2008-10-26

أضغاث أحلام


بالامس حلمت حلم غريب للغاية ، حلمت ان ادارة الصيدله ستجعل تكليف الصيادله الجدد في المناطق النائيه جدا مثل الواحات والوادي الجديد وسيوه ومناطق اخري في قلب الصحراء لم يسمع عنها بشر ، ليست بها اية امكانات فقط وحده صحيه

رايتني اقبل هذا التكليف وانا في قمة السعاده
( المفروض اني قمت بألغاء التكليف منذ حوالي عشر سنوات) واقرر ان اذهب الي واحه اسمها غريب ( نسيته بعد ان استيقظت ) عندما استفسرت من الموظف المسئول عنها قال انها ربما تقع بجوار واحة الخارجه في اقصي الجنوب ، ولكن عما قليل اتضح انها بجوار الاسكندرية ( ذُكر العنوان ولاكني لا اذكر الا الاسكندرية )

الغريب اني في الحلم كنت قد فتحت صيدليتي الخاصه ( المفروض اني فتحتها بعد سنتين من تخرجي ) و قررت ان اتركها لمن يديرها حتي اقبل التكليف وانتقل الي هناك انا وزوجي الذي لم يقتنع كليا بالامر خوفا علي الصيدليه ولكني اقنعته ولو حتي مجرد سنة كتجربه


لم نكن غير 5 او 6 صيادله ارادو قبول التكليف في هذه المناطق ، والمفروض ان لكل منا عهدته الخاصه من الادويه ولكنهم قرروا ان يعطوني ايضا عهدة الاجهزه والمعدات الطبيه بالوحده وبالطبع لم اقبل ذلك وحدثت مشاده مع الموظف المختص الذي تراجع اخيرا

في الحلم كنت سعيده ولم يكن يقلقني الا انني عندما اذهب الي هناك سأجد مشاكل في توفير المياه التي اتناولها بشراهه خصوصا في الصيف ( ممكن اشرب 6 او 7 لتر في اليوم ) ، اما الكهرباء فلم اهتم انها ممكن ان لا تتوفر باستمرار بل كنت اتمني ان تنقطع للأبد

كنت سعيده اني سابتعد تماما عن المدينه بتلوثها وضوضائها وهمومها واذهب الي هناك ، الي واحه في قلب الصحراء حيث الصفاء والهدوء والطبيعه الخلابه والناس مازالت علي الفطره

لا اعرف علي وجه الدقه ما الذي دفع بعقلي الباطن لانتاج مثل هذا الحلم ،

اهي رغبتي الدفينه بامتلاك مزرعه بعيده عن العمران في مكان ما لا تصل إليه أية مظاهر للتكنولوجيا ، وفيها اكتفاء ذاتي من كل شئ حتي الكهرباء تنتجها طواحين هواء والمياه تاتي من بئر جوفي عميق ، بها كل انواع الحيوانات والزروع

استيقظ فيها بعد الفجر وانام بعد العشاء ، لا تليفيزيون ولا انترنت ولا اية اخبار مزعجة عن ازمة اقتصاديه عالميه او توريث الحكم او سرقه ونهب وفساد في كل مكان ، لا يعنيني من العالم الا هذه القطعه من الارض التي اعيش عليها انا واسرتي ، لا يهمني الا ان يكون الله سبحانه وتعالي راضٍ عني

ام حلقة الامس من الطبعه الاولي لاحمد المسلماني والتي تحدث فيها عن نية الحكومه في بيع الاف الافدنه في توشكي وسيناء لمستثمرين عرب واجانب ، وتسائل لما لا يتم تمليكها لشباب يستصلحها ويعيش فيها فتُحل ازمة البطاله ونحمي الارض من اية اطماع

لا اعرف ...!؟؟؟

بعد ان استيقظت من نومي كنت في غاية النشوة وسعيده بهذا الحلم واردت له ان يتحقق ......فقلت اشرككم معايا




37 comments:

مهندس مصري يقول...

