2007-06-19

احمد ومني ( الجزء الثالث )



الجزء الاول
الجزء الثاني

أمل حياتى ياحب غالى ما ينتهيش
يا أحلى غنوه سمعها قلبي ولا تتنسيش .......


رساله تحمل بين طياتها اروع اغاني ام كلثوم ، تذيب اي فتاه ، ولكنها لا تحمل اي توقيع فقط كلمة واحده في نهايتها

احبك

،ارتجفت في مكانها من الفرحه ... احمد ......انه يشعر بها كما تشعر به ، اكيد انتهز الفرصه ليدس لها هذه الرساله ويعلن لها اخيرا عن حبه

لم تنم هذه الليله ، وأخذت تفكر فيه ،
هو فارس احلامها ، انه ذلك الفتي الوسيم الذي تراه كل ليلة في الاحلام ، يناديها مننااااااااااا وهي تناديه احمااااااااااد
اخيرا وجدت احمد
في الموعد التالي لسكشن الفارما كانت مني تتصرف بطريقه غريبه تريد ان تخفي عن الجميع ما تشعر به تجاه احمد ، لا تريد ان يلاحظ احدهم شئ ،فهي لا ترغب ان تكون حديث الجميع، وفي نفس الوقت ارادت ان تشكره علي تعبه معها وتخبره عن مدي فرحتها برسالته لكنها تراجعت في آخر لحظة
لاحظ انها تنظر اليه نظرات غريبه وتحدق فيه بشده ، نظر اليها باستغراب ، ثم تقدم نحوها
د/مني وصلتك المذكره
مذكره ..آه ..ايوه ايوه مرسي اوي يا دوكتر ...
ردت مني وعلي وجهها ابتسامه خبيثه ، ثم همست لنفسها..... اكيد عاوز يطمن علي الجواب من غير ما حد ياخد باله

العفو اي خدمه ...ثم تركها واخذ يتجول بين الطلبه وقد لفت نظره ابتسامتها الغير عاديه و
نظراتها الغريبه ، في هذه اللحظه يرن جرس تليفونه المحمول ، برنة اغنية " امل حياتي " فيأخذ جانبا ليرد عليه
مني تحدث نفسها بفرحه ، دا كمان حاطط نفس الاغنية رينج تون للموبايل...يا اااااه لو تعرف بحبك اد ايه ومن امتي

و حلقت في دنيا الخيال ، وهي تشعر ان حلمها اخيرا قد بدأ يتحقق ، ولكن كان داخلها شعور خفي بضيق شديد ، يمنعها من التمادي في الفرحه

هو ليه بتجاهلني كده ليه بيهرب من عنيا لما تيجي فعنيه ، ليه دايما بيتجنب الحديث معايا لوحدنا ؟؟؟؟؟؟؟مش هو اللي بدأ و بعتي الجواب اللي بيوضح حبه ليا


في مساء نفس اليوم تلقت مني رساله علي هاتفها المحمول :

" حبيبتي ، ياتري وصلتك رسالتي ، اكيد بتسألي نفسك انا مين ؟؟؟ وايه اللي خلاني لحد دلوقتي ما اتكلمش معاكي ، هاسيبك تفكري واكيد قلبك هايكون دليلك "

لم تستطيع ان تعرف رقمه فالرساله كانت مبعوثه من احد مواقع الانترنت

ياتري ايه هدفه من ورا الغموض ده
..... ما انا عارفه انك احمد ، ولا يمكن مايكونش اخد باله اني عرفت ؟؟؟؟؟

زادت حيرة مني ولكن لم تاتيها الجرأة ان تكون هي البادئه بالكلام ، وفضلت ان تترك له هذه الخطوه ليخطوها نحوها
استمرت رسائله تتوالي علي تليفونها ، يشاركها افراحها واحزانها ، يحتفل معها بمناسباتها السعيده ، اصبح يعيش معها لحظه بلحظه ، يجري مجرى الدم في شراييها ..رسائله تملأها عشقا ًمن رأسها حتى أخمص قدميها، تمضي الايام وهي تُسقي من كؤوس الحب وترتشف اجمل معانيه من احرف رسائله

