TvQuran

٢٠٠٧-٠٣-٢٤

اضراب المسنين



لفت نظري خبر منشور علي الصفحه الاولي من جريدة الاهرام يقول :

إضراب المسنين‏!

عدوي الإضراب عن الطعام والتعبير عن الشعور بالغضب‏,‏
انتقلت إلي بيوت المسنين‏..‏ هذا ما نقله سيد إبراهيم مندوب الأهرام في الإسماعيلية‏,‏
بعدما قرر ثلاثة من نزلاء دار المسنين هناك الإضراب احتجاجا علي سوء الإدارة‏,
بسبب ما وصفوه بأنه تفرقة في المعاملة‏,‏ وارتفاع رسوم الإقامة‏,‏ علاوة علي فساد الإدارة‏.‏

وتحت شعار فلتكن نهاية حياتنا بكرامة بدأ أمين عبدالمنعم‏75‏ سنة إضرابه عن الطعام‏,‏
تعبيرا عن شعوره بالإحباط والقهر من سوء المعاملة بالدار التي يعيش فيها‏,
ثم انضم إليه كل من عطية إبراهيم‏77‏ سنة‏,‏ وعاطف أحمد‏73‏ سنة‏,إلي أن أقنعهم محمد عبدالله مدير عام التضامن الاجتماعي بالإسماعيلية بالعدول عن الإضراب‏,‏ وأعادهم إلي الدار‏,‏
بعد أن كان قد تم نقلهم إلي المستشفي الجامعي لتأثر حالتهم الصحية بسبب التوقف عن تناول الطعام‏.‏
مطالب المسنين لم تتجاوز الكلمة الطيبة‏,‏ والكف عن الصراخ في وجوههم‏,‏
وتوفير ثلاجة حتي يتمكنوا من حفظ الأنسولين بداخلها

---------انتهي الخبر -------



‏لم يلفت نظري انه لم يعد احد في هذا البلد يحصل علي حقه الا بالاضراب عن الطعام واظهار الغضب واحداث الكثير من الضجه حتي يصل صوته الي الكبير ويتثني له الحصول علي ماهو في الاصل ومن المفروض ان يكون حق من حقوقه
حتي وان كان هذا الحق لا يتجاوز الحصول علي المعامله الكريمه والتوقف عن الاهانات و ثلاجه لحفظ الانسولين ليس اكثر

ولم يلفت نظري ايضا انهم قد تركوا هؤلاء المسنين في اضراب عن الطعام حتي استدعت حالتهم الدخول الي المستشفي

ولا حتي شعار الاضراب " فلتكن نهاية حياتنا بكرامة"

ولكن مالفت نظري هو ظاهرة دور المسنين ...هذه الظاهره الجديده نوعا ما علي مجتمعاتنا الاسلامية والتي من المفروض ان يكون اهم ما يميزها هو ذلك القدر الكبير من الترابط بين أفرادها والذي أراه تلاشي يوم بعد يوم

يقول الله تعالى: «وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريما واخفض لهما جناح الذل من الرحمة وقل رب ارحمهما كما ربياني صغيرا»

لا اعرف كيف يمكن لابن واو ابنه ان يلقي بابيه او امه هكذا بكل سهوله في دار للمسنين ولا يزوره الا نادرا، كيف ينسي فضلهم عليه......؟؟؟؟؟؟
فقط مبلغ كل فتره للدار التي القي فيه ابوه او امه ..وبهذا يعتقد انه قد ابرأ زمته وارضي ضميره ......؟؟؟؟؟

انسي عقاب الله ......ام انه يتناساه ....بالرغم من ان جريمة عقوق الوالدين هي الوحيده التي يعجل بعقابها في الدنيا فكما تفعل بوالديك سيفعل بك ابناؤك .....ايرضي احدنا ان يلقيه احد ابناؤه وحيدا في دار المسنين .......؟؟؟؟؟

كم اتمني ان يتذكر كل من فعل هذه الفعله حديث المصطفي صلي الله عليه وسلم :

عن أبى هريرة ـ رضي الله عنه ـ أن رسول الله ـ صلى الله عليه وسلم ـ قال: رغم أنفه ثم رغم انفه ثم رغم أنفه، قيل من يا رسول الله؟ قال: من أدرك والديه عند الكبر أو أحدهما ثم لم يدخل الجنة»».






6 comments:

mohand يقول...

