TvQuran

٢٠٠٧-٠٤-٠٨

دهب .....ياقوت ....مرجان ....دولارات ....احمدك يارب



منذ اواخر 2006 الي الآن وكلما فتحت الايميل الخاص بي اجد رسائل تنبيه عن الفوز بجائزه كبري من الدولارات من المفترض اني قد فزت بها في احدي السحوبات التي اجرتها جهة ما ، علي سبيل المثال لا الحصر
ال BRITISH INTERNATIONAL LOTTERY
وال EURO AFRO ASIA SWEEPTAKES LOTTERY INTERNATIONAL
وال Microsoft Award ، و الYAHOO PROMOTIONS ONLINE
حتي اليانصيب التي اجرته شركات بي ام دبليو والكوكاكولا
و احدي المقاهي ( كوستا كوفي ) التي لها موقع علي الانترنت وايضا احدي شركات التبغ بالرغم من اني لست بمدخنه ولا اشرب القهوة الا نادرا...!!؟؟


وعادة ما تكون الجائزة مبلغ مالي ضخم مثلا 500000 جنيه استرليني او 100مليون دولار امريكي او ماشابه ذلك من الارقام التي يسيل لها اللعاب ، و تجعل الفرد يطير في دنيا من الاحلام


فجأة وحتي بدون ان اشترك في اي من هذه السحوبات اصبحت من المحظوظين وربحت الجائزة الاولي ، لا اعرف كيف هذا وانا التي لم اربح في اي مسابقه حاولت الاشتراك فيها ، حتي الجوائز الفوريه داخل اكياس الشيبسي و علب اللبان لم يكن لي نصيب في اي منها ،وكأني الآن قد هبط علي راسي الحظ الموجود في الدنيا كلها وجعلني افوز في كل هذه المسابقات دفعه واحده

اللافت للنظر في رسائل التهنئة هذه انها جميعا تشترك في شئ واحد ، وهي انها تطلب من الفائز الذي هو انا ان يرسل جميع بياناته الي جهه معينه وتشمل هذه البيانات الاسم بالكامل والسن والعنوان ورقم التليفون وتاريخ الميلاد والوظيفه وغيرها من المعلومات الشخصيه جدا عن الفائز ومن الممكن ان يكون من بينها رقم حسابه في البنك
وهذا ما يجعلها مثيره للريبه والشك في مدي حقيقتها ، فقد سمعت كثيرا عن النصب عبر الانترنت عن طريق رسائل كهذه و من خلال رد الضحيه ( الفائز ) علي فحوي الرساله فانه بذلك ربما يكون
قد اوقع نفسه في الفخ
لذا دائما وابدا يكون مصير هذه الرسائل معي
وحتي من قبل ان افتحها هو زر delete

كذلك هناك رسائل التسول والتي يخبرك صاحبها انه يحتاج مبلغ من المال لاجراء عملية كبيره لشريك حياته او ابنه وطبعا هذا بعد ان يصدع راسك بقصه مثيره للشفقه عن علاقة الحب التي بينهما او عن ان هذا الطفل قد جائهم بعد عناء سنين

آخر رسائل النصب هذه ، رساله وصلتني يوم 1 ابريل ( بعد فتحها ايقنت ان لها علاقه بكذبة ابريل )
فهي رساله من احد الموظفين في بنك بجنوب افريقيا يطلب مني ان اشاركه في عملية نصب علي البنك الذي يعمل فيه ، باختصار شديد احد كبار العملاء والذي يمتلك حوالي 12000مليون دولار وشوية فكه قد توفي هو وجميع اقاربه في حادث طائره ويريدني ان ادعي انني من اقاربه علي ان آاخذ 40 % من المبلغ وهو يأخذ 50 % اما ال 10 % الباقيه فسوف تخصم كمصاريف ادارية ......يابلاش


صحيح وكما ذكرت ان جميع هذه الرسائل لا التفت اليها ويكون مصيرها الالغاء الفوري ليقيني التام انها مجرد رسائل للنصب ليس اكثر الا انها دائما ما تأخذني الي دنيا من الاحلام لاتخيل نفسي وقد ربحت فعلا هذا المبلغ الضخم من المال وماذا عساي ان افعل به وما هي اول الاشياء التي اود ان اشتريها فور تسلمي النقود ، والي اي مدي ستتغير حياتي وهل سأكون سعيده
وغيرها من الافكار التي تمحي من ذهني فور الضغط علي زر
DELETE


59 comments:

mohand يقول...

