النية زي ما تكرمتوا وقلتوا..و كل سنة و انتوا طيبين..سلام

خمسة فضفضة يقول...

السلام عليكم ورحمةالله وبركاته

ايوه كده الحمد لله لقيت حد بيحب ياكل الحلاوه زيي
احيك يا باشمهندس خالد
ايه رايك نطلع علي عبد الفتاح ورزوق ناخد لنا 2 ،3 كيلو حلاوه

-------------------

الراقص مع الذئاب
لا خد راحتك البيت بيتك اقصد المونه مدونتك
كلامك صحيح المفروض اننا نبدا بانفسنا كناس متعلمه ومثقفه
بالرغم من كده برضو في ناس لو انا ما صبحتش الصبح قلتلهم كل سنة وانت طيبين يبقي يومي مش فايت وعشتي سوده ن مثلا حماتي ....هههه

علشان كده الواحد تلاقيه ماشي يقول كل سنة وانتم طيبين ، ان شاء الله ربنا يخلصنا من العاده دي

وزي ما قلتلك في ردي السابق سيدنا محمد صلي الله عليخ وسلم مش محتاج يوم في السنه علشان نفتكر انه في قلوبنا

علي فكره انا بحب اوي اروح مدونتك علشان المقطع الصوتي بتاع محمد يعقوب اللي انت حاطه ده
ربنا يجزيك خير

نورتني يا باشمهندس وماتخافش تعال هنا براحتك وناقش كل اللي انت عاوزه ، ما فيش مقشات ولا حاجه ..هههه

خمسة فضفضة يقول...

السلام عليكم

اهلا بحضرك يا شريف

ايوه المهم ما نحملش الحلاوة الذنب ...ههههه

منور

mohandat يقول...

السلام عليكم ورحمة الله
انا شخصيا بنسحب من النقاش لاننا تقريبا وصلنا للنقطه الفاصلة وكلنا تقريبا متفقين فيها بس التطبيق مختلف بقي

دكتوره انتظري الحلقه القادمه من الوصايا الباهرة في مجال الادويه هتنزل النهارده باذن الله
وارجو من الكل تشريفي
هههههههههه انا بعمل دعايه عندك متقلقيش هديلك 30% زي الدواء بالظبط
مهند المصري
الباحث عن الحقيقة

محمد فوزي آل ربيع يقول...

إية دة؟ إي دة؟

إية الأفق الضيق دة؟

إية يا جماعة مالكوا كدة ع المولد النبوي؟

قبل ما حد فيكوا ينطق أو يتكلم يسمع للآخر

للي مش عارف لغايةدلوقتي في حاجة اسمها بدعة حسنة و بدعة سيئة و دي من أصول الفقه

الإستحداث في الدين هوا الللي خطأ

الحديث واضح و بيقول عليه الصلاة و السلام:((من سن في الإسلام سنة حسنة فله أجرها و أجر من عمل بها من بعده من غير أن ينقص من أجورهم شيئ..إلى آخر الحديث))كتاب رياض الصالحين-باب 19 في من سن سنة حسنة أو سيئة-ص63-64 طبعة دار الخير-1996

إنما الحديث التاني بيقول عليه الصلاة و السلام:((من أحدث في أمرنا هذا ما ليس منه فهو رد))
يعني اللي يبتدع في الإسلام حاجة ما هياش من أصول الإسلام أساسا يعني كأنه بيخلق أحكام جديدة

مش مجرد إحتفال بالمولد النبوي

طبعا أنا بقول الكلام دة بدافع عن الإحتفال بالمولد النبوي بس دا مش معناه إني راضي عن اللي بيحصل فيه و في الموالد التانية

يمكن عشان عندنا هنا في دبي الحكاية جاية بشكل منسق و جميل و محترم

إية المانع أما تكون ليلة دينية أو ثقافية في أي مسرح أو مركز ثقافي تكون عبارة عن كلمات قصيرة لعدد من الشيوخ تتخللها فقرات أناشيد في مدح الرسول

