TvQuran

٢٠٠٧-٠٥-٢٨

اول خطوة



كم تمنيت أن أعيش الحياة كما يجب ان تكون ، لا التفت الي ما يقال .....أكون انا

أتجاوز آلامها وقهرها ، أبحث خلف كل لحظة حزن عن نقطة ضوء ،

أرسم بها إبتسامه علي وجهي وأُضئ بها شرارة في عيوني تنير لي طريقي الي
قمة السعادة ... قمة الحرية ،

كم
أعياني البحث عنها وسط حطام الحياة ، ترى هل كنت مخطئة طوال حياتي،

هل جانبنى الصواب فى كل خطواتي

أشعر أنها البداية ، أخيرا بدأت أزرع خطواتي علي الطريق ،

أريد ألتهامه بسرعه ، ولكني ما ألبث أن أتعث
أشعر أني لا أستطيع المواصلة إلي القمة

أعود لأرفع رأسي ، تتسارع دقات قلبي ويزداد تدفق الدم في شراييني ،
أطلق العنان لقدمي وأُحلق في الفضاء ، أُحاول إختراق بحر من الغيوم انتشرت به الظلال ،
لعلي أكون أول من يري شروق الشمس


أشعر اني كطفل صغير يخطو اولي خطواته ....يترنح ..ويسقط ...ولكن يبقي الإصرار معه حتي ينجح

تتوالي خطواتي مسرعه .... كدت أصل......أعرف انه لا مستحيل في الحياة



50 comments:

Alaa يقول...

المعنى جميل جدا
و اختيار الكلمات اكثر من رائع

كلمة "ربما تكون تافهة" لكنها مهمة لاكمال جمال القصيدة
نقطة ضوء .. كان في اختيارات اجمل من كلمة نقطة لان الضوء عادة لا يوصف بالنقطة ممكن بالبقعة او الشعاع او البصيص او غيرها

ربنا يباركلك و انا من كتر ما عجبتني قررت أكتب حاجة انا كمان بالرغم من اني مكتبتش من حوالي سنتين

ربنا يباركلك و يثبتك

عصفور المدينة يقول...

أشعر اني كطفل صغير يخطو اولي خطواته ....يترنح ..ويسقط ...ولكن يبقي الإصرار معه حتي ينجح

كلنا ذلك الرجل
ودايما إن شاء الله
ودائما أقول

أنت وحدك

رغم إني مش وحدي ولا حاجة بس عشان التحدي والمسئولية في الآخر فردية

غير معرف يقول...

الأخت الفاضلة
السلام عليكم ورحمة الله وبركاته
هكذا الحياة .. خطوات نسيرها
فى طريق ملؤه الكفاح والمكابدة
قد تتعثر الخطوات
ولكن لابد من المثابرة
والإصرار على المدى قدماً فى طريق الحياة
ويظل الأمل هو مبعث الضوء داخل النفس

تقديرى واحترامى
لقلمك الراقى

أخوك
محمد

mazagat يقول...

كليمات رائعات في المعنى والمضمون


تألق دائم


جزيت من كل خير أختي

وإلى الأمام





... مزاجات

mohand يقول...

السلام عليكم
ايه الكلام دا كله يا دكتوره
دا تشبيهات وتصوريات فظيعه
تحفه بجد
تحياتي

صاحب الشباك يقول...

الله ايه الجمال ده

بسم الله ماشاء الله
بس انا عاجباني قوي
( تتسارع دقات قلبي ويزداد تدفق الدم في شراييني ، أطلق العنان لقدمي وأُحلق في الفضاء ، أُحاول إختراق بحر من الغيوم انتشرت به الظلال ، لعلي أكون أول من يري شروق الشمس)


جميل جدا
جميل قوي
جميل خالص

صاحب الشباك يقول...

يا ريت تزوري البوج ده
http://www.albelkalema.blogspot.com/

هيعجبك اوي

Reemo يقول...

