2007-06-17

احمد ومني ( الجزء الثاني )


لم تستطيع مني ان تسمع حرف واحد من كلام د/ سليمان ،فبالها مشغول بفكره واحده

اكيد هاشيل الفارما ، هانجح ازاي ياربي ودرجة العملي هاتضيع....استر يارب دا انا علي طول من الاوائل ، هاجي علي آخر سنة واشيل مواد

وانتظرت انتهاء المحاضره بفارغ الصبر ، لتبدأ رحلة البحث عن المذكرة الضائعه

السلام عليكم ، عم فوزي ماشفتش مذكرة عملي بتاع سنة رابعه
مذكرة عملي .....سنة رابعه ......!!!!!!...مش فاكر.....ممممم.....لا مالاقيتش ، بس لولاقيتها اكيد هابقي اقولك يا دكتوره
دبريني يا سالي اعمل ايه ، هادخل الامتحان ازاي دلوقتي ، كان لازم يعني تسربعيني ، منك لله يا د/ سليمان
ما تخافيش يا مني ان شاء الله هانلاقيها ، ولو ماحصلش احنا نروح لدكتور احمد ونشرحله اللي حصل دا ذوق جدا واكيد هايحلهلنا
مر ثلاثة ايام ، ومني تبحث عن المذكره الضائعه ، سألت جميع طلبة السكشن علي امل ان تجدها
ولكن بدون فائده ، حتي فقدت الامل في العثور عليها ،لم يعد امامها سوي شخص واحد .....د/ احمد

ترددت كثيرا ،فهي غير متأكدة من جدوي اللجوء اليه ، كما انها تشعر بحرج بالغ ، كيف ستقف امامه وجها لوجه لتشرح له ما حدث وتطلب منه العون

بصي يا مني مافيش قدمنا دلوقت غير د/ احمد
لا ماقدرش اروح اكلمه في موضوع زي ده ، دا انا اموت من الكسوف
ياحبيبتي ماتخافيش دا جنتي وذوق واكيد هايساعدك ويحللك الموضوع
انت شايفه كده يا سالي
اكيد
طيب بس تيجي معايا وانت اللي تتكلمي ، حسه اني هاتلبخ ومش هاعرف اقول ولا كلمه

كانت مقابلة د/ احمد اكثر من رائعه فلقد طمئن مني ووعدها ان يجد لها حلا ، و ان يوصي عم فوزي باعادة البحث
خرجت مني من عنده وقد زاد ذلك الشعور الغريب في نفسها تجاهه، واحست به يتحول من الشعور بالاعجاب والاحترام الي طريق آخر .....خافت بشده من نهايته ولكنها كانت سعيده ، شعرت بحاله من التوازن النفسي ، وذهبت عنها حالة التوتر والقلق التي اصابتها ، ونسيت تماما الافكار السلبيه والوساوس حول رسوبها بسبب ضياع المذكره ، وشعرت
أن الأقدار تخبئ لها هدية عظيمة

مني ....مني لوسمحتي ...كان هذا مصطفي زميل مني في نفس الدفعه ونفس السكشن
ايوه اي خدمه يا مصطفي
د/ احمد باعت لك المذكره دي بيقولك ان عم فوزي لقاها امبارح وهو بينضف تحت البينش
يااااااااااااااااااه متشكره اوي يا مصطفي ، بس ايه اللي خلاه يديهالك
لا ابدا انا كنت عنده بسأله علي شوية حاجات في العملي ، وهو عارف اني معاكي في نفس المجموعه فطلب مِني اوصلهالك
اه منك يا مصطفي دايما كده مستفرد بالمعدين ونازل فيهم اسأله ، هو انت بتطلع الاول من شويه ...سوسه ...ههههههه
..........................
وجه مصطفي يتحول فجأه الي قوس قزح ويضطرب ولا يستطيع ان يجيب عليها الا بابتسامه باهته
اوك مرسي اوي يا مصطفي ...باي
لم تستطيع مني ان تخفي ذلك الشعور بالسعاده البالغه الذي ملأ وجدانها ، واخذت تحدث نفسها ان د/ احمد لم يهدأ له بال حتي اعاد لها ضالتها ، اكيد يفكر فيها كما تفكر فيه ،

