TvQuran

٢٠٠٧-٠٦-١٤

احمد ومني ( الجزء الاول )


احمد بيجري علي مني ، ينادي عليها بصوت عالي ..منااااااااااااا
ومني تجري عليه وتنادي احماااااااااااااااااااااااااد
يلتقيان في منتصف الطريق ، تتعانق ايديهما واعينهما ،يهمس احمد في شوق ....ها انا ذا يا حبيبتي عدت اليك بعد طول غياب ، اعدك الا اتركك ثانيا ابدا فكفانا ما ضاع من العمر
تهمس مني بصوت أقرب الي زقزقة العصافير ..احبك يا احمد ....احمدددد ....احمددددددددد....احماااااااااااااااااااااد
مني ..مني ...اصحي يا بنتي ها تتأخري علي محاضراتك ، يادي الافلام اللي بوظتلك دماغك ، كفايا نوم بقي الساعه بقت 8ونص
كان ذلك هو صوت والدة مني وهي توقظها و تخرجها من حلمها الجميل الذي تحلم به يوميا منذ ان التحقت بكلية الصيدله قبل اربعة اعوام ، كم تتمني ان تقابل ذلك الاحمد الذي يغير لها حياتنا ويلونها بلون الزهور وتعيش معه احلي ايام عمرها في سعاده

تستيقظ وهي تتمني ان يطول الحلم اكثر واكثر وان يستمر طوال العمر ، ترتدي ملابسها سريعا وتحمل كشكول المحاضرات والبالطو الابيض، تشرب كوب النسكافيه اليومي ثم تخرج مسرعه كي لا تتاخر علي السكشن ، يوقفها صوت امها
ايه يابنتي مش هاتفطري ها تنزلي كده علي لحم بطنك
معلش ياماما اصلي متأخره مش هالحق
طيب حتي ولو ساندويتش صغير
معلش يا ست الحبايب مافيش وقت هاتأخر علي سكشن الفارما

داخل الميكروباص و
في ذلك المكان الضيق الذي يسعها بالكاد، اخذت تتفكر في احوالها

حاسه بملل فظيع ، مع ان حواليا ناس كتير اوي .....اصحابي واخواتي واهلي ، بس عندي شعور غريب بالوحده ، لسه مش لاقيه حد يفهمني ويحسني، مش لاقيه اللي اقدر افتحله قلبي واشكيله همومي ، احساس رهيب بالفراغ العاطفي والوحده القاتله بيطاردوني ، حاسه ان قلبي مكسور.....فينك يا سي احمد .......امتي بقي ؟؟؟....امتي هاتظهر فحياتي وتغيرها لي 180 درجه....آاااااااه ، عارفه ان اللي مقدره ربنا ها يكون ، واكيد التأخير خير........ماحدش يعرف الا ربنا ...
افاقت علي صوت وقوف الميكروباص ونزول بقية الركاب، نزلت مسرعه وهي تنظر الي ساعتها ، قفزت الدرج لتصل اخيرا الي باب المعمل وتجده مغلقا

السلام عليكم
، مين المعيد الغريب ده ...همست لنفسها ، آسفه علي التأخير

آسف يا دكتوره ما فيش دخول بعد ما الباب يتقفل ، لو سمحتي اتفضلي واقفلي الباب وراكي

في هذه اللحظه شعرت مني ان الارض تدور من تحتها وان وجهها اصبح بلون الدم ، خرجت واغلقت الباب في هدوء
شعرت بغضب شديد جدا ورجفة قوية ، ولكن عادت لتتذكر ...انها اول مره تري هذا المعيد ، من هو ، ومن اين جاء .........كم هو وسيم
ده الدكتور احمد معيد جديد اتنقل عندنا من جامعه عين شمس ، اول يوم ليه انهارده بس ايه يا مني شرحه هايل ...كانت هذه سالي صديقة مني الانتيم
د/احمد .......و عين شمس ...آاه ، اتاريه شايف نفسه وبيتنك علينا
بس ايه يا منمن مش عارفه اوصفلك البنات كانوا هايتهبلوا عليه

سرحت مني ، احمد ...
ازاي واحد زي ده يبقي اسمه احمد ، دا غلس ودمه واقف ، لا مش ممكن ، لو احمد بالشكل ده يبقي بلاه احسن ،

