TvQuran

٢٠٠٨-٠٣-٢٥

البيت بيت ابونا "تحديث "




مقتل وإصابة 3 مصريين برصاص طاقم سفينة أمريكية بقناة السويس

هي حصلت ، البيت بيت ابونا والغُرب يجوا ويقتلونا

لما كانت بتحصل علي الحدود كانوا بيسكتونا بكلام من عينة ان دي رصاصه طايشه ، والعسكري ماكانش يقصد ، وان ده كان خطأ بس مأساوي شويه واسرائيل تعتذر وينكفي علي الخبر ماجور وكان الله بالسر عليم

المره دي هايقولوا ايه ، ماهو ما ينفعش تتقيد ضد مجهول ولا الحادثه تبان خطأ من اصله ، وكمان مش منطقي انهم يقولوا ان اللي عمل كده مجنون او هربان من الخانكه زي ما بيحصل دايما ، وهل الاعتذار في الحاله دي ممكن يتقبل ونعديها ولا .......؟؟؟؟؟؟؟؟

تفتكروا مصر ها تلم الحلفا بتوعها ويقوموا جميعا قومة رجل واحد علي امريكا وياخدوا حق الناس دي ، ولا هانطنش كالعاده ، ولا هانكتفي باعتذار وكام دولار تعويض

طيب تفتكروا قيمة التعويض هاتكون اد ايه ؟؟؟؟

وهو ده مش يدخل تحت بند الارهاب ولا له اسم تاني ؟؟
------------------------

تحديث

آخر نكته اتقالت في الموضوع علي لسان المتحدث الرسمي للخارجية الامريكية :


"سفيرنا يعمل الآن مع مسؤولين كبار في الحكومة المصرية، لفهم طبيعة ما حدث"

مشيراً إلى أن مشاورات السفير هناك تنصب على

"التأكد من أن ذلك لن يتكرر ثانية"

طيب سيادته ماقلناش يقصد ايه باللي مش هايتكرر مره تانيه هل إطلاق السفينة الأمريكية النار على قوارب الصيد المصرية، أم اقتراب القوارب من السفن الأمريكية؟؟؟؟؟


71 comments:

http://kasperb4.blogspot.com/ يقول...

اما نشوف هيعملوا ايه
الموضوع ده ريحته كده مطمنش

ربنا يستر

Bella يقول...

انا متوقعة قلة ذوق من الجانب المصري اكثر من قلة ذوق الجانب الاريكي الذي لم يفكر حتى في الاعتذار لانه واثق تماما من قيمة المصريين عند حكومتهم والتي تعتبر المعونة اهم عندها من الشعب كله ومش ممكن يزعلوا اسيادهم في البيت الابيض
بل اعتقد ان الجانب المصري ح يخرج بصفاقة منقطعة النظير ويدافع عن موقف الجنود الامريكان ومش بعيد يتهم الغلابة الشبان بأنهم كانوا حاملين اسلحة وكانوا ناويين يعملوا عملية ضد السفينة ولهذا جاء رد فعل الجنود متماشي مع الخطر المحدق بهم

وبكرة افكركم لما يطلع السيد الوزير الحقل ويبتسم ابتسامته المعتادة ويقول بمنتهي الهدوء الكلمتين دول

هو احنا شفنا حاجة

لسه

القادم اسوأ

Bella يقول...

نسيت صحيح اقول لك

انه سيصدر بيان رسمي يوضح الحالة النفسية لركاب الزورق المنكوب وسيتضح فيما بعد انهم مختلين عقليا او يعانون اضطرابا ما دفعهم للقيام بهذه المغامرة وقاربهم كان محملا بالمتفجرات حول وسط كل منهم حزام ناسف

وبسؤال الجيران اتضح انهم غريبي الاطوار ويتحدثون في امور غريبة ومعروف عنهم عدم الاختلاط بالناس

بس ياستي

عرفتي الحكاية ح تمشي ازاي

دكتور حر يقول...

طب بس ييجي تعويض

محمد عبد الرحمن يقول...

فضيحة
ومتوقع فضيحة أكبر فى الرد إذا حدث

المضحك أن الرد الهزلى المتوقع هو فقط الممكن والمتاح

حلفاء مصر فين مين إزاى
أنا مش فاهم

YHYيــوســف الـمصـرى يقول...

السلام عليكم ورحمة الله وبركاته
............................

الله يخرب بيت ابوهم :(
مش لاقى تعليق غير كده!


سلامى ليكى يا دكتورة وكل سنة وانتى طيبة

تحياتى

Bella يقول...

شوفي ياستي ادي الخبر اليقين اهو

http://afkaar-bella.blogspot.com/2008/03/blog-post_25.html

محمد عبد الغفار يقول...

مفيش فايدة هنفضل كده طول عمرنا نفترى على العالم ،انت مش عارفه ان ده موسم عودة الطيور المهاجره

الناس كانت بتصطاد طيور عشان تاكل زهقوا من السمك

مفيش تمييز خالص كده

ma 3lina يقول...

