TvQuran

٢٠٠٧-٠٤-٢٩

الامير هاري


الامير هاري هو الابن الاصغر للاميره ديانا والامير تشارلز ولي عهد انجلترا ويعتبر الثالث في ترتيب ولاية العهد
ايه بقي حكاية الامير هاري ده ......؟؟؟؟؟
هي حكايه مش ممكن ويستحيل انها تحصل عندنا الا في الاحلام والخيالات وبس

الامير هاري عنده 22 سنة و تخرج هذا العام من اكاديمية ساندهيرست العسكرية، وسيصبح هاري اللي هايحمل رتبة الملازم الثاني قائدا لفريق من 11 مجندا واربع دبابات خفيفة اللي سيعمل ضمن وحدة الاستطلاع المدرع و من المتوقع انه يخدم الشهر القادم في العراق لمدة 6 شهورمع كتيبة " البلوز والرويالز "

الامير هاري بقي ما راحش لباباه ولي العهد ولا لتيته ملكة انجلترا وقالهم الحقوووووووووني وقعد يعيط ، ويخبط رجليه في الارض علشان مش عاوز يروح العراق
اللي حصل انه قال«اذا لم يسمح لي بالانضمام الى وحدتي في اية منطقة قتالية، فساتخلى عن البزة العسكرية»
اي والله قال كده هددهم بالاستقاله من الجيش اذا لم ينضم الي وحدته في اي حته سواء العراق بقي او افغانستان ولا حتي بلاد الواق الواق



عمنا توني بلير لما سمع كده قالك هو كمان ايه : "
نه سيكون من دواعي سروري لو أراد ابني الخدمة في العراق "

حبايبنا في العراق بقي بيستعدوا استعداد مختلف تماما لاستقبال الامير كما يليق بيه ، فقامت الميليشيات العراقية علي مختلف انتمائتها- سواء شيعه او سنة - بتوزيع
صور الأمير هاري علي المجموعات المسلّحة التي تتحضر لرصد كل حركاته اول ما يوصل ، ونشروا مخبرين داخل الثكنات العسكرية البريطانية للتبليغ عن تحركاته علشان يقدروا انهم يخطفوه ويضغطوا بيه علي الحكومه البريطانية لسحب قواتها من العراق

صحيفة الصنداي تايمز قالت ان هاري ها يبقي محظوظ لو ذهب للعراق وعاد من هناك بعد ان يكون فقد اذنيه فقط

ولسه الجدل قائم في انجلترا حول ذهابه الي العراق من عدمه ، ولكن الي الآن فهاري ذاهب الي العراق


مش قادره اتخيل الموقف ده حاصل عندنا وواحد كده من ولاد كُبارات البلد - مش هانقول ثالث وريث للعرش - داخل الجيش ...وايه كمان رايح يخدم في العراق علي الخط الامامي للجبهه وضرب النار والقتلي يوميا بالآلاف والتفجيرات التي تأتي من حيث لا يعلم احد ...........يا نهار ابييييييييييييييض ، اكيد ده عمره ما ها يحصل الا في الاحلام




63 comments:

الدفاع يقول...

طبعا لو حصل ده عندنا اساسا مش هايدخل الجيش ولا حتى هايشوفه فيديو

ghaly802003 يقول...

ده مش اكيد انه عمره ما هيحصل الا فى الاحلام اللى اكيد انه عمره ما هيحصل حتى فى الاحلام

Dr.khaled يقول...