يلا يامني ...مني فوقي يابنتي انت سرحتي فأيه ، يلا عشان نلحق المحاضره

مر اليوم ومني مغيبه تماما مازالت تشعر بالضيق بسبب الاحراج الذي سببه لها الدكتور احمد ، وما حدث لها امام جميع الطلبه ، وعباره واحده تتردد في عقلها ...لو سمحتي اتفضلي واقفلي الباب وراكي

الاسبوع التالي وفي موعد سكشن الفارما ، وجدت مني نفسها تضبط المنبه علي السابعه والنصف صباحا ،لتستيقظ مبكره ، فهي لا تريد ان يتكرر ماحدث
ماشاء الله ماشاء الله ، مني بنتي حبيبتي صاحيه بدري ولوحدها ، لأ دا انا لازم ابخرك
معلش بقي يا ماما اصل معيد الفارما غلس اوي ومش بيدخل حد وراه وانا مش عاوزه مشاكل ، سلام بقي يا حبيبتي علشان متاخرش
في هذا اليوم وصلت مني مبكره جدا حتي قبل العامل المسئول
اما نشوف اخرتها ايه معاك يا سي احمد
واخيرا دخل الدكتور احمد
صباح الخير يا جماعه ، النهارده هانعمل تجربه مهمه اوي .........

واخذ يوضح للجميع ماهو مطلوب منهم وما يجب ان يفعلوه ، ظل طوال الوقت يمر علي جميع الطلبه يساعد من يحتاج او يشرح بعض الجزئيات ، ومني تتابع كل ما يفعله
شعور غريب سيطر عليها منذ ان انهت يومها ، هناك مشاعر غير محددة الملامح ، شئ غريب لا تجد له مسمي ، والاشد غرابه ان هذا الشخص الذي حكمت عليه من مجرد موقف واحد ، وكانت تعتقد انه متكبر ومتعالي قد وجدته انسان علي درجه عاليه من الذوق ، شعرت انها قد ظلمته بحكمها المسبق عليه ....واخذ ضميرها يؤنبها

اصبحت مني تهتم جدا بكل ما يتعلق بالدكتور احمد ، وعندما تسمع اسمه يتردد تقف لتصغي وتسمع باهتمام جميع ما يقال ، وكان ما ساعدها علي ذلك انه جديد علي الكليه كما انه يتمتع بقدر عالي من الوسامه مما جعل جميع البنات يتحدثن عنه ويبحثن خلفه ، عل واحده منهن تفوز به زوجا لها
واصبح موعد سكشن الفارما مقدسا عندها ، وكانت تجلس كالمسحوره تتابعه بعيناها طوال الوقت

يلا يا مني هاتي الادوات بسرعه وهاتي البالطو علشان نلحق محاضرة الدكتور سليمان ، انت عارفه انه بياخد الغياب ، يلا مش عاوزين مشاكل
حاضر حاضر يا سالي جايه اهو ، ايه الحاجات دي كلها ، كان لازم يعني نصور الورق دا كله انهارده
وبسبب التسرع والعجله الشديده سقطت منها مذكرة العملي ولم تنتبه الا داخل محاضرة د/ سليمان

سالي تصدقي مش لاقيه مذكرة عملي الفارما ..تبقي خيبه لو ضاعت دي عليها نص درجة العملي
ماتقلقيش يامني بعد المحاضره نبقي نروح نشوفها في المعمل وان شاء الله نلاقيها

39 comments:

محمود محمد حسن يقول...

احمد و منى ...كل شاب فينا نفسه يبقى احمد ، وكل شابة فينا نفسها تبقى منى ، لكن المشكلة إن في نهاية المطاف يجد الشاب او الشابة إن جميع الطرق تؤدي في النهاية إلى زواج صالونات عادي جدا ، تروح تتقدم لعروسة ، لو لقيتها اتخطبت مفيش مشاكل تاخد بنت عمها ، وايه يعني ...تحبطنا الظروف ، وتحبطنا الإمكانيات ، ويحبطنا الواقع ...

متشكرين بالمناسبة على اختيارك لأثنين من مواضيعي في موقع افحت ...مشاركة اسعدتني كثيرا

Alaa يقول...

الللله
القصة روعة
و جميلة جدا
و أجمل ما فيها التفاصيل و سرد الأحداث بطريق تحسسك كأن هذه الأحداث وقعت بالفعل
أحسست فعلا كأنك تحكي قصة حدثت لكي
في انتظار الجزء الثاني على أحر من الجمر

عصفور المدينة يقول...

