2007-06-05

كنا صغار

كنا صغار.......علي سطح جيراننا العالي كم شعرنا بمتعه كبيره ونحن نصنع طائراتنا الورقية ، نربطها بالخيوط ونطلق لها العنان لتطير وتطير لتصل الي السحاب ، نحلق معها عاليا نحو السعادة ، نطير معها باحلامنا الصغيرة ، نراقبها وهي تسبح في الفضاء وسط العصافير ....أردنا أن نكون مثلها ، أن نحلق في السماء بلا لجام لنري العالم أوسع ..و أكبر ..و أرحب

أو نكون مثل العصافير التي لا تمل الحركة والتغريد .... نمتلك اجنحه ، بها نطير ونحلق ونبعد ....بعيد نحو الأفق.... عاليا في السماء و نسمة هواء بارده تداعب وجوهنا....نخترق كتلة السحاب الهشة و نصل إلي الشمس ..كم هي جميلة عند المغيب

كنا صغار ....كانت لنا أحلامنا الصغيره وآمالنا البسيطه ....كبرنا وأصبحت أحلامنا الصغيره كبيره وآمالنا البسيطه معقدة ، تناثرت أحلامنا كأوراق الشجر في الخريف ، تساقطت حلما خلف حلم ، ولكن ظل ذلك الحلم يراودنا ....كنا نخبأه في قلوبنا ...عندما تقسو علينا الأيام ، وتزداد المشاكل ، نهرب الي سطح جيراننا العالي نصنع لانفسنا أجنحه من الأمل..... نغمض أعيننا .... نأخذ زفرة قوية من الهواء النَدّي ...... ونحلق في دنيا الخيال ،



وفي اذاننا صوت فيروز الملائكي يشدو :




طيري يا طيارة طيري يا ورق و خيطان

بدي ارجع بنت صغيرة على سطح الجيران

و ينساني الزمان على سطح الجيران



74 comments:

عصفور المدينة يقول...

كلنا ذلك العصفور

mohand يقول...

السلام عليكم
انا بحب الاغنيه دي جددددددددددددددا
بس كلماتك حساسه
بس هل لما بنحلم بنحقق كل الاحلام
ليس كل ما يتمناه المرء يدركه
علي فكره انا كان نفسي اكون طيار
شوفتي بقيت ايه

REEMOO يقول...

بدى أرجع بنت صغيره
على سطح الجيران
وينسانى الزمان
على سطح الجيران
محبتى وتقديرى

وضـّاح يقول...

فعلا كنا صغارا

ولكن هل ما حلمنا به تحقق ؟؟

يا مراكبي يقول...

عندنا دايما مشكلتين

الأولى هي الحزن على أحلام زمان اللي ما إتحققتش .. وعارفين إنها مش ممكن تتحقق تاني أبدا

والتانية هي الأمل في إننا نحقق أحلام غيرها لسة ممكن تتحقق .. لكن الزمن عمال يمر ويجري وما بتتحققش .. ومش عارفين هتتحقق ولا لأ

اخر من الاخرين يقول...

يا قلبي يا تعبان بين بكرة و زمان
هوة الشعور بالحنين متعب ؟؟
دايما بيجي حنين بذكريات و المصيبة ان الذكريات بتكون سعات سعيدة و ساعات مؤلمة مع رغبة في الرجوع لزمان و ناس بتحزن علي عمر مر و ناس بتندم علي حياة سابقة و ناس بتحب ماضيها اوي و دة بيخليها تحس بألم حاضرها و ناس بتكرة ماضيها و مع ذلك بتفتكرة...
انا دايما بدور علي زمان و بفتكر ماضيا 10000 مرة في اليوم بقصة و حوديتة .. مبيعديش عليا يوم غير لما افتكر مولود جديد و حد مات و دايما بحن لزمان و بسمع فيروز مع ان الحنين متعب

Shiko يقول...

طفولتنا البريئة التى لم تلوثها المصالح والاحقاد
اللهو والضحك دون خوف من غد قادم
اين ذلك الان ؟ فلنترحم على تلك الايام

Mohamed A. Ghaffar يقول...

لاتتمنى المستحيل فكرى فيما هو ات

A.SAMIR يقول...