الدكتورة فضفة :)

موضوع كويس
فكرني بحديث النبي-ص- لاسامة -رضي الله عنه- لما قال له
( إنما هلك الذين من قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وأيم الله لو أن فاطمة بنت محمد سرقت لقطعت يدها)والحديث صحيح...
وشيخ الاسلام ابن تيمية ليه كلمة حلوة اوي في الموضوع ده بيقول ايه
(إن الله لينصر الدولة العادلة وإن كانت كافرة...ويخذل الدولة الظالمة وإن كانت مسلمة)
سبحان الله...سنة الله التي لا تتبدل

لكني اختلف معك في ضم الشيعة مع السنة لما تكلمتي عن الميليشيات في العراق
لان الشيعة لا يجاهدون في العراق
فالفتوى التي اصدرها إلههم السيستاني بحرمة مجاهدةالامريكان كفيلة في هذا الشأن..بأن تبين انه لا جهاد عند هؤلاء
أما عن الذين ينتظرون ذهاب الامير لولو
فهم المجاهدين السنة-وفقهم الله-
ويارب نسمع اخبار طيبة من العراق...
تخلي الامير لولو...ميرجعشي بلاده تاني

يارب انصر المجاهدين يا رب
والله المستعان

خمسة فضفضة يقول...

السلام عليكمورحمة الله وبركاته

علي رايك
بس ممكن يلعب لعبة الاميريكان ارمي في الفيديو جيم ، واهي تبقي حاجه من ريحة الجيش والسلام

بما ان حضرتك متخصص في الاستشارات القانونيه ، ايه الوضع القانوني للحاله دي ..؟؟؟؟؟؟

-------------

شعار مدونة نظيفه منور عندك شكرا علي تجاوبك الرائع معانا

تحياتي

خمسة فضفضة يقول...

السلام عليكم ورحمة الله وبركاته
on_line_any_time

هو ممكن يحصل في الكوابيس او في المشمش ايهما اقرب

شكرا لمرورك نورتني

خمسة فضفضة يقول...

السلام عليكم ورحمة الله وبركاته

د/ خالد

الامام محمد عبده عندما ذهب في بعثه لي اوربا قال :

"رأيت عندهم إسلام بلا مسلمين، وعندنا مسلمون بلا إسلام"

فبالرغم من شركهم بالله تعالي الا ان كثير من تعاليم الاسلام والتي المفروض ان نكون نحن احرص الناس علي تطبيقها نراها مطبقه عندهم بكل دقه اما عندنا فمن النادر او المستحيل ان تطبق

سبحان الله


بالنسبة للشيعه والسنة الاخبار هي اللي بتقول كده مش انا اللي بقول
ونصه :

حسب جريدة الاوبزرفر :
ويبدو حسب ما أشارت الصحيفة أن الميليشيات السنية تتعاون مع الميليشيات الشيعية، بالرغم من العنف الطائفي القائم في العراق، من أجل التخطيط لخطف هاري بهدف الضغط على الحكومة البريطانية لسحب قواتها من العراق.

وتنقل الصحيفة عن احد زعماء المليشيات العراقية من جماعة تطلق على نفسها "ثأر الله" السنية المدعومة من قبل إيران قوله "إننا مستعدون للترحيب بهاري بطريقتنا الخاصة كما رحب أجدادنا بالضابط البريطاني ليجمان" في إشارة إلى الكولونيل البريطاني ليجمان الذي قتل عام 1920 على يد الزعيم العشائري ضاري الذي لا يزال العديد من العراقيين ينظرون إليه كبطل

اما الصنداي تايم فتقول :

هاري سيكون محظوظا إذا ذهب إلى العراق وعاد من هناك بعد أن يكون قد فقد أذنيه فقط كما يهدد أحد زعماء جيش المهدي، الميليشيا الشيعية التابعة لمقتدى الصدر

مقال آخر في الصنداي تايمز يتحدث عن معلومات تسربت من تقرير استخباراتي يتحدث عن مخطط لزعماء تنظيم القاعدة في العراق للقيام بما يسمّيها التقرير هجمات إرهابية واسعة النطاق على بريطانيا وأهداف غربية أخرى بمساعدة مناصرين للقاعدة في إيران


ولكني اعرف كل المعرفه ان السنة هم من يجاهدون في العراق ضد القوات المحتله اما الشيعه فكل ما يفعلونه هو الثأر من السنه بسبب السنوات المريره التي عاشوها تحت حكم صدام حسين وتلقوا علي يديه الذل والهوان

ولكن بالنسبة لموضوع الامير هاري انهم يتصارعون علي من يفوز به اولا حتي ينال بعض مطالبه والله اعلم


تحياتي لحضرتك

shermen يقول...

