TvQuran

٢٠٠٧-٠٥-١٦

حماتي ...هل هي ملاك ..ام قنبلة ذرية ..؟؟؟




من اكثر الهواجس التي تقلق المقبلات علي الزواج هي ....الحماة ...وما هو مصير العلاقه بينهما ...وهل ستكون سعيده مع حماتها ام انها ستحول حياتها الي جحيم لا يطاق ..؟؟؟

عندما يبدأ الحديث عن اي حماة فورا نتذكر ماري منيب كرمز للحموات المفتريات اللي كل شغلتهم في الحياه هي تنغيص عيشة زوجات الابن ،وتحويل الحياه الي سجن الباستيل
لو قلنااحنا في عصر العولمة وسيبنا من الافلام العربي،هاتطلع لنا الست جين فوندا في فيلم
monster in law
وكل اللي عملته في جينفير لوبيز علشان تبوظ لها الجوازه ...يعني ما فيش فايده ...صورة الحما هي هياها في كل الدنيا
لما كنت مقبله علي الزواج ،اكثر ما كانت صديقاتي يحكين عنه ويحذرن منه هي حماتي ، خدي بالك لازم تكسبيها في صفك ...خدي بالك اوعي تجري شكلها .....ومنهم شويه كانوا بينصحوا اني ما انصرهاش عليا ابدا واخلي دايما زوجي يكون في صفي ظالمه او مظلومة ...!!!!!
و كمية نصايح اشكال والوان ، وحكايات من الموروث الشعبي لتاريخ الحماة وزوجة الابن ، وأمثال علي شاكلة
" ان كان القمح يساوي التبن ....يبقي الحما تحب مرات الابن !!!" وغيرها من الاشياء اللي تخلي اي حد يحس انه داخل معركه حربيه مش حياة زوجية
اما امي فكانت توصيني بها دائما وتطلب مني ان اعاملها كما امي ، قائله: " مصيرك يا مرات الابن تبقي حما "

، وزي ما هاعاملها مرات ابني ان شاء الله هاتعاملني مستقبلا

وبالنسبة لي فقد اصبحت مشتته بين كل الكلام اللي بيتقال عن الحموات وبين اللي المفروض اني اعمله
دخلت حياتي الزوجيه وانا متوجسه خيفه من حماتي و دايما كنت حطاها في دماغي ، ومتابعه تصرفاتها الكبيره قبل الصغيره ،
صحيح هي مش زي ماري منيب ، بس برضو مش ملاك
تخنقني تدخلاتها في كل صغيره وكبيره ، وفضولها الزائد عن الحد ، واللي بيساعد علي كده اننا نعيش في نفس المنزل بس كل واحد في شقة منفصلة ،هي لا تكف عن التدخل في حياتنا بشكل فظيع ، النمله ماتعديش من تحت عينيها، فبحكم سكنها في الدور الارضي تعتبر كالحاكم بامر البيت ، ولازم كل حاجه تمر عليها الاول وتحط موافقتها عليها
وياسلام لو حاجه ماعرفتهاش ، تبقي ليله يا عمده ...لازم وحتما ولابد تتقص لحد ما تجيب قرارها ، والموضوع ده زاد بعد خروجها علي المعاش وسفر ابنها الآخر وبالتالي البيت فضي علينا احنا الاتنين ، خاصة ان زوجي معظم اليوم في العمل ،
وهي لا يعجبها العجب ودائما تنقد جميع التصرفات ، كما آاخذ عليها البخل الشديد ، ولكن الغريب في الامر ان هذا البخل الا يظهر الا علينا احنا وعلي نفسها ، اما الآخرين فلا فهي والحق يقال تؤدي الزكاه في وقتها وتتصدق بالكتير جدا من المال ، اما نفسها ونحن فلا
لو اشتريت حاجه يبقي تبذير ومالوش لازمه ، لو عزمنا اصحابنا يبقي ده سفه ولازم يتحجر علينا ، لو اتغدينا بره يبقي انا ست خايبه ومش مدبره وجوزي ها يشهر افلاسه علي ايدي ....وغيرها من الحاجات اللي تعلي الضغط وتجيب انفجار في المراره