و الله فعلا لو حضرت حاجة زي دي هتحس فعلا بالمولد النبوي
إنما كونك تمشي مع الناس اللي ماشية و تقول بدعة و مش عارف إية و انت مش مدور أساسا في الموضوع فدا أكبر غلط مع إحترامي
لأن الرأي دا أنا كونته بعد حوالي ست سنين دراسة للموضوع لأني في إعدادي كنت أقرب إلى السلفية و كنت متعصب تمام زي ما الأخوان هنا بيعملوا بس كنت كل أما أكبر و تتوسع مداركي و سنة عن سنة بأفهم أكتر في الدين قمت كونت الرأي دة و استريحت ليه فعلا

أرجوا إني ما كونش طولت لكن الموضوع فعلا عاوز صبر و تأني في دراسته و عدم رفض للرأي لمجرد إنه بيخالف إقتناعك بدليل إستشهادي بحديث الرسول::((من أحدث في أمرنا هذا ما ليس منه فهو رد))

مع إن اللي يبصله من بعيد يفكره بيعني إن كل حاجة جديدة في الدين هيا ضلالة لكن الحديث فعلا ما بيعنيش كدة لأنو بيعني كل تغيير في الأحكام أو العبادات

و أخيرا - بقي أن أذكر حاجة بسيطة إن الصحابة على أيام الرسول كانوا بيصلوا التراويح فرادى و إن سيدنا عمر بن الخطاب هوا اللي جمع الناس على صلاة التراويح جماعة فهل دي تبقى بدعة بالمفهوم اللي انتوا بتقولوا عليه؟

أنا ذكرت كدة بس عشان أبين إن في فرق بين البدعة الحسنة و السيئة

و برضوا بأكد إني مش مع اللي بيحصل في الموالد في مصر لكني في نفس الوقت بأشجع أي احتفال محترم بالمناسبة

و سيبوا الناس تفرح شوية بأة
حرام عليكوا دا العيال بتستنا الحلاوة من السنة للسنة
مش فاهم إزاي بتقدروا تغمضوا عنيكوا عن الحاجات الحلوة في الحياة

اتفضلوا حلاوة

احتراماتي و تحياتي

خمسة فضفضة يقول...

السلام عليكم ورحمة الله وبركاته

والله يا محمد كلامك في شئ من الاقناع بس هو اعتراض اللي بيعترضوا انه يتم تحديد يوم معين للاحتفال بالرغم من الرسول صلي الله عليه وسلم ما حددش اليوم ده

ولكنه فقط قال انه ولد يوم الاثنين علشان كده ده كان من ضمن الاسباب اللي كانت بتخليه يصوم يوم الاثنين ( طبعا الي جانب بقية الاسباب اللي كلنا عرفنها)
و في كتير اوي بيعتبره الصوم ده نوع من انواع الاحتفال

والاعتراض الثاني بيكون علي البدع والحاجات اللي تخالف الدين اللي بتحصل في الموالد الشعبيه واللي الناس بتعتبرها طرق ومظهر من مظاهر الاحتفال

اما بقي لو زي ما انت قلت يبقي بقراءة القرآن والذكر والابتهالات الدينيه طبعا دي اكيد تبقي حاجه كويسه واكيد اللي بيعملوها بيثابوا عليها

وفي الآخر ها يفضل الاحتفال او عدمه و تحديد يوم او لأ من الفضايا الخلافيه الموجوده علي الساحه و اللي بيتجدد النقاش فيها من السنه للسنه
بالظبط زي الاسراء والمعراج

عموما متشكرين علي الحلاوه ، مع انها لسه ما وصلتش ....ويجعله عامر ....هههه

mohandat يقول...