يااااااااااااه
هاري بيقول هيستقيل لو مش هينضم للجيش
ده ولا في الأحلام
اشي خيال ياناس
يجي الشعب المصري يقرأ
فين شباب مصر
لا تعليق

mohand يقول...

السلام عليكم
ايه يا دكتوره
طيب د\ا شئ عادي
انا مثلا باباكي مكنش عايزني ادخل الجيش وقالي تروح تموت وتجيلنا بواوه
قولتلو لازم اجاهد علشان بلدي
المهم في الاخر بقيت العب ريد اليرت علشان اتدرب علي الحرب واسلوبها
-----------------
لقد كانت مزحه
ربنا يسهله
ويورح ويرجع اصل انا كنت بعز والدته قوي
كانت خلاص هتعلن الاسلامها
بس تقولي ايه بقي
ربنا يسامح الجميع
ايه اخبارك يا دكتوره ؟

mohand يقول...

السلام عليكم
تصحيح خطأ كتابه
بابايا مش باباكي

كلمة يروح مش يورح
:D:D:D:D:D:D
اتلخبط بقي

elkamhawi يقول...

يعنى الاميرة ديانا عايزنها تجيب اية
عموماً يارب ينجية

مدونتك حلوة

BinO يقول...

أنا كنت حتكلم نفس كلام دخالد جزاه الله خيراً

أختي في الله الشيخ محمد عبده رغم أن كلامه صحيح ألا أن ثوابته مختلفة

الدرويش المرووش يقول...

يا شيخه حرام عليكى
إتقى الله قبل ما تظلمى الناس

على فكرة مصر دايما سباقه و هاتفضل هى الرمز فى كل حاجه حلوة

علشان تبطلى إفترا عايزك تعرفى إن إبن الريس عندنا دخل الجيش و إتمرمط فيه
الكلام ده ثقه و ميه ميه
و ده اللى أنا عرفته من عزوز إبن خالتى و هو سمعه من سواق ميكروباص
بنت عمته جارة مراة شيخ حاره فى السكاكينى جدته تقول لمرات الصول عليوه البرنس هاتى الحله على طول يعنى أكتر من الإخوات

على فكره علشان الناس اللى بتتلكك و الأفكار اللى تحبس
أنا بأتكلم على محروس إبن الريس متقال

أبو الدراويش

إبـراهيم ... يقول...

فضفضي برااااحتـك ، بس ياريت بلااااش تلقيح الكلام ع الزعماء و الرؤسـاء ، والقادة .....ربنا يخليهم لنا
.
.
على رأي الدرويش : البلد دي طاااهـرة ، وهتفضل طووول عمرها طاهرة
وبعدين بقى :)

أُكتب بالرصاص يقول...

ما تقلقيش عليه


هاري راجل ويستحمل

واكيد هيجندوا له ولا بريطاني فلاح يشتغل معاه مرسال

او انه هايدخل السرية الرياضية اللي في العراق

يا مراكبي يقول...

موضوعك جميل والتعليقات أيضا جميلة وتصب في صلب الموضوع وهو تحري العدل وتطبيقه على الجميع دون إستثناء أو تمييز

هكذا يكون التقدم والإنتماء والتطلع إلى مستقبل أفضل في شتى مناحي الحياة

والعكس تجديه في بلادنا بتمامه وحقارته وإستفزازه

أدعوا الله أن يعافينا وأن يصلح لنا الأحوال

سكتم بكتم يقول...