بسم الله الرحمن الرحيم
الإجابة :
حنطنش كالعادة

Empress appy يقول...

لا حول ولا قوة الا بالله انا لسه قريت الخبر ده عند مصراوى
المرة دى هيقولوا كانوا بيصطادوا طيور وجت فيهم
ما هو احنا بقينا دمنا رخيص

أحمد سعيد بسيوني يقول...

بسم الله
بكرة يطلع وزير ويجد الف مبرر
العجيب ان نفس الوزير لا يجد اي مبرر لما يحصل رد فعل طبيعي من اطراف اخرى
ازدواجية مقززة
تحياتي

عاشــــــ النقاب ـقــــة"نونو" يقول...

ايه هو دة ولاد ال----- احم احم
المصريين دول بنتدرب في االميه بتاعتهم عاتي يعني هما المصريين اللي غلطانين بيمشوا ادام الرصاص ليه
اللي بيقول الكلام دة الامريكان طبعا
اما اللي هيحصل متوقعة اننا مصر هتقدم اعتذار وتعويض كمان امال احنا
لا نقبل العوض بتتكلمي ازاي يا دكتورة وسلمولي على ححقوق الحيوان
اعزكم الله
بوركتي حبيبتي

... يقول...

لسة كاتبة عند بيللا
عارفة كويس نوعية الشباب دول
تعليم متوسط وحياة صعبة ولا وظيفة و لا رأس مال
وأهو
ولا حتي ضهر يدافع عنهم يوم ما يروحوا غدر
احنا بقينا أحط ما يمكن
حسبي الله

فاتيما يقول...

و لا حاجة
غير العادى
ظبط النفس للحافاظ على العلاقات بين البلدين
فتح تحقيق مشترك للوقوف على ملابسات الحادث
تشكيل لجنة ثنائية بين الطرفين
فتح باب التبرعات للضحايا المصريين
اوامر للاعلام الموجه بالتعتيم على الخبر و تفاصيله
حملات تقطيع فىصفحات الجرايد المستقلة و المعارضة ضد وزارة الخارجية و النظام
تغطيات للموضوع فى العاشرة مساءاً و القاهرة اليوم
أهل الضحايا فى برنامج وائل الابراشى بيدعوا على اللى ضيع حقهم و حق ولادهم
و تعتيم اعلامى ولحد ما الموضوع يهدا و يموت بالسكتة القلبية
و خلاص على كدا

خايف من الحقيقة يقول...

الخبر غير صحيح
ودي اخبار مدسوسه هدفها واضح
لكن العلاقات مع امريكا تمام والحمد لله
بلاش اشاعات


اهه نسيت اقولكم ده مش تعليقي انا دا تعليق المتحدث الرسمي باسم الخارجية المصرية

Ma 3lina يقول...

حسبى الله و نعم الوكيل

موجة يقول...

هو لسه البيت بيت ابونا
ما اظنش
ما فيش دليل و لا اثبات ملكية للبيت ده اللي عايشين فيه زي الاغراب
لا نأمن حتى على حياتنا

صاحب المضيفة يقول...

حسبنا الله ونعم الوكيل


يارب فرج همنا وأزل غمتنا يارب

جمعاوى يقول...

تعويض !!!!!!!!!!!!!

و كمان إرهاب !!!!!!

لا لالا يا دكتور

إنتوا دايما كده


عادى يعنى ماحصلش حاجة ....3 رصاصات طايشة من ولد طايش و هو بينضف بندقيته الطايشة

عادى يعنى


هو إنتوا ح تفقوا للأمريكان ع الواحدة ؟

السـيد شبـل يقول...

انا والله كنت ناوى اكتب عن الموضوع ده .... شىء غريب قعلا
بس حسيت باحباط من كتر ما كتبت


تحياتى

محب الدين يقول...

إيه ياعني عادي

فيه كام مليون غيره

واهه نخفيف للكثافة السكانية

أنا متهيألي ممكن يقدموا جواب شكر لأمريكا إنهم خففو الكثافة السكانية

ــــــــــــــــــــ

مدونة جميلة ما شاء الله

تقبلي مروري

Desert cat يقول...

انا اعتقد انهم هيقولوا ان المصريين اللى غلطانين اصلهم استفزوا الامريكان كانوا بيفطروا فول ممكن والامريكان مش بيحبوا الفول

غير معرف يقول...

هو الخبر ده صحيح؟ و ايه قصته؟ و كان امتي؟
جاوبيني بجد
طيب تفتكري امريكا هاتقول انه واحد مجنون؟
طيب تفتكري احنا اللى هانتبرع و نقول كده؟
طب فرضا لو امريكا نفت الخبر ده؟
بيتهيألى هانقول برضه ده مجنون
ايوة هو قفا القرد

غير معرف يقول...

