احيانا يكون الفرد راض بقضاء الله وقدره وسعيد في حياته مع هذا الابتلاء ، او حتي يحاول ان يعتاده ويكون سعيد
ولكن تدخلات الناس بالنقد او التهكم، او حتي بحسن نية علي سبيل المواساه قد تحول الحياة الي جحيم لا يطاق ...
فلماذا لا يحاول كل فرد عدم التدخل في شؤون الآخرين ، ويهتم فقط بشؤونه ...
لا اعرف ...؟؟؟؟؟
ولكن تدخلات الناس بالنقد او التهكم، او حتي بحسن نية علي سبيل المواساه قد تحول الحياة الي جحيم لا يطاق ...
فلماذا لا يحاول كل فرد عدم التدخل في شؤون الآخرين ، ويهتم فقط بشؤونه ...
لا اعرف ...؟؟؟؟؟
74 comments:
المفروض إني ما علقش بناء على العنوان
:)
ولكن ردي في مثل هذه الحالات رد واحد من اثنين
إما
لا أعرف الندم
أو
لا أقبل المناقشة في أمر استخرت فيه
تذكرى أن هناك من حولك أناس يحبوكِ ويريدون الخير لكِ وتعرفيهم وتعرفى سرائرهم فهؤلاء ماوجدوا الا لتخفيف آلامنا وأحزاننا وفى نفس الوقت نصحنا وارشادنا وكما قال سيدنا عمر بن الخطاب "رحم الله امرء أهدى الى عيوبى" أما الصنف الثانى فهم مرضى القلوب الحاقدين الحاسدين وهم كثر فهؤلاء لا نلقى لهم بال أبدا فلا نقبل منهم نصح كما يدعون ولا نسمع لهم صوت..فقلوبهم المريضه تحركهم ...وكما قيل فان الصديق المخلص هو من أبكانى وبكى على أما العدو فهو من أضحكنى وأضحك الناس على...وهنا دورنا نحن فى التمييز بين المخلص من العدو وعدم الانجراف خلف عواطفنا....وهذه أمنيه أن يصاحب الانسان المخلصين المحبين له والساعين لاسعاده ولا أجد هذا الا فى الحب فى الله
السلام عليكى ياختى ماقصى الابتلاء علينا اذا كنا وحدنا فنحن محتاجين لمن يقف بجوارنا فلا تحزنى لذلك
لو كل واحد فضل فى حاله ومحاولش انه يخفف عنك
صدقينى انتى اول حد هتتعبى وتحسى انك مكتئبه
انا معاكى ان احيانا الواحد بيحتاج انه ميسمعش حد ولو على سبيل المواساه
بس استحمليهم علشان يستحملوكى وقت شده :)
كلام جميل بس ياترى
كلام عام
ولا سببه موقفشخصي خنقك
؟؟؟
التعليقات الشامتة او المتهكمة هي المؤذية طبعا و تكشف عن نفوس اصحابها و مكنون صدورهم اتجاهنا ومن حاول المواساة أذاه اقل لأنه يقصد خيرا و يريد بنا خيرا و لكن حساسية قلوبنا متألمة لسبب المواساة..الفضول البشري لا حدود له و عدم تدخل البشر في شؤون الغير موقعه بين بين العنقاء و الخل الوفي
الغريب في الموضوع إن الناس للي بتدخل في كل كبيرة وصغيرة من تفاصيل حياتنا
بيبقوا عادة ناس حياتهم فيها كمية مشاكل كبيرة جدا
يا ريت فعلا يهتموا بحل مشاكلهم الخاصة قبل ما يفرضوا نفسهم علينا
نحن بطبعنا شعوب اجتماعية جماعية عاطفية
وقد نتكلم كثيرا ونتدخل فى ما لايعنينا
مرة من باب الواجب
ومرة من باب التعاطف
ومرة من باب الفضول
واخري من باب المودة والخوف على الطرف الاخر
وذكاء هذا الطرف المتدخل يكمن فى تمييزه للوقت الصحيح الذي يحتاج فعلا لتدخله او لعدم تدخله
ففى هذه الحاله نعتبر تدخله امرا مطلوبا ونحتاجه