الكوسة والقرع هما المحصول الرئيسي في جمهورية مصر العربية وعندنا منهم أكتفاء ذاتي
ومستعدين لتوصيل الطلبات للمنازل

واحد صاحبي كان يعرف واحد والواحد دة يعرف واحد تاني أبوة عقيد جاب منة ربع كيلو كوسة خلا الجيش بتاعه أقرب ما يكون لراحلات الكلية خدم في وحدة جنب البيت و كان بيصحي بمزاجة ويروح بيتهم الساعة واحدة ظهرا

واحد صحبي تاني هو عارف نفسة أكبر معارفة العبد لله
راح خدم في سيدي براني وشاف اللي شافوه معتقلين جوانتانامو

أنا بقول للأنجليز نحن مستعدين لتصدير الكوسة مجانا..وشكرا

Ma 3lina يقول...

يا فرختى بهارى االى رايح العراق الهى ينتص رصاصة و لا بلاش دا ابن الغالية ديانا

عندك حق و الله ازا كان المغنى اياه تهرب و طلعوه منها عادى يبقى ولاد الوزراء و لا معرفش ايه هيخشوا

يالا ماا عليناااا

محمد عبد الغفار يقول...

فوقى وكفاكى احلام

الدفاع يقول...

الاخت الدكتوره ده مفبهوش راى قانونى لان لو ده حصل عندنا بيكون وضع مش قانونى وده العادى الطبيعى،حاجه غريبه يعنى هو انتوا كمان عاوزين ابن الامير تشارلز يدخل الجيش هنا فى مصر اما صحيح احنا ناس مفتريه

•«ρяoιd»•™ يقول...

احنا بلد في قمة الدميو قراطيه

ديمو

فهماني طبعاً

انتي عايزه ابن ابو علاء يروح يحارب

هزلت

ومين اللي هيمشينا لما هو يروح يحارب

ده حتي البلد تبقي فوضي

هيمشينا من البلد يعني

يطفشنا

وتبقي فوضي اكتر و اكتر

تحياتي

عصفور المدينة يقول...

يا اخوانا لا تسرفوا في حسن الظن
هم إيه وإحنا إيه مرض الكوسة ده مرض عالمي وهم نفسهم ابتدوا يتراجعوا عن الموضوع بس هم يتقنون تمثيل دور النزاهة لكن احنا بنعملها ببلاهة
يعني الواد يصمم ويرفص ويقول عايز اروح الجيش وبعدين هم يقولوا المن القومي لا يسمح والواد ده حيساوي وزنه دهب لو اتعفق
الأقنعة سقطت بعد 11 سبتمبر وهم يسمون الديموقراطية "الحق البغيض" وشوفوا الفضيحة بتاعة شيني اللي باعوه وبعدين فتن عليهم

Esmeralda يقول...

يا بنتى ما هو حواليه حراس محوطينه و بعدين لا فيه جبهه و لا نيله كله من جوه البتاعه اللى بيبقوا فيها

koukawy يقول...

لأ هو ممكن يحصل في حته تانيه غير الأحلام بس هتكون بلد تانيه غير مصر برضو
ههههههههههههههههههههه

صاحب البوابــة يقول...

مقال جميل ومعبر

وسأعيد الحديث الشريف الذي ذكره اخي خالد لمعناه العميق

( إنما هلك الذين من قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد وأيم الله لو أن فاطمة بنت محمد سرقت لقطعت يدها)

تحياتي

Nothing To Lose يقول...

والله احترمته
رغم معارضتى لهم ولفكرهم
بس فعلا تصرفه دا جدير بالاحترام

الطائر الحزين يقول...

دكتورة
السلام عليكم اوعى تحسنى الظن اوى كدة دول ناس معندهاش ملة وحتى لو راح ان راح يعنى من غير دوبلير لن يقاتلونكم جميعا الا فى قرى محصنة او من وراء جدر وخلى بالك كل اللى بيحاربوا هناك دول مرتزقة من جميع الدول دول اجبن من ان يواجهوا حتى لو كان عدوهم ضغيف
لا يغرنك تقلب الذين كفروا فى البلاد

SomeOne يقول...