السلام عليكم
اشكرك علي سؤالك عني
وايه دا كله ايه دا كله كل يومين بوست جديد لا دا كتير علينا

بالنسبه لموضوع البوست بقي
الرسالة اللي وصلتك يوم واحد ابريل
وصلتني انا 15 مارس
وغيرها كتير يوميا
بس الحكاية ديه من زمان قوي وناس بتعملها نصب زي ما قولتي

بس تخيلي فعلا لو معاكي مبلغ ضخم زي ده
ممكن تعملي بيه ايه ؟
دا السؤال اللي دايما بسأل نفسي عنه ومش لاقي اجابة

albida يقول...

أنا محصلش معايا الموضوع ده قبل كده.. بس هو أكيد شكله سرح فى سرح طبعا

هما لقوا الفلوس دى فى الشارع يعنى؟!! ده زمان مكنش فيه حد غلب


manal

يا مراكبي يقول...

ده موضوع كويس وعندي فكرة عنه: كل الأمثلة اللي ذكرتيها ما هي إلا طرق لغسيل الأموال

ردك على أي رسالة هن دول هيفتح المجال للتعارف وتحويل الأموال لحسابك مقابل نسبة .. وده عن طريق خطابات إعتماد مقابل بضائع وهمية وخلافه

إحذري الناس دي لأن التعامل معهم لابد أن يستمر للأبد وإلا هيكون الجزاء هو القتل

تحياتي

Memo يقول...

هيا الحدايه عمرها بتحدف كتاكيت

خمسة فضفضة يقول...

السلام عليكم ورحمة الله وبركاته

العفو يا مهند واهلا بيك ويارب تكون عديت فترة الاكتئاب اللي كنت فيها
وبطل بقي قر علي عباد الله
عموما انا هاقوم ابخر المدونه احطياتي بردو ....هههههه

تخيل بقي لو الرساله دي صح ها تعمل ايه بال 48 مليار جنيه نسبة ال 40 %
انا عن نفسي كنت هاعمل بلاوي

خمسة فضفضة يقول...

السلام عليكم ورحمة الله وبركاته

منال البيضا عنجنا ...يا اهلا اهلا والف اهلا وسهلا ايه النور ده

طبعا سرح تشليون في الميه وعلي رايك ، ماكنش حد غلب

منوره

خمسة فضفضة يقول...

السلام عليكم ورحمة الله وبركاته

اهلا بحضرتك يا مراكبي نورتني

قتل ....!!!!!! يا خبر ابيض هي وصلت للقتل
ربنا يستر
عموما زي ماقلت الرسايل دي حتي بقيت الغيها فورا حتي من قبل فتحها

شكرا علي النصيحه وربنا ما يجيب قتل

خمسة فضفضة يقول...

السلام عليكم ورحمة الله وبركاته

اهلا اهلا بالآنسه مهاميمو نورتي المدونه والمدونات المجاوره
نورتي النت بحاله

ايوه عمرها ما بترمي كتاكيت، منها لله انفلونزا الطيور

Shreef يقول...

الرسايل ديه للأسف بيكون ضحايها الطماعين او الاغبياء..ملهمش تالت..لان على رأي ميمو الحداية عمرها مبتحدف كتاكيت

خمسة فضفضة يقول...

السلام عليكم ورحمة الله وبركاته

اهلا وسهلا بحضرتك ياشريف
ايه النور ده

فعلا الطمع والغباء دول اول الخطوات اللي بتخلي اي واحد يقع في الفخ ده

شكرا علي مرورك

سكتم بكتم يقول...

في الدنيا اللي أحنا عايشينها حاليا.مفيش حاجة أسمها حظ ده كلام فارغ وأحلام الضعفاء صدروها لنا بالكيلو علشان ناكل وننبسط ومنفكرش أزاي نشتغل ونحقق أحلامنا المستحيلة أو الشبة مستحيلة.مقال جميل بس نحب نسألك تعملي أية ياتري بمليار دولار.أحب تشرفيني .تحياتي

khaled يقول...