او نعتبره امرا مكروها ولزوجة زائدة عن الحد
فلا يجب ان نعيب على الناس حرصها علينا وايضا يجب عليهم ان يعوا متى نحتاجهم
ارجو ان اكون قد اوصلت المعلومة
دمتم جميعا بخير
السلام عليكم
حديث رسول الله
مثل المؤمنين في تودهم وتراحمهم كمثل الجسد الواحد اذا اشتكي منه عضوا تداعي له سائر الجسد بالسهر والحمي
فيما معناه طبعا علشان اي خطأ محدش يمسكه عليا
اتمني اني اكون اجبتك
لو محدش وقف جانبك وتدخل
مش هيكون اخوكي او اختك او بعض منك وانتي بعض منه
انا طبعا مش فاهم الحوار علي ايه من الاساس
بس اهوه بقي محاوله للفهم والمشاركة
اخوكي
مهند المصري
بكره سؤال مالك في ايه ؟
مفيش
لأ مالك
مفيش
لأ شكلك متضايق
تروحي مزعقه
فيزعلوا
السلام عليكم
فهمت من تسالك الاخير أنه على الناس الاهتمام بشؤنهم وعدم التدخل فى شؤن الاخرين وهذا غير طبيعى ولكن كلامى لا يعنى تدخل الناس فى كل الاحوال فهناك أوقات وهناك مواقف يحب الانسان أن يخلو بنفسه ويفكر معها دون تدخل من الأخر ختى ولو كان هذا الأخر هو أحب الناس ألى قلوبنا
ولكن علينا أيضا نحن يامن نريد أن نخلو بأنفسنا فى وقت معين وجاء أحد ليتكلم معى علينا أن نحسن الظن به وأنه ما جاء ألينا ألا لأنه يحب الخير لنا
ربنا يوفقق أختنا الفاضلة
السلام عليكم
بعد تعليقى
لى طلب وحيد
ياريت تقدرى تساعدينى فى طلبى هذاوهو
عايز ايميل أى شخص يكون فاهم كويس فى أمور المدونات لأنى مش فاهم شوية حاجات وعايز أى شخص يشرحها لى
أميلى هو
the_moslem_way@yahoo.com
وجزاكى الله خيرا أختنا الفاضلة
هنا فيه حالتين واضحين في كلامك
الأولى من يتدخل بحسن نية .. وده من الصعب إننا نلومه لأنه بيعتبر إن النصيحة واجبة عليه
والتاني اللي بينتقد لمجرد النقد وكمان بيتهكم
وفي الحالتين أحب أفكرك بحكاية جحا وإبنه وحمارة .. الناس ماكانش عاجبها إنهم يمشوا جنب الحمار .. أو إنهم يركبوا الحمار هما الإتنين .. أو إن أي واحد فيهم يركب والتاني يمشي .. وفي الآخر جحا وإبنه إختاروا إنهم يشيلوا الحمار
كل واحد من النقاد كان ليه وحهة نظر بناء على ظروفه هو .. مش بناء على ظروفك إنتي .. فنصيحتي ليكي: إوعي تشيلي الحمار .. إعملي الصح اللي مناسب ليكي
السلام عليكم ورحمة الله وبركاته
استاذ عصفور
لا طبعا حضرتك تنور في اي وقت
البيت بيتك ...اقصد المدونة مدونتك
صحيح كلامك ، بس فيه ناس بتحب تتحشر في اللي مالهاش فيه
حتي لو كان ده بيضايق غيرهم بس هو حب الفضول والتطفل
تحياتي
السلام عليكم ورحمة الله وبركاته
عدو الظلمه
احيانا يكون الواحد مجروح وجرحه غائر وما صدق انه بدأ يخف او حتي ينساه
الناس دول بقي اللي اقصدهم حتي لو كانوا بيتكلموا علي سبيل المواساه
ممكن يكونوا بيساعدوا علي فتح الجرح من تاني او بيضغطوا عليه بكل شده من غير ما يعرفوا
وفي غيرهم بيكونوا قاصدين كده
نورتني
السلام عليكم ورحمة الله وبركاته
مدونة الدفاع
احيانا نحتاج ان نبقي بمفردنا نختلي باحزاننا و نبتعد قليل عن الناس
