2007-05-21

لم يكن الاول ......ولن يكون الأخير


يوم الثلاثاء الماضي كانت اولي جلسات محاكمة مهندس الطاقة النوويه المتهم بالتجسس لصالح اسرائيل ، لما قريت ردود المتهم علي هيئة المحكمة اثناء استجوابه شعرت بشئ ولو بسيط من التعاطف معه ، شعرت انه مجرد ضحيه للبيروقراطيه والروتين واضطهاد الكفاءات ، بالرغم من ذلك اجده ايضا يتحمل جزء من المسؤليه وان كان هناك من يحمل الجزء الاكبر معه ، لا ادافع عنه باي حال من الاحوال ولكني فقط ألتمس له بعض العذر وان كان بسيط

يقول المهندس محمد انه ترك العمل بهيئة الطاقة الذرية وذهب للعمل بالسعودية لاحساسه بالقهر والظلم والاضطهاد وعدم تقدير خبراته العلمية وتخصصه النادر في مجال الهندسة النووية ....!!! وان ما قام به رؤسائه في العمل ولد لديه احساس بالكره والحقد بسبب نظام الشللية ، الذي حرمه من الحصول علي حقه في الترقيات والدورات في الخارج ......!!!!فذهب الي السفارة الاسرائلية كنوع من الاحتجاج ولفت الانظار اليه .!!!! بعد ان فشل في الحصول علي حقوقه كامله سواء في مفاعل انشاص او هيئة الطاقة الذرية ، وبعد ان ارسل العديد من الشكاوي الي رئيس الهيئة ومجلس الوزراء والجهات الرقابية وحتي رئاسة الجمهورية ...ولكن لا حياة لمن تنادي .....!!!!!
وعندما سأله القاضي عن مشاعره تجاه اسرائيل وهل ممكن ان يستغني عن الجنسية المصرية مقابل الاسرائيليه قال :

ان الناس واخده فكره غلط عن اسرائيل وانها دولة عدوة ولكن الحكومة تقيم معها معاهدة سلام وحاليا مافيش حرب بنا وبينهم يبقي ليه نكرهها انا احب اسرائيل لانها دولة علمية من الدرجة الاولي وهي دولة كبيره تتمتع بثقل علمي
واكاديمي علي مستوي العالم وجامعاتها تعتبر من اولي الجامعات الاكثر قدرة علي تخريج اجيال من العلماء فقط اردت الحصول علي الدكتوراه ، ففي اسرائيل سوف احقق طموحي فهم يقدرون الكفاءات ويقفون بجوارها ويمكنني هناك الحصول علي كافة الدراسات والمساعدات في جامعة تل ابيب
ولكني لا افكر في التخلي عن جنسيتي المصريه في مقابل الاسرائيليه لان عندي انتماء لوطني وبعدين انا عاوز اجلس في معمل فقط وليس لي طموح اكثر من الحصول علي المعرفة ...!!!!!
المهندس محمد يقول انه عندما تم وضعه علي جهاز كشف الكذب وسألوه هل تحب مصر ؟؟؟
قال : لا و بالرغم من انه كان كاذبا الا ان الجهاز لم يكتشف ذلك فلقد تذكر عندها واقعة تعرض فيها للضرب علي يد مباحث امن الدولة عندما ذهب للتجنيد ..!!!!

كل الكلام اللي قاله هذا الجاسوس لا اعتبره دليل اثبات ضده بل هو دليل من وجهة نظري يفيد في تخفيف الحكم والقاء آخرين معه داخل القفص
لا اعتقد انه سيكون الجاسوس الاخير ، فكثيرين يمرون بنفس ظروفه بل وأسوأ ، وكثيرون قد تاتيهم لحظات ضعف يبيعون فيها الغالي بالرخيص ، عندها لن يكون جاسوس واحد بل آلاف



57 comments:

حقى اهرتل يقول...

انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق

BinO يقول...

لن يكون الأخير
:)
نتمني أن يكون الأخير أن شاء الله
فليس كل من سدت أمامه الطرق يلجأ للعدو حتي لو كان العدو عنده الحياة
أنها ليست مشكلة هذا المهندس وحده
كلنا نشكو من ذات المشكلة
ولكن أتعلمين شيئاً
إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }الرعد11
وأصحاب المبادئ هم من يعانون دوماً
وأصحاب العقيدة هم من يتعذبون

صاحب البوابــة يقول...

