2007-04-04

عصفور



عصفور جناحه ريشة فضه وريشه نور
وعشه عود من تمر حنة وعود بخور
وعوده ناحل مالضنا بين الطيور
ممنوع يغني غنوته ....ممنوع يغني غنوته

الا اذا


وهكذا وهكذا الدنيا غابة ومنتزه

والصقر طايح في الفضا زي القضا
فارد جناحه عالمساكن والفضا
كل الطيور بتبصله بعين الرضا
رقص الجواري للملوك .....رقص الجواري للملوك
يا حبذا


وهكذا وهكذا الدنيا غابة ومنتزه



-------------------------

الكلام ده مش من تاليفي وما عرفش مين اللي كاتبه
بس حباه وحاسه انه واقعي جدا

6 comments:

khaled يقول...

الكلمات لاحمد فؤاد نجم
لحنها عمار الشريعى
غناها خالد عجاج فى تتر النهاية لمسلسل ريا و سكينة
اى خدمة
:)

خمسة فضفضة يقول...

السلام عليكم ورحمة الله وبركاته

اهلا بيك يا خالد
شكرا علي المعلومات المهمة
كنت اعرف انها في تتر النهايه لريا وسكينه بس مين بيغني ومين اللي كتبها او لحنها دي اول مره اعرف كده

بس بصراحه الكلام برضو ما يخرجش عن احمد فؤاد نجم

شكرا مره تانيه ...منورني

mohandat يقول...

السلام عليكم
طبعا انا مشوفتش المسلسل ده لظروف كانت عندي يعني
وبرضو مسمعتش الاغنيه قبل كده
بس الكلمات جميله
والجميل المغزي اللي فيها
جميل جدا لان مقصدها مختلف خالص تحسيها اغنية سياسية
شكرا جدا علي كتابتك ليها
مهند المصري

الراقص مع الذئاب يقول...

الكلام جميل اوي وبسيط
انا بحب النوعية ديه جدا من الزجل
حاجة كدا من غير تكلف...دا غير طبعا الماعني الجميلة والعفوية اللي في الكلمات
معرفش بقي تتر مسلسل والا اغنية في فيلم المهم انا بقرأ الكلمات مش بسمعاها....
اصل انا عدو الاغاني

تحياتي لك يا دكتورة

خمسة فضفضة يقول...

السلام عليكم ورحمة الله وبركاته

مهند

منور واهلا بيك

وهو ده اللي عاجبني فيها، كلام بسيط وسهل وعميق ، يصيب كبد الحقيقه

تحس يا اخي انه بيوصفلك اللي حاصل حوالينا دلوقت سواء في مصر او في العالم

وكل مره طبعا الشخصيات سواء العصفور او الصقر ها تتغير

وهي دي بقي الميزه اللي في اشعار نجم ، طالعه من جوا اوي ومافيهاش كلكعه وبالرغم من كده بتنقل صورة للواقع بمنتهي العبقريه

خمسة فضفضة يقول...

السلام عليكم ورحمة الله وبركاته

اهلا باشمهندس محمد ( كده اسهل بدل ما اقعد اقول الراقص مع الذئاب ......طويله اوي ...هههه )

انا زيك برضو بحب النوعيه دي من الزجل و الاشعار
سواء بقي سمعتها اغاني او قريتها
المهم بحبها

اهلا بيك منورني

القرآن الكريم