مبروك الشكل الجديد
جميل قوى
تعرفى
الرسايل دى كترت قوى
و كمان بطرق مختلفة
منها اللى مريض و هايموت علشان كده عايز يديكى فلوسه و منها الفوز باللوتارى
و منها واحد وكيل اعمال واحد ميت و مالهوش قرايب
و كتير قوى
و اول لما اشوف رسايل زى كده اعمل زيك و
Delete

خمسة فضفضة يقول...

السلام عليكم ورحمة الله وبركاته

سكتم بكتم
اهلا وسهلا بيك نورتني

طبعا اللي بيكون اعتماده علي الحظ بس عمره ما بينجح في حاجه

بس في برضوا نسبه من قليله من الحظ موجوده ، بس لازم الانسان يتعب ويشتغل علشان يوصل للي هوه عاوزه

ان شاء الله ازورك في مدونتك قريب


شكرا علي المرور

خمسة فضفضة يقول...

السلام عليكم ورحمة الله وبركاته

اهلا بالفنان الكبير خالد


شكرا ان الشكل عجبك احنا بنتعلم منك يا فندم

شكرا علي مرورك عليا بجد نورتني

ana ga3an يقول...

بخصوص الرسائل القادمة من رئيس احد البنوك في دول جنوب افريقية
كانت محطة
abc news
عملت تحقيق عن الموضوع دة و اتضح انهم مجموعات عصابية منظمة بتقوم بارسال الرسائل دي بطرقة يومية منظمة لاكثر من 12 الف ايميل يوميا
علي امل ان يستجيب احدهم
وفعلا هناك البعض في امريكا استجاب ودفع مبلغ 10 الاف دولار نظير انهاء اجراءات تحويل بنكية
ثم يكتشف انة لبس صابونة بريحة
اي كلام يا دكتور
النصاب يحتاج دائما الي جشعين لكي يستمر في نصبة

Dr.khaled يقول...

ههههههههه
على فكرة انا اكتر واحد مشهور في اوروبا الوقتي عند الناس دي

الوقتي بيقولوا عليا عبيط
اصلهم بعتولي الرسالة دي في اواخر 2005
تقريبا في شهر 10/2005
وانا بقى مقلكوش
يا خبر
بنيت بيت واشتريت عربيات
وبعدين قلت لا ياد يا خالد
الفقرا كتير
المهم بنيت كلية للحديث الشريف
ومعاها مستشفى مجانية
ومصنع صغير للباب العاطل
وخطيت اللي اتفضلفي البنك كحساب جاري-علشان الربا-

وبعدين فوقت واختي قالت لي...
يا خالد
انزل اشتري لنا بربع فول..وبربع عجينة طعمية

المهم صدقت وراسلتهم وكلام من ده
بس حسيت ان الموضوع اشتغالات
بعد فترة طويلة ...وده بيعكس مدى

-طيبتي -عبطي يعني بس مكسوف اقولها
ولحد النهردة عمالين يلقفوني لبعض
المهم انا ربحت من الموضوع ده حاجة جميلة اوي
عارفين ايه هي؟؟
هي اني اخذت ثواب النية على ما كنت ساقوم به من عكل للخير
وهكذا ينبغي المسلم
يتمنى لو عنده مليون جنيه وينفقهم في سبيل الله
شكرا يا دكتورة
فضفضة

خمسة فضفضة يقول...

السلام عليكم ورحمة الله وبركاته

استاذ اسلام عندنا اهلا اهلا ايه كل النور اللي ملي المدونه ده

الحمد لله انا عندي صابون كتير في البيت والصيدليه ،ومش محتاجه صابون من حد


واحد شيشه و عناب هنا يا جابر

خمسة فضفضة يقول...

السلام عليكم ورحمة الله وبركاته

اهلا بيك يا د/ خالد نورتني

ياااه من 2005ده انت قديم بقي .....هههه


لا ده مش عبط دي طيبه وحسن نيه
بس يلا اديك كسبت ثواب من وراهم

انا زيك كده اول ما بلاقي الرسايل دي بعد احلم واقول هاعمل وسوي
وفي الآخر ادوس ديليت

الراقـــص مع الذئـــــاب يقول...