جميل فيها الجزء النفسي
والألوان
بس ده
جزء 1 من كام؟

خمسة فضفضة يقول...

السلام عليكم ورحمة الله وبركاته

محمود ماجد

للاسف مش كل اللي بنتمناه دايما بتحقق


العفو بجد مواضيعك كلها تستحق

نورتني

خمسة فضفضة يقول...

السلام عليكم ورحمة الله وبركاته

علاء

شكرا علي ذوقك
بس مش انا مني بطلة القصه، دي واحده تانيه خالص ...ههههه

تحياتي

خمسة فضفضة يقول...

السلام عليكم ورحمة الله وبركاته

باشمهندس عصفور

ما تقلقش مش هانطول

نورتني

ma 3lina يقول...

انا داخل اسجل اعتراضي ع الربطة دي واضطرارنا ننتظظر الأجزاء التانية ..
بشجب واندد واعترض على موضوع الأجزاء دي خصوصا يا دكتورة إن حضرتك بتتأخري في تنزيل البوستات

:(

معلش أصلي مش صبور خالص

خمسة فضفضة يقول...

السلام عليكم ورحمة الله وبركاته

ياشمهندس ماعلينا

ايه ده ، هو انت ماسمعتش عن التعديلات الدوستوريه الجديده ولا ايه ، ما تعرفش انهم لغوا الشجب والتنديد والاعتراض .....هههههه

ما تقلقش ، بقية الاجزاء جاهزه في الدرافت وان شاء الله انزلها علي طول

ما لناش بركه الا انت يا باشمهندس

بس ماقولتليش رايك ايه ...؟؟؟؟

اكمل ولا نلم العِده ونروح ...؟؟؟؟؟ هههههه

MiraMar يقول...

مستنيه الجزء التاني على نار


:)

خمسة فضفضة يقول...

السلام عليكم ورحمة اله وبركاته

ميرامار

ما تقلقيش مش هاخليكي تستني كتير ان شاء الله

نورتيني

mohand يقول...

السلام عليكم
اكبر دليل ان القصه حلوه ومشوقه ورومانسيه
ان دمي انحرق لما عرفت ان لسه في جزء تاني ولاقيتني متعلق
تحياتي يا دكتوره للابداع الجديد ده
اخوكي الصغير
حلاوه
اه سوري
مهند المصري

زحل الفلكي يقول...

دخلة جامده
وبداية مشوقة
خلتيني اجري على السطور
وافتكر ايام قراءه الروايات زمان

في انتظار الباقي
وبشغف

كراكيب عادل يقول...

اية يا دكتورة انتي بتعلقينا ولا اية

سردك حلو للاحداث

بجد كاني شايف الشخصيات

بس مني غالبا مش بتكون لاحمد

يمكن في قصتك دي تتعكس الامور

:)

غير معرف يقول...

ابناء مصر بنحب. هنقدر. هنغير
http://abna2masr.blogspot.com/

Hadota ... حدوتة يقول...

القصة حلوة
بس انا مش عارفة ليه جاى فى بالى انها قصتك او قصة حد تعرفيه
اصل الواحد ميكتبش باحساس اوى كده ولا تفاصيل الا اذا كان بجد
انا بيحصل معايا كده

بس على كل هيا طبعا تحفة
ومستنية الجزء التانى


دا اول مرور ليا
حلوة المدونة
واتمنى اكون صديقة
تحييياااااااتى

مهندس زراعي يقول...

رائعه والله وجميله جدا

بجد انا بحي براعتك وجميل سردك للحكاية

تحياتي لكِ

Ma 3lina يقول...

اخ بلاش القصص الرومانسية دى
ليه كدا بس مش حلو علشانك

طيب ماشى يا دكترة علشان خاطرك بس

مستنيين بقية الاجزاء بس بسرعة

الطائر الحزين يقول...

السلام عليكم
ما لفت نظرى هو اننا عندما نهتم بأشياء قد ننسى اشياء اخرى مهمة
مذكرة العملى اللى وقعت
تحياتى

bastokka طهقانة يقول...

حصلتلي و المعيد قالي اطلعي و اقفلي الباب رحت لدكتور صاحب بابا جه دخلني
ههه و فرست المعيد

حلوة الفكرة
منىىىىىى احمممممممد


اوروفوار

إخوانى مخربش يقول...

