TvQuran

٢٠٠٧-٠٥-٠٥

من اجل مدونات نظيفة ...4

السلام عليكم ورحمة الله وبركاته

بناء علي اقتراح من استاذ عصفور المدينة في موضوع آلية التشرد في المدونات
واللي قام الاخ علاء سيف بالتعليق فيه واقترح انشاء محرك بحثي محصور custom search engine
على قائمة مواقع محددة علي جوجل ،
قمت بانشاء محرك البحث هذا ( موجود في اعلي الصفحه )
وقد اضفت فيه عدد كبير من المدونات النظيفه وليس كلها وجاري اضافة البقية تباعا
بكتابة كلمة مدونة نظيفة في صندوق البحث يظهر لكم المدونات التي تم اضافتها

وده الرابط بتاعه للي يحب الوصول اليه دون الدخول هنا

مدونة نظيفة

الرجاء مرجعة موضوع آلية التشرد في المدونات للتعرف علي كيفية انشاء حساب علي البلوج لاين يتضمن كل المدونات التي تريدون متابعتها ، كذلك جميع المواقع التي تستخدم خدمة ال
RSS



شكرا عصفور المدينة و شكرا علاء سيف


---------------------------------

تحديث :

ده الكود الخاص بصندوق بحث المدونات النظيفة الموجود في اعلي المدونة لمن يريد اضافته عنده






تم اضافة 77 مدونة الي محرك البحث ، من يريد اضافة مدونته او يري ان هناك مدونه لم يتم اضافتها واكيد طبعا هايبقي لسه في كتييير اوي مدونات منضافتش للمحرك ياريت يحط كومنت فيه اللينك الخاص بالمدونه وسيتم اضافتها فورا ان شاء الله


وشكرا علي حسن تعاونكم معنا
------------------------------

ودي الصفحه الرئيسية لحرك بحث "مدونة نظيفة "

مدونة نظيفة


لو اي حد يحب يشارك في اضافة مدونات للمحرك فقط يضغط علي

Volunteer to contribute

الموجوده تحت صورة البروفيل ويقوم باضافتها وان شاء الله سيتم اضافتها للمحرك في اقرب وقت

للحجم الطبيعي اضغط علي الصوره
----------------------------------


تحديث 3



الرجاء يا جماعه اللي عاوز يشارك في اضافة المدونات النظيفه لمحرك البحث

مايسجلش باسم مجهول
Anonymous
ممكن لو تسمحوا تسجلوا باسماء مدوناتكم ، لاني طبعا مش ممكن اضيف حد انا مش عارفها

شكرا ليكم وآسفة اني باتعبكم معايا



40 comments:

محمد عبد الغفار يقول...

الشكر لكم جميعاَ

عصفور المدينة يقول...

جهد مبارك قمتي به في وقت قليل
ما شاء الله بارك الله في جهدك
وأرى أن هذه الطرق أفضل من استخدام برنامج قاريء مدونات
حيث الدخول من المتصفح أسهل ويمكن التشارك في المواقع

غير معرف يقول...

عن نفسي لا استخدم الفاظ خارجة ولكني لا أحب أن يتم الحجر على من يستخدمها فهو رغم كل شيء حرية تعبير (ولو كانت قلة أدب في وجهة نظرنا) ويمكننا بكل بساطة أن لا نقرأ..
المهم تعليقي هنا ليس لقول هذا ولكن لقول أن اضافة المدونات النظيفة (وهي كثيرة حقاً ) سيكون مجهوداً كبيراً على شخص واحد فقط , لما لا يتم التعاون بين كل الافراد في محرك بحث مخصص واحد ويتم توزيعه ووضعه في المدونات التي تساند هذه الفكرة؟

عصفور المدينة يقول...

فكرة الأستاذ علاء سيف هي ما اقترحه أ محمد النقيب أن يتم عمل
BLOGLINES
واحدة مثلا ويكون شخص مسئول عنها ويتم إضافة المدونات إليها

AHMED SAMIR يقول...

فكرة هايلة
ربنا يوفقكم

خمسة فضفضة يقول...