ولكن يوجدج كثيثرين لا يتفهمون الوضع
تحياتي
السلام عليكم ورحمة الله وبركاته
رينا
ايوه يقفوا جنبك يوم اتنين يواسوكي و يخففوا عنك
مش 10 او 15 سنة
مثلا واحد عنده شلل اطفال او ست ليها ابن معاق ، او واحد فقد احد اعضاءه
مش معقوله يعني الناس يعدوا يواسوه طول عمره ..؟؟؟؟؟
اكيد دي حاجه تجيب اكتئاب
تحياتي
السلام عليكم ورحمة الله وبركاته
د/ شادي
والله هم ينفع يبقي كلام عام وينفع برضوا يبقي بسبب موقف شخصي
شكرا لحضرتك
تحياتي لك
السلام عليكم ورحمة الله وبركاته
نقطة مية
ومن الفضول ما قتل
تحياتي
السلام عليكم ورحمة الله وبركاته
طعمه
ايوه صح ، هما لو بصوا لنفسهم ممكن يلاقوا مليون حاجه مش صح
بس هي دي طبيعة النفس البشريه ..الفضووووووووووول القاتل
تحياتي
السلام عليكم ورحمة الله وبركاته
استاذ اسامة سامي
وهو المطلوب اثباته
للاسف كتير اوي من الناس ان ماكانش كلهم مش بيعرفوا يختاروا التوقيت الصح
تحياتي
السلام عليكم ورحمة الله وبركاته
اهلا بيك يا مهند اخبارك ايه
شوف هاقله حاجه عارف المثل اللي بيقول
جه يكحلها عماها
هما دول بقي اللي انا اقصدهم
وصلت ..؟؟؟
تحياتي
السلام عليكم ورحمة الله وبركاته
كوكو
مالك فيه ايه ،وغيره وغيره ....وكوووووووووووووول الاسئله التطفليه من النوع ده
بكرههاااااااااااااااااااااااا
تحياتي
السلام عليكم ورحمة الله وبركاته
كرم المسلم
اهلا بحضرتك
وهو ده فعلا اللي انا اقصده
---------------------------
بالنسبة لموضوع المدونات ده للاسف انا والله ماعنديش الخبره الكافيه فيه
بس كنت دخلت كام مدونة للتعليم وقريت اللي فيها كده وخلاص
ممكن تشوف الروابط دي
http://ta3leem-khaled.blogspot.com/
http://bmadvice.blogspot.com/
http://www.tadwen.com/help/
ودي مدونة باللغة الانجليزيه بتعلم كتير اوي في تحسين شكل المدونات واضافة الكثير من الاشياء اليها بصراحه استفدت منها جدا
http://tips-for-new-bloggers.blogspot.com/
كمان ده منتدي البلوج العربي ، مفيد جدا
http://blogs4arab.com/Forums/index.php
يارب تلاقي اللي حضرتك عاوزه في اي رابط من دول
تحياتي
السلام عليكم ورحمة الله وبركاته
باشمهندس احمد
في ناس صحيح بتتدخل بحسن نيه او للمواساه بس للاسف مش بيختاروا الوقت الصح ابدا ابدا
اما بقي الناس بتوع النقد دول فاماتعدش والحمد لله الواحد بيحاول ان يتجاهلهم
ويعمل اللي هوه شايفه صح
تحياتي لك وشكرا علي النصيحه
السلام عليكم ورحمة الله وبركاته
Té la mà Maria
اهلا بحضرتك
وآسفه اني مش فاهمه من حضرتك حاجه حتي رحت المدونه بتاعك وبرضو مش فاهمه حاجه حتي بعد الترجمة الي الانجليزيه لان مش كل الكلام اترجم
عموما اهلا بيك وخلاص
تحياتي
هههههههههههههههه
حلوة قوي حضرتك دي
اجمل حاجة في التدوين انه بيبقى خطاب عقول بعيدا عن الالقاب
وبرده باحترام
وكمان انا يعني زميل في كلية صيدلة
وفي سنة تانية بعد اعدادي كمان