ان شاء الله حيحصل في مصر

:)

واحد من الناس::طارق:: يقول...

حلو اوى الموضوع دة
عارفة اللى هايحصل لو حد من ولاد جمال ولا علاء صابهم الدور ودخلو الجيش .. اتصور اللى هايحصل كالتالى ..
نفرض انه اتوزع على سلاح المدرعات .. هاطلع درسات عسكرية تؤكد عدم حاجة الجيش اصلا لسلام مدرعات لان الحررب الحديثة كلها تعتمد على سلاح الجو .. واول طلعة جوية فتحت باب الحرية زى ما انتى عارفة ... وبناء عليه بتنصح الدراسة بشدة بحل سلاح المدرعات وتسريح القائمبن عليه وتوفير ميزانيته الى سلاح الجو.
اما لو راح سلاح الطيران زى جدوووو ..هنلاقى اصوات الحكمة فى المؤساسات العسكرية نادى بعدم كفاءة سلاح الجو لدينا مقارنة باى سلاح جو معاد .. وان طائراتنا تبدو كافرخة بلدى اما نسر جسور فى معركة محتملة .. وبناء عليه تنصح وبشدة بهدم عشة الفراخ .. قصدى سلاح الجو والتركيز على اى سلاح تانى ان شالله سلاح الكانتين حيث البسكويت والشبسى والسجاير .
وهكذا على كل الاسلحلة المقترحة ... وفى الاخر ممكن يلغو الجيش كله .. لتوفير النفقات و دفع عجلة التنمية والسلام خيااار استرتيجى زى مانتو عارفين .. ومفيش داعى افكركو ان حسنى وجمال والعيلو كلها من كبار تجار الخياااار.

والله والواحد مش عارف يضحك ولا يبكى .

خمسة فضفضة يقول...

السلام عليكم ورحمة الله وبركاته

shermen

اهلا وسهلا نورتيني
شفتي بقي هايستقيل لو ما ودوهوش العراق ...ولي عهد آخر زمن ..ههههه


عندي سؤال
هي جيرمين ،ولا شيرمين



تحياتي

خمسة فضفضة يقول...

السلام عليكم ورحمة الله وبركاته

مهند
اهلا اهلا اهلا

ولا يهمك يا سيدي باباي وباباك واحد ...الله يرحمهم جميعا

اكنك انت بقي قاعد تلعب ريد اليرت وسايب الواد ياعين الست والدته يروح العراق لوجده طب قوم كده شد حيلك معاه انشالله تشيله المخله ..دا يعني بما انك كنت بتعز الست والدته ...هههههههههههههه

تحياتي

خمسة فضفضة يقول...

السلام عليكم ورحمة الله وبركاته

قمحاوي

اهلا وسهلا نورتني
شكرا علي ذوقك

خمسة فضفضة يقول...

السلام عليكم ورحمة الله وبركاته

باشمهندس بينو

اهلا وسهلا

بغض النظر عن منهج الامام محمد عبده الا ان ملاحظته هذه صحيحه مائه في المائه
هناك في الدول اللي اصلا مش مسلمه دي بتلاقي ان كتير اوي من تعاليم الاسلام حريصين علي تطبيقا
علي العكس هنا في بلاد الاسلام كثير منها اصبح غير موجود

شكرا علي مرورك
تحياتي

خمسة فضفضة يقول...

السلام عليكم ورحمة الله وبركاته

الدرويش الروش

ايه ده هو انت تعرف الناس دي كلها
دا انت واصل بقي واحنا مش عارفين ..ههههه

نورتني

خمسة فضفضة يقول...