السلام عليكم ورحمة الله وبركاته

العفو يا استاذ محمد
الشكر لجميع المتحمسين للحمله
وحضرتك اولهم


تحياتي

خمسة فضفضة يقول...

السلام عليكم ورحمة الله وبركاته

استاذ عصفور المدينة
العفو يا استاذ للفضل لله ثم لحضرتك

بس مش عارفه ازاي يبقي فيه اكتر من واحد ممكن انهم يضيفوا المدونات لمحرك البحث
انا لحد دلوقتي حطيت 76 مدونة
بس اكيد في ناس تانية كتير ممكن ما كونش عرفاهم او تاهوا عن بالي او حتي ناس حابه انها تنضم لينا

هل ممكن يكون فيه اكتر من واحد ممكن يضيف مدونات ولا لازم صاحب الحساب بس ...؟؟؟؟؟؟

ياريت لو حضرتك تعرف تقولي الطريقه وشكرا

mohand يقول...

السلام عليكم
انا مفهمتش حاجه بس بارك الله فيكم

خمسة فضفضة يقول...

السلام عليكم ورحمة الله وبركاته

اهلا بحضرتك يا استاذ محمد
والله احنا ناقشنا الموضوع ده بالتفصيل الممل في السابق
احنا مش بنقول لحد فيهم بطل ولا عاوزينوا يبطل هما احرار انهم يلوثوا مدوناتهم بما شائوا من البذائات
بس احنا كمان احرار اننا نقول لا احنا ضد البذائات دي
لا مش عاوزين نسمع ولا نشوف تاني
ومش هانتابعها
انت لو فيه مجله او جرنال مش نظيف او بلغة الصحافه اصفر ها تعبر عن رايك فيه انه مش عاجبك بانك مش هاتشتريه
احنا كمان بنعبر عن راينا في الشتائم اننا مش عاوزين نسمعها تاني ولا هانتابعها بحملتنا دي علشان كل الناس تعرف ان فيه ناس مش عاجبها الوضع
بس كده

ولمزيد من التوضيح والمناقشات الحامية جدا ممكن حضرتك تتابع تعليقات ال 3 اجزاء اللي قبل كده
http://5fadfada.blogspot.com/2007/04/blog-post_20.html

http://5fadfada.blogspot.com/2007/04/2.html

http://5fadfada.blogspot.com/2007/04/3.html


----------------------------

موضوع بقي محرك البحث
زي ما قلت في ردي علي استاذ عصفور مش عارفه ازاي يبقي فيه اكتر من واحد مسؤول عن اضافة المدونات...؟؟؟
لو حضرتك تعرف يا ريت تقولنا

خمسة فضفضة يقول...

السلام عليكمورحمة الله وبركاته

دكتور سمير

شكرا علي ذوق حضرتك

وربنا يوفقك


تحياتي

خمسة فضفضة يقول...

السلام عليكم ورحمة الله وبركاته

مهند
اهلا بيك
دعتلي ولا لأ....ههههه

ما فهمتش ايه بالظبط..؟؟؟
هل طريقة عمل حساب علي البوج لاين ولا ايه مش عارفه
بالنسبة للبلوج لاين اقرا الموضوع بتاع استاذ عصفور وامشي مع الخطوات
بالنسبة لمحرك البحت المحصور في المدونات النظيفة فده مكش عاوز حاجه
يا اما تاخد اللينك وتخليه عندك في المفضله وتبقي تتابع من خلاله
يا اما تيجي هنا وتعمل سيرش في صندوق البحث عن اي مدونة نظيفه انت عاوزها

وعموما انا ها حط الكود بتاع صندوق البحث للي عاوز يستخدمه وممكن انت تاخده وتحطه في مدونتك بس كده خلاص

واي خدمه



نحياتي

غير معرف يقول...