السلام عليكم

انا فاكر مشوار زمان حصل زي كدا
واحدة من جنوب افريقيا جلها مرض وكانت هتموت في خلال شهرين او تلاتة وكان عندها ثروة كبيرة قوي
وعرضت علي واحد صاحبي انها تكتبله نص ثروتها...والنص التاني هتكتبه للكلبة بتعهتا
بس مش عارف كان ليها شرط تقريبا
وعلي ما اتزكر ان الشرط كان انه لازم يتجوز الكلبة او حاجة زي كدا

كان حوار طويل مش فاكر تفاصيلة
انما يعني انتم بتضيعوا وقتكم في الاميلات ديه ليه؟؟

الدنيا فيها حجات كتير حلوة
فيها لحمة وفراخ وشبسي بالطماطم


فكرة جميلة يا دكتورة...بس للأسف انا مبحبش الفلوس
والله العظيم انا مبحبهاش والغريب انها بقي بتحبني ....

هتقولوا عليا اني غريب الاطوار او مجنون او كذاب....
قولوا اللي تقوله بس انا فعلا بكرهها ومحبش منظرها

ربنا يديم علينا نعمة الرضا بالقليل


جزاكم الله خيرا


صورة مين ديه يا دكتورة؟؟؟؟

خمسة فضفضة يقول...

السلام عليكم ورحمة الله وبركاته

اهلا بيك يا باشمهندس محمد

فراخ....لحمه... وبطاطس شيبسي ...احمدك يارب
طيب احمد ربنا ان الفلوس بتحبك علشان تعرف تشتريهم...هههه

في رايي ان الفلوس ماهي الا وسيله لبلوغ ما نأمل اليه
وليست هي الغايه في حد ذاتها

بالنسبة للصوره مش عارفه لمين بالظبط دي لقيتها علي فليكر وعجبتني بس كده خلاص

Haitham Abu Akrab يقول...

يعني الواد صاحبي لما قالي كده يبقي مكنش بيهلوس
.
.
.
.
علي فكره دول معظمهم من العالم التالت يبنصب علي العالم التالت

gohayna يقول...

والله انا من حوالي شهر تقريبا

جاتلي رساله علي الايميل

وقال ايه

فزت ب 500000 استرليني

وطبعا انا اول مره تحصلي حاجه زي دي

المهم البيت اتشال واتحط وعشت في مود اني في برنامج من سيربح المليون
وقعدت اوزع المبلغ علي الناس والشارع والجيران لما دماغي وجعتني


وبعد يومين جاتلي رساله علسان ابعتلهم مبلغ من المال عن طريق شركه
وسترن يونيون

وقدامي تلات خيارات

اما ناي استلم الجائزه في خلال 24 ساعه وكدا لازم ادفع 1750 دولار

او خلال يوم وكدا هدفع 900 دولار

او خلال 3 ايام وكدا هدفع 750 دولار

وطبعا مع الجمله المشهوره اننا منقدرش نخصم المبلغ من قيمه الجائزه

ولو اتأخرتي الجائزه هتروح لحد تاني

المهم انا سيبت الخيارات وخد احلي طماطم وقعدت في البلكونه اشكي حالي واقول ربنا ينتقم منكم

حتي التهريج وصل لكدا

حرام والله

والحمد لله انا دلوقتي بصحه جيده نسبه للقهره الي كنت فيها



انا قولت اشركك معايا في الي حصل طالما ايدك جت علي الجرح

يلا منهم لله

تحياتي ليكي

šσяšαяαα يقول...

وكما يقول الشاعر:
النصاب بينصب
والنشال بينشل
والحرامى بيسرق
والبوليس بيقش:)

خمسة فضفضة يقول...

السلام عليكم ورحمة الله وبركاته

اهلا بحضرتك يا استاذ هيثم

لا صاحبك ما كانش بيضحك عليك ، بس اللي بعتوله الميل هما اللي كانوا بيضحكوا عليه


ربنا يحفظنا من النصب والنصابين

منورني

خمسة فضفضة يقول...