حلم غريب
بس حلو
:)
المفروض الاراضي تتوزع على شباب الفلاحين اللي مش لاقيين حاجة يعملوها في قراهم
خصوصاً المتسربين من التعليم منهم و اللي معندهمش ارض
لإن محدش بيزرع الارض زي الفلاح
و مفيش حد من افندية المدن و الكليات حيروح يزرع الا اقلية من خريجي كليات الزراعة

انا شفت بنفسي الفلاح بيبقى واخد الارض صحراء في النوبارية و في خلال 5 سنين بالكتير او اقل كمان بيخليها جنة خضراء

إنما الحكومة مهتمة بكم العمولة المدفوعة من تحت الترابيزة

مصــــري يقول...

دكتورة فضفضة

حلم رائع.
تذكرت كلمة لأحد الأئمة وهو يقول
"ياليتني راعي في البادية".

لكن هنا خـُلقنا وطـُلب منا تعمير الأرض.
احلم بهذا الحلم مراراً.
ولكني اشتاق الي القاهرة التي أريدها.
دوري ضعيف
ولكني أحاول.

تحياتي
أسامة

جمعاوى روش طحن يقول...

حلم جاامد

ربنا يرزقك بالمزرعه البعيدة دى

و تفتحى الدور الأرضى صيديلة برده


(::

صاحب المضيفة يقول...

حلم رقيق وطيب

الواحد ساعات من كتر الضوضاء والهم بيحلم انه يعمل كده فعلا


لكن بيرجع في الاخر يقول مش نافع ان الواحد يستغنى عن حاجات كتير بيعملها دلوقتي

وهاتفضل برضو احلامنا لا تنقطع

تحياتي

محمد ابراهيم يقول...

حلم غريب يا فضفضة
بس مش ملاحظة انهم عاوزين يسوحوا الشباب بعيد أوي ؟

A.SAMIR يقول...

يتحقق؟؟؟؟؟؟!!!!!!!
ياريت
ماكانش ينعز
اومال اراضي الدولة تتباع ازاي ببلاش وترجع تتباع لنا بالملايين؟؟؟؟؟
احنا مالنا بلدهم وهم حرين فيها وفينا كمان
ماحنا والارض بتوعهم
تحياتي

Ma 3lina يقول...

تقريبا ده حلمنا جميعا ما عدا الجزء بتاع التكليف و الصيدلية

المهنة الله رحمها خلاص خلينا فى المزرعة احسن

محمد عبد الغفار يقول...

أضغاث احلام رسمى بس كفايه انها صحتك سعيده

اما حكايه الأرض اللى تتوزع دى فدى بقى كوابيس واللى يعد ينادى بده فكالذى ينادى بالحق ليريد به الباطل ، مينفعش بك المقاييس بس فى المقابل لازم يكون فى اشتراطات على المستثمرين تحقق مكاسب للبلد

~*§¦§ Appy §¦§*~ يقول...

ربنا يجعلك الخير اللى فيه ويحققه لكى ولو فيه حاجه وحشه ربنا يبعدها عنك

الطائر الحزين يقول...

ربنا يجعل لك الخير حيث كان
========

كنت بفكر انهم يعملوا سلاح فى الجيش اسمه زراعة الارض

إنـســـانـة يقول...

اجمل حاجة انى كل ما اجى ازورك الاقى تامليت جديد

:D

هو فعلا حلم غريب اوى .. بس ممكن .. الواحد بيشوف حاجات غريبة فعلا .. وساعات اصحى ابقى نفسى اكمل نوم وماصحاش من الحلم ده

احلمى يا فضفضة .. وخدينا معاكى فى حلمك

:)

تحياتى وخالص حبى وتقديرى

FREE EGYPT يقول...

هل تريد من تعرف من وراء اسقاط الطائرة المصرية فوق المحيط؟
هل تريد ان تعرف الجهة وراء محاولة اغتيال حسنى مبارك؟ هل تريد ان تعرف من وراء مقتل سعاد حسنى و أشرف مروان؟ هل تريد معرفة القصة الحقيقية وراء مقتل ضابطة المخابرات الأمريكية فى أحد فنادق القاهرة؟ اذا أردت معرفة كل الأسرار والملابسات الخاصة بكل القضايا السابقة وغيرها من الملفات السرية فتابعنا اسبوعيا لتكتشف كنز من المعلومات الصادمة والغير متاحة الا فى ملفات اجهزة المخابرات

سري للغاية
http://toptop-secret.blogspot.com

Sherif يقول...

كما قلتى ..