السلام عليكم
اخي الفاضل الاستاذ محمد
بالرغم من هجومك الضاري نحونا
وحسستني اننا امعه ولا فاهمين اي شئ ومتعصبين جدا من حيث السنه الحسنه والسنه السيئه والبدعه

انا قولت مش هتناقش في الموضوع تاني وقفلت الكلام

انا بس هعلق علي كلام انت قولتو دلني علي شئ تاني
انت بتقول انك كنت سلفي ومتشدد وشبهت دا بالاخوانيه
مع احترامي ليك وللاخوانية بس الاخوان مش متشددين ولا سلفيين للدرحجة دي
بدليل ان فيهم كتير قوي مش بيربو اللحية وبيلبسو اللبس العادي وما الي ذلك
السلفيه المتشدده اللي بتقول عليها بتلتزم بالجلباب واللحية وكل شئ كان بيعملو اهل السلف

عموما جزاك الله عنا كل خير وجزانا عنك كل خير

وعموما يا جماعه ما اصبت فيه فمن عند الله وما اخطأت فمن نفسي

مهند المصري
الباحث عن الحقيقة

mohandat يقول...

نسيت اقول تعليق اني كنت بتكلم اساسا علي موضوع الموالد والحاجات اللي زي كده والبدع اللي فيه



--------------------
دكتوره شوفتي الموضوع الجديد ولا لسه ؟
اكيد لسه
روحي شوفيه
هتعرفي ليه الصيادله معاهم عربية بريموت

BinO يقول...

اللهم صلي وسلم وبارك علي سيدنا محمد صلي الله عليه وعلي أله وسلم

http://www.saaid.net/mktarat/Maoled/index.htm

الراقص مع الذئاب يقول...

الاخ الكريم اللي دخل يتكلم في موضوع البدع وع احترامي ليه بيتكلم بأهوائه الشخصية بس مش علي علم
معلش موضوع الدين والعنطظة وان كل واحد فاكر نفسه عالم شرعي يفتي بأي شئ لازم ما نسكتش ونرد عليه

اخي الفاضل مفيش حاجة اسمها بدعة حسنة وبدعة سيئة
والمقصود في الحديث النبوي الكريم

((من سن في الإسلام سنة حسنة فله أجرها و أجر من عمل بها من بعده من غير أن ينقص من أجورهم شيئ..إلى آخر الحديث))

هو احياء السنن المهجورة...تعرف ايه عن سنة ارع ركعات الكفاية او سنة الزوال....اوسنة ركعتين السفر...
تعرف ايه عن سنة النبي بوجه العموم
يبقي اتعلم السنن واخبت علي احياءها الاول ....

الدين كامل مكتمل مش محتاج حضرتك او غيرك يجي يزود فيه حاجة او ينقص....استشهادك بفعل الصحابة في الاجتماع علي صلاة التروايح دا كان فعل النبي صلي الله عليه وسلم مجبوش حاجة من عندهم..
ومعلش مش هتشبه سيدنا عمر رضي الله عنه بواحد لابس عمة خضرا وبيريل علي نفسه وعمال يقول مدد ....هما دولة المبتدعة بتوع الموالد ..اللي مبيجتمعوش غير في البدع
واولهم احمد عمر هشام بتاع الازهر


الله يكرمكم اللي يتكلم في تفسير اية او حديث لازم يبقي معاه ادوات لذلك
يسمي في العلم الشرعي( فهم الدليل )
يعني تفهم الدليل وتتكلم بيه عشان متدخلش نفسك في شبهات

نيجي بقي لموضوع البدعة وازي تحكم عليها
علي فكرة انا انتمي للتيار السلفي وبدرس علم علي ايد مشايخة اللي انت بتقول عليهم متشددين والسلف ملهمش دعوة بالاخوان...كل واحد ليه اتجاهه

البدعة تقاس ب3 اشياء علماء الشرع حدوا بيها البدعة من غيرها
(مش جايب حاجة من عند ابويا)

اولا: هل هذا الامر كان موجود علي ايام النبي صلي الله عليه وسلم ام لا؟؟؟

مكنش موجود طبعا

ثانيا: هل كان من الممكن ان يقام الاحتفال بالمولد النبوي في عهد الرسول او صاحبته رضوان الله عليم ام لا؟؟؟

طبعا كانوا ممكن يعملوا كدا ويحتفلوا بيه....والا كانوا مكسلين؟؟؟

ثالثا: هل من غير الاحتفال بالمولد هتحصل مفسدة في البلد وممكن تحصل حروب واذي وضرر للمسلمين ولا لا؟؟