عجبنى جدا تفاؤلك بأنه لا هناك مستحيل
دايما الانسان بيحاول
لكن كثيرا ما ييأس من تكرار المحاوله
اتمنى لو كنت أمتلك مثل ذلك التفاؤل
فلا أتوقف عن المحاوله حتى لو باءت كل محاولاتى بالفشل
فيظل هناك دائما أمل بأن لا مستحيل
لمستنى جدا تعبيراتك
تحياتى لقلمك المبدع
واحترامى لشخصك الجميل

خمسة فضفضة يقول...

السلام عليكم ورحمة الله وبركاته

علاء
اللهم آمين يارب يثبتنا اجمعين
شكرا علي الاطراء
وكمان علي الملاحظة القيمة


وفي انتظار ابداعك القادم

تحياتي

خمسة فضفضة يقول...

السلام عليكم ورحمة الله وبركاته

باشمهندس عصفور

ان شاء ال
وطول مافيه قدام الانسان هدف مؤمن به ويريد تحقيقه اكيد سيناضل حتي يحققه باذن الله

تحياتي

خمسة فضفضة يقول...

السلام عليكم ورحمة الله وبركاته

استاذ محمد الجرايحي
اهلا بحضرتك
والله عارفه اني مقصره معاك ، بسانا بروح المدونة وبقرظا المواضيع بس مش بلحق احط تعليقات

خمسة فضفضة يقول...

السلام عليكم ورحمة الله وبركاته

مزاجات
جزانا واياكم ان شاء الله

خمسة فضفضة يقول...

السلام عليكم ورحمة الله وبركاته

مهند

شكرا اخجلتم تواضعنا ، احنا هانيجي جنبك ايه بس

ملحوظه : اسمك بالعريض اهه علشان ما يحصلش زي المره اللي فاتت ...ههههه

تحياتي

خمسة فضفضة يقول...

السلام عليكم ورحمة الله وبركاته

فرافيش

شكرا علي ذوقك
ومبروك علي النيولوك الجديد ، كده هاتلخبط انهو فيهم البلوج بتاعي ...هههه

روحت مدونة سلامه مريت بسرعه كده علي المواضيع حلوه اوي هي تبعك برضو ..؟؟؟

خمسة فضفضة يقول...

السلام عليكم ورحمة الله وبركاته

ريموو

شكرا علي زوقك

ربنا يزيدك تفاؤل ، وما تيأسيش ابدا من تحقيق امل آمنتي به ، اعيدي المحاوله مره واتنين وتلاته حتي تصلي لهدفك

تحياتي

زحل الفلكي يقول...

يااااااااه اخيرا حد متفائل
الكلام بيشع تفاؤل
بينور يعني

وعلى فكره البوستات اللي زي
دي بتدي كمية طاقة ايجابيه ملهاش حل

تعرفي
الواحد كان نفسه في شحنة من دي دلوقتي
خصوصاً في وقت الامتحانات اللي الواحد فيها دلوقتي

لاتتوقفي عن المحاولة
ول تتوقفي عن تعلم السير على طول الطريق
علشان كل متمشي في الطريق
اكيد حتتأكدي ان ده الطريق الصح فتمشي فيه
او الطريق الغلط فتاخدي اول ملف راجع وتشوفي طريق تاني

غير معرف يقول...

الأخت الفاضلة
السلام عليكم ورحمة الله وبركاته
أشكرلك تعقيبك الكريم على تعليقى

وأنا يسعدنى زيارتك دائماً
ويشرفنى دعوتك ودعوت قرائك الكرام للإطلاع على أحدث تدويناتى

وصرخت باكية .. واإسلاماااااه ، ولكن لامجيب!!!!

فى انتظاركم
أخوك
محمد

كراكيب عادل يقول...

السلام عليكم

الله الله علي التفاؤل هو دة الكلام

تعرفي كلامك دة فكرني لما كنت طفل كانت عندي هواية افضل اتفرج علي النمل بالساعات

مفيش كسل مفيش يأس توقع منها الشيلة كذا مرة وبرضو وراها

ولو كان مكان عالي تفضل تتزحلق وتحاول

فما بالك بنا كبشر ربنا رزقنا بالعقل والتدبر

بوست هايل يا دكتورة

بس لو تشيلي صورة ابن الفقرية الي تحت دة مش بحب اشوف صور الناس دول

:)

سكتم بكتم يقول...
أزال المؤلف هذا التعليق.
سكتم بكتم يقول...