قبل الامتحانات باسبوع وصلتها منه الرساله التاليه :

" حبيبتي عاوزك تركزي في المذاكره الامتحانات خلاص السبت الجاي ، عاوزك تفضلي من الاوائل عشان نكون دايما مع بعض حتي بعد ما تتخرجي "

لم تشعر مني بالسعاده التي تشعر بها كل مره ، بل شعرت بالغضب ، كيف يطلب منها التركيز في المذاكره وهي منذ ان وصلتها رسالته الاولي لا تستطيع ان تفعل شئ سوي التفكير فيه وفي كلمات رسائله ، لماذا يتجنب الحديث معها حتي الآن ، ايريدها ان تكون البادئه بالكلام ....

لا يمكن ماقدرش ، كرامتي ماتسمحليش ، هو الراجل ولازم هو اللي يتكلم الاول

مع ذلك فقد حاولت جاهده ان تزيد من معدل استذكارها بشتي الطرق ، حتي تكون من الاوائل وتظل معه الي الابد كما طلب منها
، واخيرا وفي ليلة الامتحان وصلتها آخر رسائله :

" حبيبتي شدي حيلك ، هانت مش باقي الا كام يوم و ينتهي كابوس المذاكره والامتحانات للابد
اشوفك آخر يوم امتحانات قدام معمل الفارما "

يااااااه اخيرا ها يتكلم ، واشمعني يعني آخر يوم امتحانات ، هافضل مشغوله كده لحد آخر يوم ؟؟؟؟؟؟مش مشكله علي راي احمد ...هانت
آخر ليله في الامتحانات عاشت مني في عالم الاحلام ولم تطأ ارض الواقع ، استرجعت كلمات رسائله الرائعه ، ابتسامته ، نظراته ، طول قامته ، لون عينيه ، كل شئ مر بها منذ رأته اول مره ....اخيرا ستراه غدا ستضع عيناها في عينيه ، سيبوح لها بكل ما يحمله لها من حب ، ستسمع كلمات عشقه لها من بين شفتيه ، بعد ان كانت تقراها في رسائل صماء

هرولت مني في فرحه بعد الامتحان الي المكان الموعود، خطت نحو معمل الفارما الذي شهد لقائهما الاول والرعشه تتسلل الي اطرافها، وقفت امام الباب تنتظره ليأتي ، رن هاتفها المحمول يعلن عن وصول رساله جديده ، نظرت الي الرقم باستغراب
مين الرزل اللي باعتلي رساله دلوقت ، هو ده وقته
ثم فتحتها بدون اهتمام ، لتتفاجأ بمحتواها

" انا هنا يا حبيبتي انظري خلفك لتجديني قادم امامك في نهاية الكوريدور "

استدارت في لهفه لتحتضنه بعينيها ...هاهو ذا امامها يناديها بكل شوق .......

منااااااااااا


بقيت في مكانها ساكنه ....
الفرحه تعلو وجهها ، لا تستطيع ان تتحرك لتجري نحوهه

اخيرا اليوم اللي باحلم بيه من اربع سنين .....همست في نفسها

لم تتحمل استيعاب ما يحدث ، بقيت ساكنه في مكانها، لم تستطيع الا ان تنطق باسمه:

احمااااااااد

مني ..مني ...اصحي بقي يا مني ، هو كل يوم احمد احمد ، اصحي ياحبيبتي هاتتأخري علي الكلية، ايه المذكره اللي فايدك دي ، انت نمتي وانت بتذاكري .....ياحبيبتي يا بنتي ..... اهي آخر سنة و تستريحي من المذاكره وتعبها

عندما افاقت من نومها ، ابتسمت ببلاهه بل ابتدأت بالضحك .....ضحك هستيري ممزوج بالدموع


تمت


43 comments:

علاء يقول...