معلش لسة عارف الخبر المعفن ده
و اتضح انه في قناة السويس لما قارب قرب من سفينة حربية امريكية و قالولهم اقفوا ما سمعوش الكلام فطخوهم عيارين
ما احنا اللى نستاهل ، سعنا تقييييل
مع السلامة

مدونة الغلبـان يقول...

البنى ادم لما يبقى أرخص حاجة فى بلدو
منتظرين اه من الأمريكان وغيرهم ... يطبطبوا علينا؟
والنتيجة الطبيعية ... مختلين عقليلا أو هيلبسوهم أى تهمه ..وهو ده اللى هتعملواحكومة الحزن الوطنى.

على فكرة مدونتك رائعة. تحياتى

غير معرف يقول...

السلام عليكم و رحمة الله و بركاتة
الأخت الفاضلة غدا سنسمع بيان يقول المصريين كانوا طالعين يسرقوا الأمريكان
و لذا إضطر الأمريكان لقتلهم،وأيه يعنى
ثلاثة مصريين فى العبارة مات ألف و مائتان مصرى ،وحوادث الطرق 73 الف فى عام ،غير شباب هاجر غير شرعى وغرقوا فى البحر ،هى طريقة جديدة لخفض عدد السكان اللى بيزيد عمال على بطال..
أبو خالد

د/اجدع بنوته يقول...

ياااااااااااااااااااارب

الواحد مبقاش عارف يعمل ايه والله

م الاسعار ولا م الكوسه ولا م الرشاوى

ولا م الفساد ولا م الاوضاع الساسيه

سواء برا ولا جوا ولا هجوم ع دينا ورسولنا

يااااااااااااااااااااااااارب وبس

عليك صلاح الحال

mohand يقول...

ارهاب وستين ارهاب طبعا

بس هيقولك ان الزورق قرب زياده عن اللازم
وهما الغلطانين

ويتحملوا عواقب غلطهم وبتاع

تحياتي

الراقـــص مع الذئـــــاب يقول...

السلام عليكم
والله اخبار تحرق الدم
قفانا خلاص...معدش فيه مكان للضرب
ورم وفأفأ....كفاية بقي
الرحمة
مرحلة الاحساس انتهت...ومرحلة عدم الاحساس برضو انتهت
امال اللي جاي ايه ؟؟
علامة إستفهام

مصعب رجب يقول...

بصراحة ولا حاجة هتحصل
لأن النظام الللي بيحكمنا نظام فاشل وغبي ولا هم له إلا معاقبة كل من يعارضه سواء كان إخوان أو كفاية أو أطباء أو حتى دكاترة الجامعة أو الطلبة أو العمال أو حتى الناس في طوابير العيش
حسبنا الله ونعم الوكيل

فرنسا هانم يقول...

شوفى يا دكتوره
اللى انا متأكده منه
ان اللى هيتوقف
هو قوراب الصيد
وستمنع من الاقتراب من كل السفن فى الغاطس
ده فى طريق عند حوض الدرس حولوا مساره خالص
الى اتجاه اخر علشان خاطر عيونها

محمد فوزي يقول...

مجرد سؤال بالمناسبه دي ...
هو سعر كل حاجه زاد على المواطن المصري ولا المواطن المصري هو اللي سعره قل بالنسبه لكل حاجه ؟ !!!!

فاتيما يقول...

يا حبيبتى ما قولتلك ...
أول خطوة اهو
فتح تحيق للوقوف على ملابسات الحادث
و بعد كدا بقية الخطوات كر وراها
لحد برنامج وائل الابراشى و دمتم
عاااادى

إبـراهيم ... يقول...

أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً

la3lahakhier يقول...

ال مصريين ال
هما لسه عايشين ؟؟
مين دول اصلا

الطائر الحزين يقول...

هم اللى هيطلبوا تعويض وفدية كمان

علشان فيه رصاصة من عندهم طاشت كانت المفروض تيجى فى حد تانى

هيطلبوا ثمنها


وخلينا كدة حاطين الجزمة فى بقنا


تحياتى

MR.TITO يقول...

ولا الدموع...

انتوا مستنيين ان حكومتنا المصونة تعمل حاجه...
يا جماااااعة.. الله...

هى فاضية للناس دى؟؟؟

من الآخر كده .. هناكلها وننام زيها زى اللى قبل كده !!!

ولا نسيتوا الطيارة اللى وقعوها؟؟ ولا الناس اللى اسرائيل بتقتلهم ع الحدود ويقولوا خطأ؟؟؟

و ماشاء الله حكومتنا بتعمل الواجب و زيادة!!

حسبى الله ونعم الوكيل

Gid-Do - جدو يقول...

