TvQuran

٢٠٠٧-٠٤-٢٢

من اجل مدونات نظيفة ..3


اكرر شكري العميق لكم جميعا علي تجاوبكم الجميله مع فكرة

من اجل مدونات نظيفة

وبناء علي اقتراحاتكم ، عن اللوجو والكلمة اللي المفروض اننا نضعها ككلمة افتتاحية مميزة للمدونات النظيفه في محركات البحث

فقد اجتمعنا علي ان تحتوي الجمله علي كلمة نظيفة او نظيف وعلي ان لا تتكون الجمله من عدد كبير من الكلمات حتي لا تتوه وسط محركات البحث
مثلا
" مدونة نظيفة "
او
" انا ادون بنظافة "

او اي شئ من هذا القبيل



اما اللوجوهات فيوجد اكثر من واحد يمكنكم الاختيار من بينها :














----------------------------------------


من تصميم الفنان احمد عبد العزيز




نفس التصميم ولكن شفاف
The image “http://s162.photobucket.com/albums/t257/details_adv/th_stop3.png” cannot be displayed, because it contains errors.





---------------------------------------------

تحديث:


الاستاذ محمد عبد الغفار طلب حجم اصغر من اللوجو الاول والرابع








-----------------------------------

تحديث :

بناء علي آراءكم تم ازالة البانر اللي صممه د/ خالد من ضمن الشعارات الخاصه بحملة من اجل مدونات نظيفة

------------------------------------


تحديث 2

قامت الاخت طعمة بتصميم الشعار التالي





شكرا جزيلا لاختنا طعمه






103 comments:

عصفور المدينة يقول...

علم ونفذ يا فندم
تم اضافة اللوجو
وتم اضافة عبارة من عندي
مدونة تلتزم : ما يلفظ من قول إلا لديه رقيب عتيد

وتم اضافة عبارتكم المقترحة
مدونة نظيفة
اقترح بقة اقتراح جديد أن يتم عمل قائمة سوداء بالناس اللي حاطين اللوجو ولا يلتزمون به وهذا سيحدث :)

عصفور المدينة يقول...

ملحوظة للبحث يجب وضع العبارة بين علامتين تنصيص
"مدونة نظيفة"
طبعا مدونة حضرتك منورة نتيجة البحث
ولسة مدونتي ما طلعتش عشان يظهر وقت التحديث بتاع الفهرس

mohand يقول...

السلام عليكم
دكتوره فضفضة
جزاكي الله كل خير علي عملك الرائع وان شاء الله يكون جبل في ميزان حسناتك امين يا رب
------------
الدكتور خالد
كل الاحترام والتقدير لشخصك المحترم
ولكن عندي ملحوظه
مدونات نظيفه لا تعني ان يكون صاحبها علي دين الاسلام
فالكثير من اصحاب الاديان الاخري علي خلق وادب واحترام ولا يعرضون افكارهم باشكال بذيئه
وضعك لكلمة انا مدون مسلم اقتصرت الفكرة علي اصحاب الدين الاسلامي
اننا نخاطب اخلاق واعلم جيدا ان الدين الاسلامي دين اخلاق وكل الاديان تنادي بالاخلاق
لكم مني كل الاحترام واالتقدير
اخوكم مهند المصري

The Manager يقول...

جزاكى الله خيرا على مشروعك الرائع

وبجد ربنا يجعله فى ميزان حسناتك

انا فعلا الموضوع دة بيتعبنى لأن ناس كتير فاكرين طالما انه عمل مدونة يكتب فيها براحته يبقى يغلط ويقول من غير حدود

ودة غلط كبير

إن شاء الله الموضوع ينجح ونقضى على الظاهرة دى !

مع ان الأكواد كدة مضطر انقلها وانا اصلا مليش فى اللغة دى أصلا
لكن جزاكى الله خيرا

السلام عليكم

yamen يقول...

علي فكرة انا اول مرة اعدي من هنا واول مرة كمان اسمع عن المبادرة بتاعة التدوين النظيف دي..

طب انا هاقول حاجة ..

هي فكرة حلوة جدا و اي حاجة بتدعو للاخلاق فلازم الناس كلها تشجعها..

و لكن..

مش تفتكري ان اي واحد من حقه يكتب او يقول اللي هو عايزه في مساحته الخاصة..

طبعا انا ضد التدوين البذئ ولما بادخل علي مدونة وبلاقي فيها الكلام ده باطلع منها وبادخلهاش تاني..
انما الشخص صاحب المدونة دي مش بيقول الكلام ده في الشارع..

ده بيقوله في بيته..يعني في صفحة خاصة بيه هو فقط..و ده الفرق بين التدون والكتابة في اي موقع او مجلة..ان دي الحتة بتاعتي..واللي عايز يتفضل اهلا وسهلا واللي مش عايز برضه اهلا وسهلا..

طب انتي عندك مثلا في مدونات بتاعة شواذ وسحاقيات وملحدين..

طب دول هانعمل فيهم ايه..

اه لا بيشتموا ولا حاجة..دول ناس بتعبر عن اسلوب حياتها باسلوبها..

عموما الكلام ده مش معناه اني مش معجب بالفكرة او مش هاشجع الحملة..
ولكن ده كان من باب النقد الذاتي..

تحياتي والي الامام

عصفور المدينة يقول...

الأستاذ يامن جميع المشاركين في الحملة تقريبا اتفقوا سابقا فيما فهمت إن هذه الحملة ليست ضد أحد معين
ولكنها نداء الطبيعة أقصد نداء الفطرة يعني للتمايز بين المدونين الوحشين والمدونين الحلوين الطيبين بحيث لما تحب تقرا تدوينة نظيفة تصل لها بسهولة طبعا هي مبالغى لو ظن احد اننا سنقف لهم بالمرصاد وإن ماحدش حيقرا لهم أو انه حيقفلوا الدكاكين ويعضوا أنامل الندم على ما فرطوا في جنب الله إلا بمشيئته سبحانه وليس بمجرد بنرات أو شعارات ولكن كما سبق هي للتمايز والتمايز ده مطلوب شرعا

أُكتب بالرصاص يقول...

وانا معاك



كلنا ايد واحدة يا مرسي

غير معرف يقول...

إية دة
دا أنا كدة غايب عن العالم

أحيي مبادرتكم و أدعمها بشدة و على فكرة التدوين غير النظيف ما بيقتصرش على البذائات و الشتايم بس
لكن ممكن الكاتب بمعرفته يتوه في وسط الكلام جمل ليها دلالات سيئة جدا

و دا أثره كبير على الناس اللي بتقرا لأنك بتحس نفسك بتقرا كلام كبير و في النص نغشة صغيرة فلو إنت مش منتبه و منبهر ببقية الكلام مش هتلاحظها بس صدقوني بتلزق ف دماغك بعدين و بتفتكرها دوناً عن الموضوع كله

لذلك أنا أحارب كل ماهو سيء ع المدونات لكن في نفس الوقت دا المفروض ما يمنعش إن إحنا نسمع لأي إنسان مهما كان كلامه لأنه في الآخر إحنا مطالبين إننا نصلحله تفكيره لو كان غلط ولا هنشتغل إعتزال من أولها و لكم دينكم و لي دين و الكلام دة كله

لازم ما تبقاش مقاطعة و بس
لكن إتها تكون مقاطعة بنائة
بمعنى إنو نقاطعهم بس نعرفهم الغلط
ربنا هداهم أو ما اهتدوش دي مش مشكلتنا بس المهم اللي عليك تعمله

مبادرة حلوة يا دكتورة و أؤيد بشدة كلام مهند عن البانر بتاع الدكتور خالد لأن الكلام دة مالوش مكان وسطينا في مصر
و بصراحة كدة شفت مدونات مسيحيين فلة و ف نفس الوقت شفت مدونة مسلم و اسمه أحمد و البتاع اللي فيها يقرف

تحياتي يا دكتورة فضفضة و ميحرمناش من عقلك

محمد عبد الغفار يقول...

يعجبنى اللوجو الرابع ولكنه عريض بعض الشئ هل يمكن تصغير عرضه قليلاً واعاده نشر الكود

تحياتى لك وللفنان احمد عبد العزيز وعصفور المدينة لحماسه الشديد

Adem Salhi يقول...

قمت بالرد عليك في مدوّنتي

SomeOne يقول...

اولا

انا مسلم

بس
البانر من تصميم د/خالد
مكتوب فيه لست نصرانيا
لست يهوديا

معني كده ان مدونات النصرانيين
مش ممكن تبقى تبع المدونات النظيفة؟؟

خمسة فضفضة يقول...