هههههههههههههههههههه

بصراحة متوقعتش النهاية دي خالص
بس كنت متوقع مقلب جااامد
و ده اللي حصل
جميلة جداً
تحياتي

ma_3alina يقول...

كان فيه مجلة زمان اسمها 1000 نكتة
كان فيها باب اسمه

قصة لإغاظتك


تستحقي تبقى المشرفة على الباب دا يادكتورة

بجد يا دكتورة اتغظت اتغظت اتغظت .. ههههههه

ومن موقعي هذا أطالب بتعديل النهاية وإعادة كتابتها من جديد

mohand يقول...

السلام عليكم
حررررررررررررررررررررررررررررررام
وربنا حررررررررررررررررررررررام
ايه يا دكتوره
انتي عايزه تبيعي ادوية اكتر
عايزه تجيبلنا الضغط
هي الفكره جديده قوي وغير متوقعه
وبصراحه حلوه
اسقطت كل توقعاتي
خساااااااااااره يا مني
البنت دي صعبانه عليا قوي
تحياتي الحاره
المفروس
مهند

كراكيب عادل يقول...

هو طلع حلم

:(

لا لا لا انتي كدة كروتينا

مسكينة يا مني

الصورة الي فوق دي تحفة

بتاعة الراجل الي بيعمل بايب التكييف

هههههههههههههههههههههه

BaBaNesmA يقول...

جامدة يا دكتورة
:D

kasperb4 يقول...

معلش انا مش هعلق على القصة لأني لسة مقرأتهاش

انا بس الصورة اللي انت حاطاها بتاعة الظابط دي وجعتلي بطني بجد
الله يسامحك روحي
:)

بخصوص اللينكات اللي قولت لك عليها قبل كده

انا لما اقف بالماوس على اي رابط عندك أو صورة
يطلعلي نافذه صغيرة كده فوق الكلنة اللي واقف عليها
انا مش عارف ايه لزمتها بصراحة
دي بتعطلني وخلاص
عشان كده طلبت منك تشيليها

معلش انا داخل عليكي مرة واحدة كده انتقادات

بس حظك كده معايا بقى

:) :)

سكتم بكتم يقول...

يابنتي أنت مش خايفه نفجرلك المدونة بتاعتك

بصراحة جراءة منك النهاية دي

وأنا بقترح نهاية تانية أن الرسالة تكون من زميلها اللي وصلها المذكرة مهو برضة الأول وعايزها تذاكر علشان يبقوا من الأوائل ويتعينوا مع بعض

علي العموم براحتك بس خلي بالك الطريقة دي خطر وممكن لوكتبتي قصة تانية وكان فيها حبكه نقول متخافوش شوية والبطل حيصحي من النوم

تحياتي وصح النوم

mohand يقول...

السلام عليكم
مبروك النيو لوك
مش لاقي شات بوكس اباركلك فيه
تحياتي

رفقه عمر يقول...

لا بجد القصه كدة خلصت مش مصدقاكى انا نفسى كنت بحسب انها قصه حقيقيه
طيب تعرفى ولا كلمه هاصدق فيهابعد كدة طالما ان دى نهايه الحكايه
ايه رايك انقلها عندى على مدونتى علشان تبقى اسم على مسمى العايشه فى الاحلام
بجد برافوا عليك ان كنت مشتاقه للنهايه جدا وبصراحه حسيت زى ما يكون حد رمانى بميه ساقعه اول ما وصلت للنهايه تعرفى انا قلت انك بتحكى قصتك انتى

Ma-3lina يقول...

انا قلت من زمان يا جماعة مفيش قصص رومانسية خلاص دا ايااام زمااااااااان

اهو فى الاخر طلعت البنت يا عينى بتحلم

و هتفضل تحلم كتير


النيولوك جاامد

و احييك على القصة الواااقعية

صاحب البوابــة يقول...

