TvQuran

٢٠٠٧-٠٥-٠١

القاعدة الذهبية

بمناسبة الذكرى الأربعين لإنشاء الأمم المتحدة في عام 1985، أهدت السيدة نانسي ريجان، السيدة الأولى آنذاك، فسيفساء باسم الولايات المتحدة إلى الأمم المتحدة

الفسيفساء عباره لوحة كبيره منقوله عن رسم للفنان الامريكي "نورمال روكوال" اسمها القاعدة الذهبية ، وأراد روكوال أن يوضح أن القاعدة الذهبية موضوع مشترك بين جميع الأديان الرئيسية في العالم، وصَور أشخاصا من كل الأعراق والمعتقدات يتمتعون بالكرامة والاحترام. ونُقش في الفسيفساء "عامِل الناس كما تحب أن يعاملوك".


وما زالت هذه اللوحه الي الآن تزين جدران مقر الامم المتحده بمنهاتن

فهل بالفعل تري منظمة الامم المتحده في نفسها هذه العداله التي ترفع شعارها
وهل تطبق هذه القاعده الذهبيه
وهل كل الدول بها تعامل الناس كما يحبون ان يتعاملوا معهم ...........؟؟؟؟؟؟؟؟؟؟؟؟؟؟؟


اشك في ذلك


انا ايضا احب ان اهدي فسيفساء الي الامم المتحده علها تجد في نفسها الشجاعه وتزين بها الجدار المقابل للوحة نورمال روكوال


----------------------

ملحوظة : اضغط علي الصور لمشاهدتها بحجم اكبر


53 comments:

Nothing To Lose يقول...

السلام عليكم
ازيك يا دكتور:)
كالعادة مواضيع متميزة:)

الصورة التانيه دى وجعتلى قلبى اوى


حسبى الله ونعم الوكيل

هما دايما بيحبوا يخدعوا نفسهم
انهم مثال للعداله والصدق
حتى لو بالفسيفساء

تحياتى يادكتور :)

mohand يقول...

السلام عليكم
تصحيح بس
اسمها الامم المتحدة الامريكية
تصحيح تاني
هما بيحبه يعاملوا الناس كما يجب ان يعاملوهم من وجهه نظرهم
--------------
تحياتي يا دكتورة
وصدقيني
احنا بنادي في ميدان طرواده
ولا حد هيسمع

مهند المصري

عصفور المدينة يقول...

والبادي أظلم
هذه القاعدة الذهبية

محمد عبد الغفار يقول...

القوه هى المنطق

الطائر الحزين يقول...

تمنيت ان أتشرف بك فى مدونتى
وعلى الباغى تدور الدوائر

khaled يقول...

منظمة الامم المفككة
مواضيعك محترمة و جميلة

Dr.khaled يقول...

منظمــة الرمــم المتحدة (الشيخ محمد حسان)

SomeOne يقول...

عادي جدا انهم يعلقوا اللوحة التانية دي

هو لو كان بتعليق اللوح كان حد غلب

:)

خمسة فضفضة يقول...

السلام عليكم ورحمة الله وبركاته

نوثنج تو لوز
اهلا بكِ

حسبنا الله ونعم الوكيل


تحياتي

خمسة فضفضة يقول...

السلام عليكم ورحمة الله وبركاته

مهند
اهلا وسهلا

قصدك بندن في مالطه

بس علي فكره مالطه بعد فتره كده مالطه اتملت مسلمين وعاشت ازهي عصورها علي اديهم

ربنا يدينا العمر ونرجع مالطه تعيش ازهي عصورها

تحياتي

خمسة فضفضة يقول...

السلام عليكم ورحمة الله وبركاته

استاذ عصفور

اهلا بحضرتك

يارب قدرنا اننا نحقق هذه القاعده ، بس الموضوع محتاج مننا ايمان زياده علي شوية عزيمة وصبر


تحياتي

خمسة فضفضة يقول...

