TvQuran

٢٠٠٨-٠١-١٧

وجوه



هل يستطيع شخص ما ان يفعل مثله ، ان يحمل معه وجوه عده يختار ما يظهر منها وما يخفي ، ان يغير ويبدل وجهه ليتناسب مع ما يحيط به من ظروف

الوجهه الجاد الحازم في العمل ، حيث الاوامر والنواهي والصوت العالي الهادر وهذه التكشيره التي لا تفارقه ابدا

والوجه المرح البشوش مع الاهل و الاصدقاء ، حيث اوقات الصفاء والمرح والضحكه التي يسمعها القاصي قبل الداني

والوجه المحايد الذي لا يحمل اية تعابير تذكر ، سلبي الاتجاه لا يشعرك بردود افعال ،حيث يتصنع الحكمه فلا يظهر رضا ولا سخط ، فرح ولا زعل فقط يصغي باهتمام

يخرج من جعبته الوجه الذي يراه مناسب ليرسم صورة وردية للمديرالحازم أو الزوج الحنون أو السيد الحكيم
غير آبه باحاسيسه وأمانيه ورغباته ، بعذاباته وآلامه التي يحملها في اعماق اعماق روحه ، و التي لا يستطيع ان يضع حد لها

ففي الوقت الذي يشعرنا فيه ان لا شئ يحدث ، تتسلل تلك الآلام والرغبات التي لا حدود لها من مكانها الخفي ،
تتحول الي وحش لا يستهان به لتغتاله ببطء وتميته بهدوء


وعندها فقط تستطيع ان تري وجهه الحقيقي بملامحه الطفوليه البريئه وابتسامته الهادئه الخلابه


35 comments:

mohand يقول...

السلام عليكم

جيت الحق اول تعليق وانا بقفل الجهاز والله
وبكره بقي اقري واتممعن واعلق برواقه
سلام يا دكتورتنا

Unknown يقول...

صعبه اوى التلون وتغيير الوجوه دى
وان كان فيه من يجيدها
بس صعبه

عصفور المدينة يقول...

أيوة بس بعد خبرة سنين
ماعدا ده مش عرفت اعمله

والوجه المحايد الذي لا يحمل اية تعابير تذكر

ღϠ₡ღأمير الهدوءღϠ₡ღ يقول...

صعب صعب إن الواحد يبقى كده

ولو كان كده المفروض يخاف على قلبه

فرنسا هانم يقول...

بجد انا ساعات بحس ان دى فطره فى الناس
مولودين بيها
كل واحد مكنز كام وجه
وبيظهروا تلقائيا فى الوقت المناسب
لكن متصنع الوجوه
او
المتمرس فى اظهارها
ده بقى اللى نخاف منه
سلامى
يا اجمل
دكتوره
وبعدين
انا هروح الفرع التانى
اشوف فى جديد ولا لا

غير معرف يقول...

أنا بجد بشوف كده كتير .. بس بحس انه بيبقى حسب المواقف .. وده مهم برضوا..بس محتاج فعلاً خبره مش موضوع زعيق واعلاء الصوت..محتاج معالجة مواضيع بحكمة.....شكراًً..
أخو دكتور حر

الربان يقول...

تحياتي

انا لي تجربة شخصية في الموضوع اسمحي لي ان أوضح بعض منها.

في عملي اليومي...اتعامل مع فئات عدة
من المجتمع... قد يأتي الي شخص و يكون استفزازي في تعاملة...انا من داخلي بتأثر...و لكنني اتذكر قول الله تعالي:
" و الكاظمين الغيظ ، و العافين عن الناس ..." و قوله نعالي " ادفع بالتي هي أحسن فأذا الذي بينك و بينه عداوة كأنه و لي حميم..." ...
المهم...احيانا رغم كل هذا اتأثر جدا و اترك مكاني الي مكان اخر فضا للاشتباك... قد اتقابل مع زميل اثناء تنقلي الي مكتب اخر...فابتسم في وجه و احييه...لانه لا ذنب له ان يري او يسمع مني ما لا يسر خاطره...
أيضا عند عودتي للمنزل...انسي تماما يوم العمل بكل ما مر فيه....و الا انقلب المنزل الي كابة..