طبعا مفيش حاجة من الكلام دا هتحصل

يبقي مع احترامي لحضرتك الاحتفال بالمولد النبوي((((((((((((((((( بدعة)))))))))))))

ولو مش عجبك دا يبقي امرك مفوض الا الله

اوعي تكون فاكر الاجتمعات والاختفالات والامسيات بتاعت الصوفية عباد القبور وقصائد مديح النبي دي حاجة حلوة...
دي مصايب سودا
وقد نهي النبي صلي الله عليه وسلم عن الثناء والمدح عليه
وافتح الصحيحين وشوف الاحاديث مدام جاي تتكلم في علم شرعي

جزاكم الله خيرا ورزقنا الله واياكم الفهم

mohandat يقول...

السلام عليكم ورحمة الله
الراقص مع الذئاب
يا باشمهندس مش هتقدر تغيير فكر من ايام العصر الفاطمي في عشر دقايق
لازم ناخد الناس واحده واحده ونفهمهم
بالنسبه لمحمد هوه بس عايز يقول زي كل الناس مادام الموضوع مفهوش ضرر يبقي ليه نمنعو
ومش لازم نتشدد ما دمنا نقدر نحي حاجات في الدين كويسه او نبتدع حاجات كويسه
بس اللي عايز اقولهولو منع البدع عموما من البدايه علشان في يوم من الايام زي دلوقتي مش هنقدر نفرق بين السنه الحسنه والسنه السيئه ولا البدعه هنوصل لعصر التميع زي ما احنا وصلنا كده

------------------
يا دكتوره انتي سايبه الموضوع يتفاقم بعدين هتلاقي السيوف تطلع في مدونتك انتي حره :p
----------------
اه صحيح معلقتيش ليه علي النصيحة التانيه انتي علقتي علي النصيحة التالته بس
يا ريت اسمع تعليقك عن التانيه

أحمد العربي يقول...

كل سنة وحضرتك وكل المسلمين بخير وصحة إن شاء الله

Sharm يقول...

اللهم صلى علي سيدنا محمد صلى الله عليه وسلم

محمد فوزي آل ربيع يقول...

طب مالو الأخ اللي داخل شمال كدة

خلا ص يا عم سلفي سلفي

خليك في السلفية إحنا مال أهلينا

إحنا بنتكلم عن اعتدااااااال

مش شغل سلفية

أرجو لما تبدأ تقرأ الرد دة تقرأه باعتدال و تأني و دون تحيز لأفكار سابقة

تانيا :
لاحظ أنا قاعد بجيبلك أحاديث موثقة من كتب معروفة و واضحة و مصححة فوق الخمسمية مرة من أكتر من دار نشر

و حضرتك قاعد تقوللي افتح الصحيحين

بعد إذنك لما تجيب معلومات جيب حاجات موثقة أقدر أقتنع بيها

ما تجادلوش بغرض الجدال و الإفحام بس زي ما بتعملوا
محسسني إني صبأت عن الدين أستغفر الله

و بعدين قاعد تفسر من عند أهلك يا خويا

الحديث بيقول:(( من سن في الإسلام سنة حسنة..إلى آخر الحديث))

ملاحظ الفعل (( سن )) ولا أجيب مدرس لغة عربية يوضح

سن يعني وضع سنة
مقالش من أحيا سنة
كلامك عن إني ما أعرفش عن السنن دا شيء ما يجرحش فيا

أنا عندي سبعتاشر سنة و ف ثانوية
هل معناها إني عندي كل العلم بالسنن
لأ طبعا
لكن بأحاول آخد منها على قد ما أقدر
مش زي ما حضرتك قاعد تتهمني
و بعدين أنا بأحرص إني أتكلم عن موضوع فاهمه تمام الفهم

تالتا : ليه داخل بتهاجمني لشخصي يا أخي؟
كنت عملتلك إية؟
أرجو بعد كدة لما تتناقش تتكلم عن كتابتي مش عن شخصيتي و دا على فكرة من سمات العاقل