السلام عليكم ورحمة الله وبركاته

استاذ محمد عبد الغفار

اهلا وسهلا

صحيح وما اؤخذ بالقوة لا يسترد الا بالقوة
مقوله مازالت الايام تثبت صحتها

تحياتي

خمسة فضفضة يقول...

السلام عليكم ورحمة الله وبركاته

الطائر الحزين

اهلا بحضرتك

اذن فهي الحرب


فلا تلومن الا نفسك ...هههههه

----------
مدونتك جميله جدا وبصراحه اخجلتني من الكلام اللي مكتوب في البلوج ديسكريبشن
انما يرجع الفضل لكل المشاركين ، فلولا استجابتهم ما كانت هذه الفكره رات النور ابدا



تحياتي

خمسة فضفضة يقول...

السلام عليكم ورحمة الله وبركاته


باشمهندس خالد

اهلا وسهلا و شكرا علي ذوقك

ما نلاقيش عندك مفك 18 نربطها بيه



تحياتي

خمسة فضفضة يقول...

السلام عليكم ورحمة الله وبركاته

د/ خالد
اهلا وسهلا

بما انها بقت رمم مش المفروضي يواروها التراب بقي و يجيبولنا حاجه تانيه لعل وعسي تكون اعدل من سابقتها

خمسة فضفضة يقول...

السلام عليكم ورحمة الله وبركاته

د/ شادي

والله الناس
دي ماتت في قلوبها الانسانيه من زمان وماعدتش حاجه بتحّوق فيهم

بس ادي احنا بنَفِس بدل ما نطق


تحياتي

šσяšαяαα يقول...

السلااااااااام عليكم
فضفوضتى ازيكككك بجد وحشاااانى
انما ايه النشاط دا كله ياسيدى
بسم الله ماشاء الله
مش عارفه والله اكتب فين واللا فين
بس كنتى تخللى البوست دا قبل التوقيت الصيفى
بدل مايكون اخر واحد منهم وادخل يتسد نفسى
ياللا منهم لله وحسبى الله ونعم الوكيل
دى عالم نحست خلاص ولا هاينفع معاها حاجه
ربنا عالظالم والمفترى وابن بوش

خمسة فضفضة يقول...

السلام عليكم ورحمة الله وبركاته

صرصاره عندنا
يا مرحبا يا مرحبا
ايه يابنتي الغيبه الطوييييييييييييله دي
كنت مستخبيه في انهي بلاعه ...هههه


يلا منهم لله


تحياتي

yamen يقول...

العالم ماعادش فيه بني ادم متربي
المتربيين خلصوا

القهر بقه هو القاعدة

مفيش حد نقدر نقول عليه النموذج اللي نعمل زيه

تحياتي علي البوست

خمسة فضفضة يقول...

السلام عليكم ورحمة الله وبركاته

د/ يامن

اهلا وسهلا منورني

لا هما متربيين بس علي الطريقه الامريكيه التي ترفع شعار انا ومن بعدي الطوفان


شكرا علي ذوقك
وتحياتي لك ايضا

كلام لوجيك يقول...

انا مش هعلق عالموضوع فى حد ذاته
انا بس عاوز أحييكى على على مهارتك فى تكوين المواضيع
مهارتك فى جمع الاحداث وصنع موضوع متكامل منها

وعجبنى قوي خالد وليس بخالد لما قال منظمة الرمم المتحدة

دمتم جميعا بخير

FrEe.PhArAoH يقول...

معبر اوى اهدائك

جزاكى الله خيرا

تحياتى

خمسة فضفضة يقول...

السلام عليكم ورحمة الله وبركاته

استاذ اسامة
شكرا علي ذوقك
نورتني

خمسة فضفضة يقول...

السلام عليكم ورحمة الله وبركاته

FrEe.PhArAoH
اهلا وسهلا

جزانا واياكم ان شاءالله

تحياتي لحضرتك

الدفاع يقول...