بخصوص رأيك عن موضوع المدونات النظيفة فده رأيي من الأول واللي هتلاقيني كاتبه في مدونتي بخط بولد أول حاجه في السايد بار ..
بخصوص محرك البحث , ممكن تعملي اكونت جوجل مشترك بينك وبين اللي هتختاريه يساعدك ويتابع معاكي اضافة المدونات وبكده يقدر أكتر من شخص انه يتابع ..
اما صورة الكود بتاع محرك البحث فدي غير عملية ,محدش هينقل الكود ده بايده وخصوصاً انه هيبقى مليان غلطات .. الحل اننا نعمل مدونة تكون مستقلة وتكون مجمع المدونات النظيفة ومنها يقدر أي حد انه يدخل ويتابع الباقيين , زي مدونة علاء ومنال ما كانت , وطبعاً محرك البحث جوجل يا ريت الكود يبقى مش صورة يبقى مكتوب عشان نقدر ننقله ..

شكراً ليكي

عصفور المدينة يقول...

فيه عند حضرتك في الكونترول بانل بتاعة السرش إنجن
Collaboration

invite others to contribute
send invite

عصفور المدينة يقول...

كما يوجد خاصية أخرى

control panel
basics
preferences
Anyone may volunteer to contribute to this search engine.


you must enable this option and volunteers can offer to contribute under your revision

Dr.khaled يقول...

جزاكم الله خيرا

وفقكم الله

وجعلها الله في ميزان حسناتك

رينـــــــــــا يقول...

ماشاء الله
بدأ المجهود يأتى بثماره :D:D:D:D

Ma 3lina يقول...

ماشاء الله فكرة حلوة اوى

خمسة فضفضة يقول...

السلام عليكم ورحمة الله وبركاته

استاذ محمد النقيب

طيب كويس اوي ان الآراء واحده

بالنسبة للكود رفعته في textpad
وان شاء الله ها حط اللينك للتحميل متهيالي كده يبقي اسهل

اما اقتراح عمل مدونة تشمل المدونات النظيفه ، كان مهند ( الباحث عن الحقيقة )اقترح عليّ حاجه زي كده بحيث ان يبقي ليها كذا واحد يديروها وتتحط فيها لينكات للمدونات دي و يتم تحديثها كل فتره
بس انا ماعنديش اليويمن دول وقت لكده

كمان حاجه لو حضرتك تقصد اننا نخليها مجمع زي العمرانية نت دلوقتي وتظهر عليها الادراجات الجديده في المدونات المشتركه انا للاسف ماعنديش خبره في الموضوع ده وما اعرفش بيتعمل ازاي

تحياتي لك وشكرا اهتمام حضرتك

خمسة فضفضة يقول...

السلام عليكم ورحمة الله وبركاته

استاذ عصفور
ايوه انا كنت مفعّله الاوبشن ده ، بس كان فاضل اني اعمل البروفيل الخاص بيا

بعد ما عملت البروفيل اداني لينك للهوم بيج بتاعي ها حطه ان شاء الله في البوست للي عاوز يبقي volunteer

شكرا لحضرتك

خمسة فضفضة يقول...

السلام عليكم ورحمة الله وبركاته

د/ خالد
جزانا واياكم ان شاء الله

اللهم آمين

تحياتي

خمسة فضفضة يقول...

السلام عليكم ورحمة الله وبركاته

رينا
الحمد لله ده بمجهود الجميع الفكره بدأت فعلا تظهر ويبقي لها كيان حقيقي

نورتيني

خمسة فضفضة يقول...

السلام عليكم ورحمة الله وبركاته

د/ مرام
الحمد لله
واعتقد كده ها يبقي سهل الوصول للمدونات النظيفه

نورتيني

•«ρяoιd»•™ يقول...

جزاكي الله خيراً كثيراً

و جعله في ميزان حسناتك

تحياتي

خمسة فضفضة يقول...

السلام عليكمورحمة الله وبركاته

باشمهندس ايمن
شكرا لحضرتك

جزانا واياكم ان شاء الله

أمــانــى يقول...

الســـلام عليكم
جزاكى الله خيــرا
عارفه يا دكتور من ساعة ما الاستاذ عصفور عمل الموضوع ورجعت عندك لقيتك مكملة الموضوع بس ايه وانا برضو ولا فاهمة اى حاجة وكل ما احاول اجرب يطلع النتيجة صفر
ههههههههههههه
جهل بعيد عنك وقلة تركيز
ربنا يوفقك ياااااااااارب امين

AbdElRaHmaN Ayyash يقول...

