TvQuran

٢٠٠٧-٠٤-٠٦

يوم اليتيم



بلا سقف او جدران .....
بلا مأوي او حنان ...
مات الشوق فيّ....
وحيدا.....
كقطعة حلوي يتهافتون عليها يوم العيد
كي يقتلوها ....حبا
كـ....كتاب ...كـ ....رواية
يقرؤها ....ثم يرجعوها للمكتبة
ليتني الموت ...لأقتل جسدي .....
واكتب علي جثتي ....
عاش يتيما
مات يتيما
ودفن يتيما
فهل يبعث يتيما ...؟؟؟



هل ياتري لا يستحق منا اليتيم سوي يوم واحد في العام للاعتراف بواجبنا نوحه ، كي نتذكره ونشعره انه مازال موجود في الدنيا ، وان هناك من يفكر فيه
كثيرا من الناس يتعامل مع واجبه نحو الايتام فقط من الناحية المادية ، يكتفي فقط بمبلغ شهري يدفعه الي احدي الجمعيات التي تكفل الايتام ، ويعتقد في نفسه انه بذلك قد كفل يتيم ولكنه ينسي اننا لو دفعنا كل اموال العالم ليتيم واحد فقط فلن يعوضه ذلك عن فقد والديه او احدهما وينسي ان الله تعالي يطالبنا ليس فقط بالكفاله الماديه ولكن ايضا
دفع المضار عنه، وجلب المصالح له،و الإحسان إليه ومراعاة الجانب النفسي له.
ذُكر اليتيم في القرآن 23 مره لنشعر بمدي اهمية رعاية اليتيم ولا ننسي واجبنا المتجدد نحوه

( وَاعْبُدُوا اللَّهَ وَلاَ تُشْرِكُوا بِهِ شَيْئاً وَبِالْوَالِدَيْنِ إِحْسَاناً وَبِذِي القُرْبَى وَالْيَتَامَى وَالْمَسَاكِينِ ) النساء36

كلك لم ينساه المصطفي صلي الله عليه وسلم اعظم يتيم في هذه الدنيا

وقال رسول الله صلى الله عليه وسلم :
"أنا وكافل اليتيم فى الجنة كهاتين , وأشار بإصبعيه السبابة والوسطى"


وشكا رجلا إلى النبي صلى الله عليه وسلم قسوة قلبه، فقال: امسح رأس اليتيم، وأطعم المسكين.
(رواه أحمد بإسناد حسن)


في رايي كفالة اليتيم لا تتم بالاموال فقط ولكن يجب ان نشعره انه احد افراد العائله ، نشاركه طعامه احلامه وآلامه ، حتي ولو ليوم واحد في الاسبوع او الشهر وليس فقط في يوم اليتيم حتي نعالج احتياجه النفسي لان يكون فرد في اسره يشعر بحنانها


16 comments:

Shreef يقول...

عندك حق للاسف طبعا مش يوم واحد كفاية و لا حتى الفلوس لوحدها كفاية..اليتيم ده مخسرش فلوس لأ ده خسر اهل و لازم نعوضه عن اللي خسره..و احنا للأسف كنا ناويين ان احنا نحاول نحقق النقطة ديه انا و بعض صحابي لكن للأسف الروتين مازال عائق..المهم بادعوا كل الناس انها تسعد اليتامى دول لان لو قدرنا نرسم ابتسامة و لو بسيطة على وشوشهم يبئى حققنا كتير اوي..تحياتي ليكي و لمدونتك الجميلة

الوردة السوداء يقول...

ياخبر ابيض
كلامك اثر فيا جدا

وخلانى اخد بالى من حاجات مكنتش واخدة بالى منها

وهحاول اخد بالى

خمسة فضفضة يقول...

السلام عليكم ورحمة الله وبركاته

اهلا بيك يا شريف ، منورني اخبارك ايه ان شاء الله تكون بخير

جميل اوي ان يكون فيه حد بيفكر في الموضوع بطريقه ايجابيه وعاوز فعلا انه يعمل حاجه مؤثره
بارك الله فيك انت واصدقائك ولعنة الله علي الروتين الف مره

متشكره اوي علي المجامله الرقيقه
وشكرا علي مرورك اللطيف

خمسة فضفضة يقول...

السلام عليكم ورحمة الله وبركاته

اهلا وسهلا بكي يا الورده السوداء ( بس هو فيه ورده لونها اسود ؟؟)
اسعدني وجودك الاول في المدونه وان شاء الله تكوني ضيفه دائمه هنا

و ان شاء الله كلنا نحاول نساعد الايتام باي شكل من الاشكال علي مدار السنه وليس فقط يوم اليتيم

شكرا ليك
نورتيني و ياريت تكرريها

mohand يقول...