السلام عليكم ازيك يادكتوه انا كتب قصيده على المدونه لابى القاسم الشابى بتعبر كويس عن الموضوع ده وكيفية تعامل الامم الضعيفه-مش احنا- مع الامم القويه-برضه مش احنا- اكيد كلكم قرأتوها قبل كده

•«ρяoιd»•™ يقول...

تقريبا الناس دي مش موجودين معانا في الكوكب ده

و كعادتك بجد مواضيعك كلها متميزه

تحياتي

gohayna يقول...

والله هما احسن ناس يقولو حاجه وينفذوا عكسها

يا بنتي دول خلاص فهمين ان قمه الصواب الي هما بيعملوه

وقمه العدل هو النهج والدستور والمواد بتاعتهم

ربنا يهدهم

امين

تحياتي

Unknown يقول...

دكتورة
سعيد بك
وبمدونتك
ارجو ان تشرفينى
تحيتى

كراكيب عادل يقول...

دستور القوة في الارض

في الاخرة هناك عدل اخر

لكل المظلومين لهم الله

AHMED SAMIR يقول...

موضوع اقل مايقال عنه انه رااااااائع
تحياتي
ولو ان الامم المتحدة نفسها مغلوبة على امرها زي بقية دول العالم
وطبعا رأس الافعى هي الولايات المتحدة
ممكن تهدي ليهم اللوحة بتاعتك يعلقوها على جدران البيت الابيض
تحياتي مرة تانية

خمسة فضفضة يقول...

السلام عليكم ورحمة الله وبركاته

مدونة الدفاع

ان شاء الله اروح اقرا القصيده

واكيد طبعا احنا من الامم اللي رقصوا علي السلم لا احنا من الضعفاء ولا من الاقوياء وان كنا ما زلنا نتغني بامجاد 7 آلاف سنة من الحضاره واننا اول من علم الدنيا وغيرها من الاشياء التي نقولها لنكذب بها علي انفسنا ونستطيع ان نستمر في الحياه بدون خسائر في الارواح

تحياتي

خمسة فضفضة يقول...

السلام عليكم ورحمة الله وبركاته

ايمن

اهلا وسهلا
لا هما موجودين معانا بس بيحاولوا التخلص من الرعاع والحساله اللي قارفينهم في عيشتهم


شكرا علي ذوق حضرتك
تخياتي

خمسة فضفضة يقول...

السلام عليكم ورحمة الله وبركاته

د/ جيهان
اهلا بك نورتيني

اللهم آمين
يارب يا تهديهم يا تهدهم

تحياتي

خمسة فضفضة يقول...

السلام عليكم ورحمة الله وبركاته

استاذ ابو امل

اهلا بحضرتك
وشكرا علي ذوقك مدونتك اقل ما يقال عنهااكثر من رائعه

تحياتي

خمسة فضفضة يقول...

السلام عليكم ورحمة اله وبركاته

عادل

اهلا بيك

ليس من سبيل الصدفه ان يكون من اسماء الله العدل ، المنتقم ، والجبار

فالله سبحانه وتعالي يمهل ولا يهمل


تحياتي

خمسة فضفضة يقول...

السلام عليكم ورحمة الله وبركاته

د/ سمير

شكرا لحضرتك

لو عاوزينها يتفضلواها ، بس اكاد اجزم انهم يمتلكون من الصور والحقائق علي الظلم البين في انحاء العالم اكثر من هذه الصوره المتواضعه آلاف المرات

ولكنها امريكا التي لا تهتم الا بامريكا نفسها

فالي كل المظلومين في الارض ...لكم الله


تحياتي

shermen يقول...