السلام عليكم ورحمة الله وبركاته

د/جهينه اهلا وسهلا بيكي
ايه كل النور ده

وايه دا كله ...دانتي وصلتي لحد البراميل ....هههههههه
ايه بس اللي خلاكي تردي عليهم ...معلش تعيشي وتاخدي غيرها

شكرا علي مرورك الجميل

خمسة فضفضة يقول...

السلام عليكم ورحمة الله وبركاته

اهلا بيكي صرصاره هانم
وربنا يحميكي من كفروسول وراجون وفليت وكل المبيدات


هو صحيح ان النصاب بينصب والنشال بينشل والحرامي بيسرق والبوليس بيقش
بس في الآخر احنا مش واخدين بالنا
او عاملين اننا مش واخدين بالنا

يلا منهم لله

منوره

..........tahayo2at يقول...

يااااااااااه

مفيش اكتر من الحاجات دي دلوقتي

بس يا ترى هو عايز بيانتنا ليه

انا بيتهيئلي انه بيعمل
DATA BASE

علشان يبيعها لشركات الاعلان

يعني مثلا اذا في واحد عايز يروج لمنتج حريمي يقوم يبيع له مليون اي ميل بنت و كدة

وطبعا المكان و السن بيفرقوا

كلام لوجيك يقول...

فعلا الموضوع ده منتشر جدا وعلى نطاق واسع
وبيتفننوا فى ابتداع طرق جديدة يضحكون بها على السذج وعديمى الخبرة فى العالم الافتراضى
طبعا اشكرك على تنويهك وتحذيرك لمثل هذه الخدع
واحييكى على مدونتك الرائعة وتصميمها المميز وتنسيقها الجميل فى اول زيارة لى

دمتم جميعا بخير

خمسة فضفضة يقول...

السلام عليكم ورحمة الله وبركاته

اهلا بحضرتك د/ شيربو

لا ما اعتقدش ان في حد يتعب نفسه علشان كده بس ،
ممكن يكون السبب هو عمليات غسيل اموال او عمليات نصب يعني مثلا يقلك ادفع كذا علشان تقبض الجايزه وحتي لو كان بيتطلب مبلغ بالنسبه لفرد واحد قليل بس شوف بقي لما يلم من كام الف واحد ممكن يكون ثروه

نورتني بمرورك الجميل

خمسة فضفضة يقول...

السلام عليكم ورحمة الله وبركاته

اهلا بحضرتك يا باشمهندس اسامه وحمد الله علي السلامه ، ان شاء الله تكون استفدت واستمتعت في دبي

العفو انا ماعملتش حاجه
وشكرالك علي الاطراء الرقيق ، الحمد لله ان الشكل الجديد نال اعجابكم

نورتني وياريت تنورني علي طول

Music Gates يقول...

علي فكرة انا كنت كتبتليك كومنيت قبل كدا بس البراوزر هنج و قفلت قبل ما اعمليك بابليش و كنت بقوليك فيه
ان النصب بتاع الجماعة الافارقة ده منتشر جدا ياعني انا وصلي النهارده كمان 3 ايميلات و بيقولولي ايه بقي مش عارف انت كسبت ايه و القدر اختارك و كلام من ده و في الاخر بعتنلي ايميل اضيفه علشان اكلم معاه و ينصب عليا و الموضوع ده حصل مش هقوليك متنصبش عليا قبل كدا لانه فعلا اتنصب بس بطريقة جميله اوي هقولهاليك كانوا عاملين موقع الي هو تدفعي فلوس و يمشيليك الورق بتاع الجرين كارد في امريكا او مش يماشية هو بيقدمليك علي الهجره الاول الموقع واخد الطابع فعلا الحكومي و كل حاجه و يقولك املا البيانات و حط صورك و كل حاجه و ابعتلنا كمان علي العنوان بتاع الهجرة الامريكية و اخدوا 50 دولار ولاد ال و طلع الموضوع نصب بس الكلام ده من 5 سنين مكناش نعرف في حوارات النصب من النيت دي و هنروح بعيد ليه ما في دكتور من جامعة ستانفورد اتنصب عليه وكانه جايبينه في برنامج 20\20 الي بيجي علي الامب سي فور واتنصب عليه بطريقة هبله جدا انه واحد عمل طريقة يخلي بيها الورق فلوس دولارات يعني و هما محتاجين لفلوس علشان يتشروا الادوات الازمه في الموضوع ده و الراجل اتنصب عليه في 200 الف دولار تقريبا و لولا ان في بوليس بيفهم و الشعب علي الاقل عنده زره من التعاون كان زمان الراجل الفلوس راحت عليه علي فكرة مدونتيك رائعة يا صيدلانية ما تشوفيلي دوا للسنان بقي لحسن انا مش عارف اشرب شاي خالص

SomeOne يقول...