طبعا لن يكون الاخير

كلما قتلوا الانتماء في واحد

برز معه خمسه جواسيس

بالمناسبة

اعتقد انه هناك الآن العديد من الجواسيس في مصرنا

ولا نعرفهم !!!

تحياتي

عدى النهار يقول...

هو ممكن يُبرر تصرفه بكل ما واجهه من إحباطات وأذى لكن مش بالضرورة إن كل ما إدعاه يكون سليم. وإذا كان هو بيعتبر إسرائيل دولة صديقة فهذا فى حد ذاته يُظهر إلى أى مدى ممكن أن يذهب به تفكيره لتحقيق طموحاته ثم لماذا لم يُراسل جامعات إسرائيل إذا كان كل ما أراد هو الدراسة كما إدعى.

خالد وليس بخالد يقول...

سبحان الله
كلامه فيه نوع من الصحة

طب انتوا بتلوموا عليه ليه
وانتوا اصلا عاملين معاهدة صلح مع اليهود؟؟

.:.-=- ELGaZaLy-=-.:. يقول...

هممممممممممممممممممم

مش هايبقى الاخير الى بيخون مش بيخون

مصر هوا بيخون النظام البلد دى بقت وحشة اوى بجد

شادي فايد يقول...

مش حيبقى الاخير
لان انا اللي بعده

:P

عصفور المدينة يقول...

مسألة التبرير بهضم الحقوق ده غير صحيح
أولا لو ما فيش انتماء على الأقل فيه عداء ثابت لليهود

واحد صاحبي
مهندس نووية ويعمل في المجال
وحضر ماجستير في الهندسة الميكانيكا
وبيحضر دكتوراة
أخذ كلية شريعة وطلع الأول خمس سنين رغم إنه ما كانش ازهري
وبيحضر ماجستير في الشريعة
وله أنشطة أخرى في الأزهر
وصاحب دار نشر
وحقه مهضوم

وهو من العلماء الأفذاذ

عصفور المدينة يقول...

وبعدين إيه ده يا دكتورة إحنا حنغش
كل يوم تعملي بوست زيي
وبرضه مش بتردي ع التعليقات زيي
غيرتي عاداتك

عصفور المدينة يقول...

آسف طلع الأول على كلية شريعة 4 سنين
الهندسة غلبت

محمد الجرايحى يقول...

السلام عليكم ورحمة الله وبركاته
الكلام الذى قاله هذا الجاسوس يلخص الواقع الأليم للكثيرين من أبناء مصر
الإحباط والشعور بالدونية والمستقبل المظلم الذى لاتظهر له ملامح
الفقر الجوع عدم التقدير المهانة الشعور بالغربة كلها أحاسيس أصبحت تغلب علينا جميعاً وخاصة على الشباب
ولكن كل هذا ليس مبرراً للخيانة
وخيانة من ..؟؟؟
خيانة الوطن

تقديرى واحترامى لجهدك الرائع ونشاطك المتميز

أخوك
محمد

SoRsaRaa يقول...

السلام عليكم

بسم الله ماشاء الله عليكى يافضفوضتى

مش عارفه اعلق فين واللا فين

عموما اللى بيزرع لازم يجنى الحصاد فى الاخر

بس للاسف حصاد مر لدولة بتزرع فينا كراهيه يوم بعد يوم

تحياتى ليكى

mohandat يقول...

السلام عليكم
زي ما قولتي تبريراته مالهاش اي نوع من الصحه
يعني انا لو ضربوني في القسم
اروح اولع في الناس في الشارع
علي اساس اني متعرض للاضطهاد
هو مضطهد من هيئه الطاقه النوويه
يخون شعب بحاله
--------------------
حاجه كمان
معتقدش ان كلامه صح
اي واحد مجرم وبيخون البلد او وبيعمل البدع هيقولك انا كنت بضرب في القسم
ورسمو علي ظهري صورة حمار
المجرم بيحب يثير عطف الرأي العام معاه
واعتقد انه نجح بدليل انك تعاطفك ده

تحياتي يا دكتوره
مهند المصري

ma_3alina يقول...