عزيزتى ـ الف شكر على سؤالك عليا فى تعليقك عند العزيزة حلم ـ بثينة ـ اولا انا بلوم المصريين ـ وانا واحد منهم ينطبق عليا نفس الكلام ـ نحن نستاهل اللى احنا فية لاننا راضين بيه فضلنا ننحدر ونتقبل الانحدار حتى وصلنا الى ما تحت الصفر وكل اللى بنعمله ان احنا نلوم رئيس الدولة ورئيس الوزارة والوزراء وعمرنا مااعترفنا ان احنا كشعب لابد ان ننضبط علشان نبقى زى شعوب العالم المتحضر - بعد زيارتى الاخيرة للقاهرة اقتنعت ان مشاكل مصر الاساسية سببها احنا كشعب ـ احنا شعب فوضوى لايحترم لانظام ولاقانون ولا يحترم كل منا الاخر - الامثلة كتيرة العامل اللى بيعمل شغل طلصقة ويطالب باجر مبالغ فية وينطبق هذا على كل المهن والحرف والمتخصصين ـ طوابير العيش الناس بتضرب بعض كل واحد بيقول نفسى ـ لو هذا الوضع حصل فى امريكا كان كل واحد التزم بدورة واحترم الاخرين وكانت العملية تبقى سهلة ـ لن نخرج مما نحن فيه الا بتباع النظام واحترام القانون وان يتساوى فى ذلك رئيس الدولة واغلب مواطن من غير كدة سوف ننحدر الى ماشاء الله.

بالنسبة لاطلاق الرصاص على مواطن مصرى كل التعليقات وبكل اسف صبت غضبها على الامريكان ـ على الرغم من ان المركب عمل المفرض يتعمل وهو تحذير القارب من الاقتراب ورغم هذا استمر القارب من الاقتراب ومعنى هذا ان العملية ممكن تكون انتحارية زى ما حصل فى اليمن - هذا ليس دفاع عن الامريكان ولكن ما ذكرتة وكالات الانباء ـ محدش من خفر السواحل المصرية ادى واجبة ـ وهو تعليم اصحاب القوارب على الالتزام بمسافة معينة ـ دة لاننا عندنا استهطار ـ الامريكان مش راح يعتذروا لان الاعتذار معناة ارتكاب خطاء وهم لم يرتكبوا خطاء لان التعليمات لحراسة السفينة الحربية بتقول احمى السفينة وقد نفذوا التعليمات ـ لابد ان احنا نعرف ازاى الاخرين بيفكروا علشان ـ احنا بكل اسف لانفكر ـ اسف اذا كان كلامى عكس كل التعليقات ولكنها الحقيقة المرة ـ لو كل واحد من المعلقين كان تخيل نفسة على السفينة الامريكية وشاف لنش بيقترب من السفينة ولم يستجيب للتحذير كان عرف ان الموضوع حياة او موت لمن على ظهر السفينة وان القارب المصرى لم يلتزم ـ تحياتى

يا مراكبي يقول...

فيه إيه يا دكتورة؟ لازم تحرجينا قدام نفسنا كده؟ لما تسمعي حاجة زي كده يبقى لازم تقتدي بالبشوات بتوعنا وتدفني رأسك في الرمل زي النعامة وتطنشي خالص

آفاق الحرية يقول...

البيت بيت ابونا والغرب يطردونا
تحياتي

سمراء يقول...

عفا الله عما سلف وبعدين دول 3 من 75 مليون يعني ولا حاجة
اما عن سؤالك الاخير اكيد اللي مش هيتكرر هو المباحثات
احنا اهل كرم ودة اقل واجب
وما هو علينا الان هو ترديد المقولة الشهيرة
يارب خرجنا من البلا بلا بلا
سمراء

حنة يقول...

انا بس نفسي اعرف حسني مبارك وجمال مبارك واحمد نظيف .. واخواننا البعدا دول بيعملوا ايه ؟؟ بيقضوا وقت فراغهم ازاي يعني ؟؟ يعني لا فيه عيش ، ولا سيطرة على ارتفاع الاسعار ، ولا دور محترم في المنطقة ، ولا كرامة لمصري في وطنه .. احنا من غير حكومة .. وآل ايه هيموت ع التوريث .. هي ناقصة فراغ ..

البنت الشلبية يقول...

سلام عليكم
ازيك يا دكتورة
على فكرة
البيت مش بيت ابوان
ده بقى بيت اسيادنا وبقينا عبيد فيه
لما يكون بيت ابونا يبقى لينا الحق نتكلم وصوتنا يتسمع ..يتعملنا وجود
لكن لما نكون عبيد ودى الحقيقة نبقى ناخد بالشوز على ادمغتنا ومنتكلمش عشان اسباب كتيرة اهمها منروحش ورا الشمس ونحافظ على لقمة العيش

انا اتكلمت عن الموضوع ده فى اخر بوست ليا بس بشكل اوسع
----------
سلام

شاب نفسة يحقق حلمة يقول...