رابعا : لما قرنت السلف بالإخوان دا من منطلق إتفاقهم مع بعض في الأساسيات و من منطلق قراءاتي في كتب الإتنين و اللي بيقرأ للإتنين بيلاحظ إنهم متشابهين جدا في الأساسيات
كون الإخوان بيحلقوا دقنهم و بيلبسوا بدل و كدا دي حاجات جديدة و بيعملها أفراد الجماعة لكن أنا بتكلم عن تشابه في الفكر و أي مقارنة بسيطة بين كتابين من نفس الموضوع للسلف و الإخوان هيلاقي نفس التوجهات تقريبا

خامسا:
متجيش حضرتك و تدعي من لا مكان إن أنا ما بفهمش في الدين
إيه اللي عرفك؟
كنت عايش معايا؟ و لا شايف حياتي ماشية إزاي؟

((إقتباس))
الدين كامل مكتمل مش محتاج حضرتك او غيرك يجي يزود فيه حاجة او ينقص....استشهادك بفعل الصحابة في الاجتماع علي صلاة التروايح دا كان فعل النبي صلي الله عليه وسلم مجبوش حاجة من عندهم..
ومعلش مش هتشبه سيدنا عمر رضي الله عنه بواحد لابس عمة خضرا وبيريل علي نفسه وعمال يقول مدد

حضرتك هنا فهمتني غلط
انت هنا موضحتش أي حاجة بالعكس محسسني إنك مش فاهم أنا بتكلم عن إية أو إنك قريت فقرة فيها الرسول و عمر و تراويح و مولد و قمت كاتب أي حاجة و خلاص

أرجو إنك لما ترد ترد بمنهجية و تحاول ترتب أفكارك عشان متحرجش نفسك

سبحان الله إنوا يشاء إن تعليقك يناقض نفسه

أنا قايل برضوا في التعليق اللي فات إن الدين كامل مكتمل مش محتاج زيادة لكن ماذا عن صلاة النوافل؟
هل هيا زيادة ف الدين؟
هل كل الأحكام الفقهية ((المستمدة)) من القرآن و السنة زيادة ف الدين
حاجات كتيييييييير جدا في الإسلام لا تعد ولا تحصى جت من باب الإجماع و الإجتهاد و المصالح المرسلة هل دي كلها كمان من باب الزيادة في الدين؟

الزيادة في الدين أخي الفاضل معناها إنك تضيف أو تشيل أساس من أساسيات الإسلام مش موضوع مولد نبوي نعمله ولا لأ؟
أرجع تاني و أقول إن الصحابة على عهد الرسول كانوا بيصلوا اتراويح فرادى
قد يكونوا صلوها و الله أعلم جماعة في بعض المرات لكن الثابت من الأثر إن اللي جمع المسلمين على الجماعة في التراويح هوا سيدنا عمر بن الخطاب رضي الله عنه

جبت أنا هنا سيرة حد لابس عمة خضرا و بيقول مدد؟
للأسف إنك مش ممكن تفهمني طول ما حضرتك واخد صورة المولد اللي ف بالك و دا الحقيقي أنا بعذرك فيه لأنك ما شفتش الأمسيات الدينية اللي بتتعمل عندنا هنا

كونك عايز تغير المنكر اللي بيحصل في المولد دا مش معناه أبدا إنك تمنع المسلمين من الفرحة بمولد هادي البشر و الأنام و عجبني كلام صاحبة المدونة:خمسة فضفضة عن إن الرسول لازم يكون حي ف قلوبنا كل يوم مش يوم ف السنة

بس برضوا في الآخر
مولد النبي له فرحته اللي مش هتزحزح ولا شبر عنها

أرجو إن الكلام ما يكونش مجرد تعصب للرأي و إنما نقاش يا أنا أقتنع يا إنت تقتنع يا نلاقي حل كويس لأن في الآخر أنا إنسان و بغلط و ما فرضتش عليك رأيي و إنما الإنسان إذا لقى الصح واضح جلي لازم يتبعه

و أنا لكلام دا ما بكتبوش و الله عشان فرحان برأيي و لا علمي
ما كنتش بذلت مجهود عشان أكتبه
المهم الإستفادة

شكرا إنك بتخليني أطلع كل اللي عندي

بأحب النقاش لما يكون في واحد زي حضرتك

تحياتي و احتراماتي

الراقص مع الذئاب يقول...