يعني انت ممكن تكوني قدي او اكبر مني
وكمان
والاهم
اني مش بحب حد يقولي حضرتك
السلام عليكم ورحمة الله وبركاته
اوك يا شادي ولا تزعل
طالما حضرتك مزعلاك يبقي نمشيها شادي وبس
ومن غير دكتور كمان ...ههههههههه
انا دفعة 98
تحياني
اشمعنى دى اللى هنلتزم فيها بتعاليم الرسول صلى الله عليه وسلم
بجملت
السلام عليكم ورحمة الله
:)
ازيك
انا معاكي تماما
بس سعات الواحد بيبقى هو الي بيدور على حد يفضفض معاه
على اسمك كدة خمسة فضفضة
تحياتي
I offer to my friend Esmeralda
MOTHER OF THE WORLD
Egypt , gather your children
Even the most unwelcome
And show them the facts
All of them are dear then
But for the most fearsome
It will undo their evil acts
عندما أقرأ هذا النوع من المواضيع تقفذ الي ذهني بعض السئلة
زي
أكيد حد قال تعليق مش تمام
أكيد حد انتقد طريقتها او اعترض علي أفكارها
:)
وأدخل في اللي ماليش فيه
يلا ماعلينا
هو ده حال الدنيا
و كان فيه مثل بتقوله ميمو
اللي مختفية بقالها فترة
من تدخل فيما لا يعنيه نال مالايرضيه
عموماً اختي في الله فضفضة
عادة ما يضع النسان السياج الذي يريده حول نفسه حتي لا يعبر الأخرين مناطقه المحظورة
أو ينشر أسلحته الفتاكة حتي لا يقترب أحد منه
أو يفتح ابوابه للجميع ويصبح قلبه كالوسادة لكل من يمر عليه
يتحمل ويصبر ويملك القوة والأرادة ليرد
السلام عليكم ورحمة الله وبركاته
استاذ محمد عبد الغفار
صدقني لو الناس حاولت تلتزم بتعاليم ديننا وتتبع هدي رسولنا الكريم صلي الله عليه وسلم
الدنياهايبقي ليها شكل تاني خالص
تحياتي
david santos
welcome ;but i can't understand your point of view
what do you want to say...????
who is the most unwelcome....???? you ...???!!!!!!!
for me you 'r welcome here any time
thanks
السلام عليكم ورحمة الله وبركاته
باشمهندس بينو
لا لا الموضوع مش متعلق باي حاجه هنا ، دي حاجه تانيه مالهاش علاقه بالنت خالص
المشكله في بعض الناس انهم مش بيراعوا خصوصية اللي قدامهم ،وحتي لو عمل قدامه ميت سور وسور مافيش فايده
اما بقي لما بيفتح قلبه ليهم علي البحري بيتمادوا اكتر لدرجة انك مش ممكن تقدر توقفهم ، وبتوصل منهم لحالة الزهق والقرف ، وبتبقي مش عاوز حد يبقاله دعوه بيك ولا يدخل في شؤونك الخاصة اكتر من كده
شكرا لحضرتك
السلام عليكم ورحمة الله وبركاته
الفنان احمد عبد العزيز
معلش اعذرني ماخدتش بالي من تعليقك
صحيح الواحد ساعات بيدور علي حد يفضفض معاه
بس برضو ساعات تانيه مش بيبقي طايق حد يتكلم معاه خصوصا بقي لو الكلام في موضوع معين زاد عن حده اوي لدرجة التطفل والفضول اللي يقتل
شكرا
تحياتي لحضرتك
أول بصمة في هذه المدونة الرائعة
تحياتي لكي ولها
كلماتك القليلات هذه تغني عن الاف منها
فقط عندما يحدث معي هذا أتمتم قول العظيم سبحانه
وأعرض عن الجاهلين
وأنظر بعدها نظرة إلى السماء
وأبتسم ..