السلام عليكم ورحمة الله وبركاته

كيف حالك يا دكتورة .. يارب تكوني في أحسن حال

بالنسبة لموضوع البوست فشايف إن الجواسيس نوعين

نوع عنده عقل زي أخينا ده ... بيبقى عايز مصلحة من ورا خيانته بيكسبه من العدو .. وأكيد بيبرر خيانتها بأسباب منطقية من وجهة نظره ..

ونوع تاني غبي بينفذ اللي عايزه عدونا من غير ما يقبض ولا يستفيد من عدونا شيء .. وكل مكسبه من خيانته هو مص دم أهله وناسه

في رأيي النوع التاني أخطر وأشر وأغبى وأقبح من النوع الأول
وفي رايي إن بلدنا مليانة من النوع التاني وفي مراكز صنع القرار أكتر بكتير من النوع الأول

العجيب إن القانون بيعاقب على النوع الأول ومش بيعاقب ع النوع التاني

shermen يقول...

والله مش عارفه أكون ضده ولا معاه
هو لا شك غلطان في عدم إنتمائه لمصر
لكن مصر خذلته وإسرائيل معروف تاريخها الأسود لكن أنصفته

هو غلطان

وعلى رأيك مش هيكون الأخير

طول مافي ناس بتحبط من عزائم ناس تانية

ربنا يهدي الجميع

Ma-3lina يقول...

والله حتى لو الظروف ايه
برده مش مبرر للحصل و الا مصر كلها هتبقى جواسيس و عملة

مدونة الدفاع يقول...

السلام عليكم فى الاول احب اقولكم ان لدوافع للى الراجل ده عمال يقولها ماهاش اعتبار فى تخفيف العقوبه بس ممكن تدلل على نيته وبعدين هو لم يثبت عليه انه تجسس بعد وانا احساسى الشخصى من خلال قراءة اقوله المعروضه ان الراجل مريض نفسيا وعنده رغبه فى الانتقام وعامل كده زى اللى عاوز ينتحر بس هو ايجابى شويه ولكن مسالة انى التمس له العذر فى حالة انه يمارس التجسس دى هاتفتح الباب لكل مجرم اننا نتعاطف مع دوافعه وظروفه لان كل المجرمين عندهم اعذار وحجج تخلينا نبكى عليهم سنين على حين انهم لا يستحقوا اى عطف او شفقه

كراكيب عادل يقول...

مهما حصل مفيش اعذار نهائي ولو البسيط منها نهائي نهائي


لو كدة البلد كلها معاها عذرها نبقي مجموعة جواسيس

الدفاع عن الوطن والدين ليس لة اعذار

shiko يقول...

للاسف حكومتنا الرشيدة هى صانعة جواسيس فهو ليس الا نتاج فهر كما ذكرتى
الأسرائليين لعبوا على وتر الظلم بداخله وحققوا المراد
المشكله مش فيه المشكله فى علاج الاسباب اللى دفعته لخيانه الوطن
المشكله فى بلدنا اللى بتنفر ولدها من حضنها

خمسة فضفضة يقول...

السلام عليكم ورحمة الله وبركاته


معلش اعذروني يا جماعه بسبب ضيق الوقت مش قادره ارد عليكم واحد واحد
بس ان شاء الله في اقرب فرصه هارد علي كل تعليق لكل واحد باسمه

شكرا علي تجاوبكم وتعليقاتكم

والموضوع مالوش دعوه يا مهند بماتش الاهلي والزمالك ....ههههه

تحياتي

صاحب البوابــة يقول...

اتمنى منك الحضور لمدونتي لأمر هام يجب ان نتناقش فيه

تحياتي أختاة

Tamer Nabil يقول...

انسان بالغ وعاقل يعلم جيدا ما علية وما لية

مهما كان الواقع المظلم الذى وقع فية داخل الوطن والظلم الذى عاش فية من واسطة وكوسة ومحسوبية

لاحق لة ان يتجسس ويعمل لحساب بلد اخر ضد بلدة

نعم لة الحق فى طلب العلم من اى مكان ولكن التجسس لحساب اى جهاز ضد بلدة خيانة

ولايوجد اى مبررات لهذا الموقف الجبان

تحياتى

علاء يقول...