السبب في ان الرسايل دي بتلاحق الناس

انهم جربو وفتحوها مرة
ومشيو ورا الكداب لحد باب الدار

الى كل من يستلم رسالة عنونها غريب
ومش معروف المصدر

احذفها فورا
دون فتحها

سلاماتي و احتراماتي

خمسة فضفضة يقول...

السلام عليكم ورحمة الله وبركاته

اهلا بيك يا استاذ كوبا

ايه ده دا انا كنت بقول للدكتوره جهينه انت وصلتي البراميل
انت بقي عديت لحد البر التاني ....ههههه
يافندم البلد دي احسن من غيرها ، معلش بقي عوضك علي الله في ال50 دولار تعيش وتاخد غيرها
اما بقي الدكتور ده والشعب اللي اتعاون معاه دي ماتلاقيهاش هنا دا ممكن لو واحد اتنصب عليه ما يقولش لاخوه وهو شايفه هايقع في نفس المطب ، يقولك اشمعني انا يعني اللي يتنصب عليا ...ههههه

شكرا علي ذوقك ، شكرا ان المدونه عجباك ، ياريت تنورني علي طول


الف سلامه علي لسانك لو فيه قرح وبرابيق ادهن سالفيكس ال هي بتحرق شويه بس مفعولها ممتاز

خمسة فضفضة يقول...

السلام عليكم ورحمة الله وبركاته


اهلا بيك يا د/ شادي نورتني

ممكن يكون الكلام ده احد الاسباب

بس بالنسبة لي لا اعتقد لاني لم احاول ان ارد علي اي منها ابدا ، وبعد 3 او 4 رسايل بقيت الغيها بدون حتي فتحها

ولكن ما لاحظته ان هذه الرسايل لم تبدا في الظهر بالايميل الا بعد ان اشتركت في كذا مجله طبيه وموقع طبي اجنبي يرسل رسائل علميه دوريه بالجديد
خاصة المجلات العلميه زي

springerlink ،blackwell
ودي بعد اشتراكي فيها مباشرة بدأت الرسايل في الظهور

شكرا علي مرورك الرقيق و تحياتي لك ايضا

3aziz 3eni يقول...

حاجات كثير لازم نعملها حذف مش بس الرسائل

الاحلام كثير ومن كثرها لازم نلغيها لانها هتعطلنا عن عمرنا لان ببساطة مش هنقدر نحققها

غير معرف يقول...

أوبس

أنا شكلي جيت متأخر

بعد ما الناس قالت كل اللي عندها و اللي ما عندهاش

كنت حابب أقول بس إنهم فعلا عندهم صبر عجيب

أو تقل دم مش عارف
يعني بتمحي الميل بتاعهم يجي خمس مرات و بتلاقيهم لسا بيبعتولك

دا إية أم التناحة و التناكة دي

تحياتي يا دكتورة

خمسة فضفضة يقول...

السلام عليكم ورحمة الله وبركاته

Sokomonoce
اهلا بيك شكرا علي مرورك وتعليقك

بس بالله عليك بلاش التشاؤم ده ان شاء الله اكيد يعني ها نلاقي حلم نقدر اننا نحققه وما نعملوش ديليت
ويكون قريب


تحياتي لك

خمسة فضفضة يقول...

السلام عليكم ورحمة الله وبركاته

محمد فوزي آل ربيع

اهلا وسهلا بيك يا محمد اخبار الثانويه العامه ايهان شاء الله تكون كويسه

كلامك صح وتلاقيهم مثلا باعتين 3 او 4 ميلات وراء بعض ، وكل ميل عنوانه ان ده آخر تنبيه علي الفوز بالجايزه ...آل يعني خلاص مش هايعبروك بعد كده
وشويه وتلاقيهم باعتين تاني

صحيح تناحه ...ههههه

شكرا علي مرورك ، تحياتي لك

smraa alnil يقول...