بالرغم من كده احيانا اجدها تصعب علي جدا خاصة عندما اجد الوحده تنهش فيها ، فبحكم عملي اقضي وقت طويل خارج البيت كذلك زوجي ، كما انها مصابة بالربو وعندما تأتيها الازمه تكون في اكثر حالات ضعفها
اشعر اني مصابة بازدواج في الشخصية فاحيانا اكرهها بشده واحيانا احبها من كل قلبي ، ومع كل ده لا اظهر لها اي من هذه المشاعر واعاملها عادي جدا كما اعامل امي واكثر

بعد زواج اختي ...واللي حماتها عملاه فيها ، قالت لي احمدي ربنا انت حماتك ملاااااااااااااك

ولكني بعد 10 سنوات من الزواج ما زلت حائره هل حماتي فعلا ملاك؟ ...ام انها قنبلة ذريه؟؟
هل سأحتاج الي 10 سنوات اخري لاعرف ذلك ؟؟ ام اني ساعيش واموت دون التوصل لأجابة هذا السؤال ..؟؟

58 comments:

عصفور المدينة يقول...

كان فيه حلقة توم وجيري
جيري صور توم وهو بياكل فراخ من التلاجة وبعدين طبع نسخ كثير من الصورة وقعد يلزقها في كل حتة في البيت وتوم يجري يشيلها وتوم يحطها لصاحب المنزل في الجريدة الخ هذه المغامرة الطريفة
ده مش تهديد ولا حاجة
==============
كلام بجد بقة
يراعى دائما فرق السن فعلا الإنسان لما بيكبر عواطفه بتكون حساسة جدا
وثانيا
يراعى إنك استوليت على ابنها (وهذا كم وجهة نظرها) فلازم في الجهة الأخرى يكون التودد منك أكثر بحيث يتغلب على هذين العنصرين

mohand يقول...

السلام عليكم
اولا سردك للموضوع جميل قوي
بس برضه مش هتتاكدي ان كانت ملاك ولا لا
لان مفيش ملايكه ولا في شياطين
احنا بشر بطبيعة الحال
وحاجه تانيه كل واحد بيشوف الامور من منظوره
يعني ممكن تشوفي تصرفاتها بخل لكن هي معتبراه حنكه وحرص واجب
وهكذا يعني
علي فكره انا رجعت
تحياتي ليكي
مهند المصري

خمسة فضفضة يقول...

السلام عليكمورحمة الله وبركاته

باشمهندس عصفور المدينه

ايوه عارفه الفيلم ده شوفته كذا مره ...بيموتني من الضحك

فعلا انا وحماتي كده زي توم وجيري ما ينفعش نعيش من غير بعض وبرضو متضايقيين من بعض ...ههههه

الحمد لله براعي فعلا في تصرفاتي معاها السن ومشاعرها واني جيت خطفت منها ابنها وكل الكلام ده ، بس مش طالبه منها الا انها تعرف ان لو ماكنتش انا كانت اكيد هاتبقي واحده تانيه ...فيبقي اللي نعرفه احسن من اللي ما نعرفوش ....مش كده ولا ايه ؟؟

تحياتي

خمسة فضفضة يقول...

وعليكم السلام ورحمة الله وبركاته

حمد الله علي السلامة يا مهند ...ومبروك علينا الدوري وان شاء الله نبارك علي ماتش الزمالك والكاس وكاس افريقيا والسوبر ..وكفاية كده بقي ...هههه

---------------------

بما ان مافيش ملايكه ولا شياطين يبقي اكيد بقي فيه قنابل ذريه ..هههه

هو يمكن فعلا ان كل واحد شايف الموضوع من منظوره الخاص وهو ده اللي بيعمل مشكله

تحياتي

عصفور المدينة يقول...

أنا كنت أقصد إني أطبع التدوينة دي وانشرها على الحوائط وكدة
:)

خمسة فضفضة يقول...

قصدك علشان حماتي تشوفها يعني ......اهو انا مش خايفه الا من الناس اللي بتحب تهدي النفوس دي ...ههههه

AHMED SAMIR يقول...

