TvQuran

٢٠٠٧-٠٦-٢١

مش تاج ولا اتنين ....دول تلاته


من فتره وانا بقيت مستهدفه من المدونين الاعزاء ، كل واحد يجيله تاج علي طول يبعتهولي
وفضلت أأجل لحد ما
حسيت ان شكلي بقي وحش اوي ، ولحد ما وصل العدد ل 3 تيجان جولي من ناس كتير اوي و ما بقيتش عارفه كل تاج فيهم جاي من عند مين خصوصا ان التاج الواحد ممكن يكون مبعوت من اكتر من حد ،

يعني نقدر نقول ان البوست ده 3 في 1 التيجان دي وصلتني من :
الدكتور شادي فايد اللي مش عارفه ايه مزعله مننا وخلاه يقرر انه يسيب التدوين شويه
اماني بنت الجنوب اللي ربنا يكون فعونها الشهرين الجايين دول لما درجات الحراره توصل لاعلي معدلاتها وبدعوها لقضاء الصيف عندنا في الوجه البحري
رفقة عمر اللي علي طول عايشه في الاحلام
باشمهندس ماعلينا اللي هارينا بوستات كل يوم بوست لدرجه مش بقدر اتابعه واعلق علي الكلام الجميل اللي هو كاتبه
وفيه تاج اخير ماجاليش الا من مهند الباحث عن الحقيقه واللي بتمني انه يلاقيها قريب ان شاء الله

أحب شخص لقلبك في الدنيا؟
ودي عاوزه سؤال امي طبعا

انسان مستعد تضحي بحياتك – ركز فى كلمة حياتك – عشانه؟
طبعا امي ربنا يديها الصحة

انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟

كتيرررررررر ماتعدوش

ما هو اسم اجمل كتاب كتبه بشر قراته ومحتفظ به حتي الان؟

فقه السنة للشيخ سيد سابق


اسم كتاب كتبه بشر برضة- انت متعلق بيه وبتقرأه كل فترة؟
الف باء الطبخ بتاع صدوف كمال وسيما عثمان ........هههههه

اهم جهاز منزلى انت متعلق بيه او بتستخدمه كتير؟
بما ان الكمبيوتر ممكن يكون موجود في البيت او الشغل او اي حته تانيه يبقي مش هااعتبره جهاوز منزلي ولو جينا للاجهزه المنزليه يبقي البراون ملتي كويك عمري ماقدر استغني عنها ولو لا قدر الله حصلها حاجه مش عارفه هاعمل ايه


مكان تحس بالراحة عندما تدخله؟
الكعبة

شىء تحس بالراحة النفسية عندما تنظر اليه؟
الكعبة

مكان تحس فيه بالحنين الى شىء لا تدرى ماهو و ذكريات جارفة الى لاشىء؟
الجامعه


اجمل مدينة زرتها داخل مصر ؟
مممممممم .....ممكن نقول مرسي مطروح

أجمل مكان طبيعي رأيته داخل مصر ؟
عجيبه في مرسي مطروح

شخصية كارتونية بتحبها
بطوط وولاد اخوه الثلاثه سوسو ولولو وتوتو

نوع هاتفك المحمول؟
نوكيا N70

سرعة بروسيسور جهازك؟
مش ثابته

حجم ذاكرة –هارد- جهازك؟

80 جيجا بايت

المساحة التى تشغلها المواد الاسلامية على جهازك؟
مش باحسبها

مواصفات فتاة الأحلام بالنسبة لك؟
هههههههههه........تقصد فتي احلامك .....سؤال متأخر 10 سنين

شعورك لما بتسمع كلمة مصر ؟
مصر هي امي نيلها هو دمي .....ههههه


شعورك لما بتسمع كلام عن اليهود؟
الاشمئزاز

شعورك لما بتشوف ظابط شرطة؟
ربنا يهدي


شعورك لما بتشوف الكناس العجوز فى الطريق؟
هو بصراحه عمري ماشفت كناسين في الشوارع ، بس لو شفت يبقي الشفقه

افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
عادي ، كل واحد حر ولا لازم يعني يلبس بنطلون لوو ويست ويحط جيل فشعره وعلبة السجاير فجيبه والسيدي مان في ايده علشان ماستغربش