السلام عليكم ورحمة الله وبركاته

عصفور المدينة
جزاك الله خيرا

بس موضوع القائمة السوداء دي برضو هاتكون مش عمليه لانها هاتعمل دعايه للناس دول وده ممكن يخلي ناس تانيه تعمل زيهم علشان ينتشروا

---------------------

مهند
جزانا واياكم
اضفت لك كود " مدونة نظيفة " في الشات بوكس

بخصوص البانر بتاع د/ خالد

ما تنسوش يا جماعه ان المحرك الاساسي لينا او لي انا شخصيا في هذه الحمله هو الوازع الديني والاسلامي اللي لا يرضي عن اية بذائات ويطالبنا بتغير المنكر باي طريقه كانت حتي ولو باضعف الايمان

مش عرفه هو ليه البانر ده مأثر فيكم للدرجه دي
يا جماعه ده واحد بيعلن انه كذاوكذا ، وماهواش كذا وكذا
خلاص هو حر ، زي ما الناس التانيين حريين في الاعلان عن انتمائاتهم وحرين في طريقة كلامهم وبدائاتهم
واللي عاوز يستخدم البانر بتاعه وشايف انه علي نفس المنهج بتاع دكتور خالد برضو حر
واللي مش عاجبه ده يستخدم اي لوجو من الباقيين

علي فكره اناكنت حطاه عندي وشلته من امبارح قبل تعليقاتكم دي
بس لاني حسيت انه ها يدي فرصه الناس اللي مش بتبص لاي حاجه الا من الخارج
انهم يهاجموا الفكره زي ما دايما بيحلالهم مهاجمة اي حاجه اسلامية فقط لمجرد انها اسلامية

وبكرر عادي ده راي من ضمن الآراء
والامانه تقتضي اني اضيف البانر بتاعه للي عاوز يستخدمه مع احترامنا الكامل لبقية الاديان السماوية


ولكن كما يقول الله عز وجل :
الدين عند الله الاسلام



كفاية كده وشكرا

خمسة فضفضة يقول...

السلام عليكم ورحمة الله وبركاته

استاذ سليم

اهلا بك معنا وشكراعلي تجاوبك
ومعلش بقي انقل الاكواد كده وخلاص

------------------

دكتور يامن

اهلا بك ونشكر الصدفه اللي خلتك تعدي من هنا

قلت مره قبل كده ان احنا مش ضد حد بعينه ولا بنطلب من حد انه يبطل
بس بنعلن عن نفسنا اننا مجموعه من المدونين اللي عاوزين يدونوا بنظافه ولا يرضيهم كل هذا الكم من البذائات

اما كلام حضرتك عن ان الصفحات دي بيتهم الخاص ، يبقي خلاص المفروض عليهم انهم ما يخلوهاش متاحه لحد يدخل او اضعف الايمان انه الكلام يبقي ليه وما يسمحش لحد يعلق

لما الواحد بيكون بيته مش نظيف بيتكسف انه يستضيف فيه ناس
اما دول بالعكس بيرحبوا وبشده وبيتباهوا
وللاسف الشديد ساعات بيعتذروا ان كلامهم المره دي نظيف ومافيهوش شتايم وبذائات لخوفهم من ملاحقة القضاء لهم بدعوي سب او قذف
عموما ربنا يعافينا ويهدينا و يعافي و يهدي الناس اجمعين

وبالنسبة للشواذ والسحاقيات والعينه دي من المدونين فكلمة بذائات بتشملهم هما كمان ، واعتقد انه لا يوجد خلاف بينا علي مقاطعتهم وهما كمان نفسهم عارفين ان 90 % من الناس مقاطعينهم
ومش محتاجين اننا نقولهم اننا مقاطعينهم



شكرا لكما

وتقبلا تحياتي

خمسة فضفضة يقول...

السلام عليكم ورحمة الله وبركاته
اكتب بالرصاص

اهلا بحضرتك
وشكرا علي مساندتك

-----------------------------
محمد فوزي

اهلا بيك

اتفق الراي علي اننا مش ها نوجه الكلام لحد بعينه ، لان ده ممكن يديله احساس بالاهمية او يفتح الباب امامه لالقاء قاذوراته علينا وهم اناس لا يتورعون عن فعل ذلك

فقط نعلن رفضنا للوضع القائم في كل مكان ، وليس مدونه او مدون بعينه

وياريت تقرأ رد عصفور المدينة السابق علي ردك


شكرا لكما وتحياتي

خمسة فضفضة يقول...

السلام عليكم ورحمة الله وبركاته

استاذ محمد عبد الغفار

اهلا وسهلا

وضعت لحضرتك اللوجوهات بحجم اصغر واكوادها في البوست ده

-------------------

آدم
قمت بالرد ايضا في مدونتك


------------------

شادي فايد

اهلا وسهلا بحضرتك

لا طبعا اي حد ممكن يشارك في الحمله دي بس بشكل جاد
مش يحط اللوجو عنده وبعدين يكتب بشكل مناقض للي المفروض تكون عليه المدونه النظيفه

وياريت تقراي ردي علي مهند عن موضوع البانر بتاع د/ خالد
وشكرالكم جميعا

šσяšαяαα يقول...

ممكن نخللى العنوان:

((كلنا معا من أجل تدوين نظيف.. متكامل..هادف))

او ممكن:
((عضو فى رابطة تدوين هادف بدون بذاءات))

او:
((أنا ادون بحريه نظيفه وهادفه))

وممكن دا كمان للى مدونته بالانجليزى وحابب يضيف العنوان بالانجليزى:
((i care for a clean and meaningful blogger))

اتمنى يعجبكم حاجه ماللى اقترحتها
وبعد اذنك دا رابط موضوع الاكواد اللى عندى..انا رافعاهم على ملف نوت باد ممكن يكون اسهل

http://takhareef-sorsaraa.blogspot.com/2007/04/blog-post_21.html

shabfa2re يقول...

صح كده موضوع جامد بجد

الوافي يقول...

الى جميع الاصدقاء .... والمدونون النظيفين

البنر من تصميم د\خالد فيه الكثير من المغالطة والاستفزاز الغير مبرر وغير مشروع وبما اني كنت اول من دعم هذه الحملة فارجوا من الاخوة توضيح ارائهم في هذا البنر حثى لا يكون عيب نؤاخد عليه

عصفور المدينة يقول...

يستحسن بلاش بانر د خالد هو نابع من عاطفة إسلامية جياشة مش مستفز ولا حاجة ولكنه فولت عالي شوية

خمسة فضفضة يقول...

السلام عليكم ورحمة الله وبركاته

صرصاره
اهلا وسهلا
اخبارك ايه ، ان شاء الله كويسه

شكرا علي الاقتراحات ، وعلي تعبك في اعداد الاكواد في تكست باد
و مافيش مشاكل ضيفي اللينك زي ما انت عاوزه

عموما انا حطيتهم في صور للناس اللي ها تكسل تحمل الملف


تحياتي

خمسة فضفضة يقول...

السلام عليكم ورحمة الله وبركاته

شاب فقري
اهلا بحضرتك معانا

شكرا علي تحمسك للفكره ،

تحياتي

خمسة فضفضة يقول...

السلام عليكم ورحمة الله وبركاته


الوافي
عصفور المدينة

فعلا الناس اللي بتحب تهاجم اي حاجه ليها دافع اسلامي
او بتحب تهاجم والسلام خدوا البانر ده كنقطة ضعف للفكره وبدأوا انهم يهاجموها من خلاله ،
يعني كل المضمون اللي فيها والهدف اللي من ورا الفكره لم يلتفتوا اليه ولكن فقط هذا البانر
بالرغم مع اني اري انه لكل شخص حرية التعبير عن نفسه بالشكل اللي هو شايفه
بمعني ان د/ خالد حابب يعبر عن نفسه كده اوك وفيه كمان ناس ممكن يكونوا معاه عاوزين يعبرواعن نفسهم كده ، واحنا ما فرضناش علي حد شعار معين للاستخدام

المشكله زي ما عصفور المدينة قال البانر نابع من عاطفة إسلامية جياشة مش مستفز ولا حاجة ولكنه فولت عالي شوية
وفي ناس كتير عندها حساسيه زياده من اي حاجه اسلامية مهما كانت ، ومن اي حاجه تاخد شكل اسلامي زي ما يكون الاسلام اليومين دول بقي تهمه

وعموما ياريت كل الاخوه يقولوا لي عن رايهم الاخير في استخدام البانر ام حذفه اصلا من ضمن شعارات الحمله

وان شاء الله زي ما تعودنا من اول ما بدأت الحمله دي ان اي حاجه بتبقي بالتشاور بنا

وشكرا لكما

mohand يقول...