ههههههههههههههههه

تصدقي بقي ان الراجل بتاع البنك دة فضل يراسلني لمدة شهرين
وعايزة اقولك كمان انه اداني رقم تلفونه واتصل بيا
وكانت هيصة يا بنتي
هههههههههههههه

وراسه والف سيف ان انا ليا حساب في البنك واحاول اقنعه ان اكتر مبلغ مسكته في ايدي 200 جنيه ولا هو هنا
بس والله استمتعت لقيت حاجة الواحد يتسلي بيها في وقت كنت زهقانة فيه
بس طبعا دي حالة نصب علني
وانا دلوقتي بريح دماغي من ير ما افتح الاميل علي طول بمسحه

خمسة فضفضة يقول...

السلام عليكم ورحمة الله وبركاته

اهلا وسهلا سمراء النيل الدنيا كلها نورت

هههههههههههههه

حصل كل ده وكلمك بقي وكلمتيه ...لالالالا دانتي عديتي انت كمان
بس المهم ان المكالمات كانت علي حسابه
ماهو مش هايبقي نصب وخراب ديار ...ههههه

يلا الحمد لله انك لقيتي حد يسليكي

تحياتي

zordeak يقول...

لموضوع ده حصل معايا كتيير


ومن الاخر بعمل زى منتى عملتى كده

delete محترم


اللذيذ فى الموضوع انى لما جيت اعلق عندك دلوقتى

طلعلى بوب أب بيقولى انت كسبت 10000000000 دولار



هههههههههههه


عملتله ديليت

ودخلت علقت


:)

أحمد سلامــة يقول...

إيه إيه
مابتشربيش القهوة
ربنا يسامحك
سامحها يا بن
سامحها يا فنجاني
هي ماتقصدش طبعا
والله مش قصدها حاجه
صدقوني

خمسة فضفضة يقول...

السلام عليكم ورحمة الله وبركاته

اهلا بيك يا دكتور احمد
والله فرحت اوي انك رجعت لمدونتك تاني
انا كنت متبعاك باستمرار قبل ما اعمل مدونه وكانت كتاباتك بتعجبني جدا ، واول ما عملت مدونه لقيتك هاتعتزل التدوين ..قلت اكيد اذا حضرت الشياطين ..ههههه

ايه ده حتي هنا كمان الحاجات دي مش سيباك ...ههههههه
دا انت حظك جامد اوي بقي ..ههههه


تقبل خالص التحيه

خمسة فضفضة يقول...

السلام عليكم ورحمة الله وبركاته

استاذ احمد سلامة
اهلا بحضرتك
آسف والله ، ماكنتش اعرف ان عدم شربي للقهوه هايزعلك

القهوه دي ياما اخدت مني راقات ايام المذاكره والامتحانات ، اما دلوقتي فنادر لما اشربها
عموما انا بشرب نسكافيه باللبن ....ينفع

david santos يقول...

Thanks for you work. Have a good weekend.

BinO يقول...

جزاكم الله خيراً علي تعزيتك أختي في الله

انا أيضاً و اعتقد معظم الناس يتلقون مثل هذه الرسائل العجيبة
بس الشهور اللي فاتت بستقبل رسائل مضمونها واحد تقريباً
رجل أو امرأة يرث مبلغ كبير من المال في احد الدول الأفريقية وهو مسلم , ويريد ان ينفقها في أعمال الخير في بلدي
أهم حاجة أني أبعت رقم حسابي في البنك
وهو حيقوم بالباقي مع التأكيد اني حيكون ليا التصرف الكامل في الأموال
:)
عروض مغرية
مصيرها سلة المهملات
ربنا يحفظنا

Ma 3lina يقول...

انا ال
junk mail
عندى مليان من الايميلات دى
و اللى يقولك معرفش مين فى دولة ايه كدا عندها المرض الوحش و عاوزة مساعدة

حتى الشحاتة بقيت اون لاين

الدنيا بتتطور برده

خمسة فضفضة يقول...