ايوه بس انا مش معيد ولا وسيم

انا بس من جامعة عين شمس

واسمى احمد

كويس فى امل

بس اكيد امل مش منى

BaBaNesmA يقول...

روعة بجد
منتظر الجزء التانى

lol @ bastoka طهقانة

.:.-=- ELGaZaLy-=-.:. يقول...

القصة جميلة بجد

رائع اسلوبك اوى

فى انتظار باقى الاحداث

خمسة فضفضة يقول...

السلام عليكم ورحمة الله وبركاته

مهند

لا مش للدرجه دي ، مايجيش حتجه في كتاباتك الرائعه

ما تقلقش ان شاء الله مش ها اتاخر

تحياتي

خمسة فضفضة يقول...

السلام عليكم ورحمة الله وبركاته
مريم

نورتيني
وفكرة ابناء مصر دي جميلة جدا
هل ليها علاقة بمجموعة ابناء مصر البريديه اللي علي الياهو
hearts in one

خمسة فضفضة يقول...

السلام عليكم ورحمةالله وبركاته

زحل الفلكي

شكرا علي ذوقك
ان شاء الله مش هاتستني كتير

خمسة فضفضة يقول...

السلام عليكم ورحمة الله وبركاته

الفنان عادل
مش جايز المره دي يحصل العكس ..؟؟
ادعيلها ان ربنا يريح قلبها

خمسة فضفضة يقول...

السلام عليكم ورحمة الله وبركاته

فارس
ربنا يوفقكم وان شاء الله نشوفها حقيقه مجسده علي ارض الواقع

تحياتي

خمسة فضفضة يقول...

السلام عليكم ورحمة الله وبركاته
Hadota

اهلا بيك هنا دائما وانا ايضا اتمني ان تظلي صديقه للمدونه وان تنال اعجابك دائما

تحياتي

خمسة فضفضة يقول...

السلام عليكم ورحمة الله وبركاته

مهندس زراعي
ربنا يخليك ، ماتحرمش من ذوقك

تحياتي

خمسة فضفضة يقول...

السلام عليكم ورحمة الله وبركاته

د/ مرام
معلش بقي قلت اتهور شوية المره دي واخليها رومانسيه ، بدل الكئابه اللي عيشتكم فيها البوستات اللي فاتت

تحياتي

خمسة فضفضة يقول...

السلام عليكم ورحمة الله وبركاته

الطائر الحزين

هو ده اللي سايد اليومين دول ، حاجات تاخد اكبر اهتمام بالرغم من تفاهتها ،وحاجات تانيه بالرغم من اهميتها تتنسي

واكيد ده واضح في كل حاجه حوالينا

خمسة فضفضة يقول...

السلام عليكم ورحمة الله وبركاته

طهقانه

ايوه يا عم ، اللي ليه ضهر ما يضربش علي بطنه....ههههه

اورفوار ورحمة الله وبركاته

خمسة فضفضة يقول...

السلام عليكم ورحمة الله وبركاته
اخواني مخربش

الحمد لله ان فيه امل
اهو يبقي فيه حاجه والسلام ....هههههههههه

خمسة فضفضة يقول...

السلام عليكم ورحمة الله وبركاته

بابا نسمة

شكرا علي الفحت

ان شاء الله الجزء التاني انهارده

خمسة فضفضة يقول...

السلام عليكم ورحمة الله وبركاته

الغزالي

شكرا علي ذوقك ، نورت المدونة

تحياتي

Zika يقول...

bravo
طريقتك ممتعه في الكتابه من الناس القليلين اللي تخليني اقرا لحد الاخر

أحمد سلامــة يقول...

انا لسة مقريتش الجزء التاني وطالع اقراه اهو وحاسس ان احمد ده هيطلع ابن حلال مصفي وربنا يجيب العواقب سليمة
بس معلش برضو الدكتور اللي سمنع دخول واحدة صاحية من بيتها وجاية الكلية مخصوص عشان تحضر سكشن وفارما كمان يعني لو توكسو مثلا ولا بارا
لكن فارما يا ناااس
وميدخلهاش
مبينزلزليش من زور
مع ان اسمه احمد
كان في دكتورة اسمها مني كانت بتصحى الصبح تيجي تطردني من سكشن التشريح وتروح
ولت انا
اطلع اكمل الجزء التاني بقى

غير معرف يقول...