السلام عليكم
اختي الدكتوره فضفضه
بخصوص البانر انا قولت رأي شخصي اننا بكده هنقتصر الموضوع علي المدونين المسلمين فقط
عندك مدونة مايكل مثلا
مدونة اكثر من رائعه علي حسب ما شوفت فيها
طيب احنا كده بنقوله ان بما انك مش مسلم تبقي مينفعش تكون ضمن المدونات النظيفة
مع اني معرفش اذا كان هوه اساسا عايز ينضم ولا لا
طيب انا قولت رأي ليه؟
علشان لما قولنا هنعمل حملة قولنا اننا ضد البذائات والسب والكلام دا كله عموما
وانا بحترم دكتور خالد قولتلك
وبحترم كل اللي بيكتبه عنده
وانا مش ضد شخصه ولا ضد الاسلام
لان اعتقد من ردودي في موضوعات كثيره تخص الاسلام في شتي المدونات افخر اني مسلم وادافع عنه بكل ما اوتيت من قوة وعلم
لكن انا مش عايز نفقد قطاع كبير من المحترمين لمجرد انهم مش مسلمين
حرية العقيده للجميع
لكن التزامنا بالاخلاق دا في كل الاديان
والله المستعان
لا اقصد الاساءه ولا الهجوم
الحمد لله علي نعمة الاسلام وما اجملها نعمه
تحياتي
مهند المصري

أحمد سلامــة يقول...

هي طبعا الفكرة ممتازة
بس المشكله ان الكلام ده متفاوت عند ناس كتيير
حسب اختلاف الثقافات والخلفية التعليمية
بس أكيد برضو في حد ادني للكلام ده
محاوله جميله وشايف عليها اقبال مشجع
تحياتي

yasmina يقول...

شكرا لك اخي وقد وضعت واحدة في مدونتي المتواضعة وانا فعلا اؤيد هذا الموضوع جدا
شكرا على المجهود

Dr.khaled يقول...

ما شاء الله
بارك الله فيكم
للامام دائما
اخوكم/خالد

Dr.khaled يقول...

الاخوة الكرام اللي اعترضوا على البانر
اقول: جزاكم الله خيرا...كلامك فيه صحة وفيه خطأ
اولا : كلامكم...وبالاضافة لكلام الاستاذ شادي.
طبعا ده مش معناه ان اي مدونة لشخص غير مسلم هي مرفوضة باكلية..طبعا لا...
فالحق يؤخذ من اي انسان مهما كان ..فالنبي -ص- قال لابي هريرة عن ابليس (صدقك وهو كذوب) فالنبي قال عنه انه صادق في النقطة دي
اما لكوني اخترت شعار انا مدون مسلم...فانا ارى ان اللي اعترض من المسلمين على اني اضفت نصرانيا او يهوديا او غيرهما من التوجهات...
فياريت يوضح ايه المشكلة؟؟
عذرا انا يا اخواننا
تكلمت عن معظم المدونات....النصرانية على الشبكة
وان كانوا اقلاء...الا ان اغلب هؤلاء الاقلاء..تدويناتهم غير محترمة..طبعا فيه برضه مسلمين تدويناتهم غير محترمة...
الاستاذ/شادي ليس من هؤلاء-اقولها لله ليس لانه تكلم عني-
فانا شعاري كتبته عن السواد الاكبر من المدونات النصرانية

ويا اخواننا ياللي اعترضتم على البانر
اللي مش عايز يحطه...هو حر...
وطبعا انا قلبي ومدونتي مفتوحة لاي اقتراح في تطويرها او ازالة المخالفات اللي فيها..ولو حد راجع التدوينة اللي قبل الاخيرة هيلاحظ ده
اقول: اعتراضكم يا اخواننا على اني بعبر عن هويتي باسلوبي اللي تربيت عليه-ارى انه مع احترامي له..غير صحيح-
والاستاذ الوافي اللي قال عن البانر انه مستفز....وغير مبرر وغير مشروع
اقولك يا اخي
هل تعرف علم الدانمرك؟؟
علم الدانمرك عليه صليب من اوله لاخره...ومع هذا لم يقل عنهم احد انهم مستفزون
هل تعرف علم السويد؟؟
علم السويد عليه صليب ازررق كبير من اوله لاخره...ومع هذا لم يقل احد انهم متشددون
هل تعرف علم اسرائيل؟؟
علم اسرائيل عليه نجمة داوود ...ومع هذا لم يتحدث احد بان وضعهم لهذه النجمة هو من قبيبل الاستفزاز
...طيب هل تعرف ان الاعلام ال3 دول..بيرفرفوا في بلدنا مصر...ومع كده محدش قال عنهم متشددون مستفززون!!!
هي يا اخي الاعلام دي في عرف الدول...
مش ممكن نعتبرها زي البانرات في عرف المدونين؟؟؟
اقولها مرة تانية...انا مدون مسلم لست بيهودي ولا نصراني ولا قومي ولا ....
لا يعني هذا اني اعادي النصارى او أؤذيهم...أو أعاديهم...
فقط انا ابغض ما هم عليه من الكفر
اما عن تعاملي معهم واحترامي لهم ووفائي بالعهد معهم..والسؤال عليهم...واهدائهم الهدايا و...
فهذا انا مأمور به ..كما انا مأمور به مع المسلم
وكما قال الله -عزو جل
(ولا يجرمنكم شنئان قوم على أن لا تعدلوا اعدلوا)
اختصارا: ليس كل المدونين غير المسلمين غير محترمين...كما انه ليس كل المدونين المسلمين على الكتاب والسنة
الصالح والطالح موجود في كلا الفريقين

وأنا أسال كل من تكلم عن البانر...هل زرت مدونتي من قبل؟؟؟
اذا كانت لا...فتفضل زرها...مسلما كنت او مسيحيا
واذا وجدت بها خطأ وجهني...وفقكم الله
واشكر الاخت الدكتورة عن توضيحها وازالتها للشكوك عني في غيابي..وهذا هو حال المسلم مع المسلم
وفقكم الله
ومن كان في قلبه غضب او ضيق مني..فليسامحني عليه..مسلما كان او مسيحيا
وانا اعتذر اليه
والسلام عليكم
ولا تنسونا من دعاءكم
اخوكم/خالد

أنيس يقول...

الفكرة الأصلية للحملة جميلة، لكن ربطها بمُعتقدات أو دين مُعيين (في صورة د/خالد) حتى عن غير قصد يُشوهُ معناها و يُؤدي على مفهوم خطئ ألا و هو أن إذا كنت غير مُسلم أو نصرانيا أو يهوديا أو شيوعيا أو قوميا أو...
فمُدونتك غير نظيفة

ذهبت على مدونة "الدكتور" خالد و رأيت صورا مُفزعة و حمقاء لأنها غُنصرية و شاتمة لمن لا يُشاطره الدين مما أكد لي أنه في هذه الحملة لا يُعبٌر عن رأيه دون سوء قصد

ضـوء الـقـمر يقول...

على فكرة انا اول مرة ازور المدونة دي واول مرة اسمع عن الحملة بس فعلا مبادرة جميلة اوي
وانا اؤيدها تماما والعار هيبقة عندي في المدونة حالا
بجد فكرة هايلة
شكرا يا دكتورة :)

BinO يقول...

فضفضة
الأية الكريمة بتقول
أن الدين عند الله الأسلام
وجب التنويه فقط


بالنسبة لبانر الدكتور خالد فالموضوع بانر ولا أية قرأنية ولا كلمة "لا أله الا الله محمد رسول الله" كلها وسائل لأعلان أعتزازنا بدينا وأعلانا أننا مسلمين
من رؤسانا الي أطراف أصابعنا
د.خالد حر
زي اللي بيعلق الصليب علي صدره حر
اللهم أهدي عبادك أجمعين

Dr.khaled يقول...