انا شايف ان مصر مش هتعمل اي حاجه زي ما حصل مع الاتنين عساكر اللي اتقتلوا علي حدود مصر وفلسطين
برصاص اسرائيلي وقالوا انهم مكنش قصدهم
هههههههه
ال مكنش قصدهم ال
تحياتي ليكي ورننا يرحمنا بقي

غير معرف يقول...

احبه لانه بستحق ان احبه
ذهبت بعيدا ولكن رجعت اليه
اخذتني الدنيا ولكن رجعت لاني احبه
عرفته بالحب عدت بالحب
هل تحبه هل تسمعه ,الك قلب
ان كان لك قلب ستسمع
حتما ستسمع ,
الم يان للذين امنوا ان تخشع قلوبهم لذكر الله وما نزل من الحق ولا يكونوا كالذين اوتوا الكتاب من قبل فطال عليهم الامد فقست قلوبهم وكثير منهم فاسقون
اياك ان تذهب اياك ان تمضي ارجع فقط ,ارجع فحسب ,ارجع ان كنت تحب
ارجع قبل ان يأتي يوم ولاتستطيع الرجوع ,
الك اله سواه الك رب غيره ,ماهذه الدنيا ومن فيها ومن عليها ,
يا حسرتى على ما فرطت في جنب الله وان كنت لمن الساخرين
يا حسرتى على ما فرطت في جنب الله وان كنت لمن الساخرين
يا حسرتى على ما فرطت في جنب الله وان كنت لمن الساخرين
العائد الي النور

Jana يقول...

مشكلتنا اننا لسه فاكرينه بيت ابونا .. وهو بقى بيت الجيران من زمان

هم مش اعتذروا وقالوا
اوبس .. سورى يا جماعة جنود المدمرة كانوا سكرانين ..طب احنا عايزين ايه تانى بقى .. مادام وعدوا ده ميتكررش.
المسامح كريم ..وخلينا اصحاب مقدرة وعفو .. ويا بخت من بات مظلوم ولا باتش ظالم ..وبعدين عندنا منهم كتير.. حد حاسس بفرق يا جماعة..لأ ..شفتى ازاى ..بسيطة

خمسة فضفضة يقول...

السلام عليكم ورحمة الله وبركاته

محمود آلام وآمال

ايوه ريحته وحشه اوي واللي بان لحد دلوقتي فعلا مايطمنش

--------

بيلا

ازاي كده دا مصر كلها ذوق وبترحب بكل الضيوف حتي اللي بيموتو عيالها

شفتي يابلا بيقولوا ان امريكا طلبت استخراج جثة الراجل وتشريحها ومتابعة عملية التشريح علي الهوا تقريبا خايفين لايكون حد من تنظيم القاعده

ربنا يرحمنا
--------------
دكتور حر

تصدق مش مش حاسه انهم ناويين يدفعوا حاجه وهايطلعونا احنا الغاطانين

-------
طال الليل

طبعا فضيحه
بافترض يعني ان مصر هاتعمل زي امريكا لما لمت الناس بعد 11 سبتمبر وقاموا علي افغانستان والعراق
دا مجرد فرض

------------

يوسف المصري
انت فين يا عم يوسف
كل سنة وانت طيب

--------------

محمد عبد الغفار

تصدق ممكن برضو

-----------

باشمهندس ماعلينا

لا غلط ، الاجابه الصح بقي هاندين البمبوطيه ونقول هما اللي غلطانين

-------
آبي

مش رخيص ، دا بقي ببلاش

خمسة فضفضة يقول...

السلام عليكم ورحمة الله وبركاته

احمد سعيد
الازدواجيه بقت في كل حته وعند كل الناس مش الوزراء بس
---------

عاشقة النقاب

عوض مين ده
ماتقلقيش هانوصل سلامك للحيوان

----------

بثينة

حسبنا الله ونعم الوكيل

-----------
فاطيما
ايه دا يابنتي تنفعي محلله سياسيه

ولا اقولك ايه رايك تبقي وزيرة الخارجية

-----------------

خايف من الحقيقة

اصل احنا شعب من كبار مروجي الاشاعات
نعمل ايه بقي بس ماتقلقش بدأنا نتعالج

---------

د/ مرام

حسبا الله ونعم الوكيل

-----------

موجه

تصدق فعلا مافيش دليل علي كده ...عااااااااااااا
-----------

صاحب المضيفة

اللهم آمين

-----------------

جمعاوي روش طحن

انا عارفه يا اخي ايه الشعب البيئه ده
دول مهما كانوا ضيوفنا ولازم نشلهم علي كفوف الراحه
--------------

السيد شبل

كلنا محبطين زيك ويمكن اكتر بس لو مافضفضناش هانطق

------------

محب الدين

شكرا علي ذوقك منورني لاول مره ويارب دايما

----------
قطة الصحراء

وكمان كانوا بيبلعوا بالبصل الاخضر اللي رحته ازعجتهم بشده
والله شر البليه مايضحك

موناليزا يقول...