هي طبعا لا ملاك ولا قنبلة
هي بني ادم عادية بتصيب وتخطىء بتحب وتكره
بتحب وتكره
بس بتحب ابنها اكتر من اي حد في الدنيا وبتعتبر ان مرات ابنها اقل حرصا على مصلحة ابنها منها وبالتالي لازم حماية مصالحه
الام دايما شايفة انها بتحب ابنها اكتر بكتير من مراته وبالتالي هي ادرى بمصلحته
تحياتي واحتراماتي

خمسة فضفضة يقول...

السلام عليكم ورحمةاله وبركاته

د/ سمير

للاسف وهو ده اللي دايما بيسبب المشاكل بين كل حماة ومرات ابنها

لو كل واحده اقتنعت ان فيه يوم ها يجي وابنها ها يتجوز وهايبقي له بيت واولاد ، وان زوجة ابنها دي مش جاية تختفه منها ولا بتخطط للاستيلاء علي ثروته ..صدقني حاجات كتير كانت اتغيرت


تحياتي

غير معرف يقول...

الأخت الفاضلة
السلام عليكم ورحمة الله وبركاته
أحيى حسن اختيارات موضوعاتك
***
الحماة لاهى ملاك ولاهى قنبلة ذرية
هى أولاً وأخيراً أم
والزوجة الذكية هى من تستطيع كسب ثقة حماتها وتتخذها أماً لها
مع تقديرى واحترامى
أخوك
محمد
*****
هل نحن أمة لاتقرأ ؟؟؟
موضوع على هذا الرابط
http://www.nooriyat.com/

خمسة فضفضة يقول...

وعليكم السلام ورحمةالله وبركاته

استاذ محمد
شكرا علي ذوقك
الحمد لله ، الواحد في تعامله معاها بيحاول انه يراعي ربنا ، ويعاملها زي امه
وهي نفسها حاسه بده
بس اهو شوية فضفضة معاكم كده علي الماشي


تحياتي لحضرتك

صاحب البوابــة يقول...

الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

البوست بعنوان

أن تكون أبو الفـتوح شوشة

حملة الإفراج عن شيخ المجـاهدين :

في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...

الروابط :
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html

مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm

تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1

ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf

جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

khaled يقول...

يا رب يهديكوا و ينصلح الحال بينكوا

Esmeralda يقول...

من متطلبات الزوج دلقوت يكون يتيم الام

ربنا يهدى

خمسة فضفضة يقول...

السلام عليكم ورحمة الله وبركاته

صاحب البوابة

ربنا يفك اسره واسر كل المأسورين

خمسة فضفضة يقول...

السلام عليكم ورحمة الله وبركاته

باشمهندس خالد

اللهم آمين
بس الحمد لله انا بعاملها كويس ومش ببينلها خالص كل المشاعر اللي فضفضت عليها معاكوا دي

اوعوا حد يروح يقلها ...هههه

تحياتي

خمسة فضفضة يقول...

السلام عليكم ورحمة الله وبركاته

ازميرالدا

لا ما وصلتش للدرجه دي


ربنا يهدي يارب

تحياتي

أمــانــى يقول...

الســـــلام عليكم
انا باحزن جدآ وبازعل اكتر من اللى يقول حماتى قنبلة ذرية ونفرض انها مش كويسة الى حدا ما ما هى برضو ام وعلى فكرة الحما مش بتعمل مشاكل كده وخلاص لا ابدآ هى بتزعل وبتكون فى حاجة الى ابنها اللى هى ربته فيما لا يقل عن 27 سنة او اكتر وفجاءة ميكونش موجود فى البيت ولا حتى بيسأل عليها
يبقى الاهم ازاى الواحد تحب حماتها هى مش داخلة معركة ومين هيكسب مين لا طبعا مينفعش الكلام ولازم الزوجة تعرف انها بمثابة امها
عارفه انا بازعل ليه علشان ماما حما واخواتى الاولاد بيزعلوا منها وبيقوليلها نفسنا تكونى حما على حق اصلها مش بتجى معاهم ابدآ ومالهاش دعوة باى حد وفى حالها على الاخر الحمدلله لانها بتقول انها بتعامل ربنا ومالهاش دعوة بالنبى ادمين
ربنـــا يكرمك يــاااااااااارب ويكرمها ويهدى بالكم يــاااااااااااارب آمــــــــــين

كلبوزة لكن سمباتيك يقول...