السلام عليكم ورحمة الله وبركاته

ابراهيم معايا

اهلا اهلا

ايوه طبعا ها فضفض براحتي مدونتي بقي وانا حره دا حتا اسمها خمسة فضفضة

بس سايقه عليكوا النبي ما حد يبلغ عني ..ههههه

مين طاهره دي ..تقرب لليلي طاهر ...هههههه

تجياتي

خمسة فضفضة يقول...

السلام عليكم ورحمة الله وبركاته

اكتب بالرصاص

ايه ده ما يصحش كده هو احنا مواديين الراجل العراق علشان يقعد يهد في حيله كل يوم وثني بقي ومد ويمين وشمال

لا الاخ هاري ها يقعد معزز مكرم في الثكنه العسكريه بتاعه وحواليه الخدم والحشم واللي يامر بيه يتنفذ

تحياتي

خمسة فضفضة يقول...

السلام عليكم ورحمة الله وبركاته

باشمهندس احمد ثروت

اهلا وسهلا منورني بجد حمد الله علي السلامه

لا اجد الا ان اقول اللهم آمين


تحياتي

خمسة فضفضة يقول...

السلام عليكم ورحمة الله وبركاته

دكتور سكتم بكتم

اهلا وسهلا

طيب وحياة السيد الوالد شوفلي اد نص كيلو كوسه كده
اصل في واحد قريبنا داخل الجيش قريب

نورتني

خمسة فضفضة يقول...

السلام عليكمورحمة الله وبركاته

د/ مرام

بالله عليك يا شيخه ما تحقني في نفس احنا عاوزينك

نورتي

خمسة فضفضة يقول...

السلام عليكم ورحمة الله وبركاته

استاذ محمد جعفر

اهلا وسهلا منورني

اه ياني حتي الاحلام ها يمنعوها


تحياتي

خمسة فضفضة يقول...

السلام عليكم ورحمة الله وبركاته

مدونة الدفاع

تقول ايه بس ناس ماعندهاش دم .ههههههه

خمسة فضفضة يقول...

السلام عليكم ورحمة الله وبركاته

لا ما يرضنيش طبعا

هو انا وصلت بيا الدرجه اني اقول حاجه زي كده ...دا انا ابقي مفتريه وناكره للجميل

خليه قاعد منورنا .ههههههه

ويجعله عامر

خمسة فضفضة يقول...

معلش نسيت اقول ان الرد السابق ده للباشمهندس ايمن
اهلا وسهلا بحضرتك

خمسة فضفضة يقول...

السلام عليكم ورحمة الله وبركاته

استاذ عصفور المدينة

اهلا وسهلا بحضرتك

بس ما نقدرش ننكر ان المواطن هناك واخد حقه بالتمام والكمال
وان استحاله يحصل فيه زي ما بيحصل للمواطنين اللي هنا
ياريت تكون شفت حلقات هويدا طه علي الجزيره

منورني

خمسة فضفضة يقول...

السلام عليكم ورحمة الله وبركاته

Esmeralda

اهلا وسهلا
بتاعة ايه هو الجماعه في العراق بيهمها حرس ولا بتاعه
لو عاوزين يجبوه ها يوصلوله حتي لو فين بالذي
بس ادعي انت بس ربنا يوفقهم

نورتيني

خمسة فضفضة يقول...

السلام عليكم ورحمة الله وبركاته

كوكو الكميل
ما انا قلت قبل كده ممكن يحصل في المشمش


تحياتي

خمسة فضفضة يقول...

السلام عليكم ورحمة الله وبركاته

صاحب البوابة

اهلا وسهلا
المشكله الازليه ان الناس اياها ممكن يكونوا مش عارفين الحديث ده
وتبقي خيبه لو عارفينه ومش فاهمين معناه
اما بقي لو عارفينه وفاهمين معناه تبقي مصيبه سوده


تحياتي

خمسة فضفضة يقول...

السلام عليكم ورحمة الله وبركاته

نوثنج تو لوز

اهلا اهلا اهلا
مش هاري بس
في كتير من الناس اللي ضدنا علي طول الخط
بس ليهم بعض المواقف اللي بتخلينا ننحني ليهم احتراما

تحياتي

خمسة فضفضة يقول...