تحياتي و تقديري و دمتي بالف خير.

أمــانــى يقول...

السلام عليكم
ازيك يا دكتورة والله يا اختى العزيزة مع ضغط اليوم فى العمل وخصوصآ لو فترات العمل طولية وياسلام لو كان كمان مع البنى ادمين
على اخر اليوم تبقى بشكل مختلف تمامآ ووش جديد
D:

محمد عبد الغفار يقول...

تألمت ايما الم عندما توصلت يوماً لحقيقه اننى لن استطيع الأستغناء عن اقنعتى فى بيتى

وللأخ عصفور بعد خبره سنين الوجه المحايد ده اسهلهم يا راجل محتاج شويه تمرين بس

shahy يقول...

انا مش عارفة يعني كدة كويس والا وحش
واعتقد ان صعب قوي ان الواحد يسيب هموم شغلة على باب بيتة

انا هاروح اقرا البوست تاني

تحياتي يادكتورة

لحظة يقول...

الانفعلات والرغبات والمشاعر مابتتحبسش
ان ماطلعتش عالوش اكيد بتتفرغ جوة الجسم وبتاذيه قوي
ده بالنسبة للناس الكويسه زي ما فهمت من البوست
اما الناس اللي تخصص اقنعه وتلوين وجوه حسب مصلحتهم
فدول ماعندهمش احساس اصلا ومايتخافش عليهم

عن نفسي بيبان على وشي كل حاجة حتى لو مانطقتش
والوش المحايد بيبقى عندي لما اكون مش فاهمة حاجة

تحياتي لاسلوبك الجميل

غير معرف يقول...

العالم مش بس بوجه وجهين متل العمله
لا بالف وجه و وجه
ومع سنة 2008 طلعت الوان جديده كمان
متلونه بأسوء الالوان والصفات السلبية التي تثير في النفوس جروح صعب نشفى منها
الله يهديهم

بوست رائع فعلا والمدونه راقية جدا
دمت بود

روري

admelmasry يقول...

ففي الوقت الذي يشعرنا فيه ان لا شئ يحدث ، تتسلل تلك الآلام والرغبات التي لا حدود لها من مكانها الخفي ،
تتحول الي وحش لا يستهان به لتغتاله ببطء وتميته بهدوء

.
.
.
تري هل بعد ذلك سيبقي انسان بملامح طفولية او حتي غير طفولية
.
.
اعتقد ان الانسان الذي يستمر في انكار ذاته داحل عدة اقنعه يبيت حياته مهموما لا يستطيع احد ان يقدر قدر معاناته
.
.
واطن انه لو فات الاوان ومات كما تقولين .. لن يرجه ابدا
لا بملامح طفولية او حتي بملامح شيخ كبير

يا مراكبي يقول...

أنا أعرف ناس بالخصائص دي .. الموضوع مش صعب لكن قليل الحدوث

إفتكرت فيلم قديم كان فيه مهرج سيرك قاعد جنب أمه المريضة وبتتألم وماتت .. وفجأة ندهوا عليه إنه يطلع يمثل الفقرة المطلوبة منه .. ساب أمه الميته وطلع وضحك الأطفال والحاضرين كلهم .. صقفوله كتير جدا .. وكان عامل إنه سعيد جدا .. وبعدين دخل جوة يبكي جنب أمه

الطائر الحزين يقول...

كلنا اصباح تلك الوجوه شئنا أم أبينا والفطن من يعرف أى وجه فينا هو الحقيقى والباقى يصطنعه الموقف


انها الفراسة



تحياتى

mohand يقول...

السلام عليكم

نفسي ابقي كده بس مش عارف

غير معرف يقول...
أزال المؤلف هذا التعليق.
غير معرف يقول...