ذهبت على مدونة "الدكتور" خالد و رأيت صورا مُفزعة و حمقاء لأنها غُنصرية و شاتمة لمن لا يُشاطره الدين مما أكد لي أنه في هذه الحملة لا يُعبٌر عن رأيه دون سوء قصد

الاستاذ الفاضل /أنيس
أنت قلت ان ربط الحملة بدين معين او بمعتقد معين فكرة خاطئة..ويؤدي الى مفهوم خاطئ
لن ارد على هذا...لكنك لو قرات الرد اللي قبل ده مباشرة ...ستعرف قصدي...والله الموفق

انت قلت انك وجدت في مدونتي صور حمقاء وشاتمة...وعنصرية ومفزعة ...
طيب ممكن تقولي ايه هي الصور دي؟؟
من فضلك اذكر اسماء صور بعينها
ثم ان كلامك التالي بيقول انني اقصد في هذه الحملة امرا معينا ...وتقول اني لا اعبر بسوء قصد
وانا اقول: صدقت في هذا
فانا لا اعبر بسوء قصد..
الحمد لله ادرس الكلام قبل ان اقوله...وما اقوله هو عن قصد...
ولا ارى شيئا في ان أتبرأ...ويتبرأ معي كل مسلم من الافكار العلمانية او اليهودية او النصرانية او الشيوعية او .....
فكل هذه افكار دخيلة على الاسلام...
أما وإنك من تونس يا أخي...فأقول...هداك الله
السنا في هذا الوقت من الزمان...بامس الحاجة الى ان نبرز هويتنا ونعلنها بصوت عالى..نحن مسلمون على الكتاب والسنة...ولا نقبل بالافكار الهدامة كما ذكرتها.....اما وان كان مع هذه الافكار حق..او فضيلة..فنحن اولى بها منهم
يا اخي...انت رأيت صور في مدونتي...فهلا قرأت المواضيع وعلقت عليها؟؟؟
نهاية اقول: اذا كان لديك اي تعليق...
ففضلا اسلني على ايميلي وهو موجود في البروفايل الجانبي للمدونة ..حتى لا نحدث بلبلة في هذا الموضوع..(وهو موضوع الحملة الداعية لبروز المدونين المحترمين على الساحة)
واتقبل النقد البناء دائما...
وأقول نهاية يا اخي..أنا مدون مسلم
وأكفر كفر صراحا بالعلمانية والليبرالية والشيوعية واليهودية والنصرانية والقومية
انا اتبع الرسول والصحابة والتابعين
قال تعالى
(فإن آمنوا بمثل ما آمنتم به فقد اهتدوا*وإن تولوا فإنما هم في شقاق)

اهلا ومرحبا بك في مصر

أنيس يقول...

إلى الفاضل خالد
أنا لا أُخالفك أو أنقدك على طرح عقيدتك أو أفكارك أو إتٌجاهاتك (السياسية أو الإجتماعية) ، بل أنقد الرٌابط الذي وضعته بين الحملة و شخصك
فالمعنى الذي يبرز من هذا الخلط يجعل كأن الإختلاف هو هدف الحملة و هذا خطئ ، لأن الهدف هوطمس الشتم و ليس الإختلاف عن الإسلام

الصورة التي صدمتني هي التالية:
http://a.wordpress.com/avatar/deedat-96.jpg

ما هو المعنى يا ترى ؟

أنيس يقول...

أأأأوبسسس !
كنت أقصد مع سوء قصد (آسف عن الخطئ!)

أنا لن أتحدث هنا عن النظريات الإيديولوجية و علاقاتها باللإسلام لأنها مواضيع عميقة و ليست بالسهولة التي تصفها، لكن أن نبرز هويتنا ونعلنها بصوت عالى أنا متفق معك ١٠٠% ( و هذا ليس بطمس الإختلاف بل بالإبداع الذاتي!)

SomeOne يقول...

خالد

للمرة التانية بقولك انا مسلم

بس انا بسأل

المشروع ده اسمه مدونة نظيفة
ولا
مدونة نظيفة مسلمة

يعني لو واحد مسيحي دلوقتي عجبته الفكره وحب يخلي كل المدونات نظيفة
وشاف البانر ده

حينفض للموضوع

طب ليه
احنا حتى لو الدافع للمشروع ديني
بس هدف المشروع
مدونة نظيفة
سواء
مسلمة
مسيحية
يهودية
ان شالله تكون بوذية
بس اهم حاجة نظيفة


ومدام هدف المشروع ديني
يبقى تخليه في نفوسنا
وننتظر الجزاء من عند ربنا

يا جماعة
احنا زهقنا بقى من التفرقة بين مسلم ومسيحي من غير لزمة

ارحمونا بقى

SomeOne يقول...

انا اسف اذا كان كلامي حاد

انا بكرر اسفي

وارجو تفهم كلامي

دون اي زعل

احنا هنا في ساحة نقاش حر

والتعبير عن الرأي بحرية

برده بكرر اسفي

صاحب البوابــة يقول...

اقتراح رائع للغاية

اختي العزيزة حقاً جزاكِ الله كل خير

تحياتي لكِ بشدة

------------------
صاحب مدونة البوابة

ana ga3an يقول...

سؤال يعني
انا دلوقت لو حطيط الشعار دة
مش هاعرف اأبح ولا اية النظام
لا كدة ما ينفعش انا ساعات بيتحرق دمي وبكون محتاج
افش غلي شوية
ودة ماياكلش معايا نوهائي
معلش يا ست الحكيمة
انا راجل عندي الضغط اعذروني

Dr.khaled يقول...

:)
اخي الاستاذ /انيس

جزاك الله خيرا
بخصوص الصورة...ليس معناها هدم الصليب وتفجير الكنائس والكلام التافه ده...لان هذا كله محرم بالاجماع
لكن يا اخي لو قرات الكلمة التي فوقها لعرفت المقصود
الكلمة هي (التنصير فوق صفيح ساخن)
فالغرض من الصورة هو ...محاربة التنصير...وليس القضاء على النصارى
فهم لهم ديننا ولنا ديننا
اظن المعنى قد وضح

والله انا عرفت الوقتي فقط ايه اللي عمل لبس
انا لما كتبت اني مدون مسلم...يعني انا مسلم من حيث ان ديني لا يحثني على السب والشتائم
طبعا -النصرانية ليس فيها هذا-لان فيها ان بنات لوط فعلن معه زنا محارم وانبياء لا عصمةلهم واله خروف و....
وعند اليهود ان يعقوب -عليه السلام- قد صارع الرب فغلبه..وان الله عندهم قد مرض وعادته الملائكة وانه جاهل و...
تعالى الله عما يقول الكفار علوا كبيرا..
والعلمانية تقول...الحكم للشعب...
والاسلام يقول الحكم...لرب الشعب
والشيوعية...لاهم لها الا الجنس...
والليبرالية تريد الانسان ان يكون محررا من اي ضابط يضبط اخلاقه او تعاملاته -باختصار..متحرر من دينه متحرر من قوميته-
وهكذا
فانا لما قلت اني مدون مسلم..كان قصدي: انني كمدون مسلم يجب على ان التزم بالمعايير الاخلاقية الدينية
لا سب لا شتائم لا لعن لا...


المهم...خير ان حصل كلام بيننا..وان شاء الله لي عودة في مدونة حضرتك بس لما ارجع ان شاء الله...وجزاك الله خيرا

اخي الاستاذ/ شادي
بالنسبة للتفرقة بين المسلمين والنصارى...فنحن في مصر والحمد لله...بخير...اللهم الا ما كان من بعض النصارى التافهين اتباع مايكل منير اللي اطلقوا على انفسهم اسم (اقباط المهجر)...والا ما كان من بعض الكلاب الذين سبوا نبينا في مسرحية الاسكندرية العام الماضي
وما عدا هذا..فالى حد ما..الامور افضل من غيرها بكثير
فلا فرق من ناحية المواطنة-وهو المبدأ الذي اتى به رسول الله- منذ اكثر من 1400 عام
اما من حيث الدين..فلا يختلف اثنان اننا مسلمون...وهم كفار

معلشي طولت عليكم
ولا تثريب عليك....قل ما شئت..فا
فانا اتقبله -ان شاء الله- لانك اخي في الله
...اذا وجدت خطأ في اي تدوينة لي...فيجب عليك ان تنبهني عليه لان الدين النصيحة

جزاكم الله خيرا يا اخواني والسلام عليكم ورحمة الله
اخوكم/خالد

Layla يقول...

شكرا على المجهود

عصفور المدينة يقول...

إلى جميع اللذين خرجوا إلى منا قشة موضع بنر د خالد بما فيهم اخي الحبيب خالد
أهديكم مقالتي هذه ياريت تقروها
السيـــــــــاق

وأعني بهذا الإهداء أن اقول كل هذا الكلام خارج السياق فعلا هدف الحملة شيء والنقاش خارج السياق ما بحبش النقاش خارج السياق عامة لأنه بيضيع الفكرة الأصلية
لو حد بما فيهم أخي خالد عايز يعمل حملة عن مدونة إسلامية على منهج أهل السنة ممكن واللي حابب يشارك يشارك بما فيهم العبد الفقير
ولكن سياق الدكتورة تدوين نظيف بعيد عن السباب بما في ذلك احترام الدين والالتزام بالقيم بغض النظر عن مرجعية ذلك
أقصد طبعا ضمن السياق اللي احنا فيه عشان التركيز بس
أما أن يتحول لمناظرة في مسائل فكرية فده مطلوب ولكن في سياقه لأني أعتقد يا د خالد أن كلامك في مدونتك بيكون مقنع ومؤثر وكلنا بنحبه لأنه بيكون متكامل ومركزين ع الهدف لكن هنا فتحت عدة جبهات مرة واحدة ونسينا الموضوع الأصلي
"مدونة نظيفة" أنا اتعودت الكام يوم اللي فاتوا دول اني بانصحك وانت مش بتزعل فطمعت فيك بقة
وبعدين السن له حكمه
ثانيا بابحث في جوجل "مدونة نظيفة"ماجاش غير مدونة د فضفضفضفضفضفة والعبد الفقير وواحدة كمان اللي هي الأخت صندوق الطماطم
http://box--of--pandora.blogspot.com/

mohand يقول...