أول زيارة
المدونة راائعة ما شاء الله

و تعليقا على الموضوع
البيروقراطية و الظلم و غيرها ليست أبدا مبررات لخيانة الله و خيانة الأهل و خيانة الوطن
فلا مجال للتعاطف لانه اتخذ طريق الشيطان و باع نفسه ببخس الثمن

هل معنى ذلك ان كل مواطن مش لاقي شغل يتجسس لصالح اسرائيل طبعا ليس منطق أبدا

أعرف ان وجهة نظرك كانت القاء الضوء على حال البلد الذي بمثل هذا الشاب الى هذا الوضع

و لكن مع ذلك ليس مبررا أبدا ان يفعل ما فعل

ان كنا نكره ما يفعله الطغاة فلنحارب لاصلاح بلدنا
لا ان نرحل

مش هنبطل
مش هنسافر
مش هنسيب

مش هنسيب قضيتنا .. مش هنسيب بدلنا
حتى لو قتلونا

جزاكم الهل خيرا على الطرح الشيق و الاسلوب المتميز
الله يباركلك يارب

خمسة فضفضة يقول...

السلام عليكم ورحمة الله وبركاته

حقي اهرتل

صدقني كلنا محتاجين اللي يشد ادينا وينقذنا من الغرق

خمسة فضفضة يقول...

السلام عليكم ورحمة الله وبركاته

باشمهندس بينو
طبعا نتمني ان يكون الاخير ولكن في ظل كل الظروف دي والتعجيز اللي بتعمله البيروقراطيه والروتين اكيد في ناس كتير اوي بيوصلوا لنقطة يأس وبعدها ممكن جدا يقعوا في نفس المستنقع
صحيح كلنا بنشكوا زيه بس مش كلنا ممكن نوصل للحظة اليأس وضعف الايمان دي اللي بعدها بنلقي بنفسنا في النار

عارف حضرتك بشبهها بالظبط بالناس اللي ممكن توصل بيهم قلة الايمان الي الانتحار

والحمد لله ان الواحد عنده ولو قدر بسيط من الامل والايمان اللي بيخليه محافظ علي نفسه وبيحاول انه يغيرها للاحسن ويستحمل كل الضغوط اللي حواليه

تحياتي

خمسة فضفضة يقول...

السلام عليكم ورحمة الله وبركاته

صاحب البوابة

للاسف ممكن ما يكونتش الجاسوس من ينقل الاخبار للعدو ولكنه الشخص اللي بيساعد ان كتير اوي يتحولوا لجواسيس بكل التعجيزات والاضطهاد اللي بيمارسوا ضدهم

واكيد دول موجودين كتير اوي

خمسة فضفضة يقول...

السلام عليكم ورحمة الله وبركاته

عدي النهار

صح ممكن ان مش كل اللي ادعاه صحيح
بس فيه نسبه منه كبيره جدا بتحصل ، مش معني كلامي ان كل اللي يحصل معاهم كده يروحوا يتعاونوا مع اسرائيل
بس اقصد ان بالمعامله دي لكتير من الكفاءات ممكن يتخلق اكتر من جاسوس واحد

وعموما انا مش باعفيه من المسؤليه بس باقول ان فيه ناس تانيين مسؤولين معاه

خمسة فضفضة يقول...

السلام عليكم ورحمة الله وبركاته

د/ خالد
عارف حضرتك النقطه دي بالذات ركز عليها جدا وكررها في كلامه اكثر من مره

سبحان الله

خمسة فضفضة يقول...

السلام عليكم ورحمة الله وبركاته

الغزالي

كلامك صحيح

الى بيخون مش بيخون مصر هوا بيخون النظام

خمسة فضفضة يقول...

السلامعليكم ورحمة الله وبركاته

شادي فايد (من غير دكتور ولا حضرتك علشان بيزعل )

ليه كدا بس
استهدي بالله كده انت وراك امتحانات اقعد ذاكر وشيل الكلام ده من دماغك .ههههه

خمسة فضفضة يقول...