هو ده الفن
هو ده التفاؤل
برافوا عليكي

•«ρяoιd»•™ يقول...

السلام عليكم و رحمة الله و بركاته

بجد بجد اسلوبك في قمة الروعه

و المعاني اجمل

و دوماً الأطفال تشير إلي البراءه

تحياتي

mohand يقول...

السلام عليكم
كده افضل
اصل مش معايا فلوس اليومين دول اغير النظاره
ههههههههههههههههههههههههههههههههه

BinO يقول...

هناك الدعاء
اللهم أرنا الحق حقاً و أرزقنا أتباعه
وأرنا الباطل باطلاً وأرزقنا أجتنابه



اللهم أجعلني في الدنيا عابر سبيل
لا أغتر بها

أسلوبك رائع كالعادة

الطائر الحزين يقول...

أقول لك على نصيحة
اوعى توصلى للقمة
اقصد ان يغمرك احساس الوصول للقمة لانه ليس بعد القمة الا الانحدار
جميل جدا الشعور ان هناك شىء نريد ان نكملة

BaTresYa يقول...

eazy to get,,eazy to go that's our life...
بوست جميل اوي تسلم ايديكي

يا مراكبي يقول...

أنا دايما على بالي أغنية قديمة بتقول

مهما كان حلمك بعيد

مهما كان صعب وعنيد

حتى في بداية الطريق

إبدأ من جديد

إبدأ من جديد

خلصت الأغنية .. وما خلصش الأمل اللي بيحركنا لقدام .. مبروك لإنك إخترتي السكة دي .. حقيقي بأفرح لما ألاقي ناس زيك كدة

تحياتي

smraa alnil يقول...

هتقدري
بس قولي انا هكون
مش انا هحاول

فقط اطلقي لقدمك العنان في ترك الارض ولتحلقي في السماء التي تخترعينها انتي

LOJAIN يقول...

الله
اجمل ما فيكى وفى الكلام انه مبتستخدميش حيل الدفاع النفس ى المبتذلة فى رؤية مشكلات حياتك
تدفعك شخصيتك للتفاؤل بدل من التشاؤم لتبرير التقاعس

بوست رائع
اول مرة زيارة ومش اخر ان شاء الله

Regards:
Lojain :)

Tamer Nabil Moussa يقول...

تقدمى الى الامام بكل قوة وثبات

ولكن كونى دائما على حذر واذا حصل توقف بعض الوقت لايكون هذا دعوة لقتل الامل بل طريق اخر يدفعنا الى الامام

نعتبرها فترة راحة

ربنا يوفقك

تحياتى

gohayna يقول...

حلو الاصرار والعزيمه

حلو الامل الي بيكون بعد السقوط ويدفعك للامام والنجاح

حلو والله قدرتك علي المواصله

دمتي اختي الكريمه

رفقة عمر يقول...

عايزة تعرفى يعنى ايه كل تاج وانت طيبه انا لاحظت فى تعليقاتك على كل واحد جاوب على تاج تقوليله كل تاج وانت طيب فحبيت ابعت ليكى تاج علشان نقولك كلنا كل تاج وانتى طيبه
يالله بقى جاوبى على التاج

koukawy يقول...

اه مفيش مستحيل هو في فيه حد بيحبط نفسه بأن في حاجات مستحله
التجربه حتي لو بائت بالفشل مهمه

خمسة فضفضة يقول...

السلام عليكم ورحمة الله وبركاته

زحل الفلكي
اشحن براحتك بس خلي شويه علشان لاخواتك البلوجر الغلابه اللي وراهم امتحانات ...ههههه

ربنا يوفقك في الامتحانات وتيجي كويسه كده وبنت ناس

تحياتي

خمسة فضفضة يقول...