الله يرحمها حماتي
كانت ست طيبة
ربنا يهديلك حماتك
و اولادك و جوزك

تحياتي

Blank-Socrate يقول...

ياااااااااااااة
دى فى اشد الاحتياج ليك
حبيها لوجه الله
علشان الوحدة اللى بتنهش فيها حشب تعبيرك ننسى ضعفاتها اللى هى الفضول و خلافه و نفكر فى احتياحها

انشاء الله ربنا هيكرمك لو حبيتها و ساميحتها عى ضعفها

غير معرف يقول...

أوكش

أنا شكلي ماليش في موضوع الحموات ده
بس لازم أعلق بردو

حسنا، بعد البحث و التمحيص ،، في الآخر الحماة دي بتكون إنسانة

ببساطة ليها كل ميزات أو عيوب أي إنسان

و طبعا كل واحد على حسب تربيته و على حسب إدراكه للمتغيرات حواليه و تأثره بالبيئة اللي عايش فيها

ف كون إن هيا مثلا بتسألك عن الفلوس أو بتزعل لما بتطلعوا تتغدوا أو تعزموا أصحابكوا فدا يرجع لرأيها الشخصي و انتي مش ملزمة إنك تعملي برأيها

تانيا: لاحظي الفراغ الكبير القاتل في حياة أجدادنا(بالنسبالي) خصوصا لو الجد متوفي فبتلاقي الطرف التاني ( الحماة) بتحاول تسد الفراغ دا بأي شكل عن طريق إحساسها بإنها موجودة و كل دة بيتربق على دماغ مرات ابنها و جوز بنتها كمان-اشمعنى الرجالة يعني

الخلاصة إن المعاملة بالحسنى كويسة و مش هأقول اتجاهليها لكن تقدري تضبطي نفسك و انتي بتكلميها أو بتتعاملي معاها لأنها في الآخر زي مامتك

و أنا عارف إنك هتضحكي على كلامي و تقولي اللي عالشط مش زي اللي في الموجة بس أصل أنا حبيت أنصح بس

طولت عليكي؟

تحياتي

يا مراكبي يقول...

ياه ..ز بقى لك عشر سنين؟ بصرة .. ده إنتي قدنا بقى

عموما هو موضوع شائك جدا .. للأسف وجهة نظرك اللي مضايقاكي مظبوطة جدا .. وبتحصل مع كل الناس .. وهتحصل معاكي إنتي كمان لما تبقي حماة

دي سنة الحياة يا دكتورة .. ما تلوميش حماتك على اللي هي بتعمله لأني أؤكد ليكي إنك هتعملي زيها بالظبط

نفس دوافعك ساعتها هتكون هي نفس دوافعها بالظبط .. حطي نفسك مكانها وإنتي هتوافقيني على كلامي ده

كراكيب عادل يقول...

ربنا يهدي النفوس

علاقة الحموات تحكمها عدة اشياء للراجل او الست

بس فعلا هتكوني مكانها في المستقبل متنسيش كدة

اوصيك بالهدوء ثم الهدوء

أحمد يقول...

المشكلة الأزلية للحماة الذرية هى التدخل فى شئون الذُرية

هل حل الحماة الذرية هى معاملتها بمنتهى الحنية كما لو كانت أم حقيقة

والا الموضوع يتتطلب الدخول فيها شمال من وقت للتانى

طيب لو الزوجين اتفقوا تماما فى الأول أو اتفقوا عموما على استحالة أن أى حد يتدخل فى حياتهم حتى لو كانت الحماة
مش ممكن ده يقلل المشكلة دى شوية ؟؟ , ممممممممم بس دة صعب فى الواقع العملى شوية

عموما الايام بتحنن الناس على بعضها

Nothing To Lose يقول...