مش حكاية كل وقت بوش بس كل وقت وليه اوانه يعنى مينفعش نهرج فى الشغل ذى ما ينفعش انك تتصرفى مع اصدقائك ذى ما بتتصرفى مع مديرك فى العمل وده ذكاء وصبر

دنيتى الجميله يقول...

لو كان تغير الوجوة دة علشان اعرف افصل ما بين الاعباء اليومية والبيت والاولاد وعلشان محدش يتاخد بذنب حد كدة اوكية وياسلام وانا بحب كده جدا ........
ولكن ان كان تغير الوجوة دة مرة لرسم البرستيج ومرة لانى مبحبش حد يشوف ضعفى ومرةعلشان اعمل لنفسى وجة محايد وده بيستفزنى جدا لانى محبش اكون مع حد ومعرفش وجهه بيحمل لية مشاعر ايه ,دة بقى كلة مبحبووووووووووش خالص

بنت الصالحين يقول...

مش عارفه انا فهمت من البوست ده مش النفاق وتلوين الاوجه
لكن فهمت منه حاجه تانيه


كلنا لينا شخيات كتيير
يعني مثلا
انا كبنت
في خارج البيت شخصيه جد في التعامل (بالدات لو فيه شباب )
طبعا لاتخضعن بالقول

اما بين صحباتي
فببقي شخصيه تانيه خالص
اجتماعيه ضحك وهزار (بنات في بعض يعني)
اما قدام الناس الكبار بيبقي اكثر عطفا وهدوءا وبحاول ابقي حكيمه علشان اقدر اعاملهم ومااحسش بالضجر

ده لو جاز معني كلامي


لكن لو المقصود من البوست ده النفاق

فالحمد لله انا بالدات مدب
يعني لو متضايقه من حد هيبان عليه وهقوله في وشه
مش بقدر اعمل حاجه او اقول حاجه مش حاساها



اللهم انا نعود بك من النفاق والتلون اللهم امين

DR.HAMAS يقول...

انا كنت رابع تعليق من اول امبارح

لكن حصلت مشكلة و خرجت

و رجعت تانى حالا لأعلق

هو المواقف بتجبر الشخص على تشكيل وجهه حسب الموقف

و لكن الوجه الاصلى الذى فيه ضعف

يكون مستترا وراء هذه الأقنعة

و مش وحش ان الواحد يبقى بأكثر من وجه

لكن يبقى فيه هدف كويس وراء التغيير

لكن لا ينفع أن يتلون كالحرباء لأغراض دنيئة

هذا هو المرفوض


د.حمــــــاس

Unknown يقول...

السلام عليكم يا دكتورة
أنا رحت على طول على طول الحياة
وقلتلك ام محمد طولت في القعدة
كل سنة وانت طيبة
انا مش لاقي حد بيعمل عاشورا هنا،
حكاية الوجوه دي مش باعرف اتكلم عنها
بس بحب الناس تكون من غير ماسكات، على طبيعتهم وراحتهم
بيتهيألي المدونات عاملة في الناس كده، مخلياهم يبقوا طبيعين، من غير ماسكات
ربنا يبارك فيكي يا دكتورة ويكرمك وكل عام وأنت بالف خير، ومستنين حكايات على مدونة على طول الحياة
أحمد

مصطفى محمد يقول...

زمان كنت بستنكر ده بشدة
و اقول يا نهاااار
كام وش يا عم.. هو و احد
الآن
ليه تشتري وش لما ممكن يكون فيه كتيييييير

تحياتي

كلبوزة لكن سمباتيك يقول...

تعرفي انا بحاول كتير اعمل كده فعلا و بنجح نص الوقت
بس في اوقات الوش بيلزق مبعرفش افكه

:)
ازيك؟

خمسة فضفضة يقول...

السلام عليكم ورحمة الله وبركاته

مهند ، خلاص هاستني ، ومبروك اول تعليق
عقبال المره الجايه

ههههههههه

خمسة فضفضة يقول...