السلام عليكم
انا مع عصفور المدينة في اللي قاله في الاخر
ومعاه في كل حرف
عموما
انا يا عصفور حاطط الشعار بقالي ثلاث ايام ومش بتظهر برضه ومش عارف ليه والله
كل ام احاول ابحث في جوجل متظهرش
لو تعرف السبب قولي

mohand يقول...

يا جماعه نسيت اقول حاجه
يا ريت تدخلوا هنا وتقولو رايكم في موضوع المسابقة اللي احنا عاملينها
تحياتي
http://best-post.blogspot.com/

خمسة فضفضة يقول...

السلام عليكم ورحمة الله وبركاته

مهند
طيب كده يبقي عندنا 4 اراء مش راضيين عن استخدام البانر ضمن شعارات الحمله

انت وحسن الوافي وعصفور المدينه و شادي

ننتظر فتره يوم كمان وبعدها نقرر ان شاء الله

--------------

د/ احمد سلامه
اهلا بحضرتك نورت المدونة

بس اكيد ما فيش انتنين يختلفوا ان موضوع الكلام الخارج زاد جدا عن حده في كتير من المجونات
اللي المفروض اصحابها من الناس اللي نحسبهم مثقفين ثقافه عاليه يعني المفروض يكونوا قدوه لناس غيرهم ، خاصة ان اي حد ممكن انه يقرالهم وممكن في نفس الوقت يبني فكره عامه عن المدونين انهم كلهم كدا
بالرغم من وجود ناس كويسين وليهم افكار جاده وبيتكلموا بساليب حضاريه


------------------

ياسمين
شكرا لتجاوبك معنا واهلا وسهلا بك في مدونتي المتواضعه

خمسة فضفضة يقول...

السلام عليكم ورحمة الله وبركاته

د/ خالد
استاذ انيس

شكرا لكما علي توضيح كل منكم وجهة نظره للآخر بهذه الطريقة المتحضره
ولكت عفوا وكما قال عصفور المدينة فقد خرجنا تماما عن سياق الموضوع
لذلك ارجو اغلاق المناقشه هنا ، واذا اردتم انقلوها علي الميل الخاص بكما
وشكرا علي تجاوبكم معنا
ورغبتكم في الوصول بالحمله الي افضل شكل ممكن

ولقد طرحت موضوع البانر للتشاور ، وهل يتم ازالته من ضمن شعارات الحمله ام نبقي عليه
وطبقا لما سيتم الاتفاق عليه ان شاء الله سيكون التصرف

خمسة فضفضة يقول...

السلام عليكم ورحمة الله وبركاته

د/ شادي

اهلا وسهلا

وشكرا لك علي توضيح وجهة النظر

وكما قلت وضعت موضوع البانر للتشاور
وسيتم البقاء عليه او ازالته طبقا للآراء


و لا داعي للاسف فنحن فعلا هنا نناقش الموضوع بكل حريه للوصول بالفكره الي احسن شكل ممكن
فجزاك الله خير

--------------------

صاحب البوابة

العفو حضرتك
واهلا وسهلا بك معنا من اجل تدوين نظيف

-------------------

استاذ جعان
هههههههههه

يعني ما ينفعش تفش غلك الا بكلام مش كويس ..ههههههههههههههه

خلاص شاركنا بس في الحمله واحنا نعملك اوستيسنا بكلمه كل شهر تفش غلك بيها
والف سلامه علي ضغط حضرتك

خمسة فضفضة يقول...

السلام عليكم و رحمة الله وبركاته

باشمهندس بينو

شكرا علي التصحيح

ورايك بخصوص البانر ، انا قلت شبهه في تعليق سابق
ان كل واحد حر يعبر عن نفسه بالطريقه اللي هو عاوزه
ياريت حضرتك تراجع الرد فوق شويه

-------------------

واحد زهقان

العفو
وشكراعلي مروك علينا وان شاء الله تنضم لنا

خمسة فضفضة يقول...

السلام عليكم ورحمة الله وبركاته

استاذ عصفور

شكرا علي كلامك اللي فعلا في محله
و ياريت نرجع تاني لموضو الحمله الا وهو "مدونة نظيفة "

وفعلا لا يظر البحث علي جوجل سوي مدونتك ومدونة الآنثة مها ومدونتي فقط

لا اعرف ما هو السبب
هل ممكن يحتاج الامر لاضافة الكلمة في عنوان بوست كما عندي وعند حضرتك ..؟؟؟
مش عارفه

------------------

مهند


ايه الاعلانات دي كلها .....مين بقي اللي هايدفع ثمنها....هههه

عصفور المدينة يقول...

I found that words from some forums
"Google spiders the web 24/7 - and the only way to really get your site spidered is to have a link to it from somewhere else. But google crawls the web 24/7"

يعن من الاخر لازم تحط لينك عن المدونة في مكان آخر بحيث يقدر يلاقيك
وناس تانية قالت تحط العبارة في ديكربشن بتاع المدونة
وعلى كل رجاء قراءة هذه لمقالة عن كيف تجعل مدونتك تظهر في بحث جوجل
http://www.scamfreezone.com/gg/

Dr.khaled يقول...

جزاكم الله خيرا
ومن تابع التعليق الثالث لي سيجد هذه العبارة-ان شاء الله

(نهاية اقول: اذا كان لديك اي تعليق...ففضلا اسلني على ايميلي وهو موجود في البروفايل الجانبي للمدونة ..حتى لا نحدث بلبلة في هذا الموضوع..(وهو موضوع الحملة الداعية لبروز المدونين المحترمين على الساحة)
واتقبل النقد البناء دائما)

واشكركم

Reemo يقول...

احييكم بجد على المجهود الرائع ده
وانا فعلا كنت اتكلمت عن المدونات الهايفه واللى بتحتوى على الفاظ خارجه فى بوست عندى
بس بجد مجهودكم اكثر تاثيرا
احييكم عليه
تحياتى

khaled يقول...

معلش يا دكتورة
انا اسف للتأخير كان غصب عنى و انا هاخد صورة منهم و احطها عندى
جزاك الله خيرا ع المجهود الطيب
جميل
ما شاء الله

خمسة فضفضة يقول...

السلام عليكم ورحمة الله وبركاته

عصفور المدينة
شكرا علي تعبك في البحث
يبقي كده يا اما نحط الكلمة في الديسكريبشن بتاع المدونة ،
يااما نعملها في لينك في مكان آخر بس زي ايه مش عارفه

طيب ما ممكن كمان نحطها كعنوان لبوست ولو حتي بوست من سطر واحد

بس منرايي الاسهل هو في وصف المدونة اللي المفروض بيبقي تحت العنوان

----------------------------------


د/ خالد
جزانا واياكم
ايوه اعرف ان حضرتك قلت كده في كلامك ولكن حبيت اكرره للتأكيد ليس الا

وآسفه لو اللهجه كانت جافه شويه


شكرا لكما

خمسة فضفضة يقول...

السلام عليكم ورحمة الله وبركاته

ريموو

العفو واهلا وسهلا يك معنا


---------------------

باشمهندس خالد

لا انا اللي آسفه اني ما سالتش عليك في فترة غيابك
فحمد الله علي السلامه
شضكرا علي تجاوبك السريع معانا وتحمسك للفكره


تحياتي لكما

Big Trap Boy يقول...

بصراحة لا أرى أكثر بذاءة من البانر المتخلف الذي يربط بين البذاءة وبين مجموعة من الأديان الأخرى والتيارات الفكرية السياسية والاقتصادية

والله الكلام البذيء أخف علينا وطأة من مثل هذه البذاءة الفكرية العميقة جدا جدا

مدون من تونس

Big Trap Boy يقول...