السلام عليكم ورحمةالله وبركاته

باشمهندس عصفور المدينة

ايوه صح في عداء لليهود
بس ساعات اللي يعملوا فيك اقرب الاقربين يخليك مش طايق نفسك ومش عارف تعمل ايه علشان تاخد حقك وممكن توصل للحظه ضعف تبقي عاوز فيها انك تتعاون مع اي حد فقط لمجرد الانتقام
اكيد كتير اوي مننا بتمر عليه لحظات زي كده ما بتتجاوزش مجرد فكره جوه دماغه
هنا بقي تيجي مهمة العدو اللي بيتحين الفرصه ويصتاد الناس اللي زي دول ويحول الفكره من مجرد فكره الي واقع
ووقت لما الضحيه تفوق بيبقي خلاصماعدش ينفع رجوع

-------------------
صاحبك ده اكيد بطل انه مستحمل وماجرالوش حاجه لحد دلوقت
في رايي ان الموضوع برضو بيدخل فيه نسبة الايمان
فكل ماكانت عاليه كان الصبر كبير والعكس صحيح

----------------------
لا ولا كل يوم بوست ولا حاجه اصل الموضوع ده كان بقاله اسبوع حاصل وماكنش ينفع يستني اكتر من كده

خمسة فضفضة يقول...

السلام عليكم ورحمة الله وبركاته

استاذ محمد الجرايحي

للاسف ده اللي حاصل

والحمد لله ان الناس اللي بتمر بنفس الظروف مش بتعمل زيه لان فعلا مش ده مبرر للخيانه

شكرا لحضرتك

تحياتي

خمسة فضفضة يقول...

السلام عليكم ورحمة الله وبركاته

سارة

ايوه اللي بيزرع لازم يحصد

خمسة فضفضة يقول...

السلام عليكم ورحمة الله وبركاته

يمكن كلامه مش صح او يبان مش منطقي
بس صدقني اعدائنا دايما بيحاولوا انهميصطادوا الناس اليأسه اللي زي ده وبعد ما يفوق من الغيبوبه اللي كان فيها يلاقي ان خلاص ماينفعش يرجع

وده اللي المهندس ده عمله لما عرف انه خلاص اتورط حاول انه يخرج من ورطته دي باي شكل وبلغ المخابرات لعل وعسي يعتبروه مش خاين بس كان خلاص

ممكن يا مهند تقرأ تعليقاتي اللي فاتت خصوصا بتاع باشمهندس عصفور

تحياتي

خمسة فضفضة يقول...

السلام عليكم ورحمة الله وبركاته

باشمهندس مااعليناا

النوع التاني ده موجود كتيييييييييييييييير اووووووووووي...ماتعدتش علشان ما تتعبش

وهما دول السبب الغير مباشر في وجود النوع الاول بسبب كل اللي بيعملوه فيه

خمسة فضفضة يقول...

السلام عليكم ورحمة الله وبركاته

شيرمين

طبعا هو غلطان بس اكيد كان وراه اسباب هي اللي خلته يغلط الغلط اللي ما يغفرش ده

ربنا يستر علي باقي الشباب
ويارب يخيب ظني ويكون الاخير

خمسة فضفضة يقول...

السلام عليكم ورحمة الله وبركاته

د/ ماعلينا

للاسف بس فيه ناس ممكن يكون ايمانها ضعيف وتعمل زيه
بس مين يقرا ومين يفهم
لسه كل يوم المضطهدين بالآلاف

ربنا يستر علي البلد دي

خمسة فضفضة يقول...

السلام عليكم ورحمة الله وبركاته

استاذ اسامه

عارف حضرتك انا كمان برضو حسيت انه مريض نفساني بس اكيد في حاجات جامده اوي وصلته لكده
وده اللي بيخليني التمس له العذر ولو لدرجه بسيطه ، لان كان فيه ناس تانيه هي اللي وصلته لكده
وطبعا عارفه ان كل الهرتله اللي قالها دي ما تخففش عنه التهمه
بس اكيد بتوضح الاسباب اللي خلته يعمل كده

خمسة فضفضة يقول...

السلام عليكم ورحمة الله وبركاته

الفنان عادل

عارفه انه مذنب وان مافيش اعذار بس فيه اسباب خلته يعمل كده

وممكن ناس تانيه برضو تعمل زيه لانهم بيمروا بنفس الاسباب ولحظات الضعف اللي ممكن تكون كتير وتولد ميت جاسوس مش واحد

خمسة فضفضة يقول...