السلام عليكم
طبعا الاحساس باليتيم شئ صعب بس اللي عاش يتيم بيحس بيه
ربنا كتب عليا اني اعيش يتيم الاب
تعرفي بقي ان اليتيم لما بتديلو فلوس بتعذبه قوي ؟
بيحس انه شحات وانتي بتعطفي عليه

هو محتاج كلمة تشجيع
محتاج اننا نحسسو انه احسن من اللي مش يتيم نحسسه ان ربنا هيديله اكتر من غيره نفهمه ان رسوله كان يتيم

عمال اتفلسف انا ومش هتفهمي مقصدي
المهم ربنا يعينا علي فعل الخير
واشكرك للموضوع اللي كان نفسي اكتب فيه بس مهما حاولت مش هقدر اقول اكتر من اللي قولتيه
مهند المصري
الباحث عن الحقيقة

الراقـــص مع الذئـــــاب يقول...

السلام عليكم
جزاكي الله خيرا يا دكتورة
فعلا الامر صعب والموضوع كبير واحنا في دمغنا للأسف اي حاجة
اليتيم مش محتاج تبرع
اليتيم محتاج زيارة وحب وعطف
الامر مش سهل

مرة تانية ربنا يكرمك ويجعله في ميزان حسناتك

الأرمـوطــي يقول...

طيب منحاول نعمل عمل منظم يشترك فيه المدونين عشان نساعد فى المناسبات الى زى دى

Ma 3lina يقول...

فعلا موضوع يوم واحد فى السنة دا قليل لازم على طول نفتكرهم و نكفل طفل واحد على الاقل مش لازم بمبلغ كبير بس الى حاجة تساعد

خمسة فضفضة يقول...

السلام عليكم ورحمة الله وبركاته

مهند

اهلا بيك ، عامل ايه
لا انا فاهمه كويس تقصد ايه وعبرت عن معني كلامك في الموضوع بان فلوس الدنيا كلها مش ممكن تعوض يتيم عن احد او كلا والديه

ربنا يقدرنا علي فعل الخير اللهم آمين
نحاول دايما اننا نسعد اليتما بالفلوس وبالمشاركه النفسيه وبكل الاشكال اللي تدخل علي قلبهم شئ من السرور

خمسة فضفضة يقول...

السلام عليكم ورحمة الله وبركاته

اهلا بحضرتك يا باشمهندس محمد

نورتني

جزانا الله واياكم يا فندم وان شاء الله نقدم كل اللي ربنا يقدرنا عليه

خمسة فضفضة يقول...

السلام عليكم ورحمة الله وبركاته

اهلابيك يا احمد

فكره كويسه جدا و ها تبقي احسن بتطبيقها علي ارض الواقع
ولكن للاسف لا اعرف احد المدونين بشكل شخصي وحتي لم التقي باحدم او اتحدث معه عبر الماسينجر

تحياتي لك ،و شكرا علي مرورك اللطيف

خمسة فضفضة يقول...

السلام عليكم ورحمة الله وبركاته
اهلا وسهلا ومرحبا بالدكتوره الرائعه مرام


وكلامك ده هو اللي انا بنادي ليه وبطالب انه يكون مش بس يوم في السنه لا اكثر من يوم او علي الاقل يوم في الشهر


شكرا لك اسعدني تواجدك بشده

ana ga3an يقول...

في الغالب يطور الايتام مشاعر الامبالاة
فهم لا يتعلقو باحد ونادرا ما يحبو احد الا الام البديلة المقيمة معهم في الملجاء
لانهم يعلمون ان هؤلاء ما هم الا زوار وبعض الوقت ويرحلون

يوم اليتيم اسم قاسي من وجهة نظري
واشعار اليتيم بمدي يتمة سنويا امر غير ادمي من منظوري

خمسة فضفضة يقول...

السلام عليكم ورحمة الله وبركاته

اهلا بحضرتك يا استاذ اسلام

دي برضو هي وجهة نظري بالنسبة للموضوع ده
اللي بيحصل من اهتمام زايد جدا في يوم واحد بس والتركيز علي تذكيره انه يتيم بيموت الاحساس جواه ويخلي مشاعره متحجره
وميبقاش عنده اهتمام ولا حب لاي حد الا لنفسه وبس

ربنا يقدرنا ونقدر نعمل اي حاجه نساعدهم بيها

غير معرف يقول...

السلام عليكم ورحمة الله وبركاته
كنت أبحث عن صورة يتيم فوصلت إلى مدونتك .

تحياتي لك
hussein72.maktoobblog.com

Unknown يقول...

السلام عليكم ...

متى هو بالضبط يوم اليتيم ؟


واتمنى تشاركونا في حملتنا :)

http://www.inshad.com/forum/showthread.php?t=131743

القرآن الكريم