السلام عليكم ورحمة الله وبركاته

القاعدة الذهبية بتاعتهم
مش عامل الناس كما تحب أن يعاملوك
لا طبعا



ده نظام
فرق تسد
هيه دي قاعدتهم الذهبيه
تحياتي القلبيه لك

sally يقول...

ur blog is wonderful i like ur way of thinking soooo much
believe me u r briliant
and the pictures u chose was really good

يا مراكبي يقول...

اللوحة الفسيفساء اللي متعلقة هناك متكونة من حتت فتافيت كتيرة جدا وملزقينها جنب بعض بالعافية

واللوحة اللي إنتي عايزة تهديها لهم عبارة عن حتة واحدة نتماسكة ومش متفتفتة

كلامي واضح طبعا .. ولا أنا بيتهيألي؟

BinO يقول...

واضح أن الذهب كان قشرة

وجع دماغ يقول...

متوقعين أيه من منظمة أقامتها الدول المنتصرة فى الحرب العالمية الثانية من أجل السيطرة على مقدرات كوكبنا المحروس
الأمر من البداية قايم على مبادىء وهمية وشعارات لا ينوى أحد تنفيذها

صاحب البوابــة يقول...

موضوع رائع ومميز

من قلب مبدع دائماً

لكنه يفتقد المنطقية في الطرح

لماذا يا عزيزي

لأن تلك العصابة التي تشكلت كانت بالإساس تجمعاً للمصالح

وتربيطاً لتقسيمات تتيح توزيع الثروات على الدول ( الاستعمارية ) التي عادت في ثوب امبريالي جديد , بشكل يضمن تحكم تلك الدول بمقدرات الشعوب التي تخضع لمنطق القوة

كالشعوب الضعيفة والدول المستضعفة

وهذا ما لا نجده في الدول القوية


فلا امريكا ولا اسرائيل مثلا تنفذان اي قرارات لتلك العصابة المتسترة تحت اسم براق

اسم

الأمم المتحدة

تحياتي لقلمك المبدع

عصفور المدينة يقول...

دكتورة
يوجد بوست عندي بعنوان آلية التشرد في المدونات
رجاء زيارته من الجميع وهو من توابع حملة حضرتك
ويوجد في التعليقات تعليق مفيد من علاء يمكن أخذ خطوات نحو تفعيله
يرجى الاهتمام

خمسة فضفضة يقول...

السلام عليكم ورحمة الله وبركاته

اهلا بحضرتك استاذ عصفور
شكرا علي اهتمامك وتمتابعتك للموضوع
وارجو منك ان تتقبل اسفي الشديد بسب انشغالي جدا هذه الايام
وانا رحت قريت الموضوع وعملت حساب علي البلوج لاين وبضيف فيه المدونات النظيفه تباعا واصلا انا عامله الحكاية دي في برنامج ديبو لقراءة المدونات ، ده حتي الصفحه بتاعه شبيهه جدا ببتاع البلوج لاين

وبالنسبة لاقتراح علاء فاروح ان شاء الله لموقع
http://google.com/coop/cse
وشوف الخطوات علشان نعمل محرك بحثي محصور علي المدونات النظيفه

وشكرا مره تانيه علي تعب حضرتك

خمسة فضفضة يقول...

ده اللينك الخاص ببرنامج ديبو

http://eldeebs.blogspot.com/2006/12/blog-post_01.html

وهاتلاقي لوجو للبرنامج في السيد بار عندي
اضغط عليه ها يوديك لمدونة الديب الاخ اللي ربنا يكرمه عامل البرنامج وهو برنامج مجاني

3adow azzolmah يقول...