السلام عليكم ورحمة الله وبركاته

شيكو

للاسف صح
وياريت بقي يتعظوا ويبطلوا يضطهدوا الكفاءات
اللي اقل حاجه بيعملوها انهم بيسيبوا البلد ويطفشوا

خمسة فضفضة يقول...

السلام عليكم ورحمة الله وبركاته
تامر نبيل

مااعتقدش انه عاقل ، يمكن مرت عليه لحظة جنون او فقدان مؤقت للعقل بسبب كل اللي اتعمل فيه
وطبعا ما يشفعلوش كل ده وهو مذنب 100 %
بس اعتقد انه بالاعترافات دي اطلق صرخة تحذير من ان ممكن الظروف دي واللي بيمر بيها غيره كتير ممكن انها تطلع اكثر من جاسوس

تحياتي

خمسة فضفضة يقول...

السلام عليكم ورحمة الله وبركاته

علاء

مش كل الناس عندها قوة الايمان بالله ولا بقضية وطنهم
وفيهم كتير بيقعوا في لحظات يأس


شكرا علي ذوقك وجزانا الله خيرا واياكم
واتمني ان لا تكون آخر زياره

YHYيــوســف الـمصـرى يقول...

السلام عليكم
ربنا يستر وميكونش فيه غيرو كتير
موضوع الراجل ده فى حاجة غريبة مش مفهومة والموضوع مش داخل دماغى بترتيب ده
وعموما المشكلة مشكلة انتماء ودى مش كلمة والله ده موضوع خطير ومهم
ربنا يسترها علينا وعلى شباب مصر
تحياتى

خمسة فضفضة يقول...

السلام عليكم ورحمة الله وبركاته

يوسف المصري

ربنا يستر علي كل اللي بيمروا بنفس الظروف دي ويساعدهم انهم يتمسكوا بايمانهم بالله و اللي لسه فاضل من حبهم للبلد دي وما يعملوش زيه

mohandat يقول...

السلام عليكم
هو انا جبت سيرت الزمالك ولا الاهلي
ولا علشان سمعتي سبقاني اني اهلاوي صميم
عموما اقرئي تعليقي تاني وردي عليه

يا مراكبي يقول...

أعلم أن هناك قاعدة تقول أنه مهما قهرتنا حكوماتنا فإننا لن نخون بلادنا أبدا ولن نتخذ ذلك مبررا لخيانتها

لكن هناك حدود لتطبيق هذه القاعدة .. فإمتهان الإنسان في وطنه ممكن أن يؤدي به إلى إنتفاء أي شعور بالإنتماء .. وربما ينقلب على هذا الوطن بالإيذاء بدافع الإنتقام

لابد أن نعى أولا .. لماذا حدث ذلك قبل أن نستنكر ما حدث

وللعلم .. فإن هناك الكثير من المصريين الموجودين بالفعل داخل إسرائيل ومتزوجين من إسرائيليات وهي معلومة ليست سرية .. فلننتظر مستقبلا مظلما من أبناء هؤلاء

ياسر حسين يقول...

مهما الواحد واجه من احباطات في مصر
سواء من الناس أو من البيروقراطية
ده مش مبرر أنه يلقي بنفسه بين أحضان الصهاينة ..
يوجد بلاد تانية كان ممكن يروح لها ومكنش حد هيكلمه
مش سافر قبل كده للسعودية؟
قديماً قالوا الانتماء وليد العطاء
ومن لم يجد العطاء في بلده كيف يمكن أن ينتمي إليها؟

خالص تحياتي

خمسة فضفضة يقول...

السلام عليكم ورحمة الله وبركاته

مهند
انا رديت عليك بعد ساره علي طول راجع كده الردود هاتلاقي ردي
اما حكاية الاهلي والزمالك ، مالهاش دعوه بموضوع البوست خالص عارفه

مش انت كنت بتقولي في الشات بوكس ، انت فين يا دكتوره هو انت زعلانه من فوز الزمالك علشان كده مش بتردي علي الكومنتس
فانا قلت انا مشغوله ومش فاضيه ارد والموضوع مالوش دعوه بالاهلي والزمالك
بس كده....دُعابه يعني ...هههه

خمسة فضفضة يقول...

السلام عليكم ورحمة الله وبركاته

باشمهندس احمد

هو ده فعلا اللي انا اقصده من البوست ده
واعتقد ان كلام حضرتك ده يعتبر شرح وافي لوجهة نظري

شكرا

خمسة فضفضة يقول...