السلام عليكم ورحمة الله وبركاته

لماضة
طبعا صعب جدا وبيبقي ضغط كبير علي اعصاب اللي بيعمل كده خصوصا لو كان مضطر
بس فيه ناس اساتذه

خمسة فضفضة يقول...

السلام عليكم ورحمة الله وبركاته

باشمهندس عصفور

دا اسهل وجه واعتقد ان كتير مننا اوي بيعرف يركبه خصوصا لما يكون مش عاوز يورط نفسه في حاجه

واسمه الدارج الوش الجبس

نورتني

خمسة فضفضة يقول...

السلام عليكم ورحمة الله وبركاته

امير الهدوء

طبعا صعب جدا ، و اعرف ناس كتير اعصابهم بتتعهب جدا بسبب الاقنعه اللي بيحاولوا دايما يركبوها علشان يتماشوا مع الجو المحيط

Desert cat يقول...

الطبيعى يا دكتورة اننا بنتعامل فى الشغل غير ما بنتعامل مع اهلنا
يعنى انا مثلا فى الشغل كشرية ورخمة ومحدش يبص فى وشى اللى يقول متعقدة واللى يقول انزوحة
فى البيت وبين اصحابى مهرجة من الطراز الاول
لكن وجه الحكمة ده بصراحة مش ليا فيه احتراماتى

الدفاع يقول...

السلام عليكم
دكتوره موضوعك مهم جدا انا كنت فاكر ان مفيش حد بيغير ملامحه بالاحتراف ده غيرى
والمهنه واللى الواحد بيشوفه فيها هى اللى علمتنا كده ومش بس الوجوه
ده من الداخل كمان
يعنى فى مواقف كتير لازم اكون جامد فيها قاسى من غير ملامح لا محايده ولا غيره
ومواقف تانيه لازم اكون رحيم بكل ملامح الرحمه وكمان احساسها هو ان فى الاول شئ صعب ولكن بالخبره بقى شئ معتاد جدا وممكن يحصل من غير ادنى تفكير
وبمرور الوقت بيصبح جزء من طبيعة الانسان وخبراته اللى اكتسبها
وفى كل الاحيان بيكون مطلوب وده طبعا بعيد جدا عن معنى النفاق والكذب
وشكرا على موضوعك

صوت من مصر يقول...

اظن انى مليش وش يعنى قهوه بارده من كتر همومى
وعجبى

Monzer يقول...

أنا بشوفن ان ده ممكن يكون شيئ محمود

لو كان بإخلاص أو تركيز .. وبيحتاج شخصية عملية جدا تستطيع الفصل الجيد بين مشاعرها واستدعاء المشارع المناسبة مع تاهيل تصرفات مناسبة فى المواقف المناسبة

أما إن تحول إلى مهرج بيلياتشو .. فيصبح آخر شخص أريد أن أتعامل معه

وأنا قابلت الشخصية دى .. وكنت منبهر بيها

بنت القمر يقول...

خمسه فضفضه الدكتورة الفاضله مكدبش عليكي بعدي كتير ومتابعه حضرتك
لو لضيق الوقت والبخل الانساني المقيت مبسبش تعليق لكن
مش عارفه حاسه ان عرض المواضيع كده يتوه في المدونه حاجه فوق وحاجه في المخزن اقصد الفرع التني وحاجه في الريدر
ولو ان مواضيعك الديده بتجيلي علي الريدر فورا بس عشان اعلق اعتقد الموضوع عاوز شويه تنظيم
انا غلسه صح؟؟

Unknown يقول...

ازيك يادكتوره عامله ايه
والله مسئله الوجوه صعبه جدا
ولكنها مهمه ان ترسم وجهك حسب الاحداث والمناسب لها انه امر صعب
بس احسن حاجه ان لاافتعل وجه واترك الاحداث هي التي ترسم وجهي يعني اسيب نفسي لفطرتها
وجزاكم الله خير

S H A H يقول...

فضفضة
اخبارك ايه يا دوك

عجبني التصميم الجديد قوي

من زمان مزورتكيش

سامحيني على الغيبة

القرآن الكريم