مفيش احلى من زمن البراءة والطفولة
صحيح ان لكل زمن ولكل سن جماله الا ان ايام الطفولة تبقى لها سحرها الخاص
تحياتي واحتراماتي

الطائر الحزين يقول...

يا ترى لو رجعنا اطفال صغار و خيرنا برسم مستقبلنا ماذا سنكتب
انا مش عارف لو احد سألنى نقسك فى ايه هقول له ايه

SoRsaRaa يقول...

وانا كمان بدى أرجع بنت صغيرة

وارجع العب استغماية وكهربا

وارجع اشترى مصاصة وامصها فى الشارع

وارجع العب بالعروسة والبسها فساتينها واسرحلها

وارجع اتفرج عالكارتون من غير ماحد يغلس عليا ويقولى انتى كبرتى بقى عالهيافات دى

بصراحة كدا

انا مش عاوزة اكبر اكتر من كدا

بس عموما لو بالذوق بالعافية هنكبر

احنا ممكن نكبر الطفل اللى جوانا ونعتنى بيه لانه فعلا اللى بيحسسنا ان فى شىء جميل جوانا

تحياتى ليكى فضفوضتى ودمتى بألف خير

الراقص مع الذئاب يقول...

السلام عليكم
الظاهر كدا انا فاتني حجات كتير اوي وعاوزلي اسبوع عشان اجيب المواضيع كلها
مش مشكلة....اهم حاجة ان المدونات المحترمة تفضل تعلي والناس تتعود عليها
والقذارة تترسب وتندثر
دمتي في خير يا دكتورة
وجزاكي الله خيرا علي اهتمامك وزيارتك الغالية

meshlewahdak يقول...

الاخ الانسان, الاخت الانسانة:

نحن نعتقد بنسبة 90% ان كل واحد منا يبحث عن صديق يحكى له همومه و يستشيره فى بعض اموره الخاصة خاصة بعدما اصبحت الحياة مليئة بالمشاكل والامور المملة الراتبة, و طبعا تكون السعادة غامرة عندما نجد هذا الشخص وتزداد الفرحة عندما ينصت لنا باهتمام و يتجاوب معنا بما يملك من اراء و خبرات و تجارب بشكل محايد و متجرد

ولان هذا واقعنا كلنا.

قررنا ان نتخذ خطوة ايجابية فى هذا الامر و ان نكسر حاجز الصمت و الامانى بان نستمع الى الاخرين بآذان صاغية و ان نتناقل خبراتنا و ارائنا و تجاربنا و ان نوظف المواهب التى حبانا الخالق بها بشكل مفيد و محايد و فعال.

و نحن نتوقع ان تكون الفائدة كبيرة بسبب ان فريق (مش لوحدك) مر بتجارب عديدة و متنوعه فى الحياة منها تجارب فشل و تجارب نجاح و علاقات عاطفية وعلاقات جنسية و تجارب مع العالم الآخر (الجن) و تجارب اسرية و تجارب وظيفية ........الى آخره من التجارب التى نمر بها جميعا فى حياتنا.

احنا مين:

احنا مش علماء ولا اطباء ولا موجهين .ببساطه ,احنا مجموعة شباب ولاد و بنات اللى جمعنا اننا كلنا بندور على صاحب و كمان ان كل واحد فينا عنده تجارب نفسه ينقلها لغيره,فقررنا اننا لا نكون وحدنا و نتفاعل مع باقى البشر اللى احنا محتاجين لهم و هما محتاجين لنا.

عايزين نوضح حاجه:

ان الهدف ليس التوجيه او علاج المشاكل او القيام بدور الطبيب النفسانى, وانما الهدف هو الاستماع للأخرين (وهذا فى حدذاته نجده فائدة عظيمة,ان يجد الانسان صديق يحكى له همومه و مشاكله) و نقل الخبرة و التجارب و نحن نستعين فى ذلك بتجاربنا الشخصية الكبيرة و بعض التجارب النظرية التى نراها مفيدة لكل رسالة على حدا.

كما انه من الممكن ان يكون التواصل مستمر و لايشترط ان يكون مرة واحدة وايضا يمكن الاستمرار فى اجراء المناقشات بالرسائل حول نفس الرسالة الى ان نشعر باننا وصلنا الى الفائدة المرجوة.