... فقط
تحياتي
... مزاجات
أنا مررتلك تاج
:)
علشان الناس حشرية جدا ومورهاش غير النميمة و الكلاام
معلش ربنا معاكى يباركلك ان شاء الله ويخفف عنك
لأننا ببساطه شعب شرقي
شرقي جدا لو تفهمي قصدي
التدخل في شؤون البعض نوع من التابو المقدس
وكله يندرج تحت قائمة السابع جار وصديقك من صادقك والمصريين اهمه حيوية وعزم وهمة
ساعات الانسان بيضطر يكون اجوف ورعون في تصرفاته مع الناس منعا للتدخلات المستقبلية دي من انها تحصل
بس تعرفي لازم نهون على بعض مينفعش نسيب بعض من غير مواساه
بالذات في الشدائد
ربنا يعافينا كلنا
تحياتي
طيب طيب خلاص
أنا ماشي أهه
سايبك براحتك
سلام
جيتى على الجرح يابنتى
بس هو لازم كده كل الناس بتتحشر زى اللقمه فى الزور وكأن رأيهم السديد حق مقدس مش هانعرف نعيش من غيره
ربنا يهدى الجميع
الأخت الفاضلة
السلام عليكم ورحمة الله وبركاته
خير الكلام ماقل ودل
رغم قلة كلمات تدوينتك إلا أنها حملت فكرة عميقة وتساؤل بناء
أختى : الإيمان بالقدر من شروط صحة الإيمان.. ونحمد الله على قدره
أما التدخل فإذا كان بالكلمة الطيبة
التى تساعد وتعاون فهذا هو المطلوب
أما إذا كانت تدخلات تفسد وتؤلم فهذا تطفل وللأسف هناك أناس هوايتهم التدخل فى شؤون الغير بأسلوب مستفز
وهؤلاء لله الحمد قلة
والإنسان فى الحياة يحتاج من يقف بجانبه ويدغمه وياخذ بيده
وماأحوجنا إلى هذا الصنف من البشر
مع تقديرى واحترامى
أخوك
محمد
Madeleine, a girl of 4 years was abducted in the Village of the Light, the Algarve, in Portugal, goes all to place fhoto of it in ours blogues has of finding
السلام عليكم ورحمة الله وبركاته
اهلا بيك مزاجات وياريت ماتكونش آخر زيارة
بعمل زيك ، بس في ناس بيزودوها شويتين تلاته لحد ما يخنقوا الواحد
يلا الحمد لله
تحياتي
السلام عليكم ورحمة الله وبركاته
شكرا يا شادي
بس ليه كده ما الطيب احسن
ان شاء الله اجاوب لك عليه قريب
تحياتي
السلام عليكم ورحمة الله وبركاته
د/ مرام
الناس حشريه بس، دول حشريين بطريقه تطهق
ربنا يسمع منك يارب
تحياتي
السلام عليكم ورحمة الله وبركاته
هو شعب شرقي بعقل ، دا شعب شرقي حتي النخاع
و فيه ناس مابتنفعش معاها اي حاجه ، مجرد حب التطفل علي غيرهم باسم الصداقه او المشاركه الوجدانيه او المواساه ...وغيرها من المسميات اللي بيخبوا وراها رغبتهم في اشباع فضولهم وخلاص مهما كان احساس اللي قدامهم
السلام عليكم ورحمة الله وبركاته
سمباتيك
ايوه والله انا ماباقولش مانهونش علي بعض
بس اللي بيزيد عن حده بينقلب لضده
ربنا يعافينا اجمعين
تحياتي
السلام عليكم ورحمة الله وبركاته
محمد فوزي
ماتخليك هنا البلد دي احسن من غيرها ..ههههه
السلام عليكم ورحمة الله وبركاته
وينكي
اللهم آمين
يارب اهدي كل الناس وانا اولهم
تحياتي
و عليكم السلام ورحمة الله وبركاته
استاذ محمد الجرايحي
الحمد لله اللهم ادم علينا نعمة الايمان بالقضاء و القدر
واجعلنا ممن يصبرون علي البلاء ويحتسبون الاجر عندك
شكرا
تحياتي
david santos
I hope to be found as soon as possible
she is a very beautiful girl, Lord reassures her Parents soon
والله حبيبتي معك حق وجد بضم صوتي لصوتك وبحكي معك سيبونا بحالنا وكل واحد يهتل هم حالو وبس بلييييييييييييز