قصة جميلة ونهاية ممتعة

تحياتي لقلمك الرشيق

عصفور المدينة يقول...

كنت حأقولها
في البرمجة اسمه
recursion
حلم جوا حلم
كنت زمان باقول إن الفرق بين الطموح والخيال
إن الطموح الواحد بيصحى من الحلم يبتدي من حيث بدأ الحلم
أما الخيال
الواحد بيصحى من الحلم يكمل من حيث انتهى الحلم
وعجبي
طبعا ممكن ناخذ منها موعظة ونعمل دور نكد
:)

نفسنا يقول...

ندعوكم لمشاهدة العدد الثانى من مجلة نفسنا

زحل الفلكي يقول...

هههههههههه
اشتغالة
تعرفي انا كنت حاسس انها اشتغالة
بس بصراحة متوقعتش انها تكون حلم
توقعت انه يكون مصطفى اللي ادالها المذكره
بس كويس انه طلع حلم لحسن شكل مصطفى كان حيبقا ايه لو طلع هو كان حيبقا شكله نص كم

ههههههههههههههههههه

قصة جامده

david santos يقول...

The Summer arrived. We go to wait that it brings light. That it brings hope. That it brings peace. That it brings the end of the curse.

يا مراكبي يقول...

ههههههههه

أنا بأحمد ربنا إني ما إستعجلتش وقولت رأيي في الجزئين اللي قبل كده .. كان هيبقى شكلي وحش قوي وأنا بأتفسح في سكة تانية خالص

بس بجد الإسلوب فيه رشاقة وخفة .. سهل الهضم مافيهوش كلاكيع

أحييكي .. بس ما كانش لازم تخلي بطلة القصة في صيدلة زيك علشان ما حدش يلقح عليكي بكلام كده وألا كده

:-D

أحب أضيف حاجة: أعرف ناس كتيرة جدا زي منى وأحمد بيدوروا على بعض أو مستنيين بعض .. والإنتظار ممكن يطول قوي .. ممكن لحد آخر العملا كمان

.:.-=- ELGaZaLy-=-.:. يقول...

هههههههههههههههههه

بس للاسف انا توقعت ان النهاية متكونش متوقعة...فمتفجائتش

قلمك سلس وحر فحافظى علية

مسلم يقول...

جميله

كويس انها صحيت علي صوت ماماتها

اللي بيحصل اليومين دول هو ده بالظبط كلهم بيعيشوا الحلم و يحلموه

و بعدين يصحوا للأسف علي كابوس

بيكون الخاسر الأكبر فيه هو مني

خمسة فضفضة يقول...

السلام عليكم ورحمة الله وبركاته

علاء

هههههه....الحمد لله انها جت علي اد كده

شكرا علي ذوقك

خمسة فضفضة يقول...

السلام عليكم ورحمة الله وبركاته

باشمهندس ماعلينا

يا خبر ابيض ، انا آسفه ليك جدا
وان شاء الله المره الجايه هاحاول ماغيظكش

هههههههههه

خمسة فضفضة يقول...

السلام عليكم ورحمة الله وبركاته

مهند

بما ان مني صعبانه عليك انا هاديك عنوانهاوانت تدور لها علي احمد يناسيبها
قلت ايه ...ههههه

تحياتي لك وسلامتك من الفرسه

خمسة فضفضة يقول...

السلام عليكم ورحمة الله وبركاته

الفنان عادل

شفت بقي طلع حلم
ماهي من اول الحكايه وهي بداهالنا باحلام

عجبتك الصوره طيب اتفضلها ، تحب اوصلهالك للمدونه

خمسة فضفضة يقول...

السلام عليكم ورحمة الله وبركاته

بابا نسمة

شكرا علي ذوقك وشكرا علي الفحت

خمسة فضفضة يقول...

السلام عليكم ورحمة الله وبركاته

كاسبر

علشان خاطرك غيرت الصوره

ولا يهمك انت تطلب وانا انفذ ..ههههه

نورتني

خمسة فضفضة يقول...