عامل الناس كما يحب أن يعاملوك"نعم سنعامله كما يعاملونا سنعاملهم بالعبوات الناسفه بالعراق وبصواريخ ستنغر وسام بأفغانستان ...ونعم الماعمله...الغريب أننا مازلنا نستجديهم ونتذللهم ونتوسلهم أن يحمونا ويدافعوا عنا وهم أم البلاء الموضوع كبير جدا ويحتاج لكتب حتى نكتب مساوئ هذه المؤسسه الأمريكيه الصهيونيه..لكن لنجمع على أن هذا الملحق الأمريكى ماوجد الا لخدمة القوى العظمى الأمريكيه والا فلما سيفها مسلط على الضعفاء "سيف العقوبات الاقتصاديه وسيف الماده7 وسيف ..... وعندما يقف العم سام فان السيف يغمد سريعا !!!!!والا فان المسانده الماليه لهذه المؤسسه ستتوقف وسيصبح امينها شخص غير مرغوب فيه ...هل استطاعت ايقاف الحرب الأمريكيه على العراق هل استطاعت التحقيق فى جنين هل استطاعت ان تدافع عن الفلسطينيين البؤساء"مادام أختوهم قد شلت أياديهم"!!!!!لا لم تستطع بل قسمت فلسطين وفصلت تيمور الشرقيه عن اندونيسيا وشاركت الصرب الأندال فى مذابحهم ضد أهلنا بالبوسنه وأقصد مذبحة سربينيتشا وهاهم لايستطيعون أخذ ولو حتى حكم ذاتى!!!!!!!!!! لقد وضعت يدك بجرح يأبى ان يندمل...
------
الحمدلله ان لسه فيه سيدات وبنات فى مصرى لسه عايشين/وفقك الله أختنا الدكتوره/
------
اخوكم/عدو الظلمه
بالمناسبه دى أتمنى تدعولى أعدى امتحانات الترم ده من آخر سنه ...وأتمنى تزوروا مدونتى الجديده والمتواضعه.......
السلام عليكم ورحمة الله وبركاته...

خمسة فضفضة يقول...

السلام عليم ورحمة الله وبركاته

shermen
القواعد عندهم كثيره وتتلون حسب مصالحهم وكيف يستطيعون الحصول علي ما يريدون حتي لو قتلوا البشريه كلها بدم بارد

تحياتي لك ايضا نورتيني

خمسة فضفضة يقول...

السلام عليكم ورحمة الله وبركاته

سالي
شكرا علي ذوقك واهلا بك دائما هنا

نورتيني

خمسة فضفضة يقول...

السلام عليكم ورحمة الله وبركاته

باشمهندس احمد يا مراكبي
ايوه طبعا واضح
واهي مجرد شعارات بس علشان يضحكوا علي الناس
مش قادرين يعرفوا ان كذبهم خلاص ماعدش نافع
شكرا لحضرتك

خمسة فضفضة يقول...

السلام عليكم ورحمة الله وبركاته

باشمهندس بينو

وياريتوه حصل الذهب القشره
دا صفيح ولا يسوي تعريفه

تحياتي

خمسة فضفضة يقول...

السلام عليكم ورحمة الله وبركاته

وجع دماغ

ربنا يخلصنا منهم بقي
بس بادينا احنا مش بايد حد تاني ، وان شاء الله النصر قريب

"أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْا مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللَّهِ أَلا إِنَّ نَصْرَ اللَّهِ قَرِيبٌ"

صدق الله العظيم

نورتني

خمسة فضفضة يقول...

السلام عليكم ورحمة الله وبركاته

صاحب البوابة

شكرا علي ذوقك

والله عارفه الكلام كويس وحفظاه عن ظهر قلب
بس اعمل ايه لو ما فضفضتش هاطق

امال انا عامله المدونة دي ليه ..؟؟؟

معلش بقي استحملوني


تحياتي لحضرتك و كل سنة والبوابة وصاحب البوابه بخير

خمسة فضفضة يقول...

السلام عليكمورحمة الله وبركاته

عدو الظلمه

انت كده جبت من الآخر ولميت الموضوع كله في كلمتين


شكرا علي ذوقك
ويارب تيجي الامتحانات سهله و ربنا ينجحك فيها ان شاء الله

تحياتي

القرآن الكريم