الذهاب بعيدا مريح أحيانا ..
بعيدا عن الدوشة والزحام .. وكل ما يقلق .. هذه أمنيتك .. والحقيقة انه ياريت كمان ناخد معانا بيتنا وصيدليتنا وكل اللى بنحبهم بس ..ونعيش هناك .. وهذا هو المطلب الصعب ..

غير اننى اشعر دائما ان اهل المدن اخدوا على الدوشة الى حد .. فهى تعنى ان هناك حياة بالنسبة لهم ..

فينامون على بعض .. ولااقول كثير من الكلاكسات .. والمحلات السهرانة لوش الفجر وهكذا

اما اذا كانت هناك مزرعة .. فانا معك قلبا وقالبا .. مع الاعتذار للمدينة .. خير بلدنا أحلى

ـ-ـ- أحمد عبد العدل-ـ-ـ يقول...

سلام عليكم
بشاركك حلمك يادكتورة فى حياة بعيدة عن كل مظاهر التلوث المرئى والمسموع والمفهوم
ربنا يوفقك يارب
تحياتــى

(أم البنين) يقول...

ربنا يبارك لك في أحلامك يا أختي
حلم طيب

Ahmed Mubarak يقول...

حلم اظن يعبر عن الطيبه

بس حلم بيقكرني اننا ساكنين على 6 في الميه من مساحة مصر .. المفروض نستغل الباقي

تحياتي

نهر الحب يقول...

رغم ان الحلم فى ظاهره بسيط
الا انه عكس ذلك تماما
لكنه حلم راود الكثيرين وانا منهم ان اعيش بعيد عن الضوضاء وعن التفكير فى كل شئ ومحاولة اصلاح الكون الفاسد
ومحاولة العيش فى بيئة نقية شفافة
حلم جميل ان استطعتى تحقيقة فلا تترددى
تحياتى لك

DR.HAMAS يقول...

مفيش احسن من ان الواحد يعيش قريب من البلد اللى نشأ فيها

الغربة سيئة جدا

إلا أنها تعلم الصبر

لكن أنا لو قدامى اختيار

أختار انى أظل فى بلدى

حتى لو كنت هخسر ماديا

مفيش أحسن من الحياة فى المكان اللى عشنا فيه طول عمرنا




د.حماس

كـــيــــــــارا يقول...

حلم حلو اوي

خاصه البعد عن العمران


لو فيه الخير ليكي

ان شاء الله يتحقق :)

mostafa rayan يقول...

حلم جميل والله
ربنا يحققلك احلامك

عاشــــــ النقاب ـقــــة"نونو" يقول...

السلام عليكماعتقد دة تاثير الطبعة الاولى
نوم العوافي وربنا يحقق لك احلامك
تحياتي

elsha3er يقول...

خير اللهم اجعله خير ان شاء الله كل حاجة حلوة انتى عايزاها تتحقق


احمد الشاعر

عمرو يقول...

حلم جميل راودنا كلنا و حاولنا تحقيقه و لو عن طريق الحرمان لسنوات طويلة حتى تمكنا من شراء قطعة أرض صحراوية صغيرة و بدأنا عليها تحقيق الحلم الذى نوينا أن نورثه لأولادنا و أحفادنا و لكن سارقو الأحلام لم يتركونا فى حالنا
http://habashtkanat.blogspot.com/2008/10/2008.html

رينـــــــــــا يقول...

مش عارفه انا حسيت ان الحلم دا نتيجه لضغوط انتى بتتعرضيلها وزحمه ونفسك تريحى من كل دا وتكونى فى اخر الدنيا لوحدك

ودا مكنش هيتحقق الا بسفرك اللى كان من زمان دا فالدنيا ربطت ببعضها

بالنسبه للاراضى هما الشباب حضرتك مش هيدوا للدوله فلوس زى ما هيدفع العرب والاجانب

ba7re يقول...

تجربة اى شئ او مكان جديد
بيبقى حلم حلو اوى


اما بالنسبة لنية الحكومة
في بيع الاف الافدنه في توشكي وسيناء لمستثمرين عرب واجانب ، وتسائل لما لا يتم تمليكها لشباب يستصلحها ويعيش فيها فتُحل ازمة البطاله ونحمي الارض من اية اطماع

و لا دى هتحصل و لا المستثمؤين هيشتروا ألا اذا كانوا بنظام اسماعيل ياسين و العتبة الخضرا

قلب مصرى يقول...