بس يريت يسمعو
وتحياتي الك وجد فعلا زهقنا من التدخلات بحياتنا الشخصية ولو بحجة الحب والخوف
السلام عليكم ورحمة الله وبركاته
حنون
اهلا بيك منوراني
ياريت يسمعوا يا حنان .... ياريت
تحياتي
موضوع رائع
لأن الرضتء بالقضاء هو اعلى مراتب الايمان وذورة السلام النفسي
لكن من حولنا قد يفسدون علينا هذا السلام النفسي الذي نعيشه
تحياتي اختاة
السلام عليكم ورحمة الله
عصفور المدينة معاه حق جدا
المفروض لا نقبل المناقشة
في أمر أستخرنا فيه المولى عز وجل
وتقدري تمنعي التطفل ده بعدم الاهتمام بأرئهم
ممكن لو الأشخاص دي تهمك وبتحترميهم ولهم تأثير في حياتك ذي والدك والدتك لكن أنتي مؤمنة بقضاء الله إسمعيهم كويس وإهتمي وحاولي تقنعيهم بوجهة نظرك
أما لو كانوا مش بيهموكي كتير أسمعي بردوه لكل وجهة نظر ليها احترامها لكن لا تهتمي بالأراء دي
لكن مش هتقدري تمنعي الناس انها تبدي أرائها
السلااااااام عليكم
كيف الحال فضفوضتى
والله وحشتووونى جدااااااا
بعدين ياستى ايه اللى مضايقك بس
ماهو ماينفعش تتنفسى حتى من غير ماتلاقى حد بيشاركك الاكسجين
انا بصراحة تقريبا كدا مقاطعه الناس ولا اعرف حد ولا عاوزة اعرف حاجه عن حد
وكله مالوش دعوة بحد
كدا احسن برضو بلا دوشة ووجع دماغ
وربنا يصلحلنا الحال جميعا
ويبعد عنا الناس اللى كل همها فى الحياة انها تدخل فى شئون غيرها
تحياتى ليكى فضفوضتى
لأن دى طبيعه البشر
فضولين
وكل واحد بيحاول يبعد عن همومه بانه يتكلم فى هموم غيره
ويفتى وينم وكأنه بلا هموم
بس لو كل واحد بص لحياته وركز فى مشاكله وسابه من غيره
هيبقى الوضع احسن من كه بكتير
مدونتك بتثبلتى كل ما بدخلها انها تستحق الاحترام والتقدير
تحياتى
زى متكونى بتقولى اللى جوايا
وبس
بجد كفاية
السلام عليكم ورحمة الله وبركاته
صاحب البوابه
وده اللي انا اقصده من ورا الكلام ، ليه الناس مش ممكن تصدق ان فيه حد مبتلي والحمد لله راض بالابتلاء و يعيش في سعاده
ده اللي مش قادره اعرفه
تحياتي
السلام عليكم ورحمة الله وبركاته
شيرمين
للاسف في ناس كتير لذما بيلاقونا ساكتين بيتمادوا ويتدخلوا اكثر واكثر بشكل مؤذي وجارح
تحياتي
السلام عليكم ورحمة الله وبركاته
صرصاره
اهلا اهلا
انت فين يا بنتي من ساعة ما حفلة التخرج و ماعدش حد بيشوفك
ايوه بقي بقيتي من اصحاب الشهادات ومش هانعرف نكلمك بعد كده ..هههههه
يارب يسمع منك ويبعد عننا الفضوليين والمتطفلين اللي ماوراهمش الا العكننه علينا
تحياتي
السلام عليكم ورحمة الله وبركاته
ريمو
عارفه لو كل واحد اهتم بنفسه ونسي شويه التانيين ممكن انه يقدر يحل مشاكله اللي سايبها ومتفرغ للتدخل في شؤون الآخرين
شكرا لذوقك واهلا بيك هنا في كل وقت
نوريني
السلام عليكم ورحمة الله وبركاته
د/ احمد
ايوه اضم صوتي لصوتك
كفاااااااااااااااايه
بس دي كفايه تانيه غير اللي بالي بالك
لا حد يفهمنا غلط ولا حاجه احنا مش ناقصيين ......ههههههه
تحياتي
شوفى بجد انا بحتاج حد يقولى مالك لانى بحس انه حاسس بيا بالعكس لو مش حد سالنى مالك بزعل لانى كدة هاعتبره غير مهتم بيا خالص وخصوصا من الناس اللى مقربين على العموم فيه ناس تحب تكون احزانها بينها وبين نفسها واكيد انتى واحدة منهم
على فكرة مالك بقى فيه حاجه مزعلاكى