السلام عليكم ورحمةالله وبركاته

د/ سكتم بكتم

احنا فينا من تفجيرات ارهابيه ... لا مش لاعبه

ههههه

نورتني

خمسة فضفضة يقول...

السلام عليكم ورحمة الله وبركاته

مهند

الله يبارك فيك

خمسة فضفضة يقول...

السلام عليكم ورحمة الله وبركاته

رفقة عمر

انقلي اللي انت عاوزاه يا حبيبتي واهو علي رايك تبقي اسم علي مسمي

والحمد لله انها عجبتك ، وعلي فكره هي مش حكايه حقيقيه اصلا ، ان شاء الله المره الجايه هاتبقي حقيقيه ويارب تعجبكم

خمسة فضفضة يقول...

السلام عليكم ورحمة الله وبركاته

د/ مرام

لا الرومانسيه لسه موجوده ، استنيني بس المره الجاية ان شاء الله

علي فكره ماكانتش حقيقية

تحياتي

خمسة فضفضة يقول...

السلام عليكم ورحمة الله وبركاته

صاحب البوابة
شكرا علي ذوقك

نورتني

خمسة فضفضة يقول...

السلام عليكم ورحمة الله وبركاته

باشمهندس عصفور
اهي الست مني بتاعنا دي عايشه في الخيال وشكلها كده هاتفضل في دنيا الاحلام كتير لحد مايجيها احمد اللي يرجعها للواقع

ايه دور النكد اللي بتحكي عنه ده يا باشمهندس ، هو احنا ناقصين نكد
:)

خمسة فضفضة يقول...

السلام عليكم ورحمة الله وبركاته

نفسنا
بجد المجله دي جامده اوي انا قريت العدد اللي فات وان شاء الله اقرأ بتاع المره دي

خمسة فضفضة يقول...

السلام عليكم ورحمة الله وبركاته

زحل الفلكي

ههههههههههه
، اهو بقي اي اشتغاله والسلام و بعدين مصطفي صعب عليا مرضتش اخلي شكله نص كم ...ههه

عارف في رايي ان لو الناس اتوقعت النهايه يبقي فيه حاجه مش مظبوطه ، حلاوة القصص والروايات ان النهايات بتاعها ما تبقاش متوقعه ولا ايه ؟؟

خمسة فضفضة يقول...

السلام عليكم ورحمة الله وبركاته

david santos

In shaa Allh

You are welcome

خمسة فضفضة يقول...

السلام عليكم ورحمة الله وبر كاته

باشمهندس احمد( يا مراكبي )

طيب الحمد لله انك ماستعجلتش
:)

متشكره اوي علي الاطراء الجامد ده ، كلك ذوق

بالنسبة للبطله كنت بافكر اخليها في اداب ولا تجاره ، بس في الاخر قلت اللي نعرفه احسن من اللي مانعرفوش
والحمد لله ماحدش لقح عليا حاجه .....هههه

بالنسبة للاضافة بتاع حضرتك :
هو ده الهدف من الحكاية دي فعلا ،حضرتك دايما بتثبت لي انك محترف قراءة الرسايل اللي بين السطور

تحياتي لك

خمسة فضفضة يقول...

السلام عليكم ورحمة الله وبركاته

الغزالي

شكرا علي ذوقك والحمد لله ان النهاية عجبتك

تحياتي

خمسة فضفضة يقول...

السلام عليكم ورحمة الله وبركاته

مسلم

الحمد لله ، اصل مني بتاعنا دي بنت عاقله ورزينه ولا يمكن تعمل حاجه تكون عواقبها مش كويسه

تحياتي

الراقص مع الذئاب يقول...