لذا نرجوا من كل من يشاركنا ان يعتبرنا صديقه المخلص الذى يجده وقت الحاجه دائما الى جواره.

وللعلم:

الرسائل التى نتلقاها تكون بيننا فقط و غير قابلة للنشر, ونحن نتعامل مع كل رسالة على انها انسان يحتاج الى صديق كما نحتاج نحن ايضا الى اصدقاء.
نشكركم على قراءة الرسالة و نحن فى انتظار رسائلكم على البريد الالكترونى ده: meshlewahdak@hotmail.com


فريق: مش لوحدك

•«ρяoιd»•™ يقول...

السلام عليكم و رحمة الله و بركاته

ما بلاش الطياره الورقيه دي

عشان ليها ذكرات موت معايا

اول مره عملت فيها طياره و قولت هيييييه بقي هطير طياره

قررت وقتها اني اعمل اكبر طياره في المنطقه و رسومات حلوه بقي و كده

و هوبا

اطير الطياره

الاقيها بتشدني معاها

عمال اسيب فيها مش راضيه

شابكه في رجليا

يا ستي ابعدي عني بقي

و ديه ابدا مش هسيبك مش انت اللي عملتني

تقريبا حبتني ولا ايه مش عارف

في الآخر و بعد شد و جحذب بيني و بينها

واحد صاحبي لحقني و قص الخيط

بس تصدقي زعلت قوي عليها

و عملت واحده تانيه بس صغرتها شويه

هههههههههههههههههه

تحياتي

خمسة فضفضة يقول...

السلام عليكم ورحمة الله وبركاته

باشمهندس عصفور

عندك حق مهما كبرنا يظل بداخلنا ذلك الطفل

خمسة فضفضة يقول...

السلام عليكم ورحمة الله وبركاته

مهند

هي اغنيه جميله جدا وانا بموت فيها وفكل اغاني فيروز

طبعا مش كل اللي بنحلم بيه بيتحقق ، وانا قلت الكلام ده وسط البوست :

تناثرت أحلامنا كأوراق الشجر في الخريف ، تساقطت حلما خلف حلم

-------------------
كان نفسك تبقي طيارعلشان تبقي طيار فعلا ولا علشان طمعان في حاجه اكبر ....ههههههههه

الحمد لله ماتعرفش الخير فين


تحياتي

خمسة فضفضة يقول...

السلام عليكم ورحمة الله وبركاته

ريموو


منوراني

خمسة فضفضة يقول...

السلام عليكم ورحمة الله وبركاته

وضاح

يعني ...!!!! يمكن بعضها بس اكيد مش كلها

خمسة فضفضة يقول...

السلام عليكم ورحمة الله وبركاته

باشمهندس احمد

ان شاء الله نحققها ولو حتي جزء صغير منها ، بس المهم ما نيأس ونفضل نحاول

تحياتي

خمسة فضفضة يقول...
أزال المؤلف هذا التعليق.
خمسة فضفضة يقول...

السلام عليكم ورحمة الله وبركاته

آخر من الآخرين

كلنا بنحن لزمان

انا زيك كده او اكتر شوية

كنت كتبت تدوينه سابقه عن الحنين اسمها :

مناخوليا

تحياتي

خمسة فضفضة يقول...

السلام عليكم ورحمة الله وبركاته

شيكو

كانت اجمل ايام ، ياريتها ترجع

خمسة فضفضة يقول...

السلام عليكم ورحمة الله وبركاته

استاذ محمد عبد الغفار

ايوه بافكر فيما هو آت بس ما يمنعش برضو انه من فتره للتانيه الواحد يحلم حلم مستحيل تحقيقه

خمسة فضفضة يقول...

السلام عليكم ورحمة الله وبركاته

د/ احمد سمير

واي سحر ، يارتنا فضلنا اطفال

نورتني

خمسة فضفضة يقول...

السلام عليكم ورحمة الله وبركاته

الطائر الحزين

انا عن نفسي مع اني مش حاسه بالرضا عن حاجات كتير ، الا اني كنت هاختار برضو اني ابقي زي ما انا

خمسة فضفضة يقول...