احساس يراودك فى اشارة مرور مغلقة بسبب مسئول كبير؟
الحمد لله مدينتي مافيهاش مسؤولين كبار بيوقفوا المرور

---------------
انت مين؟
ماقلت قبل كده ...صيدلانية من مصر المحروسة باذن الله

مين أكتر ست أشخاص بتحبهم؟
اهلي وحبايبي والمجتمع والناس ورجال الامن ورجال الاستاد

انت سعيد؟
الحمد لله

لو اجتمعت أنا وحسني مبارك في غرفة واحدة؟
العلاوة ياريس

لو معاك مليون و نص جنيه تعمل بيهم ايه؟
بس .....انتوا بخلا كدا ليه ...بحبحوا اديكوا شويه هو انتم دافعين حاجه من جيبكم

بتحب مصر؟
ماقلتلكم قبل كده ....مصر هي امي ونيلها هو دمي

بتحب البنات؟
ومالهم البنات بحب البنات والولاد وكل اللي يجبوا ربنا كويس
انت مسلم؟
الحمد لله

ليه؟
رحمة ربنا ليا واللي بشكره عليها ...الحمد لله

مين أكتر شخصية متقدرش تستغنى عنها في حياتك؟ و ليه؟
ماقدرش استغني عنها من اي اتجاه بالظبط يعني !!!!! ياريت شوية توضيح

ايه أكتر موقف محرج تعرضت ليه؟ و اتصرفت ازاى ؟
طب ليه الاحراج ده بقي

إيه الأمنية اللى بتدعى دايما ربنا انه يحققها ليك؟
اللهم لا تذهب قلبي الي شئ صرفته عني ولا تكلني الي نفسي طرفة عين

--------------
التاج ده بتاع مهند الباحث عن الحقيقه



تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها؟

القراءة وخصوصا لو كان الكتاب مشوق وشاديدني ليه ممكن ما اقدرش اقوم قبل مااكمله وكمان الكمبيوتر ممكن التركيز يوصل لدرجة اني الاقي الوقت عدي ساعتين او تلاته من غير ماحس


الحمد لله كده الواحد ادي الواجب اللي عليه تجاه اخوانه المدونين ، وما عدتش مديونه لحد
مش هامرر التيجان دي لاي حد ، علشان ماحدش يدعي عليا بس لو اي واحد حابب يجاوب علي اي تاج من التلاته يتفضل علي الرحب والسعه

---------------

تحديث :

سقط سهوا اسم الدكتوره مرام (مااااااعلينا) من ضمن الحبايب اللي تحفوني بالتاجات اللي فوق دي
وانا من موقعي هذا اقدم لها خالص اعتذاري هي والاخ جارفيلد وبقوله ربنك يقدرك وتخلص كيس الشيوتس اللي ماسكه في ايدك من يوم مااتولدت


23 comments:

mohand يقول...

السلام عليكم
طيب خلصتي من التاجات دي
ليكي عندي تاج جديد
تعالي واختاري
كركركركركركركر
اي خدعه

Alaa يقول...

العنوان فكرني بالبياع اللي في القطر
دول مش قلم يا باشا و لا اتنين و لا تلاتة
اربع اقلام بجنيه واحد يا باشا
:)
اجابات جميلة و راقية ربنا يبارك فيكي

ma 3lina يقول...

شوفتي بقى يا دكتورآخرة اللي يأخر التاجات .. وبعدين أنا خليت البوستات يوم ويوم حعمل إيه تاني
:(

عصفور المدينة يقول...

إجابات عاقلة ومرحة وسريعة

يا مراكبي يقول...

ما تنسيش تبقي تشاركيني في المدونة المخصوصة المتخصصة في للتيجان .. هو ده الحل الوحيد علشان نخلص من الموضوع ده

هههههه

AHMED SAMIR يقول...

صيدلانية زميلة.....
فعلا والله ونعم الزمالة
على فكرة
اجاباتك على الرغم انك تعمدتي انها تكون مقتضبة ومختصرة جدا
الا انها بتعكس مقدار كبير من الاحترام
تحياتي واحتراماتي

رينـــــــــــا يقول...

السلام عليكم
كل تااااااااااااااااجات وانتى طيبه
يعينى يا فضفوضه
دول مستلمينك هههههههههههههههه
معلش انا لو منك انتقم
نياه نياه نياه
تحياتى يا قمر

زحل الفلكي يقول...