انا عايزة ناخد حقنا بقى
ولا هو دمنا ببلاش

زحل الفلكي يقول...

اهو احنا كده نفضل نقول عايزين حد ياخدلنا حقنا
ولما نعرف ناخده
مناخدوش

Unknown يقول...

لاحول ولاقوة الا بالله
صحيح هيقولوا ايه
مااعتقدش انهم هيقولوا حاجه هيسكتوا وهايعتموا علي الموضوع زي العاده
بس لما الفلسطنيين دخلوا يشترو اكل الفاضئيات والبرامج مسكتوش والتعدي علي ارض مصر وكرامة مصر ,,طيب دلوقتي بعد كل ده
الصمت الرهيب
والله المستعان
جزاكم الله خير

YHYيــوســف الـمصـرى يقول...

السلام عليكم
...........
انتى الى فين يا فندم :) حضرتك الى مبقتيش تعدى خالص

وأنتى طيبة
تحياتى

mo'men mohamed يقول...

أظن أن الموضوع حينتهى وكأن هؤلاء الجنود مجرد كلب مات فى مزرعة أحد الأكابر و ينتهى الوضع برمى قطعة من اللحم لأهله ــ الكلاب ــ

السلام عليكم

مجداوية يقول...

فى التاريخ حادثة دنشواى وكان نتيجة ثأر المصريين لدمائهم الاعدام والجلد والحبس ,,المصري ده شاف بلاوى كتير ولسه !!!

خمسة فضفضة يقول...

السلام عليكم ورحمة الله وبركاته

السيد مجهول المعروف

ما تقلقش في نوع سماعات امريكان نزل السوق من يومين ان شاء الله يحللنا المشكله دي تماما

----------

الغلبان

شكرا علي ذوق حضرتك
ماهو لما رخصنا في بلدنا الدنيا كلها استرخصتنا واستباحت دمنا ، حسبنا لله ونعم الوكيل

------------

ابو خالد

تخيل قالوا فعلا انهم كانوا شاكين ان القارب يكون هايفجر السفينه زي ما حصل في اليمن

ربنا يجازي اللي رخص دم المصريين

نورتني

---------------
د/اجدع بنوته
يارب ، اللهم آمين

---------

مهند
قالوا كده فعلا
منهم لله

-------

محمد الراقص مع الذئاب
هي علامة استفهام واحده بس ، قول ميه ، الف ،مليون


---------

ابو اسامة


حسبنا الله ونعم الوكيل
--------------

فرنستي الغالية

طبعا ، انت بتقولي فيها
واكيد انتوا في السويس في قلب الاحداث وحاسين بكده اكتر مننا

----------

محمد فوزي

اهلا بزميل الكفاح
كل حاجه في بلدنا بتغلي يوم عن يوم الا البني آدم هوه اللي سعره بيقل

----------

فاطيما

ايوه يا طمطم بقولك نعينك وزيرة خارجيه ونخلص
:-)

----------

ابراهيم معايا
الف مبروك للاستاذ بهاء طاهر

للاسف مش هاقدر احضر لاني خارج القاهره

----------

لعله خير

ان عارفه يااختي ايه ده ، جتنا القرف مالينا البلد

--------------

الطائر الحزين

وطي صوتك لا اونكل بوش يسمعك ويطالب بحق الرصاصه بجد

----------------

مستر تيتو

حسبنا الله ونعم الوكيل


منورني جميعا

خمسة فضفضة يقول...

السلام عليكم ورحمة الله وبركاته

العفو يا جدو حضرتك من الناس العزيزه علي قلوبنا و يارب يديم عليك نعمة الصحه والسعاده

بالنسبه لينا كشعب صحيح احنا نتحمل جزء صغير من المسؤلية ، بس برضو الحكومه ليها عامل كبير علي اللي وصله الشعب هي اللي حسست الناس ان البلد دي مش بتاعتهم وانها متباعه من زمان ، وبالتالي ماعدش حد بيبكي علي حاجه وكلهم بيقولوا يلا نفسي وخير مثال علي كده اللي بيحصل في طوابير العيش لما يكون الناس واقفه من الفجر ومش عارفين يشتروا خمس ارغفة ، وشايفين قدامهم العيش المتوصي عليه بيطلع من الباب الجانبي للناس اللي ليهم معرفه او بيدفعوا اكتر لصاحب الفرن او الخباز ، ويلاقوا نفسهم بعد ما يقفوا تلات او اربع ساعات مفيش ليهم عيش
ده بيخليهم يتكالبوا علي الافران وكل واحد عاوز ياخد الاول قبل ما العيش يخلص
مش بنفي مسؤوليتنا كشعب عن اللي وصلناله ، بس اكيد هايجي اليوم اللي الناس تحس ان البلد دي بتاعها وتخاف عليها زي الاول واكتر