السلام عليكم ورحمة الله وبركاته

صرصاره

ابقي اعملي حسابي في المصاصه ، واحجزي لي دور معاكي في الاستغمايه

دمتي لي يا صرصارتي

خمسة فضفضة يقول...

السلام عليكم ورحمة الله وبركاته

باشمهندس محمد

منور المدونه والنت و شكرا علي ذوقك

يارب تقضي فترة الجيش بسرعه بقي وترجع تبقي فوسطنا تاني


تحياتي

خمسة فضفضة يقول...

السلام عليكم ورحمة الله وبركاته

فريق مش لوحدك

شكرا ليكم علي المبادره الطيبه دي
جعلها الله في ميزان حسناتكم

تحياتي

خمسة فضفضة يقول...

السلام عليكم ورحمة الله وبركاته

رامي

ههههههههههههههههههه

دا انت كنت هاتبقي عباس بن فرناس التاني ، كويس ان ربنا ستر


تحياتي

رينـــــــــــا يقول...

يارتنى فعلا ارجع صغيرة
وسط جرانى
واهلى
ومكبرش ابدا

SAKAyAR يقول...

ومين فينا مش نفسه كان يفضل في الطفولة بأفكارها البريئة والنااااس اللي بنقول كلهم حلوييين ومفيش شر في الكووون

تحيااااتي

زحل الفلكي يقول...

انا لحد دلوقتي بروح اجري وانط من فوق الكراسي في الجنينه واكل مصاصة

وعادي يعني
طيري الطيارة والعبي واعملي اللي انتي عايزاه

محدش عايز منك حاجه

منة الله يقول...

خمسة فضفضة


ادعوك للمشاركة في استفتاء اكثر 10 مدونات تاثيرا في قرائها

عل مدونتك تكون واحدة منهم

اليك الرابط

http://www.6ef.blogspot.com/

egyboy يقول...

ياريت نرجع أطفال بس نرجع كبار تانى هههههه انا لسه كاتب موضوع لى وأنا صغير كان تفكيرى ايه؟

farfasha يقول...

انا عامله فكره جديده ويارب تعجبك
ياريت تقولى رايك فيها وماتنساش تشارك باى ذكرى عاوزها
استفتح بيك يعنى
تحياتى

أُكتب بالرصاص يقول...

عمري ما لعبت على السطح
ولا لعبت بطيارة ورق


بس كنتباطلع السطح اظبط الايريال
ودلوت
اظبط الستالايت

)

Ma-3lina يقول...

الاطفال و البراءة اللى بنفقدها بالزمن

معرفش كل مبنكبر بحس ان فى حاجة فقدنها القلب مبقاش صافى زى زمان

اغنية فيروز ملهاش حل

بوست رائع كالعادة

Sampateek يقول...

بس حتى و احنا ببراءة بنلعب كان يطلع لنا واد غلس يعكنن علينا او عمود نور رخم يتشعلق في الطيارة و يقطع الخيط

و لحد النهاردة بندور على خيط ميتقطعش
مش لاقين


تحياتي

خمسة فضفضة يقول...

السلام عليكم ورحمة الله وبركاته
رينا

ياريت ، بس دي حاجه مش بادينا

منوراني

خمسة فضفضة يقول...

السلام عليكم ورحمة الله وبركاته

SAKAyAR

ماحدش ، كلنا كنا نحب نفضل صغيرين

خمسة فضفضة يقول...

السلام عليكم ورحمة الله وبركاته

زحل الفلكي

ياريت الواحد يقدر يعمل كل اللي في نفسه ، من غير ما الناس يقولوا عليه اي حاجه ويكون فعلا ما حدش عاوز منه حاجه

تحياتي

خمسة فضفضة يقول...

السلام عليكم ورحمة الله وبركاته

منة الله

ان شاء الله اشارك معاكم

نورتيني

خمسة فضفضة يقول...

السلام عليكم ورحمة الله وبركاته

egyboy

للاسف رجوعنا صغار ده مش بيحصل الا في خيالنا احنا وبس

ياريته يبقي حقيقي

تحياتي

خمسة فضفضة يقول...

السلام عليكم ورحمةالله وبركاته

فرفشه

فكره حلوه اوي ، بس مش عارفه انت هاتنفزيها ازاي

هافكر وادور في الذاكره واقولك علي احسن ذكري ليا ان شاء الله

خمسة فضفضة يقول...