السلام عليكم ورحمة الله وبركاته

الطائر الحزين

اهلا وسهلا

ومين قال اني احسن الظن بهم

ده فقط مجرد عرض لموقف حاصل عندهم دلوقتي ومش ممكن ومستحيل انه يحصل عندنا ولا حتي في الاحلام

الواحد يعد يسمع كده ويتحسّر علي اللي احنا فيه

زمان ايام حرب اكتوبر اخو رئيس الجمهورية الشقيق استشهد في الحرب
فهل تعتقد ان دلوقتي ممكن واحد من اولي الامر اومن حاشيتهم صابع ايده الصغير بس ينجرح ولو حتي في تدريب ميداني ..؟؟؟

نورتني

خمسة فضفضة يقول...

السلام عليكم ورحمة الله وبركاته

د/ شادي فايد

اهلا وسهلا
ان شاء الله ها يحصل في مصر .....سنة 3007



نورتني

خمسة فضفضة يقول...

السلام عليكم ورحمة الله وبركاته

واحد من الناس طرق

اهلا وسهلا

بقولك الاسهل يلغوا الشعب اللي قارفهم ده
وبلا وجع دماغ بقي

ابقي افتكرني في تلاته كيلو خيار

تحياتي

عصفور المدينة يقول...

دكتورة انا اتفرجت على حلقات وراء الشمس مرتين وما أعرفه انا بحكم كوني عصفور أكثر مما تعرفه هي ولكن هي عرضت الموضوع بمنظور الرأي والرأي الآخر وده مش دايما سليم
وثانيا لعلك نسيت جوانتانامو البلد وأبو غريب وما حدث من تقييد الحريات والمراقبة بل لعلك نسيت المواطن الذي قتل رميا بالرصاص في بريطانيا لمجرد إنه أسمراني شوية
بل لعلك نسيت مشكلة أيرلندا المزمنة

AHMED SAMIR يقول...

لا بقى معلش ماهووو بيحصل عندنا برضة
الوريث للعرش المصري بيخدم في الحزب الوطني وبيلتحم بالجماهير الكادحة
وماادراكي ماهي رائحة عرق الجماهير الكادحة دي
دة في حد ذاته جهـــــــــــــــــاد رهيب
وبعدين يكفي انه بيساعد والده في ادارة شئون البلد
احنا كدة عيبنا اننا مابنصونش النعمة اللي في ايدينا
تحياتي ليكي

خمسة فضفضة يقول...

السلام عليكم ورحمة الله وبركاته

استاذ عصفور المدينة

ايوه والله عارفه كل ده
وعارفه انهم ولاد ستين في سبعين وممكن تكون في حاجات تانيه كمان العن من كده احنا ما نعرفهاش واهو كل يوم بتظهر علينا مصيبه جديده

بس ده ما ينفيش ان عندهم شئ من الديموقراطيه اللي احنا عمرنا ما شفناها ولا رؤسائنا اتعاملوا بيها معانا
وحتي لو كان موضوع هاري ده غير صحيح ومجرد فرقعه اعلامية عاوزين يحسنوا بيها صورتهم ، ويبرروا سبب عدم ارساله مع بقية فرقته الي العراق وده علي فكره ممكن يكون من ضمن الاحتمالات الوارده
بس برضو احنا ما عندناش كلام من ده
واهو الريس بتاعنا عنده ولدين عمر حد فينا سمع انهم دخلوا الجيش ولا عمر حد في البلد دي بيحاسب حد من الكبارات علي اي حاجه بيعملها ، احنا عندنا ناس تقتل القتيل وتمشي فجنازته ، وكل الناس اللي كانت بتختشي خلاص ماتت

فربنا يستر علينا وما ياخدناش بذنب المترفين اللي فينا

وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا
صدق الله العظيم


تحياتي

خمسة فضفضة يقول...