اما حكاية السفينه ، فاكلام حضرتك يكون صحيح لو كانت فعلا سفينه حربيه ، اما دي فاسفينه مدنيه ،والا ما كانوش قربوا وزي ماقريت ان البمبوطيه دول عارفين كويس اوي خطورة الاقتراب من السفن الحربيه

ومهما كان مش معقوله انهم يضربو النار عليهم في مقتل ممكن كانت تبقي طلقات تهويش وبس
وبعدين اشمعني يعني هما ولادهم دمهم غالي اوي عندهم واحنا لأ
فاكر حضرتك لما في العراق الناس مسكوا كام جندي امريكي وقتلوهم ومثلوا بجثثهم ، امريكا كان ردها عامل ازاي بالرغم من انهم يعتبروا جنود احتلال و البلد في حالة حرب
يبقي احنا ومافيش عندنا لا حروب ولا دياولوا يحصل كده معانا

مش حاجه تفقع المراره


نورتني ياجدو وياريت ترجع تكتب تاني

خمسة فضفضة يقول...

السلام عليكم ورحمة الله وبركاته

المراكبي

آسفه جدا ، المرهالجايه ان شاء الله

:-)
-------------
آفاق الحرية

لا وانت الصادق يقتلونا

-----------

سمراء
3 من 75 مليون ، تفتكري النسبة تبقي كام ؟؟؟
فعلا مش مهم

-----------

حنه

تقريبا واقفين في طوابير العيش ومش عارفين يخرجوا لحد دلوقتي
:-)

----------
البنت الشلبيه

ورا الشمس اتملي من زمااااااااااااااااااان
تفتكري هايودوا الباقي فين ؟؟؟

-------------

شاب نفسه يحقق حلمه

مين قال انها مش هاتعمل
بالعكس ، دي هاتقدم اعتذار لامريكا عن الازعاج اللي سببناهولها

--------------

غير معرف
عندك حق محتاجين نرجع لربنا علشان يرحمنا ويرفع عننا البلاء اللي بقينا فيه

نورتني

------------

jana

ايوة فعلا بسيطه دا واحد بس اللي مات ونحمد ربنا ان الاتنين التانيين اتصابوا بس



منورني جميعا

خمسة فضفضة يقول...

السلام عليكم ورحمة الله وبركاته

موناليزا

حقنا ؟؟ هو احنا بقي لينا حق بعد ما حكامنا ضيعوه ؟؟؟

حسبنا الله ونعم الوكيل

-------------

زحل الفلكي

بس احنا نعرف ناخده ازاي واوعدك عمرنا ماهانفرط فيه ابدا

-----------

الفاتح الجعفري

عند حق ، المومضوع ده تحس ان عليه تعتيم رهيب ، وهوه خبر مقتضب في آخر النشرات وخلاص
او حتي خبر مكتوب في الشريط اللي بيلف تحت وبس

حسبنا الله ونعم الوكيل

---------

يوسف المصري

والله كل شويه اروح عندك مالاقيش مواضيع جديده ، انت اللي غايب بقالك فتره

-----------

مؤمن محمود
بس تفتكر مش هايرمولنا العضم ويستخسروا فينا اللحم ؟؟؟أشك

---------------

مجداوية

وعليكم السلام ورحمة الله وبركاته

علشان كده لو تلاحظي من يوميها ماعدش حد بيثور عشان حقه
ماهو بيقولوا اضرب المربوط يخاف السايب


منورني جميعا

المـــفـــــــقــــــــوعـــــة مــرارتـهــا يقول...

لا بجد مين اللي كتب كدة ... بلغيني
احسن كدة فيه واحدة من صاحباتي بتدون ومش عاوزة تقووول
انا حاولت ادور عند خيخة عن الكلام ده مالقيتش
اسمها ايه المدونة دي اللي صاحبتها صاحبتي
الدنيا صغيرة ياجدعان

كلبوزة لكن سمباتيك يقول...

اللي حصل ان القارب الوحش بتاع الصيادين قرب من السفينة الغلبانة بتاعة الامريكان و قعد يحدفهم بالطوب و يقولهم: يسقط بوش يسقط موسوليني
فهم بمنتهى الطيبة قاللهم: امشي ياض منك له حنرش مية
لكن قارب الصيادين الاشقياء مسمعش الكلام و بدأ يبلطج في الكلام و يقولوا للامريكان: لو فيكوا راجل يضرب نار
و الامريكان مؤدبين مبيردوش
بس الولد الصياد اللي لعب في عداد عمره قالهم :انا لا يهمني رصاص و لا بارود و كفائة اغرقلكم السفينة بنفخة
فراح عمو الطيب قال: لاااااه الولد ده زودها
و راح ضارب بالنار
قام اية
الواد الصياد الشرير مات

اية بقى حتحسبوه علينا راجل
......
دي كانت الرواية الامريكي للاحداث و انتوا عارفين الراجل بتاعنا قلبه كبير و اكيد قالهم
اللي فات مات



في اعتراض؟



تحياتي

أحمد سلامــة يقول...