ما شاء الله عليكي
الموضوع والمدونة خارقين للعادة
بس ممكن أعرف منك ازاي بتعملي لينك للتصويت في الموضوع
لينك من افحت يعني
وجزاااااكم الله خيرا
بجد مدونتك خطيرة
سلام

Gemyhood يقول...

و مين اللى هايحكم على نظافة المدونة من عدمه ؟؟؟
يعنى هاتعين لجنة بقيادة ابلة نظيفة مثلا ؟


انا واحد من الناس بكتب من البوستات من غير شتايم و بالعكس بكتب لغة عربية مش عامى

بس مدونتى مليانة شتايم فى التعليقات

يا ترى من حقى انى امسح تعليقات الناس المحتوية على شتايم ؟؟؟

يعنى واحد اقتطع من وقته جزء علشان يعلق على كلام انت قلته حتى لو هايسبك يترى من الاحترام انه تمسحه ؟؟؟

دى نقطة الخلاف

خمسة فضفضة يقول...

السلام عليكم ورحمة الله وبركاته

اماني
جزانا واياكم ان شاء الله
تقصدي علي ايه ، البلوجلاين ..؟؟
ولا عاوزه تبقي معانا في اضافة المدونات لمحرك البحث
بالنسبة للبلوجلاين اعملي الخطوات بالظبط ، ادخلي علي اللينك اللي موجود عند استاذ عصفور وبعدين انشئ حساب خاص بيكي عادي خالص زي اي موقع تاني او منتدي

وبعدين هاتطلعلك صفحة جديده مقسومه نصين بالطول ، الجهة الشمال هاتلاقي فوق في اولها
add, edit,options
من ال add
ممكن تضيفي المدونات والمواقع اللي انتي عاوزاها
واللي هايظهرلك اسمها بعد كده تحت العنوان
وممكن بالضغط عليه تتابعي التدوينات والمقالات الجديده اول باول
ده كده شرح سريع

--------
اما بقي علشان تشاركي في اضافة المدونات اضغطي علي اللينك اللي انا محدداه باللون الاحمر تحت الصوره
في صفحة المدونات النظيفة واشتركي وبعدها ان شاء الله ها اضيفك للمشاركين وتقدري تضيفي المدونات

اي حاجه احنا كلنا في الخدمة

شكرا علي اهتمامك

خمسة فضفضة يقول...

السلام عليكم ورحمة الله وبركاته
استاذ عبد الرحمن عياش
اهلا بحضرتك
وشكرا كتير اوي علي ذوقك

بالنسبة لموقع افحت ممكن تروح اللينك ده في مدونة الديب هو شارح كل حاجه بالتفصيل الممل وكمان اقرأ التعليقات هاتلاقي فيها شرح لبعض الحاجات

دعوة للفحت

وده اللينك بتاع موقع افحت
افحت

شكرالحضرتك

نورتني

خمسة فضفضة يقول...

السلام عليكم ورحمة الله وبركاته

جيمي هود

والله الجميع قبل كده اتفق علي تعريف المدونات النظيفه
وممكن حضرتكم تتابع الاجزاء اللي قبل كده وخصوصا التعليقات

بشكل مختصر كده
ان المدونات النظيفه مش بس في الكلمه لا في الهدف والمضمون ، خاليه من الشتائم والسباب والبذائات واي شئ آخر يندرج تحت بند بذائات

اما عن التعليقات
لو الناس لقت من حضرتك عدم ترحيب بالاسلوب البذئ في التعليق اكيد مش هايحاولوا انهم يكتبوا تعليقاتهم بالاسلوب ده
واعتقد ان لو حضرتك اشرت انهم يلتزموا بكدا اكيد ها تلاقي استجابه
اما بقي وانت ساكتلهم فاهيتمادوا فصاحب المدونة يعتبر بسكوته موافق علي الاسلوب ده
مره والتانيه تنبهم لعدم الكتابة بالاسلوب ده اكيد هايبطلوا و اللي مش عاجبه يتفضل يكتب بالاسلوب ده في حته تانيه ولو ما بطلوش اكيد يبقي من حقك انك تحذف التعليقات دي ، و اكيد مش هايكون عليك حرج وانت نبهتهم قبل كده