السلام عليكم ورحمة الله وبركاته
عندنا صول اسمه ماهر عبد المعبود
برضو بيعمل فينا زي ما انتي بتعملي كدا
يعني بيزحفنا وبيرقدنا وبينشرنا في الشمس بالسعات
ليه كدا يادكتورة
مش حرام عليكي....دا انا غلبااااااااااان
والمشكلة ان طلع عندي ضمير وجبت القصة
من اول جزء...يعني مطلعتش ناصح
وجبتها من الاخر

متغاظ...متغاظ
انا كنت متوقع نهاية رومانسية بقي وان حمض الكبرتيك هيقع علي دماغهم هما الاتنين وهيتعموا ويتشلوا وهيمسكوا في ايد بعض والاسعاف شيلاهم هما الاتنين وفي الاخر الاسعاف تنفجر والنهاية تبقي سعيدة
ليه حرمتنيا منها وخلتيها حلم
ليه بس

تحياتي لك يا دكتورة بس الاجازة اللي جاية عاوزين حاجة فيها اكل بقي

سلام

خمسة فضفضة يقول...

السلام عليكم ورحمة الله وبركاته

باشمهندس محمد

ايه النور اللي ملا المدونة ده
يا اهلا يا اهلا

بس من اولها كده داخل فيا شمال ، وكمان بتشبهني بالصول عبمعبود ...الله يسامحك ....ههههه

شوف ياسيدي انا كان نفسي اعمل النهايه الرومانسيه دي بس للاسف معمل الفارما مش بيبقي فيه حمض كبريتيك ، دا بيبقي فيه فران وضفادع وارانب
فامش معقول هاخلي فار مثلا يجري وراهم ولا ضفدعه تنط فوشهم ، فقلت اخدها من قصيرها واخليه حلم

ان شاء الله الاجازه الجاية هاتيجي تلاقي صواني المحمر والمشمر بس انت ابقي تعالي مالجيش علي هنا علي طول

تحياتي

دينا يقول...

معلش حضرتك بس أنا مش فاهمة هو كده الحكاية خلصت ولا إنتي روحتي تاني يوم ولقتيه مش أحمد
وبعدين هو الموضوع من الأول حلم ولا هو كان حقيقة بس إنتي مكسوفة تقولي
أصل أنا بصراحة شاكة إنه مصطفى، ما هو اللي جابلك المذكرة
المهم بس ردي عليا علشان أنا مش فاهمة والبرج اللي فاضل ده لو كان فاضل هيضرب خلاص وإنتي عارفة إن مفيش مية في البلد دلوقتي وصعب يطفوني لو انفجرت

خمسة فضفضة يقول...

السلام عليكم ورحمة الله وبركاته

اهلا بكِ يا دينا
منوره المدونه

شوفي يا ستي
اصلا الحكايه دي كلها مش حقيقيه بمعني انها مجرد قصه قصيره ليس اكثر ولا اقل

وفيها البطله عايشه بتحلم بفارس احلامها اللي هايخطفا علي الحصان الابيض و دايما بتفكر فيه ، و ممكن انها تتخيل اي حد يكون هوه الفارس ده

فالما شافت الدكتور احمد حلمت انه يكون فارسها ويحبها ويبعت لها جوابات والجو ده يعني
بس كده فهي من نص الجزء التاني من اول ما روحت وقعدت تفكر في د/احمد وهي حاضنه المذكره و كل الجزء التالت كانت بتحلم لحد مامامتها صحتها ، الجزء الاول ونص التاني بس اللي في دنيا الواقع

وده رمز للناس اللي ممكن يعيشوا طول عمرهم يدورواعلي نصهم التاني و برضو مايلاقوهوش

اي اسئله تانيه تحت امرك يا دندون



تحياتي

lonlysmily يقول...

بجد انتى زعلتينى اوى
كانت بتحلم دا انا افتكرت انه مش هيطلع احمد وهيطلع مصطفى زميلها اهو اى حد وخلاص البت تتصبر بيه بدل الاحلام اللى هى عايشه فيهادى
بس انتى جيبتى من الاخر كلها احلام وبتروح فى الهوا

kiki يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

القرآن الكريم