ربنا يستر
انتى قلقتينى:D
ياله خير
بس انا فعلا بحس ان الحماه دى على اد ما بتكون مخنوقه من مرات ابنها
بحكم انها ربت وواحدة اخدت على الجاهز
وانك استوليتى على القطعه الذهبيه بتاعتها
واللى فضلت سنين عمرها تلمع وتكبر وجينا احنا اخدنا حته الدهب دى
فلازم هتموت
دا طبيعى وانا لو مكانها هغير
انا بغير اصلا على اخواتى:D
بس فى المقابل لما تلاقى اد ايه هو مبسوط وفرحان وسعيد ومستقر
بتتحول اللى شخص تانى خاااااالص
بتكون فعلا ملاك
وانا شفت دا فى حياتى

طولت عليكى معلش يا قمر

قنديل يقول...

أنا بقي يا جماعة.. الله أكبر كده عليا وعلي حواليا حماتي مـــــلاك بكل ما تحمل الكلمة من معان. بلاش حسد وأر يا جماعة كل واحد يصلي عالنبي في سره. هي فعلا نسمة من النوع اللي يدوي الجروح بلمسة أو كلمة أو بسمة. لساني لا يطاوعني أقولها يا حماتي وبناديلها دايما بماما
ربنا يخليها ليه
ويهدي الجميع
تحياتي

friend يقول...

تصدقي افتكرت فيلم حماتي قنبله ذريه
وماري منيب ومدوباهم اتنين انا قريت تعليق مهند وعجبني جدا وانا معاه

كرم مسلم يقول...

السلام عليكم

من رأيى أن الافلام هى التى صنعت تلك المشكلة
ومن وجهة نظرى أن المشكلة دى تختلف بأختلاف النفوس مش زى ما بيتقال أن كل الحموات كده
فمثلا ممكن تلاقى فعلا حماه مش كويسة أو زى ما بيتقال قنبلة .... وممكن تلاقى الزوجة هى اللى كده وومن تلاقى الاتنين سمن على عسل
ربنا يهدى الجميع

خمسة فضفضة يقول...

السلام عليكم ورحمة الله وبركاته

اماني

انا مش بقول عنها انها قنبله ذرية ولا حاجه ، انا بس مش قادره احدد ساعات بتبقي كويسه جدا وساعات بتبقي لا تطاق

فانا محتاره جدا معاها ومش عارفه اوصل لحل يرضي جميع الاطراف
وعلي فكره انا بعاملها زي امي واكتر بس هي اللي ساعات كده مش عارفه ايه اللي بيحصلها

تحياتي

خمسة فضفضة يقول...

السلام عليكم ورحمة الله وبركاته

سمباتيك
الله يرحمها

ويارب اللهم آمين يسمع منك ربنا


تحياتي

خمسة فضفضة يقول...

السلام عليكم ورحمة الله وبركاته

سقراط

والله بحاول ، ومش ببين لها ابدا اي مشاعر كره وباعاملها كويس
بس حبيت افضفض معاكوا شويه

تحياتي

خمسة فضفضة يقول...

السلام عليكم ورحمة الله وبركاته

محمد فوزي

بكره ان شاء الله تنزل البحر وتبقي في الغويط
بس ها تتعلم حاجه ان مع الحماوات دول خصوصا لازم تمشي امورك وتاخدهم علي اد عقلهم ووما تحاولش الا انك تكسب مودتهم وتخليهم دايما في صفك ، مهما كانت بقي مشاعرك بالنسبه ليهم او غيظك من بعض افعالهم اللي تجيب الضغط

خمسة فضفضة يقول...

السلام عليكم ورحمة الله وبركاته

باشمهندس احمد

اه بقالي عشر سنين تخيل ....بس صدقني عدوا في لمح البصر
مش مصدقه انهم فاتوا


يعني رايك كده ...هابقي زيها يعني ...لا ما اعتقدش
ولا يمكن علشان لسه ما عشتش مشاعارها دي
ربنا يستر

خمسة فضفضة يقول...

السلام عليكم ورحمة الله وبركاته

كراكيب عادل


مش ناسيه والله


الهدووووووووووووء التاااااااااااااام
او المكوت الزوءام .....ههههه

تحياتي

خمسة فضفضة يقول...