انا اشجعك على شرا المزرعة بس يارب مايعملوش معاكى زى ما عملوا مع الشباب اللى راح استصلح ارض فى طريق مصر اسكندرية والحكومة سحبتها منهم تانى بسب مدحت رمضان

اقصوصه يقول...

بصراحه حلم غريب

فريد من نوعه

بس حلو اكيد

انا بعد احب للطبيعه

وللارياف..وللحياه البسيطه

البعيده عن التعقيد

اسجل مروري من هنا

تحياتي:)

SemSem يقول...

اول زيارة لى فى المدونة

الحلم جميل اوى وياريت الناس كلها يبقى عندها حلم التعمير والاستصلاح

تحياتى
اتمنى زيارتكم جميعا لمدونة حواديت الجديده

واحدة مفروسة يقول...

خير اللهم اجعله خير يارب
اللهم حقق احلامنا اللى فيها الخير لينا يارب
اصل مش كل الاحلام الحلوة ممكن تكون حلوة علينا

ابقى اتغطي يا بنوتة كويس
الجو برد

يلام

حسين نور الدين الحموي يقول...

الريف جميل جداً
بالنسبة لي و لكثيرين أعرفهم ممن قضينا عمراً حتى الآن في المدينة و زحمتها نجد اشتياقاً كبيراً للريف و هدوءه .
ما زلت استذكر فترة قضيتها في التعليم في الريف و كتبت عنها مشتاقاً و أنا اقيم في قلب الحضارة الأوروبية .

حسين نور الدين الحموي يقول...

الريف جميل جداً
بالنسبة لي و لكثيرين أعرفهم ممن قضينا عمراً حتى الآن في المدينة و زحمتها نجد اشتياقاً كبيراً للريف و هدوءه .
ما زلت استذكر فترة قضيتها في التعليم في الريف و كتبت عنها مشتاقاً و أنا اقيم في قلب الحضارة الأوروبية .

mohamed ghalia يقول...

ياريت متحلميش الأحلام دى تانى ههههههههه
أصلهم إحتمال يعرضوها هيا كمان للبيع ويخصخصوها
أو ممكن يببيعوا الأحلام زى الأرض كده للمستثمرين
تحياتى
دمتى بود

smraa alnil يقول...

اممممم حلم غريب جدا

بس دة ان دل يدل علي رغبتك الدفينة في ايه بجد مش عارفة

عامة ربنا يحققلك كل احلامك يارب


بس ابقي اتغطي كويس الدنيا بقت برد بليل اوي

وحشتيني اوي يا دكتورة

كرم مسلم يقول...

السلام عليكم

بعيدا عن الحلم عجبانى جداااا شكل المدونة بتاعت حضرتك


أما عن الحلم

نوم العوافى

أنسى ولكن كيف أنسى ما أراه يوميا فى عيون الشباب من بطالة وزهق يكاد يصل الى يأس

أنا إنسان يقول...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

شــــمـس الديـن يقول...

علي فكرة حلمك اتحقق جزء منه الي حد ما

انت عارفة الي حصل في مهزلة التكليف السنة اللي فاتت ؟؟؟

تم توزيع الناس علي التكليف بالمجموع و اللي جاب امتياز بس دخل القاهرة و لكن بداية من جيد جدا فيما تحت راح الاقاليم و كانت مهزلة ان ناس رايحين الواحات بجد مش تهريج و دا خلي كل الناس تلغيه

اما عن امتلاك ارض فمنصحكيش لسة قارية عن ناس مش عارفة اقول ابطال ولا مجانين باعوا اللي وراهم و اللي قدامهم و استصلحوا ارض و في النهاية الحكومة المصونة سرقتها منهم
http://habashtkanat.blogspot.com/2008/10/2008.html

مش عارفة ليه مش قادرة اشاركك روعة الحلم , يمكن لاني صدمت من طبيعة عمل الصيادلة و كرهت اليوم اللي دخلت فيه الكلية ؟؟؟ و لا يمكن علشان مبقاش عندي اي حماس اني اعمل اي حاجة امصر

بطوط حبوب يقول...

هو شكل الحلم حلو
انا غايب بقالى فتره ووحشتنى الصفحه اوى وكويس انى جيت فى حلم حلو

خير ان شاء الله ودامك سكه سفر :)

القرآن الكريم