الامر وصل لجدال عقيم وتعصب للاراء مش اكتر

ودا اللي يحزن فعلا


لا حول ولا قوة الا بالله
يا اخي فهم الدليل مش بدماغك انت ولا دماغي انا....في شرح للحديث ومفهوم اهل العلم ليه


كلمنا كله الاحتفال بالمولد بأي وسيلة بدعة..نقولي بقي امسيات حفلات رحلات مليش دعوة بالكلام دا..حضرتك مش احسن من اللي قال كدا ولا اعلم منهم....بس مفيش كلام تاني يتقال


خلاصة الامر درء المفاسد مقدم علي جلب المنافع
ومش هنتروح لمواضيع جانبية بعيدة

احتفل يا عم بالمولد واعمل اللي انت عاوزه....متزعلش نفسك


انا بعتزر للأخت الدكتورة عن حدة النقاش في مدونتها

سبحانك اللهم وبحمدك...اشهد ان لا اله الا انت...استغفرك واتوب اليك

mohandat يقول...

السلام عليكم

انا بس هعلق تعليق صوغنون
هما الصحيحين مش موثوق فيهم ولا ايه
دا لو كان كلامك صح تبقي مصيبه فعلا
--------
هي الدكتوره غايبه ليه صحيح ؟
عل المانع خير

خمسة فضفضة يقول...

السلام عليكم ورحمة الله وبركاته

ياخبرررررررررررررررررررررررررررررر
اغيب يوم واحد اجي الاقيكوا فتحتوا السيوف علي بعض ....هههه

ايه دا هدوا اعصابكوا ياجماعه، انا والله آسفه ليكوا انتوا الاتنين بس ماتزعلوش نفسكم
بالنسبه لي انا لست علي هذه الدرجه العاليه جدا من التعمق في الامور الفقهيه حتي ارجح راي علي آخر
وكل واحد له دوافعه اللي تبان انها مقنعه
من الآخر كلنا اتفقنا علي ان الاحتفال بالمولد النبوي بالطريقه المتعارف عليها والدجل والتخاريف اللي بتحصل فيه ده اكيد مرفوض مننا كلنا
اما احياء الذكري بقراءة القرآن والصوم والذكر وغيرها من الاشياء المحموده ده هو المطلوب

ولكن كل الخلاف هو علي تحديد يوم بعينه واعتباره هو يوم مولد النبي صلي الله عليه وسلم
واعتقد ياجماعه زي ماقلت في رد سابق ان النقطه دي من النقاط الخلافيه بين العلماء من فتره طويله فيه اللي بيقولوا اه هو يوم 12 وفيه بيقولوا لا احنا مانعرفوش بالتحديد
طيب مابالكوا بقي ودول ناس كل عملها في الدنياهو التفقه في الدين والعلوم الشرعيه ولسه ماوصلوش لنقطة تلاقي
بمعني اننا مش هانيجي في سطرين تلاته نحل مسأله خلافيه بقالها سنوات

اعتقد كده ان النقاش بينكوا وصل لنقطه مسدوده، وكل واحد متمسك برأيه
ايه رايكم بقي نقفل باب النقاش في الموضوع ده لحد ما يجد جديد ان شاء الله

شكرا ليكوا واسعدني تواجدكم في مدونتي بجد نورتوني

خمسة فضفضة يقول...

السلام عليكم ورحمة الله وبركاته

BinO
عليه افضل الصلاة واتم التسليم

شرفني مرورك وشكرا علي الرابط المهم

خمسة فضفضة يقول...