السلام عليكم
مش عارف اقول ايه بس كنت عايز اذكرك بالقصة المشهوره اللي والدي قالهالي زمان الابن اللي كان بياكل ابوه في طبق خشب ولما انو سالو ليه يا بابا قالو علشان احنا قرفانين منو وهو بياكل بطريقه مش كويسه قالو طيب يا بابا حافظ علي الطبق ده قالو ليه يا ابني قالو علشان لما تكبر ابقي ااكلك فيه
يمهل ولا يهمل
اشكرك للاضافتك واسمحيلي هعمل رابط لمدونتك في مدونتي
السلام عليكم

خمسة فضفضة يقول...

وعليكم السلام ورحمة الله وبركاته

اهلا يا استاذ مهند منور ، ولا انا ايضا اعرف بماذا اصف من يلقي اباه او امه في درو المسنين ، الله تعالي لا تضيع عنده الحقوق ،وهو فعلا يمهل ولا يهمل

شرف لي ان تضيفني في مدونتك

ياتري رايك ايه في الشكل الجديد للمدونه ....؟؟اعتقد اني ساستقر عليه ان شاء الله

الراقـــص مع الذئـــــاب يقول...

السلام عليكم

واللي لفت نظري ان الدار ديه بتاعت اسماعيلية
وانا من اسماعيلية
وبعدي كتير من جنب الدار وبشوفهم قاعدين في البلكونات....بجد بتضايق اوي من كلمة دار مسنين
خلاص...معدوش ينفعوا يعيشوا في بيوت
نجمعهم مع بعضهم ونحطهم في دار

لا حول ولا قوة الا بالله العلي العظيم
كنت في درس علم لحد المشايخ وسأله احد الجالسين سؤال
قاله انا مسافر خرج الوطن واهلي محتاجين حد جنبهم
بس سفري دا بناء علي رغبتهم هما...هما اللي عاوزيني اسافر
اعمل ايه....اخالف أمرهم وأقعد معاهم...والا اسافر واسيبهم
الشيخ رد عليه رد جميل اوي
قاله هما عاوزينك تسافر عشانك انت مش عشان نفسهم
يعني هما اصرارهم علي سفرك لمجرد انهم عاوزين يعملوا اي حاجة تخليك سعيد وفرحان وخلاص...حتي لو كان علي حساب تعبهم..لكن هما من جواهم نفسهم انك تكون جنبهم
هما عملوا اللي عليهم وبروا بيك
انت بقي مش عاوز تعمل اللي عليك وتبر بيهم وتقعد معاهم وهما محتاجينلك...
متسفرش واقعد معاهم.....

نصيحة ادمعت اعيننا

اللهم أغفر لوالدي واعني علي خدمتهم واجعلني تحت اقدامهم
اللهم اغفر لانا تقصيرنا في حق ابوينا

جزاكي الله خيرا علي فتح الموضوع دا

mohand يقول...

السلام عليكم
شكلها جميل يا دكتوره وبناتي كمان

الاخ الراقص
مش بس في الاسماعيليه في كل مكان داخل الجمهورية ربنا يسترها معانا يا رب ويكفينا شر العجز والمرض
هههههههههه حسستكم اني بشحت صح
اخوكم الباحث عن الحقيقة
مهند المصري


ملحوظه عايز اشوف تعليقاتك يا فضفضه

خمسة فضفضة يقول...

وعليكم السلام ورحمة الله وبركاته

شكرا علي التعليق ياباشمهندس

في رايي لو كل واحد عمل بتعاليم الاسلام وطبقها صح مش هايبقي فيه حاجه اسمها دار المسنين ولا ها يبقي فيه اصلا اي مشكله في الدنيا

اما بقي اليومين دول كله بيجري ورا الفلوس وازاي يكسب اكتر من غير ما يفكر في اي حاجه تانيه حتي ابوه وامه اللي كبروه ووصلوه للي هو فيه ....حسبي الله ونعم الوكيل علي الابناء من النوعيه دي ربنا ينتقم منهم
ما فيش حاجه تخلي الدموع تنزل من عيني الا واحده كبيره في السن او واحد بيشتكي من ابنه بجد بحس ان علي الدنيا السلام
الناس دول لو كان ربنا حرمهم من الاول من نعمة الاب او الام كانوا هايعرفوا ايه قيمتهم ...ماهو الانسان كده مايعرفش قيمة الحاجه الا لما يتحرم منها ...يلا منهم لله

اللهم استجب دعائك و شكرا لحضرتك

خمسة فضفضة يقول...

وعليكم السلام ورحمة الله وبركاته

اهلا استاذ مهند
شكرا علي زوقك ، الحمد لله خلاص يبقي ها استقر علي كده

ان شاء الله تشفوا تعليقاتي ما تقلقش

القرآن الكريم