السلام عليكم ورحمة الله وبركاته

مبرمج حر
ايه كل الاشعار دي
للدرجات مشكلتي نزلت عليك الالهام .ههههه

بس عارفه كلامك صح ومش نظري ولا حاجه
الاساس علي الزوجين هما اللي يقدروا انهم يحجموا الموضوع ده بانهم مش كل صغيره وكبيره تتقال من اي حماة من الاتنين يحطوها في دماغهم ويعملوا مشكله بسببها

الحل هو انك تاخد الكلام من هنا وتطلعوا من هنا وتعمل اللي انت شايفه انه في مصلحتك انت ، لاننا لو مشينا ورا كلام الحماوات مش هانخلص ، دا فيه بيوت بتتخرب بسببهم

وده بقي اللي الحمد لله موجود في زوجي انه مش بيحط في دماغه حاجه وبيعمل الصح وخلاص

تحياتي

الدفاع يقول...

السلام عليكم يادكتوره اعتقد انك انتى اللى مقصره فى انك تكسبى حماتك او انك سلبيه شويه ومنتظراها تاخد المبادره فى كتاب جميل جدا ممكن يساعدك كتير اسمه كيف تكسب الاصدقاء للكاتب ديل كارنيجى ياريت تتطلعى عليه هاينفعك كتير جدا وربنا يبارك فى علاقتكم ببعض

Ma 3lina يقول...

والله يا بنتى اناعزراكى بس فى نفس الوقت فيه حموات اصعب من كدا

يمكن حكاية انها ساكنة تحتك مزودة الموضوع شوية و بعدين بعد 10 ستيت لسه مش عارفة تتكيفى معاها

ممكن يكون فيه حاجة مزعلاكى بس علشان كدا حاسة بكدا مع حماتك
برده الست كبيرة و لما بيكبروا مبيبقوش زى زمان الوحدة بتاثر عليهم



ربنا يهديها و يكرمك انشاء الله

mazagat يقول...

طالما معاملت ليها حسنة أكيد هتعرفي تلوي عنقها بجميلك

لا انكر ان بعض الحموات يرفعوا الضغط

لكن ارضاء لربك وزوجك


يكفيكي




ربنا معاك يارب




... مزاجات

غير معرف يقول...

الأخت الفاضلة
السلام عليكم ورحمة الله وبركاته

ويسعدنى ويشرفنى دعوتك لمدونتى
( نقوش على جدار الزمان)
للإطلاع والمشاركة بالرأى فى الأطروحات الآتية:
1- العقل أم الغريزة؟؟
2- هل نحن أمة لاتقرأ؟؟؟
على الرابط التالى:
http://www.nooriyat.com/

حنان شلبي يقول...

والله يا خمسة فضفضة موضوعك الواكثر من جانب وفعلا متل مبنحكي احنا الفلسطينية بلهجتنا في حموات بنحطو عالجرح بيبرد وفي حموات كاسرات
بس انا برد على الي بيحكي هيك وبقلك فيه كمان كنات طيبات وفيه كنات كاسرات
يعني مو كل زوجات الابناء نزلو من السما
بس بشكل عام انا عندي مبدا وبمشي عليه
الكلمة الحلوة طالعة والوحشة طالعة وشي طبيعي حماتك ست كبيرة حتغير من مرة ابنها الي اجت اخدتو عالبارد المستريح بعد مهية تعبت بتربايتو وهاي الزوجة مرتاحة معو ومستتها
فبدك انتي اتقدري هالشي وانو حماتك اكبر منك بالسن ومن حقها مرات تغلبك وانتي اسمعي يا ستي ونشي لو مو عشانك علشان زوجك الغلبان الي ما حيقدر يحكم بينك انتي وامو لانكم غاليين عليه
لهيك انا بعتبر العقل والسياسة بهاي المشكلة بيجي من طرف الزوجة لانها اصغر واكثر دهاء وحنكة وبالتالي بتقدر تكسب حماتها قبل زوجهابصفها

ولكن لو حماتك كتير كاسرة وما فيكي تبلعيها كمان فنصيحة مني طنشيها بتموت لحالها وكل ظالم بيجيه يوم

هههههههههههههههههههه
وان شاء الله يارب حماتي تكون ملاك يارب متل ابنها واحسن
احكو امين يا جماعة

مع تحياتي الك
وخلي بالك عحماتك اقل شي عملتو انها خلفتلك زوجك الي ما فيكي تتخلي عنو هلا فلازم تشيليلها هالجميلة ولا شو رايك انتي؟؟؟

عصفور المدينة يقول...