ده رايي واللي طبعا واكيد هااعمله عندي هنا لو لقيت حد خرج عن حدود الادب في الكلام
ماهو مش معقول تبقي تدويناتي نظيفه والتعليقات عليها غير كده

شكرا لحضرتك
واعتقد ان الخلاف لا يفسد للود قضية

نورتني

خمسة فضفضة يقول...

استاذ جيمي هود
نسيت اقول لحضرتك كمان ان اضافة المدونات النظيفة لمحرك البحث مش مقصور عليا ولا علي واحد او اتنين ، انا فتحه باب الاشتراك لاي حد عاوز يشارك معانا
والمدونات اللي هاتضاف لابد ان يكون ليها نفس المواصفات السابق ذكرها

شكرا

Gemyhood يقول...

من ملاحظتى للناس المشتركة معاكى

لقيت ان المعظم من مستخدمى الانترنت اصحاب ثقافة المنتديات

حيث الحجر و الشروط

المدونة مساحة شخصية جدا مفيش جهة تقدر تعمل تنظيم

المدونة زى ورقة من النص فى كشكولى الشخصى

اللى يعلق اهلا و سهلا بيه ما علقش فى ستين داهيه انا مش بكتب عشانه

و اللى يفتكر انه بيكتب للجماهير يبقى اكبر فاشل و معقد و اخرق

و عليه مفيش تنظيم و لا جهة و لا تجمع يجمع مدونيين و اى واحد يقبل انه يدخل فى حاجة زى دى اساسا عايز تعديل فى فكره و اتجاهاته


قد يكون هذا اخر تعليقاتى على الموضوع فوفرى على نفسك عناء الرد

خمسة فضفضة يقول...

السلام عليكم ورحمة الله وبركاته

الاخ جيمي هود

والله كل واحد حرل في فكره وفي وجهة نظره ،
واي واحد بيبقي فرحان جدا لو قدر انه يقنع اللي قدامه بوجهة نظره او حتي يقتنع هو انه مش صح ويقدر اللي قدامه انه يقنعه بوجهة نظره

اما لو محصلش لا ده ولاده ، فخلاص يبقي كل واحد حر
و اختلاف الآراء لا يفسد للود قضية

شكرا لحضرتك لمجرد اهتمامك بالموضوع ومتابعته لفتره من الزمن حتي لو كانت قصيره


تحياتي

ضــى القمــر يقول...

فكرة مهمه جداا ورائعه جدا جدا جدا

ممكن تضيف مدوناتى لو تكرمت ..

http://www.mamlakty.com

http://horoofy.blogspot.com

وكلى شكر لكم .. ولتعبكم هنا

الحبيب يقول...

الفكرة اكثر من رائعة ارجو اضافة مدوناتى التالية

http://hdotamasria.maktoobblog.com/

http://elhapep.blogspot.com/

Ahmed Kamal يقول...

جزاك الله خيرا على الفكرة الهايلة دي و على التنفيذ الجميل :)

أرجو إضافة رحايا العمر ، و أنا مستعد للمساعدة ..

Unknown يقول...

http://www.facebook.com/group.php?gid=54479780491

ده جروب على الفيس بوك اسمه
لا للشتائم الخارجه خصوصا شتائم الأبوين
ارجو الدعم وجزاكم الله خيرا

مهندس مصري بيحب مصر يقول...

انا اول مرة اشوف الموضوع ده
طيب انا مدونتي نظيفة الحمد لله
و عايز اضيفها
:)

. يقول...

مدونة الفلسطيني الحر

http://palfree37.blogspot.com/

soso يقول...

السلام عليكم ممكن اضافة مدونتي ورابطها كالتالي www.soso10.blog2009.com
وشكرا

القرآن الكريم