والله يا دكتوره الموضوع ده بيخلي الواحد دمه يفور كل ما تيجي سيرته
حاجة اخر بلطجة
حكومتين واحدة بلطجية والتانية حرامية
يا ساتر يا رب
اللهم لا اعتراض

عايش... ولكن !!!! يقول...

مساء الفل
هههههه
ال سفينه ال
وال مقتولين ال
وال هيعملوا ايه ال
هيعملوا ايه يعنى
هيندبوا ويشجبوا وكان الله بالسر عليم
حسبى الله ونعم الوكيل
تحياتى
علاء

بنت القمر يقول...

طيب سيادته ماقلناش يقصد ايه باللي مش هايتكرر مره تانيه هل إطلاق السفينة الأمريكية النار على قوارب الصيد المصرية، أم اقتراب القوارب من السفن الأمريكية؟؟؟؟؟
*********************
كل واحد بفهم براحته
الصارم الحاسم كتب تحليل حلواوي اشاد فيه بتصرف الامريكان
تلاقي لينكه عندي اقريه في اخر بوست
ليه تحياتي

مطرح ما ترسى....دقلها يقول...

يااااااااااااااه من زمان ما دخلتش على البلوجات
حتى البلوج بتاعى

وبالمناسبة السعيدة اللى انتى بتتكلمى عنها دلوقتى دى
انا كتبت بوست عن السياسة المصرية واللى بيحصل فينا دلوقتى

بس عارفة بقى ايه اللى مش هيتكرر تانى وهو قصده عليه؟؟
ان الخبر ده يتنشر تانى
بعد كدة الناس هتموت سكيتى

تحياتى

غير معرف يقول...

حسبنا الله ونعم الوكيل
من اللى مخلينا تحت منزلين كرامتنا قدام العالم كله

غير معرف يقول...

لأ يا دكتورة مالكيش حق بصراحة يعني =هو تقريبا الشعب المصري كله مالوش حق دلوقتي قدام أميركا بس أهو يعني= يعني بصراحة ربنا و حسب ما بتقول جرايدنا المبجلة إن السفينة الأمريكية المجني عليها قامت بتحذير القارب مرات عديدة و الأميركان يا عيني جم على نفسهم و قالوا ممكن نتغاضى شوية عن التهديد الكبير الذي يمثله القارب بهدف إنهم يحذروه و كمان أطلقوا نداءات تحذيرية-كان إحداها باللغة العربية، تصوري تعبوا قد ايه-و لكن القارب للأسف الذي يحتوي على المتفجرات الخطيرة التي تهدد الأمن القومي لأميركا كلها من نيويورك حتى كاليفورنيالم يستجب للتحذيرات المسالمة التي أطلقها الأميركان فاضطروا الأميركان يقتلوهم يا حرام

يا أخي بجد البلد دي عايزة هيئة نظافة للمسئولين

احمد الجيزاوى يقول...

بصراحه انا متشائم على الاخر
عندى شعور انه هيضم الحادث دة لحوادث هتك كرامه المصرين التى اصبحه بلا قيمه
احمد الجيزاوى

Unknown يقول...

إحنا اللى غلطانين.. ايه اللى جاب الصيادين السوفاج دول جنب المركب العملاقة بنت الناس دى.. اكيد الحقد الطبقى.. ربنا يصبر أهلهم وياخد اللى فى بالى

محمود المصرى يقول...

بسم الله الرحمن الرحيم

الى عاجبنى بصراحة فى بوست حضرتك انه يهتم بموقف مصر اكثر من موقف امريكا , لأن موقف امريكا لا يعنينا فى شىء , فالحكومة الامريكية تهتم بمصالحها الخاصة , ومش مهم اللى يحصل لأى شعب تانى , وبالتالى الحكومة المصرية هى التى يجب ان تساءل عن موقفها , اما موصوع حلفاء مصر فحلفاء مصر دلوقتى هما امريكا واسرائيل , ممكن يقوموا قومة رجل واحد بيعملوها كتيير , لكن تفتكرى حضرتك هاتكون قومتهم ضد امريكا ؟

غير معرف يقول...

هو حتما سيادته يقصد اقتراب
القوارب من السفينه الامريكيه
ازاي احنا نتجراء ونزعج الساده الامريكان
ننعكنن عليه ليه بس
انا بقول نبقي نفضيلهم القناه
عشان يتهنوا براحتهم
انا هقولك زي مافرنسا قالت
احنا حصلنا الشرف ان الامريكان
ضحوا برصاصتين
رصاصين بحالهم
امريكا تضحي برصاتين
حسب الله ونعم الوكيل

mostafa rayan يقول...

هناك شيءواحد يمكن ان يقال في مثل هذه الحالة ياعزيزتي ( حسبنا الله ونعم الوكيل )

القرآن الكريم