السلام عليكم ورحمة الله وبركاتة
انا اسمى احمد مكاوى انا قصتى كنت فى الصف الثالث الابتدائى وجائت فجأة بنت معانا من شدة جمالها سألت عليها البنات مين دة قلولى دة ياسيدى اسمها منى قلت العب عليها شوية ومكنتش حاطط فى بالى الة انا ممكن احبها فى يوم من الايام ومرت سنة وكنت متعلك بيها جدا والكل لحظوا بس انا ما كنتش بحبها بس مكنتش اقدر استغنى عنها ومفكرتش الة انا ممكن احبها خالص ومرت سنة ورا سنة وانا على هذا الحال وخلص الصف الخامس وبعدنا ومعدناش نشوف بعض ولا كنت اعرف بتها ولا حاجة ومر شهر ولآيت نفسى بسأل عليها الة كنت بشوفهم من الة كانو بيخدو معاية الدرس واتشديت ليها فجأة وفكل حلم بشوها فية وبقيت متجنن عليها ومبقتش عارف انا حبتها ولا اية بس المهم الة انا عاوز اشوفها او اسمع صوتها وبدأنا الصف الاول الاعدادى وكنت باخد درس عند مدرس اسمة استاذ خالد قضيب مدرس انجليزى وفمرة كنت قاعد رحت كاتب على الترابيزة اسمى وكاتب تحت ايدى جاريرو كانو مسمينى كدة والحصة الة بعديها لقيت اسم منى جنب اسمى وحرفينa..mقلت الة اية جاب الاسم دة كنت خلاص بقة زى الغرقان وكان نفسى اشوفها وسعتها حسيت الة انا مبحبهاش انا سعتها اتأكدت ان انا عمر حياتى مهعرف اكملها من غير منى وكل حصة الاقى كلام غريب عن منى واسمها وقلب وكدة انا شكيت الة منى ممكن تكون بتاخد عند نفس الاستاذ بس فى مجموعة البنات رحت وغيرت المجموعة ورحت مجموعة البنات وملقتهاش قلت يمكن حد من صحابى بيعكسنى على الة بينكتب على الترابيزة وتنيت اغير فى المجموعات على امل انى الاقى منى ولاكن خلصت المجموعات وملقتهاش وفى مرة استاذ خالد شرط عليا انى لازم التزم بمجموعة قلتلو خلاص انا هرجع المجموعة الاولانية قلى لا دة بقت زحمة وهوة اخترلى مجموعة وقلى معلش انا معنديش غيرها فيها عدد صغير قلتلو لا وضغط عليا المهم وفأت بالعافية وجة معاد الحصة ورحت وأنا مش طايق استاذ خالد وأنا داخل ببص على المجموعة والة فيها وفجأة عنيا جات فى عين منى ونلقيها جالسة فى المكان الة انا كنت بعد فىة فى مجموعتى والمهم كنت دائما وانا فى المجموعة ببصلها وكنت بخاف عليها موت وتحول الحب الى عشق وكنت دائما كنت بتحرج اتكلم معاها خالص ومرت ال3سنوات الاعدادية ومفيش مرة حولت اكلمها وخلصت الأعدايةعلى كدة وكنت متأكد ان هية بتحبنى يمكن اكتر منى ومرت سة ورا سنة وانا بروح اقف عند بيتها بعد ماعرفتواواستناها تطلع من البلكونة علشان اشوفها او اسمع صوتها وزى ماكنت متأكد انها بتحبنى 100%كنت بردة متأكد ان انا بيتهيقلى 100%ومبقتش عارف اعمل اية وكنت فى الصف الثالث الثانوى وملقتش حل غير انى اكلم اختى فى الموضوع دة ونصحتنى الة ثوانى ثوانى نسيت اقولقم انى فى مرة حولت انى اتصل بيها بالتليفون وردت عليا قولتلها ازيك يا منى انا احمد مكاوى قلتلى انا معرفش حد بألاسم دة رحت قيلها طاب مع السلامة ورحت قافل السكة وقررت انى ابطل افكر فيها ولكن مقدرتش وكلمت اختى ونصحتنى انى اكلمها قولتلها كلمتها وفلتلى معرفكش ردت اختى وقلتلى يبقى مبتحبكش قلتلها لا والله بتحبنى فأنا اقترحت على اختى ان هيا تكلمها فى التليفون المهم اختى وفقت

غير معرف يقول...

يا جماعة انا سوف اكمل لكم قصتى بس انتم اقرأوا اول جزأ وقلولى اية رأيكم

القرآن الكريم