قولى بس مش تخبى
الشعور بالتعاطف ومحاولة المشاركة بكلمة او تصرف ليس به ما يعيب بل هو مرغوب ان كان من شخص مقرب الى النفس وصادق الاحساس ومخلص
اماان كان من شخص غريب او لا شأن له بنا اي ان امرنا لا يهمه في شيء وانما مجرد تدخل من جانبه فهو ما يجب ان يرفض بحزم وادب يعني ما تخليش حد يغلطك لان وجود هؤلاء البشر بجوارنا شر لا بد منه ويجب ان نتعلم كيف نتعامل معهم
انا عن نفسي لما باشوف حد مبتلى بمرض مثلا او فقد عزيز او بسقوط في الامتحان "ببلم" او بمعنى اصح ما بلاقيش حاجة اقولها تتناسب مع جلال موقفه وحزنه والمه كل اللي بيحصل اني باسكت خالص او عيني تدمع واجري من قدامه عشان ما يفهمنيش غلط ويفتكر اني مشفقة عليه او شمتانه فيه او حتى بادخل في شئونه وفيه ناس بتزعل من ده وبعتبروه عدم اهتمام بيهم
فبقول لك وبرضه بقول لنفسي لازم نتعلم ازاي نتعامل في كلا الموقفين سواء كنا احنا المبتلين او غيرنا
وبعدين لو انا مبتلى وراضي بقضاء الله وكمان سعيد (يارب اكون كده) مش هيهمني لو كل الدنيا قالت : مالك ، وده حصل ازاي وامتى، معلش، بكرة ربنا يراضيك، بكرة ربنا يخلف عليك، ربنا يعوضك، ولا يهمك يعني اللي عندهم .... مبسوطين، يعني اللي ...... مبسوطين، ماحدش راضي بحاله، لا اللي .... مرتاح ولا اللي.... مرتاح، وغيره وغيره من التعليقات المعتادة
مش هاعمل حاجه غير اني ابتسم واقول الحمدلله ومش هيهمني كل الكلام ده لاني لو حقيقي سعيد و مقتنع ان دي اراده الله وان " ما اصابك لم يكن ليخطئك وما اخطاك لم يكن ليصيبك " ما فيش اي كلمة او نظرة هتهزني او تضايقني
ارتفعي يا بنتي فوق كل الحاجات دي وحطي كل همك وتفكيرك في حياتك وعملك وكل حاجة ايجابيه بتعمليها وتاكدلك انك مش اقل من اي حد عشان ربنا اختارك، الابتلاء ده تكفير ذنوب ورفع درجات في الجنه بس يارب نكون من الصابرين
متاسفة على التطويل
رغم ان الانسان ممكن يكون فى حاله لا تجعله يتقبل اراء الاخرين او تعليقاته
الا اننا بدون استشاره الاخرين والاخذ بارائهم ممكن ان نقع فى الخطأ او نتسرع فى اتخاذ القرارات
الامر متروك لك اما ان تاخذى بهذه الاراء او كأنك لم تسمعيها ولكن تقبليها بصدر رحب
تحياتى لك
السلام عليكم
جزاكى الله خيرا على هذه الروابط
ووفقنا جميعا الى ما يحبه ويرضاه
اللهم آمين
السلام عليكم ورحمة الله وبركاته
رفقة عمر
صحيح الواحد بيحب انه يحس بمشاركة الاخرين ليه وجدانيا ، بس اللي بيزيد عن حده بينقلب لضده ، ومش كل ما يشفوني بق يقعدوا يقولوا ما تزعليش قدر الله وماشاء فعل ، وكلام من ده ن لان ده بيرجع يفتح الجرح تاني بعد ما يكون اتقفل والواحد بدأ يتعود عليه
شكرا علي سؤالك يارفقه والله منوراني
السلام عليكم ورحمة الله وبركاته
لحظه
بحاول فعلا اني اترفع علي الحاجات دي بس ساعات الواحد بيبقي خلاص مش قادر بقي ولو ما اتكلمش هايجراله حاجه
شكرا ليك ونورتيني
السلام عليكم ورحمة الله وبركاته
شيكو
دي مش اراء دي تدخلات زادت عن الحد
اما بالاسئله الفضوليه او حتي بالمواساه اللي زادت عن حدها وبقت زي اللي بيكب البنزين علي النار
شكرا
السلام عليكم ورحمة الله وبركاته
كرم المسلم
العفو انا ما عملتش حاجه
وان شاء الله تنتفع بيهم
تحياتي
إرسال تعليق