دكتورة
شرفيني بقراءة هذه
أحزان 2
عن حماتي بس أنا عصفور مش عصفورة

محمد العدوي يقول...

هو حماتك هتستنى عشر سنسن كمان ..


هي كدة أطراف الحياة وهي تمسك بأوسطها .. أهو عريزة البقاء بقى على شوية اعتبارات تانية ..

يا مراكبي يقول...

أنا اللي أقصدة إنك مش هتقدري تفهمي هي بتعمل كده ليه إلا لما تبقي في موقفها بالظبط

أنا عارف إنك هتقولي إنك عقليتك متفتحه ومش هتعملي زيها وإنك ساعتها هتفتكري كان بيتعمل فيكي إيه ومش هتكرريه .. لكن الحقيقة غير كده خالص

ساعتها هتكوني شخصية تانية بظروف تانية غير اللي إنتي فيها دلوقت .. المهم .. ندعوا الله إننا نفضل طول عمرنا شباب في تفكيرنا ويصلح لينا الأحوال حتى في أيام لما نبقى حمو وحموات

غير معرف يقول...

كل يوم يتقدم العالم و يتقدم العلم
الاسوا هدا التقدم يجعل من الانسان غو لا و طاغية و جبارا

خمسة فضفضة يقول...

السلام عليكم ورحمة الله وبركاته

نوثنج

لا ما تقلقيش
مش كل الحموات كده ، وزي ما قلت حتي حماتي ساعات بحبها جدا وساعات مش ببقي طيقاها
بس والله مش ببين لها كده خالص
وعموما فالاول والاخر الاساس علي الزوجين هما اللي ممكن يسمحوا او ما يسمحوش ان كلام الحموات ده ينغص عليهم عيشتهم

تحياتي

خمسة فضفضة يقول...

السلام عليكم ورحمة الله وبركاته
قنديل
يا بختك يا سيدي

انا مش بقر اهه ولا حاجه انا بحسد بس

ربنا يوعدنا ..ههههه

تحياتي

خمسة فضفضة يقول...

السلام عليكم ورحمة الله وبركاته

جزر

طيب ما هو فيه فيلم حماتي ملاك برضو بتاع ماري منيب..اشمعني يعني حماتي قنبلة ذرية اللي افتكرته ...هههه

صحيح يمكن اكون انا بفسر الامور من وجهة نظري وهي بتفسرها من وجهة نظرها وده اللي ممكن يكون ساعات بيعمل الخلاف

تحياتي

خمسة فضفضة يقول...

السلام عليكم ورحمة الله وبركاته

صحيح السينيما ووسائل الاعلام عموما هي اللي ممكن ترسخ اعتقاد معين في الاذهان حتي لو كان غلط وممكن كمان تنفي واحد وحتي لو كان صح

وزي ما انت قلت مش كل الناس زي بعض فيه الكويسين وفيه الوحشين

تحياتي

خمسة فضفضة يقول...

السلام عليكم ورحمة الله وبركاته

استاذ اسامة
مش عارفه ليه كلكم فهمتوا ان انا وهي في حالة حرب
لا مش كده خالص
هي شوية مناواشات كده علي الماشي من وقت للتاني
ساعات بحسها ملاك وساعات ببقي مش طيقاها وباحس انها قنبله علي وشك الانفجار
وفي كلتا الحالتين بعاملها بللين وباخدها علي اد عقلها واللي مساعدني فكده ان زوجي مش بيحط حاجه فدماغه
وسايبنا نحل مشاكلنا بنفسنا ولا كانه موجود اصلا
وده الكويس في الموضوع لان في ازواج تانيين بيخدوا الحكايه بجد ويكبروها ويعملوا مشكله من لاشئ

عموما انا قريت كتاب ديل كارنيجي قبل كده كذا مره

تحياتي

خمسة فضفضة يقول...