السلام عليكم ورحمة الله وبركاته

الفنان ياسر حسين

كمان بيقولوا ان القهر يولد الكفر وكلما زادت جرعات القهر زاد الكفر بالوطن اللي المفروض يكون الحضن الدافيء لابنائه ، فعندما لا يجد الابناء هذا الحضن يبحثون عن آخر في اي مكان حتي ولو كان حضن الاعداء،وكلما زاد القهر فتوقع من اي مقهور ان يفعل مالا يخطر علي بال احد

ياريت حضرتك تقرأ تعليق الباشمهندس احمد( يا مراكبي ) بيوضح وجهة نظري

وزي ما باشمهندس احمد بيقول
لابد أن نعى أولا .. لماذا حدث ذلك قبل أن نستنكر ما حدث

شكرا وتحياتي لك

زحل الفلكي يقول...

البيروقراطية
والمحسوبية والكوسة والواسطة
وتطليع عين البني ادمين
سمه متأصله فينا في مصر
لو بصينا حنلاقي نفسنا بنعمل في بعض كده

بس تعرفي
المفروض كل ده يزيدنا تمسك بقضيتنا ومطالبنا
سواء في مجال صغير زي العمل او الكلية
او في مجال كبير على مستوى عالي

في الكلية عمرك سمعتي عن طلب قدمة طالب واتوافق عليه
نادر جدا
خصوصاً لو كان تعديل في جدول امتحانات او كده

بس بالصبر والزن بيتعمل الطلب
ومهما روحنا مش حنلاقي حد يعاملنا احسن من هنا علشان محدش بيهتم بإبن بلد تانيه زي ابن بلده

ماعدا بلد عارفينها كلنا بتهتم بالغريب اكثر من ولاد بلدها

ومع ذلك مينفعش ولادها يسيبوها مهما حصل

وطبعاً متفق معاكي انهم المفروض يحاكموا المتسببين في الاحباط اللي وصل اليه مهندس على القدر ده من العلم

رينـــــــــــا يقول...

السلام عليكم
سبحان الله
يعنى هما يدلوا الناس هنا وعايزين يطلع منهم شرفاء
طيب منين!!!!!
مش لازم احمى النفس البشريه دى من اغراءات هو غصب عنه بيقع فيها بسبب الاحساس بالظلم

حسبنا الله ونعم الوكيل

mohandat يقول...

السلام عليكم
سوري
مخدتش باللي
انتي ذكرتي اسمي في نص الكلام
العتب علي النظاره
هغيرها باذن الله قريب
تحياتي ليكي

http://egyptologst.blogspot.com/
اقرئي البوست ده

خمسة فضفضة يقول...

السلام عليكم ورحمة الله وبركاته

زحل الفلكي

في ناس بدل ماتزداد ايمان وتمسك بوطنها بتعمل العكس علي طول الخط زي المهندس ده

(مهما روحنا مش حنلاقي حد يعاملنا احسن من هنا علشان محدش بيهتم بإبن بلد تانيه زي ابن بلده)
هل تعتقد فعلا اننا بنتعامل هنا احسن معامله .؟؟؟اشك

لو حاكموا كل المتسببين في الحالات اللي زيه اكيد ناس كتييييييييييييير اوي هايتحكم عليها بالاعدام

تحياتي

خمسة فضفضة يقول...

السلام عليكم ورحمة الله وبركاته

رينا

للاسف مين يسمع ومين يقرأ

تحياتي

خمسة فضفضة يقول...

السلام عليكم ورحمة لله وبركاته

مهند

ولا يهمك ، هاعديهاالمره دي بس اعمل حسابك المره الجايه لا ممكن ابدا ......هههه

مبروك المدونه الجديده

هاقرأ البوست واسيب تعليق ان شاء الله

تحياتي

الطائر الحزين يقول...

انا كتبت لى بوست عن هذا الجاسوس لو تفتكرى اوائل تدويناتى وقلت ان كان هو أخطا واخذ جزاؤه فكيف يكون العقاب على مستوى الدولة
ووقتها علق لى واحد وقال لى
هسسسسسسسسسسسسسسسسسسسسس خليها فى سرك يعنى

القرآن الكريم