و اخيرا وجدت تفسير للشعور الغريب الذي يراودها كلما راته او سمعت اسمه ....انه ذلك الشعور الذي يهتز له كيانها كله ....انه الحب
اخذت المذكره بين يديها واحتضنتها بشده
ظلت طوال اليوم تحاول ان تستذكر اي شئ ، فقط تقلب اوراق مذكرة الفارما بشوق ولا تري فيها الا وجهه، لتجد بين اوراقها ورقه حمراء غريبه رائحتها رائعه و مطويه علي شكل قلب ،


ايه الورقه الغريبه دي ، جت منين ؟؟؟؟؟ انا اول مره اشوفها انهارده ...ياتري مين اللي حطها ؟؟؟

تملكها شعور بالاستغراب ممزوج بالفضول واللهفة لمعرفة محتوي هذه الورقه العجيبة ، فتحتها بسرعه واخذت تقرأ محتواها وتعلو وجهها ابتسامة فرح

14 comments:

BaBaNesmA يقول...

أنا حظى حلو علشان لسه قارى الجزء الأول امبارح

بس اكيد وحش أوى علشان هعد مستنى التالت

جميلة جدا ومشوقة

mohand يقول...

السلام عليكم
انا تقريبا عرفت الحل
بس مش هقوله
هنتظر الجزء الثالث
ويا رب يكون الاخير
دا انا حاسس اني مستني المسلسل اللي بحبه كل يوم
علي شاشة الثانيه
تابعونا
--------
كيف حالك؟

رفقه عمر يقول...

تخيلى كلنا منى وبنحلم زى منى
بس بجد انتى ليه تسبينا كدة على نار
ياريت مش تتاخرى فى تكمله الجزء التالت من فضلك بس بجد دى قصه حقيقيه ولا من خيالك

علاء يقول...

عندي احساس ان الورقة الحمرا دي مش من دكتور أحمد :)
أكيد من الحاج مصطفى العاشق الولهان اللي محدش واخد باله منه و لامعبره
منتظررررررررررررررررر

أحمد سلامة يقول...

يارب ميطلعش رومانسي ومخه على قدة وميكونش كاتبلها حاجة من عبد الحليم
بصراحة لو مكانها اتمنى تكون فيها اسئلة الامتحان
يالله خليها تتخرج بقى وتخلص
كفاية يا نااااس

Ma-3lina يقول...

جواب غرااامى ؟؟؟؟؟؟؟

ma_3alina يقول...

لا حرااااااام بقى

لا لا يا دكتورة 3 أيام كتير قوي بين كل جزء والتاني

كملي يا دكتور حنلاقيها من حضرتك ولا من البرنامج الانتخابي بتاع حسني مبارك

ياترى كلمة السر في مصطفى ؟؟

kasperb4 يقول...

انا ليه عندك طلب اخوي

ارجوووووووووووووووكي

شيلي اللينكات المباشرة اللي ف مدونتك

بتنرفذني جدا

انا اسف معلش بس بما اني من زوار المدونة فمن حقي اطالب باللي يريحني

مش كده
:D :D

سكتم بكتم يقول...

تعرفي أن القصة ديه هي اللي محتاجنها دلوقتي بالظبط وسط كل الضلمة والعتمة اللي أحنا عايشنها شوية نور ومشاعر بريئة نسمات رقيقة في يوم صيفي شديد الحرارة

أشكرك بشدة في أنتظارالجزء التالت

خمسة فضفضة يقول...

السلام عليكم روحمة الله وبركاته

شكرا ليكم جميعا علي تعليقاتكم اللطيفه

وعشان خاطركم هانزل الجزء الاخير النهارده
ويارب ينال اعجابكم

----------

كاسبر :
مش عارفه اي لينكات اللي انت بتقصدها ..؟؟

ياريت تقولي ايه اللينك اللي مزعلك وانا اشيله


تحياتي للجميع

break يقول...

انا لسة قارية الجزئين دلوقتى ويارب اقرا التالت كمان دلوقتى عشان مبحبش استنى
بس كدا الواحد هيتعقد
هيا فصيدلة ايه؟
اكيد مش طنطا :D


تحياتى

خمسة فضفضة يقول...

السلام عليكم ورحمة الله وبركاته
break
بس يارب يكونوا عجبوكي

للاسف مايهونش عليا اخليها في صيدلة طنطا ، واصلا هي لو في طنطا ماكانش هايبقي بالها رايق تعد تحب وتسهر الليالي

واحلامها كانت هاتبقي محصوره في الامتحانات والشيتات والدكتور الضوي ...الا هو اخباره ايه ...ههههههه



تحياتي

kiki يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

القرآن الكريم