السلام عليكم ورحمة الله وبركاته

أحمد العربي
وانت طيب والعالم الاسلامي كله بخير وسلام
وان شاء الله السنة الجايه تكون حققت كل امانيك و تكون امة الاسلام خرجت من كبواتها المستمره

خمسة فضفضة يقول...

السلام عليكم ورحمة الله وبركاته

دكتور احمد (sharm)
عليه افضل الصلاة واتم السلام

اسعدني مرورك وكل سنة وانت طيب

خمسة فضفضة يقول...

السلام عليكم ورحمة الله وبركاته

اهلا بيك يا مهند لا انا موجوده اهه
الحمد لله مافيش حاجه ، شكرا علي سؤالك

محمد فوزي آل ربيع يقول...

في الآخر أحب أقول كلمة واحدة

استفت قلبك

أه صحيح مهند

أنا لما اعترضت على كلمة روح اقرا في الصحيحين

مش إعتراض عليهم لكن اعتراض على إنه ما بيحددش الموضع اللي أقرأه عشان يفيدني بيديني كلام عام

يعني إية روح إقرا في الصحيحين؟
فاهم زي تسكيتة كدة

الراقص؟
أه الراقص مع الذئاب:

أنا يؤسفني فعلا إنك ما بتقراش كلامي لآخره و ما بتحاولش تدي رد واضح و صريح كأن اللي قدامك قاعد يخرف من عند أهله

عموما ، كل سنة و انت طيب

ما دام مش عاوز توجع دماغك

اقروا سورة العصر

تحياتي

Sampateek يقول...

اللهم صلي و سلم على محمد النبي و اله و صحبه و سلم تسليما كثيرا

Ma-3lina يقول...

كل سنة و انتى طيبة و عروستك موجودة بس ادينى العنوان

gohayna يقول...

كل سنه وانتي بالف خير
والله حاجه لفتت نظري من طول التعليقات الي شفتها لقيتها بتتمحور علي شخصين حلوين والله
بس مشعارفين يمشو دماغهم مع بعض
اهدوا كدا يا حبيبي وكلو حلاوه المولد وبلاش الخناق
يعني العبوا مع بعض متتخاننقوش

اما انتي فكل سنه وانتي بالف صحه وخير وسلامه وعافيه وجمال
و
و
و
و
و
و
بس خلاص

خمسة فضفضة يقول...

السلام عليكم ورحمة الله وبركاته
كلبوزه

عليه افضل الصلاه والسلام
مرسي علي مرورك وتعليقك وكا سنة وانت طيبه

خمسة فضفضة يقول...

السلام عليكم ورحمة الله وبركاته

وانت طيبه يا دكتوره مرام
شكرا علي العروسه
العنوان :
بجوار تلاجة عم عبده الكاهييره

خمسة فضفضة يقول...

السلام عليكم ورحمة الله وبركاته

د/جهينه

كل سنة وانت طيب وبالف خير وبصحه وسعاده وكل اللي نفسك فيه

بس ايه الدعوه لاكل الحلاوه دي انت عاوزه الزباين يكتروا ولا ايه ....هههههه

IBN BAHYA يقول...

كل عام وأنت ومن تحبين بخير .. كل عام وأنتم جميعا ومن تحبون بكل خير

كل عام وأنتم على الطاعة لله ورسوله صلى الله عليه وعلى آله وصحبه وسلم

أرق تحياتي

خمسة فضفضة يقول...

السلام عليكم ورحمة الله وبركاته

اهلا بيك ابن بهية
اللهم آمين
ويارب دايما نكون اقرب الي طاعة الله ورسوله

اسعدني مرورك

مهندس زراعي يقول...

السلام عليك يا رسول الله ورحمة الله وبركاته

أشهدك انني مقصر في حقك ومقصر في تعاليم الاسلام ومقصر ايضا في العبادات
وأشهدك اني تقاعست عن نصرة الاسلام والمسلمين وأشهدك بان حكامنا منعونا عن الجهاد او الغزوات
وأشهدك بأنني مسلم اسما وليس فعلا
وفي آخر الامر ارجوا ان تعذرني الى ان يغير الله من أمري

القرآن الكريم