آه، وعفوا لو كان كلامي جارح أو عنيف إلى حدّ ما لأنه حسب رأيي ليس الحد الكافي

أما الآن وقد إطلعت على توضيحات الدكتور صاحب العملة وعلى علاقته الطيبة بالمسيحيين أو النصارى واحترامه الشديد لهم- ما عدى طبعا التافهين والكلاب والكفار منهم- وخاصة بعد قراءة تفسيره الضافي والشافي للعلمانية والشيوعية والليبرالية فإنّي أعتذر شديد الإعتذار على كل التعاليق التي صدرت مني وكل السنوات التي قضيتها في الجامعة وكل ورقة طالعتها في حياتي

نصيحة واحدة يا دكتور: ما تبعثش أولادك لنفس كلية الطب اللّي تخرجت منها، خلي عندنا أمل في الأجيال القادمة

ملاحظة أخيرة: أنا مش من تونس، أنا مخلوق فضائي لا مكان لي في عالمك الجميل

Big Trap Boy يقول...

وعلم الدانمارك لعلمك فيه صليب لكن ما فيهش إحنا مش مسلمين

أخيرا للأخت صاحبة المدونة المعذرة على عدم الإلتزام بموضوع الحملة ولكن حسب رأيي مناقشة هذا النوع من الفكر أهم كثيرا من الإهتمام بالحرية الشخصية للأفراد فيما يكتبون ولا يكتبون، فمن يكتب الكلام البذيء لا يلزمك بقراءته ومن يكتب تعليقات بذيئة على مدونتك فيمكن لك مراقبتها قبل نشرها أو حذفها بعد النشر، وهي إمكانية يمكنك إستعمالها لحذف كل ما كتبته في التعليقات الثلاثة

والسلام

mohand يقول...

السلام عليكم
دون الدخول في اي مواضيع
او اي كلام
المدون التونسي دا حبيبي
وانا بموت في التوانسه
لانهم اكتر شعب عربي يا عيني مضطهد
ومتبهدل والله يا جدعان
المسلمين هناك مش واخدين حقهم
وهناك لو مكنتش علماني وتمتنع تماما عن ممارسة دينك
يبقي انت رجعي وارهابي وكده
----------------
عايز اقوله معلومه صحيح
جامعتنا فيها المحجبات بيدخلوها بحجاب والغير محجبات بيدخلو من غير حجاب
انتو بقي فين حرية الرأي والمعتقد
لما بتمنعوا المحجبات من لبس الحجاب
-------------------
اللي عايز يسب محدش راحلو وقالو متسبش
بس احنا بقي مقاطعينهم
وانا شخصيا مقاطع اي مدونة تونسيه علي فكره
----------------
محدش اجبرك انك تشارك بقي

تحياتي
مهند المصري

دكتوره فضفضة لا تلقي بالا لمثل هذه التفاهات
وطبعا لكل نجاح حاقدين

Unknown يقول...

الأخت الكريمة دكتور فضفضة
تم التنفيذ
جزاكى الله خيرا وجعل هذا الأمر فى ميزان حسناتك

Van Gogh يقول...

الى زميلة المهنة فضفضة
كلامك جميل....والأجمل الفعل
ومش عارف هما الصيادلة كلهم خرس وبيحبوا صلاح جاهين ولا ايه...؟؟
دى اول مرة ليا هنا بس اكيد مش الأخيرة
وبينى وبينك النقابة
:)

أنيس يقول...

@mohandat
"عايز اقوله معلومه صحيح
جامعتنا فيها المحجبات بيدخلوها بحجاب والغير محجبات بيدخلو من غير حجاب
انتو بقي فين حرية الرأي والمعتقد
لما بتمنعوا المحجبات من لبس الحجاب ..."

و هل هنالك حرية رأي في أي قطر من الأقطار العربية ؟؟

Blank-Socrate يقول...

كنت احترم مدونتك
اسف
يوجد ذلك اللوجو المتعصب
لست نصرانا و لست يهودى
اتمنى ان يكون نشرا سهوا
التدوين لاجل اقامه جسور للحوار بين الجميع

Blank-Socrate يقول...

شادى فايد احترم تعليقك بعمق

خمسة فضفضة يقول...

السلام عليكم ورحمة الله وبركاته

Big Trap Boy

اهلا بحضرتك
مش معني اختلاف احدهم معك في الرأي ان تعتبر هذا نوع من البذائة الفكرية

وايضا لم يدخل احد مدونتك ويصفك بكذا وكذا ولم يطلب منك احد ان تغير المنهج الذي تسير عليه
كما لم يطلب صاحب البانر منك او من الآخرين تغيير منهجهم و فكرهم
فقط يقول انا كذا ولست كذا
ده ليه بيزعل حضرتك
وكما انت حر ان تضع الصور العاريه والكلام البذئ في مدونتك
هو حر انت يضع ما يشاء من صور وبنارات مهما كانت
لم يقل لك احد لا تفعل كذا وافعل كذا وهو ايضا

حملتنا لم نوجهها ضد احد بعينه كما قلنا مرارا وتكرارا

وكما لم يتوجه اليك احد بالاساءه الرجاء لا تسئ لاحد
خاصة وهذه ليست مدونته وهو ليس موجود
اذا شئت اذهب الي مدونته وقل ما تريد ، اما هنا فالرجاء الالتزام ببعض الذوق في الكلام

---------
واكرر حملتنا ما هي الا وقفه احتجاجيه امام كل البذائات والشتائم
ليعرف الجميع ان هناك مدونون يهمهم نظافة الفكره والمضمون والهدف ومن قبلها طريقة التعبير عنهم بالكلمة النظيفه


شكرا لحضرتك ولكل المدونين من تونس

عصفور المدينة يقول...

يا اخوانا هو انتم غاويين نقار
الحملة واضحة صاحبتها وضحتها والجميع أيد كلامها
مش ضد حد ...للتميز ورفع الصوت النظيف الهادف البعيد عن البذاءة حتدخلونا في خلافات مالهاش داعي ليه... اقصد مش موضعها
ولا مكانها ولا مناسبتها
الكلام المفروض يكون كدة أنا مع الحملة ومشارك والغ أنا لست مع الحملة وحاشتم واسب براحتي وما حدش ييجي عندي في مدونتي

خمسة فضفضة يقول...

السلام عليكم ورحمة الله وبركاته

مهند

ارجوك لا ينبغي ان تتحدث بهذه الطريقه عن شعب شقيق لنا

كلنا يعرف ما يحدث في تونس من رفض لاي تعبير عن الاسلام في الاماكن العامه
والحمله الشرسه ضد الحجاب هناك
ولكن هذا ليس مدعاه للتهكم عليهم
فهناك الكثيرين الذين لا يرضيهم الوضع القائم
ولكن يجب ان ندعوا لهم الله ان يفرج همهم

-------------------

واؤيد كلامك اننا لم ولن نجبر احد علي الاقتناع بالفكره او المشاركه معنا

وكل واحد حر في ما يعتنق من افكار ، وحر في طريقة تعبيره عن افكاره هذه
حتي لو قال ريان يا فجل

واحنا كمان حرين لو قلنا احنا مايعجبناش كده

شكرا مره تانيه و آسفه لو كنت تقلت عليك في الكلام شويتين

خمسة فضفضة يقول...

السلام عليكم ورحمة الله وبركاته

مناجاة

اهلا وسهلا بك
شكرا علي تجاوبك
وجزاني الله واياكي كل خير

---------------------
د/ فان جوخ

يا ويلكم ياويلكم بكل زمايل المهنة
الناس اللي بتحب صلاح جاهين

هو تقريبا كده الخمس سنين بتوع صيدله دول بيخلونا نعجز قبل الاوان .هههه


كلام منطقي جدا المهم الفعل مش مهم الكلام


شكرا لكما


سلام

خمسة فضفضة يقول...

السلام عليكم ورحمة الله وبركاته

انيس

كما قلنا سابقا
الرجاء عدم الدخول في مناقشات خارج نطاق الموضوع

شكرا لك


------------------------
Blank-Socrate


اهلا وسهلا بحضرتك
البانر مازال محل خلاف
و قد طرحت فكرة ازالته للتشاور
ويوجد اكثر من واحد لا يؤيدون فكرة وجدوه وليس شادي فقط


تحياتي لكما

خمسة فضفضة يقول...