السلام عليكم ورحمة الله وبركاته

اكتب بالرصاص

ليه كده ، امال كنت بتلعب بايه

خمسة فضفضة يقول...

السلام عليكم ورحمة الله وبركاته

د/ مرام

للاسف ، كل ما كبرنا كل ما السعاده جوا قلبنا قلت ، والهموم ذادت ، والمسؤليات كترت

منوراني

خمسة فضفضة يقول...

السلام عليكم ورحمة الله وبركاته

سمباتيك

علي رايك كان فيه عيال غلسه كتير ، بس برضو كانا اسعد من دلوقت

ان شاء الله نلاقي خيط ما يتقطعش

نورتيني

علاء يقول...

كانت ايام البراءة و السعادة
و قلة المسئوليات
و نسيان المشاكل
و اتساع الافق بلا حدود
لكنها سنة الحياة
كلمات جميلة

hapasa يقول...

آسف على التحليق خارج السرب
ولكن إيماننا بدفاعكم عنمبدال الحرية
ندعوكم للتضامن مع عمر الشرقواى المعتقل فى قسم طلخا

إثر قيامه بتغطية انتخابات مجلس الشورى
وجزاكم الله خيرا

FadFadA يقول...

جايز حلم في غمضة عين
عايز يتحقق في سنين
و جايز يبقى الحلم اتنين
و نحققهم قبل دقايق

حلمت أدك و يمكن أكتر
حلمي الأخضر ماطالش يكبر
حلمك لسه في إيديك
حاول ما يموتش فيك

محمد

ابوزياد الفاتح يقول...

ايه الدماغ العاليه دى بيس
مدونتك جميله فعلا
وكلامك روعه والله
هو الواحد لو طلع عصفور مش كان ارتاح شويه
قدر الله وما شاء فعل
لكن عليمنا مسؤليه اكبر
نسال الله ان يعيننا عليها
شرفينى بالزياره

شيماء الجيزى يقول...

طيرى يا طيارة طيرى على ورق وغيطان
بدى ارجع بنت صغيره على سطح الجيران

اللللللللللللللللللله ما اروعك
واقسملك انا بدندن بالاغنيه قبل مدخل مدونتك

مش عارفه ده ايه
كفايه كلماتك الرقيقه الحساسه

اسعدتينى
تحياتى

Sampateek يقول...

و عليكم السلام و رحمة الله و بركاته
تعرفي الخيط الوحيد اللي مبيتقطعش هو حب الله و ذكره
خيط بيربطنا بربنا و يقوينا

ربنا يثبتنا
تحياتي

عالمى ازرق يقول...

بحب الاغنيه دى لفيروز قوى
بحس وهى بتغنيها انها طالعه من قلبها انها نفسها ترجع صغيره من تانى
مع انى عمرى مااتمنيت ارجع لاى مرحله فاتت ولو طفولتى
بعتقد ان لكل مرحله جمالها .. حتى بتعقيداتها
وان الافضل لم يأتى بعد
الا ان كلماتك هى كمان مستنى قوى
مست الذكريات الجميله اللى جوايا لطفولتى ولمراحل حياتى المختلفه بعدها
ضحكاتنا واحنا صغيرين .. لعبنا .. مشاكلنا اللى كانت كلها بتنحصر فى لعبه جديده وازاى هنجيبها او خروجه او رحله
حتى خناقتنا الهبله
معذره على الاطاله
وتسلمى على الموضوع الجميل

محمد الجرايحى يقول...

الأخت الفاضلة
السلام عليكم ورحمة الله وبركاته
نحن جميعاً مازلنا نحمل ذكريات الطفولة البريئة..
ونتمنى أن تعود بعدما نصطدم بالواقع الملئ بالصراعات الغير بريئة

ولكنه تظل حلم صعب المنال

تقديرى واحترامى
اخوك
محمد

Dr-hema يقول...

يا سلام امتى ترجع الايام دى

خمسة فضفضة يقول...

السلام عليكم ورحمة الله وبركاته

علاء
كانت احلي ايام
شكرا علي ذوقك

خمسة فضفضة يقول...