السلام عليكم ورحمة الله وبركاته

david santos

thank you for beinng here . Have a good weekend too.

خمسة فضفضة يقول...

السلام عليكم ورحمة الله وبركاته

باشمهندس بينو

جزانا واياكم ، ولا شكر علي واجب

شوف حضرتك هو تعددت الاساليب والغرض واحد ، النصب والسرقه فقط لاغير
لذلك يكون التصرف السليم والوحيد هو ازالة هذه الرسائل وعدم الالتفات اليها


شكرا علي مرورك ولك مني خالص التحية

خمسة فضفضة يقول...

السلام عليكم ورحمة الله وبركاته

د/ مرام
اهلا بحضرتك منوراني


كل حاجه اليومين دول بقت اون لاين

تحياتي

أحمد سلامــة يقول...

نسكافيه باللبن نسكافيه باللبن
اممممممممممم
ماشي
اهي بردو حاجه فيها كافيين
هو صحييح
low dose
بس شغال
سماح النوبه

كلبوزة لكن سمباتيك يقول...

مش بعيد تكسبي خمستاشر جنية و تعملي لنا عزومة سندوتشات شاورما و عصير مانجة و عشرين شفاطة


تحياتي

أحمد يقول...

واحد صاحبى جرب الحوار ده لغاية الاخر , مع انى والله حذرته وقلتله ده الموضوع فى احسن الاحوال هيبقى غسيل اموال لكن هو حب يخوض التجربة للأخر , المهم قابلته بعد مدة و سألته ايه اللى حصل , قالى الموضوع طلع اشتغالة أصلا , ههههههههههههه , واحد صاحبى تانى برضوه جاتله رسالة من مين بقى المرة دى ؟؟ , تخيلى كده , من سها عرفات , بتقوله نفس المضمون , عايزة تحول فلوس برضوه هههههههههه , النوع ده اللى بينطبق عليه جملة "حرامى واهبل" هههههههههههه , مفيش حاجة فى الدنيا اسمها فلوس تيجى بالسهل كده

خمسة فضفضة يقول...

السلام عليكم ورحمة الله وبركاته

دكتور احمد سلامة

شكرا علي تفهمك الموقف.....ههههه

هاحاول اني ارجع تاني للقهوه بعد هجر سنين بس علشان ماتزعلش نفسك، طالما بتحب القهوه للدرجه دي ...هههه

تحياتي

خمسة فضفضة يقول...

السلام عليكم ورحمة الله وبركاته

سمباتيك اهلا بيك نورتيني

بس كده انت تأمري ، وببقية الخمستاشر جنيه ندخل سنيما من 6 ل 9
بس ادعيلي اكسب اي حاجه وانا اروقكم

تحياتي

خمسة فضفضة يقول...

السلام عليكم ورحمة الله وبركاته

مبرمج حر
اهلا وسهلا ، منور

اكيد طبعا مافيش حاجه بتيجي كده علي الجاهز ، الكلام ده في برامج ومسلسلات التليفيزيون وبس

الا قولي هي سها عرفات كانت عاوزه ايه من صاحبك ، تديله فلوس ، ولا كانت طالبه سلفه ..هههههه

koukawy يقول...

واحد اعرفه جاله الميل و انا كنت متابعه معاه الموضوع و كنت بتصله بالراجل عشان هو مش بيعرف انجليزي و كان الموضوع ماشي تمام بس قلوله لازم توكل محامي من عندنا عشان يخلصلك الفلوس و اصروا انه يدفع الفلوس الأول و طبعا اتأكد انهم نصابين رسميييييييييييي
بعد طبعا احلام كتير و كان واعدني يشتريلي عربيه
ههههههههههههههههههههههههه

خمسة فضفضة يقول...

السلام عليكم ورحمة الله وبركاته

كوكو الكميل عندنا يا مرحبا يامرحبا

ايه النور الكميل ده يا كميل

معلش يا عسوله تعيش وتاخد غيرها....ههههه

غير معرف يقول...

Oftentimes it is more that what meets the eye
that counts the most to your how do i get a girlfriend is to have alpha male
qualities that how do i get a girlfriend and they don't give friendship a second glance. And at the end of the day both men and women think differently.

my site - how do you get a girlfriend

القرآن الكريم