استاذ عصفور المدينة

والله الكلام ده اتنبح صوتي وانا عماله اكرره كل شوية

عموما ارجو ان ماحدش يزعل مني لو اضطريت اني الغي التعليقات التي تخرج عن الموضوع بالذات اذا كان بها اشياء غير لائقه


----------------------


بالنسبة للبانر

الآن يوجد لدينا 8 رافضين للبانر
مهند
حسن الوافي
عصفور المدينة
شادي
آدم
انيس
Big Trap Boy
Blank-Socrate

وبغض النظر عن اختلاف وجهات النظر بينهم

ولكني اري ان هذا الموضوع قد اخذ اكبر بكثير من حجمه و اثار الكثير من الجدل حول مغزي هذه الحمله

وبعضهم ممن يحب تضخيم الامور عمل من الحبه قبه

لذا اري انا ايضا ان نلغيه من ضمن شعارات الحمله
مع خالص اعتذاري للدكتور خالد ، وتفهمي لكامل لوجهة نظره وحريته في التعبير عن نفسه باي شكل يريد

وقد دافعت عن وجهة النظر هذه هنا وفي اماكن اخري

لذلك
ان شاء الله هاشيل البانر بلليل واي حد عاوز يعلق بالايجاب او الرفض علي الازاله عنده من هنا لحد بليل
و بالطبع يبقي بعد كده تم اغلاق موضوع البانر ده نهائيا

وشكرا للجميع
من تحاوب معنا ومن رفض الفكره ومن وقف محايدا


تحياتي للجميع

koukawy يقول...

مش فاهمه كلمة الافتتاحيه تتحط فين؟

smraa alnil يقول...

بجد
ربنا يكرمك يارب
وبجد اول مرة اسمع عن المبادرة دي

ربنا معاكم يارب
ويدا بيد نمنع الشتائم

أنيس يقول...

@خمسة فضفضة

شكرا جزيلا،
المعذرة عن خروجي من الموضوع

يا لهوييييييي

:-)))

Big Trap Boy يقول...

@خمسة فضفضة

"فقط يقول انا كذا ولست كذا
ده ليه بيزعل حضرتك"

يا سيدتي المحترمة، ده بيزعل حضرتي لأنّه عندما تقول أنا كذا ولست كذا فهو لا يقوله في المطلق بل في إطار حملة "لطمس المدونين التافهين الشتامين" يعني هو يربط بصفة غير مباشرة البذاءة والشتم بالكذا الثاني اللّي هو الأديان الأخرى والتيارات الفكرية السياسية والإقتصادية وهو شيء لا معنى له

هذا إن لم يكن عن قلة دراية فهو إستغلال سياسي لحملة ذات بعد أخلاقي سامي، أي للتشهير بالتيارات السياسية الأخرى، هل هذا ما تريدونه حقا؟

أما في خصوص الحملة فهي أمر طيب من حيث المبدأ ولو أنو حسب رأيي الناس اللي يزعجها الكلام البذيء وما شابهه ليست في حاجة لحملات، فهي تقاطع مصادر ذلك الكلام بصفة طبيعية فإذا عادت بإرادتها لذلك الموقع أو المدونة فهي موش منزعجة بالحد الكافي.

أنا شخصيا كنت عملت منذ مدة حملة تنظيف على مستوى مدونتي الشخصية بحذف كل التعليقات التي فيها شتم وكلام بذيء وأخضعت التعليقات الجديدة للرقابة قبل نشرها، وعلى فكرة لم أكتب على مدونتي كلمة واحدة بذيئة منذ بدأت التدوين وهذا بالرغم من أني مسلم على المذهب المالكي وعلماني في تصوري السياسي للدولة وأساليب الحكم وليبرالي من حيث إيماني بأن الإقتصاد الحر هو أنجع الطرق لتحقيق التنمية الإقتصادية

يعني يا أختي الأمور موش بالبساطة اللي يحكي عنهاصاحبنا، معلش يا إخواننا ماهو لازم الواحد يتكلم علشان الناس ما تاخذش المعلومات على أنها حقائق، إحنا مسلمين صحيح لكن لا يعني أن نفتري على الشيوعية ونلخصها في الجنس، هذا فعلا فيه بذاءة فكرية وتطرّف

أخيرا أنا أشكر الجماعة على إهتمامهم بوضعية الحقوق في بلدنا، بس مافيش داعي ندخل في التباهي على بعضنا بالحرية لما نكون كلنا أبعد ما يكون عن الحرية وأنتم أدرى مني بشؤونكم الداخلية

Shreef يقول...

احب احييكي على الفكرة الممتازة ديه و قد تم التنفيذ..تسلملنا دماغك..سلام

Dr.khaled يقول...

الدكتورة فضفضة
جزاك الله خيرا
ولا بأس انا لست منزعجا من حذف البانر
لاني اعرف انك

تمارسين هنا مبدأ الشورى في الاسلام وهو امر طيب ولا بأس به
اما كل من اعترض على البانر بدون ما دليل معه من القران او السنة ..ولا قول اهل العلم في مثل هذه القضايا..فهو خصيمي عند الله يوم القيامة
وأقولها لنفسي كما قالها ورقة بن نوفل للنبي-ص-
ما أتى رجل بمثل ما أتيت به الا عودي

الاستاذ المدون التونسي
اقول لك
إلى ديان يوم الدين نمضي...وعند الله تجتمع الخصوم
وحسبنا الله ونعم الوكيل
الاخت فضفة واخونا عصفور المدينة
لستما ممن قصدتهما بالكلام
والسلام عليكم

Blank-Socrate يقول...

لم اخطأ فى حياتى فى اى شخص
احترم الجميع
لكن اختى فعلا
انت لا تحترمين نفسك لاستضافه كلمات هذا الشخص
اسف اسف

خمسة فضفضة يقول...

السلام عليكم ورحمة الله وبركاته

كوكو الكميل
اهلا وسهلا ايه كل النور ده يا كميل
اولا شكرالتجاوبك معنا
شوفي ياستي المفروض تحطي الكلمة اما في Description بتاع المدونة
او في لينك يعني ممكن بوست حتي من سطر واحد بس

--------------------

انوج
ربنا يكرمكانتكمان ياسمرا
وشكرا علي المسانده
وان شاء الله ربنا يوفقنا للوصول لاحسن نتايج

----------------

انيس

العفو
واشكر لحضرتك تفهمك وشكرا علي تواجدك معنا

خمسة فضفضة يقول...

السلام عليكم ورحمة الله وبركاته

Big Trap Boy

الرجاء عدم مناقشة موضوع البانر مره اخري فهو خارج عن سياق الفكره الرئيسية للبوست
واذا اردت ان تستمر في مناقشة الامر
يمكنك مناقشته مع صاحب البانر د/ خالد علي مدونتة او البريد الخاص به لتعرف بالضبط ماذا يرمي اليه من خلف هذا البانر
فنحن لم ندخل في نفوس البشر لنعرف ماذا يبغون من خلف كلماتهم او نظرات اعينهم
لنفسر ذلك كما يحلوا لنا

وهو قد قام مشكورا بالرد علي حضرتك في كومنت سابق

اما هنا فاذا اردت ان تناقش اي شئ له علاقة بالفكره الاساسيه فعلي الرحب والسعه

وجميله جدا مبادرة حضرتك السابقه لتنظيف مدونتك من كل البذائات


واخيرا شكرا لحضرتك تواجدك معنا لمناقشة الفكره والوصول بها الي احسن شكل ممكن

خمسة فضفضة يقول...

السلام عليكم ورحمة الله وبركاته

شريف

نورتنا
وشكرا علي تجاوبك واشتراكك معنا
تسلم من كل شر ان شاء الله

-------------

د/ خالد
تقبل اسفي لازالة البانر
ولكنك اكيد تتفهم الوضع



تحياتي للجميع

Dr.khaled يقول...

انطلاقا من قول الله -عزوجل-
(واعتصموا بحبل الله جميعا ولا تفرقوا)
وحتى لا اكون قد تركت الجماعة في هذا الامر..وهو حملة التدوين النظيف
تفضلوا هذا الموضوع
http://muslimdoctor.blogspot.com/2007/04/blog-post_26.html

ولا تنسونا من دعاءكم

mohand يقول...

السلام عليكم
بسم الله الرحمن الرحيم

اشهدكم جميعا امام الله اني اسحب اعتراضي علي بانر الدكتور خالد
هذا وبالله التوفيق
------------------
لم اقصد التباهي ولا التعالي علي دولة تونس
اما كل من فهم اني اتباهي او اتعالي
فله مطلق الحرية
اردت توضيح هذا لمن يهمني شانهم فقط
--------------
اعانكم الله في شعاركم
وجزانا واياكم كل خير
-------------------
اسف شخصي للدكتور خالد

مهند المصري

عصفور المدينة يقول...

إلى جميع الزملاء أعلمكم أن تحديث جوجل يتاخر حوالي 48 ساعة وانا عندي مدونتين واحدة ظهرت وواحدة لا والعدد في ازدياد
يعني أنا وجدت مواقع ناس بيقولوا ما تعرفش جوجل حيحطك امتى
المهم احنا تعرفنا من خلال هذه الحملة على عدد من المدونات النظيفة من خلال التعليقات
وشكرا لشركة رابسو - قطاع الصيدليات
:)

AHMED SAMIR يقول...