ههههههههه عجبتني اوي العلاوة يا ريس

والحمد لله ان بلدك مفيهاش مسئولين يوقفوا المرور
انا بلدي بيوقفوا المرور فيها علشان السياح بس

والحمد لله على كل حال

Ma 3lina يقول...

عاااااااااا

انا بعتهولك انا كمااااان

لا مليش دعوة

طيب خلاص سماح علشان بس خاطر الصيدلة و نقيب الصيادلة


و مبروك على اجابة التاجات

•«ρяoιd»•™ يقول...

السلام عليكم و رحمة الله و بركاته

الحمد لله إنك لسه عايشه

مش عارف يا ربي ايه موضوع التيجان ده

حرام يا جدعان

احلي حاجه انك مش مررتيه لحد

تحياتي

خمسة فضفضة يقول...

السلام عليكم ورحمة الله وبركاته

مهند

بقي كده دا انا ما صدقت اخلصهم ...لا حرام ..عاااااااااااااا

خمسة فضفضة يقول...

السلام عليكم ورحمة الله وبركاته

علاء

ههههه.....اهم ها يبقوا اربع تاجات علشان ما تزعلش

شكرا علي ذوقك

تحياتي

خمسة فضفضة يقول...

السلام عليكم ورحمة الله وبركاته

باشمهندس ماعلينا

شفت
انا شكلي كده هاعلق يافطة التاج ممنوع والزعل مرفوع
زي كلبوزه

تطور هايل ..بوست كل يومين ....يارب يبقوا2 بوست كل اسبوع علشان المتابعه

تحياتي

خمسة فضفضة يقول...

السلام عليكم ورحمة الله وبركاته

باشمهندس عصفور

ما احنا في عصر السرعه وما فيش حد عغنده وقت يقرا


تحياتي

خمسة فضفضة يقول...

السلام عليكم ورحمة الله وبركاته

يامراكبي

هههههه ..ماشي وايه رايك نسميها المحرقه

علشان نعد نحرق في التيجان براحتنا

الا هو مين اللي اخترع موضوع التاجات ده
نفسيييييييييييييي اعرفه اوييييييييي


تحياتي

خمسة فضفضة يقول...

السلام عليكم ورحمة الله وبركاته

يا اهلا يا اهلا بولاد المهنه الواحده
منور المدونه

شكرا علي ذوقك و ربنا يخليك

خمسة فضفضة يقول...

السلام عليكم ورحمة الله وبركاته

رينا

شوفتي اللي عاملينوه فيا ..عاااااااا

دا حتي مهند قرر يبعاتلي تاج جديد

اعمل فيهم ايه ..بيحبوني مووووت موووووووووت



تحياتي

خمسة فضفضة يقول...

السلام عليكم ورحمة الله وبركاته

زحل الفلكي

هههههههههه

اه هاقوله العلاوه ياريس ...فاكرها

علي طول كانوا بيقولوهاله بعد خطاب عيد العمال
بس علي الله مايردش عليا كالعاده ويقولي ...ما انتو عارفين

يلا الحمد لله علي كل حال

تحياتي

خمسة فضفضة يقول...

السلام عليكم ورحمة الله وبركاته
د/ ماعلينا

الله يبارك فيك

ومعلش بقي العتب علي النظر


تحياتي

خمسة فضفضة يقول...

السلام عليكم ورحمة الله وبركاته

رامي

اه والنبي فلهم حرااااااااااام


انا عمري ما هامرره لحد علشان مش عاوزه حد يدعي عليا ..ههههه


نورتني

رفقة عمر يقول...

كل تاج وانت طيبه
دة كاس وداير على الناس

خمسة فضفضة يقول...

السلام عليكم ورحمة الله وبركاته

رفقه

ههههههههه

اخيرا قلتيهالي ..شفتي مش مخليه حاجه في نفسك اهه

نورتيني

šσяšαяαα يقول...

السلاااااام عليكم

ايه يافضفوضتى دا مجاوبه برضو عجيبة ومرسى مطروووح- سبحان الله:))

دانا شكلى اخر واحدة جاوبت على التاجات دى.. ياللا اخر العنقود سكر معقود:D

وربنا يكفينا شر التاجات تااانى

تحياتى ليكى ياعسولى وبجد اسفة كتيييير على تقصيرى معاكى

القرآن الكريم