السلام عليكم ورحمة الله وبركاته

د/مرام
الحمد لله الواحد يحمد ربنا
لان انا علي الاقل باخد هدنه كل فتره
والحمد لله انها مش اصعب من كده
ما انا قلتلكم اختي قالتلي احمدي ربنا انت حماتك ملاك

ويمكن زي ما بتقولي السن هو السبب الاساسي لكده
ربنا يهدينا احنا الاثنين يا رب

تحياتي

خمسة فضفضة يقول...

السلام عليكم ورحمة الله وبركاته

مزاجات

الحمد ل الواحد بيحاول يراعي ربنا فيها ويعاملها كويس

ربنا معايا بقي

تحياتي

خمسة فضفضة يقول...

السلام عليكم ورحمة الله وبركاته

استاذ محمد الجرايحي

مبروك علي المدونه الجديده
انا رحت هناك من يومين قريت الموضوع ، بس اسفه جدا الوقت لم يسعفني علشان احط تعليق
ان شاء الله اروح اعلق


تحياتي

خمسة فضفضة يقول...

السلام عليكم ورحمة الله وبركاته

حنان
هههههههههههههههه
اكتر حاجه عجبتني حكاية زوجك الغلبان دي ..هههههه

جوزي هو اللي بيسمع وينش مش انا، مريح دماغه ومالوش في الحاجات دي خالص ، وسايبنا احنا الاثنين نصرف امورنا براحتنا ...هههه


يارب ياحبيبتي حماتك تبقي احسن كمان من ابنها يارب اللهم آمين

ايوه اديني شايلالها الجميل علي راسي من فوق ووالله بعامها كويس ومش ببينلها اني مضايقه منها ابدا


ربنا يوفقك

خمسة فضفضة يقول...

السلام عليكم ورحمة الله وبركاته

باشمهندس عصفور المدينة

قريت الموضوع واتأثرت بيه جدا ، ربنا يرحمها ويسكنها فسيح جناته ، وينتقم من المهمل اللي كان سبب في عذابها

تحياتي

خمسة فضفضة يقول...

السلام عليكم ورحمة الله وبركاته
د/محمد
هههههههههههه..ايوه عيلتها معمره
ربنا يديها الصحه
بس تبقي كويسه وما تتدخلش في اللي مالهاش فيه

تحياتي

خمسة فضفضة يقول...

السلام عليكم ورحمة الله وبركاته

باشمهندس احمد

ايوه فهمت كده ، يمكن علشان انا لسه ما عشتش نفس الظروف ما اقدرش احكم
بس يارب لما ابقي كده ما بقاش زيها وافضل افكر بنفس العقليه

يارب اللهم آمين كلنا يفضل قلبنا شباب علي طول
محسسني ان بقي عندنا الف سنه ...ههههههه

تحياتي

خمسة فضفضة يقول...

السلام عليكم ورحمة الله وبركاته

المستبشر بالفتح

بجد مش فاهمة حضرتك تقصد ايه
وايه علاقة التعليق ده بالموضوع

ممكن حضرتك توضح وجهة نظرك بالضبط

تحياتي

šσяšαяαα يقول...

بصى يافضفوضتى

انا من اول ماقريت العنوان اساسا افتكرت قصة متبعاها فى حارة زعتر

بس عسولة اوى وقلت اديكى الرابط تبقى تتسلى فيها فوقت فراغك

http://z3tr.loaloaa.com/showthread.php?t=17056

تحياتى ليكى

المـــفـــــــقــــــــوعـــــة مــرارتـهــا يقول...

تصدقي اني رغم اللي حماتي بتعمله فيا بتصعب عليا لما جوزي بيتأخر عليها ومابيكلمهاش في التليفون
ولما بتعيا باتحايل عليها عشان تقعد عندي وأخدمها
بس هي مالهاش حل بجد

القرآن الكريم