ربنا يخليكم
فعلا فكرة اكتر من روعة
انا الحمد لله حطيت اللوجو في المدونة بتاعتي
بالتوفيق وفي انتظار الجديد
تحياتي ليكم

رينـــــــــــا يقول...

ماشاء الله الفكرة رائعه
تم التنفيذ

Big Trap Boy يقول...

شكرا لصاحبة المدونة

الموضوع انتهى والحمد لله

حظ سعيد لحملة التدوين النظيف

خمسة فضفضة يقول...

السلام عليكم ورحمة الله وبركاته

د/ خالد

احييك علي هذه الشجاعة الادبية
جزاك الله خير
------------------

ادم
العفو


-----------------------

مهند

والله مش عارفه اقولك ايه
باين من اسلوب كلامك انك زعلان مننا
عموما لو كنت زعلتك في اي حاجه انا آسفه

وما تقولش كلمة شعاركم دي تاني لانه شعارك انت كمان ، واكيد من غير رايكم اللي شجعني علي الخروج بالفكره لحيز التنفيذ ماكانتش الفكره شافت النور

------------------------

عصفور المدينة

شكرا لحضرتك والله احنا تاعبينك
وكلامك صح لان اول ما فتحت المدونة ما ظهرتش علي جوجل الا بعد حوالي يومين او تلاته



جزاكم الله خيرا
تحياتي لكم

خمسة فضفضة يقول...

السلام عليكم ورحمة الله وبركاته

د/ سمير

شكرا علي تجاوبك واعجابك بالفكره

-----------------

رينا
اهلا وسهلا منوره
شكرا علي تاييدك للفكره

-----------------------

Big Trap Boy
العفو
وتمنياتي للجميع بحظ سعيد

SomeOne يقول...

يا جماعة
عشان نقفل الموضوع ده بقى

انت عاملين مشروع مدونة نظيفة

ولا مدونة نظيفة مسلمة
؟؟؟

خمسة فضفضة يقول...

السلام عليكم ورحمة الله وبركاته

د/ شادي


هو انت لسه بتسأل ...؟؟؟؟؟؟

الحمله هي حملة " مدونةنظيفة "
وفقط
ولا تقتصر بالمرة علي المسلمين ، هي لكل الاديان
لو تلاحظ ان اللوجوهات فيها اللي يحتوي علي آية قرآن وفيها اللي مافيهوش

اما البانر اللي كان عامل المشكله ومزعل الناس
تم حذفه بعد مشاورتكم

وممكن حضرتك تدخل علي مدونة د/خالد تقرأ الموضوع ده

http://muslimdoctor.blogspot.com/2007/04/blog-post_26.html

وشكرا لك اهتمامك ومتابعتك للموضوع

إيمان الحسيني يقول...

جزاكِ الله خير الجزاء يا فضفضة
واسمحيلي أشارك في الحملة باللوجو ده

إيمان الحسيني يقول...

عفوا
نسيت أحط الرابط في المشاركة السابقة :)

http://www2.0zz0.com/2007/04/30/20/25626532.gif

abunadem يقول...

اهلا بالاخت الصيدلانية البادرة التي طرحتها عرض حلها الاخ الديب في مدونة الديب بانشاء برنامج يختار ما تريد تصفحه من مدونات وانا بنفسي جربته وهو جيد وعرضت له في مدونتي الناقدرجاء الاطلاع عليه
وشكرا للبادرة

خمسة فضفضة يقول...

السلام عليكم ورحمة الله وبركاته

الاخت طعمه

اهلا بك معنا وشكرا علي تجاوبك
اللوجو رائع
ساقوم باضافته ان شاء الله الي الشعارات الخاصه بالحمله

نورتيني

خمسة فضفضة يقول...

السلام عليكم ورحمة الله وبركاته

الاستاذ ابو ناظم

اعرف هذا البرنامج واستخدمه منذ دخلت عالم التدوين

ولكن الحمله ليس الغرض منها ان نختار ما نريده من المدونات وفقط
وانما هي دعوه لرفع كلمة لا امام البذائات بكافة انواعها سواء كنا نتابع ام لا
فكل واحد رقيب علي نفسه
ولم نطلب من احد بعينه ان يعدل من اسلوب كتابته ولكننا نعلن للجميع رفضنا لكل انواع الشتائم والبذائات التي اصبحت تملأ الكثير من المدونات

شكرا لحضرتك علي اهتمامك بالموضوع

نورت مدونتي المتواضعه


تحياتي

Gemyhood يقول...

انى اشم رائحة الجنة

فعجلوا بخلاصى

ما هى الا بضع بلوجات قصدى خطوات و اصل

خمسة فضفضة يقول...

السلام عليكم ورحمة الله وبركاته


جيمي هود

اهلا بحضرتك

وشكرا علي مرورك


نورتنا

الفقيرة إلى الله أم البنات يقول...

ساضع اللوجو يا حبيبتى الغاليه
دكتورة. هل استطيع مراسلتك على الفيس بوك
..؟

semsem111 يقول...

اولا
اشكرك جدا وبارك اله فيك وفى كل من ساهم فى مثل هذه الافكار الجميلة

ونسال الله ان يكون ذلك فى ميزان حسناتنا جميعا

ثانيا
ودهع الاهم
انا معترض حبتين على كلمة
انا مدون نظيف
او وضع كلمة نظيف اساسا
او حتى من مشتقاتها
لانى باختصار مش بحب النظافة

يوووو
قصدى مش بحب النظيييف

يا دى النيلة
يا اخواننا محدش يفهمنى غلط
اقصد مبحبش الاستاذ السيد الدكتور
نظيف
ريس ومعلم وكبير وشاهبندر الوزرا فى مصر
ومتعقد منه
ونفسي نعمل حملة
معا ضد النظافة
والنظافة فى المدلول اللغوي لمدونتى الميمونة
http://yasemsem.blogspot.com/
هى النسب للسيد نظيف واعماله الهباب

على كا انا من رايي
انه بدل ما تغير كلمة نظيف فى شعار من اجل تدوين نظيف
الاسهل والافضل
ان يستقيل نظيف باشا او يموت مش هتفرق كتير معانا
المهم ان انا حاسس ان نظيف خلى كلمة نظيف مش نظيفة
وسلمولى على المنظفات الصناعية

غير معرف يقول...

برافو يا دكتورة .. مجهود عظيم ومشكور .. والنظافة مطلوبة فى كل شيئ فى الطريق وفى الشارع وع اللسان ..وبين الناس .. وحتى نظافة الأذن من كل سمع غير جميل ..
وحمداًً لله والف شكر ان جاء على قمة الرئاسة .. رئيس وزراء مافيش انظف من كده .. نظف علينا البلد .. ونظف علينا جيوبنا .. هو فيه انظف soory انضف من كده !! ؟؟

غير معرف يقول...

عفواً يا دكتورة .. نسيت اقول حاجة انا دخلت مدونتك وانا بأحاول ابحث عن المدونة بتاعتى اشوفها ادرجت على جوجل ولا لأ؟ .. وكتبت فى مستطيل البحث كلمة "فضفضة" وهالنى ما رأيت تصورى .. مش انا بس اللى بأفضفض .. لقيت ناس كتير وروابط مربوطة بروابط .. والناس كلها بتفضفض على بعض .. بس حقيقى سعدت جدا لان هناك كثير من المحيط الى الخليج بتفضفض .. وحقيقى الواحد لو ما فضفضش .. ح يطق يموت واهلاً بالفضفضة.. المهم لم اعثر حتى الآن على مدونتى .. ربنا يسهل والآقيها.. ادعى لى

غير معرف يقول...

من أجل مدونات نظيفة
نعم و ألف نعم
بارك الله فيك
لأجلأن يبقى التدوين رسالة ساميَة لتحقيق أهداف ساميَة.

A-K يقول...

http://egyptologia.blogspot.com/2006/11/wael_19.html

دي يا جماعة وجهة نظر مختلفة.....ممكن تقروها بصدر واسع

Unknown يقول...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
شركة المثالية للتنظيف بالقطيف
شركة المثالية للتنظيف بالاحساء

شركة مكافحة حشرات بالجبيل
شركة رش مبيدات بالجبيل
شركة تسليك مجاري بالجبيل
شركة كشف تسربات المياه بالجبيل

شركة تسويق الكترونى يقول...

نقدم لكم افضل خدمات النجارة والدهانات الحديثة من خلال شركتنا بخصومات تصل الى 50% لفترة محدودة
نجار جده
نجار بالطائف
معلم دهان ابواب خشب بجدة

القرآن الكريم