السلام عليكم ورحمة الله وبركاته

حباظة
ربنا يفك اسره واسر كل المأسورين

خمسة فضفضة يقول...

السلام عليكم ورحمة الله وبركاته

فضفضة

يارب حقق كل احلامنا ، مهما كانت صعبة او مستحيله

خمسة فضفضة يقول...

السلام عليكم ورحمة الله وبركاته

ابو زياد الفاتح

صحيح ياما اتمنينا ان يكون لينا جناحين ونطير ونحلق بيهم في دنيا السعاده
بس يلا قدرنا اننا نكون بني آدمين ونشيل الهم من بدري ، ربنا يقدرنا ونكون قد الامانه اللي احنا شايلينها من بدء الخليقه
شكرا علي ذوقك

خمسة فضفضة يقول...

السلام عليكم ورحمة الله وبركاته

شيماء الجيزي

اكيد ده توارد افكار يمكن علشان كلنا عاوزين نرجع تاني لزمن الطفوله اللي كنا حاسين فيه اننا احرار بجد
نعمل كل اللي نفسنا فيه من غير خوف من المسؤليه ، ويمكن علشان حاسين بالخنقه وكبت الحريه وعاوزين نطير ونحلق لفوق

شكرا علي ذوقك

نورتيني

خمسة فضفضة يقول...

سمباتيك

اللهم آمين

خمسة فضفضة يقول...

السلام عليكم ورحمة الله وبركاته

عالمي الازرق

ومين مش بيحب كل اغاني فيروز
بس عارفه اول مره الاقي حد مش عاوز يرجع صغير من تاني
هو صحيح يمكن كل عمر وله جماله بس مافيش اجمل زمن الطفوله والبراءة
تحياتي

خمسة فضفضة يقول...

السلام عليكم ورحمة الله وبركاته

استاذ محمد الجرايح
ي
للاسف هو حلم مستحيل ولكن مافيش مانع اننا نعيش طفولتنا داخل الاحلام ولو للحظات

خمسة فضفضة يقول...

السلام عليكم ورحمة الله وبركاته

د/ هيما

ممكن ترجعلها بكل سهوله لو غمضت عنيك ، وسرحت شويه

نورتني

shlapia يقول...

قول للزمان ارجع يا زمان


بوست هايل

Sharm يقول...

والله عصفور جاب من الاخر

كلنا ذلك العصفور

خمسة فضفضة يقول...

السلام عليكم ورحمة الله وبركاته

شلبيه هانم

عمر اللي راح ها يرجع تاني

نورتيني

خمسة فضفضة يقول...

السلام عليكم ورحمة الله وبركاته

د/احمد

ايوه كلنا ذلك العصفور

مبروك علي التخرج وعقبال ما تحقق كل اللي تتمناه


نورتني

أُكتب بالرصاص يقول...

كنت بالعب من على الارض

مش لازم العب فوق السطح

ودلوقت
بالعب
xBOS

مع العيال ولادي

أُكتب بالرصاص يقول...

كنت بالعب من على الارض

مش لازم العب فوق السطح

ودلوقت
بالعب
xBOS

مع العيال ولادي

أحمد سلامة يقول...

كان نفسي وانا صغير كنت ابقى عارف الاغنية دي
اكيد كنت هعشقها
ليه الواحد مبيعرفش الحاجات الجميلة انها جميلة وهو في وقتها
ممكن برضو عشان تفضل جميلة
بس برضو
حاجة تزعل
-----------------------

و ينساني الزمان على سطح الجيران

خمسة فضفضة يقول...

السلام عليكم ورحمة الله وبركاته

اكتب بالرصاص

طيب كويس انك كنت بتلعب انا فكرت انك ماكنتش بتحب تلعب زي الاطفال ..ههههه

بس علي فكره اللعب علي السطح ده له متعه اكبر بكتير من الارض بتحس انك طاير في السماء

تحياتي

خمسة فضفضة يقول...

السلام عليكم ورحمة الله وبركاته
د/ احمد سلامه

يمكن لو كنت عرفتها وانت صغيرل ما كنتش حبيتها
صحيح كل سن وله سحره الخاص

علي فكره كنت بحبها اوي وانا صغيره، اما دلوقتي فحبي ليها ذاد جدا


تحياتي

القرآن الكريم