السلام عليكم ورحمة الله وبركاته

دكتور سمير

تعملنا ايه بقي شعب ما يملاش عينه الا التراب ونستاهل اللي بيجرالنا...ههههههه

نورتني

ana ga3an يقول...

كما هو واضح هي حركة قرعة من الواد يتمنظر بيها قدام صاحبتة في الغالب
وان ذهب فعلا للعراق
صدقيني هايكون معاة جيش قد الجيش اللي مبعوت للحرب


بالرغم اني استبعد ذهابة من اصلة
والامر ليس بخاطرة بل هي سياسات دول
فلن تستطيع الامبراطورية التي لا تغيب عنها الشمس
المخاطرة باحتمال ولو ضئيل باختطاف
الامير واستخدامة كورقة للضغط عليها

بس في كلتا الاحوال جات منك يا هاري ومطلعتش منك يا جيمي

غير معرف يقول...

إية دة؟

طب إشمعنى هوه يعني؟

أنا كمان هأستقيل من البلوج سبوت لو ما ودونيش العراق

لا أبوه أحسن من أبويا و لا أهله أشرف من أهلي

إشمعنى انا؟

خمسة فضفضة يقول...

السلام عليكم ورحمة الله وبركاته

استاذ اسلام
اهلا وسهلا ايه النور دا كله
حتي لو كانت اشتغاله ، بالله عليك حد عندنا بيعمل الاشتغالات دي

عندنا يا فندم بيعملوا اللي هما عاوزينوا و يتحرق الشعب


تحياتي لحضرتك

خمسة فضفضة يقول...

السلام عليكم ورحمة الله وبركاته

محمد فوزي آل ربيع

اهلا وسهلا بدبي واهل دبي

يا ابني استهدي بالله كده
انت وراك ثانوية عامه ، خدها الاول وبعدين مجموعك هو اللي يقول تروح العراق ولا لأ

khaled يقول...

يا سلام
تدميرهم من داخلهم ان شاء الله
يا رب يروح و يبقى قدم للعراقيين و المجاهدين خدمة
اما احنا
فاذا ما استخدمناش الواسطة هانودى الغلابة هناك
يا عينى علينا

خمسة فضفضة يقول...

السلام عليكم ورحمة الله وبركاته

خالد
اهلا وسهلا

اللهم آمين

ويارب يلطف بالناس اللي عندنا واللي ماعندهمش وسايط

تحياتي

محمد العدوي يقول...

ههههههههههه

أنا تكليفي جا في قنا قلت الحقوني ..


مش العراق

يعني مش الكبار بس . احنا تربية تهريج الكبار والصغار وما بينهما .


محدش عنده واسطة بقى . كفاية علي في قنا شهر ونص

خمسة فضفضة يقول...

السلام عليكم ورحمة الله وبركاته

محمدالعدوي

احمد ربناانها جت علي اده قنا وما ودوكش توشكي

اكيد تكليفك ما كانش في موسم الكوسه ..ههههه


تحياتي

Retal ahmed يقول...

ان النظافه ليست مجرد كلمة فقط بل انها كلمه ذات معنى وذات اهميه قصوي في حياة الفرد والمجتمع فان المحافظة على النظافة تعنى الاستمتاع بصحة جيدة بدون الاصابة بالامراض ولهذا جئنا لكم بمجموعه من افضل شركات تقديم الخدمات المنزليه
شركة كشف تسربات المياه بالاحساء


شركة مكافحة النمل الابيض بالاحساء


شركة تنظيف بالاحساء



شركة تنظيف كنب بالاحساء



شركة تنظيف مجالس بالاحساء


شركة مكافحة حشرات بالاحساء

شركة تنظيف فلل بالاحساء



شركة تنظيف شقق بالاحساء

شركة رش مبيدات بالاحساء

القرآن الكريم