السلام عليكم ورحمة الله وبركاته
استاذ محمد الجرايحي
اهلا بيك

هاروح اقراها بس انا عارفه من الاول ان دايما تدويناتك رائعه

خمسة فضفضة يقول...

السلام عليكم ورحمة الله وبركاته

الفنان عادل
شكراعلي ذوقك
عارف لو الواحد يأس من المحاولات واحده ورا التانيه يبقي هايسقط اسير ليأسه وما يعرفش يحقق اي حاجه في حياته

معلش بقي استحمل الصوره كلها بوستين تلاته وتنزل لتحت وماتشوفهاش خالص

تحياتي

خمسة فضفضة يقول...

السلام عليكم ورحمة الله وبركاته

د/ سكتم

شكرا علي ذوقك

منورني

خمسة فضفضة يقول...

السلام عليكم ورحمة الله وبركاته

رامي

اهلا بيك فرحت اوي لما رجعت في قرارك اعتزال التدوين

شكرا علي ذوقك نورتني

خمسة فضفضة يقول...

السلام عليكم ورحمة الله وبركاته

مهند


اي خدمه انت تأمر ...ههههه

خمسة فضفضة يقول...

السلام عليكم ورحمة الله وبركاته
باشمهندس بينو

اللهم آمين

شكرا علي ذوقك

خمسة فضفضة يقول...

السلام عليكم ورحمة الله وبركاته

الطائر الحزين

شكرا علي النصيحه القيمة

واهلا بك نورتني

خمسة فضفضة يقول...

السلام عليكم ورحمة الله وبركاته
BaTresYa

اهلا بك ، وشكرا علي ذوقك

تحياتي

خمسة فضفضة يقول...

السلام عليكم ورحمة الله وبركاته

باشمهندس احمد

اغنيه حلوه فعلا وكلماتها معبره
بعد كل محاوله مش ناجحه هو بس الامل اللي بيحركنا، علشان نحاول تاني لحد ما ننجح

تحياتي

خمسة فضفضة يقول...

السلام عليكم ورحمة الله وبركاته

انوووج

حمد الله علي السلامه

ربنا يعينا كلنا ونحقق كل احلامنا ونطير ونحلق في السماء الواسعه

تحياتي

خمسة فضفضة يقول...

السلام عليكم ورحمة الله وبركاته

LOJAIN

شكرا علي التحليل الجميل اوي ده

واهلا بيك هنا ، ودائما منوراني

خمسة فضفضة يقول...

السلام عليكم ورحمة الله وبركاته

تامر نبيل

ربنا يوفق الجميع ، ويظل الامل حيا في قلوبنا الي الابد

تحياتي

خمسة فضفضة يقول...

السلام عليكم ورحمة الله وبركاته
د/ جهينة

دمتي انت لي
اخبارك ايه واخبار الشغل الجديد ، ربنا يوفقك فيه يارب

خمسة فضفضة يقول...

السلام عليكم ورحمة الله وبركاته

رفقه
ااااااااااااااه ..هو علشان كده

ماشي يا ستي ها جاوبلك عليه ان شاء الله

وكل تاج و انت طيبه

خمسة فضفضة يقول...

السلام عليكم ورحمة الله وبركاته

كوكو الكميل

عندك حق اهم حاجه ان الواحد ما ييأس ويكرر المحاوله لحد ما يوصل باذن الله لهدفه

تحياتي

أحمد سلامــة يقول...

أعود لأرفع رأسي ، تتسارع دقات قلبي ويزداد تدفق الدم في شراييني ، أطلق العنان لقدمي وأُحلق في الفضاء
--------------------------------
جريت وراكي وانا بقرا الجزء ده عشان اتابع
وحسيت اني بنهج
جميل التصوير ده
تحفة والله

خمسة فضفضة يقول...

السلام عليكم ورحمة الله وبركاته

د/ احمد سلامة

وفعلا هي دي كانت حالة الشخصية، عندما تصمم علي المواصلة ، لتصل الي القمة وتطون اول من يشاهد شروق الشمس

تحياتي

القرآن الكريم